Yangiliklar

Toshkent viloyatining Parkent tumanida Baytqo‘rg‘on – Parkent oralig‘ida elektrlashtirilgan temir yo‘l liniyasining qurilish ishlari boshlab yuborildi. Bu haqda «Toshkent mintaqaviy temir yo‘l uzeli» unitar korxonasi ma’lum qildi.

Unga ko‘ra, loyiha bo‘yicha Baytqo‘rg‘on – Parkent elektrlashtirilgan temir yo‘li umumiy uzunligi 23,8 kilometrni tashkil etadi. Yangi yo‘nalishning loyihalash ishlari «Boshttransloyiha» aksiyadorlik jamiyati tomonidan amalga oshiriladi, qurilish ishlari esa temir yo‘l mutaxassislari tomonidan bajariladi.

Loyiha doirasida 2 ta ajratish punktlari, 4 ta ko‘prik, 2 ta yo‘lo‘tkazgich, 1 ta tunnel turidagi yo‘l o‘tkazgich, 78 ta suv o‘tkazish inshooti, 7 ta avtomobil yo‘li va temir yo‘l kesishmasi qurilishi rejalashtirilgan.

Ushbu yangi loyiha orqali Parkent...

Toshkent shahri va respublikaning ko‘plab viloyatlarida havo biroz bulutli bo‘lib, kechasi vaqti-vaqti bilan qor yog‘ishi va tuman tushishi mumkin, deb yozmoqda «O‘zgidromet».

Unga ko‘ra, Toshkentda kunduzi yog‘ingarchilik kutilmaydi, lekin kechasi havo 3-5° sovuq bo‘ladi, kunduzi esa 1° sovuq-1° iliq bo‘lishi ehtimoli bor.

Qoraqalpog‘iston, Xorazm viloyatlarida havo bulutli bo‘ladi, lekin yog‘ingarchilik kutilmaydi. Shamolning tezligi 7-12 m/s bo‘lib, ba’zi joylarda 13-18 m/s gacha kuchayishi mumkin. Harorat kechasi 8-13° sovuq, kunduzi esa 0-5° sovuq bo‘ladi.

Buxoro va Navoiy viloyatlarida ham havo bulutli, yog‘ingarchilik kutilmaydi. Shamol tezligi 7-12 m/s bo‘lib, ba’zi joylarda kuchayishi mumkin. Kechasi havo 5-10° sovuq, kunduzi esa 2° sovuq-3° iliq...

Bugun, 22-yanvar kuni Samsung kompaniyasi o‘zining birinchi yirik taqdimotini o‘tkazadi. Taqdimot kompaniyaning rasmiy YouTube sahifasi orqali uzatiladigan jonli efirda bo‘lib o‘tadi.

Galaxy Unpacked tadbiri Toshkent vaqti bilan soat 23:00 da bo‘lib, unda yangi Galaxy S25 seriyasi taqdim etiladi.

Shouni jonli efirda YouTube orqali yoki Samsungning rasmiy saytida ko‘rish mumkin bo‘ladi.

Brend to‘rt xil smartfonni taqdim etishi kutilmoqda. Jumladan, Galaxy S25, S25+, S25 Ultra va mutlaqo yangi Galaxy S25 Slim. Ehtimol, yangi aksessuarlar va boshqa qurilmalar ham namoyish etilishi mumkin. Qurilmalarning tasvirlari, xususiyatlari va ranglari allaqachon ma’lum, faqat narxlar va sotuvga chiqarilish sanasi qolgan.

Eslatib o‘tamiz, avvalroq Samsung Galaxy S...

Timur Kapadze O‘zbekiston milliy terma jamoasi bosh murabbiyi etib tayinlandi. Bu haqda O‘zbekiston futbol assotsiatsiyasi rasmiy kanalida ma’lum qilindi.

Unga ko‘ra, O‘zbekiston futbol assotsiatsiyasi bir qator nomzodlarni ko‘rib chiqib, mutaxassislar va murabbiylar kengashining tavsiyalarini tahlil qildi. Kapadze uzoq yillar davomida milliy terma jamoa safida to‘p surgan, bosh murabbiy va yordamchi murabbiy sifatida faoliyat olib borgan tajribali mutaxassis sifatida tanlandi.

Shuningdek, u O‘zbekiston Olimpiya terma jamoasi bilan tarixiy natijaga erishgan. Hozirda milliy jamoa Qatarda yig‘in o‘tkazmoqda va Kapadze boshqaruvni qo‘lga olgan.

