Yangiliklar

Panama kanali faqat Panamaga tegishli va Amerika Qoʻshma Shtatlari (AQSh) nazoratiga oʻtmaydi. Bu haqda Panama prezidenti Xose Raul Mulino o‘zining X tarmog‘idagi sahifasida ma’lum qildi.

«Prezident sifatida men Panama kanali va unga tutash hududning har bir kvadrat metri Panamaga tegishli ekanini taˆ’kidlamoqchiman va kelajakda ham shunday boʻladi», – deb yozgan u.

Shu bilan birga, Mulino AQShning yangi ma’muriyati bilan yaxshi va hurmatga sazovor munosabatlar oʻrnatishga hamda noqonuniy migratsiya va uyushgan jinoyatchilik kabi muammolarni hal qilish ustida birgalikda ishlashga umid qilishini ta’kidladi.

Ma’lumot uchun, Panama kanali 1920-yilning yozida ishga tushirilgan bo‘lib, uning qurilishi uchun AQSh...

Xiaomi 15 Ultra hali Xitoyda chiqmagan bo‘lsa-da, u allaqachon global bozorga chiqarilish uchun hozirlanmoqda. Bu haqda Gizmochina nashri ma’lum qildi.

Unga ko‘ra, Xiaomi 15 Ultra global versiyasi «G» bilan tugaydi, Xitoy versiyasi esa «C» bilan ajralib turadi. Xitoyda smartfon fevral oyida chiqishi kutilmoqda, global bozorga esa mart yoki aprel oylarida chiqarilishi taxmin qilinmoqda.

Xiaomi 15 Ultra Qualcomm Snapdragon 8 Elite chipseti va Android 15 asosidagi HyperOS 2.0 operatsion tizimi bilan jihozlanadi. 6,7 dyuymli LTPO OLED ekran va 120 Hz yangilanish tezligi unga yuqori sifatli vizuallik taqdim etadi. Kamerasi 50, 50, 50 va 200 MP tasvir sensorlari va periskopik moduli...

Toshkentda havo biroz bulutli, yogʻingarchilik kutilmaydi. Kechasi va ertalab tuman tushishi mumkin. Shamol sharqdan 3–8 m/s. Harorat kechasi -5…-7°C, kunduzi +2…+4°C boʻladi. Bu haqda «Oʻzgidromet» xabar berdi.

Qoraqalpogʻiston va Xorazmda havo ochiq, yogʻingarchilik kutilmaydi. Shamol sharqdan 7–12 m/s. Harorat kechasi -7…-12°C, kunduzi -3…+2°C boʻladi.

Buxoro va Navoiyda havo biroz bulutli, yogʻingarchilik kutilmaydi. Shamol sharqdan 7–12 m/s. Harorat kechasi -5…-10°C, kunduzi 0…+5°C boʻladi.

Toshkent, Samarqand, Jizzax va Sirdaryo viloyatlarida havo ochiq. Yoʻllarda yaxmalak va tuman kuzatiladi. Shamol sharqdan 7–12 m/s. Harorat kechasi -5…-10°C, kunduzi 0…+5°C, ba’zan -2°C boʻladi.

Qashqadaryo va Surxondaryoda havo ochiq, ayrim joylarda tuman tushishi mumkin. Shamol sharqdan...

Moskvaning «Spartak» xokkey klubi Minskning «Dinamo» jamoasini 3:2 hisobida mag‘lub etdi, deb xabar berdi Kursiv Uzbekistan muxbiri. Uchrashuv «Humo Arena»da 22 dekabr kuni bo‘lib o‘tdi.

Jamoalar asosiy vaqtni 2:2 hisobida durang bilan yakunladi. Qo‘shimcha vaqtda «Dinamo» darvozasiga hal qiluvchi golni «Spartak»lik Adam Rujichka kiritdi.

Toshkentdagi «Dinamo» – «Spartak» uchrashuviga 9,4 ming tomoshabin tashrif buyurdi va bu KHL Jahon o‘yinlari doirasidagi o‘yinlarga tashrif buyurish bo‘yicha yangi rekordga aylandi.

22 dekabr holatiga ko‘ra, «Dinamo» KHL G‘arbiy konferentsiyasida ettinchi o‘rinni egallab turibdi. «Spartak» Ikkinchi o‘rinda joylashgan.

