Yangiliklar

Bugun, 4-fevral kuni Elit chempionlar ligasi yettinchi tur doirasida Toshkentning «Paxtakor» jamoasi Dohada Qatarning «Al-Garafa» klubi mehmoni boʻladi. Kursiv Uzbekistan mazkur uchrashuv haqida futbol mutaxassisi Alisher Nikimbayev bilan suhbatlashdi.

«Yanvar oyida Qatar chempionatida davra oʻyinlari boshlandi. “Al-Garafa» allaqachon bir nechta oʻyin oʻtkazishga ulgurdi va kuchli toʻrtlikdan joy olib turibdi. Jamoa keyingi yilgi Elit chempionlar ligasida ishtirok etish uchun yaxshi imkoniyatlarga ega. «Paxtakor» esa hozirda yangi mavsumga tayyorgarlik koʻrmoqda. Soʻnggi rasmiy oʻyinni dekabr oyida oʻtkazgan. Oʻrtoqlik oʻyinlari orqali jamoaga xolis baho berish qiyin, lekin jamoaning yana gol ura olmasligi xavotirga solmoqda. Shundan kelib chiqib «Al-Garafa»ning imkoniyatlari...

Bugun Toshkent metropoliteni vagon parkini boyitish maqsadida yana uchta yangi zamonaviy metro poyezdlari olib kelindi. Bu haqda «Toshkent metropoliteni» DUK ma’lum qildi.

Yangi harakat tarkiblari belgilangan yo‘riqnomaga muvofiq, 7 – 10 kun davomida sinovdan o‘tkaziladi. Texnik tekshiruvlar yakunlanganidan so‘ng ular muntazam yo‘nalishlarga chiqarilib, Toshkent metropolitenida xizmat ko‘rsata boshlaydi.

Bundan tashqari, joriy yilning fevral oyi davomida yana shu turdagi uchta metro poyezdi olib kelinishi rejalashtirilgan.

Avvalroq Kursiv Uzbekistan Toshkent metropoliteni 270 milliondan ortiq yo‘lovchilarga xizmat ko‘rsatgani haqida xabar bergan edi.

Foto: anitasstudio / www.depositphotos.com

Oʻzbekiston 2024-yil yanvar – dekabr oylarida xorijga 85,7 ming tonna xurmo eksport qilgan. Ushbu mahsulotning umumiy qiymati 57 million dollarni tashkil etgan. Bu haqda Statistika agentligi xabar berdi.

Eng ko‘p xurmo eksport qilingan davlat Rossiya bo‘lib, 64,3 ming tonna xurmo yetkazib berilgan. Qozog‘istonga esa 15,3 ming tonna xurmo eksport qilingan. Turkmaniston (3,3 ming tonna), Qirg‘iz Respublikasi (1,7 ming tonna) va boshqa davlatlar (deyarli 1 ming tonna) ham O‘zbekistondan xurmo sotib olgan.

Avvalroq Kursiv Uzbekistan qalampir eksporti 2024-yilda $8,9 mln.ni tashkil etgani haqida xabar bergan edi.

Joriy yilning yanvar oyi oxirida Olimjon Zokirov Uzcard ijrochi direktori lavozimidan ketgan edi. Xabar kompaniya saytida e’lon qilindi.

Zokirov Uzcardʼdan ketganidan soʻng toʻlov tizimi va boshqa kompaniyalarni boshqaradigan UCMG’ga oʻtdi. U yerda Zokirov tijorat direktori lavozimida ishlaydi.

Uzcard kompaniyasi manfaatlarini UCMG bosh direktori David Melikidze himoya qilishini ta’kidladi.

Eslatib oʻtamiz, toʻlov tizimi mamlakatimiz moliya sektoriga sun’iy intellektni joriy etishni rejalashtirmoqda.

Avvalroq Kursiv Uzbekistan Uzcard Qirgʻizistonning «Elkart» tizimi bilan integratsiyalashuvni rejalashtirayotgani haqida yozgan edi.

Oliy Majlis Qonunchilik palatasining navbatdagi majlisida iste’molchilarning huquqlarini himoya qilishga yo‘naltirilgan qonun loyihasi ikkinchi o‘qishda moddama-modda ko‘rib chiqildi.