Eslatib o‘tamiz, avvalroq Srechko Katanes Oʻzbekiston milliy terma jamoasi bosh murabbiyligidan ketgani haqida yozgan edik.

Jahon Banki so‘nggi «Global iqtisodiy istiqbollar» hisobotida Yevropa va Markaziy Osiyo (YeMO) mintaqasidagi iqtisodiy o‘sish sur’atlarining sekinlashishini prognoz qilmoqda. Bu haqda Jahon bankining Oʻzbekistondagi vakolatxonasi ma’lum qildi.

Unga ko‘ra, 2024-yilda YeMOda iqtisodiy o‘sish 3,2 foizga kamayishi kutilmoqda, bunda Rossiya va Turkiyadagi iqtisodiy zaiflashish muhim omil bo‘ldi. Inflyatsiya sekinlashish jarayoni to‘xtab qolgan, ammo umumiy inflyatsiya yuqori darajada saqlanib qolmoqda.

Markaziy Osiyo mamlakatlari, xususan, Tojikiston va O‘zbekiston pul o‘tkazmalari barqaror bo‘lib, aholi iste’mol darajasini qo‘llab-quvvatlamoqda.

O‘zbekiston yalpi ichki mahsulot o‘sishini 2025-yilda 5,8 foiz, 2026-yilda esa 5,9 foizga yetishi kutilmoqda. 2025-yilda YeMOda iqtisodiy o‘sish 2,5 foizgacha sekinlashishi, 2026-yilda esa 2,7 foizga...

Shavkat Mirziyoyev oliy ta’lim va ilm-fan sohasidagi ustuvor vazifalar bo‘yicha taqdimot bilan tanishdi. Bu haqda davlat rahbari matbuot xizmati ma’lum qildi.

Unga ko‘ra, oliy ta’lim tizimini yanada takomillashtirish, ilmiy salohiyatni oshirish va ta’lim jarayonlarini sifatli qilish uchun bir qator chora-tadbirlar belgilangan. O‘tgan yili bakalavriat ta’lim dasturlari 1 200 dan ortiq xorijiy andozalarga moslashtirilgan bo‘lib, yangi zamonaviy yo‘nalishlar, jumladan, qayta tiklanuvchi energiya manbalari, atrof-muhit muhandisligi va biotizimlar muhandisligi kabi sohalar ochildi.

2025-yil ham oliy ta’lim tizimi yanada takomillashtiriladi: mingdan ortiq ta’lim dasturi «TOP-300» universitet dasturlari asosida yangilanadi, 45 ta ta’lim dasturi xalqaro akkreditatsiyadan o‘tkaziladi.

Shuningdek, prezident tomonidan 40 ta...

«O‘zbekistonda islom banki faoliyati to‘g‘risida»gi qonun loyihasi Vazirlar Mahkamasida yakunlanmoqda. Bu haqda O‘zbekiston Markaziy banki kredit tashkilotlari faoliyatini tartibga solish metodologiyasi departamenti direktori o‘rinbosari Alautdin Arifxonov Kursiv Uzbekistan’ga ma’lum qildi.

«Qonun loyihasi Vazirlar Mahkamasiga kiritilgan bo‘lib, hozirda islomiy moliya sohasidagi vazirliklar va ekspertlar bilan birgalikda ishlab chiqilmoqda. Hujjat yakunlangach Oliy Majlis Qonunchilik palatasiga, keyin esa Senatga kiritiladi», – dedi Arifxonov.

Unga ko‘ra, qonun Islom taraqqiyot bankining grant yordami asosida ishlab chiqilgan. Mazkur qonunning qabul qilinishining ahamiyati banklarning islom banki faoliyatini amalga oshirishi uchun huquqiy asos yaratilgani bilan izohlanadi.

«Banklar va bank...

Oʻzbekiston Markaziy banki 2025-yil 1-yanvardan boshlab bir kishiga rasmiylashtirilishi mumkin boʻlgan bank kartalari sonini cheklash haqida qaror qabul qildi. Yangi qoidalarga koʻra, bir bankda beshtagacha karta ochish mumkin, umumiy hisobda esa bir mijozga butun bank tizimi boʻyicha yigirmatagacha karta olishga ruxsat etiladi. Limitdan tashqari ochilgan plastik kartalarning taqdiri nima bo‘ladi? Plastik kartalar banklar tarafdan yopib qo‘yiladimi? Shu kabi savollarga Markaziy bankda bo‘lib o‘tgan media muloqotda Kiberxavfsizlik markazi rahbari Olimjon Tolipov javob berdi.

