Yangiliklar

Shavkat Mirziyoyev raisligida qishloq xo‘jaligida suv va energiya manbalaridan samarali foydalanish, yo‘qotishlarni kamaytirish masalalariga bag‘ishlangan videoselektor yig‘ilishi bo‘lib o‘tdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda ekologik vaziyat, suv tanqisligi xavfi va bu boradagi choralar muhokama qilindi.

Bugungi kunda mamlakatimizda suv tejovchi texnologiyalarni joriy qilish, bu ne’matni asrash bo‘yicha keng ko‘lamli ishlar olib borilmoqda. Misol uchun, 550 kilometr kanal va ariqlarni betonlash orqali yiliga 450 mln kub metr suv tejaldi, shu bilan birga fermerlar va klasterlar tomonidan 13 ming kilometr ichki tarmoq betonlandi. Suv boshqaruvi tizimining isloh qilinishi natijasida, yerga yetkaziladigan suv ikki barobar ko‘paydi.

Shavkat Mirziyoyev maktablarda musiqa, jismoniy tarbiya va harbiy-vatanparvarlik tarbiyasini o‘qitishni takomillashtirish masalalariga bag‘ishlangan taqdimoti bilan tanishdi. Bu haqida davlat rahbari matbuot xizmati ma’lum qildi.

Unga ko‘ra, musiqa o‘qituvchilariga toifalar berishning yangi tartibi joriy etiladi, Turon maktab teatri misolida maktablarda «Iqtidor» badiiy jamoalari tashkil etiladi. Musiqa va san’at yo‘nalishi bo‘yicha oliy ma’lumotga ega bo‘lgan universitet bitiruvchilari maktablarda ishlashga ruxsat etiladi.

Jismoniy tarbiya sohasida uslubiy qo‘llanmalar yaratish, dasturlarni yangilash, maktab sport to‘garaklarini shakllantirish rejalashtirilgan. Ayni paytda maktab o‘quvchilari sportning 22 ta olimpiya, 19 ta noolimpiya va 4 ta milliy sport turlari bilan shug‘ullanayotgan bo‘lsa-da, hali o‘qituvchilar uchun umumiy qo‘llanmalar mavjud emas...

Bishkekda bo‘lib o‘tgan Turkiy davlatlar tashkiloti davlat rahbarlarining 11-sammitida tashkilotning yangi bayrog‘i qabul qilindi. Bu haqda Ozarbayjonning Report axborot portali ma’lum qildi.

Unga ko‘ra, bayroq dizaynida sakkizburchak, yarim oy va yulduz hamda firuza ko‘k rangli maydonda markazida bir tekis tarqoq to‘g‘ri nurlari bo‘lgan quyosh tasvirlangan.

Moviy fon (Pantone 3125C) musaffo osmon, tinchlik va farovonlikni anglatadi. Bu monoxromatik fon turkiy xalqlarning birligini bildiradi. Tarixan ko‘k rang turkiy madaniyat va an’analar bilan bog‘lanib, uning madaniy ahamiyatini yanada kuchaytirgan.

Sakkizburchak koʻp asrlik turkiy davlatchiligini ifodalab, hurriyat tasdigʻi, barqarorlik, oʻzaro bogʻliqlik va mushtarak turkiy madaniy merosdan olingan kuch-quvvat belgisini ifodalaydi. Turkiy va islom...

O‘zbekiston Respublikasi Tashqi ishlar vaziri Baxtiyor Saidov Lyuksemburgning O‘zbekistondagi birinchi elchisi Tom Risen bilan uchrashib, uni lavozimga kirishishi bilan tabrikladi. Bu haqda vazir o‘z Telegram sahifasida ma’lum qildi.

Unga ko‘ra, uchrashuvda savdoni qo‘llab-quvvatlash, sheriklik munosabatlarining huquqiy asoslarini mustahkamlash va boshqa yo‘nalishlar yuzasidan fikr almashildi.

Saidovning soʻzlariga koʻra, tashqi ishlar vazirliklari mamlakatlar oʻrtasidagi hamkorlikni rivojlantirish uchun salmoqli ishlarni amalga oshirishi lozim.

