Yangiliklar

Vashington universiteti tibbiyot fakulteti olimlari oziq-ovqat allergiyasining rivojlanishiga toʻsqinlik qiluvchi maxsus turdagi immun hujayrani aniqlashdi. Tadqiqot natijalari Cell nashrida chop etildi.

Maxsus immun – «RORgt+» hujayralari ichaklarda topiladi va oziq-ovqat allergenlariga tolerantlikni rivojlantirishda asosiy rol oʻynaydi. Ularsiz hayvonlarda yalligʻlanish va zararsiz tuxum oqiga allergik reaksiya paydo boʻlgan.

Tadqiqot mualliflari «RORgt+» hujayralari immunitet tizimining boshqa a’zolariga oziq-ovqat xavfli emasligini «tushunishlariga» yordam beradi. Tajriba sifatida sichqonlarning ichaklaridan bu hujayralarni olib tashlashgan. Buning natijasida hayvonlarda oziq-ovqatga nisbatan tolerantlik yoʻqolib, allergiya belgilari paydo boʻla boshlagan.

Olimlarning ta’kidlashicha, odamlarda ham xuddi shunday hujayralar mavjud. Ular allergik reaksiyaning boshlanishiga toʻsqinlik qiladigan terapiyani yaratish imkonini beradi.

«Panorama Airways» va «Gulbakhor Airways» firmalari Umra safarlarini tashkil etishda fuqarolarga 25 mlrd so‘mlik zarar yetkazgan. Bu haqda Raqobat qo‘mitasi xabar berdi.

Qo‘mitaning ta’kidlashicha, internet va ijtimoiy tarmoqlarda arzon narxlardagi Umra safarlari reklama qilinayotgan bo‘lib, bunday xizmatlarni ko‘rsatayotgan ayrim firmalar hech qanday ruxsatnoma yoki litsenziyaga ega emas.

Jumladan, «Panorama Airways» va «Gulbakhor Airway» firmalari tomonidan 25 mlrd so‘mlik zarar yetkazilib, 2,5 mingdan ziyod fuqarolar jabrlangan.

Surxondaryodagi «Bilolbek Travel» xodimi ruxsatnomasiz Umraga borishni va’da qilib, fuqarodan 14,9 mln so‘mni aldov yo‘li bilan olgan. Shu firmaga qarashli filialdagi yana bir xodim fuqarodan $2,2 mingni qo‘lga kiritgan.

Bu kabi holatlar yuzasidan tegishli huquqni...

2025/2026 yilgi isitish mavsumida ehtiyojmand oilalarni qo‘llab-quvvatlash maqsadida noyabr oyida ayrim toifadagi oilalarga 1 mln so‘mdan bir martalik moddiy yordam beriladi. Bu haqda Adliya vazirligi ma’lum qildi.

Unga ko‘ra, yordam ijtimoiy yordam reyestriga kiritilgan hamda «mahalla yettiligi» xulosasi asosida yordamga muhtoj deb topilgan oilalarga ajratiladi. Boquvchisini yo‘qotganlar va nogiron a’zosi bor oilalar ustuvor hisoblanadi. Nogironligi bor farzandni parvarishlayotganlar hamda uzoq davolanishga muhtojlar ham ko‘zda tutilgan. Yolg‘iz keksalar va nogironlar ham moddiy yordam olishi mumkin. Gaz yoki isitish tizimi yo‘q uyda yashovchilar ham inobatga olinadi.

Qo‘shimcha tuziladigan ro‘yxatdagi oilalar soni reyestrga kiritilgan oilalar sonining 40 foizidan oshmasligi lozim.

Eslatib o‘tamiz...

Xitoyning Xpeng kompaniyasi sun’iy intellekt bilan jihozlangan yangi Xpeng X9 minivenini taqdim etdi. Ushbu model orqa g‘ildiraklar rul boshqaruvi va adaptiv osma tizimiga ega bo‘lgan dunyodagi yagona avtomobil hisoblanadi, deya xabar bermoqda Weibo.

Unga ko‘ra, Xpeng X9 7 o‘rinli, ultra qulay va zamonaviy dizaynga ega. Old o‘rindiqlarda massaj funksiyasi, 23 karnayli audio tizim, katta sensorli ekran va ovozli boshqaruv mavjud. Avtomobil 5,7 soniyada 100 km/soat tezlikka chiqadi, maksimal tezligi esa 200 km/soatni tashkil etadi.