Media muloqot doirasida aynan ortiqcha ochilgan kartalarning taqdiri yuzasidan bir nechta savollar berildi.

«Biz banklarda jismoniy shaxslarning plastik karta ochish limitini beshtagacha qilib...

Cadillac kompaniyasi o‘zining 2025-yilgi eng arzon elektr modeli – Optiq krossoverini mijozlarga yetkazib bera boshladi. Bu haqda Gmauthority nashri ma’lum qildi.

Bu model Lyriq, Vistiq va Escalade IQ kabi premium avtomobillar qatorida narxi jihatidan eng hamyonbop hisoblanadi. Optiqning boshlang‘ich narxi $54,3 ming bo‘lib, bir zaryadda taxminan 480 km masofani bosib o‘tadi.

Optiq to‘rtta trim darajasida taqdim etiladi: Luxury 1 ($54,3 ming), Sport 1 ($54,9 ming), Luxury 2 ($56,6 ming) va Sport 2 ($57 ming). Yuqori darajadagi modellarda eksklyuziv kuzgi kanyon va Phantom Blue interyerlari mavjud bo‘lib, ularning narxi qo‘shimcha $1100ni tashkil etadi. Shuningdek, ikki rangli qora tom variant $600ga...

O‘zbekistonda «Cyber university» davlat universiteti tashkil etildi. Bu haqdagi qaror prezident tomonidan imzolangan. Ushbu universitet axborot texnologiyalari, kiberxavfsizlik, raqamli iqtisodiyot va sun’iy intellekt sohalarida kadrlar tayyorlashga ixtisoslashadi.

Mazkur universitetning asosiy vazifalari quyidagilardan iborat:

o‘quv-metodik adabiyotlar yaratish va tadqiqotlar olib borish. Universitet fundamental, ilmiy va amaliy tadqiqotlarni talabalar va mutaxassislarni jalb qilgan holda amalga oshiradi;

axborot va kiberxavfsizlik, raqamli texnologiyalar va sun’iy intellekt sohalarida kadrlar tayyorlash. Bu sohalar qatoriga robototexnika, raqamli iqtisodiyot, shuningdek, avtomatlashtirilgan axborot-tahliliy tizimlar kiradi;

mutaxassislarni qayta tayyorlash va malaka oshirish. Raqamli texnologiyalar bo‘yicha zamonaviy bilimlar berishga yo‘naltirilgan dasturlar amalga oshiriladi;

ilg‘or xorijiy tajriba asosida ta’lim jarayonlarini tashkil...

2025-yil 1-yanvar holatiga maxsus roʻyxatdan oʻtgan QQS toʻlovchilar soni 201 mingtani tashkil etib, 2024-yilning mazkur davriga nisbatan 5,7 foizga oshdi. Bu haqda Soliq qoʻmitasi axborot xizmati xabar berdi.

Eng koʻp QQS toʻlovchilari savdo (67,1 ming), qishloq xoʻjaligi (46,4 ming) va sanoat (26,8 ming) sohalarida roʻyxatga olingan. Yil yakunlari boʻyicha soliq toʻlovchilarning sezilarli oʻsishi axborot, aloqa va transport sohasida mos ravishda 15,2 va 13,4 foizga qayd etildi.

Eng koʻp QQS toʻlovchilari Toshkent shahrida roʻyxatga olingan boʻlib, 47,8 mingni tashkil qildi. Yil davomida ularning soni poytaxtda 9,8 foizga koʻpaydi. Toshkent viloyati 9,7 foizga, Navoiy viloyati 7,6 foizga oʻsgan holda ikkinchi va...

O‘zbekiston Respublikasi Prezidentining farmoni bilan Erkinjon Turdimov Sirdaryo viloyati hokimi vazifasini bajaruvchi etib tayinlandi. Bu haqda prezident matbuot xizmati rahbari Sherzod Asadov ma’lum qildi.

Sirdaryo viloyatining avvalgi hokimi Akmaljon Mahmudaliyev  hududida investitsiyalarni jalb qilish va qishloq xo‘jaligini rivojlantirishdagi jiddiy kamchiliklari tufayli lavozimidan ozod etilgan edi.

