Yangiliklar

Buyuk Britaniyaning Oʻzbekistondagi elchisi Timoti Smart Trend nashriga bergan intervyusida Oʻzbekistonning Jahon savdo tashkilotiga (JST) a’zo boʻlishi va xalqaro savdo aloqalarini kengaytirish jarayonini qoʻllab-quvvatlashini ta’kidladi.

Uning aytishicha, mamlakatlar oʻrtasidagi yillik savdo hajmi $500 millionni tashkil etadi, ammo oʻsish uchun salohiyat katta. Buning uchun infratuzilma loyihalarini rivojlantirish boʻyicha memorandum imzolandi va oʻzbekistonlik eksportchilarga imtiyozlar taklif etilmoqda.

Shuningdek, ekologiya sohasida umumiy byudjeti $70 milliondan ortiq boʻlgan CEWCA va iCRAFT dasturlari amalga oshirilmoqda. Ular issiqxona gazlari emissiyasini kamaytirish, energiya samaradorligini oshirish va «yashil» iqtisodiyotni qoʻllab-quvvatlashga qaratilgan.

Buyuk Britaniya eksport-kredit agentligi energetika, transport va sogʻliqni saqlash sohalaridagi loyihalarga...

Joriy yilda «O‘zbekkosmos» agentligi ekologiya yo‘nalishidagi kosmik monitoring natijalari asosida O‘zbekistonning 721 gektar maydonida 1,9 mingta noqonuniy chiqindixona mavjudligini aniqladi. Bu haqda agentlik rasmiy saytida ma’lum qildi.

Unga ko‘ra, ulardan 123 tasi chiqindi saqlash poligonlarining chegarasidan tashqarida joylashgan, qolganlari esa noqonuniy chiqindi poligonlari sifatida qayd etilgan.

Xususan, Qoraqalpog‘iston Respublikasi, Xorazm, Buxoro, Navoiy, Samarqand, Qashqadaryo, Andijon, Namangan, Farg‘ona, Toshkent, Jizzax va Surxondaryo viloyatlarida o‘tkazilgan monitoringlar davomida ushbu noqonuniy chiqindixonalar aniqlangan. Bu chiqindixonalar atrof-muhitga salbiy ta’sir ko‘rsatib, tuproq, suv va havo sifatini yomonlashtirishi, shuningdek, zararli hasharotlar ko‘payishi va infeksion kasalliklar xavfini oshirishi mumkin.

Eslatib o‘tamiz, avvalroq prezident O‘zbekistonda sakkizta chiqindi yoqish...

O‘zbekiston prezidenti Shavkat Mirziyoyev Toshkent viloyatidagi Tashkent Pharma Park farmakologik klasterida tashkil etilgan logistika xab ishi bilan tanishdi. Bu haqida davlat rahbari matbuot xizmati xabar qildi.

Xab 10 gektar maydonda qurilgan bo‘lib, uning hududida mehmonxona, ofis, oshxona, yotoqxona va 50 ming kvadrat metrlik omborxonalar mavjud. Loyihaning umumiy qiymati 40 million dollarni tashkil etdi.

Klaster respublika bo‘yicha 7,5 ming dorixonani dori vositalari bilan ta’minlamoqda. Shu bilan birga, logistika markazi yetkazib berish geografiyasini oshirish imkonini beradi.

Avvalroq Kursiv Uzbekistan nashri O‘zbekiston farmatsevtika sanoatini qo‘llab-quvvatlash uchun 20 milliard so‘m ajratilishi haqida yozgan edi.

Xadicha Sulaymonova nomidagi Respublika sud ekspertiza markazining Toshkent viloyati hududiy bo‘limi tashkil etilishi ma’lum qilindi. Bu haqda Adliya vazirligi xabar berdi.

Unga ko‘ra, 2026-yil 1-iyungacha bo‘lim xalqaro standartlarga mos ravishda jihozlanib, zarur texnika va malakali kadrlar bilan ta’minlanadi.

Shuningdek, sud ekspertiza markazida GMO va ichimlik suvining tarkibini aniqlashga qaratilgan laboratoriya tashkil etiladi. 2025-yil oxiriga qadar boshqa viloyatlarda ham ekspertiza va tadqiqotlar joriy etiladi, shu jumladan, Qoraqalpog‘iston Respublikasi, Navoiy va Qashqadaryo viloyatlarida yangi laboratoriyalar ochiladi.