Uch xil akkumulyator variantiga ega Xpeng X9 to‘liq zaryadda 702 km gacha yuradi. 10 daqiqalik tez zaryad esa 300 km masofani bosib o‘tish imkonini beradi.

Amerikalik milliarder Bill Ekman tariflarning halokatli ta’sirini yadro urushi oqibatlari bilan taqqosladi. Tadbirkorning X tarmogʻida AQSh prezidenti Donald Trampga murojaati paydo boʻldi.

Ekmanning ta’kidlashicha, tariflar yillar va hatto oʻnlab yillar davomida Qoʻshma Shtatlarga ishonchga putur etkazadi. Savdo cheklovlari sarmoyaga zarar yetkazadi, narxlarning oshishiga va iste’molning keskin pasayishiga olib keladi. Kichik biznes va kam daromadli iste’molchilar eng koʻp zarar koʻradi.

«Bu biz ovoz bergan narsa emas», – deya xulosa qildi Ekman.

Milliarder Donald Trampni tarif qarorini uch oyga kechiktirishga chaqirdi. Bu vaqt ichida prezident jamoasi savdo hamkorlari bilan muzokara olib borishi va Amerika tovarlariga nisbatan...

8-apreldan Rossiyaning Krasnodar shahriga muntazam avtobus qatnovlari yo‘lga qo‘yiladi. Bu haqda Transport vazirligi xabar berdi.

Qatnovlar «Uzautotrans service» korxonasi tomonidan haftaning seshanba va juma kunlari Yutong avtobuslarida amalga oshiriladi.

Joriy yilining 8-aprel kuni ilk reys «Toshkent» avtovokzalidan soat 20:00 da jo‘nab ketadi. Chipta narxi 900 ming so‘m. Chiptalarni avtoticket.uz sayti hamda «UzBus» mobil ilovasi orqali elektron shaklda hamda «Toshkent» avtovokzali kassalaridan sotib olish mumkin.

Avvalroq Kursiv Uzbekistan shahar va viloyatlararo yo‘lovchi tashish bo‘yicha tender e’lon qilingani haqida yozgandi.

Xitoy delegatsiyasi 5 – 8-aprel kunlari O‘zbekistonga tashrif buyurib, mamlakatimizning multimodal yuk tashish sohasidagi imkoniyatlari bilan tanishmoqda. Tashrif doirasida Uzbekistan Airports kompaniyasi rahbariyati bilan uchrashuv o‘tkazildi va delegatsiya Toshkent aeroportidagi yangi yuk terminali faoliyati bilan yaqindan tanishdi.

Xorijlik mehmonlar orasida Sinxua shahri Xitoy Kommunistik partiyasi qo‘mitasi kotibi, Iu shahri meri hamda Xitoyning eng yirik temir yo‘l yuk tashish kompaniyalaridan biri – YiWu Timex Industrial Investment Co., Ltd. prezidenti ham bor edi. Ular terminaldagi umumiy va maxsus omborxonalarni ko‘zdan kechirdi. Jumladan, o‘simliklar va tirik hayvonlar, qimmatbaho yuklar, oziq-ovqat mahsulotlari hamda dori-darmonlarni saqlash uchun mo‘ljallangan zamonaviy sharoitlar bilan tanishdilar.

Uzbekistan Airports...

Italiya A Seriyasining 31-turidan oʻrin olgan «Roma» va «Yuventus» qarama-qarshiligi 1:1 hisobidagi durang bilan yakunlandi.

Oʻyin boshida tashabbus mehmonlar tomonida boʻldi va 40-daqiqada Manuel Lokatelli «Yuventus»ni oldinga olib chiqdi. Ammo ikkinchi boʻlim boshida maydonga tushgan Eldor Shomurodov hisobni tenglashtirdi.

Oʻyinning qolgan daqiqalari ham qizgʻin kurashlar ostida oʻtdi, lekin darvozalarga boshqa gol kiritilmadi.

45 daqiqa ichida koʻp ishni bajargan Shomurodov 20 marta toʻpga tegib, 13 ta uzatma berdi, ulardan 11 tasi manziliga aniq yetib bordi (85%). Uchrashuv yakunida Shomurodov uchrashuvning yaxshi futbolchisi, deb topildi. Bundan tashqari, futbolchiga Sofascore platformasi 7,2 ball berib, uni eng yaxshi oʻyinchilar qatoriga kiritdi.

