Yangiliklar

Prezident Shavkat Mirziyoyev Qatar davlatiga amaliy tashrifini yakunlab, AQShga jo‘nab ketdi. Bu haqda davlat rahbari matbuot xizmati xabar berdi.

Dohadagi Shayx Hamad nomli xalqaro aeroportida O‘zbekiston prezidentini bosh vazir o‘rinbosari, mudofaa vaziri Shayx Saud bin Abdurahmon Ol Soniy va boshqa rasmiylar kuzatib qo‘ydi.

Dohadagi tashrifdan so‘ng Mirziyoyev AQSh prezidenti Donald Trampning taklifiga binoan ushbu mamlakatga jo‘nab ketdi. Prezident mazkur davlatda Markaziy Osiyo mamlakatlari va AQSh yetakchilarining «C5+1» formatidagi sammitida ishtirok etadi.

Shuningdek, strategik sheriklik, savdo-iqtisodiy, investitsiyaviy va gumanitar hamkorlikni rivojlantirish hamda mintaqaviy integratsiya masalalari muhokama qilinadi. Dastur doirasida prezident AQShning yetakchi kompaniyalari va moliyaviy institutlari rahbarlari bilan uchrashuvlar o‘tkazilib, ikki...

Amazon Web Services (AWS) va OpenAI o‘rtasida $38 milliardlik kelishuv tuzildi. Ushbu hamkorlik orqali OpenAI Nvidia ishlab chiqargan ilg‘or chiplaridan foydalanish imkoniyatiga ega bo‘ladi.

«AWS’ning ilg‘or infratuzilmasi OpenAI’ning sun’iy intellekt sohasidagi ambitsiyalarini ro‘yobga chiqarishda asos bo‘ladi», – dedi Amazon Web Services bosh direktori Met Garman.

Bloomberg nashrining ta’kidlashicha, OpenAI sun’iy intellekt yo‘nalishida yetakchilardan biriga aylangan va butun texnologik sohani o‘zgartirib yuborgan. Kompaniya o‘z sun’iy intellekt modellarini rivojlantirish uchun $1,4 trillion sarmoya kiritishni rejalashtirmoqda.

Eslatib o‘tamiz, oktabr oyida OpenAI Microsoft bilan ham hamkorlik boshlaganini e’lon qilgandi.

Ushbu kelishuvga ko‘ra, Windows operatsion tizimi ishlab chiquvchisi...

Prezident Shavkat Mirziyoyev Qatarning Doha shahrida bo‘lib o‘tgan ijtimoiy rivojlanish bo‘yicha ikkinchi Butunjahon sammitida ishtirok etdi. Davlat rahbari matbuot xizmati prezident nutqini e’lon qildi.

Mirziyoyev sammitda O‘zbekistonning ijtimoiy rivojlanish sohasidagi strategik maqsadlari hamda xalqaro hamkorlik bo‘yicha quyidagi takliflarini taqdim etdi:

2026-yil 1-yanvardan boshlab jismoniy va yuridik shaxslar chiqindi xizmatlari uchun to‘lovlarni faqat onlayn tarzda barcha elektron to‘lov tizimlari orqali amalga oshiradi. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.

Bu chora aholiga qulay to‘lov tizimini yaratish, billing hisoblarini shaffof yuritish va korrupsiyaga yo‘l qo‘ymaslik maqsadida joriy qilinmoqda. Internetga ulanmagan hududlarda esa to‘lovlar tijorat banklari kassalari yoki «O‘zbekiston pochtasi» orqali amalga oshirilishi mumkin.

Shuningdek, undirilgan to‘lovlar sanitar tozalash korxonalari, chiqindilarni qayta ishlash punktlari, poligonlar va ekosanoat zonalarida faoliyat yurituvchi tadbirkorlik subyektlariga to‘lanadi.

Eslatib o‘tamiz, Oʻzbekistonda chiqindi xizmatlari boʻyicha qarzdorlik mavjud boʻlgan abonentlar elektr energiyasi uchun toʻlovni...