Bundan tashqari, sud ekspertiza markazi hududiy bo‘limlarida kriminalistik, sud-xatshunoslik va elektrotexnika sohalarida yangi tadqiqot turlari amalga oshiriladi.

Eslatib o‘tamiz, avvalroq qaysi qishloq xo‘jaligi texnikalari bojxona...

19-dekabr kuni Kia o‘zining yangi Syros kompakt krossoverini taqdim etadi. Avtomobil Hindistonda ishlab chiqarilishi tufayli xarajatlarni kamaytirish va xaridorlar uchun arzonroq narx taklif qilish rejalashtirilgan. Bu haqda Speedme nashri xabar berdi.

Dastlabki savdo Hindistonda boshlanadi, keyin boshqa bozorlarda ham sotuvga chiqadi.

Syros dizayni ixchamlik va krossover elementlarini o‘zida mujassam etgan. Model vertikal faralar, L shaklidagi orqa chiroqlar, bukiluvchi eshik tutqichlari va zamonaviy old bamper bilan jihozlanadi. Tashqi ko‘rinishi Hyundai Casper va Suzuki Jimny avtomobillarini eslatsa-da, o‘ziga xoslikni saqlab qolgan.

Yangi avtomobil yuqori darajadagi qulayliklar bilan ta’minlanadi. Unga elektr boshqaruvli ventilyatsiyali o‘rindiqlar, Bose audio tizimi, ikkita ekran, simsiz quvvatlash, panoramali...

«Hududiy elektr tarmoqlari» aksiyadorlik jamiyati boshqaruvi raisi Ulugʻbek Mustafoyev Jizzax viloyati hokim vazifasini bajaruvchi etib tayinlandi. Bu haqda prezident matbuot xizmati xabar berdi.

U Ergash Saliyev o‘rniga tayinlandi. Ulugʻbek Mustafoyev 2010 – 2016 yillarda Markaziy bank raisi o‘rinbosari lavozimida ishlagan.

Ergash Saliyev boshqa ishga oʻtishi munosabati bilan Jizzax viloyati hokimi lavozimidan ozod etildi.

Avvalroq Kursiv Uzbekistan Iqtisodiyot va moliya vazirligi tizimida yangi tayinlovlar amalga oshirilgani haqida yozgan edi.

Toshkent shahar IIBB Energetika vazirining bloger va iqtisodchi Otabek Bakirovga nisbatan shikoyat arizasi bo‘yicha jinoyat ishi qo‘zg‘atmaslik haqida qaror qabul qildi.

Bakirovning ma’lum qilishicha, Energetika vazirining shikoyatida ko‘rsatilgan vajlarni tasdiqlovchi asoslar yo‘qligi bo‘yicha tegishli ekspertiza xulosasi olingan. Shuningdek, shikoyatga sabab bo‘lgan «Sag‘bon posti» ijtimoiy tarmoqlarda e’lon qilinganiga 1,5 yildan ortiq vaqt o‘tgani ham qaror qabul qilishda asosiy omillardan biri bo‘ldi.

Mazkur postda Otabek Bakirov tomonidan energetika sohasi va unga aloqador masalalar tahlil qilingan edi. Ushbu post shikoyatga sabab bo‘lgan.

Sag‘bon podstansiyasi bilan bog‘liq batafsil ma’lumotni ushbu havola orqali o‘qishingiz mumkin.

Kontraktatsiya jarayonida Chevrolet Cobalt GX-Style AT Plus va GX Midnight AT avtomobillari uchun 12 688 ta shartnoma tuzildi, deb xabar bermoqda UzAuto Motors matbuot xizmati.

Ta’kidlanishicha, shundan 12 646 tasi One ID tizimida roʻyxatdan oʻtgan jismoniy shaxslarga, 42 tasi esa yuridik shaxslar ulushiga toʻgʻri keladi.

Jami 2,7 ming Chevrolet Cobalt GX-Style AT Plus va 9,9 mingtasi Chevrolet Cobalt GX Midnight AT avtomobili realizatsiya qilindi.

