Yangiliklar

2024-yilning birinchi yarmida kompaniya Moliyaviy hisobotning xalqaro standartlari (MHXS) boʻyicha 2,1 trillion soʻm miqdorida sof foyda oldi. Oraliq konsolidatsiyalashgan hisobot kompaniyaning rasmiy veb-saytida e’lon qilindi. Bu yilgi natija oʻtgan yilning shu davridagi 422 milliard soʻmlik koʻrsatkichdan sezilarli darajada yuqori boʻlib, sof foyda besh barobarga oshdi.

Umumiy tushum va boshqa daromadlar 15,7 trillion soʻmni tashkil etib, oʻtgan yilgi 14 trillion soʻmlik koʻrsatkichdan oshdi. Umumiy xarajatlar esa 11,7 trillion soʻm boʻlib, oʻtgan yilgi 10,9 trillion soʻmlik koʻrsatkichdan yuqori boʻldi, biroq tushumning oʻsishiga nisbatan kamroq oshdi. Moliyaviy daromadlar 1,26 trillion soʻmga yetdi (2023-yilda 466 milliard soʻm edi). Shu bilan birga, ushbu turdagi xarajatlar ham...

Rajab Toyyib Erdo‘g‘an Bishkekda Qirg‘iziston prezidenti Sadir Japarovga Turkiyada ishlab chiqarilgan Togg elektr avtomobilini sovg‘a qildi. Bu haqda Daily Sabah nashri ma’lum qildi.

Unga ko‘ra, Japarov Turkiya rahbariga ot sovg‘a qildi. Bu Qirg‘izistondan Erdo‘g‘anga ikkinchi marta ot sovg‘a qilishi bo‘ldi.

Erdo‘g‘an Qirg‘izistonga ikki turkiy davlat o‘rtasidagi ikki tomonlama aloqalarni rivojlantirish bo‘yicha yirik hamkorlik bitimlarini imzolash va chorshanba kuni bo‘lib o‘tadigan Turkiy Davlatlar Tashkiloti sammitida ishtirok etish uchun tashrif buyurdi.

Eslatib o‘tamiz, avvalroq Mirziyoyev Qozon shahrida Erdog‘an bilan uchrashgan edi.

Iqtisodiyot va moliya vazirligi tomonidan yillik moliyaviy hisobotlarni topshirishning aniq muddatlari toʻgʻrisida nizom qabul qilindi.

Maʼlum qilinishicha, BHMSga asosan tuzilgan yillik moliyaviy hisobot keyingi yilning 1-martidan kechiktirmay, MHXSga asosan tuzilgan yillik moliyaviy hisoboti esa hisobot yilidan keyingi yilning 1-mayidan kechiktirmay taqdim etiladi.

Shuningdek, amaldagi qonunchilikka koʻra, BHMSga asosan tuzilgan yillik moliyaviy hisobot hisobot yilidan keyingi yilning 15-fevralidan kechiktirmay taqdim etilish belgilangan boʻlib, endilikda tadbirkorlik subyektlariga yengillik yaratish maqsadida ushbu muddat 1-mart qilib belgilandi.

Avvalroq «Kursiv» Oʻzbekistonda moliyaviy xizmatlarni raqamlashtirish oʻsib borishi haqida xabar bergan edi.

Davlat xavfsizlik xizmati (DXX) tomonidan Toshkent viloyatida korrupsiyaga qarshi kurash doirasida majbuiry ijro byurosi (MIB), soliq va bojxona xodimlari pora bilan qo‘lga olindi. Bu haqda DXX matbuot xizmati xabar berdi.

Qayd etilishicha, Qibray tumani MIB xodimi hibsga olingan mol-mulklarni davlat auksioniga qo‘ymaslik evaziga fuqarodan $5 ming talab qilgan. U oldindan $2 ming olgan va $3 ming olayotgan vaqtida qo‘lga olingan.

Shuningdek, Zangiota tumani soliq inpeksiyasi bo‘lim boshlig‘i vazifasini bajarayotgan mansabdor ham korxonaga «rahnamolik» qilish hamda ushbu korxonada bir yil davomida tekshiruv o‘tkazmaslik evaziga $1,2 ming olayotgan vaqtida qo‘lga olingan.

