Yangiliklar

Xitoyning Shenchjen shahrida joylashgan Feiyang Times binosi «o‘g‘irlangan iPhone binosi» sifatida tanilmoqda. Bu haqda Financial Times nashri xabar bermoqda.

Bu yerda turli mamlakatlardan, jumladan, Nyu-York, Los-Anjeles va London kabi shaharlardan o‘g‘irlangan iPhone qurilmalari to‘planib, keyinchalik ehtiyot qismlarga ajratiladi.

Bir jabrlanuvchi o‘zining qurilmasi Londondan 10 ming km masofani bosib o‘tib Shenchjendagi ushbu binoga yetib kelganini aniqlagan.

Qurilma Londondan bir nechta yo‘llar bilan Gonkongga, undan esa Shenchjenga yetkazilgan.

Feiyang Times binosi mahalliy aholi orasida «o‘g‘irlangan iPhone bozori» deb ataladi. Bu yerda sotilayotgan qurilmalarning ko‘pchiligi rasmiy modellar bo‘lib, g‘arbiy foydalanuvchilar tomonidan yangilanish vaqtida operatorlarga yoki telefon do‘konlariga topshirilgan. Biroq ko‘plab qurilmalar...

«Uzbekistan Airways» AJ 2025-yilning I choragida 49,6 mlrd so‘m sof foyda ko‘rsatdi. Bu ko‘rsatkich 2024-yilning shu davriga nisbatan 19,3 foizga kam (61,4 mlrd so‘m). Bu ma’lumotlar tashkilot hisobotida e’lon qilingan.

Kompaniyaning sof tushumi 3,8 trln so‘mdan oshib, 12,3 foizga o‘sdi. Shunga qaramay, yalpi foyda 38 foizga kamayib, 171,2 mlrd so‘mni tashkil etdi.

Moliyaviy ko‘rsatkichlarga ko‘ra:

Avvalroq «Kursiv» nashri ichki parvozlarda chiptalar narxi pasayishi mumkinligi haqida yozgandi.

Air Samarkand aviakompaniyasi Toshkentdan Tbilisiga to‘g‘ridan to‘g‘ri reyslarni yo‘lga qo‘ydi. Shuningdek, Batumi va Boku yo‘nalishlarida parvozlarni boshlashga tayyorlanmoqda. Bu haqda aviakompaniya matbuot xizmati Kursiv Uzbekistan’ga xabar berdi.

Tbilisiga birinchi reys 18-may kuni amalga oshirildi. Endi ushbu yo‘nalishda parvozlar har seshanba va payshanba kunlari bajariladi. Batumiga to‘g‘ridan to‘g‘ri reyslar 9-iyundan boshlanadi. Reyslar dushanba, seshanba va shanba kunlari parvoz qiladi.

Ikkala yo‘nalish ham Air Samarkand hamda EasyBooking turoperatori hamkorligida yo‘lga qo‘yilmoqda.

Shuningdek, 6-iyundan boshlab aviakompaniya Toshkentdan Boku shahriga to‘g‘ridan to‘g‘ri parvozlarni amalga oshiradi. Samolyotlar seshanba va payshanba kunlari Toshkentdan, juma kuni esa Samarqanddan uchadi.

«Yangi yo‘nalishlar sayohatchilarning qiziqishlari...

Qashqadaryo viloyatining Ko‘kdala tumanida erta pishar tarvuzlar Qozog‘iston, Qirg‘iziston va Rossiyaga eksport qilinmoqda. Bu haqda tuman matbuot xizmati xabar qildi.

Joriy yilda tumanda tarvuz yetishtiriladigan maydonlar kengaytirilib, 15 ming gektardan 22 ming gektarga yetkazildi. Shundan 10 ming gektariga eksportbop «Dolbi» navli tarvuz ekilgan.

Bu nav suvsizlik va jazirama issiqliklarga chidamliligi, hosildorligi va eksportga yaroqliligi bilan ajralib turadi va bu nav ancha erta pishadi.

Ayni paytga qadar Qashqadaryodan deyarli 2 ming tonnaga yaqin tarvuz eksport rejimida rasmiylashtirilgan. Jumladan, 15-maydan 20-may kuniga qadar 839 tonna tarvuz Qozog‘istonga, 1437 tonna tarvuz esa Rossiyaga eksport qilindi.