Eslatib oʻtamiz, avtomobil xaridi uchun tuzilgan shartnomalar boʻyicha toʻlov yetti kalendar kun ichida amalga oshirilishi lozim.

Avvalroq Kursiv Uzbekistan Chevrolet Cobalt uchun kontraktatsiya boshlangani va narxlar haqida xabar bergan edi.

AQSh Moliya vazirligi «Gazprombank»ka nisbatan sanksiyalarni vaqtincha yumshatdi va unga atom energiyasi bilan bogʻliq operatsiyalarni amalga oshirishga ruxsat berdi, deb ma’lum qildi vazirlik matbuot xizmati.

Xorijiy aktivlarni nazorat qilish boshqarmasi (OFAC) bosh litsenziyasining amal qilishi 2024-yil 21-noyabrgacha ishga tushirilgan yadro loyihalariga tatbiq etiladi. Lekin bu ruxsatnoma Vengriyada qurilayotgan va «Rosatom» kuratorligidagi Paks II AESga taalluqli emas.

Keyinchalik OFAC nima fuqarolik atom energetikasi bilan bogʻliqligini aniqlashtirdi. Bank orqali uran qazib olish va qayta ishlash, yadroviy yoqilgʻi yetkazib berish va chiqindilarni sotish, elektr energiyasi ishlab chiqarish va atom elektr stansiyalarini qurish bilan bogʻliq toʻlovlarni amalga oshirishga ruxsat berildi.

Jurnalistlarning ma’lumotlariga...

Asosiy yangi yil archasi Alisher Navoiy nomidagi O‘zbekiston Milliy kutubxonasi oldidagi maydonga o‘rnatildi, deya xabar bermoqda poytaxt hokimligi.

Bosh archaning rasmiy ochilishi 25-dekabrga belgilangan. Archa 35 metr balandlikda bo‘lib, 33 ming dona o‘yinchoq bilan bezatiladi. Bayram maydonida yana 4 ta kichik archa va dekorativ elementlar ham joylashtiriladi.

Ishchi guruh konstruksiyani o‘rnatish jarayonini nazorat qildi. Ishlatilayotgan materiallarning sifatini baholadi va mutaxassislar bilan ishlarning yakunlovchi bosqichlarini muhokama qildi.

Avvalroq Kursiv Uzbekistan Oʻzbekistonda asosiy archa qayerda oʻrnatilishi haqida yozgan edi.

2024-yil noyabr oyida koʻchmas mulk bozorida faollik oshgan. Umumiy savdo hajmi 21,9 ming bitimni tashkil etib, oktabr oyiga nisbatan 2,5 foizga oʻsgan, yillik hisobda esa 0,8 foizga koʻpaygan. Bu haqda Iqtisodiy tadqiqotlar va islohotlar markazi hisobotida ma’lum qilindi.

Unga koʻra, noyabr oyida respublika boʻyicha ikkilamchi uy-joy narxlari 0,3 foizga oshdi, yillik oʻsish 6,2 foizni tashkil qildi. Eng yuqori oʻsish Surxondaryo (18,1 foiz), Buxoro (11,9 foiz) va Qashqadaryo (10,2 foiz) viloyatlarida kuzatildi. Ikkilamchi uy-joylarning oʻrtacha narxi Qoraqalpogʻistonda kvadrat metr uchun $333 boʻlib qolmoqda.

Toshkentda ikkilamchi uy-joy narxlari oy davomida 0,2 foizga oʻsib, $1,1 mingni tashkil etdi. Narxlar, asosan, Bektemir (4,4 foiz...

Chevrolet Express furgonining yangilangan versiyasini taqdim etdi. Bu haqda 32cars nashri xabar berdi.

Model bir nechta variantlarda mavjud: yuk, yo‘lovchi va uzaytirilgan yuk furgoni. Bazaviy narx $43,695 mingdan, yo‘lovchi versiyalari esa $49,24 mingdan boshlanadi.