Eslatib o‘tamiz, avvalroq O‘zbekistonning Indoneziyaga tayinlangan yangi elchisi o‘z faoliyatini boshlagani haqida xabar bergan edik.

Prezident «Oʻq otish sport turlarini yanada rivojlantirish va ommalashtirish chora-tadbirlari toʻgʻrisida»gi qarorni qabul qildi. Bu haqda Adliya vazirligi ma’lum qildi.

Unga ko‘ra, qaror mamlakatda oʻq otish sportini rivojlantirish va shu sohada yangi imkoniyatlar yaratishga qaratilgan bir qator muhim tashabbuslarni o‘z ichiga oladi.

Qarorga muvofiq, Olimpiya va paralimpiya sport turlariga tayyorlash markazlarida 10 metr masofaga oʻq otish uchun zamonaviy sport bazalari tashkil etiladi. Bu bazalar yuqori sifatli sport anjomlari va inventarlari bilan jihozlanadi.

Shu bilan birga, 2025/2026-oʻquv yilidan boshlab Oʻzbekiston davlat jismoniy tarbiya va sport universitetida «Sport faoliyati: oʻq otish va stenddan oʻq otish» yo‘nalishi boʻyicha bakalavriat ta’limi tashkil...

Joriy yilning 7-noyabr kuni Markaziy bank boshqaruvining qaroriga asosan «Tezpul online mikromoliya tashkiloti» MCHJga litsenziya berildi. Bu haqda regulyator axborot xizmati xabar berdi.

Qayd etilishicha, MCHJ mikromoliya tashkiloti faoliyatini amalga oshiruvchi tashkilotlar reyestriga kiritildi va hisob ro‘yxatidan o‘tkazildi.

Eslatib o‘tamiz, Markaziy bank sentabr oyida «United Payment Solution» AJning litsenziyasini bekor qilgan edi.

Avvalroq Kursiv Uzbekistan Sarmoyachi group mikromoliya tashkilotiga litsenziya berilgani haqida xabar bergan edi.

2025-yilning yoz oyidan boshlab Toshkent va Issiqkoʻl (Qirgʻiziston) oʻrtasida turistik poyezd qatnovi yoʻlga qoʻyiladi. Bu haqda «Oʻzbekiston temir yoʻllari» axborot xizmati xabar berdi.

Qirgʻiziston va Oʻzbekiston temir yoʻl rahbarlari Bishkekdagi uchrashuvda yoʻlovchi tashish yoʻnalishini yoʻlga qoʻyish boʻyicha kelishib oldi. Turistik poyezdi Toshkentdan Bishkek orqali Issiqkoʻlda joylashgan Baliqchi shahriga qatnashi koʻzda tutilgan.

Toshkentdan Baliqchiga poyezdlar jadvali va chiptalari narxi dam olish mavsumi boshlanishiga yaqinroq ma’lum boʻladi.

Shuningdek, yigʻilishida turistik poyezddan tashqari Oʻzbekiston va Qirgʻiziston oʻrtasida tarif chegirmalarini qoʻllash va yuk tashish hajmini oshirish masalalari ham muhokama qilindi.

Avvalroq Kursiv Uzbekistan Transafgʻon temir yoʻli qurilishi qachon boshlanishi haqida xabar bergan...

Zoyir Mirzayev Toshkent viloyati hokimi etib qayta tayinlandi, deb xabar qildi viloyat hokimligi matbuot xizmati.

Mirzayevning nomzodini xalq deputatlari Toshkent viloyati Kengashi qo‘llab-quvatladi.

Mirzayev 1968-yilda tug’ilgan, Toshkent moliya institutining iqtisod fakultetida tahsil olgan.

Mehnat faoliyatini Samarqand viloyati moliya boshqarmasida boshlagan, 2010-yilda mazkur viloyat hokimi etib tayinlangan.

2019-2021-yillarda Qashqadaryo viloyati hokimi bo‘lgan. 2022-yil sentabrdan boshlab Mirzayev Toshkent viloyati hokimi lavozimida ishlab kelmoqda.

Avvalroq Kursiv Uzbekistan Navoiy viloyati hokimi o‘z lavozimini saqlab qolgani haqida yozgan edi.

7-noyabr kuni O‘zbekiston Respublikasi valyuta birjasida dollarning rasmiy kursi 22,07 so‘mga ko‘tarilib, 12 809,05 so‘mni tashkil etdi.