Shuningdek, o‘tgan hafta davomida...

Chevrolet brendi o‘rta klassdagi avtomobillarni mintaqa ichki yo‘llari va talabiga qarab ishlab chiqarishi bilan ham ommalashgan. Chevrolet Cobalt O‘zbekiston va Markaziy Osiyo bozorida sotilishi bilan mashhur bo‘lsa, Chevrolet Cruze Lotin Amerikasida yaqqol yetakchilardan biri bo‘lgan. Xo‘sh, bu ikki avtomobil bir-biri bilan qanday farq qiladi? Kursiv Uzbekistan tomonidan Chevrolet Cobalt va Cruze avtomobillari taqqoslandi.

Bu maqoladan quyidagilarni bilib olasiz:

Tashqi dizayn

Chevrolet Cobalt oddiy va ixcham sedan. Old panjarasi va optikasi soddaligi bilan ajralib turadi. Asosan amaliyotga qaratilgan. Chevrolet Cruze zamonaviyroq va sportga yaqin ko‘rinishga ega...

OpenAI kompaniyasi Apple’ning sobiq dizayneri Joni Ayv asos solgan io startapini sotib oldi. Bu haqda The Wall Street Journal (WSJ) xabar berdi.

OpenAI bosh direktori Sem Altmanning so‘zlariga ko‘ra, yangi qurilma inson va sun’iy intellekt (SI) o‘rtasidagi o‘zaro aloqani qayta ko‘rib chiqadi, uni yanada qulay va intuitiv qiladi. Ushbu gadjet smartfon, kompyuter va boshqa tanish qurilmalardan keskin farq qiladi.

«Umid qilamanki, biz Apple kompyuteridan ilk marta foydalanganimdagi hayrat, ilhom va ijodiy ruhni yana uyg‘ota olamiz», – dedi Sem Altman.

OpenAI gadjetni 2026-yilda taqdim etishni rejalashtirmoqda. Dastlabki bosqichda uni kamida 100 million foydalanuvchiga sotish ko‘zda...

21-may kuni Xitoyning eng yirik portlaridan biri hisoblangan Tyanjin portidan O‘zbekistonga birinchi yuk poyezdi yo‘lga chiqdi. Bu haqda «O‘zbekiston temir yo‘llari» xabar berdi.

Tyanjin porti hozirda dunyoning 180 ta mamlakatidagi 400 dan ortiq portlar bilan savdo aloqalarini yo‘lga qo‘ygan.

Yangi ochilgan Tyanjin – Toshkent temir yo‘l yo‘lagi esa yuk tashish masofasini 800 km.ga qisqartirib, yetkazib berish muddatini kamaytiradi. Shuningdek, transport xarajatlarini sezilarli darajada pasaytiradi.

Avvalroq Kursiv Uzbekistan Pekindan Toshkentga temir yoʻl yoʻnalishi ochilgani haqida yozgandi.

Shu yilning 1-sentabridan boshlab Rossiyaning Moskva shahri va Moskva viloyatida xorijiy migrantlar ustidan nazorat kuchaytiriladi. Bu haqda «Kommersant» nashri xabar berdi.

Eksperiment doirasida migrantlar maxsus mobil ilova orqali o‘z joylashuvini politsiyaga yetkazib borishga majbur bo‘ladi.

Ilovadan foydalanish uchun migrantlar daktiloskopiya (barmoq izlari) topshiradi, biometrik fotosurat joylashtiradi hamda haqiqiy yashash manzilini kiritadi. Shuningdek, mobil ilovani yuklab olib, geolokatsiyani yoqib qo‘yishi kerak.

Ilovadan foydalanishdan bo‘yin tovlagan shaxslar «nazorat ostidagi shaxslar» ro‘yxatiga kiritilib, Rossiyadan deportatsiya qilinadi.

Ilovani o‘rnatish va ro‘yxatdan o‘tish Saxarovodagi ko‘p tarmoqli migratsiya markazi orqali amalga oshiriladi. Shuningdek, yashash manzili o‘zgargan taqdirda, bu haqda 3 ish kuni ichida Rossiya Ichki...

Google 2025-yil iyun oyida chiqariladigan Android 16 tizimida o‘g‘irlangan smartfonlarni butunlay bloklab qo‘yadigan yangi xavfsizlik choralarini joriy etmoqda.