Shuningdek, «Roma» darvozaboni...

2025-yilning 7-aprelida savdo boshlanishida Bitcoin narxi qariyb $77 minggacha pastladi. Bu haqda Investing nashri xabar bermoqda.

Boshqa yirik kriptovalyutalarda ham sezilarli pasayish kuzatildi. Ethereum 12,15%, Ripple 10,54%, Cardano 11,20%, Solana 11,66% gacha pasaydi. Kriptovalyuta bozorining umumiy kapitallashuvi bir hafta ichida taxminan $500 mlrdga kamaygan.

Kriptoaktivlarda pastlash AQSh prezidenti Donald Tramp tomonidan joriy etilgan yuqori bojlar global savdo urushi qoʻrquvini kuchaytirgan bir paytda sodir boʻlmoqda. Bu ekspertlarning Tramp ma’muriyati davrida kriptovalyuta bozorining narxlarida keskin oʻsish qayd etilishi mumkin degan taxminini kuchsizlantirmoqda.

Eslatib oʻtamiz, Kursiv Uzbekistan nashri avvalroq Prezident Donald Tramp tomonidan AQShning Xitoy, Kanada va Meksikaga import tariflari joriy qilinishi...

Yandex Uzbekistan oʻzining Market marketpleysini ishga tushirdi. Bu haqda kompaniya «Kursiv» nashriga ma’lum qildi.

Buyurtmalarni Yandex Go ilovasi yoki https://market.yandex.uz sayti orqali amalga oshirish mumkin. Hozirda xizmat Toshkent shahri va qisman Toshkent viloyatlari uchun ishga tushirilgan.

Marketʼda elektronika, maishiy texnika, uy va ta’mirlash buyumlari, kiyim-kechak va poyabzal, goʻzallik vositalarini xarid qilishingiz mumkin.

Marketpleys doirasida Yandex Factory – kompaniyaning shaxsiy ishlab chiqarish yoʻnalishidagi mahsulotlar ham taqdim etiladi.

Market orqali buyurtmani yetkazib berish mahsulotni tarqatish punktlari (MTP) yoki kuryer orqali amalga oshiriladi. Ayni paytda 60 ta MTP faoliyat yuritmoqda, yil oxirigacha ular soni mamlakat boʻylab 250 taga yetkazilishi rejalashtirilmoqda. Buyurtmalarni ilova yoki saytda...

7-aprel kuni Berlinda O‘zbekiston, Germaniya va xususiy sektor vakillari ishtirokida mehnat migratsiyasi sohasida uch tomonlama anglashuv memorandumi imzolandi. Bu haqda «Dunyo» AA ma’lum qildi.

Unga ko‘ra, mazkur hujjat Germaniya mehnat bozoriga O‘zbekistondan malakali mutaxassislarni jalb etishga xizmat qiladi.

Memorandumga binoan, gastronomiya, logistika, oziq-ovqat va go‘sht sanoati sohalarida ishlash istagidagi o‘zbekistonliklar uchun Germaniyada til o‘rganish va kasbiy ta’lim olish imkoniyati yaratiladi. Ularga viza olish, yashash va ish joyi bilan ta’minlashda ko‘mak ko‘rsatiladi.

Ma’lumot uchun, Toshkentda nemis tili kurslari faoliyatini boshlagan, shuningdek, Toshkent davlat iqtisodiyot universitetida Inklyuziv dual ta’lim markazi ham ochildi.

Eslatib o‘tamiz, avvalroq Oʻzbekiston fuqarolari Kanadaga ishga taklif...

Birlashgan Millatlar Tashkiloti ogohlantirishicha, xalqaro yordam mablag‘larining qisqarishi homiladorlik va tug‘uruq vaqtida ayollar o‘limini kamaytirish borasidagi yillik yutuqlarni yo‘qqa chiqarishi mumkin, deya ma’lum qildi Reuters.

Unga ko‘ra, 2000 – 2023-yillar davomida dunyo bo‘yicha onalar o‘limi 40 foizga kamaygan. Bu natijaga sog‘liqni saqlash xizmatlarining yaxshilanishi sabab bo‘lgan. Biroq AQSh va boshqa donor mamlakatlar tomonidan yordam mablag‘lari qisqartirilayotgani sababli bu yutuqlar xavf ostida qolmoqda.