Yana bir holat Toshkent viloyati bojxona boshqarmasining «Yallama» chegara bojxona...

5-noyabr kuni O‘zbekiston Respublikasi valyuta birjasida dollarning rasmiy kursi 15,14 so‘mga pasayib, 12 774,98 so‘mni tashkil etdi.

Moliya institutlari dollarni 12 730 – 12 770 so‘mdan xarid qilishmoqda va 12 800 – 12 850 so‘mdan sotishmoqda.

Avvalroq Kursiv Uzbekistan mamlakatda AQSh valyutasining narxi 4-noyabr kuni qanday o‘zgargani haqida yozgan edi.

Joriy yilning 1-noyabr holatiga ko‘ra, pensiya olayotgan 100 yoshga toʻlgan va undan oshgan fuqarolar soni 490 nafarni tashkil qiladi. Bu haqda Pensiya jamgʻarmasi axborot xabar berdi.

Taʼkidlanishicha, shundan 121 nafari erkak boʻlsa, 369 nafar ayol kishilar hissasiga toʻgʻri keladi.

Hududlar kesimida 100 yoshdan oshgan pensiya oluvchilar Qashqadaryo (78 nafar), Surxondaryo (68 nafar) va Fargʻonada (51 nafar) viloyatlarida koʻpchilikni tashkil qiladi. Oʻz navbatida 100 yoshdan oshgan eng kam pensiya oluvchilar Navoiy (10 nafar), Sirdaryo (11 nafar) va Jizzax viloyatlarida qayd etilgan.

Poytaxt Toshkent shahrida esa 100 yoshdan oshgan pensiya oluvchilar soni 28 nafarni tashkil qiladi.

Eslatib oʻtamiz, 1-sentabrdan pensiya...

Joriy yilning 1-noyabr kuni Hukumatning 731-son qarori bilan Zulfiya nomidagi Davlat mukofotiga nomzodlarni tanlash va hujjatlarini topshirish tartibi haqidagi nizom tasdiqlandi.

Mazkur hujjatga ko‘ra, Zulfiya nomidagi Davlat mukofotiga nomzodlarni saralash, hujjatlarni rasmiylashtirish va nomzodlarning yutuqlarini, ilmiy-ijodiy va amaliy ishlarini baholash mezonlari aniqlandi.

Nomzodlar quyidagi 8 yo‘nalishda – fan, ta’lim, adabiyot, madaniyat, san’at, sport, axborot texnologiyalari va jamoatchilik faoliyati bo‘yicha tanlov orqali saralanadi.

Mukofot ijtimoiy faolligi va iste’dodi bilan tengdoshlariga o‘rnak bo‘layotgan, 14-yoshdan 30-yoshgacha bo‘lgan qobiliyatli ayollarga o‘qish va mehnat faoliyatidagi yutuqlari uchun beriladi.

Saralash bosqichlari tuman (shahar) bosqichi – 2-sentabrdan 20-oktabrgacha, Qoraqalpog‘iston Respublikasi, viloyatlar va Toshkent shahar bosqichi...

Ulug‘bek Tavakkalov Madad Invest bank boshqaruv raisi lavozimidan yetti oydan so‘ng ozod etildi. Bu haqda O‘zbekiston Yagona korporativ axborot portalida xabar berildi.

Mehnat shartnomasi tomonlarning kelishuviga binoan bekor qilindi. Endi boshqaruv raisi vazifasini vaqtincha boshqaruv raisining birinchi o‘rinbosari Safarali Rahmatullayev bajaradi.

Tavakkalov Madad Invest bankda yetti oy rahbarlik qildi. Shu davrda bank rebrending jarayonini boshlagan. 2024-yil 1-oktabr holatiga ko‘ra, bank aktivlari 509 mlrd so‘mni tashkil etib, O‘zbekiston banklari orasida 31-o‘rindan joy oldi.

Kursiv Uzbekistan reytingiga ko‘ra, bank 27-o‘rinda joylashgan.

Avvalroq «Kursiv» O‘zbekistonda Mybank tashkil etilishi haqida xabar bergan edi.

Joriy yil 4-noyabr holatiga ko‘ra, propan narxi tonnasiga birdaniga 800 ming so‘mga qimmatlab, 9,6 mln so‘mdan oshdi.

