Yangiliklar

Shavkat Mirziyoyev 14-yanvar kuni Birlashgan Arab Amirliklari (BAA) poytaxtida oʻtayotgan «Abu-Dabi barqaror rivojlanish haftaligi» sammitida nutq soʻzladi. Bu haqda prezident matbuot xizmati xabar berdi.

Davlat rahbari oʻz nutqida BAA Oʻzbekistonning «yashil» energetika sohasidagi ishonchli va strategik hamkori ekanini ta’kidladi.

«Shuni alohida qayd etmoqchimanki, “yashil» energiya sohasida Birlashgan Arab Amirliklari bizning ishonchli va strategik hamkorimizdir. Soʻnggi yillarda Amirliklar bilan investitsiyalar portfeli $26 milliarddan oshdi. Ular orasida qayta tiklanuvchi energetika loyihalari asosiy lokomotiv boʻlmoqda”, – deya ta’kidladi Mirziyoyev.

Shuningdek, sammit tashkilotchisi – Masdar kompaniyasi bilan umumiy quvvati 1,5 gigavatt boʻlgan 5 ta elektr...

Salim Abduvaliyev sport kurashlari assotsiatsiyasi rahbarligidan ketdi. Bu ma’lumotni Olimpiya qo‘mitasi matbuot kotibi Zafar Imomxo‘jayev Kursiv Uzbekistan’ga ma’lum qildi.

Har bir Olimpiya o‘yinlari davrida qo‘mitadagi assotsiatsiyalar tarkibi yangilanadi, deya qo‘shimcha qildi u.

Bugun Milliy olimpiya qo‘mitasida O‘zbekiston Sport kurashlari assotsiatsiyasining navbatdan tashqari hisobot-saylov konferensiyasi bo‘lib o‘tdi. Tadbir kun tartibidan Assotsiatsiyaga yangi rahbar saylash masalasi o‘rin oldi.

Konferensiyada Sport vaziri Adham Ikramov, Bosh prokurorning birinchi o‘rinbosari Bahriddin Valiyev, Milliy olimpiya qo‘mitasi rahbariyati, Assotsiatsiya rayosat a’zolari, murabbiylar shtabi va boshqa mutasaddilar ishtirok etdi.

Yig‘ilishda O‘zbekiston Respublikasi Bosh prokurori va mamlakat Kurash Federatsiyasi rahbari Nig‘matilla Yo‘ldoshevning nomzodi Assotsiatsiya raisligiga ilgari surildi. Adham Ikramov...

O‘zbekistonda «Kichik biznes akademiyasi» onlayn platformasi ishga tushirildi. ALPHA Academy biznes maktabi tomonidan yaratilgan loyiha Yevropa tiklanish va taraqqiyot banki, TBC Bank va Payme bilan hamkorlikda amalga oshirildi. Bu haqda tashkilotchilar Kursiv Uzbekistan’ga ma’lum qildi.

Platforma tadbirkorlarga boshqaruv va biznes ko‘nikmalarini rivojlantirish uchun bepul kurslarni taqdim etadi. Kurslar kompaniyani ro‘yxatdan o‘tkazish, moliyaviy hisobot yuritish va internet orqali mijozlarni jalb qilish kabi mavzularni qamrab oladi. Ta’lim dasturlari o‘zbek va rus tillarida mavjud.

Kurslar ALPHA Akademiyasi metodistlari, yetakchi ekspertlar va biznes egalari tomonidan ishlab chiqilgan. Tadbirkorlar kompyuter yoki mobil telefon orqali o‘qishni amalga oshirishlari mumkin. Kirish uchun alpha.uz/business-academy saytida ro‘yxatdan o‘tish...

2024-yil yakunlariga koʻra, Oʻzbekistonda taksi xizmatining qonuniy bozori 5,9 trln soʻmni tashkil etdi. Bu haqda Soliq qoʻmitasi ma’lum qildi. Ayol haydovchilar soni yil davomida to‘rt baravar oshib, 4,1 ming nafarni tashkil etdi.

Ma’lum qilinishicha, yoʻlovchilar koʻproq yoʻl haqini naqd pulda toʻlagan – 4,5 trln soʻm, naqd pulsiz toʻlovlar esa 1,4 trln soʻmni tashkil etgan.

Umuman olganda, oʻtgan yili taksi agregatorlar mamlakat budjetiga 156,8 milliard soʻm soliq toʻlagan boʻlsa, QQSga 66,2 milliard soʻm toʻgʻri keldi.