2025-yildagi Express modeli ikki xil dvigatel bilan jihozlangan: 4.3 litrli V6 (276 ot kuchi) va 6.6 litrli V8 (401 ot kuchi). Qoʻshimcha jihozlar sifatida koʻr zonani nazorat qilish tizimi va orqa qarash kamerasiga ega xavfsizlik paketi, shuningdek, masofadan boshqarish tizimi va yuk tashish uchun moʻljallangan qurilmalarni oʻz ichiga oladigan qulaylik paketi taklif etiladi.

Tez yordam mashinasi sifatida foydalanish uchun Ambulans paketi mavjud. Mehmonxonalar uchun esa...

O‘zbekistonlik yosh hunarmand Aziza Tojiyeva an’anaviy so‘zana to‘qish san’ati bilan shug‘ullanib, o‘z ishini onlayn bozorga chiqarish orqali muvaffaqiyat qozondi. Bu haqda CNN xalqaro axborot agentligi ma’lum qildi.

Unga ko‘ra, Buxoroga yaqin bir qishloqda yashovchi Aziza tikuvchilikni onasidan o‘rgangan va endi Etsy, Instagram va eBay kabi platformalarda o‘z mahsulotlarini sotmoqda. Bu orqali u butun dunyoga so‘zana to‘qish san’atini tanitmoqda.

Aziza Tojiyeva raqamli texnologiyalar yordamida asrlar davomida davom etib kelgan hunarmandchilikni zamonaviylashtirib, AQSh, Ispaniya, Italiya va Buyuk Britaniya kabi mamlakatlardan buyurtmalar olmoqda. So‘zana to‘qish O‘zbekistonning boy madaniyatini va an’analari bilan bog‘liq bo‘lib, endi nafaqat an’anaviy o‘rnatishlar uchun, balki zamonaviy ichki dizaynda...

AQSh fond bozori Federal zaxira tizimi (FZT) bayonotlari fonida kuchli pasayishni boshdan kechirdi.

Unga koʻra, Dow Jones 1100 punkt (-2,6 foiz) yoʻqotdi, bu 50 yildagi eng yomon pasayish seriyasiga aylandi. Shuningdek, S&P 500 3 foizga tushib, 2022-yildan beri eng katta kunlik pasayishni koʻrsatdi.

Shuningdek, Nasdaq Composite 3,6 foizga arzonlashdi. Texnologik gigantlar orasida eng katta yoʻqotishga uchragan kompaniyalar qatoridan Tesla (-8,3 foiz), Amazon (-5 foiz), Microsoft, Meta, Alphabet (-3,5 – 3,8 foiz) oʻrin egalladi.

Obligatsiyalar 10 yillik qimmatli qogʻozlarning daromadliligi 11 bazis punktga koʻtarilib, 4,5 foizdan oshdi. Dollar esa 2022-yil noyabr oyidan beri eng yuqori koʻrsatkichga chiqdi.

FZT rahbari Jerom...

Bugun, 19-dekabr kuni soat 10:00 da Chevrolet Cobalt avtomobillari uchun qayta kontraktatsiya jarayoni boshlandi.

Mashinani xarid qilish uchun savdo.uzavtosanoat.uz va UzAutosavdo mobil ilovasi orqali shartnoma tuzish mumkin.

Cobalt GX-Style AT Plus narxi 147,91 mln so‘m, Cobalt GX Midnight AT – 155,23 mln so‘m.

Telegram-bot xizmatidan foydalanib, avtomobillar haqida ma’lumot olishingiz va navbatni kuzatishingiz mumkin. Shartnoma bo‘yicha to‘lov 7 kalendar kun ichida amalga oshirilishi lozim.

Avvalroq Kursiv Uzbekistan yangi Chevrolet Captiva krossoveri Rossiyada sotuvga chiqqani haqida yozgan edi.

Samsung kompaniyasi bir nechta model uchun yangi yangilanishlarni taqdim etdi. Bu haqda Ixbt nashri ma’lum qildi.

Unga ko‘ra, bu yangilanishlar Samsung Galaxy S21, Galaxy S21 Plus, Galaxy S21 Ultra, Galaxy S23 seriyasi va Galaxy A54 modellari uchun chiqarildi. Yangilanishning versiyasi G99xUSQSEGXK3 bo‘lib, hozirgi kunda faqat AQShda operator versiyalari uchun mavjud.