Banklar dollarni 12 725 – 12 785 so‘mdan xarid qilishmoqda va 12 800 – 12 850 so‘mdan sotishmoqda.

Eslatib o‘tamiz, 6-noyabr kuni AQSh valyutasining qiymati 12 so‘mga ko‘tarilgan edi.

Buyuk Britaniya Oʻzbekistonning Uzstanex kompaniyasini Rossiyaga yordam berganlikda ayblab, sanksiyalar joriy qildi. Cheklovlar joriy etilgani haqidagi maʼlumot Britaniya hukumatining rasmiy saytida eʼlon qilindi.

Buyuk Britaniya hukumatiga koʻra, Uzstanex Ukraina hududiy yaxlitligi, suvereniteti va mustaqilligiga tahdid solib, uni beqarorlashtirishga yordam berganlikda ayblanmoqda. Shuningdek, kompaniya Ukrainadagi vaziyatning yomonlashishiga hissa qoʻshishi mumkin boʻlgan moliyaviy xizmatlar, iqtisodiy resurslar, tovarlar va texnologiyalarni taqdim etish bilan shugʻullangan.

Maʼlumot uchun, Uzstanex 2018-yilda tashkil etilgan boʻlib, mexanik mashinalar ulgurji savdosi bilan shugʻullanib keladi.

Avvalroq Kursiv Uzbekistan AQSh Gʻaznachilik departamenti Oʻzbekistonning Uzstanex va The Elite Investment Group kompaniyalariga qarshi sanksiyalar joriy qilgani haqida xabar bergan edi.

Majburiy ijro byurosining mansabdor shaxslari tomonidan 202,9 mlrd so‘mlik 200 ta ijro ishida qonunbuzilishi holatlariga yo‘l qo‘yilgan. Bu haqda Korrupsiyaga qarshi kurashish agentligi matbuot xizmati xabar berdi.

Qayd etilishicha, holat Toshkent shahri Shayxontohur tuman MIB bo‘limi mansabdor shaxslari tomonidan sodir etilgan.

Byuroning tuman bo‘limi ish yurituvida bo‘lgan «S.B» MCHJdan davlat foydasiga 19 mlrd so‘mlik, «P.P» MCHJdan 179,2 mln so‘m soliq qarzdorligini undirish to‘g‘risidagi ijro ishlari qonunchilik talablariga zid ravishda asossiz tugatilgan.

Bundan tashqari, «SCG» MCHJ dan 26,3 mlrd so‘m, «R.F.P.» MCHJdan 19,4 mlrd so‘m va «Ya.M.S.E.T» MCHJdan  1,7 mlrd so‘m davlat foydasiga soliq qarzdorliklarini undirish to‘g‘risidagi ijro ishlari mazkur korxonalar...

Germaniya Bundestagi 2025-yilning yanvar oyida mamlakat hukumatiga ishonish yoki ishonmaslik haqida qaror qabul qiladi. Bu tashabbusni mamlakat kansleri Olaf Shols ilgari surdi, deya xabar berdi Germaniyaning Tagesschau nashri.

Sholsning ta’kidlashicha, Germaniya o‘zining kelajakdagi siyosat yo’nalishiga aniqlik kiritishi kerak. Buning uchun ishonch votumi o‘tkaziladi.

Shols ishonch ovozini berish jarayonini o‘zi va yaqinda ishdan bo’shatilgan moliya vaziri Kristian Lindner o’rtasidagi o’zaro ayblovlar fonida boshladi.

Shols ovoz berish tashabbusi bilan o‘zi va yaqinda lavozimidan ozod etilgan Germaniya moliya vaziri Kristian Lindner o‘rtasidagi o‘zaro ayblovlar fonida chiqdi. Hukumat rahbari Lindnerni qobiliyatsizlikda aybladi.

O‘z navbatida, sobiq vazir Sholsning siyosati Germaniyaga yangi...

Davlat va shapito sirklarida yovvoyi hayvonlarni saqlash hamda sirk tomoshalarida xususan, sher va uning barcha kenja turlarini qo‘llash mumkin emasligi belgilandi.

