Yangiliklar

Vazirlik va idoralar, xo‘jalik birlashmalari, davlat ishtirokidagi tijorat banklari va korxonalarda kamida uchta jamoaviy sport turi bo‘yicha klublar tashkil qilinadi. Prezident Shavkat Mirziyoyevning jamoaviy sport turlarini rivojlantirish va iqtidorli yoshlarni saralab olishga oid qarori qabul qilindi.

Unga ko‘ra, 2025/2026 o‘quv yilidan barcha davlat universitetlarida voleybol, basketbol, gandbol, qor o‘yinlari xokkeyi, suv polosi kabi jamoaviy sport turlari bo‘yicha, davlat oliy ta’lim muassasalarida kamida uchta jamoaviy sport turi bo‘yicha sport klublari tashkil etiladi.

2025/2026 o‘quv yilidan jamoaviy sport turlari bo‘yicha bir qancha sport musobaqalarini o‘tkazish yo‘lga qo‘yiladi. Masalan, «Maktab ligasi», «Talabalar ligasi» va «Oliy ta’lim kubogi», «Rektor kubogi» shular jumlasidan.

Bunda...

Prezident Shavkat Mirziyoyev 6-dekabr kuni telefon orqali muloqotda Qirg‘iziston prezidenti Sadir Japarovni tavallud ayyomi bilan tabrikladi. Bu haqda prezident matbuot xizmati xabar berdi.

Qayd etilishicha, O‘zbekiston prezidenti Qirg‘iziston yetakchisiga mustahkam sog‘lik, oilaviy baxt-saodat hamda qardosh qirg‘iz xalqiga farovonlik va ravnaq tiladi.

Mamlakat yetakchilari suhbat davomida ikki davlat o‘rtasidagi munosabatlarini yanada kengaytirish va mustahkamlashning dolzarb masalalarini muhokama qildi. Yil boshidan buyon ikki mamlakat o‘rtasida tovar ayirboshlash hajmi $700 milliondan oshgan. Shuningdek, hududlararo va ishbilarmonlik aloqalari, madaniy almashinuvlar faollashgan.

Shu oyda Xitoy – Qirg‘iziston – O‘zbekiston temir yo‘lini qurish bo‘yicha loyihani boshlash rejalashtirilgan. O‘zbekiston va Qirg‘iziston prezidentlari Markaziy Osiyoda mintaqaviy hamkorlik masalalari...

Samarqand aeroporti samolyotlarni qabul qilishni davom ettiradi. Ayni damda aeroport normal rejimda ishlamoqda, deb xabar berdi Uzbekistan Airports.

Unga ko‘ra, aeroportda cheklovlar 6-dekabr erta tongda tuman tufayli joriy etilgan edi.

Bungacha Rossiyaning «Aeroflot» aviakompaniyasining Sheremetyevo – Samarqand yoʻnalishida parvoz qilayotgan samolyoti Buxoroga yoʻnaltirildi.

Bu Samarqandda kiritilgan cheklovlar tufayli yo‘nalishi o‘zgarishiga to‘g‘ri kelgan yagona reys emas.

Kursiv Uzbekistan yozganidek, 2024-yilning yanvar – oktabr oylarida Uzbekistan Airports xizmat ko‘rsatuvchi yo‘nalishlar sonini 15 foizga oshirdi.

Samarqand viloyati Ishtixon tumanida 28,8 mlrd so‘mlik elektr energiyasidan noqonuniy foydalangan mayning ferma aniqlandi. Bu haqda O‘zenergoinspeksiyasi ma’lum qildi.

Unga ko‘ra, tezkor tadbir davomida «M.G.M.» oilaviy korxonasiga qarashli binoning yerto‘lasida 244,4 kVt quvvatga ega 89 ta mayning qurilmasi elektr hisoblagichdan chetlab, tarmoqqa noqonuniy ulab ishlatilgani fosh bo‘ldi.

Dastlabki hisob-kitoblarga ko‘ra, noqonuniy faoliyat tufayli davlatga 28,8 mlrd so‘m zarar yetkazilgan. Mazkur holat bo‘yicha huquqni muhofaza qiluvchi organlar tomonidan tegishli hujjatlar rasmiylashtirildi.