Factory Reset Protection (FRP) tizimining yangilangan versiyasi telefonni egasining Google hisobisiz tiklashni imkonsiz qiladi – qurilma hatto zavod sozlamalariga qaytarilganda ham foydalanib bo‘lmaydigan «g‘ishtga» aylanadi.

Bu yangilik The Android Show: I/O Edition tadbirida taqdim etildi. Namoyish qilingan misollarga ko‘ra, agar telefonni sozlamalar orqali yoki maxsus tugmalar yordamida tiklashga urinish shubhali deb topilsa, tizim uni avtomatik bloklaydi. Uni faqat oxirgi parol yoki bog‘langan Google akkaunti yordamida ochish mumkin bo‘ladi.

Shuningdek, bloklangan holatda ekranda maxsus xabar paydo bo‘lib, qurilmaning qulflangani haqida ogohlantiradi. Bu...

Alcatel V3 5G seriyasiga Classic, Pro va Ultra variantlari kiradi va ular faqat Flipkart orqali sotuvga chiqariladi. Bu haqda Gadgets360 nashri ma’lum qildi.

Alcatel kompaniyasi yangi V3 smartfonlar seriyasi taqdimot sanasi va texnik jihatlarini oshkor etdi. Yaqinlashayotgan taqdimotning asosiy modeli V3 Ultra bo‘ladi. Bu model displeyi bilan vizual tarzda elektron kitobga o‘xshaydi. Lekin IPS-panelga xos xususiyatlarni saqlab qoladi.

Alcatel V3 Ultra 5G 6,8 dyuymli Full HD+ displey, 120 Gts yangilanish chastotasi, NXTPAPER aksga qarshi qoplama bilan ishlangan. Asosiy yangiliklardan biri esa smartfon qulay o‘qish uchun «qog‘oz» rejimiga ega bo‘ladi. Protsessor modeli rasman aytilmagan (taxminlarga ko‘ra, Dimensity 6300 bo‘lishi mumkin...

Chery kompaniyasi tomonidan Chevrolet Tracker’dan arzon Chery iCar V23 avtomobili taqdim etiladi. Bu haqda CarNewsChina nashri xabar bermoqda.

Chery iCar V23 ishlab chiquvchilari uni Mercedes-Benz, Land Rover va Toyota’ning dunyoga mashhur modellari bilan taqqoslamoqda. Avtomobil o‘zgacha dizayn, yashirin eshik tutqichlari va kengaytirilgan g‘ildirak kamari bilan jihozlangan. Avtomobilning orqa tomonida tashqi saqlash qutisi bilan yonma-yon ochiladigan yuk eshigi mavjud.

Yagona dvigatelli versiya 100 kVt quvvatga ega dvigatel va litiy-temir-fosfat batareyasini olgan. Ikki dvigatelli tizimda 100 kVt (134 ot kuchi) va 55 kVt (74 ot kuchi) dvigatellar mavjud. Ular uch karrali lityum batareyadan quvvatlanadi.

Avtomobillarini almashtirmoqchi bo‘lganlar uchun Chery iCar...

O‘zbekistonda sog‘liqni saqlash tizimida tajriba-sinov loyihasi doirasida birlamchi tibbiy yordam ko‘rsatadigan tibbiyot xodimlariga qo‘shimcha ustamalar belgilandi. Bu haqda Adliya vazirligi ma’lum qildi.

Unga ko‘ra, sayyor xizmat ko‘rsatuvchilarga bazaviy stavkaning 50 foizi, ortiqcha aholi biriktirilganlik uchun qo‘shimcha ustama hamda maxsus kurslarni tamomlaganlarga bazaviy stavkaning 100 foizigacha ustama to‘lanadi.

Tuman va shahar markaziy shifoxonalari shifokorlarining maoshlari 20 foizga, o‘rta tibbiyot xodimlariniki esa 10 foizga oshiriladi. Shuningdek, ish samaradorligi ko‘rsatkichlari (KPI) asosida ustama ham joriy etiladi.

Tibbiyotni boshqarish bo‘yicha sertifikatga ega bo‘lgan rahbarlar ham qo‘shimcha ustamalar bilan rag‘batlantiriladi. Sertifikatga ega rahbarlarga 100 foizgacha, o‘rinbosarlarga 80 foiz, bosh hamshiralarga esa 50 foiz ustama...