Ba’zi shoxobchalarda propan yuqori 7,5 ming so‘m yoki 8 ming so‘m narxlarda sotilmoqda. Shuningdek, 80 markali benzin bilan ham shu kabi holat narxlar 8,2 – 8,8 ming so‘mni tashkil etmoqda.

Biroq faqat poytaxtda UNG Petro shoxobchalariga chiqarilayotgan 6,9 ming so‘mlik 80 markali benzin bir soat ichida tugamoqda, deb yozmoqda iqtisodchi Otabek Bakirov.

«Ertadan boshlab havoning keskin sovushi fonida yoqilg‘i ta’minotidagi taqchillik va qimmatchilik yanada kuchayishi mumkin», — dedi iqtisodchi.

Bundan tashqari, birja 92 markali benzin bo‘yicha...

1-noyabr kuni Vazirlar Mahkamasi tomonidan Oʻzbekistonda elektromobillarni quvvatlash stansiyalari sonini koʻpaytirish toʻgʻrisida qaror qabul qilindi.

Qarorga koʻra, 2025-yil 1-fevraldan boshlab davlat organlari, savdo va biznes markazlari, dam olish maskanlari, xalqaro va davlat ahamiyatidagi avtomobil yoʻllari boʻyidagi toʻxtash joylarining kamida 5 foizi elektr transport vositalarini quvvatlantirish stansiyalari bilan jihozlash belgilandi.

Shuningdek, koʻp qavatli uylar yaqinida, jumladan, ularga eng yaqin avtoturargohlarda maksimal quvvati 22 kVt boʻlgan stansiyalarni oʻrnatish rejalashtirilgan.

Umumiy hisobda 2025-yil oxirigacha Oʻzbekiston boʻylab 32,4 mingta shunday stansiyalarini oʻrnatish rejalashtirilgan. Davlat mulkida boʻlgan boʻsh yer maydonlarida stansiyalarni oʻrnatish uchun joylar «K-Savdo» tizimi orqali auksionga qoʻyiladi.

Avvalroq «Kursiv» Oʻzbekistonga sakkiz oy...

«Invest finans bank» AJning kredit xizmati reklama axborotida iste’molchilarni chalg‘ituvchi ma’lumot berilganligi sabab jamiyatga nisbatan jarima qo‘llanildi. Bu haqda Raqobat qo‘mitasi axborot xizmati xabar berdi.

Qayd etilishicha, jamiyat Toshkent shahrida joylashgan LED monitorli reklama obyektlarida e’lon qilingan «50 000 000 tanishlarsiz, 50 kun foizlarsiz, 5 yilga, ta’til uchun, ta’mirlash uchun, texnika uchun» mazmunidagi reklama ma’lumotlari berilgan.

Mazkur reklama yuzasidan qo‘mita tomonidan o‘rganish ishlari natijasida aniqlanishicha, Infin black kredit kartasi uchun 50 million so‘mgacha, 60 oyga, yillik 23,99 foizdan kredit ajratilishi belgilangan.

Shuningdek, ushbu kredit kartadan naqd pul yechish ikki foiz, kartadan kartaga pul o‘tkazish esa bir foiz, alohida belgilanadigan...

Jo‘rabek Rahimov yettinchi chaqiriq xalq deputatlari viloyat Kengashining birinchi sessiyasida Xorazm viloyati hokimi lavozimiga tasdiqlandi. Bu haqda u o‘z Telegram kanalida xabar berdi.

Rahimov 1981-yil Xorazm viloyati Shovot tumanida tug‘ilgan. 2013 – 2016-yillarda Xorazm viloyati qishloq va suv xo‘jaligi boshqarmasi boshlig‘i lavozimida ishlagan.

Avvalroq Kursiv Uzbekistan Toshkent shahar Mirzo Ulug‘bek tumaniga yangi hokim tayinlangani haqida yozgan edi.

O‘zbekiston Fintech Assotsiatsiyasidan mikrobiznes uchun asosiy xarajatlar va daromadlarni boshqarish uchun bepul bot ishga tushirildi. Bu haqda assotsiatsiya matbuot xizmati ma’lum qildi.