Eslatib o‘tamiz, avvalroq noqonuniy mayning ferma salkam 140 mln so‘mlik elektr energiyasini o‘g‘irlagani haqida yozgan edik.

6-dekabr holatiga ko‘ra, O‘zbekistonda 5 grammlik oltin quymalarining narxi deyarli 5,601 mln so‘mni tashkil qilmoqda. Bu haqda Markaziy bank matbuot xizmati xabar berdi.

Unga ko‘ra, bir hafta avval 28-noyabr kuni 5 grammlik oltin quyma narxi 5,606 mln so‘mni tashkil qilgan.

Mazkur ko‘rsatkichlarni solishtiradigan bo‘lsak, bir hafta ichida narx besh ming so‘mga pasayganini ko‘rishimiz mumkin.

Eslatib o‘tamiz, avvalroq O‘zbekiston oltin zaxiralari qayerda saqlanishi haqida yozgan edik.

Fransiya prezidenti Emmanuel Makron Mishel Barne hukumatining iste’foga chiqishi haqidagi iltimosnomani qabul qildi. Yelisey saroyining qisqa bayonotida aytilishicha, Barnier va vazirlar mahkamasining boshqa a’zolari yangi hukumat tayinlangunga qadar oʻz vazifalarini bajarishda davom etadi.

Iste’foga chiqish toʻgʻrisidagi qaror Milliy assambleya Barne kabinetiga ishonchsizlik toʻgʻrisidagi rezolyutsiyani yoqlab ovoz berganidan keyin qabul qilindi. Bunga Davlat budjetining 2025-yilga moʻljallangan ijtimoiy boʻlimlari parlament bilan kelishilmasdan qabul qilingani sabab boʻldi.

Ma’lumot uchun, Barne 5-sentabr kuni bosh vazir etib tayinlandi va uning hukumati mamlakat tarixidagi eng qisqasi boʻlib, bor-yoʻgʻi 90 kun faoliyat yuritdi.

Avvalroq Kursiv Uzbekistan Toshkentda Fransiya milliy meros institutining filiali ochilishi haqida xabar...

Nurafshonda 2025-yilning oxiriga kelib, O‘zbekiston va Boshqirdiston (Rossiya) o‘rtasidagi qo‘shma texnopark ishga tushishi kerak, dedi «Chirchiq» kimyo-sanoat parkining direksiyasi rahbari Jahongir Abdurahmonov. Bu haqda TASS agentligi ma’lum qildi.

«Biz Boshqirdiston Taraqqiyot Korporatsiyasidagi hamkasblarimiz bilan ushbu texnoparkning ishlash rejasini tuzib chiqdik, unda biz dastlab asosiy e’tiborni 300 ming kvadrat metr ishlab chiqarish maydonlariga qaratamiz», – dedi Abdurahmonov Xalqaro iqtisodiy forumda.

Shuningdek, u maydonda logistika markazini qurish rejalashtirilayotgani haqida ham ma’lum qildi. Abdurahmonovning ma’lumotlariga ko‘ra, loyiha dastlabki bosqichi 2025-yilning to‘rtinchi choragida amalga oshiriladi.

Eslatib o‘tamiz, avvalroq Kursiv Uzbekistan Nurafshonda malaka oshirish instituti...

Amerikaning mashhur sun’iy intellekt kompaniyasi OpenAI foydalanuvchilarga yangi ChatGPT Pro tarif rejasini taklif qildi. Kompaniya ma’lumotiga koʻra, ushbu reja yordamida foydalanuvchilar OpenAI texnologiyalarining eng ilgʻor imkoniyatlaridan foydalanishlari mumkin.

Endilikda murakkab vazifalarni bajarish uchun kuchliroq yangilangan o1 (Pro versiya) sun’iy intellekt modelidan foydalanish imkoniyati yaratilgan. Bundan tashqari, foydalanuvchilar ovozli rejimdan foydalanishlari mumkin boʻladi. Buning uchun oyiga $200 dollar toʻlash kerak boʻladi.

ChatGPT Plus tarifi oʻzgarmay qoladi. Uning oylik toʻlovi oʻn barobar arzonlashib, $20 ga teng boʻladi.