Avvalroq Kursiv Uzbekistan nashri O‘zbekistonda xokkey klublari soliq imtiyozlari bilan qo‘llab-quvvatlanishi haqida yozgan edi.

O‘zbekistonda 2024-yilning 11 oyida turli yengil avtomobillar ishlab chiqarish 382,3 ming dona bo‘lib, bu o‘tgan yilga nisbatan 1,6% ko‘proqdir. Bu haqda Statistika agentligi ma’lum qildi.

Unga ko‘ra, yil davomida mamlakatdagi avtomobil ishlab chiqaruvchi korxonalar Chevrolet Cobalt ishlab chiqarishni 104,5 mingdan 149,7 minggacha oshirdi. Damas avtomobillari ishlab chiqarish 79,8 mingdan 92 minggacha o‘sdi.

Gentra ishlab chiqarilishi esa yillik hisobda 74,1 mingdan 12,8 minggacha keskin pasayib ketdi. Shuningdek, Cherry avtomobillari ishlab chiqarish ham kamaydi — 9,7 mingdan 6,3 minggacha.

Shuningdek, 2024 yilning 11 oyida O‘zbekistonda 243,1 mingta avtomobil dvigateli ishlab chiqarildi, bu esa 2023 yilning shu davriga nisbatan 2,4% ga ko‘proqdir.

Ulefone kompaniyasi yangi Armor X31 Pro himoyalangan smartfonini taqdim etdi. Bu haqda kompaniya rasmiy sahifasida ma’lum qilindi.

Unga ko‘ra, ushbu model Armor X seriyasining 5G tarmog‘ini qo‘llab-quvvatlaydigan birinchi modeli hisoblanadi. Smartfon MediaTek Dimensity 6300 SoC protsessori asosida ishlaydi va Android 14 operatsion tizimi bilan ishlaydi.

Ulefone Armor X31 Pro ning ekran o‘lchami 6,56 dyum bo‘lib, HD+ yechimga, 120 Gts yangilanish tezligiga va maksimal 800 nit yorug‘likka ega. Ekran Gorilla Glass 5 bilan himoyalangan. Smartfon 8 GB operativ va 256 GB ichki xotiraga ega. MicroSD kartalari yordamida 2 TB gacha kengaytirilishi mumkin.

Uskunaning orqa tomonida Sony IMX682 sensorli 64 MP...

2024-yilning yanvar – noyabr oylarida O‘zbekistonda gaz ishlab chiqarish 40,7 mlrd kub metrni tashkil etdi. Bu haqda Statistika agentligi ma’lum qildi.

Unga ko‘ra, yiliga kamayish 4,7% ni tashkil qildi.

Gaz ishlab chiqarishda davom etayotgan kamayishiga qaramay mamlakat 11 oy davomida $1,5 mlrd.ga yoqilg‘i import qilgan, bu esa yiliga 2,8 baravar ko‘paygan. Shu davrda eksport 16,5% ga oshib, $593,4 mln.ga yetgan.

Joriy yilning dekabr boshida Turkmaniston O‘zbekistonga gaz yetkazib berishni oshirishga tayyorligi ma’lum qilindi. Bu kelishuv O‘zbekiston prezidenti Shavkat Mirziyoyevning Turkmaniston Xalq Maslahati raisi Gurbanguli Berdimuxammedov bilan o‘tkazgan muzokaralari davomida amalga oshdi.

Eslatib o‘tamiz, avvalroq 15 ta yangi kon maydonida...

AQSh prezidenti Donald Tramp Truth ijtimoiy tarmog‘ida AQSh Panama kanalini o‘z nazoratiga qaytarishini talab qilishi mumkinligini yozdi.

«Panama kanali AQSh uchun eng muhim milliy aktivlardan biri hisoblanadi. Chunki u Amerika iqtisodiyoti va milliy xavfsizligi uchun hal qiluvchi rol o‘ynaydi», – deb izohladi kanalni qaytarish sababini Tramp.

Oq Uy rahbari kanal xavfsizligi AQSh uchun harbiy va savdo ahamiyatiga ega ekanini ta’kidladi.

U, shuningdek, AQShning 39-prezidenti Jimmi Karterning 1977-yilda Panama kanalini topshirish haqidagi qarorini ahmoqona deb hisoblaganini qo‘shimcha qildi.

«Panama tomonidan olinayotgan to‘lovlar kulgili, ayniqsa, AQShning Panama uchun ko‘rsatgan betakror saxiyligidan so‘ng...