Oʻrtacha safar cheki 18,4 ming soʻmni tashkil qilib, oʻtgan yilda jami 320 mln marta yoʻlovchi tashish amalga oshirilgan. Shu bilan birga, yoʻlovchilarni tashish boʻyicha eng...

Android qurilmalari uchun WhatsApp foydalanuvchilari qo‘ng‘iroq paytida mikrofon ishlashdan to‘xtab qolishidan shikoyat qilmoqda. Bu holat, ayniqsa, dasturdan chiqqanda yoki ekran o‘chirilganda yuz beradi. Bu haqda AndroidPolice nashri ma’lum qildi.

Muammo bir necha yillardan buyon kuzatilayotgan bo‘lsa-da, yechim hanuz topilmagan. Google, Samsung, Motorola va boshqa brendlarning qurilmalari bu nosozlikdan xoli emas.

Hozirgi kunda muammoni chetlash uchun faqat qo‘ng‘iroq davomida ilovada qolish tavsiya etilmoqda. Ilovani qayta o‘rnatish ham nosozlikni bartaraf etmaydi.

Avvalroq Kursiv Uzbekistan Eron WhatsApp va Google Play’ga taqiqni bekor qilgani haqida xabar bergan edi.

Markaziy bank ma’lumotlariga ko‘ra, AQSh dollari rasmiy kursi biroz pasaydi. Xususan, 14-yanvar kuni valyuta 1 so‘m 8 tiyinga kamayib, 12 971 so‘mni tashkil etdi.

Bir kun avval, 13-yanvarda esa dollar kursi 15 so‘m 8 tiyinga oshib, 12 972,08 so‘mga yetgan edi.

O‘tgan haftalarda ham kursda sezilarli o‘zgarishlar kuzatildi. 10-yanvarda dollar kursi 12 957 so‘mga ko‘tarilgan bo‘lsa, 9-yanvarda qisqa muddatli pasayish kuzatilib, 22 so‘m 54 tiyinga kamaygan edi. Shunga qaramay 8-yanvarda dollar o‘zining rekord ko‘rsatkichi 12 962,98 so‘mga yetgan edi. Yangi yil boshidan beri kursning o‘sish tendensiyasi saqlanib, 7-yanvarda 12 948,10 so‘m, 4-yanvarda esa...

Bugun, 14-yanvar kuni Oliy Majlisi Qonunchilik palatasining navbatdagi majlisida Samarqand viloyatining Samarqand shahri, Samarqand va Oqdaryo tumanlari chegaralarini oʻzgartirish toʻgʻrisidagi masala koʻrib chiqildi.

Bu qaror shaharni obodonlashtirish, turizm salohiyatini rivojlantirish va investorlar uchun jozibadorligini oshirish maqsadida qabul qilindi.

Prezident qaroriga asosan, 2023 – 2030-yillarda «Shirin» zamonaviy ishbilarmonlik markazi va turarjoylar kompleksi barpo etiladi. Shu munosabat bilan Samarqand tumanidan 170 gektar, Oqdaryo tumanidan esa 243 gektar yer maydoni Samarqand shahri tarkibiga oʻtkaziladi.

Yangi hududda 254 ta koʻp qavatli uy-joy, 19 ta biznes markazi, 50 ta ijtimoiy obyekt, 89 ta savdo-koʻngilochar majmua hamda tarixiy shaharcha qurilishi rejalashtirilgan. Shuningdek, 112 km yoʻl...

Xitoyning ByteDance kompaniyasi TikTok ijtimoiy tarmogʻining AQShdagi operatsiyalarini amerikalik milliarder Ilon Maskka sotishi mumkin. Bu haqda Bloomberg xabar berdi.

Ma’lum qilinishicha, agar TikTokʼga nisbatan taqiqni bekor qilishning imkoni boʻlmasa, Xitoy rasmiylari Mask orqali TikTokʼning AQSh bozoridagi faoliyatini davom ettirish variantini oʻrganmoqda. Pekin TikTokʼni ByteDance mulki sifatida qoldirishni afzal koʻrsa-da, AQSh Oliy sudi milliy xavfsizlik nuqtai nazaridan ByteDanceʼning AQShdagi vakolatlaridan voz kechishi yoki yopilishini talab qiluvchi qonunni qoʻllab-quvvatlashi kutilmoqda.