Unga ko‘ra, mikrobiznes egalariga Telegram’da o‘z mablag‘larini osongina kuzatib borish imkoni yaratildi. Yangi bot asosiy xarajatlar va tushumlarni kuzatishga, har kungi hisob va xarajatlarni toifalar bo‘yicha tahlil qilishga yordam beradi. Bot uch tilda: o‘zbek, rus va ingliz tillarida ishlaydi.

Bepul bot foydalanuvchilarga murakkab buxgalteriya tizimlariga vaqt sarflamasdan o‘z bizneslarini rivojlantirishga ko‘maklashadi. Kelgusida bot bilan to‘lov tizimlari bilan integratsiyalashuvi va moliyaviy hisobni yanada qulayroq qilish rejalashtirilmoqda.

Bot https://bi-panel.ftech-data.com/ havolasida Intertrace so‘zini faollashtirish kodi yoki FINTECH tugmasini bosish...

IQAir platformasi ma’lumotlariga ko‘ra, 5-noyabr kuni Toshkent dunyoning havosi eng yuqori darajada ifloslangan shaharlari reytingida o‘ninchi o‘rindan joy oldi.

O‘zbekiston poytaxti atmosferasida PM2,5 miqdori Jahon sog‘liqni saqlash tashkiloti tomonidan havo sifati bo‘yicha tavsiya etilgan normal me’yordan 11 baravar yuqori bo‘lgan.

Toshkent havosi nafas yo‘llari kasalliklariga chalinganlar uchun zararli.

Pokistonning Lahor shahri havo ifloslanishi bo‘yicha shaharlar reytingida birinchi o‘rinni egalladi. Uchlikdan Dehli (Hindiston) va Bag‘dod (Iroq) shaharlari joy oldi.

Avvalroq Kursiv Uzbekistan O‘zbekistondagi ekologik vaziyat koinotdan tahlil qilinishi haqida yozgan edi.

Eron prezidenti Masud Pezeshkianning aytishicha, Tehron o‘z mamlakatiga qarshi har qanday hujumga javob beradi, biroq Isroil mintaqadagi tajovuzini to‘xtatib, sulhga rozi bo‘lsa, bu javobning tabiati va ko‘lami o‘zgarishi mumkin. Bu haqda Anadolu ajansi ma’lum qildi.

Unga ko‘ra, Tehrondagi Vazirlar mahkamasi yig‘ilishida so‘zlagan Pezeshkian Isroil tomonidan tajovuz kuchayib borayotganiga urg‘u berdi. Uning eslatishicha, AQSh va Yevropa yetakchilari agar Eron Falastinning HAMAS harakati siyosiy byurosi rahbari Ismoil Haniyaga suiqasd uyushtirilganiga javob qaytarmasa, G‘azoda sulh e’lon qilishga va’da bergan edi.

«Hukumatimizning birinchi kunidayoq Haniyaga suiqasd uyushtirib, sionistik rejim urush qo‘zg‘atmoqchi bo‘ldi. Biz sulh o‘rnatish, begunoh ayollar va bolalarning...

Farg‘ona vodiysida yangi baliq turi – Dzihunia pseudoamudarjensis topildi, deb xabar berdi O‘zA agentligi.

Fargʻona davlat universiteti ixtiolog olimlari biolog Baxtiyor Sheraliyev rahbarligida yangi baliq turlarini aniqlash va oʻrganish bilan shugʻullanib keladilar.

Olimning soʻzlariga koʻra, Markaziy Osiyo suv havzalarini tahlil qilish natijasida mintaqada yashovchi baliqlarning turlarini yanada chuqur oʻrganish zarurligi ma’lum boʻldi.

Dzihunia pseudoamudarjensis boshqa baliq turlaridan yonoq chizigʻidagi teshiklar soni, tumshugʻining nozik boʻlishi, orqa va qorin parralarining past boʻlishi hamda koʻzlari orasidagi masofaning kattaligi bilan farqlanadi.

O‘zbekistonlik olimlarning yangi tur haqidagi maqolasi «Zootaxa» xalqaro jurnalida chop etildi.

Avvalroq Kursiv Uzbekistan nashri O‘zbekiston va Rossiya ilmiy...

