Yangiliklar

Oq uy milliy xavfsizlik kengashi Rossiyaning Qoʻshma Shtatlardagi muzlatilgan aktivlarining bir qismini musodara qilish fikrini qoʻllab-quvvatladi. Bu haqida Bloomberg nashri xabar berdi.

«Qonun loyihasi ijrochi hokimiyatga Rossiyaning suveren aktivlarini Ukraina foydasiga musodara qilish uchun zaruriy vakolatlarni taqdim etadi», – deyiladi xabarda.

AQShda Rossiyaning jami 300 milliard dollarga yaqin aktivlari muzlatib qoʻyilgan. Agentlik maʼlumotlariga koʻra, AQSH prezidenti Jo Bayden Kongressda Respublikachilar partiyasi aʼzolari Ukraina uchun 60 milliard dollardan koʻp mablagʻ ajratishga toʻsqinlik qilganlaridan keyin shu qarorga kelgan.

Bayden maʼmuriyati ushbu masala boʻyicha «Katta yettilik» mamlakatlarining rahbarlari bilan maslahatlashish niyatida. Bundan tashqari, Yevropada ham Rossiyaning 200 milliard dollarga yaqin aktivlari muzlatib...

Saudiya kompaniyalari O‘zbekistondan o‘g‘it yetkazib berishga qiziqish bildirmoqda, deb xabar berdi «Dunyo» axborot agentligi.

Saudiya Arabistonining chorvachilik uchun ozuqa yetishtiradigan korxonasi UFMC va oziq-ovqat va uglevodorodlar savdosi bilan shug‘ullanuvchi Muhaidib Group kompaniyasi O‘zbekiston mahsulotlariga qiziqish bildirdi.

Har ikki kompaniya karbamid, azot va kaliyli o‘g‘itlarni o‘zbekistonlik ishlab chiqaruvchilardan xarid qilishni rejalashtirgan.

Bu masalani O‘zbekistonning Jiddadagi bosh konsuli Nodirjon Turg‘unov mazkur kompaniyalar vakillari bilan muhokama qildi.

Avvalroq, «Kursiv» O‘zbekiston Qirg‘izistonga o‘g‘it yetkazib berishi haqida e’lon qilgan edi.

Penza viloyatining Nijnelomovskiy tumanida sodir bo‘lgan avtohalokatda YAC M3 mikroavtobusida O‘zbekiston fuqarolari bo‘lgan. Bu haqda Nijnelomovskiy tumanlararo prokurori Andrey Yarosh ma‘lum qildi.

Yo‘l-transport hodisasi soat 02:10 da 42-yoshli haydovchi boshqaruvidagi xorijiy davlat avtonomerlariga ega JAC M3 mikroavtobusi qarama-qarshi harakatga chiqib ketib, Penza davlat nomerlariga ega Volvo og‘ir yuk mashinasi bilan to‘qnashib ketganida sodir bo‘lgan.

Hodisa oqibatida yetti kishi, jumladan mikroavtobus haydovchisi tez yordam yetib kelguniga qadar halok bo‘lgan. Yana ikki kishi jarohat olib, shifoxonaga yetkazilgan.

Mazkur fakt asosida Rossiya Federatsiyasi Jinoyat kodeksining 238-moddasi 3-qismi bilan jinoyat ishi qo‘zg‘atilgan.

Avvalroq, «Kursiv» Toshkent aeroportida avtobus samolyotga urilib ketgan, deb...

Kiberfiribgarlikdan jabr ko‘rgan fuqarolarga kartalaridan o‘g‘irlangan pullar qaytarildi. Bu haqda «Kursiv»ga Universalbank kuzatuv kengashi raisi Anvar Irchayev ma’lum qildi.

Eslatib o‘tamiz, voqea 2023-yilning noyabr oyida sodir bo‘lgan. Firibgarlar Unired ilovasi orqali O‘zbekiston fuqarolarining kartalaridan yuzlab million so‘mlarni o‘g‘irlab ketishga muvaffaq bo‘lishgan. Anvar Irchaevning so‘zlariga ko‘ra, 13 nafar fuqaroga bank hisobidan o‘g‘irlangan pul mablag‘lari qoplangan. Ammo bu ish bo’yicha tergov hali ham davom etmoqda.

Avvalroq, «Kursiv» firibgarlar O‘zbekiston fuqarolariga aldov yo‘li bilan kredit rasmiylashtirib, pulni o‘zlari uchun olishni o‘rganganini yozgan edi. Oqibatda firibgarlarning qurbonlari banklarga katta miqdorda qarzdor bo‘lib qolishdi. Markaziy bank o‘zbekistonliklar sharlatanlarning yo‘lg‘onlariga qanday tushib qolganiga misollardan...