O‘zbekiston va Qatar o‘rtasida tovar ayirboshlash hajmi 45 foizga oshdi. Bu haqda prezident Shavkat Mirziyoyevning Qatar amiri bilan uchrashuvida ma’lum qilindi.

Davlat rahbari Doha shahriga amalga oshirilgan tashrif davomida Qatar amiri Shayx Tamim bin Hamad Ol Soniy bilan uchrashdi.

Tomonlar O‘zbekiston – Qatar o‘rtasidagi strategik sheriklikni yanada mustahkamlash, amaliy hamkorlikni kengaytirish masalalarini muhokama qildi. Mirziyoyev Qatar tomonini Ijtimoiy rivojlanish bo‘yicha ikkinchi Jahon sammitini muvaffaqiyatli o‘tkazgani bilan tabrikladi.

Muloqot davomida qo‘shma loyihalar faollashgani, tovar ayirboshlash hajmi yil boshidan buyon 45 foizga oshgani qayd etildi. Hozirda qatarlik yirik kompaniyalar O‘zbekistonda investitsiya loyihalarini amalga oshirmoqda.

Shuningdek, uchrashuvda «yashil» energetika, transport, geologiya, turizm...

Surxondaryo viloyati Termiz shahriga 35 ta yangi avtobus olib kelindi. Bu haqda Transport vazirligi xabar bermoqda.

Yaqinda foydalanishga topshirilgan Manguzar avtoshohbekatida avtobuslarni topshirish marosimi bo‘lib o‘tdi. Tadbirda Surxondaryo viloyati hokimi Ulug‘bek Qosimov, Xitoy kompaniyasi vakillari, transport sohasi mutasaddilari, jamoat faollari va nuroniylar ishtirok etdi.

Yangi avtobuslar zamonaviy texnik talablarga to‘liq javob beradi, ekologik toza va energiya tejamkor hisoblanadi. Ular yo‘lovchilar uchun barcha qulayliklarga ega bo‘lib, shahar ichki yo‘nalishlarida «Brutto» shartnomasi asosida qatnovni boshlaydi.

Eslatib o‘tamiz, Kursiv Uzbekistan Toshkentda 12 ta yo‘nalishdagi avtobuslar yangisiga almashtirilgani haqida yozgan edi.

Andijon viloyatining Asaka tumanida joylashgan mas’uliyati cheklangan jamiyati hech qanday ruxsat hujjatlarisiz tabiiy gazdan foydalanib kelgani aniqlandi. Bu haqda Energetika vazirligi xabar bermoqda.

Holat «O‘zenergoinspeksiya»ning Andijon viloyati boshqarmasi, «Hududgaz Andijon» GTF va huquqni muhofaza qiluvchi organlar hamkorligida o‘tkazilgan nazorat tadbirida fosh etildi.

Tekshiruv natijasiga ko‘ra, korxona tabiiy gazdan noqonuniy foydalanib, davlat gaz ta’minoti tizimiga 1,4 mlrd so‘m miqdorida zarar yetkazgani ma’lum bo‘ldi.

Hozirda mazkur holat yuzasidan huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

Eslatib o‘tamiz, Kursiv Uzbekistan Boysundagi konda yuz bergan yong‘in yuzasidan vazirlik izoh bergani haqida yozgan edi.

Qirg‘iziston haydovchi tayyorlash tizimini qayta ko‘rib chiqadi. Unga ko‘ra, endi faqat davlat avtomaktablari faoliyat yuritadi, barcha xususiy avtomaktablar yopiladi.

«Kattalar uchun barcha xususiy avtomaktablar yopiladi, davlat avtomaktablari ochiladi», – deydi davlat boshlig‘i ishlarining boshqaruvchisi Qanibek Tumanbayev.

Yangi tartibga ko‘ra, haydovchilikka o‘qish muddati 14 oy etib belgilanadi. Bu vaqt davomida o‘quvchilar har faslda amaliy haydovchilik mashg‘ulotlaridan o‘tishi kerak bo‘ladi.