Bundan tashqari, OpenAI nihoyat o1 modelini yakunlaganini e’lon qildi. Ushbu ishlanmaning dastlabki versiyasi kuz boshida paydo bo‘ldi. Obunachilar endi undan foydalanishlari mumkin.

Avvalroq Kursiv...

Amerikalik xonanda Teylor Svift, Spotify striming xizmati ma‘lumotlariga ko‘ra, 2024-yilning eng mashhur ijrochisi bo‘ldi. Bu haqda Variety portali xabar berdi.

Svift shu yilning o‘zida The Tortured Poets Department albomini chiqardi. Bu albom Spotifyda eng ko‘p tinglandi. Ijrochi striming xizmati versiyasiga ko‘ra, ikkinchi yil ketma-ket mashhurlikka erishdi.

2024-yilning eng mashhur san’atchilari ro‘yxatiga Svift bilan birga, The Weeknd, Bad Bunny, Billi Eylish va Dreyk kirgan. Eng ko‘p tinglangan albomlar qatorida esa Hit Me Hard and Soft (Eylish), Short n’ Sweet (Sabrina Carpenter), Eternal Sunshine (Ariana Grande) va Mañana Será Bonito (Karol G) joy olgan.

Eslatib o‘tamiz, avvalroq Kursiv Uzbekistan Teylor Sviftning...

Amerika Qoʻshma Shtatlarining (AQSh) yangi saylangan prezidenti Donald Tramp Xitoydan import qilinadigan barcha mahsulotlarga bojlar joriy etishga va’da berdi. Ularning hajmi 10 foizni tashkil etadi, deb xabar bermoqda Bloomberg agentligi.

Tramp bu qadamni yanvar oyida rasman oʻz lavozimini egallaganidan keyin qoʻyishi bilan tahdid qilmoqda.

Tahlilchilarning ogohlantirishicha, bu chorani amalga oshirish Amerika rasmiylari Xitoydan qancha tovar kelishini tushunmagani sababli qiyinchiliklarga duch kelishi mumkin. Bundan tashqari, koʻplab mahalliy tadbirkorlar boj toʻlashdan qochish uchun qonundagi boʻshliqlardan foydalanmoqda.

AQSh hukumati Xitoy bilan savdo munosabatlariga birinchi marta cheklovlar kiritayotgani yoʻq. Ilgari ular asosan texnologik sohaga eʼtibor qaratishgan. Avvalroq Kursiv Uzbekistan AQShda Xitoy tovarlariga bojlar...

Bugun, 6-dekabr kuni O‘zbekiston bo‘ylab tuman tushadi. O‘rtacha havo harorati 3-8  daraja iliq, shimoliy hududlarda 2 darajagacha sovuq bo‘lishi kutilmoqda. Bu haqda Gidrometeorologiya xizmati agentligi xabar bermoqda.

Toshkent shahrida havo bulutli bo‘ladi va tuman tushadi. Yog‘ingarchilik kuzatilmaydi. Kunduzi 4-6 daraja iliq, kechga kelib 1 darajagacha sovuq bo‘ladi.

Tog‘li hududlarda ham tuman tushadi. Kunduzi havo 3 daraja sovuq, kechasi esa 3-8 sovuq bo‘ladi.

Suriya muxolif kuchlari prezident Bashar al-Assadga qarshi bo‘lgan Hay’at Tahrir al-Sham (HTS) boshchiligidagi qurolli guruhlar mamlakatning to‘rtinchi yirik shahri bo‘lmish Hama ustidan to‘liq nazoratni qo‘lga kiritdi. Bu haqda Al Jazeera axborot agentligi ma’lum qildi.

Unga ko‘ra, HTS rahbari Abu Muhammad al-Julani Hama shahri va uning harbiy aeroporti to‘liq qo‘lga kiritilganini ma’lum qildi. Bu aeroport Assad kuchlari tomonidan strategik zarbalarni amalga oshirish uchun ishlatilgan edi.

Hama shahrining qo‘lga olinishi muxolif kuchlar uchun nafaqat strategik, balki ramziy ahamiyatga ega. U Damashq tomon yo‘l ochib, muxolifatning Suriyaning markaziy hududlariga kirish imkoniyatini kengaytiradi.