11-yanvar kuni O‘zbekiston valyuta birjasida dollarning qiymati 2,03 so‘mga pasaydi va 12 416,00 so‘mni tashkil qildi. Bugun mamlakatning Markaziy banki ham AQSh valyutasining kursini shu darajada belgiladi.

Respublika banklari dollarni 12 355 – 12 410 so‘mdan xarid qilib, 12 425 – 12 480 so‘mdan sotishmoqda.

Eslatib o‘tamiz, 10-yanvar kuni AQSh valyutasining qiymati 20,99 so‘mga, 9-yanvar kuni esa 6,96 so‘mga ko‘tarilgan edi.

Yaponiyaning IT-kompaniyalari va universitetlari Oʻzbekiston fuqarolarini oʻqitish va ishga joylashtirishda yordam beradi, deb xabar qildi Oʻzbekiston Raqamli texnologiyalar vazirligi.

O‘zbekiston-Yaponiya biznes forumida bu borada memorandumlar imzolandi. Xususan, Raqamli rivojlanish vazirligi va CAL Co., Ltd o‘rtasida O‘zbekistonda IT-ta’limni rivojlantirish va mamlakatimizning iqtidorli yoshlarini Yaponiyada ishga joylashtirish bo‘yicha kelishib olindi.

Japan Digital University oliygohi Digital va Knowledge Co., Ltd kompaniyasi bilan birgalikda O‘zbekistonda sun’iy intellektga asoslangan yapon ta’lim texnologiyalarini joriy qiladi.

Shuningdek, raqamli hamkorlik qo‘mitasini tashkil etish bo‘yicha memorandum imzolandi.

Avvalroq, «Kursiv» O‘zbekistonning har bir hududida IT Village ochilishi haqida yozgan edi.

Navoiy viloyatining Karmana tumanida harbiy xizmatchilarga yangi xonadonlar kaliti topshirildi, deb xabar qildi O‘zbekiston Mudofaa vazirligi.

Marosimda Markaziy harbiy okrug qo‘mondonlari, hokimlik, prokuratura vakillari ishtirok etdi. Bu hududda harbiy xizmatchilarga jami 30taga yaqin xonadon sovg‘a qilindi.

Avvalroq, «Kursiv» O‘zbekistonda harbiy soha raqamlashtirilayotgani haqida yozgan edi.

2019-yildan 2022-yilgacha Oʻzbekistondan Yevroittifoqqa eksport hajmi 4 barobarga – 450 million yevrogacha oshdi. Bu haqida YeIning Oʻzbekistondagi delegatsiyasi maʼlum qildi.

Bunday koʻrsatkichga erishishda GSP preferensiyalari savdo tizimi muhim ahamiyat kasb etgan.

YeIning Oʻzbekistondagi elchisi Sharlotta Adrianning aytishicha, eksportchilar uchun berilgan Yevropa preferensiyalari Oʻzbekistondagi biznes rivojiga ham ijobiy taʼsir koʻrsatgan.

Mazkur tizim tufayli Oʻzbekiston toʻqimachilik mahsulotlarini Yevropa bozorlariga eksport qilish hajmi 2022-yilda $177,4 million, kimyoviy mahsulotlar eksporti hajmi esa $138 millionga oshgan.

Avvalroq, «Kursiv» 2021-yilda Buyuk Britaniya Oʻzbekistonga GSP Enhanced Framework benefisiari maqomini taqdim etgani haqida yozgandi.

Xitoyning Zhengzhou Hongyi Transportation kompaniyasi Shenchjendan O‘zR poytaxtiga yuk tashishni boshladi.

OAV ma’lumotlariga koʻra, elektr uskunalari bilan joylashgan yuk mashinasi Shenchjen shahridan chiqib, Xitoy-Qirgʻiziston chegarasidagi Irkeshtam – «Avtodorojniy» chegara postini kesib oʻtib, Toshkentga yetib kelgan. 6,5 ming km uzunlikdagi yangi marshrut sayohat vaqtini 20-kundan 7-kunga qisqartiradi.

O‘zbekiston logistika kompaniyalari Xitoyga muqobil yo‘nalishlarni ham o‘rganmoqda. Shunday qilib, yaqinda O‘zbekistondan Xitoyning janubida joylashgan Foshan shahriga uchta yuk mashinasi yetib keldi. Yo‘nalish Qozog‘iston hududidan o‘tgan.

 Avvalroq, «Kursiv» Xitoy-Qirg‘iziston-O‘zbekiston temir yo‘li qurilishi kelasi yildan boshlanishi rejalashtirilgani haqida xabar bergan edi.

Afg‘onistonda kuchli zilzila sodir bo‘lib, O‘zbekistonning turli hududlarida sezilgan.