Maskning X platformasi TikTokʼning AQSh bozorini egallab, uning 170 million foydalanuvchisidan reklama va sun’iy intellekt loyihalarini rivojlantirishda foydalanishi mumkinligi muhokama qilinmoqda. Ammo bunday kelishuvni amalga oshirish uchun ByteDanceʼdagi «oltin ulush»ga ega...

Toshkent shahridagi Prezident maktabi «Global o‘rta maktablar» nominatsiyasida Shayx Zoid Ol Nahayon nufuzli mukofoti g‘olibi bo‘ldi. Bu haqda prezident matbuot kotibi Sherzod Asadov ma’lum qildi.

Mukofotni Birlashgan Arab Amirliklari prezidenti Shayx Muhammad bin Zoid Ol Nahayon taqdim etdi.

Abu-Dabida o‘tkazilgan taqdirlash marosimida O‘zbekiston prezidenti Shavkat Mirziyoyev shaxsan ishtirok etdi.

Davlat rahbari maktab vakillari bilan uchrashib, ularni g‘alaba bilan qizg‘in tabrikladi.

Avvalroq Kursiv Uzbekistan Shavkat Mirziyoyev Birlashgan Arab Amirliklariga joʻnab ketgani haqida xabar bergan edi.

ZTE kompaniyasi Xitoy Yangi yiliga bag‘ishlangan Nubia Z70 Ultra New Year Edition smartfonini taqdim etdi. U standart modelning texnik xususiyatlarini saqlab qolgan, lekin yangi dizayn va sovg‘alar bilan boyitilgan. Bu haqda Weibo nashri ma’lum qildi.

Ushbu model 16-yanvarda faqat Xitoy bozorida sotuvga chiqariladi.

Smartfon 144 Gts yangilanish tezligiga ega, 6,85 dyuymli 1,5K OLED displey bilan jihozlangan. Uning ekran maydoni 95,3% ni tashkil etib, yorqinligi 2000 nitsgacha yetadi.

U Snapdragon 8 Elite chipi, Adreno 830 grafik protsessori, 24 GB LPDDR5X operativ xotira va 1 TB UFS 4.0 saqlash hajmi bilan ishlaydi. Smartfon Android 15 asosida ishlab chiqilgan Nebula...

Oʻzbekiston va Turkiya Ichki ishlar vazirliklari hamkorligida oʻtkazilgan maxsus operatsiya natijasida 2015-yildan beri avtomobil oldi-sotdi sohasida firibgarlik jinoyatlarini sodir etganlikda gumon qilingan oʻzbekistonlik shaxs Istanbulda qoʻlga olindi. Bu haqda Oʻzbekistonning Istanbul shahridagi Bosh konsulxonasi ma’lum qildi.

Aniqlanishicha, 1969-yilda tugʻilgan fuqaro 2025-yil 11-yanvar kuni Bosh konsulxonasi xodimlari ishtirokida Vatanga deportatsiya qilindi. Ushbu shaxsning noqonuniy faoliyati oqibatida jabr koʻrgan fuqarolardan Ichki ishlar vazirligi yoki uning hududiy boʻlimlariga murojaat qilish soʻraladi.

«Jinoiy javobgarlikdan qochib xorijiy davlatlarda, shu jumladan, Turkiyada yashirinib yurgan har bir shaxsga nisbatan jinoiy ta’qib izchil ravishda davom ettiriladi va jinoyat uchun javobgarlik prinsipi qat’iy ta’minlanadi...

Transport vaziri Ilhom Maxkamov va JETEX kompaniyasi ta’sischisi Adel Mardini o‘rtasida bo‘lib o‘tgan uchrashuvda imzolangan memorandum doirasida O‘zbekistonda aerotaksi xizmati yo‘lga qo‘yiladi. Mazkur loyiha MDH davlatlari orasida birinchi bo‘lib, xalqaro miqyosdagi FBO xizmatlarini tashkil etadi. Bu haqda Transport vazirligi ma’lum qildi.

Loyiha doirasida «Toshkent-Sharqiy» aeroportida davlat-xususiy sheriklik asosida FBO (aeroportlarda havo kemalari va yo‘lovchilarga kompleks servis xizmatlari ko‘rsatuvchi, xususan, havo kemalariga yoqilg‘i quyish, to‘xtash joyi, angarda saqlash, texnik va ta’mirlash xizmatlarini ko‘rsatish, havo kemalarini ijaraga berish, charterlarni sotish, taksi va yana boshqa ko‘plab xizmat turlarini ko‘rsatuvchi tashkilotdir) shaklidagi xizmatlar tashkil etiladi.

