Yangiliklar

2025-yil 9-fevral kuni Surxondaryo viloyatidagi «Termiz avtoyo‘llari» xalqaro o‘tkazish punktida Chegara qo‘shinlari va Bojxona qo‘mitasi hamkorligida yirik miqdordagi giyohvandlik moddalari respublikamizga olib kirishga bo‘lgan urinish bartaraf etildi. Bu haqda Xavfsizlik xizmati Telegram kanali ma’lum qildi.

Yuk avtotransport vositasi nazoratdan o‘tkazilganida, uning ichida yashirilgan 612 kg gashish giyohvandlik moddasi fosh bo‘ldi.

Yuk transport vositasiga 180 ta qopda supurgi jo‘xorisi o‘simligidan tayyorlangan 22,5 ming dona xo‘jalik supurgilari ortilgan edi. Sinchiklab tekshiruv o‘tkazilganda, supurgilarning dastaklari orasiga yashirilgan polietilen o‘ramlar ichida o‘tkir hidli giyohvandlik moddalari bo‘lgani aniqlangan. Bu o‘ramlarning har biri ichida o‘rtacha 200 grammdan gashish moddasi yashirilgan edi.

Yashirilgan moddalarning jami...

Markaziy bankning Bank nazorati qoʻmitasi 2025-yil yanvar oyida oʻtkazilgan yigʻilishlar davomida 44 ta masalani koʻrib chiqib, tegishli qarorlarni qabul qildi. Bu haqda regulyator axborot xizmati xabar berdi.

Ta’kidlanishicha, roʻyxatga olish va ruxsat berish yoʻnalishida 36 ta masala koʻrib chiqildi. Ular orasida kredit tashkilotlari ustaviga oʻzgartirish kiritish, yangi mikromoliya tashkilotlarini roʻyxatga olish, ustav fondidagi ulushga egalik qilishga ruxsat berish, auditorlik sertifikatlarini taqdim etish hamda banklarning kuzatuv kengashi va boshqaruv tarkibini tasdiqlash masalalari bor.

Kredit tashkilotlarining moliyaviy holati boʻyicha sakkizta masala muhokama qilindi. Unda Markaziy bank koʻrsatmalari va prudensial me’yorlarga rioya qilinishi, tahlillar natijalari hamda mijozlarning bank faoliyatiga oid shikoyatlari koʻrib...

«Milliy tiklanish» partiya fraksiyasi yig‘ilishida Ombudsman faoliyati muhokama qilindi. Bu haqda partiya axborot xizmati xabar berdi.

Ma’lum qilinishicha, 2024-yilda Ombudsmanga jami 23 mingdan ortiq murojaatlar kelib tushgan bo‘lib, ularning 45,4 foizi xotin-qizlardan, 54,6 foizi esa erkaklardan kelgan.

Hududlar kesimida eng ko‘p murojaatlar Qashqadaryo, Toshkent shahri va Surxondaryo viloyatlaridan tushgan.

Avvalroq Kursiv Uzbekistan mamlakatda Ombudsman vakolatlari kengaytirilishi haqida xabar bergan edi.

AQSh prezidenti Donald Tramp Maxfiy xizmatdan unga qilingan suiqasdlarga oid barcha ma’lumotlarni taqdim etishni talab qilmoqda. Bu haqda New York Post gazetasi xabar berdi.

Ta’kidlanishicha, Tramp hujumchilarga oid batafsil ma’lumotga ega bo‘lishni xohlamoqda. Ulardan biri nega bir nechta telefon ishlatgani, ikkinchisi esa xorijiy ilovalardan foydalangani shular jumlasidan. Uning ta’kidlashicha, bu ma’lumotlar uzoq vaqt davomida undan yashirilgan.

Eslatib oʻtamiz, Trampga 2024-yilning iyul va sentabr oylarida ikki marotaba suiqasd uyushtirilgan. 12-oktabr kuni u prezident qoʻriqchilari va harbiy samolyot talab qilgan hamda bu taklif Bayden tomonidan ma’qullangan. Keyinchalik Trampga yana bir bor suiqasd uyushtirilgani haqida ma’lumotlar paydo boʻldi.

Ushbu...