Magnitudasi 6 ball edi. Zilzila kuchi Surxondaryo viloyatida 2-3 ball, Farg‘ona, Jizzax, Samarqand, Sirdaryo, Qashqadaryo, Andijon va Namangan viloyatlarida 2 ballni tashkil etgan.

Poytaxt va Navoiy viloyatida 2 magnitudali zilzila qayd etildi. Zilzila oqibatida qurbonlar va vayronagarchiliklar haqida hozircha ma’lumotlar yo‘q.

Avvalroq, «Kursiv» Yaponiyadagi zilzila qurbonlari soni 80 kishidan oshdi, deb xabar bergan edi.

2023-yilda O‘zbekiston va Afg‘oniston o‘rtasidagi tovar ayirboshlash hajmi 266 mln dollarga yetdi, bu o‘tgan yilga nisbatan olti barobar ko‘pdir, deb xabar berdi TOLONews.

O‘tgan yil davomida mamlakatimiz Afg‘onistonga 230 mln dollardan ortiq mahsulot yetkazib bergan bo‘lsa, Afg‘oniston importi shu vaqt ichida 27 mln dollarni tashkil etdi.

Oʻzbekiston qoʻshni davlatga asosan elektr energiyasi, oʻgʻit va uglevodorodlar yetkazib berdi. O‘zbekiston Afg‘onistonning quritilgan mevalari, sharbatlari va gilamlarini xarid qildi.

Afgʻoniston Savdo vazirligi maʼlumotlariga koʻra, 2023-yilda Afgʻonistonning asosiy savdo hamkorlari Oʻzbekiston, Qozogʻiston, Pokiston va boshqa davlatlar boʻlgan. Shu bilan birga, amirlikning eksport hajmi 2 foizga oshib, 1,9 milliard dollarni tashkil etdi.

Afgʻoniston Savdo...

13-yanvar kuni Oʻzbekistonning barcha hududlari boʻylab yomgʻir yogʻishi kutilmoqda. Bu haqida «Oʻzgidromet» xabar berdi. Yogʻingarchilik 15-yanvar kuni ham davom etadi.

13-14-yanvar kunlari Toshkent, Samarqand, Sirdaryo va Jizzax viloyatlarida shamol 15-20 m/s tezlikda esib, havo harorati kechasi +2…+7, kunduzi +10…+15 daraja iliqni tashkil etadi.

15-yanvar kuni kechasi mazkur hududlarda havo harorati 0…+5 darajagacha pasayadi. Kunduzi esa +5…+10 daraja iliq boʻladi.

Avvalroq, «Kursiv» Qoraqalpogʻistonda «Galo effekti» deb nomlanuvchi noyob hodisa qayd etilgani haqida yozgandi.

Oʻzbekiston Din ishlari boʻyicha qoʻmitasi fuqarolarni ijtimoiy tarmoqlardan foydalanishda ogoh boʻlishga chaqirdi va mamlakat hududida taqiqlangan materiallarning (2024-yil 10-yanvar holatiga koʻra) toʻliq roʻyxatini eʼlon qildi.

Diniy qoʻmita ijtimoiy tarmoqlardan foydalanishda shubhali elektron kitoblar, ilovalar, audio, foto, video materiallarni yuklab olish va ulashishda ehtiyotkor boʻlish zarurligini qayd etdi.

Eslatib oʻtamiz, ekstremistik va terroristik mazmunga ega materiallarni mamlakat hududiga olib kirish, tayyorlash, tarqatish va namoyish etish uchun besh yildan sakkiz yilgacha qamoq jazosi tayinlanishi mumkin.

O‘zbekistonda biotexnologiya klasteri yaratiladi. Bu haqdagi farmonni O‘zbekiston prezidenti Shavkat Mirziyoyev imzoladi.

Loyihani amalga oshirish uchun Toshkent Pharma Park innovatsion ilmiy-ishlab chiqarish farmatsevtika klasteri hududidan 60 gektar yer maydoni ajratiladi.

Xuddi shu hujjat bilan mamlakatimizda farmatsevtikani jadal rivojlantirish va kelgusi ikki yilga (2024-2025) investitsiya loyihalarini amalga oshirish bo‘yicha «yo‘l xaritasi» tasdiqlandi. Qarorda investitsion farmatsevtika loyihalarining umumiy parametrlari ham belgilab berilgan.

Mamlakatda har yili 1-dekabrgacha kelgusi yil uchun zarur farmatsevtika mahsulotlari ro‘yxati tuziladi – u shifoxonalar ehtiyojlaridan kelib chiqib tuziladi. 2025-yil 1-yanvardan boshlab barcha tibbiyot muassasalari tomonidan xarid qilinadigan farmatsevtika mahsulotlarini markazlashtirilgan holda xarid qilish bosqichma-bosqich amalga oshiriladi.