Uz Chasysdagi davlat ulushining 70% ni xususiylashtirish bo‘yicha ikki investor ariza topshirdi. Bu haqda Davlat aktivlarini boshqarish agentligi ma’lum qildi.

Unga ko‘ra, investorlar keyingi xususiylashtirish bosqichiga o‘tishga ruxsat berildi. Kelgusi yilning 31-yanvariga qadar ular Portfolio Investments maslahatchisiga majburiy takliflar taqdim etishi lozim.

Shuningdek, Uz Chasysda 30% ulushga ega AMS Co. Ltd kompaniyasi aksiyalar paketini sotishga tayyor ekanligini ma’lum qildi.

Ma’lumot uchun, Uz Chasys 2008-yildan beri O‘zbekistonda faoliyat yuritib kelmoqda. Kompaniyaning asosiy faoliyat yo‘nalishi Chevrolet Cobalt, Lacetti va Spark avtomobillari uchun yoritish tizimlarini ishlab chiqarishdan iborat.

Eslatib o‘tamiz, avvalroq Davaktiv «Oʻznaslchilik» davlat korxonasi hududini sotuvga qoʻygan edi.

2024-yilning yanvar – noyabr oylarida O‘zbekiston xorijga $24,2 mlrd miqdorida tovarlar va xizmatlar eksport qilgan, bu o‘tgan yilga nisbatan 4,4% o‘sish hisoblanadi. Bu haqda Statistika agentligi ma’lum qildi.

Unga ko‘ra, ushbu davrda import hajmi $35,1 mlrd.ni tashkil etgan bo‘lib, bu 2023 yilning shu davriga nisbatan 3% ko‘proqdir.

Umumiy tovar ayirboshlash hajmi $59,3 mlrd oshgan. Yillik o‘sish 3,6% ni tashkil qilgan. O‘zbekistonning asosiy savdo hamkorlari Osiyo va Yevropa mamlakatlari bo‘lib, eksport hajmi mos ravishda $27,3 mlrd va $25,2 mlrd.ni tashkil etgan.

Shimoliy Amerika davlatlari bilan savdo hajmi $1 mlrd.ni, Janubiy Amerika bilan esa $492,7 mln.ni tashkil etgan. Afrika va Avstraliya...

2024-yilda AQSh hukumati 572 o‘zbekni deportatsiya qilgan, bu o‘tgan yildagiga nisbatan 6,5 baravar ko‘p. Bu haqda Amerika immigratsiya va bojxona xizmati (ICE) hisobotida ma’lum qilindi.

Unga ko‘ra, 2022 va 2021-yillarda deportatsiya qilingan o‘zbekistonliklar soni mos ravishda 21 va 55 kishini tashkil qilgan.

2023-yilda AQSh hukumati 17 ming o‘zbekning noqonuniy ravishda mamlakatga kirganini xabar qilgan. Umumiy hisobda AQShga 50 ming markaziy osiyolik kirgan.

Vashingtonda markaziy osiyolik ayrim noqonuniy migrantlar terroristik kayfiyatdagi guruhlarning a’zolari bo‘lishi mumkinligi haqidagi xavotirlar bildirilgan.

Eslatib o‘tamiz, avvalroq AQSh Senati hukumatni vaqtinchalik moliyalashtirishni tasdiqlagani haqida yozgan edik.

Germaniyaning Magdeburg shahridagi Rojdestvo yarmarkasida qora BMW avtomobili odamlarga urilib, besh kishini halok qildi. Bu haqda Saksoniya-Anxalt federatsiyasi yerining bosh vaziri Rayner Hesselxof MDR telekanali orqali e’lon qildi.

Unga ko‘ra, voqea tufayli halok bo‘lganlar orasida to‘qqiz yoshli bola ham bor. 200 dan ortiq kishilar turli jarohatlar oldi.

Yana xabar berilishicha, 41 kishi jiddiy jarohat olgan, 90 kishi og‘ir va 80 dan ortiq kishilar yengil jarohatlar olgan. Shunday qilib, jabrlanganlar soni 200 kishidan oshgan.

Politsiya versiyasiga ko‘ra, jinoyatchining sheriklari bo‘lmagan. Avtomobilni boshqarayotgan shaxs Saudiyalik boshpana olgan psixiatr Taleb al-Abdulmohsen bo‘lgan.