Suriya hukumati kuchlari shaharni tark etib, tinch aholining xavfsizligini ta’minlash...

Shavkat Mirziyoyev avtomobil sanoatining 2025-yil uchun ustuvor vazifalariga bag‘ishlangan taqdimot bilan tanishdi. Bu haqda prezident matbuot xizmati ma’lum qildi.

Unga ko‘ra, yig‘ilishda ishlab chiqarish hajmi va sifatini oshirish, eksportni kengaytirish hamda mahalliylashtirish darajasini ko‘tarish bo‘yicha chora-tadbirlar belgilandi.

Yillik avtomobil sotish hajmi 400 mingdan oshayotgani ta’kidlanib, aholining o‘sib borayotgan talabi inobatga olinishi lozimligi qayd etildi. Shuningdek, Jahon savdo tashkilotiga a’zo bo‘lish fonida raqobatbardoshlikni kuchaytirish va elektromobillar tannarxini pasaytirish uchun «BYD» avtomobillarining mahalliylashtirilgan detallar ulushini oshirish rejalashtirildi.

Eksport masalasida kelgusi yil $700 mln.lik mahsulot sotish va yangi bozorlarni egallash maqsadi belgilandi. Samarqanddagi yuk va avtobus ishlab chiqarish korxonalarining xalqaro bozorlarga chiqishi...

O‘zbekiston Texnik jihatdan tartibga solish agentligida Xitoyning Huawei kompaniyasining vakillari bilan uchrashuv o‘tkazildi. Bu haqda agentlik matbuot xizmati ma’lum qildi.

Unga ko‘ra, tadbirda agentlikning raqamli texnologiyalar sohasidagi yutuqlari yuqori baholandi va istiqbolli hamkorlik loyihalari muhokama qilindi.

Huawei vakillari O‘zbekistonni Markaziy Osiyodagi muhim hamkor sifatida ta’kidlab, AKT sohasida hamkorlikni rivojlantirish bo‘yicha Memorandum loyihasi kelishib olindi.

Ma’lumot uchun, Huawei 1987-yilda tashkil etilgan bo‘lib, dunyoning 170 dan ortiq mamlakatlarida faoliyat yuritadi. O‘zbekistondagi vakolatxonasi 1999-yilda ochilgan va hozirda 400 dan ortiq xodimlar ishlamoqda, ulardan 70 foizi mahalliy mutaxassislar hisoblanadi.

Germaniya sobiq kansleri Angela Merkelning «Erkinlik: Xotiralar 1954 – 2021» memuarlari mamlakatda bir hafta ichida 200 ming nusxada sotilib, yilning eng ko‘p sotilgan kitobiga aylandi. Bu haqda Deutsche welle axborot agentligi ma’lum qildi.

Unga ko‘ra, kitobda sobiq kanslerning bolaligi, siyosiy faoliyati va Germaniyaga 16 yil davomida rahbarlik qilgani tasvirlangan.

Hisobotlarga ko‘ra, kitob barcha yosh va jinsdagi o‘quvchilar orasida mashhurlikka erishdi. Merkel uni targ‘ib qilish uchun Yevropa va AQSh bo‘ylab safarga chiqdi. Vashingtonda AQSh prezidenti Barak Obama bilan birga taqdimot o‘tkazdi.

Shu bilan birga, kitob narxining balandligi va yangi ma’lumotlarning kamligi uchun tanqid qilindi. Shunga qaramay Merkelning asari yilning eng...

YUNESKO rubob yasash va chalish san’atini nomoddiy madaniy meros sifatida ro‘yxatga kiritdi. Bu haqda «Dunyo» axborot agentligi ma’lum qildi.

Unga ko‘ra, qo‘mita rubobni Markaziy, Janubiy va Janubiy-G‘arbiy Osiyodagi eng qadimiy cholg‘u asboblaridan biri sifatida tan oldi. Shuningdek, rubob xalqlarni birlashtiruvchi omil bo‘lib, madaniy hamjihatlik va barqaror rivojlanishga hissa qo‘shishi e’tirof etildi.