Ushbu qonun loyihasi sotuvchilarga tovarni belgilangan muddatlarda topshirmaganlik uchun penya to‘lash majburiyatini yuklaydi. Sotuvchi tovarni yetkazib berishda kechiktirilgan har bir vaqt birligi (kun, soat, daqiqa) uchun 0.5% penya toʻlanishi belgilanmoqda.

Penya summasi yetkazib berilmagan tovarlarning bahosidan ortiq bo‘lmasligi, sotuvchining to‘lovni amalga oshirishi shartnoma majburiyatlarini buzganligini yengillashtirmasligi belgilangan.

Bunday holatlarda agar sotuvchi tovarlarni yetkazib berish muddatining kechikishini iste’molchining aybi bilan bog‘lashga muvaffaq bo‘lsa, penya to‘lashdan ozod qilinishi mumkin.

Majlisda qonun loyihasining ikkinchi o‘qishga tayyorlash jarayonida mas’ul qo‘mita tomonidan o‘tkazilgan yig‘ilishlar...

Toshkent shahri Shayxontohur tumanida faoliyat yuritgan hokim yordamchisi tomonidan jami 635,4 mln so‘mlik kredit mablag‘lari talon-toroj qilingani aniqlandi. Bu haqda Bosh prokuratura ma’lum qildi.

Ma’lum qilinishicha, u 20 nafar fuqaro nomiga elektron tarzda tavsiyanomalar bergan va ulardan foydalanib, 427,7 mln so‘mlik kredit mablag‘larini qo‘lga kiritgan. Ushbu mablag‘lar oilaviy tadbirkorlikni rivojlantirish, hunarmandchilik, kasanachilik, tomorqadan foydalanish va boshqa faoliyatlarni yo‘lga qo‘yish o‘rniga shaxsiy ehtiyojlariga sarflab yuborilgan.

Shuningdek, yordamchi o‘zining qarindoshlari va mahallada yashamagan boshqa 5 nafar fuqaroga qalbaki tavsiyanomalar orqali 207,7 mln so‘mlik kredit ajratilishiga erishib, ushbu mablag‘larni o‘zlashtirish yo‘li bilan talon-toroj qilgan.

Hozirda mazkur holat bo‘yicha Jinoyat kodeksining 168-moddasi...

Samsung tez orada Galaxy S21 smartfonlari uchun oylik xavfsizlik yangilanishlarini bekor qiladi. Kompaniyaning qaroriga ko‘ra, Galaxy S21, S21+ va S21 Ultra modellari bundan buyon faqat har chorakda yangilanadi.

Shunga qaramay yaqin orada smartfonlari uzoq kutilgan Android 15 texnologiyasiga ega boʻladi. Kuzatuvchilarning fikricha, foydalanuvchilar jadval o‘zgarishidan oldin yana bir yoki ikki oylik xavfsizlik yangilanishini olishi mumkin. Shundan so‘ng Samsung qurilmalarni yiliga to‘rt marta yangilash tizimiga o‘tadi.

Biroq Galaxy S21 FE modeli hozircha oylik yangilanishlarni olishda davom etadi, chunki u seriyaning boshqa modellaridan bir yil keyin chiqarilgan.

Avvalroq Kursiv Uzbekistan Samsung’ning Galaxy S25 seriyasi barcha smartfonlari Wi-Fi 7 standartini qo‘llab-quvvatlashi...

Raqobat qo‘mitasi 2024-yilda yuqori likvidli va monopol mahsulotlarning birja savdolarida sotilishida ayrim tadbirkorlik subyektlari tomonidan manipulyatsiya holatlari sodir etilganini aniqladi. Bu haqda qo‘mita matbuot xizmati ma’lum qildi.

Kunlik belgilangan hajmda mahsulotni birjaga qo‘ymaslik va savdo grafiklariga rioya qilmaslik kabi qonunbuzarliklarga quyidagi korxonalar yo‘l qo‘ygan:

Hududiy boshqarma maxsus komissiyasi tomonidan ushbu kompaniyalarga nisbatan ish qo‘zg‘atilib, «Raqobat to‘g‘risida»gi Qonunning 29-moddasi va Vazirlar Mahkamasining 170-sonli qaroriga muvofiq...