Bu yerda VIP va CIP mijozlar uchun yuqori...

O‘zbekiston Adliya vazirligi qimmatli qog‘ozlarning birjadan tashqari uyushgan bozorida oldi-sotdi bitimlarini amalga oshirish tartibini belgilovchi nizomni ro‘yxatdan o‘tkazdi.

Mazkur nizom aksiyalar, korporativ obligatsiyalar, infratuzilma obligatsiyalari va boshqa qimmatli qog‘ozlar bo‘yicha oldi-sotdi bitimlarini tartibga soladi.

Birjadan tashqari savdolar tashkilotchilari qimmatli qog‘ozlarni sotib olish va sotish buyurtmalarini qabul qilish, savdolarni tashkil etish va bitimlarni ro‘yxatdan o‘tkazish kabi xizmatlarni ko‘rsatadi. Bundan tashqari, mulk huquqlarini rasmiylashtirish, kotirovka ma’lumotlarini taqdim etish va o‘zaro hisob-kitoblarni amalga oshirish ishlari ham ularning vazifasiga kiradi.

Yangi nizomga ko‘ra, fond birjasi kotirovkalash varag‘ida mavjud bo‘lmagan qimmatli qog‘ozlar birjadan tashqari savdolarda sotilishi mumkin. Barcha bitimlar va ro‘yxatdan o‘tkazish jarayonlari...

O‘zbekiston Respublikasi Oliy Majlis Qonunchilik palatasining navbatdagi majlisida kredit sohasidagi munosabatlarni yanada takomillashtirishga qaratilgan qonun loyihasi uchinchi o‘qishda qabul qilindi.

Yangi tartibga ko‘ra, jismoniy shaxslarga kredit bitimlarini tuzishga taqiq belgilash va uni olib tashlash huquqi taqdim etiladi. Kredit bitimi tuzish taqiqlangan shaxslar reyestriga kiritish tartibi va shartlari aniqlanadi. Bundan tashqari, belgilangan taqiqni buzgan holda kredit bitimi tuzilganida javobgarlik joriy etiladi.

Avvalroq Kursiv Uzbekistan faktoring operatsiyalarini xorijiy valyutada amalga oshirishga ruxsat berilishi haqida xabar bergan edi.

O‘zbekiston Respublikasi Oliy Majlis Qonunchilik palatasining navbatdagi majlisida jinoyat ishini yuritish chog‘ida shaxsni qiynoqqa solish holatlarining oldini olishga qaratilgan qonun loyihasi ikkinchi o‘qishda ko‘rib chiqildi.

Qonun loyihasida asosiy e’tibor shaxslarning huquqlarini himoya qilishni ta’minlashga qaratilgan o‘zgartish va qo‘shimchalarga qaratildi:

Majburiy tibbiy ko‘rik: Shaxsni tergov hibsxonasiga joylashtirishdan avval uni majburiy tibbiy ko‘rikdan o‘tkazish tartibi belgilandi. Jarohat haqida xabar berish: Tibbiy ko‘rik davomida shaxsning tanasida jarohatlar yoki shikastlanishlar aniqlangan taqdirda, bu haqda darhol prokurorga xabar berish tartibi joriy etilmoqda.

Majlisda qonun loyihasining ayrim atamalariga aniqlik kiritish zarurligi sababli, hujjat mas’ul qo‘mitaga qaytarildi.

Avvalroq Kursiv Uzbekistan endi...

O‘zbekiston Respublikasining Ma’muriy javobgarlik to‘g‘risidagi kodeksiga yo‘nalishli transport vositalari uchun ajratilgan yo‘l bo‘ylab noto‘g‘ri harakatlanish holatlarini tartibga solishga qaratilgan qo‘shimcha va o‘zgartirishlarni nazarda tutuvchi qonun loyihasi ikkinchi o‘qishda muhokama qilindi va qabul qilindi.