Dekabr oyida Galaxy S23, Galaxy S23 Plus, Galaxy S23 Ultra va Galaxy S23 FE uchun xavfsizlik yangilanishlari Yevropada taqdim etildi. Galaxy A54 uchun yangilanish esa AQShda operator versiyasi uchun chiqdi. Yangilanishlar Android operatsion tizimi va One UI interfeysida mavjud bo‘lgan jiddiy va yuqori xavfli zaifliklarni bartaraf etadi. Shuningdek, Exynos...

Bugun, 19-dekabr kuni O‘zbekistonning aksariyat hududlarida yomg‘ir va qor yog‘ishi ehtimoli bor. O‘rtacha havo harorati 2-5 daraja iliq bo‘ladi. Bu haqda Gidrometeorologiya xizmati xabar berdi.

Toshkent shahrida kechga yog‘ingarchilik kuzatilishi mumkin. Kunduzi havo 6-8 daraja iliq, kechga kelib 0-2 daraja sovuq bo‘ladi.

Tog‘li hududlarda tuman tushadi, ba’zi joylarda qor yog‘adi. Yo‘llarda yaxmalak kuzatiladi. Kunduzi havo 5 darajagacha iliq, kechga kelib 2-7 daraja sovuq.

Shavkat Mirziyoyev «Tashkent Pharma Park» innovatsion klasterida farmatsevtika sohasidagi korxonalar rahbarlari bilan muloqot qildi. Bu haqda prezident matbuot xizmati ma’lum qildi.

Unga ko‘ra, muloqot davomida, sohani rivojlantirish uchun davlat tomonidan keng imkoniyatlar yaratilayotgani ta’kidlandi. So’nggi yetti yilda farmatsevtikada ishlab chiqarish ikki baravar oshdi, eksport 11 barobar ko‘paydi va $750 mln investitsiya o‘zlashtirildi.

Prezident, shuningdek, mahalliy dorilarni ishlab chiqarishni ko‘paytirish va eksportni kengaytirish bo‘yicha muhim tashabbuslar ilgari surdi. 2025-yilda 200 turdagi dori vositalarini ishlab chiqarishni o‘zlashtirish va ishlab chiqarishni ikki baravar oshirish uchun dastur tayyorlash topshirildi. Yangi jamg‘arma tashkil etilib, innovatsion loyihalarga $400 mln miqdorida xorijiy investitsiyalar jalb qilinishi rejalashtirilgan.

O‘zbekistonda nodavlat notijorat tashkilotlari (NNO) uchun kichik grantlar dasturi boshlanishi haqida xabar berildi. Bu haqda BMTTD rasmiy sahifasida ma’lum qilindi.

Unga ko‘ra, dastur BMTning Taraqqiyot dasturi tomonidan amalga oshirilayotgan «Huquqni himoya qilish va inson huquqlarini mustahkamlash» loyihasi doirasida tashkil etilgan.

Dasturning maqsadi, ayniqsa uzoq hududlardagi zaif guruhlarga huquqiy yordamga kirish imkoniyatlarini yaxshilash va huquqiy yordam ko’rsatish salohiyatini rivojlantirishdan iborat. Grantlar huquqiy yordam ko‘rsatish, shuningdek, aholining huquqiy savodxonligini oshirishga qaratilgan loyihalarni qo‘llab-quvvatlaydi.

Umumiy byudjeti $50 mingni tashkil etadigan dasturda har bir loyiha $9,9 minggacha grant olishi mumkin. Ishtirok etish uchun O‘zbekistonda ro‘yxatdan o‘tgan nodavlat notijorat tashkilotlar ariza topshirishi kerak.

2024 yil 17-dekabr kuni Rossiya huquq-tartibot organlari O‘zbekiston fuqarosi Ahmad Qurbonovni hibsga oldi. U Rossiya harbiy xizmatchisi, kimyo himoyasi qo‘shinlari boshlig‘i Igor Kirillovni o‘ldirganlikda gumon qilinmoqda. Kursiv Uzbekistan Ahmad Kurbanov haqida ma’lumot to‘pladi.

FSB ma’lumotlariga ko‘ra, Ahmad Qurbonov 1995-yilda O‘zbekistonda tug‘ilgan. Shuningdek, OAVda hibsga olingan shaxsning Moskvadagi «Kazan» choyxonasida ishlagani haqida ma’lumotlar mavjud.