Eslatib o‘tamiz, avvalroq Fargʻonada yonilgʻi quyish shoxobchasida sodir boʻlgan portlashda...

Qirg‘iziston Xitoy – Qirg‘iziston – O‘zbekiston temir yo‘lini qurish bo‘yicha investitsiya bitimini imzoladi. Bu haqda Qirg‘iziston Vazirlar Mahkamasi matbuot xizmati xabar berdi.

Hujjat Qirg‘iziston transport va kommunikatsiyalar vaziri Absattar Sirgabayev va qo‘shma temir yo‘l kompaniyasi direktorlar kengashi raisi Jun Shenguy tomonidan imzolandi. Marosimda O‘zbekistonning Qirg‘izistondagi elchisi Saidikrom Niyozxo‘jayev va XXR vakili Li Baotsze ishtirok etdi.

Qirg‘iziston Vazirlar Mahkamasi kelishuvni tarixiy deb atadi.

Kelishuvni amalga oshirish bilan temir yoʻl sohasidagi qoʻshma korxona shugʻullanadi. Uning 51 foiz aksiyasi China Railway International kompaniyasiga tegishli. Qolgan 49 foizi esa Qirgʻiziston va Oʻzbekistonga tegishli bo‘ladi. Loyihaning umumiy qiymati deyarli $5 milliard deb baholanmoqda.

Surxondaryo viloyatidagi «Termiz xalqaro savdo markazi» orqali $15,5 million qiymatidagi mahsulotlar Afg‘onistonga eksport qilindi. Bu haqda Bojxona qo‘mitasi xabar berdi.

Hozirda ushbu hududga kuniga o‘rtacha ikki mingdan ortiq afg‘on fuqarolari tashrif buyurmoqda.

Savdo zonasida tadbirkorlar va fuqarolar uchun qulay sharoitlar yaratilmoqda. Shu doirada Afg‘onistonning Balx viloyati bojxona tashkiloti rahbariyati va Surxondaryo viloyati Bojxona boshqarmasi rahbarlari ishtirokida uchrashuv bo‘lib o‘tdi. Mazkur uchrashuvda afg‘on tadbirkorlarining faoliyati, chegara va bojxona nazorati, valyuta ayirboshlash hamda eksport hajmini oshirish bo‘yicha fikrlar almashildi.

Eslatib o‘tamiz, savdo markazi joriy yilning 29-avgust kuni ochilish marosimi bo‘lib o‘tgan edi. Ushbu markazda afg‘onistonliklar uchun ham savdo nuqtalarini ochishga...

Prezident Kurash milliy sport turini rivojlantirish va ommalashtirish bo‘yicha yangi qaror qabul qildi. Bu haqda Adliya vazirligi xabar berdi.

Qarorga ko‘ra, Xalqaro kurash institutining faoliyati kengaytiriladi. Kurash bo‘yicha xalqaro malakali trenerlar va hakamlarni tayyorlash, ilmiy-tadqiqot loyihalarini amalga oshirish. Kurashning yangi yo‘nalishlarini joriy qilish va ularni targ‘ib qilish vazifalari yuklatiladi.

Bundan tashqari, kurash trenerlari va hakamlarini xorijga yuborish («eksport») tizimi yo‘lga qo‘yiladi. Shuningdek, ushbu milliy sport turini dunyo miqyosida tanitish va uni global sport turiga aylantirish bo‘yicha ishlar olib boriladi.

Xorijdagi diplomatik vakolatxonalarga kurashni xalqaro miqyosda rivojlantirishga ko‘maklashish vazifasi yuklatilgan. Mahalliy tadbirkorlarni Xalqaro kurash assotsiatsiyasiga homiy sifatida jalb qilish ham...

Senatorlar yangi qonun bilan unitar korxona va qo‘shimcha mas’uliyatli jamiyat shakllarini tugatish haqidagi taklifni ma’qulladi. Bu haqda Oliy Majlis matbuot xizmati xabar berdi.

Shuningdek, mas’uliyati cheklangan jamiyatlarning ta’sis shartnomasini davlat ro‘yxatidan o‘tkazish talabini bekor qilish taklifi ham ilgari surildi. Qonun korporativ shartnoma, konsorsium va konsorsium shartnomasining huquqiy maqomini belgilashni ham nazarda tutadi.