Bu borada Vazirlar Mahkamasining «Yovvoyi hayvonlarni saqlash tartibini takomillashtirish chora-tadbirlari toʻgʻrisida»gi qarori qabul qilindi. Shuningdek, saqlanishi taqiqlangan yovvoyi hayvonlar ro‘yxati tasdiqlandi.

Roʻyxatdagi yovvoyi hayvonlar Ekologiya vazirligidan ruxsatnoma olgan holda, yuridik shaxslar tomonidan hayvonot bogʻlari yoki pitomniklarda saqlanishi mumkin. Qizil kitobga kiritilgan yovvoyi va zaharli hayvonlar esa maxsus pitomniklarda qonunga muvofiq saqlanadi.

Hayvonlarning toʻliq roʻyxati bilan quyidagi havola orqali tanishish mumkin.

Eslatib o‘tamiz, avvalroq Kursiv Uzbekistan Toshkent hayvonot bog‘ida vasiylik dasturi yo‘lga qo‘yilgani haqida xabar bergan edi.

Bugun, 7-noyabr kuni soat 12:53 da Xorazm viloyati Urganch tumanidagi kiyim-kechak savdo do‘konlarida yong‘in sodir bo‘ldi. Bu haqda FVV matbuot xizmati xabar berdi.

Qayd etilishicha, yong‘in tumanda joylashgan «Shermatlar» MFY, Gurlan ko‘chasidagi do‘konlarda yuzaga kelgan.

Mazkur holat yuzasidan yong‘inni o‘chirishda sakkizta yong‘in-qutqaruv ekipaji jalb etilgan. Yong‘in soat 13:20 da o‘rab olingan va soat 13:50 da o‘chirilgan.

Hodisa natijasida tan jarohati olganlar yoki vafot eganlar yo‘q. Hozirda yong‘in sabablari va yetkazilgan moddiy zarar miqdori aniqlanmoqda.

Eslatib o‘tamiz, avvalroq Kursiv Uzbekistan Toshkentdagi Miran International mehmonxonasida yong‘in sodir bo‘lgani haqida xabar bergan edi.

Uzum Market tomonidan oʻtkazilgan soʻrovnomada ishtirok etgan oʻzbekistonliklarning 95 foizi 11-noyabr kuni bo‘ladigan 11.11 nomli chegirmalarda katta onlayn xaridlarni rejalashtirmoqda.

Soʻrovda qatnashgan oʻzbekistonliklarning koʻpchiligi kelayotgan chegirmalar haqida xabardor boʻlib, onlayn xarid qilishni rejalashtirmoqda. Ularning 92 foizi esa buning uchun Uzum Marketʼdan foydalanish niyatida.

Oʻzbekistonliklarning deyarli yarmi savdo davomida kiyim-kechak va poyabzal sotib olishni rejalashtirmoqda. Shuningdek, 41 foiz uy-roʻzgʻor uchun buyumlar, 39 foizi esa elektronika (smartfonlar, smart soatlar, quloqchinlar va boshqalar) sotib olishni rejalashtirgan.

Kosmetika va parfyumeriya, bolalar buyumlari va mayda maishiy texnikalar boʻlajak savdodagi eng ommabop toifalar qatoriga kirdi. Har oltinchi foydalanuvchi yirik maishiy texnika sotib olishni koʻrib chiqmoqda.

Bundan...

2024-yil 7-noyabr kuni Oʻzbekiston Markaziy banki tomonidan yana bir mikromoliya tashkilotiga litsenziya berildi. Bu haqda regulyator axborot xizmati xabar berdi.

Unga koʻra, «Sarmoyachi group» MCHJ mikromoliya tashkilotlari faoliyatini amalga oshiruvchi tashkilotlar reyestriga kiritildi va hisob roʻyxatidan oʻtkazildi.

Eslatib oʻtamiz, avgust oyi boshida Markaziy bank bitta toʻlov tizimi operatori hamda uchta toʻlov tashkilotining litsenziyasini bekor qilgan edi.

Avvalroq Kursiv Uzbekistan Markaziy bank contact Finance mikromoliya tashkilotiga litsenziya bergani haqida xabar bergan edi.