Tarmoqlar yengil avtomobillar importida muvofiqlik sertifikatini olish xarajati 3,5 baravarga, ya’ni 2,6 mln soʻmdan 9,1 mln soʻmga oshgani haqida xabarlar keng tarqalmoqda. Kursiv Uzbekistan holatga aniqlik kiritish maqsadida Oʻzbekiston ilmiy-sinov va sifat nazorati markazi (UzTest) bilan bogʻlandi.

Kursiv bilan suhbatda boʻlgan markaz mutaxassisi joriy qilingan bu choralar rasmiy diler bo‘lmaganlar uchun taalluqli ekanligini ma’lum qildi.

«Buning rasmiy dilerlar uchun hech qanday ta’siri yoʻq, ularga uch yil uchun sertifikat beriladi. Bu oʻzimizda dilerlik markazlari yoki rasmiy kompaniyasi boʻlishiga qaramay, chetdan o‘zlari olib keluvchilar uchun amal qiladi. Koʻrilayotgan choralar respublikadagi rasmiy dilerlarni qoʻllab-quvvatlash uchun qilinyapti» , – deydi...

Sirdaryo viloyati chegara o‘tkazish punktida jami 922 dona tilladan yasalgan zargarlik buyumlarining olib o‘tilishiga chek qo‘yildi. Bu haqda Davlat bojxona qo‘mitasi axborot xizmati xabar berdi.

Qayd etilishicha, «Malik» chegara o‘tkazish punktida fuqaroning ichki kiyimlariga 19 ta o‘ramda jami 468 dona brilliant toshlar bilan bezatilgan zargarlik buyumlari yashiringani aniqlangan.

Shuningdek, fuqaro qimmatbaho buyumlarni o‘tkazishda 14 yoshli nevarasidan foydalanishga uringan. Bolaning ichki kiyimlaridan ham 12 ta o‘ram topilib, unda 8 turdagi, jami 454 dona taqinchoqlar borligi aniqlangan.

Ushbu qimmatbaho buyumlarning umumiy og‘irligi 6,7 kilogrammdan ortiq bo‘lib, umumiy qiymati 5,6 milliard so‘mni tashkil etmoqda.

Eslatib o‘tamiz, mamlakat qonunchiligiga ko‘ra, jismoniy shaxslar respublikaga...

Oʻzbekistonda harbiy yoki favqulodda holat davrida harbiy xizmatchi halok boʻlgani, oʻq zarbasi olgani yoki nogironlik holatida beriladigan sugʻurta toʻlovi miqdori belgilandi. Bu haqda ILMA ma’lum qildi.

Unga ko‘ra, favqulodda holat yoki jangovar harbiy harakatlar davrida halok bo‘lgan, jarohatlangan yoki nogiron bo‘lib qolgan xizmatchilar uchun sug‘urta to‘lovi bazaviy hisoblash miqdorining 200 baravari (75 mln so‘m) miqdorida to‘lanadi.

Shuningdek, sug‘urta qildiruvchilar ro‘yxatini kengaytirish va sug‘urta to‘lovini olish uchun hujjatlar ro‘yxatini soddalashtirishga oid o‘zgarishlar kiritildi.

Eslatib o‘tamiz, avvalroq oʻzbekistonlik harbiylar xalqaro musobaqada yana zafar qozongani haqida yozgan edik.

Sport sohasida qonunga xilof ravishda pora olish yoki pora berib og‘dirib olish uchun jinoiy javobgarlik belgilanmoqda. Bu borada prezident tomonidan qonun imzolandi.

Qayd etilishicha, sport musobaqalari ishtirokchilari hamda tashkilotchilarining qonunga xilof ravishda moddiy qimmatliklar olishi yoki o‘zga tartibda mulkiy manfaatdor bo‘lishi Jinoyat kodeksining 2141 -moddasi bo‘yicha javobgarlikka tortiladi.

Ushbu harakatlarni sodir etganlarga nisbatan eng kamida bazaviy hisoblash miqdorining 50 baravaridan 100 baravarigacha (2024-yil noyabr holatiga ko‘ra 18,7 mln — 375 mln so‘m) jarimaga sabab bo‘ladi.

Shuningdek, ushbu jinoyatni uyushgan guruh tarkibida yoki juda ko‘p miqdorda sodir etish BHMning 300 baravaridan 600 baravarigacha (112,5 mln — 225 mln...