Yangi qoidaga ko‘ra, haydovchilarning yo‘nalishli transport vositalari uchun maxsus ajratilgan yo‘ldan foydalanish qoidalarini buzganligi uchun javobgarlik belgilanmoqda. Ushbu yo‘llardan faqatgina quyidagi holatlarda foydalanishga ruxsat beriladi:

Tezkor va maxsus xizmat transport vositalari tomonidan; Yondosh hududning kirish yoki chiqish joyidan 50 metrgacha bo‘lgan masofada, uzuq-uzuq chiziqli joylarda; Yo‘nalishli transport vositalariga xalaqit bermaslik sharti bilan yo‘lga chiqish; Chetki o‘ng tasmadan yo‘lovchilarni chiqarish va tushirish uchun...

Oliy Majlis Qonunchilik palatasining navbatdagi majlisida O‘zbekistonda faktoring xizmatlari bozorini rivojlantirishga qaratilgan qonun loyihasi ikkinchi o‘qishda qabul qilindi.

Qonun loyihasida bir qator muhim yangiliklar ko‘zda tutilmoqda. Xususan, pul talabnomasidan boshqa shaxs foydasiga voz kechish bo‘yicha taqiqni buzganlik uchun javobgarlikni bekor qilish taklif etilgan. Shuningdek, mijozning kontragenti norezident bo‘lganda faktoring operatsiyalarini xorijiy valyutada amalga oshirishga ruxsat berilishi nazarda tutilgan.

Yana bir muhim o‘zgarish sifatida pul talabnomasidan voz kechish to‘g‘risidagi xabarnomalarni garov reyestrida ro‘yxatga olish mexanizmi joriy etilishi belgilangan. Bu esa faktoring operatsiyalarining shaffofligini oshirish va xavfsizlikni ta’minlashga xizmat qilishi kutilmoqda.

Qonun loyihasi tadbirkorlik subyektlariga faktoring xizmati ko‘rsatishga ixtisoslashgan maxsus...

Shenchjen shahrida ishlab chiqarilgan BYD Yangwang U9 superkari Disus-X osma tizimiga ega bo‘lib, raqsga tushish, yo‘l to‘siqlaridan sakrash va uchta g‘ildirakda harakatlanish kabi funksiyalarni taqdim etadi. Ushbu funksiyalar ommaviy tarmoqlarda keng tarqalgan va ba’zi haydovchilar ularni shahar ko‘chalarida sinab ko‘rmoqda. Bu haqda CarNewsChina nashri ma’lum qildi.

Yaqinda ijtimoiy tarmoqlarda e’lon qilingan videoda Yangwang U9 ko‘chada raqsga tushayotgani, katta olomonni to‘plagani va transport harakatini to‘xtatib qo‘ygani ko‘rsatildi. Videoda avtomobil harakatlanayotganida politsiya sirenasi eshitiladi, ammo haydovchi bunga e’tibor bermay, faoliyatini davom ettiradi. Shundan so‘ng politsiya aralashib, haydovchini to‘xtatdi va unga jarima belgilandi.

Yangwang U9 superkari Disus-X osma tizimi tufayli nafaqat raqsga...

13-yanvar kuni O‘zbekiston prezidenti Shavkat Mirziyoyevning BAAga rasmiy tashrifi arafasida Abu Dabi shahrida ikki mamlakat o‘rtasidagi qo‘shma loyihalar doirasida bir qator hujjatlar imzolandi. Ushbu tadbirga O‘zbekiston tomonidan Investitsiyalar, sanoat va savdo vaziri Laziz Kudratov, BAA tomonidan esa Energetika va infratuzilma vaziri Suhail Mohamed Al Mazrui boshchilik qildi. Bu haqda Invistitsiyalar, savdo va sanoat vazirligi ma’lum qildi.

Imzolangan hujjatlar ikki davlat o‘rtasidagi mustahkam savdo-iqtisodiy va investitsiyaviy munosabatlarni yanada rivojlantirishga qaratilgan. 2021-yildan buyon ikki tomonlama savdo hajmi har yili 20% dan oshib bormoqda va 2024-yil yakunida $650 mlnga yetdi.

Bugungi kunda O‘zbekistonda BAA kapitali ishtirokidagi 337 ta korxona faoliyat yuritmoqda. Ulardan...

Seshanba kuni KXDR tomonidan «noma’lum raketa» uchirildi. Janubiy Koreya harbiylari vaziyatni o‘rganmoqda, deb xabar berdi Yonhap agentligi.