JSST ma’lumotlariga ko‘ra, qisqartirishlar natijasida ko‘plab mamlakatlarda ona va bola salomatligiga oid xizmatlar kamaygan, tibbiy xodimlar soni qisqargan hamda muhim dorilar ta’minoti uzilgan.

«Homiladorlik hanuzgacha ko‘p mamlakatlarda xavfli hisoblanadi, yechimlar mavjud bo‘lsa-da...

7-aprel kuni O‘zbekiston bo‘ylab ob-havo biroz bulutli bo‘ladi. Ayrim hududlarda yomg‘ir yog‘ishi va momaqaldiroq kuzatilishi mumkin, deya xabar bermoqda «O‘zgidromet».

Unga ko‘ra, Toshkent shahrida kechasi yomg‘ir yog‘ib, momaqaldiroq bo‘lishi mumkin. Kunduzi havo ochiqroq, harorat 26-28° atrofida bo‘ladi.

Qoraqalpog‘iston va Xorazmda yog‘ingarchilik kutilmaydi, havo iliq bo‘lishi kutilmoqda. O‘rtacha harorat 23-28°ni tashkil qiladi.

Navoiy va Buxoroda ham ob-havo sokin, harorat 25-30° gacha ko‘tariladi.

Toshkent viloyatida kechasi yomg‘ir yog‘ib o‘tishi mumkin, kunduzi esa quruq va iliq bo‘ladi, o‘rtacha harorat 25-30° bo‘lishi kutilmoqda.

Sirdaryo, Jizzax, Samarqandda yog‘ingarchilik kutilmaydi, harorat 30° gacha ko‘tariladi.

Qashqadaryo va Surxondaryoda esa yanada issiq, 33° gacha bo‘ladi.

Andijon, Namangan...

Bugun U-17 Osiyo kubogi 2-turidan oʻrin olgan Xitoy – Oʻzbekiston uchrashuvi boʻlib oʻtdi. Unda hamyurtlarimiz Chin yurti vakillariga qarshi oʻyinda gʻalaba qozondi.

Birinchi boʻlimning 33-daqiqasida Jang Chengrui darvozamizni ishgʻol etdi. Oʻyinning ilk goliga Vey Syansin hammualliflik qildi.

Birinchi boʻlimga qoʻshib berilgan dastlabki daqiqada Sadriddin Hasanov hisobni tenglashtirdi.

Ikkinchi boʻlimning 86-daqiqasida Asilbek Aliyev jamoamizni oldinga olib chiqdi – 2:1

Ushbu oʻyin muhim boʻlib, Xitoy ustidan qozonilgan gʻalaba U-17 terma jamoamizni jahon chempionatiga chiqish imkoniyatini oshiradi.

Eslatib oʻtamiz, Kursiv Uzbekistan nashri Abduqodir Husanov sabab Markaziy Osiyo futboliga qiziqish oshgani aytilgani haqida yozgan edi.

Toshkentda Parlamentlararo Ittifoq assambleyasining 150-yilligiga bagʻishlangan yubiley majlisi boʻlib oʻtdi. Bu haqda Senat matbuot xizmati xabar bermoqda.

Majlis «Ijtimoiy taraqqiyot va adolat uchun parlament harakati» mavzuida boʻlib oʻtgan.

Ochilish nutqini Parlamentlararo Ittifoq prezidenti Tulia Ekson soʻzlagan. Tadbirda Oʻzbekiston Respublikasi Oliy Majlisi Senati Raisi Tanzila Norboyeva ham ishtirok etdi.

Norboyeva Oʻzbekistonda ijtimoiy himoya tizimini takomillashtirish borasida amalga oshirilayotgan islohotlar va keng koʻlamli tashabbuslarni ta’kidlagan.

Eslatib oʻtamiz, Kursiv Uzbekistan nashri Saida Mirziyoyeva birinchi Orol madaniyati sammitining ochilish marosimida ishtirok etgani haqida yozgan edi.

Yaponiya avtomobil ishlab chiqaruvchisi Nissan oʻz ishlab chiqarishining bir qismini AQShga koʻchirishni rejalashtirmoqda. Bu haqda Reuters agentligi xabar bermoqda.

Nissan Yaponiya gʻarbidagi Fukuokadagi zavodida ishlab chiqarishni qisqartirishni va Rogue SUV avtomobilining bir qismini ishlab chiqarishni shu yilning yozida AQShga koʻchirishni rejalashtirgan. Kompaniya AQSh prezidenti Donald Tramp tariflarining ta’sirini yumshatishga umid qilmoqda.