2024/25-yilgi mavsum Yevropa ligasi finali Ispaniyaning Bilbao shahridagi «San-Mames» stadionida yakunlandi. Unda Londonning «Tottenhem» jamoasi «Manchester Yunayted» ustidan 1:0 hisobida g‘alaba qozonib, o‘z tarixidagi uchinchi yevrokubokni qo‘lga kiritdi.

Uchrashuvning yagona goli 42-daqiqada kiritildi. Pape Sarr chap qanotdan uzatma amalga oshirdi, Brennan Jonson birinchi urinishda to‘pga tegmadi, biroq Luk Shoudan rikoshetdan so‘ng to‘pni darvozaga yo‘llay oldi. Bu gol final o‘yinida hal qiluvchi bo‘ldi.

Ikkinchi bo‘lim davomida «Manchester Yunayted» ustunlikka ega bo‘ldi. Jamoa bosh murabbiyi Amorim bir necha hujumkor almashtirishlarni amalga oshirdi – maydonga Garnacho, Hyoylunn va Dalot tushirildi. Ayniqsa, Garnacho faol harakat qildi – u 75-daqiqada jarima maydonchasining chap tomonidan kuchli...

Toshkent shahrining Yunusobod tumanida fuqaro AQShda istiqomat qiluvchi qarindoshi bilan kelishgan holda, ikki nafar fuqaroni Amerikaga yuborish evaziga $22,5 ming olgan paytda qo‘lga olingan. Bu haqda Bosh prokuratura huzuridagi Departament ma’lumotga berdi.

Xabarga ko‘ra, fuqarolarni Yevropa hamda Meksika orqali Amerikaga yuborish va’da qilingan.

Shunga o‘xshash holat Bektemir tumanida ham aniqlangan. Unda yana bir fuqaro ikki nafar boshqa shaxsni Yaponiyaga ishga yuborishini aytib, $2 ming olgan vaqtida ushlangan.

Ayni paytda ushbu voqealar yuzasidan jinoyat ishi qo‘zg‘atilib, tergov harakatlari olib borilmoqda.

Avvalroq «Kursiv» nashri o‘zbekistonlik ayol Hindistonda odam savdosi qurboniga aylanishdan saqlab qolingani haqida yozgan edi.

Google I/O 2025 konferensiyasida kompaniya hammuassisi Sergey Brin Google Glass aqlli ko‘zoynaklarining muvaffaqiyatsiz chiqishiga sabab bo‘lgan xatolarni tan oldi. Uning so‘zlariga ko‘ra, mahsulot ishlab chiqish jarayonida iste’molchi elektronikasining ta’minot zanjiri haqida yetarli bilimga ega bo‘lmagan.

Brin, shuningdek, hozirgi kunda AI texnologiyalarining rivojlanishi bilan aqlli ko‘zoynaklar segmentining yangi imkoniyatlarga ega bo‘layotganini ta’kidladi. U, ayniqsa, real vaqt rejimida tarjima qilish funksiyasiga ega bo‘lgan yangi prototipni misol keltirdi.

Google Glass dastlab 2014-yilda taqdim etilgan bo‘lib, ommaviy bozorda kutilgan muvaffaqiyatga erisha olmagan. Biroq u korporativ sektorda o‘z o‘rnini topgan. Hozirda kompaniya AI asosidagi yangi aqlli ko‘zoynaklar ustida ish olib bormoqda.

Ma’lumot o‘rnida...

2025-yilning birinchi choragi yakunlariga ko‘ra, Xitoyda yig‘ilgan eng sifatli benzinli krossover – SAIC tomonidan ishlab chiqarilgan Audi Q6 deb topildi. Bu haqda «Kitayskiye avtomobili» nashri ma’lum qildi.

Xitoy avtomobillar sifati tarmog‘i e’lon qilgan reytingga ko‘ra, Audi Q6 faqat 140 jarima ball to‘plab, 175 ta model ichida eng yuqori o‘rinni egalladi. Ajablanarlisi reytingdan Xitoyda ishlab chiqarilgan avtomobillar o‘rin olmadi.