2024-yilning yanvar – dekabr oylarida O‘zbekistonda barcha materiallardan, jumladan, teri, to‘qimachilik gazlamalari va trikotaj gazlamalardan 33,8 trln so‘mlik kiyim-kechak va aksessuarlar ishlab chiqarildi. Bu ko‘rsatkich o‘tgan yildagiga nisbatan 46 foizga o‘sishni ko‘rsatmoqda. Bu haqda Statistika agentligi ma’lum qildi.

Statistikaga ko‘ra, 2020-yilda kiyim ishlab chiqarish hajmi 10,4 trln so‘mni tashkil qilgan bo‘lsa, 2021-yilda mazkur ko‘rsatkich 13,6 trln so‘mga, 2022-yilda 17,3 trln so‘mga, 2023-yilda esa 23,1 trln so‘mga yetgan. 2024-yilda esa bu sohada 33,8 trln so‘mlik mahsulot ishlab chiqarilishi rekord darajada o‘sishga olib keldi.

Ishlab chiqarilgan kiyimlar orasida erkaklar, ayollar va bolalar uchun mo‘ljallangan turli ustki va ichki kiyimlar, sport kiyimlari...

Antaliya shahrida o‘tkazilgan para taekvondo bo‘yicha «Turkish Open» xalqaro turnirida O‘zbekiston terma jamoasi a’zolari muvaffaqiyatga erishdi. G2 tasnifiga kiruvchi va Paralimpiya o‘yinlariga reyting ochkolarini taqdim etuvchi ushbu musobaqada respublika sportchilari 27 mamlakatdan 180 nafar ishtirokchi orasida 9 ta medalni qo‘lga kiritishdi. Bu haqda Paralimpiya qo‘mitasi ma’lum qildi.

Ushbu musobaqada O‘zbekistonning 12 nafar para taekvondochisi ishtirok etdi va ularning 9 nafari sovrindorlar safidan joy oldi. Shulardan 1 ta oltin, 4 ta kumush, va 4 ta bronza medali qo‘lga kiritildi.

Oltin medalni Qudrat Muhammadiyev (-80 kg), kumush medallarni esa Kamola Jo‘rayeva (-57 kg), Qudratjon Haydarov (-63 kg), Javohir Aliqulov...

«Toshkent» respublika fond birjasida (RFB) yuqori likvidli aksiyalarning aksariyati 31-yanvardan 7-fevralgacha boʻlgan davrda pasayishni qayd etdi. Mazkur davrda UCI fond indeksi 1,59 foizga kamaydi.

Faqatgina toʻrtda kompaniya – «Oʻzsanoatqurilishbank» (+1,46), «OKMK» (+7,35 foiz), «Chilonzor buyum savdo kompleksi» (+2,82 foiz) va «Oʻzbekneftgaz» (0,73 foiz) aksiyalari oʻsishga erishdi.

«Oʻzbekinvest» aksiyalari oʻzgarishsiz qolgan boʻlsa, qolgan barcha kompaniya aksiyalari haftani pasayish bilan yakunladi. Qimmatli qogʻozlari eng koʻp pasaygan emitent qatorini «Ipoteka-bank» (-10,43 foiz), «Hamkorbank» (-12,01 foiz), «Ipak yoʻli bank» (-12 foiz) tashkil qildi.

Bitimlar soni bo‘yicha yetakchi o‘rinlarni «Ipoteka-bank»ning oddiy aksiyalari (7,2 ming) va «Hamkorbank» (500) hamda «Aloqabank»ning imtiyozli aksiyalari (481) egalladi.

Mazkur...

Xalqaro AirlineRatings.com platformasi 2025-yil uchun dunyoning eng yaxshi aviakompaniyalar reytingini e’lon qildi.

Unga ko‘ra, Korean Air 2025-yilning eng yaxshi aviakompaniyasi deb tanlandi. Kompaniya yo‘lovchilarga keng samolyotlarda 33–34 dyuym o‘rindiq masofasini taqdim etib, qulay sayohatni ta’minlashga muvaffaq bo‘ldi. Shuningdek, uzoq masofali parvozlarda oyoq kiyimlari va katta porsiyali taomlar kabi qo‘shimcha xizmatlar ham yo‘lovchilarning mamnuniyatini oshirdi.