Qonunga ko‘ra, xo‘jalik jamiyatlarining kuzatuv kengashlari tomonidan aksiyalar, korporativ obligatsiyalar va boshqa qimmatli qog‘ozlarni chiqarish bo‘yicha qabul qilingan qarorlar oshkor qilinishi shart. Bu jarayon amaldagi huquqiy hujjatlarga muvofiq amalga oshiriladi. Shuningdek, qimmatli qog‘ozlarni ro‘yxatdan o‘tkazish va litsenziyalashga oid ma’lumotlarni e’lon qilish tartibi belgilandi.

Senatorlarning fikricha, mazkur qonun...

AQSh Senati hukumatni 2025-yil martigacha moliyalashtirish bo‘yicha qonun loyihasini tasdiqladi. Bu haqda CNN xabar berdi.

Agar mazkur hujjat prezident Jo Bayden tomonidan imzolansa, AQSh hukumat faoliyati to‘xtab qolish xavfidan (shatdaun) qutulib qolishi mumkin.

Qonun loyihasi tabiiy ofatlar oqibatlarini bartaraf etish va fermerlarga yordam ko‘rsatish uchun mablag‘ ajratishni nazarda tutadi. Respublikachilar aynan shu masalalar yuzasidan o‘z qat’iy pozitsiyalarida turib olishdi. Shunga qaramay budjet loyihasida davlat qarzining yuqori chegarasini bekor qilishga oid bandlar ko‘zda tutilmagan. Sobiq prezident Donald Tramp ushbu masalada bir necha bor talablari bilan chiqish qilgan edi.

Mazkur qonun loyihasi faqatgina uchinchi urinishda qabul qilindi. Aslida, kongress a’zolari vaqtida...

Dekabr oyining boshida Telegram platformasi sun’iy intellekt texnologiyalaridan foydalangan holda stikerlarni qidirish imkoniyatini ishga tushirdi. Endi so‘nggi 10 yil davomida platforma rassomlari tomonidan yaratilgan 40 mingdan ortiq stikerlarga maxsus qidiruv teglari qo‘shildi. Bu haqda Pavel Durov o‘z rasmiy kanalida ma’lum qildi.

Endi foydalanuvchilar 34 ta tilda bir nechta kalit so‘zdan foydalangan holda o‘zlariga kerakli stikerlarni osonlikcha topishlari mumkin.

Pavel Durovning so‘zlariga ko‘ra, hozirda ushbu qidiruv funksiyasidan faqat premium obunachilar emoji stikerlarini qidirish uchun foydalanishlari mumkin. Kelasi oyda bu imkoniyat yanada kengaytiriladi – boshqa foydalanuvchilar tomonidan yuklangan millionlab stikerlarni qidirish ham yo‘lga qo‘yiladi.

«Stikerlar Telegram messenjerini...

Germaniyaning Saksoniya-Anxalt federal o‘lkasi poytaxti Magdeburg shahridagi Rojdestvo yarmarkasida qora rangli BMW avtomobili odamlar orasiga bostirib kirishi oqibatida ikki kishi halok bo‘ldi va o‘nlab kishi jarohat oldi. Bu haqda Spiegel, MDR hamda boshqa nemis va Yevropa ommaviy axborot vositalari xabar berdi.

Spiegel ma’lumotlariga ko‘ra, hodisa Yevropa vaqti bilan soat 19:04 da (Toshkent vaqti bilan 23:04) sodir bo‘lgan. To‘qnashuv kameralar tomonidan qayd etilgan va tezda ijtimoiy tarmoqlarda tarqalgan.

Avtomobil haydovchisi politsiya tomonidan qo‘lga olindi. Die Welt nashrining huquq-tartibot idoralari manbasiga asoslanib xabar berishicha, haydovchi 1974-yilda tug‘ilgan Saudiya Arabistoni fuqarosi bo‘lib, mashinani ijaraga olgan.

MDR xabariga ko‘ra, avtomobilda portlovchi...

«Milliy tiklanish» partiyasi yetakchisi Alisher Qodirov Rossiyada davlat tilini bilmagan fuqarolar va ularning farzandlarini maktablardan cheklash siyosatini tanqid qildi. Bu haqda siyosatchi o‘z Telegram-kanalida ma’lum qildi.

Uning so‘zlariga ko‘ra, Rossiya rus tilini o‘rgatish o‘rniga uni bilmaganlarni mamlakatdan chiqarish va bolalarni maktabdan haydash yo‘lini tanlagan.