Jizzax viloyatidagi tog‘-kon va avtomobillarga yoqilg‘i quyish faoliyatini amalga oshiruvchi tadbirkorlar «Hududgazta’minot» AJ va uning «Hududgaz Jizzax» filiali tomonidan asossiz qarzdorlik hisoblanganidan norozilik bildirdi. Bu haqda Raqobat qo‘mitasi ma’lum qildi.

Unga ko‘ra, mazkur masala bo‘yicha Raqobat qo‘mitasi tomonidan o‘tkazilgan tekshiruv natijasida, 3,7 mlrd so‘mga yaqin asossiz qarzdorlik qayta hisoblanib, maxsus elektron dasturdan chiqarildi.

Eslatib o‘tamiz, avvalroq qo‘mita «Invest finans bank»ka nisbatan moliyaviy jarima qo‘llagan edi.

Transport vazirligi Vazirlar Mahkamasining «Siqilgan tabiiy gaz, suyultirilgan neft gazlari yoki dizel va gazsimon yoqilg‘i aralashmasi bilan ishlaydigan transport vositalari xavfsizligi to‘g‘risidagi texnik reglamentni tasdiqlash haqida»gi qarori loyihasini ishlab chiqdi. Bu haqda vazirlik matbuot xizmati ma’lum qildi.

Loyiha bilan siqilgan tabiiy gaz, suyultirilgan neft gazlari yoki dizel va gazsimon yoqilg‘i aralashmasi bilan ishlaydigan transport vositalari xavfsizligiga qo‘yiladigan yagona talablar belgilanmoqda.

Loyihaga ko‘ra, siqilgan tabiiy gaz, suyultirilgan uglevodorod gazlari yoki dizel va gazsimon yoqilgʻi aralashmasi bilan ishlaydigan transport vositalari xavfsizligini ta’minlashga qaratilgan texnik reglament Respublika hududida majburiy hisoblanadi.

Reglamentning maqsadi fuqarolar hayotini muhofaza qilish, atrof-muhitni asrash va energiya samaradorligini oshirishdan...

Endi yangi raqamli tizimi new.birdarcha.uz orqali tadbirkorlik subyektlarini davlat ro‘yxatidan o‘tkazish jarayoni yanada osonlashdi. Bu haqda Adliya vazirligi ma’lum qildi.

Unga ko‘ra, yangi «Mening biznesim» moduli tadbirkorlarga o‘z bizneslariga doir turli muhim ma’lumotlarni bir joyda olish imkonini beradi.

Modulda tadbirkorlar o‘z biznesining umumiy ma’lumotlari, soliq hisobotlari, litsenziyalar, intellektual mulk huquqlari, ko‘chmas mulk, bandlik va YHXX, shuningdek, taqiqlar va IT park faoliyati haqidagi ma’lumotlarni osonlik bilan kuzatib borishlari mumkin. Bunday tizim orqali biznesni boshqarish yanada soddalashadi va tadbirkorlar kerakli hujjatlar va ma’lumotlarni tezda topish imkoniyatiga ega bo‘ladi.

Eslatib o‘tamiz, avvalroq kichik biznes uchun xarajat va daromadlarni boshqarishga yordam beruvchi bepul...

Qoraqalpog‘istonning ayrim hududlarida qor yog‘di va yo‘llarda muzlash holatlari yuzaga keldi. Bu haqda respublika YPX matbuot xizmati xabar berdi.

Qayd etilishicha, respublikaning Qo‘ng‘irot tumanida qor yog‘ishi natijasida yo‘llar muzlagan.

«Barcha harakat qatnashchilaridan yo‘llarda harakatlanishda ehtiyotkor bo‘lib harakatlanishlarini so‘raymiz», – deyiladi xabarda.

Eslatib o‘tmiz, avvalroq Kursiv Uzbekistan Toshkent viloyatining tog‘li hududlarida qor yog‘gani haqida xabar bergan edi.

Manfaatlar to‘qnashuvi haqida xabarnoma, deklaratsiya va manfaatlar to‘qnashuvini hisobga olish reyestrining namunaviy shakllari tasdiqlandi. Bu haqda Korrupsiyaga qarshi kurashish agentligi direktorining buyrug‘i e’lon qilindi.

Mazkur buyruqda deklaratsiya, xabarnoma shakllariga hamda reyestrga qo‘yiladigan talablar qayd etilgan hamda ularning namunaviy shakllari e’lon qilindi.