Bu yil boshidan beri ikkinchi holatdir. Avvalgisi 6-yanvar kuni KXDR o‘rta masofaga uchuvchi ballistik raketani uchirganda sodir bo‘lgan edi.

2024-yil noyabr oyida Pxenyan bir qator uchirishlarni amalga oshirdi. Keyin yoqilg‘ida ishlaydigan qit‘alararo ballistik raketa sinovdan o‘tkazildi.

Kursiv Uzbekistan Shimoliy Koreya Blinkenning Seuldagi uchrashuvi paytida raketa uchirgani haqida xabar bergan edi.

Samarqandda besh kishining o‘limga olib kelgan spirtli ichimlikdan zaharlanishi bo‘yicha jinoiy ish qo‘zg‘atildi, dedi O‘zbekiston Bosh prokuraturasi matbuot kotibi Hayot Shamsutdinov.

Marhumga uy qurilishida spirtli ichimliklarni sotgan shaxs O‘zbekiston Jinoyat kodeksining 186-moddasi («Xavfsizlik talablariga javob bermaydigan tovarlarni sotish yoki sotish, ishlarni bajarish yoki xizmatlar ko‘rsatish maqsadida ishlab chiqarish, saqlash, tashish») bilan ayblanmoqda. Gap ushbu moddaning to‘rtinchi qismining «a» bandi haqida ketyapti.

Gumonlanuvchi 7 yildan 12 yilgacha qamoq jazosiga hukm qilinishi mumkin.

Avvalroq Kursiv Uzbekistan alkogol saraton xavfini oshirishi haqida xabar bergan edi.

14-yanvar, seshanba kuni erta tongda O‘zbekistonning Buxoro viloyatida zilzila qayd etildi, deb xabar berdi respublika Favqulodda vaziyatlar vazirligi Seysmoprognostik monitoring markazi.

Yer silkinishlari mahalliy vaqt bilan soat 05:43 da Peshku va Qorako‘l tumanlari aholisi tomonidan sezilgan.

Zilzilaning magnitudasi 4, zarbalarning kuchi esa 2 ballga baholandi.

Avvalroq Kursiv Uzbekistan Navoiy viloyatida zilzila sodir bo‘lgani haqida xabar bergan edi.

Paynet Davaktiv tomonidan tashkil etilgan Milliy banklararo protsessing markazi (Humo) ustav fondidagi 100 foiz davlat ulushini xususiylashtirish boʻyicha tanlov gʻolibi deb topildi. Bu haqda kompaniya Kursiv Uzbekistanʼga ma’lum qildi.

Ma’lum qilinishicha, kompaniya Humo toʻlov tizimining barqaror ishlashini ta’minlash, foydalanuvchilarning maxfiy ma’lumotlarini himoya qilish va ilgʻor moliyaviy texnologiyalarni joriy etish majburiyatini olgan.

«Paynet respublikada raqamli iqtisodiyot va tadbirkorlikni rivojlantirishni ragʻbatlantirish maqsadida toʻlovlarning yangi shakl va usullarini jadal joriy etish uchun milliy toʻlov tizimlarini rivojlantirish, ilgʻor moliyaviy va raqamli texnologiyalarni joriy etish boʻyicha sa’y-harakatlarni birlashtiradi», – deyiladi xabarda.

Paynet bosh direktori Anvar Isamuxamedov toʻlov bozori ishtirokchilari bilan sinergiya biznes va aholi uchun...

Toshkent xalqaro aeroportining yashil maydonida mushuklar uchun maxsus uychalar oʻrnatildi. Bu haqda Uzbekistan Airports axborot xizmati xabar berdi.

Toshkent arxitektura-qurilish universiteti talabalari tomonidan loyihalashtirilgan ushbu uylar aeroport tashqi koʻrinishi va manzarasiga mos ravishda yaratilgan.

«Poytaxt aeroportida doimo mushuklar boʻlgan. Bizda ular uchun uylar oʻrnatish gʻoyasi anchadan beri bor edi, biroq aeroportda bir necha yillardan buyon olib borilayotgan qurilish ishlari tufayli bunday imkoniyat endigina paydo boʻldi. Ularni aeroport faoliyati uchun ham, hayvonlarning oʻzlari uchun ham xavfsiz boʻlgan joylarga oʻrnatdik», – deyiladi xabarda.

«Mushukkent» loyihasi doirasida amalga oshirilgan bu tashabbus hayvonlarga insonparvar munosabatni targʻib qilish va...