Shuningdek, 2026-yildan boshlab maktab o‘quvchilariga ham 11-sinfdan haydash bo‘yicha darslar o‘qitilishi ko‘zda tutilgan. Haydovchilik guvohnomalari faqat to‘liq va qonuniy o‘qishdan o‘tgandan keyin beriladi.

Avvalroq O‘zbekistonda 2026-yildan moped va skuterlar uchun «A1» toifali guvohnoma joriy etilishi...

Vivo kompaniyasi tomonidan yangi Vivo Y500 Pro smartfoni haqida qo‘shimcha ma’lumotlar taqdim etildi. Bu haqda Gizmochina xabar bermoqda.

Model o‘z sinfida birinchi bo‘lib 200 megapikselli kamera va optik tasvir barqarorlashtirish tizimi (OIS) bilan jihozlangan.

Smartfon 6,67 dyuymli OLED displeyga ega. 1,5K aniqlik va 120 Hz yangilanish chastotasini qo‘llab-quvvatlaydi. Asosiy kamera – Samsung HP5 sensori asosida ishlovchi 200 MP modul bo‘lib, yuqori aniqlikdagi fotosuratlar uchun mo‘ljallangan.

Vivo Y500 Pro’ning asosiy afzalliklaridan yana biri – 7000 mA/soat sig‘imli akkumulyator. Kompaniya ma’lumotiga ko‘ra, u 90 Vt tez zaryadlash texnologiyasini qo‘llab-quvvatlaydi. Qurilma 120 fps tezlikda o‘yinlarni barqaror ishlatish imkonini beradi.

Korpus IP68/69 himoya...

Chevrolet kompaniyasi tomonidan 2026-yilgi Chevrolet Blazer avtomobili taqdim etildi. Bu haqda GMAutority nashri xabar bermoqda.

Kompaniya Blazer modelini 2025-yildan keyin AQSh bozoridan olib tashlamoqchi edi. Yangi modelda trim darajalari qayta tartiblangan, xavfsizlik tizimlari to‘liq yangilangan, ayrim dvigatellar esa ishlab chiqarishdan olib tashlangan. Eng e’tiborga molik o‘zgarishlardan biri – bazaviy narxning pasayishi.

Texnik yangiliklar

2LT trim endi $36,095 dan boshlanadi. Bu o‘tgan yilgi modeldan $1,000 arzon. Shu bilan birga, Driver Confidence Package (WPA) endi standart tarzda o‘rnatilgan.

3LT trimda V6 dvigatel butunlay olib tashlangan, endi faqat 2,0 litrli turbo versiyasi mavjud. Narx biroz oshgan – $41,495.

Premier...

6-sentabr kuni Londonda Premyer-liga futbolchisiga agent tomonidan qurol bilan tahdid qilingani haqida tergov boshlandi. Politsiya holat yuzasidan jinoiy ish qo‘zg‘atib, gumonlanuvchini qo‘lga oldi. Bu haqda The Sun nashri xabar berdi.

Manbalarga ko‘ra, tahdid qilingan futbolchining transfer qiymati taxminan 60 mln yevro atrofida. Voqeadan so‘ng sport agenti hibsga olingan va unga qurolli zo‘ravonlik hamda futbolchining do‘stiga tahdid qilish ayblovi qo‘yilgan.

9-sentabr kuni agent garov evaziga ozod qilingan, biroq unga futbolchi bilan aloqa qilish, klub mashg‘ulot bazasiga tashrif buyurish va mamlakatdan chiqib ketish taqiqi joriy etilgan. Keyinchalik sud unga pasportni vaqtincha qaytarib, oldindan rejalashtirilgan safarga chiqishga ruxsat bergan. London politsiyasi tergov...

Honor kompaniyasining yangi Honor 500 seriyasi dizayni internetda paydo bo‘ldi. Gizmochina tomonidan e’lon qilingan eskizlarda smartfonning tashqi ko‘rinishi to‘liq yangilanganini ko‘rish mumkin. Yangi model noyabr oxirida Xitoyda rasmiy taqdim etiladi.