«Oziq-ovqat xavfsizligi to‘g‘risida»gi yangi qonun qabul qilindi. Ushbu qonun oziq-ovqat xavfsizligi sohasidagi munosabatlarni tartibga solish, aholining oziqlanish xavfsizligini ta’minlash va samarali bozor mexanizmlarini shakllantirishga qaratilgan.

Mazkur qonun aholining oziqlik qimmatiga ega bo‘lgan oziq-ovqat mahsulotlari bilan xavfsiz ovqatlanishini ta’minlash uchun tatbiq etiladi. Shuningdek, u oziq-ovqat mahsulotlari va xomashyosini ishlab chiqarishni yanada samarali tashkil qilishga xizmat qiladi.

Oziq-ovqat xavfsizligini ta’minlashda bir qancha davlat organlari faoliyat yuritadi. Vazirlar Mahkamasi ushbu sohada yagona davlat siyosatini amalga oshiradi va oziq-ovqat mahsulotlari tanqisligi yuzaga kelganda tezkor choralarni ko‘rish uchun mas’uldir. Qishloq xo‘jaligi vazirligi esa oziq-ovqat xavfsizligi bo‘yicha vakolatli davlat organi hisoblanadi.

Davlat tomonidan qo‘llab-quvvatlashning asosiy...

1954-yilda ishlab chiqarilgan noyob poyga avtomobillaridan biri Mercedes-Benz W196 R Streamliner Shtutgartdagi auksionda $52,7 mlnga sotildi. Bu avtomobil auksion tarixidagi ikkinchi eng qimmat avtomobil sifatida qayd etildi. Bu haqda motor1 nashri ma’lum qildi.

Eng qimmat avtomobil rekordi hali ham Mercedes-Benz kompaniyasiga tegishli bo‘lib qolmoqda. 2022-yilda 300 SLR Uhlenhaut Coupe modeli $143 mlnga sotilgan edi.

Streamliner shassi № 00009/54 ilgari Indianapolis Motor Speedway muzeyiga tegishli bo‘lgan. Ushbu muzeyga avtomobilni Mercedes-Benz kompaniyasi 1965-yilda sovg‘a qilgan edi. Avtomobil 1955-yilda Argentinadagi musobaqalarda debyut qilgan.

Uning texnik xususiyatlari ham e’tiborga loyiq. Kapoti ostida 3,0 litr hajmdagi M196 dvigateli joylashgan bo‘lib, u besh bosqichli mexanik...

Germaniya kansleri Olaf Shols AQSh prezidenti Donald Trampning Ukrainaga yordam evaziga noyob yer metallari yetkazib berish talabini tanqid qildi. Bu haqda DW nashri ma’lum qildi.

Uning fikricha, bu resurslar Kiyevning o‘ziga mamlakatni tiklash uchun kerak bo‘ladi.

Tramp esa Ukrainaga moliyaviy ko‘makni davom ettirish sharti sifatida AQShga noyob metallar yetkazib berishni taklif qilganini ta’kidladi. Ukraina prezidenti Vladimir Zelenskiy esa G‘arb davlatlariga ushbu resurslarni ta’minlash rejasini ilgari surgan edi.

Eslatib o‘tamiz, avvalroq AQSh Meksikaga bojlarni vaqtincha bekor qilgani haqida yozgan edik.

O‘zbekiston prezidenti Shavkat Mirziyoyev Malayziya Bosh vaziri Anvar Ibrohimning taklifiga binoan 4-fevral kuni rasmiy tashrif bilan Malayziyaga jo‘nab ketdi. Bu haqda davlat rahbari matbuot xizmati ma’lum qildi.

Tashrif dasturiga muvofiq, Kuala-Lumpur shahrida oliy darajadagi muzokaralar, qator ishbilarmonlik va madaniy tadbirlar bo‘lib o‘tadi.

Avvalroq Kursiv Uzbekistan prezident Malayziyaga rasmiy tashrif bilan borishi haqida xabar bergan edi.