Shuningdek, Honda’ning ikki modeli – Dongfeng Honda UR-V (142 ball) va XR-V (143 ball) mos ravishda ikkinchi va uchinchi pog‘onalarni band etdi. Eng kuchli beshlikni FAW tomonidan yig‘ilgan Audi Q2L (145 ball) va GAC ishlab chiqargan Honda Avancier (146 ball) yakunladi.

Ekologiya, atrof-muhitni muhofaza qilish va iqlim o‘zgarishi vazirligi hamda Xitoy Fanlar akademiyasi hamkorligida Toshkentda Markaziy Osiyo ekologiya va atrof-muhitni o‘rganish ilmiy-tadqiqot markazi (Tashkent Headquarter) tashkil etiladi. Bu haqda Ekologiya vazirligi ma’lum qildi.

Unga ko‘ra, mazkur markaz Green University negizida faoliyat yuritadi va ilmiy tadqiqotlar, malakali kadrlar tayyorlash, texnologiyalar almashinuvi va barqaror rivojlanishni targ‘ib qilish bo‘yicha mintaqaviy platforma bo‘ladi.

Uchrashuv yakunida O‘zbekiston tomondan vazir Aziz Abduhakimov, xitoylik hamkorlar tomonidan esa CAS XIEG bosh direktori professor Chjan Yuanmin o‘zaro anglashuv memorandumini imzoladi. Hujjat ekologik sohadagi hamkorlikni yanada chuqurlashtirish va iqlim o‘zgarishiga qarshi kurashda birgalikda harakat qilishni nazarda tutadi.

Eslatib o‘tamiz, avvalroq...

Davlat aktivlarini boshqarish agentligi xabariga ko‘ra, «Avtooyna» MCHJ ustav kapitalidagi 100% davlat ulushini xususiylashtirish bo‘yicha 200,5 mlrd so‘mlik bitim imzolandi.

Xususiylashtirish doirasida 8 nafar xalqaro va mahalliy investorlar sotib olish bo‘yicha ariza topshirdi. Ammo keyingi bosqich – majburiyatga ega bo‘lgan takliflar (BO) belgilangan muddatda 4 nafar investor tomonidan taqdim etildi. Eng yuqori narxni «Uet Invest» MChJ taklif qilib, savdo g‘olibi deb topildi. Kompaniya aktivni 200,5 mlrd so‘m evaziga sotib oladi. Bitimga ko‘ra, xaridor to‘lovning dastlabki 35 foizini bir oy ichida amalga oshirishi lozim.

Shuningdek, xaridor quyidagi majburiyatlarni o‘z zimmasiga oldi:

Prezidentning 2025-yil 19-maydagi farmoniga muvofiq, aholiga birlamchi tibbiy-sanitariya yordami ko‘rsatishning xalqaro tajribaga asoslangan yangi modeli joriy etiladi.

Yangi tizim doirasida:

2025-yil 1-iyuldan tanlab olingan hududlarda, 2026-yil 1-yanvardan esa Samarqand viloyatining barcha tuman va shaharlarida tajriba-sinov asosida joriy etiladi.

Loyiha doirasida har bir tuman (shahar)da sog‘liqni saqlash bo‘limlari tashkil etiladi va ularning faoliyati tibbiyot birlashmalari negizida yo‘lga qo‘yiladi.

Avvalroq Kursiv Uzbekistan mamlakatda bolalar saratoniga qarshi kurash strategiyasi qabul qilingani haqida xabar bergan edi.

O‘zbekistondagi UzNex kriptobirjasida Trump ($TRUMP) tokeni savdoga qo‘yildi. Bu haqdagi ma’lumotlar birja saytida paydo bo‘ldi.

Token bo‘yicha savdolar va pul yechib olish jarayonlari bugun 22-may kuni Toshkent vaqti bilan soat 13:00 da boshlanadi. Depozit joylashtirish esa soat 11:00 da start oladi.

Ma’lumot uchun, $TRUMP — AQSh prezidenti Donald Tramp bilan bog‘liq memecoin. U 2025-yil 17-yanvar kuni, Trampning prezident sifatida lavozimini bajarishga kirishish oldidan o‘tkaziladigan marosimdan uch kun oldin Solana blokcheynida ishga tushirildi.

Dastlab 1 milliard token yaratilgan bo‘lib, 200 millioni ommaga Initial Coin Offering (ICO) orqali sotuvga chiqarildi, qolgan 800 million token Trampga tegishli ikki kompaniya...