Honor 500 va Honor 500 Pro modellari iPhone Air va Google Pixel uslubidagi gorizontal kamera blokiga ega bo‘ladi. Har ikki qurilma tekis ekranli bo‘lib, burchaklari yumaloqlashtirilgan. Pro versiyada uch kamerali tizim o‘rnatiladi, bazaviy model esa ikki kameraga ega bo‘ladi.

Yangi seriya 6,5 dyuymli OLED ekranga ega bo‘lib, 1,5K aniqlikda tasvir beradi. Smartfonlar 80 vatt quvvatdagi tezkor zaryadlash tizimi bilan jihozlangan. Ular Android 16 operatsion tizimida, MagicOS 10 interfeysi asosida...

Avvalroq Surxondaryo viloyatining Boysun tumanidagi kondan gaz sizib chiqish holati haqidagi videolar ijtimoiy tarmoqlarda tarqalgandi. Mahalliy aholi esa havo tarkibida gaz hidi sezilayotgani va nafas olish qiyinlashganini bildirgan.

Ushbu holat yuzasidan Energetika vazirligi izoh berdi. Unga ko‘ra, tumandagi «M-25» konining 202-son gaz qudug‘ida avval yoqib qo‘yilgan olov texnik jarayon sabab vaqtinchalik so‘ngan. Mutaxassislarning ta’kidlashicha, bu holat kondagi geologik jarayon natijasida yuz bergan.

Shundan so‘ng havoga zararli moddalarning tarqalishining oldini olish uchun gaz yana yoqib qo‘yilgan.

«Ushbu jarayon atrof-muhit ifloslanishining oldini olishda standart yondashuv hisoblanadi va xalqaro sanoat xavfsizligi talablariga to‘la javob beradi. Hozirgi...

Eron chempionatining 9-tur yakunlariga ko‘ra, O‘zbekiston terma jamoasi va «Istiqlol» klubi himoyachisi Rustam Ashurmatov ramziy terma jamoadan joy oldi.

Tehron klubi ushbu turda o‘z maydonida «Alyuminium Arak» jamoasini 3:1 hisobida mag‘lub etdi. Ashurmatov maydonda to‘liq harakat qildi hamda havodagi to‘plarda ustunligi bilan ajralib turdi.

Ma’lumotlarga ko‘ra, o‘zbekistonlik himoyachi joriy mavsumda Eron Pro-ligasida 4 ta uchrashuvda maydonga tushgan. U 2025 yil yozida Rossiyaning «Rubin» klubidan Eronning «Istiqlol» klubiga o‘tgan edi.

Avvalroq Kursiv Uzbekistan Shomurodov Turkiya Superligasining tur ramziy jamoasidan joy olgani haqida xabar bergan edi.

Toshkentda Gentra haydovchisi Yo‘l harakati xavfsizligi xizmatining inspektorini avtomobil kapotida sudragani sababli hibsga olindi. Bu haqda YHXX matbuot xizmati ma’lum qildi.

Hodisa 2-noyabr Yashnobod tumani, Farg‘ona yo‘li ko‘chasida sodir bo‘lgan. Surishtiruv davomida aniqlanishicha, haydovchi 2001-yilda tug‘ilgan va uning avtomobilida jami 144 ta yo‘l harakati qoidabuzarliklari qayd etilgan. Shundan 38 tasi muddati o‘tgan va 30 tasi ijro organlariga topshirilgan. Jarimalar bo‘yicha umumiy qarz miqdori 18 mln so‘mni tashkil qiladi.

Hududiy prokuratura haydovchiga nisbatan O‘zbekiston JKning 219-moddasi bo‘yicha jinoyat ishi qo‘zg‘atdi. Qoidabuzarga nisbatan jarima, majburiy jamoat ishlari, tuzatish ishlari yoki 1 – 3 yilgacha ozodlikni cheklash yoki qamoq jazosi tayinlanishi mumkin.

Serbiyaning «Radnichki-1923» klubi bosh murabbiyi Mladen Jijovich «Mladost» jamoasiga qarshi kechgan safar o‘yini paytida vafot etdi.