Misol uchun, xabarnoma shaklida xodimlar o‘z pasport ma’lumotlari, PINFL, ism-sharifi va yaqin qarindoshlarining boshqa ma’lumotlarini, yuridik shaxslar to‘g‘risidagi axborotni va manfaatlar to‘qnashuvi haqida ma’lumotni ko‘rsatishlari kerak.

Shuningdek, deklaratsiya shaklida xodimlar yuqorida sanab o‘tilgan ma’lumotlar bilan birga, ehtimoliy manfaatlar to‘qnashuvi haqida ham ma’lumot berishlari zarur.

Manfaatlar to‘qnashuvini hisobga olish reyestri, manfaatlar to‘qnashuvini hal qilish uchun amalga...

5-noyabr kuni oʻzbekistonlik shoir Mansur Jumayev Toshkentdagi yashash xonadonida o‘lik holda topilgani haqida xabarlar tarqaldi. Bosh prokuratura matbuot xizmati Kursiv Uzbekistanʼga sodir boʻlgan voqea yuzasidan tushuntirish berdi.

Unga koʻra, 5-noyabr kuni soat taxminan 07:30 da Mansur Jumayev yashash xonadonida oʻz joniga qasd qilgan. Ushbu holatni aniqlagan turmush oʻrtogʻi tez tibbiy yordamga murojaat qilgan.

Dastlabki sud-tibbiy ekspertiza xulosasiga koʻra, u boʻyin sohasida strangulyatsion chizigʻi mavjud, yurak qon tomir nafas yetishmovchiligi oqibatida vafot etgan.

Ma’lumot uchun, Mansur Jumayev 1991-yil 17-fevralda Qashqadaryo viloyatining Mirishkor tumanida tugʻilgan. Oʻzbekiston davlat jahon tillari universitetining Xalqaro jurnalistika fakultetini tamomlagan.

Avvalroq Kursiv Uzbekistan bolalar shoiri va yozuvchisi Raim...

Yolg‘iz keksalar va nogironligi bo‘lgan shaxslarga bepul transport imtiyozi joriy etildi. Bu borada hukumat qarori bilan nizom tasdiqlandi.

Qayd etilishicha, mazkur shaxslar tanloviga ko‘ra yiliga bir marta temir yo‘l yoki shaharlararo avtobus yo‘nalishida borish va qaytish uchun bepul chipta olish huquqiga ega.

Mazkur qaror bilan ushbu shaxslarni kuzatib borayotgan bir nafar kuzatuvchi ham borish-qaytish yo‘nalishida bepul chiptadan foydalanishi mumkin.

«Borish va qaytish uchun bepul chipta olishda istalgan transport (temir yo‘l yoki avtobus) turidan foydalanish mumkin», – deyiladi xabarda.

Eslatib o‘tamiz, avvalroq Kursiv Uzbekistan 2025-yildan avtobuslarda yoʻl haqi uchun naqd pul qabul qilinmasligi haqida...

Davlat xavfsizlik xizmati tomonidan Qo‘qon shahrida faoliyat olib borgan «Tavhid va jihod katibasi» xalqaro terroristik tashkiloti tarafdorlari guruhi fosh etildi. Bu haqda DXX matbuot xizmati xabar berdi.

Qayd etilishicha, guruhning 11-nafar a’zosi Qo‘qon shahri va O‘zbekiston tumanlarida yashovchi, 1980 – 2000-yillar orasida tug‘ilgan fuqarolardan iborat.

2021 – 2023-yillarda noqonuniy guruh a’zolari Qo‘qon shahridagi choyxonalarda yig‘inlar o‘tkazib, u yerda diniy ekstremizm va jihod haqidagi g‘oyalar bilan bo‘lishishgan.

Ushbu yig‘inlarda ular Abdulloh Zufar, Sodiq Samarqandiy, Yaxyo Turkistoniy kabi shaxslarning taqiqlangan ma’ruzalarini tinglab, boshqa shaxslarni islom xalifaligini tashkil etish, jihod kabi ekstremistik g‘oyalarni targ‘ib qilganlar.

Ma’lum qilinishicha, guruhning ikki...