Toshkent viloyatidagi uylardan birida yo‘lbars va yettita piton noqonuniy boqqan shaxs aniqlandi. Bu haqda Ekologiya vazirligi xabar bermoqda.

O‘tkazilgan reyd davomida Toshkent tumani, «Tutzor» MFYda yashovchi fuqaro tomonidan yashash xonadonida noqonuniy ravishda 1 dona Аmur yo‘lbarsi va 7 dona yo‘lbarssimon piton ilonlari saqlanayotgani ma’lum bo‘ldi.

Yovvoyi hayvonlar Toshkent hayvonot bog‘iga topshirildi. Bosh prokuratura tomonidan holatga huquqiy baho berilmoqda. 

Eslatib o‘tamiz, Kursiv Uzbekistan nashri Orol tubida sho‘rlanishga chidamli gigant qamish sinovdan o‘tkazilgani haqida yozgan edi.

Farg‘ona shahrida joylashgan umumiy ovqatlanish shoxobchasi tomonidan 586,4 mln so‘mlik tabiiy gazdan noqonuniy foydalanilgan holat aniqlandi. Bu haqda Bosh prokuratura huzuridagi Departament ma’lum qildi.

Departamentning Farg‘ona viloyati boshqarmasi o‘tkazgan tergovga qadar tekshiruv natijasiga ko‘ra, MChJ mas’ul shaxslari gaz tarmog‘iga oshxona uskunalarini o‘zboshimchalik bilan to‘g‘ridan to‘g‘ri ulab, tabiiy gazdan ruxsatsiz foydalangan.

Mazkur holat yuzasidan Jinoyat kodeksining 169-moddasi (o‘g‘rilik) bo‘yicha jinoyat ishi qo‘zg‘atilib, tergov harakatlari olib borilmoqda.

Eslatib o‘tamiz, avvalroq Nukusda 3,4 mlrd soʻmlik gaz oʻgʻirlangani haqida yozgan edik.

Rossiya prezidenti maslahatchisi Anton Kobyakov Sankt-Peterburg xalqaro huquqiy forumida SSSR parchalanishi huquqiy jihatdan to‘g‘ri amalga oshmaganini aytdi. Bu haqda «Agentstvo Novosti» xabar berdi.

Uning fikricha, Sovet Ittifoqi Xalq deputatlari qurultoyi tomonidan tuzilgan va uni faqat shu organ tarqatishi mumkin edi. Biroq bunday rasmiy qaror bo‘lmagan, shu bois huquqiy nuqtai nazardan SSSR hanuz mavjud hisoblanadi.

Kobyakovning ta’kidlashicha, agar SSSR huquqiy jihatdan hanuz mavjud bo‘lsa, Ukraina urushi «ichki jarayon» deb qaralishi mumkin. U SSSR parchalanishiga konstitutsiyaviy huquq mutaxassislari tomonidan baho berilishi zarurligini qo‘shimcha qildi. Bu fikr Rossiyada faoliyat yuritgan «SSSR fuqarolari» harakati g‘oyalariga o‘xshab ketadi. Mazkur harakat 2022-yilda ekstremistik tashkilot deb...

Shavkat Mirziyoyev rasmiy tashrif bilan Sloveniya poytaxti Lyublyanaga yetib bordi. Bu haqda davlat rahbari matbuot xizmati ma’lum qildi.

Tashrif Sloveniya prezidenti Natasha Pirs Musarning taklifiga binoan amalga oshirildi. Aeroportda davlatimiz rahbarini bosh vazir o‘rinbosari – Tashqi ishlar vaziri Tanya Fayon va boshqa rasmiylar tantanali tarzda kutib oldi. Shuningdek, ikki mamlakat bayroqlari ko‘tarildi va faxriy qorovul saf tortdi.

Tashrif doirasida Shavkat Mirziyoyev Sloveniya prezidenti bilan muzokaralar o‘tkazadi, parlament va hukumat vakillari bilan uchrashadi hamda qo‘shma biznes forumda ishtirok etadi. Uchrashuvlarda savdo-iqtisodiy hamkorlikni kengaytirish, sanoat, qishloq xo‘jaligi, farmatsevtika, elektrotexnika, «yashil» energetika kabi yo‘nalishlarda loyihalarni amalga oshirish masalalari muhokama qilinadi. Shuningdek, mehnat...