«iz.ru» portalining ma’lum qilishicha, 44 yoshli mutaxassis o‘yinning 22-daqiqasida o‘zini yomon his qilgan. Tibbiy yordam ko‘rsatilganiga qaramay, Jijovich shifoxonaga olib ketilayotgan vaqtida hayotdan ko‘z yumgan. Uchrashuv «Radnichki-1923» foydasiga 2:0 hisobida to‘xtatilgan.

Mladen Jijovich 2025 yilda «Radnichki-1923» jamoasini qabul qilib olgan edi. U avval Bosniyaning «Zrinski» va «Sloboda», shuningdek, Albaniyaning «Shkupi» klublarida murabbiy sifatida faoliyat yuritgan.

Futbolchilik faoliyati davomida Jijovich «Zrinski», «Boras» va «Radnik» jamoalarida o‘ynagan, ikki marta Bosniya va Gersegovina kubogini qo‘lga kiritgan. U, shuningdek, Bosniya terma jamoasi safida ikki o‘yinda maydonga tushgan.

Joriy yilning 30 – 31-oktabr kunlari o‘tkazilgan ingliz tili o‘qituvchilari attestatsiya natijalari ijtimoiy tarmoqlarda tanqid va e’tirozlarga sabab bo‘ldi. Ayrim o‘qituvchilar imtihon sun’iy ravishda murakkablashtirilgani, maktabdagi amaliy jarayonga mos bo‘lmagan savollar berilgani haqida shikoyat bildirmoqda.

«IELTSdan 8 olish ingliz tili attestatsiyasidan o‘tishdan ko‘ra ancha osonroq», – deydi o‘qituvchilardan biri.

Attestatsiyadan norozi o‘qituvchilar vazir E’zoza Karimovaga murojaat yo‘llagan. Unda imtihon natijalarini qayta ko‘rib chiqish, jarayonni adolatli va shaffof tartibda yana bir bor o‘tkazish so‘ralgan.

Vazirlik keng muhokamalarga sabab bo‘layotgan holat yuzasidan rasmiy munosabat bildirdi. Unga ko‘ra, pedagoglar test jarayonining o‘zida platforma orqali...

Prezident qaroriga ko‘ra, 2025-yildan boshlab «Kelajak merosi» xalqaro mukofoti ta’sis etildi. Bu haqda O‘zA ma’lum qildi.

Mukofotning asosiy maqsadi – O‘zbekistonning madaniy-ma’rifiy merosini, ilmiy yutuqlarini, san’at va raqamli texnologiyalar sohasidagi innovatsion g‘oyalarni targ‘ib etish hamda milliy va global qadriyatlar rivojiga hissa qo‘shayotgan ijodkor va ziyolilarni rag‘batlantirish.

Tanlov har yili quyidagi yo‘nalishlarda o‘tkaziladi: adabiyot, madaniy meros, teatr va kino, musiqa va raqs, tasviriy va amaliy san’at, moda va dizayn, ilm-fan, ta’lim va raqamli texnologiyalar. Har bir yo‘nalish bo‘yicha g‘oliblar statuetka, diplom va $10 ming miqdoridagi pul mukofoti bilan taqdirlanadi.

Mukofotning tashkiliy ishlari «Kelajak merosi» xalqaro mukofoti kengashi tomonidan amalga oshiriladi...

Chery kompaniyasi 3-noyabr kuni Xitoyda o‘zining yangi Jetour Shanhai T1 AWD (to‘liq g‘ildirakli gibrid) modelining taqdimotini o‘tkazdi. Bu haqda CarNewsChina xabar bermoqda.

Krossover 590 ot kuchi (440 kVt), 840 N/m moment va 1 500 km umumiy yurish masofasiga ega. Yangi model ikkita versiyada taklif etiladi:

Model avvalgi old g‘ildirakli Jetour Shanhai T1 dizaynini saqlab qolgan. Kuzov uchun beshta rang mavjud: Midnight Black, Green Mountain, Snow Mountain Silver, Glacier White va Sand Gold.