O‘zbekiston Markaziy banki tomonidan taqdim etilgan ma’lumotlarga ko‘ra, oltin quymalari narxlari navbatdagi rekord darajaga yetdi. Hozirgi kunda 1 gramm oltin narxi 1,2 mln so‘mdan oshgan bo‘lib, bu so‘nggi davrdagi eng yuqori ko‘rsatkich hisoblanadi.

Ayni paytda turli grammdagi oltin quymalarining narxlari aniqlandi. 5 grammli quymalar 6,07 mln so‘m, 10 grammli quymalar 12,14 mln so‘m, 20 grammli quymalar esa 24,3 mln so‘m bo‘lib sotilmoqda. Shuningdek, 50 grammli quymalar 60,7 mln so‘m, 100 grammli quymalar esa 121,4 mln so‘m narxda sotilmoqda.

Oltin quymalarini banklardan sotib olish imkoniyati mavjud. Shuningdek, ularni zargarlik do‘konlaridan ham xarid qilish mumkin, ammo aksariyat zargarlik do‘konlarida narxlar banklarga...

Oʻzbekistondagi barcha davlat idoralarining rasmiy saytlari yagona gov.uz platformasiga oʻtkaziladi. Bu jarayon hukumatning davlat organlari veb-saytlari faoliyatini takomillashtirish boʻyicha qaroriga asosan amalga oshiriladi.

Qarorga ko‘ra, 2025-yil 1-martdan boshlab barcha davlat organlari va tashkilotlari Uzinfocom bilan shartnoma tuzib, rasmiy veb-saytlarini faqat hukumat portali orqali yuritadi. Eski saytlar esa bir hafta ichida yangi platformaga yoʻnaltiriladi yoki butunlay yopiladi.

Yagona platformadagi saytlarning texnik qoʻllab-quvvatlashi va xizmat koʻrsatish xarajatlari davlat organlarining budjetdan tashqari mablagʻlari, Davlat budjeti hamda qonuniy boshqa manbalar hisobidan qoplanadi.

Shuningdek, «Kiberxavfsizlik markazi» va Raqamli texnologiyalar vazirligi har olti oyda platformaning kiberxavfsizlik talablariga muvofiqligini tekshirib boradi va doimiy monitoring olib boradi.

AQSh prezidenti Donald Tramp va Meksika yetakchisi Klaudiya Sheynbaum telefon orqali muzokara oʻtkazdi va Vashington Meksika mahsulotlariga bojlarni bir oyga kechiktirishga qaror qildi.

Sheynbaumning ta’kidlashicha, bu qaror oʻzaro hurmat va hamkorlik natijasidir.

«Prezident Tramp bilan munosabatlarimiz va suverenitetimizga katta hurmat koʻrsatilgan holda yaxshi suhbat oʻtkazdik, bir qator kelishuvlarga erishdik. Bojlar bugundan boshlab bir oyga toʻxtatiladi», – deb yozdi u X ijtimoiy tarmogʻida.

Tramp ma’muriyati avvalroq Kanada va Meksikadan import qilinadigan mahsulotlarga 25 foizlik, Xitoy tovarlariga esa qoʻshimcha 10 foizlik boj joriy etishni rejalashtirgan edi. 4-fevraldan kuchga kirishi kutilgan tariflar Meksika bilan kelishuv ortidan toʻxtatildi.

Qozog‘istonlik va o‘zbekistonlik tadbirkorlar O‘zbekistonning turli shaharlarida, jumladan, Buxoro, Andijon va Urganchda yettita «Ona Uyi» resurs markazi ochish bo‘yicha kelishuvga erishdi. Bu haqda qozog‘istonlik biznesmen Aydin Rahimbayev ma’lum qildi.

«Biz o‘tgan yili O‘zbekistonda «Ona Uyi» loyihasini ishga tushirishga kirishdik. O‘zbekiston davlat idoralari tezkor qaror qabul qilishi bilan meni hayratda qoldirdi. Loyihaning samaradorligini tahlil qilib, bir necha ishchi guruhlarni tuzgan holda bor-yo‘g‘i 2-3 oy ichida barcha ruxsatnomalar va litsenziyani oldik», – dedi u.