Ma’lumot uchun, Turdimov 2018-yildan 2024-yilgacha Samarqand viloyati hokimi bo‘lgan, 2008 − 2016-yillar davomida Navoiy viloyatini boshqargan.

Avvalroq Kursiv Uzbekistan investitsiya loyihalarida mahalliy mahsulotlardan foydalanish kuchaytirilishi haqida xabar bergan edi.

Oʻzbekiston milliy terma jamoasi bosh murabbiyi Srechko Katanes sogʻligʻi bilan bogʻliq muammolar sababli Oʻzbekiston futbol assotsiatsiyasi bilan tuzilgan shartnomani oʻzaro rozilik asosida bekor qilishga qaror qildi.

Sloveniyalik murabbiy oʻz murojaatida hozirgi holatida vazifalarini toʻlaqonli va professional tarzda bajarish imkoniyati yoʻqligini afsus bilan ta’kidladi. Shuningdek, u doimiy qoʻllab-quvvatlagani va samarali hamkorlik uchun assotsiatsiyaga oʻz minnatdorchiligini bildirdi.

Katanes Oʻzbekiston milliy terma jamoasiga jahon chempionati saralash bahslarida muvaffaqiyat tiladi va jamoa bilan ishlagan vaqtini yuksak e’tirof etishini qayd etdi. Oʻzbekiston futbol assotsiatsiyasi endilikda terma jamoaga yangi bosh murabbiy tayinlash masalasini hal qilish ustida ish olib bormoqda.

Ma’lumot uchun, Katanes 1963-yilda Sloveniyaning Lyublyana...

OpenAI, SoftBank va Oracle kompaniyalari sun’iy intellektni (SI) rivojlantirishga sarmoya kiritish uchun Stargate qo‘shma korxonasini tashkil etadi. Bu tashabbusni AQShning yangi prezidenti Donald Tramp e’lon qildi, deb xabar berdi Bloomberg agentligi.

OpenAI saytida aytilishicha, Stargate to‘rt yil ichida AQShda sun’iy intellekt infratuzilmasini yaratishga $500 milliard sarmoya kiritishni rejalashtirmoqda. Shu bilan birga, OpenAI darhol $100 milliard ajratadi.

«Ushbu infratuzilma Amerikaning sun’iy intellekt sohasida yetakchiligini ta’minlaydi, yuz minglab Amerika ish o‘rinlarini yaratadi va butun dunyo bo‘ylab ulkan iqtisodiy foyda keltiradi», – deyiladi bayonotda.

OpenAI hamkor kompaniyalari orasida SoftBank va Oracle’dan tashqari MGX ham bor.

Avvalroq Kursiv...

Telegram messenjeri kriptovalyutalar bilan bog‘liq siyosatini standartlashtiradi. Yagona hamkor TON Foundation kompaniyasi bo‘ladi. Bu haqda Telegram asoschisi Pavel Durov ma’lum qildi.

«TON Foundation bilan Telegram uchun TONni eksklyuziv blokcheyn hamkori qilishga kelishib oldik. TON bizning blokcheyn infratuzilmasiga aylanadi», – deb yozdi Durov o‘zining Telegram kanalida.

Shuningdek, u standartlashtirish Telegram foydalanuvchilari uchun foydali bo‘lishini va bu platformaga firibgarlik holatlari bilan kurashishda yordam berishini qo‘shimcha qildi.

Shu tarzda Toncoin Telegram xizmatlarining yagona kriptovalyutasiga aylanadi.

Eslatib o‘tamiz, avvalroq Instagramda Reels videolarining maksimal davomiyligi uch daqiqagacha uzaytirilgan edi.

2024-yilda Xitoyning BYD kompaniyasi birinchi marta Tesla’ni ortda qoldirib, elektr transport vositalari bozorida yetakchiga aylandi. BYD yil davomida 1,78 million dona elektromobil ishlab chiqarib, o‘tgan yilga nisbatan ishlab chiqarishni 11,85 foizga oshirdi. Tesla esa 1,77 million dona avtomobil ishlab chiqarib, raqobatchisidan biroz ortda qoldi. Bu haqda ithome nashri xabar berdi.

BYD kompaniyasining elektr transport vositalarining umumiy savdosi 1,76 million donaga yetib, o‘tgan yilning shu davriga nisbatan 12,08 foizga o‘sdi. Kompaniyaning umumiy avtomobil savdosi esa 2,5 million donani tashkil etdi, bu esa o‘tgan yilga nisbatan 72,83 foizga ko‘proqdir.