O‘lchamlari – 4706×1967×1840 mm, g‘ildirak bazasi 2810 mm, ya’ni FWD...

Namangan viloyatining Qamchiq dovonida qor yog‘di. Bu haqda Favqulodda vaziyatlar vazirligi (FVV) xabar berdi.

Unga ko‘ra, hozirda dovonning yuqori qismida mayin qor yog‘moqda. FVV, Yo‘l-patrul xizmati (YPX) va «Qamchiqavtoyo‘l» xodimlari yo‘llarni qordan tozalash, muzlamaning oldini olish va qum-tuz aralashmasini sepish ishlarini davom ettirmoqda.

Qutqaruvchilar tomonidan yo‘lda qolib ketgan haydovchilarga ham yordam berilmoqda.
Favqulodda vaziyatlar vazirligi haydovchilarga dovon hududida harakatlanishda xavfsizlik qoidalariga qat’iy rioya qilishni eslatdi.

Avvalroq 4-noyabr kuni havo harorati 0°gacha tushib ketishi xabar qilingandi. Unga ko‘ra, O‘zbekiston bo‘ylab havo o‘zgaruvchan bo‘ladi, ayrim joylarda yomg‘ir yog‘adi, tog‘ oldi va tog‘li hududlarda qor yog‘ishi mumkin. 

2025-yil 4-noyabr kuni Namangan – Krasnodar – Namangan yo‘nalishidagi HY9833/9834 reyslarining parvoz jadvali o‘zgartirildi. Bu haqda Uzairways ma’lum qildi.

Aviakompaniya yo‘lovchilardan yuzaga kelgan noqulayliklar uchun uzr so‘radi.

Eslatib o‘tamiz, avvalroq Uzbekistan Airways yangi yo‘nalishlarni yo‘lga qo‘ygani haqida xabar bergan edik.

Tijorat banklari 4-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga pasaygani haqida yozgan edi. 

Jizzaxda «Hududgaz» xodimi ustidan jinoiy ish qo‘zg‘atildi. Bu haqda Davlat xavfsizlik xizmati xabar berdi.

Unga ko‘ra, «Hududgaz Jizzax» filialining yetakchi mutaxassisi korxonaga tegishli gaz hisoblagichdagi nosozlik bo‘yicha dalolatnoma tuzgan. Ammo u bu hujjatni bekor qilib berish va jinoyat ishi qo‘zg‘atilmasligiga yordam berish evaziga korxona vakilidan $6 ming talab qilgan. Davlat xavfsizlik xizmati uni pulni olayotgan paytda qo‘lga oldi.

Laboratoriya tekshiruviga ko‘ra, gaz hisoblagich tashqi ta’sirlarsiz o‘zi nosoz holatga kelgan. Endi xodimga nisbatan Jinoyat kodeksi moddalariga asosan ish qo‘zg‘atildi. Shuningdek, uning bu ishga aloqador tanishini aniqlash va tekshirish ishlari ham boshlangani bildirildi.

Avvalroq Qashqadaryoda aholiga tarqatilmasdan ushlab turilgan gaz ballon...

RedMagic brendi jahon bozorida yangi flagman smartfoni RedMagic 11 Proni rasman taqdim etdi. Bu haqda GSMArena nashri ma’lum qildi.

Ushbu model Xitoyda RedMagic 11 Pro+ nomi bilan tanilgan bo‘lib, hozirgi vaqtda AnTuTu reytingida eng yuqori natijaga ega bo‘ldi.

Yangi modelning asosiy yangiligi – AquaCore tizimi bo‘lib, u suyuq va havoli sovitish tizimlarini birlashtiradi. Ventilyator soatiga 24 ming aylanma tezlik bilan ishlaydi. Nightfreeze va Subzero versiyalarida shaffof orqa panel orqali suyuqlik aylanishi ko‘rinadi, klassik uslubni yoqtiruvchilar uchun esa qora rangdagi Cryo versiyasi mavjud.

RedMagic 11 Pro Snapdragon 8 Elite Gen 5 platformasida qurilgan va o‘zining o‘yin protsessori RedCore R4 bilan...