Uning so‘zlariga ko‘ra, o‘tgan yili mamlakatda shunday uchta markaz – Toshkent va Samarqand shaharlarida ochilgan.

Loyiha onalik mas’uliyatini yelkasiga olgan ayollarni qo‘llab-quvvatlash...

Foto: Ekachailo / www.depositphotos.com

Dastlabki ma’lumotlarga ko‘ra, 2024-yilning yanvar – dekabr oylarida Oʻzbekiston aholisi jon boshiga umumiy daromadlar 24,1 million so‘mni tashkil etdi. Bu ko‘rsatkich o‘tgan yilning shu davriga nisbatan 16,1 foizga o‘sdi. Bu haqda Statistika agentligi ma’lum qildi.

Shu bilan birga, iste’mol narxlarining o‘zgarishi natijasida aholining real daromadlari ham o‘zgarib, ularning real o‘sish sur’ati 5,9 foizni tashkil qildi.

Avvalroq Kursiv Uzbekistan mamlakatda kambagʻallik darajasi 8,9 foizga qisqargani haqida xabar bergan edi.

Shavkat Mirziyoyev yirik transport infratuzilmasi loyihalari bo‘yicha hisobotni tingladi. Bu haqda davlat rahbari matbuot xizmati ma’lum qildi.

Unga ko‘ra, mamlakat yo‘l tarmog‘i izchil rivojlantirilmoqda, jumladan, «Toshkent – Andijon» muqobil yo‘li loyihasi ishlab chiqildi. Ushbu 314 km uzunlikdagi magistral orqali safar vaqti 5 soatdan 3 soatgacha qisqaradi.

Yig‘ilishda xalqaro tender natijalari muhokama qilinib, boshqa muhim yo‘llarda ham muqobil magistrallar barpo etish bo‘yicha topshiriqlar berildi. Shuningdek, BAAning «AD Ports Group» kompaniyasi bilan Navoiyda «quruq port» tashkil qilish loyihasi yuzasidan axborot taqdim etildi.

Eslatib o‘tamiz, avvalroq 2025-yil O‘zbekistonda 272 mingta doimiy ish joyi yaratilishi haqida yozgan edik.

O‘zbekiston bo‘ylab 4-fevral kuni havo biroz bulutli bo‘ladi, yog‘ingarchilik kuzatilmaydi. Bu haqda «O‘zgidromet» agentligi ma’lum qildi.

Unga ko‘ra, ba’zi hududlarda tuman tushishi ehtimoli bor. Shamol sharqdan esib, tezligi 3-12 m/s atrofida bo‘lishi kutilmoqda.

Toshkent shahrida kechasi harorat 1° sovuq – 1° iliq orasida bo‘lib, kunduzi 8-10° iliqqacha ko‘tariladi.

Andijon, Namangan va Farg‘ona viloyatlarida havo biroz bulutli, ayrim joylarda tuman tushishi mumkin. Shamol sharqdan 5-10 m/s tezlikda esadi. Kechasi 0-5° sovuq, kunduzi 6-11° iliq bo‘lishi kutilmoqda.

Qoraqalpog‘iston va Xorazmda tunda 2-7° sovuq, kunduzi esa 3-8° iliq bo‘lishi mumkin.

Samarqand, Jizzax va Sirdaryo viloyatlarida kechasi harorat 3° sovuq...

Shavkat Mirziyoyev rahbarligida mamlakatimiz mudofaa qobiliyatini mustahkamlash masalalariga bag‘ishlangan yig‘ilish bo‘lib o‘tdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda milliy armiyani zamonaviy qurol-yarog‘ va texnika bilan ta’minlash hamda mudofaa sanoatini rivojlantirish bo‘yicha amalga oshirilayotgan ishlar muhokama qilindi.

Yig‘ilishda xususiy sektor imkoniyatlaridan foydalanish, muhandis-texnik kadrlar tayyorlash, shuningdek, harbiy mutaxassislarni eng yangi texnika va qurol-yarog‘dan samarali foydalana oladigan darajada tayyorlash masalalariga alohida e’tibor qaratildi.