Tesla esa yil davomida jami 1,79 million dona avtomobil yetkazib berdi, ammo...

21-yanvar kuni Turkiyaning Bolu tog‘larida joylashgan Kartalkaya chang‘i kurortidagi mehmonxonada yong‘in sodir bo‘ldi. Hodisa oqibatida 76 kishi halok bo‘ldi, o‘nlab odamlar jarohatlandi, deb xabar beradi Reuters.

Ma’lumotlarga ko‘ra, yong‘in soat 3:30 atrofida mehmonxonaning oshxona qavatida boshlangan va tezda butun binoga tarqalgan. Qo‘rqib ketgan mehmonlar derazalardan sakrashga majbur bo‘lishgan, ba’zilar esa yostiq va to‘shaklar yordamida pastga tushishga urinib halok bo‘lgan. Voqea sodir bo‘lgan vaqtda mehmonxonada 238 nafar mehmon bo‘lgan.

Politsiya voqea yuzasidan tergov boshladi va to‘qqiz nafar shaxsni hibsga oldi. Prezident Rajab Toyyib Erdog‘an voqeani milliy motam kuni deb e’lon qildi. Tergov davom etmoqda va yong‘inning sababi aniqlanmoqda.

Eslatib o‘tamiz...

2024-yilda O‘zbekiston avtomobilsozlik sanoati tomonidan jami 424,8 ming dona yengil avtomobil ishlab chiqarildi. Bu haqda Statistika agentligi ma’lum qildi.

Ma’lum qilinishicha, 2024-yilda eng ko‘p ishlab chiqarilgan avtomobil modeli Cobalt bo‘lib, 164,8 ming dona ishlab chiqarildi. Undan keyin Damas (101,9 ming dona) va Tracker (45,9 ming dona) joylashdi.

Shuningdek, Onix modeli 41,6 ming dona ishlab chiqarilgan bo‘lsa, Kia avtomobillari 19,3 ming, Lacetti-Gentra 12,8 ming donani tashkil etdi. Chery va Haval mos ravishda 6,3 ming va 2,4 ming dona ishlab chiqarilgan.

BYD avtomobillarining ishlab chiqarish hajmi 4 ming donani tashkil etdi, Lada esa faqat 6 dona ishlab chiqarildi. Maxsus yengil avtomobillar...

Abduqodir Husanov «Manchester Siti»da yiliga taxminan 3,5 million yevro ishlab topadi. Bu haqda Husanovga yaqin manba Narzulla Saydullayev ma’lum qildi.

O‘zbekistonlik yosh himoyachi «Manchester Siti» klubi bilan 4,5 yil muddatga mo‘ljallangan shartnoma imzoladi. U yangi klubida 45-raqam ostida to‘p suradi.

Shu orqali Abduqodir Husanov Angliya Premyer ligasida to‘p tepayotgan birinchi o‘zbekistonlik futbolchiga aylandi.

Eslatib o‘tamiz, 2023-yilning iyul oyida Husanov Fransiyaning «Lans» klubiga Belarusning «Energetik-BGU» jamoasidan 100 ming yevroga transfer qilingandi.

Avvalroq Kursiv Uzbekistan Abduqodir Husanov «Manchester Siti»ga o‘tgani haqida xabar bergan edi.

Prezident yordamchisi Saida Mirziyoyeva Yevropa Ittifoqining O‘zbekistondagi elchisi Toivo Klaar bilan uchrashdi. Bu haqda u o‘zining Telegram kanalida ma’lum qildi.

Uchrashuvda tomonlar «Yevropa Ittifoqi – Markaziy Osiyo» sammitiga tayyorgarlik mavzusini muhokama qildi.

«Janob Klaar ayollarning huquqiy himoyasi va iqtisodiy imkoniyatlarini kengaytirishga qaratilgan sa’y-harakatlarimizni qat’iy qo‘llab-quvvatlashini bildirdi», – deb yozdi prezident yordamchisi.

Eslatib o‘tamiz, «Yevropa Ittifoqi – Markaziy Osiyo» sammiti aprel oyida Samarqandda bo‘lib o‘tadi.

Eslatib o‘tamiz, avvalroq Saida Mirziyoyeva xalqaro fan olimpiada g‘oliblari bilan uchrashgan edi.