Qozog‘istonda 5-noyabr kuni zilzila sodir bo‘ldi, deb xabar berdi mamlakat Favqulodda vaziyatlar vazirligi (FVV).

Olmaotada uch balli silkinishlar qayd etildi. Zilzila epitsentri ushbu shahardan 33 km uzoqlikda joylashgan.

Talgar va Esik aholi punktlarida zilzila kuchi to‘rt ballni tashkil etgan.

Zilzila Turgen, O‘tegen-Batyr, Boralday, Malovodnoye, Kayipova qishloqlari hamda Olatau va Qorasoy shaharlari aholisiga ham sezildi.

Respublika Favqulodda vaziyatlar vazirligi aholini vahimaga tushmaslikka, liftdan foydalanmaslikka va zilzila paytida zinapoyaga chiqmaslikka chaqirdi.

Eslatib o‘tamiz, 2024-yil mart oyi boshida Olmaotada bir qator kuchli silkinishlar qayd etilgan edi.

Avvalroq Kursiv Uzbekistan nashri...

16 – 22-dekabr kunlari O‘zbekiston poytaxtida shaxmat bo‘yicha Tashkent Chess xalqaro turniri bo‘lib o‘tadi, deb xabar berdi shahar hokimligi.

Turnir poytaxt hokimligi, O‘zbekiston shaxmat federatsiyasi va Sky Chess maktabi hamkorligida tashkil etiladi.

Musobaqa ishtirokchilari Xalqaro shaxmat federatsiyasi (FIDE) tomonidan berilgan reytingiga ko‘ra guruhlarga bo‘linadi. G‘oliblar standart format va blits bo‘yicha aniqlanadi.

Turnirda 12 va undan kichik yoshdagi bolalar ham ishtirok etishlari mumkin.

Tashkent Chess sovrin jamg‘armasi 300 million so‘mni tashkil qiladi.

Avvalroq Kursiv Uzbekistan nashri Abdulla Aripov O‘zbekiston shaxmat federatsiyasiga rahbarlik qilgani haqida yozgan edi.

Toshkentdan Nyu-Yorkka jadval bo‘yicha soat 06:47 da uchib ketgan samolyot yo‘lovchining sog‘lig‘i yomonlashgani sabab soat 07:35 da aeroportga qaytdi. Bu haqda Uzbekistan Airways xabar berdi.

Havo kemasi Toshkent xalqaro aeroportiga qo‘ngan va aeroportda yo‘lovchini kutib turgan tibbiy yordam mashinasi orqali tibbiy muassasaga jo‘natilgan.

Qayd etilishicha, reys Toshkent mahalliy vaqti bilan 09:30 da qayta uchgan hamda Nyu-York mahalliy vaqti bilan 12:30 da yetib borishi rejalashtirilgan.

Ma’lumot uchun, yo‘lovchi 1967-yilda tug‘ilgan Rossiya fuqarosi bo‘lgan.

Eslatib o‘tamiz, avvalroq Kursiv Uzbekistan Istanbuldan Toshkentga uchgan samolyot favqulodda qo‘nishga majbur bo‘lgani haqida xabar bergan edi.

Davlat xavfsizlik xizmatining hududiy boshqarmalari tomonidan Qashqadaryo, Navoiy, Andijon va Sirdaryo viloyatlarida oʻtkazilgan tezkor tadbirlar natijasida tuman hokimlari oʻrinbosarlari va ularning yordamchilari korrupsiya jinoyatlari bilan qoʻlga olindi. Bu haqda DXX matbuot xizmati ma’lum qildi.

Unga ko‘ra, Qashqadaryo viloyatida Dehqonobod tumani hokimining oʻrinbosari obodonlashtirish ishlariga doir qogʻozlarga imzo qoʻyish evaziga $5 ming pora olgan va qo‘lga tushgan. Shuningdek, yana bir shaxs 15 mln soʻm bilan qoʻlga olingan. Har ikki holatda ham jinoyat ishlari qoʻzgʻatilib, shaxslar qamoqqa olingan.

Navoiy viloyatida esa MCHJ rahbari va hokim yordamchisi Xatirchi tumanida imtiyozli kredit olish uchun 20 mln soʻm pora olgan va ushlandi. Yana bir...