Prezident milliy armiyani yanada mustahkamlash, mudofaa sanoatini rivojlantirish bo‘yicha tegishli vazifalarni belgilab berdi.

Eslatib o‘tamiz, avvalroq 2025-yil O‘zbekistonda 272 mingta doimiy ish joyi yaratilishi haqida yozgan edik.

Ozarbayjon poytaxti Bokuda Bugatti Baku dilerlik markazi ochildi. Bu haqda kompaniya ma’lum qildi.

Unga ko‘ra, Nazar Holdings tomonidan boshqariladigan ushbu markaz Bugatti brendining dunyodagi eng katta saloni bo‘lib, u Turkiya, Gruziya, O‘zbekiston, Qozog‘iston, Tojikiston, Turkmaniston va Qirg‘iziston bozorlariga xizmat ko‘rsatadi.

Tantanali ochilish marosimida Bugattining yangi Tourbillon giperkari ilk bor Markaziy Osiyoda namoyish qilindi. Mehmonlar shuningdek, Baby Bugatti Centenary Edition, Chiron va Veyron modellarini ko‘rish imkoniga ega bo‘lishdi.

Tadbir Heydar Aliyev markazida davom ettirildi, bu yerda Bugatti Residences by Binghatti loyihasi va Jacob & Co. Tourbillon soati ham taqdim etildi. Bugatti Baku nafaqat avtomobillar, balki hashamat va innovatsiyalar markazi sifatida...

Jismoniy shaxslarning davlat chegarasidan o‘tishi va yuk tashish jarayonlari yanada osonlashtirildi. Bu haqda Adliya vazirligi ma’lum qildi.

Endilikda «Elektron navbat» tizimi joriy etilib, avtomobillarning chegaradan o‘tish tartibi belgilandi. Navbatni bojxona qo‘mitasining rasmiy sayti yoki maxsus kutish zonalarida olish mumkin.

Belgilangan vaqtda yetib kelmagan transport vositalarining elektron navbati bekor qilinadi.

Shuningdek, «Fast-track» xizmati tartibi tasdiqlandi. Ushbu xizmatdan foydalanuvchilar bojxona nazoratidan navbatsiz o‘tadi.

Xizmat uchun to‘lov 18-yoshdan katta har bir shaxs uchun BHMning 15% miqdorida belgilandi.

Eslatib o‘tamiz, sal avvalroq O‘zbekistonda yangi bojxona yig‘imlari tasdiqlangan edi.

Vazirlar Mahkamasi «Bojxona yig‘imlari stavkalarini tasdiqlash to‘g‘risida» 55-son qarorini qabul qildi. Bu haqda Bojxona qo‘mitasi matbuot xizmati ma’lum qildi.

Unga ko‘ra, yig‘imlarning stavkalari rasmiylashtirish xarajatlari asosida belgilandi.

Asosiy o‘zgarishlar quyidagicha:

Eslatib o‘tamiz, avvalroq telefonni bojxona orqali qanday olib kirish va UzIMEI tizimida ro‘yxatdan o‘tkazish kerakligi haqida yo‘riqnoma e’lon...

Shavkat Mirziyoyev aholi bandligini ta’minlash va investitsiyalar jalb qilish bo‘yicha yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, prezident 2025-yilni kambag‘allikni kamaytirish va bandlikni oshirishda hal qiluvchi yil, deb atadi.

Bu yil 5,2 mln kishini ish bilan ta’minlash, 1,5 mln odamni kambag‘allikdan chiqarish, $42 mlrd xorijiy investitsiya jalb qilish va eksportni $30 mlrd.dan oshirish rejalashtirilgan. Yanvar oyida 277 ming fuqaro ishli bo‘ldi, shundan 91 mingi doimiy ish topdi.

Shuningdek, Xitoy tajribasi asosida kambag‘allikni qisqartirish bo‘yicha yangi yondashuvlar joriy etilmoqda. Investitsiyalarni jalb qilish ham ustuvor yo‘nalishlardan bo‘lib, fevralda $3 mlrd investitsiya olib kelish va 623 ta...