Bundan tashqari, mukofotlar formatida o‘zgarishlar kiritilib, yangi kategoriya – eng yaxshi gibrid aviakompaniyalar joriy etildi. Ushbu kategoriya gibrid operatsiyalarni muvaffaqiyatli amalga oshirgan va innovatsion xizmatlarni taqdim etgan aviakompaniyalarga bag‘ishlangan. Jetblue, Westjet va Virgin Australia kabi kompaniyalar bu kategoriya doirasida eng yaxshi deb topildi.

2025-yilning eng...

«Hazrat Navoiyni anglash – o‘zligimizni anglash» mavzuida respublika tanlovi o‘tkazilishi belgilandi. Tanlov buyuk shoir va mutafakkir Mir Alisher Navoiy ijodini keng targ‘ib qilish maqsadida tashkil etiladi.

Prezident qaroriga ko‘ra, 2025-yil Navoiy viloyatida «Alisher Navoiy yili» deb e’lon qilinib, shu yil davomida Navoiy merosini o‘rganish va targ‘ib qilishga qaratilgan ko‘plab tadbirlar o‘tkaziladi. Shuningdek, ta’lim muassasalari va mahallalarda «Navoiyxonlik kechalari» tashkil etilishi rejalashtirilgan.

«Alisher Navoiy va Sharq Renessansi» xalqaro simpoziumi, Navoiy davlat universitetida xalqaro ilmiy konferensiya, yangi ilmiy va badiiy asarlar yaratish ham bu yilning muhim tadbirlaridan bo‘ladi.

Avvalroq Kursiv Uzbekistan Navoiy va Bobur qo‘lyozmalari Shvetsiyadan topilgani haqida xabar bergan edi.

General Motors ichki yonuv dvigatelli avtomobillar qatorini qisqartirishda davom etmoqda. Kompaniya 2025-yilgi modeldan keyin Chevrolet Blazer ishlab chiqarishni to‘xtatishini e’lon qildi. Bu haqda Gmauthority nashri ma’lum qildi.

Ushbu qaror Meksikaning Ramos Arizpe shahridagi zavodni elektromobillar ishlab chiqarishga to‘liq o‘tkazish rejasi bilan bog‘liq. Zavodda endilikda Chevy Equinox EV, Blazer EV va Honda Prologue elektromobillari ishlab chiqariladi.

Chevrolet Blazer yo‘qolishi bilan General Motors Shimoliy Amerika bozorida ichki yonuv dvigatelli o‘rta o‘lchamli ikki qatorli krossoverlarga ega bo‘lmaydi. Uning o‘rnini 2025-yilda chiqarilishi kutilayotgan kengaytirilgan Chevy Equinox egallashi mumkin. Biroq bu model faqat 175 ot kuchiga ega 1,5 litrli turbo dvigatelga ega bo‘lib, Blazerning...

Tadbirkor Ilon Mask AQSh hukumati tomonidan moliyalashtiriladigan «Ozodlik radiosi» va «Amerika ovozi» faoliyatini tugatishni taklif qildi. Bu haqda u X sahifasida ma’lum qildi.

Maskning ta’kidlashicha, ushbu axborot xizmatlari soliq toʻlovchilarning pullari evaziga faoliyat yuritmoqda. U Hukumat samaradorligi departamenti (DOGE) rahbari sifatida ortiqcha byurokratiyani qisqartirish va davlat xarajatlarini kamaytirishga intilayotganini qayd etib, mazkur tahririyatlarga ajratilayotgan mablagʻlarni samarasiz deb atadi.

«Ularni yopish kerak. Hech kim ularni tinglamayapti. Bu shunchaki oʻz-oʻziga gapirayotgan radikal soʻlchilarning platformasiga aylangan. Shu bilan birga, har yili amerikalik soliq toʻlovchilarning $1 milliard mablagʻi sarflanmoqda», – deb yozdi Mask oʻz postida.

Milliarderning bu fikri...

Namangan aeroportida tuman tufayli Centrum Air aviakompaniyasining MFX3338 reysi Farg‘onadagi muqobil aerodromga yo‘l olishga qaror qildi. Bu haqda Uzbekistan Airport ma’lum qildi.

Samolyot mahalliy vaqt bilan soat 7:53 da Farg‘onaga borib qo‘ndi.