Bu O‘zbekiston tashabbusi bilan YUNESKO ro‘yxatiga kiritilgan 16-element bo‘ldi. Qo‘mita bu san’atni milliy va xalqaro miqyosda asrab-avaylash hamda targ‘ib qilish bo‘yicha ko‘rilayotgan sa’y-harakatlarni yuqori baholadi.

Eslatib o‘tamiz, avvalroq Beruniy nomidagi YUNESKO – O‘zbekiston xalqaro mukofoti ta’sis etilgan edi.

Samsung kompaniyasining Galaxy Watch 5 va 5 Pro smart soatlari One UI 6 foydalanuvchi interfeysi yangilanishi boshlandi. Bu haqda SamMobile portali xabar berdi.

Endi qurilmalarda Simple Digital, Spatial Number va Ultra Info Board siferblatlarini (soatning yuza ko‘rinishi, raqamli yuzasi) o‘rnatish mumkin. Avval bu siferblatlar faqat Galaxy Watch 7 va Galaxy Watch Ultra foydalanuvchilari uchun mavjud edi.

Yangilanish foydalanuvchi interfeysining elementlariga ham ta’sir qildi. Endi u qalinroq shrift va yaxshilangan plitkalar grafikasiga ega.

Yangi dasturiy ta’minot bilan birga Samsung Health ilovasi treninglar, jismoniy faollik va dam olish davrlarini kuzatish uchun Energy Score funksiyasini qo‘shdi. Ilova yuklamalar rejimi...

Wildberries onlayn-bozori endi sotib olingan mahsulotlarni istalgan buyurtma tarqatish punktiga (BTP) qaytarish imkonini beradi. Bu haqda kompaniya matbuot xizmati TASS agentligiga xabar berdi.

Avvalroq xaridorlar faqat tovarni olgan punktga qaytarishlari mumkin edi.

Eslatib o‘tamiz, Wildberries barcha hamkorlarni qabul qilish punktlari uchun yagona tarmoq yaratish ustida ish olib bormoqda. Ushbu tarmoq 35,5 ming qabul qilish punktini o‘z ichiga oladi va tashabbus hamkorlar hamda mijozlar bilan hamkorlik darajasini oshirishga xizmat qilishi kutilmoqda.

Kursiv Uzbekistan avvalroq Wildberries O‘zbekistonda onlayn xaridlarni rivojlantirishga hissa qo‘shishi haqida yozgan edi.

SNS Ratings agentligi O‘zbekiston korxonalari qimmatli qog‘ozlarining jozibadorlik reytingini tuzdi. Natijalar kompaniyaning Telegram-kanalida e’lon qilindi.

Ushbu reyting 12 ko‘rsatkich asosida, savdo hajmi va chastotasi, aktivlar, ustav kapitalining himoyalanganligi bo‘yicha hisoblandi.

SNS Ratings oddiy aksiyalar reytingiga 91 ta korxona kiritdi. Birinchi o‘rinda O‘zbekiston Respublikasi tovar-xom ashyo birjasi (UzRTXB) aksiyalari joylashgan, undan keyin Biznesni rivojlantirish banki va «Ipoteka-bank» aksiyalari joy oldi.

89-o‘rinda Sarbon-Neftegaz kompaniyasining oddiy aksiyalari, 90 va 91-o‘rinlarda esa «Agromash» va «Podemnik» kompaniyalarining aksiyalari joylashgan.

Imtiyozli aksiyalar reytingiga 34 ta kompaniyaning qimmatli qog‘ozlari kiritilgan. Birinchi o‘rinda «Ipoteka-bank» aksiyalari, ikkinchi va uchinchi o‘rinlarda esa «Hamkorbank» va «Uztelekom» aksiyalari...

5-dekabr kuni O‘zbekiston Respublikasi valyuta birjasida AQSh dollarining o‘rtacha kursi 27,06 so‘mga oshib, 12 837,10 so‘mga yetdi.

Moliya institutlari dollarni 12 750 – 12 790 so‘mdan xarid qilishmoqda va 12 820 – 12 875 so‘mdan sotishmoqda.