Qalin tuman sababli Namangan xalqaro aeroportida havo kemalarining uchish va kelishiga vaqtincha cheklovlar joriy etildi. Bu haqda Uzbekistan Airports ma’lum qildi.

Unga ko‘ra, Uzbekistan Airways aviakompaniyasining Sochi – Namangan yo‘nalishidagi HY-9826 reysi Farg‘onadagi muqobil aerodromga, Flynas aviakompaniyasining Jidda – Namangan yo‘nalishidagi XY-651 reysi Toshkent aeroportiga yo‘naltirildi.

Shuningdek, Qanot Sharq aviakompaniyasining Istanbul – Namangan yo‘nalishidagi HH-578 reysi ham Toshkentga kelib qo‘ndi.

Eslatib o‘tamiz, avvalroq 2024-yilda Oʻzbekiston aeroportlari 13,5 mln yoʻlovchiga xizmat koʻrsatgani haqida yozgan edik.

2025-yil boshida O‘zbekiston sayohatchilari orasida eng mashhur yo‘nalishlar Rossiya, BAA, Turkiya va Saudiya Arabistoni bo‘ldi, deb ma’lum qildi Aviasales matbuot xizmati nashrimizga.

Unga ko‘ra, aviachipta narxlari turli yo‘nalishlar bo‘yicha o‘zgaruvchan dinamikani ko‘rsatdi. Reyslar soni ortgan sababli Rossiyaga yo‘l oladigan uchishlar 13% ga arzonlashdi. Shu bilan birga, BAAga ham chipta narxlari o‘rtacha 6% ga oshdi, bunga sabab esa qishki mavsumda talabning oshganidir.

Turkiyadagi sayyohlik mavsumining yakunlanishi va reyslar sonining ko‘payishi ortidan o‘zbekistonlik sayohat qiluvchilar uchun yanada arzonlashtirdi. 2025-yil boshida o‘rtacha narx 8% ga pasaygan.

Saudiya Arabistoniga chipta narxlari esa 22% ga qimmatlashdi. Bu haj va umra qiluvchilar, sayohatchilar va tadbirkorlar tomonidan...

Bugun O‘zbekistonning turli viloyatlarida havo sharoitlari turlicha bo‘ladi, deya xabar bermoqda «O‘zgidromet» agentligi.

Unga ko‘ra, Toshkent shahrida havo biroz bulutli, vaqti-vaqti bilan yog‘ingarchilik bo‘lib, kechasi va ertalab tuman kuzatilishi mumkin. Shamol g‘arbdan 5-10 m/s tezlikda esadi va ba’zi joylarda 12-14 m/s gacha kuchayadi. Harorat kechasi va kunduzi 1-3° iliq bo‘ladi.

Qoraqalpog‘iston Respublikasi va Xorazm viloyatida havo biroz bulutli, yog‘ingarchilik kutilmaydi. Ayrim joylarda tuman tushishi mumkin. Shamol g‘arbdan 7-12 m/s tezlikda esadi va ba’zi joylarda 13-18 m/s gacha kuchayadi. Harorat kechasi 2-7° sovuq, kunduzi esa 3° sovuqdan 2° iliqqacha o‘zgaradi.

Buxoro va Navoiy viloyatlarida havo biroz bulutli, ba’zi joylarda yog‘ingarchilik...

Shavkat Mirziyoyev Yaponiya xalqaro hamkorlik agentligi (JICA) prezidenti Akixiko Tanaka boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, tashrif davomida ikki davlat o‘rtasidagi amaliy hamkorlikni kengaytirish, qo‘shma tashabbuslarni ilgari surish masalalari muhokama qilindi.

Mirziyoyev JICA bilan hamkorlikning yangi bosqichini boshlashini ta’kidladi va agentlikning Yangi O‘zbekistonni barpo etish borasidagi islohotlarni qo‘llab-quvvatlashdagi strategik o‘rniga alohida e’tibor qaratdi. Hozirda energetika, transport, qishloq va suv xo‘jaligi, sog‘liqni saqlash, ta’lim kabi sohalarda $8 mlrddan ziyod qo‘shma loyihalar amalga oshirilmoqda.

JICA orqali 2,5 mingdan ortiq o‘zbekistonlik mutaxassis Yaponiyada o‘qish va amaliyot o‘tashgan.

Shuningdek, Toshkentda Respublika ixtisoslashtirilgan nevrologiya va...