Ma’lumot uchun, samolyot Madina – Namangan yo‘nalishi bo‘ylab parvoz qilayotgan edi.

Eslatib o‘tamiz, avvalroq Centrum Air samolyoti dvigatelida nosozlik aniqlangan edi.

Milliy tashuvchilar bildirgan takliflarini inobatga olib, korxonalarga yanada kengroq imkoniyatlar, qulayliklar yaratish maqsadida ayrim davlatlarning xorijiy ruxsatnoma blankalarini berishda yangi tartib o‘rnatildi. Bu haqda Transport vazirligi ma’lum qildi.

Unga ko‘ra, Rossiya ruxsatnomalari – xalqaro tovar-transport yuk xati (CMR) asosida Ozarbayjon ikki tomonlama ruxsatnomalari – eksport deklaratsiyasi asosida amalga oshiriladi.

Polsha ikki tomonlama/tranzit ruxsatnomalari – yo‘nalish bo‘yicha ruxsatnoma blankalari mavjud bo‘lganda eksport deklaratsiyasi, u yerdan qaytish bo‘yicha xalqaro tovar-transport yuk xati (CMR) asosida arizaga biriktirgan holda;

Polsha universal ruxsatnomalari – yo‘nalish bo‘yicha ruxsatnoma blankalari mavjud bo‘lganda, xalqaro tovar-transport yuk xati (CMR) asosida beriladi;

Rossiya, Ozarbayjon, Xitoy, Polsha, Litva, Estoniya, Vengriya...

Koreya xalqaro hamkorlik agentligi (KOICA) O‘zbekistonda «Sanoat kadrlarini tayyorlash» loyihasini amalga oshiradi. Bu haqda Bandlik vazirligi ma’lum qildi.

Unga ko‘ra, loyihaning amalga oshirilishi uchun 2026 – 2032-yillarga mo‘ljallangan kelishuvga erishildi.

Loyihada Sanoat kadrlarini tayyorlash markazini tashkil etish va Toshkent hamda Samarqand shaharlaridagi Kasbiy ko‘nikmalar mintaqaviy markazlarini modernizatsiya qilish ko‘zda tutilgan.

Mazkur markazlarni bitirgan fuqarolarimiz O‘zbekistondagi yirik sanoat korxonalari va Koreya Respublikasidagi korxonalarda ishlash imkoniyatiga ega bo‘ladi.

KOICA tomonidan ushbu loyiha O‘zbekiston, Kambodja va Vyetnamda amalga oshirilishi rejalashtirilgan edi.

Eslatib o‘tamiz, avvalroq Litva o‘zbekistonlik haydovchi va avtomexaniklarni ishga taklif qilgan edi.

Bugun ba’zi viloyatlarining tog‘li hududlarida qor ko‘chishi xavfi bor. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida havo biroz bulutli bo‘lib, kechqurun yomg‘ir yoki qor yog‘ishi mumkin. Shamol g‘arbdan 3-8 m/s tezlikda esadi. Harorat kechasi 0-2°C, kunduzi 3-5°C iliq.

Qoraqalpog‘iston Respublikasi, Xorazm, Buxoro, Navoiy viloyatlarida havo bulutli bo‘lib, qor yog‘ishi mumkin. Shamol g‘arbdan 7-12 m/s tezlikda esadi. Harorat kechasi 5-10°C sovuq, kunduzi 3°C sovuqdan 2°C iliq bo‘ladi.

Toshkent, Samarqand, Sirdaryo, Jizzax viloyatlarida ham yog‘ingarchilik bo‘lishi mumkin, shamol tezligi 7-12 m/s, ba’zi joylarda 15-20 m/s ga yetishi mumkin. Harorat kechasi 2°C sovuqdan 3°C iliq, kunduzi 0-5°C iliq bo‘ladi.

«Roma» Italiya A seriyasining 24-turida «Venetsiya»ni mag‘lub etdi. Yagona gol 57-daqiqada argentinalik Paulo Dibala tomonidan penaltidan kiritildi.

«Roma» hujumchisi Eldor Shomurodov o‘yinning katta qismini zaxirada o‘tkazdi va faqat 92-daqiqada maydonga tushdi. U Artem Dovbikni almashtirdi, ammo hech narsa qilishga ulgurmadi.