Avvalroq Nissan rahbariyati AQShdagi mijozlar uchun Infiniti QX50 va QX55 premium yangi krossoverlariga buyurtmalarni qabul qilishni toʻxtatishga qaror qilgan edi.

Eslatib oʻtamiz, Kursiv Uzbekistan nashri Nissan 2026-yilda Renault Twingo asosida yangi elektromobil ishlab chiqarishini tasdiqlagani haqida yozgan edi.

Oʻzbekistonda «Ijtimoiy himoya yagona reyestri» axborot tizimi orqali bolalar nafaqasi va moddiy yordam oluvchi hamda Kambag‘al oilalar reyestriga kiritilgan odamlarga elektr va gaz uchun toʻlovlar qisman toʻlanadi. Bu haqda UzA xabar bermoqda.

Imtiyozlar 2025-yil 1-maydan 2027-yil 1-aprelgacha amal qiladi. Shuningdek, oiladagi jon boshiga daromadi minimal iste’mol xarajatlarining 1,5 barobaridan oshmaydigan (taxminan 1 mln soʻm) oilalarga ham beriladi.

Oylik 150 kVt/soatgacha elektr energiyasi va 150 kub metrgacha gaz iste’molini davlat qoplaydi.

Isitish mavsumida 250 kub metrgacha gaz iste’moli uchun sarflangan xarajatlar davlat tomonidan qoplanadi.

Kursiv Uzbekistan nashri svet va gaz narxi may oyidan oshirilishi haqida yozgan edi.

IWC kompaniyasi himoyalangan turbillonli soatni taqdim etdi. Bu haqda kompaniya saytida xabar berildi.

Model Big Pilotʼs Watch amortizatori Tourbillon Skeleton XPL nomini oldi va bir necha yil oldin chiqarilgan himoyalangan uchuvchi soatlarining oʻziga xos davomchisiga aylanmoqchi. Soat maxsus titan qotishmasi asosidagi xususiy Ceratanium materialidan ishlab chiqarilgan skelet koʻrinishida taqdim etildi.

Soat qismlari maxsus issiqlik bilan ishlov berishdan oʻtadi, bu esa soatning oʻziga xos yengilligiga alohida kuch qoʻshadi.

Uning dizayni 56 qismdan iborat va ogʻirligi atigi 0,663 grammni tashkil qiladi.

Model allaqachon kompaniya katalogida narxini e’lon qilmasdan chop etilgan va tiraji atigi 100 nusxani tashkil qiladi.

Eslatib oʻtamiz, Kursiv...

Nukusda birinchi Orol madaniyati sammitining ochilishi boʻlib oʻtdi. Tadbirda Oʻzbekiston Prezidenti yordamchisi Saida Mirziyoyeva ishtirok etdi.

Tadbir har olti oyda bir marta oʻtkaziladi. Sammit chogʻida Mirziyoyeva mazkur tadbirning respublika uchun ahamiyatini alohida qayd etgan.

«Biz koʻp yillardan buyon turli darajadagi tadbirlar va minbarlardan turib Orolboʻyi mintaqasini rivojlantirish – birgalikdagi sa’y-harakatlar bilan hal etilishi zarur boʻlgan umumjahon vazifa ekani haqida tinimsiz gapirib kelmoqdamiz», – degan Mirziyoyeva.

Prezident yordamchisi, shuningdek, mintaqaning betakror madaniyatini asrab-avaylash va munosib kelajakni ta’minlash uchun unga e’tibor qaratish muhimligini ta’kidlagan.

Avvalroq Kursiv Uzbekistan nashri Samarqand YUNESKO bosh konferensiyasiga mezbonlik qilishi haqida...

Infinix Tecno bilan birgalikda hidli smartfon chiqarishga qaror qildi. Bu haqda Digit nashri xabar bermoqda.

Bu modelning nomi Note 50s 5G+ boʻlib, uning taqdim etilish sanasi 18-aprelga belgilangan. Bunday hid chiqaradigan texnologiya Energizing Scent-Tech deb ataladi. Aslida, bu orqa qopqoqdagi sun’iy teridagi faol moddaning mikrokapsulyatsiyasidir.