«Bu qonun postsovet mamlakatlarida rus tiliga bo‘lgan ehtiyojni ham, hurmatni ham keskin kamaytirishi mumkin», – deydi Alisher Qodirov.

Qodirovning fikricha, O‘zbekistonda davlat tilini bilmaydigan minglab davlat xizmatchilari va yuz minglab o‘quvchilar bor. U bu masalada elektoratdan kelib tushayotgan savollarga javob berish uchun Rossiyadagi tajribaning ijobiy va salbiy jihatlarini diqqat bilan...

21-dekabr kuni Xitoyda Toyota Camryʻning yangi versiyasi – Brilliant Editionʻning taqdimoti boʻlib oʻtadi. GAC Toyota marketing direktori Chjan Binning aytishicha, avtomobil Dynaudio akustik tizimi, kuzovning kulrang matoviy rangi va qora rangli Toyota logotipchalari bilan jihozlanadi. Bu haqda IThome nashri xabar berdi.

Brilliant Editionʻning boshqa xususiyatlari hozircha oshkor etilmagan. Tafsilotlar va narxlar bugun ma’lum boʻladi.

Xitoyda Camryʻning standart versiyalari $23,5 mingdan $35,6 minggacha boʻlgan narxda sotiladi va u uch xil dvigatel bilan taklif etiladi: 2,0 litrli atmosferli, shuningdek, 2,0 va 2,5 litr hajmli motorlar asosida ishlaydigan ikkita gibrid tizim.

Avvalroq Kursiv Uzbekistan Kia Syros taqdimoti bo‘lgani haqida yozgan edi.

21-dekabr kuni mahalliy vaqt bilan soat 08:11 da Andijon viloyati, Marhamat tumanida zilzila qayd etildi. Bu haqda Favqulodda vaziyatlar vazirligi Seysmoprognostik monitoring Respublika markazi xabar berdi.

Zilzila koordinatalari: 40,53° shimoliy kenglik, 72,37° sharqiy uzunlik. Magnituda 3,3 ni tashkil etdi va zilzila o‘chog‘i yerning 10 km chuqurligida joylashgan. Ushbu hudud Toshkentdan 277 km janubiy-sharqda joylashgan.

Hodisa yuzasidan zarar va talafotlar to‘g‘risida ma’lumot berilmagan.

Avvalroq Kursiv Uzbekistan Qozog‘istonda 3,8 magnitudali zilzila sodir bo‘lgani haqida yozgan edi.

Bugun, 21-dekabr kuni O‘zbekistonda yog‘ingarchilik kuzatilmaydi. Yo‘llarda yaxmalaklar bo‘ladi. O‘rtacha havo harorati 2 daraja sovuq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida havo bulutli bo‘ladi, biroq yog‘ingarchilik kuzatilmaydi. Kunduzi havo 0-2 daraja iliq, kechga kelib 5-7 daraja sovuq bo‘ladi.

Tog‘li hududlarda ham yog‘ingarchilik bo‘lmaydi. Tuman tushadi va yo‘llarda yaxmalak kuzatiladi. Havo harorati kunduzi 3-8 daraja sovuq, kechqurun 12-17 daraja sovuq bo‘ladi.

O‘zbekiston prezidenti yordamchisi Saida Mirziyoyeva 2023/24-o‘quv yilida xalqaro olimpiadalarda g‘olib bo‘lgan maktab o‘quvchilari bilan uchrashdi. Bu haqda Mirziyoyevaning Telegram kanalida ma’lum qilindi.

Ushbu yilda ular nufuzli musobaqalarda 128 ta medalni qo‘lga kiritdi. Maktab o‘quvchilari 15 ta oltin, 36 ta kumush va 77 ta bronza medallarini yutib olishdi. O‘quvchilar kimyo, matematika, fizika va informatika fanlarida yuqori natijalar ko‘rsatdilar. Ushbu ko‘rsatkichlar O‘zbekistonning xalqaro olimpiadalarda ishtirok etish tarixidagi rekorddir.

«Chin qalbdan qahramonlarimizni tabriklayman va ularning ustozlari hamda ota-onalariga ulkan hissalari, ishonchi va qo‘llab-quvvatlashlari uchun minnatdorchilik bildiraman. Ushbu muvaffaqiyat katta yo‘lning boshlanishi bo‘lsin. Yoshlar – O‘zbekistonning kelajagi!» – deydi Saida Mirziyoyeva.

Eslatib o‘tamiz...