Avvalroq Kursiv Uzbekistan Shomurodov «Ayntraxt» darvozasini ishg‘ol qilgani haqida xabar bergan edi.

O‘zbekistonlik grossmeyster Javohir Sindarov Vayssenxaus shahrida shaxmat bo‘yicha Fisher nomidagi Freestyle Chess Grand Slam Tour turnirida chorak finalga chiqdi, deb xabar berdi O‘zA.

O‘zbekistonlik shaxmatchi turnir jadvalida fransiyalik grossmeyster Alirizo Firuzjadan keyin ikkinchi o‘rinda bormoqda. Chorak finalda Sindarov besh karra AQSH chempioni Hikaru Nakamuro bilan uchrashadi.

Shuningdek, musobaqada dunyoning eng kuchli grossmeysterlaridan Magnus Karlsen va shaxmat bo‘yicha amaldagi jahon chempioni hindistonlik Gukesh Dommaraju ham ishtirok etmoqda.

Chorak final bahslari 17-fevralga qadar davom etadi. Turnir g‘olibi 200 ming dollar va Fisher shaxmat bo‘yicha jahon chempioni unvoniga ega bo‘ladi.

O‘yinning bu varianti shaxmat bo‘yicha 11-jahon chempioni Robert Fisher tomonidan ishlab chiqilgan...

Oʻzbekiston huquq-tartibot idoralari xodimlari tomonidan 5 – 7-fevral kunlari oʻtkazilgan reydlar davomida salkam 28,9 kg giyohvandlik vositalari va 9,4 ming oʻram kuchli ta’sir etuvchi dori vositalari musodara qilindi, deb xabar berdi Oʻzbekiston Respublikasi Davlat xavfsizlik xizmati.

Telegram’da olib borilgan tezkor tadbirlar natijasida maxsus xizmatlar poytaxt viloyatining Yuqori Chirchiq tumanida giyohvandlik moddalari saqlanadigan joyni aniqladi. O‘ramda bir kilogramm taqiqlangan moddalar bor edi.

Giyohvandlik moddalari savdosi bilan shug‘ullangan ikki nafar shaxs voqea joyida qo‘lga olindi. Ulardan birining uyini ko‘zdan kechirish chog‘ida 200 gr sintetik stimulyator, tarozi va taqiqlangan moddalarni qadoqlash uchun polietilen paketlar topildi.

Huquq-tartibot idoralari xodimlari tomonidan o‘tkazilgan reydlar natijalariga...

O‘zbekiston 2024-yilning yanvar – dekabr oylarida xorijdan umumiy qiymati 50,6 mln.ga teng bo‘lgan 33,4 ming tonna choy import qildi. Import qilingan choyning katta qismi Xitoydan keltirilib, uning hajmi 26,8 ming tonnani tashkil etdi. Bu haqda Statistika agentligi ma’lum qildi.

Keniyadan 1,6 ming tonna, Erondan 1,2 ming tonna, Hindistondan 965 tonna va Rossiyadan 578 tonna choy keltirilgan. Shuningdek, boshqa davlatlardan ham 2,1 ming tonna choy import qilingan.

Avvalroq Kursiv Uzbekistan mamlakat Afgʻonistondan koʻmir import qilishni boshlashi haqida xabar bergan edi.

2025-yilda ekologik turmush tarzini shakllantirish va aholining salomatligini yaxshilash maqsadida «Bir million yashil oila» harakati amalga oshiriladi. Ushbu tashabbus aholini atrof-muhit muhofazasiga jalb qilish hamda «yashil» hayot tarzini keng targ‘ib qilishga qaratilgan.

Shuningdek, kelgusi o‘quv yilidan boshlab Markaziy Osiyoda atrof-muhit va iqlim o‘zgarishini o‘rganishga ixtisoslashgan yetakchi oliy ta’lim muassasasi sifatida maxsus universitet faoliyat boshlaydi. Respublikaning har bir tumanida kamida bitta inklyuziv ta’lim maktabi tashkil etilib, maxsus ehtiyojga ega bolalar uchun qulay sharoit yaratiladi. «Kambag‘allikdan farovonlik sari» dasturi doirasida esa 3,5 ming kam ta’minlangan oila farzandlari grant asosida oliy ta’limga qabul qilinishi rejalashtirilgan.