Avvalroq Kursiv Uzbekistan mamlakatda 4-dekabr kuni dollar narxi qanday o‘zgargani haqida yozgan edi.

Starbucks Corporation Oʻzbekistonda oʻz tovar belgisini roʻyxatdan oʻtkazish jarayonida. Bu haqda intellektual mulk portali xabar berdi.

Kompaniya bu yil noyabr oyining oʻrtalarida ariza topshirdi. Dekabr boshida esa Starbucks logotipini tekshirish boshlandi.

2020-yilda Toshkent shahar hokimiyati xalqaro franchayzing kompaniyasi boʻlgan Alshaya Group bilan Starbucks brendi ostida qahvaxonalar ochish imkoniyatini muhokama qilgan.

Joriy yilning oktabr oyi oʻrtalarida Starbucks Corporation Oʻzbekistonda intellektual mulk huquqlari haqida xabar bergan edi. Kompaniya Frappuccino jumladan, bir qator grafik belgilarga boʻlgan huquqlari borligini eslatdi.

Avvalroq Kursiv Uzbekistan Wildberries tovar belgilariga boʻlgan huquq RVB kompaniyasiga oʻtgani haqida yozgan edi.

2025-yilda O‘zbekistondan 800 nafar malakali mutaxassis Samsung Heavy Industries kompaniyasida ish bilan ta’minlanadi. Bu haqda Migratsiya agentligi xabar berdi.

Ma’lum qilinishicha, kelishuv agentlik va kompaniyaning global kadrlar boshqaruvi rahbari Jinho Bae tomonidan imzolangan.

Ta’kidlash joizki, ishchilar E-7 vizasi bo‘yicha O‘zbekistonda tayyorlanib, keyin Janubiy Koreyada faoliyat yuritadi. E-7 malakali mehnat vizasi yuqori malakali mutaxassislarga uch yilgacha faoliyat yuritish imkonini beradi.

Avvalroq Kursiv Uzbekistan Janubiy Koreyada ish joyini tashlab ketgan o‘zbekistonliklar jarimaga tortilishi haqida xabar bergan edi.

Aleksandr Gersen nomidagi Rossiya davlat pedagogika universiteti (RDPU) Namanganda rus tilini o‘qitish markazi ochadi, deb xabar berdi ta’lim muassasasi matbuot xizmati.

Markaz Namangan davlat pedagogika instituti (NDPU) negizida tashkil etiladi.

Rossiya davlat universiteti rektori Sergey Tarasovning taʼkidlashicha, avvalroq Rossiya universiteti O‘zbekiston ta’lim muassasalari bilan «Klass!» («Zo‘r!») va «Malish» («Mittivoy») qoʻshma loyihalarini amalga oshirgan.

«Biz institutimiz va Gertsen universiteti o’rtasidagi hamkorlikni rivojlantirishdan manfaatdormiz, ayniqsa markazni ochishda, uning asosida rus tilini sinovdan o’tkazish va rus tili kurslarini amalga oshirish mumkin. Shuningdek, RDPU mutaxassislari tomonidan mahorat darslarini o’tkazish biz uchun qiziqarli bo’ladi. Ularni ham...

Toshkent viloyatining O‘rta Chirchiq tumanida sodir bo‘lgan gaz-havo aralashmasi chaqnashi oqibatida bir kishi vafot etgan, yana 6 nafari tan jarohati olgan. Bu haqda FVV matbuot xizmati xabar berdi.

Bugun, 5-dekabr kuni soat 07:46 da, ushbu tuman «Kim Pen Xva» MFY, Qutb yulduzi ko‘chasida joylashgan ishlab chiqarish korxonasi ma’muriy-xo‘jalik binosida gaz-havo aralashmasining chaqnashi sodir bo‘lgan.

Chaqnash natijasida yong‘in sodir bo‘lmagan. Biroq bir kishi vafot etgan, 6 nafar fuqaro esa tan jarohati olib, shifoxonaga yotqizilgan.

Hodisa sodir bo‘lgan joyga Favqulodda vaziyatlar vaziri general-mayor Abdulla Qo‘ldoshev yetib borgan va uning rahbarligida vaziyat oqibatlari bartaraf etilmoqda.

«Hodisa joyiga viloyat...