Infinixning aytishicha, telefon nozik hidga ega boʻladi. Shuning uchun u hech qanday noqulaylik tugʻdirmaydi. Biroq qurilma faqat olti oy davomida hid chiqaradi.

Eslatib oʻtamiz, Kursiv Uzbekistan nashri Xiaomi arzon Poco C71 smartfonini taqdim etgani haqida yozgan edi.

31-martdan 5-aprelga qadar Braziliyaning Fos-du-Iguasu shahri World Boxing tashkiloti kubogi bahslariga mezbonlik qildi. Unda hamyurtlarimiz 10 ta vazn toifasida 8 ta medalni qoʻla kiritib, umumjamoa hisobida 1-oʻrinni egalladi.

G‘olib va sovrindor bo‘lgan O‘zbekiston terma jamoasi a’zolari:

Oltin medal:
-50 kg. Asilbek Jalilov
-75 kg. Fazliddin Erkinboyev
-80 kg. Javohir Ummataliyev
-90 kg. To‘rabek Xabibullayev
+90 kg. Jahongir Zokirov

Kumush medal:
-55 kg. Mirazizbek Mirzahalilov
-85 kg. Akmaljon Isroilov

Bronza medal:
-60 kg. Madiyar Daniyarov

Eng koʻp sovrin egallagan top uchta jamoa:

Avvalroq Kursiv Uzbekistan nashri Bahodir Jalolov Igor Shevadzutskiyni magʻlub etgani haqida yozgan edi.

Xiaomi tomonidan Hindistonda yangi Poco C71 smartfoni taqdim etildi. Bu haqda Notebookcheck nashri xabar bermoqda.

Poco C71 HD+ piksellar soniga va 120 Gts kadr tezligiga ega 6,88 dyuymli IPS ekrandan inorat. Model 32 megapikselli asosiy va 8 megapikselli old kamera, Unisoc T2750 Max bir chipli tizimi, 6 Gb gacha operativ xotira va 128 Gb ichki xotiraga ega.

Batareya quvvati 5200 mA / soatni tashkil etadi. Qurilma yon barmoq izi skaneri, standart quloqchin ulagichi va LTE modem bilan jihozlangan. Qalinligi 8,2 mm, ogʻirligi 193 gramm. Narxi taxminan $76 dan boshlanadi.

Eslatib oʻtamiz, Kursiv Uzbekistan Xiaomi Redmi A5 taqdim etgani haqida...

Oʻzbekiston prezidenti Shavkat Mirziyoyev ozarbayjonlik hamkasbi Ilhom Aliyev bilan telefon orqali muloqot qildi. Bu haqda prezident matbuot xizmati xabar bermoqda.

Suhbat davomida yetakchilar ikki tomonlama savdo-iqtisodiy sohalardagi hamkorlikni muhokama qilgan.

Prezidentlar sarmoyaviy va gumanitar sohalardagi loyiha va dasturlarni amalga oshirishni jadallashtirishga ham alohida e’tibor qaratgan.

Shuningdek, boʻlajak oliy darajadagi uchrashuvlar jadvalini muhokama qildilar va mintaqaviy hamkorlik yuzasidan fikr almashilgan.

Avvalroq Kursiv Uzbekistan nashri Prezident Shavkat Mirziyoyev va prezident Ilhom Aliyev 20-mart kuni telefon orqali muloqot qilib, bir-birlarini Navroʻz bayrami bilan tabriklagani haqida yozgan edi.

Ilon Mask Donald Tramp joriy qilgan tariflarga qarshi ekanini qayd etgan. Bu haqda uning oʻzi Italiyada boʻlib oʻtgan «Liga Kongressi»da video havola orqali soʻzlagan nutqida aytib oʻtgan.

Ilon Mask AQSh prezidenti Donald Tramp siyosatiga zid ravishda AQSh va Yevropa Ittifoqi (YI) oʻrtasida erkin savdo hududini yaratishga chaqirganini ham ta’kidlagan.

«Umid qilamanki, Yevropa va AQSh ideal tarzda erkin savdo hududini yaratib, nol tarif holatiga oʻtishi kerakligi toʻgʻrisida kelishuvga erishadi», – degan u.

Eslatib oʻtamiz, Kursiv Uzbekistan nashri Ilon Mask boshchiligidagi tejamkorlik choralari doirasida AQSh Xalqaro taraqqiyot agentligi (USAID) butunlay yopilishi haqida yozgan edi.