Bundan tashqari, 2025-yil 1-martgacha sog‘lom ovqatlanish, sport...

Xiaomi kompaniyasi Redmi va Poco seriyasiga mansub to‘qqizta smartfon modeli uchun dasturiy ta’minot yangilanishlarini to‘xtatdi. Endilikda ushbu qurilmalar na operatsion tizim, na xavfsizlik yangilanishlarini qabul qiladi. Bu haqda Ithome nashri ma’lum qildi.

Xiaomi Mahsulot xavfsizligi markazi tomonidan e’lon qilingan ma’lumotlarga ko‘ra, ro‘yxatga Xiaomi Civi, Xiaomi 12X, Redmi Note 10 JE, Redmi Note 10S, Redmi Note 10 Lite, Redmi Note 11T 5G, Poco C31, Poco X3 GT va Poco M4 Pro 5G modellarining kiritilgani ma’lum bo‘ldi.

Kompaniya har yili eski modellarni dasturiy qo‘llab-quvvatlashdan chiqarib, yangi smartfonlar uchun resurslarni jamlashga harakat qiladi.

Avvalroq Kursiv Uzbekistan Xiaomi fevral oxirida ikkita Ultra modelini...

Rossiya Federatsiyasida Chevrolet Tracker avtomobilining asosiy konfiguratsiyasini 1,5 mln rublga topish mumkin, deb xabar beradi Auto News of the Day portali. Bu taxminan $15,8 mingni tashkil etadi.

Eng arzon Tracker portali Blagoveshchenskdagi kompaniyadan topildi. 1,5 mln rubl evaziga u olti pog‘onali avtomat uzatmalar qutisi va 116 ot kuchiga ega litrli «turboga chidamli» yangi 2021-yilgi Chevy olib keladi.

Vladivostokda xuddi shu mashina 2023-yilda 1,8 mln rubl ($19,2 ming), Permda esa allaqachon 2 million ($21 ming) turadi.

Yana kuchli 1,2 litrli turbo dvigatel (132 ot kuchi) uchun allaqachon Ufada 2,7 million rubl va Moskvada 2,8 mln rubl – mos ravishda...

Chikagodagi avtosalonda BMW 2025-yilgi yangi M5 G90 sport sedanini taqdim etdi. Bu haqda 32cars nashri ma’lum qildi.

Avtomobil Executive paketiga ega bo‘lib, unda ventilyatsiya qilingan o‘rindiqlar, quyoshdan himoya qiluvchi pardalar va ilg‘or haydovchiga yordam tizimlari mavjud. Salonda klassik qora teri ishlatilgan bo‘lsa-da, mijozlar Kyalami Orange yoki Red kabi yorqin variantlarni ham tanlashi mumkin.

Yangi BMW M5 G90 eng so‘nggi iDrive X multimedia tizimi va panoramali displey bilan jihozlangan. Ishlab chiqarish 2031-yilgacha davom etishi rejalashtirilgan bo‘lib, ushbu model 2025-yilning eng yaxshi sport sedanlaridan biri bo‘lishi kutilmoqda. Ilk nusxalar shu yilning o‘zida sotuvga chiqadi.

Avvalroq Kursiv Uzbekistan Xitoyda yangi BMW X...

AQSh prezidenti Donald Tramp Rossiya yetakchisi Vladimir Putin bilan telefon orqali gaplashganini ma’lum qildi, deb yozadi New York Post gazetasi Oq uy rahbarining so‘zlariga tayanib.

«Prezident Tramp Rossiya yetakchisi Vladimir Putin bilan telefon orqali gaplashib, Ukrainadagi urushni tugatish bo‘yicha muzokaralar olib borishga harakat qildi», – deyiladi nashr xabarida.

Biroq Tramp Rossiya prezidenti bilan necha marta bog‘langaniga aniqlik kiritishdan bosh tortdi. «Men jim bo‘lishni afzal ko‘raman», – deya uning so‘zlarini keltirdi gazeta.

Oq uy rahbari Ukrainadagi mojaroga barham berish bo‘yicha aniq rejasi borligini yana bir bor ta’kidladi, biroq bu borada hech qanday tafsilot bermadi.

Shu bilan birga, Tramp avvalroq Putin...