Kurbanovning shaxsiy sahifasida ishdagi hamkasblari bilan tushgan surat ham joylashtirilgan. TASS agentligi ma’lumotlariga ko‘ra, gumonlanuvchi avval Kazanda yashagan va odatdagi hayot tarzini yuritgan.

«Ahmad sportga qiziqardi, ayniqsa boks bilan shug‘ullanishni yaxshi ko‘rar edi va ilgari Kazanda yashaganini bilaman. Odatdagidek hayot kechirardi», – dedi agentlik suhbatdoshi.

«VKontakte» ma’lumotlariga...

O‘zbekiston va Afg‘oniston o‘rtasida elektr energiyasini yetkazib berish bo‘yicha yangi kelishuv imzolandi. Bu haqda DABS kompaniyasi matbuot xizmati ma’lum qildi.

Unga ko‘ra, Da Afghanistan Breshna Sherkat (DABS) kompaniyasi va «O‘zbekiston milliy elektr tarmoqlari» aksiyadorlik jamiyati 2025-yilga mo‘ljallangan energiya yetkazib berish bo‘yicha bitimni tasdiqladilar. Ushbu hujjat ikki davlat o‘rtasidagi energetika hamkorligini mustahkamlashga xizmat qiladi.

2024-yilning yanvaridan oktyabrigacha O‘zbekistonning elektr energiyasi eksporti $81,7 mlnga yetib, o‘sish sur’ati 62,4%ni tashkil etgan. May oyida Afg‘oniston hukumati O‘zbekistonga elektr energiyasi yetkazib berish uchun $86,9 mln to‘lagan. Bu kelishuv energetika sohasidagi hamkorlikni yanada rivojlantirishga zamin yaratadi.

Eslatib o‘tamiz, avvalroq O‘zbekiston elchisi Tolibonga ishonch yorliqlarini topshirgani...

17-dekabr kuni Toshkent shahrida pullik avtoturargohlarni tashkil etish huquqi uchun takroriy auksion yakunlandi. E-auksion platformasi maʼlumotlariga koʻra, Streetpark Systems kompaniyasi gʻolib boʻldi.

Savdolar 20 daqiqadan koʻproq davom etdi. Kompaniya lot uchun 62,9 mlrd soʻm taklif qildi, bu boshlangʻich narxdan 10 foizga koʻp.

Noyabr oyi oxirida avvalgi kimoshdi savdosida Balcomuz qoʻshma korxonasi gʻolib chiqqan edi, lekin bitim rasmiylashtirilmagan edi.

Avvalroq Kursiv Uzbekistan butun shahar boʻylab ijaraga olingan avtoturargohlarning umumiy maydoni 262,8 ming kvadrat metrni tashkil etishi haqida yozgan edi.

2024-yil 15-dekabrdan 2025-yil 12-yanvarga qadar yoʻlovchilarning temir yoʻl transportiga boʻlgan talabini qondirish maqsadida bir qator yoʻnalishlarda qoʻshimcha poyezd qatnovlari tashkil etiladi hamda vagonlar soni oshiriladi.

Qoʻshimcha qatnovlar:

Qoʻshimcha vagonlar:

Bu oʻzgartirishlar qishki taʼtil...

Adliya vazirligi tomonidan «Kripto aktivlar aylanishi sohasidagi xizmatlar provayderlari faoliyatini amalga oshirishga litsenziyalar berilganligi uchun davlat boji miqdorlarini belgilash toʻgʻrisida»gi buyruq davlat roʻyxatidan oʻtkazildi.

Mazkur hujjatga koʻra, kripto-aktivlar sohasida faoliyat yurituvchi xizmat koʻrsatuvchilar uchun davlat boji miqdori bazaviy hisoblash miqdorining (BHM) quyidagi koʻrsatkichlariga teng qilib belgilandi:

Eslatib o‘tamiz, bitta BHM 2024-yil 18-dekabr holatiga ko‘ra 375 ming so‘mni tashkil etadi.

Davlat boji xizmat koʻrsatuvchi faoliyatni amalga oshirish uchun litsenziya olish chogʻida toʻlanadi...