Avvalroq, «Kursiv...

Amerikaning USAID agentligi energetika sektorini nazorat qilish uchun asbob-uskunalar va dasturiy ta’minotni Toshkentdagi «Energiya» muvofiqlashtirish-dispetcherlik markaziga topshirdi. Uskunaning umumiy qiymati 1,4 mln dollarni tashkil etdi, deya xabar beradi AQShning O‘zbekistondagi elchixonasi.

Uskunalar energetika tizimining barqarorligini ta’minlashi, Markaziy Osiyoda energiya savdosi imkoniyatlarini kengaytirishi va tarmoqni boshqarish qobiliyatini oshirishi kerak.

Uskunalarni topshirish Power Central Asia mintaqaviy loyihasining bir qismi bo‘lib, kutilayotgan investitsiyalar hajmi 39 mln dollarni tashkil etadi.

Avvalroq, «Kursiv» USAID O‘zbekistonda mahalliy o‘zini o‘zi boshqarish tizimini rivojlantirish loyihasini yo‘lga qo‘yayotgani haqida xabar bergan edi.

Jahon sogʻliqni saqlash tashkiloti (JSST) Bosh direktori Tedros Adanom Gebreisus oʻtgan yilning dekabr oyida COVID-19 dan vafot etish koʻrsatkichlari keskin oshgani, bunga bayram kunlari va koronavirusning yangi turi tarqalgani sabab boʻlganini maʼlum qildi.

Gebreisusning taʼkidlashicha, dekabr oyida kasallikdan vafot etganlar soni qariyb 10 ming kishiga yetgan. Shifoxonaga yotqizilganlar soni esa 42 foizga oshgan, ularning aksariyati Yevropa va Shimoliy Amerika fuqarolaridir.

«Garchi oyiga 10 minglik oʻlim koʻrsatkichi pandemiyaning avj pallasidagi raqamlarga nisbatan kamroq boʻlsa ham, oldini olish mumkin boʻlgan bunday holatlarning koʻpayganini qabul qilib boʻlmaydi», – Gebreisus.

Tashkilot rahbarining fikricha, kasallangan bemorlar soni va oʻlim koʻrsatkichlari ayni vaqtda vaziyat nisbatan...

2023-yilda O‘zbekistonga tibbiy yordam olish uchun kelgan xorijiy fuqarolar soni 61,3 ming kishini tashkil etdi, deya xabar beradi Statistika agentligi.

Tojikistondan tashrif buyurganlar orasida 43,03 ming kishi roʻyxatga olingan, bu umumiy xorijlik bemorlarning 70,2% tashkil qiladi. Qozog‘istondan 10,7 ming (17,5%), Qirg‘izistondan 5,5 ming (8,9%), Rossiyadan 1,1 ming (1,8%) va Turkmanistondan 600 kishi (0,8%) kelgan. Boshqa mamlakatlardan 200 nafar bemor tashrif buyurgan.

Avvalroq, «Kursiv» O‘zbekiston elektron kassalik varaqasiga o‘tdi, deb xabar bergan edi.

«Kapital Sugʻurta» AJning moliyaviy hisobotlarini oʻrganish natijalariga koʻra qonunchilik hujjatlarida belgilangan meʼyorlarga rioya qilmaganlik holatlari aniqlanib, 162,0 mln so‘m miqdorida jarima solindi. Bu haqida Istiqbolli loyihalar milliy agentligi (ILMA) matbuot xizmati maʼlum qildi.

ILMA maʼlumotlariga koʻra, sugʻurta kompaniyasining litsenziyasi 10 kunga toʻxtatilgan. Ushbu davrda kompaniyaga yangi sug’urta (qayta sug’urta qilish) shartnomalarini tuzish yoki amaldagilarini uzaytirish taqiqlanadi.

Agentlikning qayd etishicha, «Kapital Sugʻurta» AJ ilgari tuzilgan sugʻurta (qayta sugʻurta) shartnomalari boʻyicha oʻz zimmasiga olgan majburiyatlarni belgilangan tartibda bajarishi shart.

Avvalroq, «Kursiv» O‘zbekiston va yana uch davlat qayta sug‘urta pulini yaratganini yozgan edi.

11-yanvar kuni ertalab Toshkent havosidagi zararli mayda PM2,5 zarralari Jahon sog‘liqni saqlash tashkiloti me’yoridan 17 martaga oshib ketdi, deb xabar berdi «O‘zgidromet».

Shu bilan birga, sanoat korxonalari va avtomobillar chiqindilariga bevosita bog’liq bo’lgan CO miqdori me’yordan oshmadi.

PM10 zarralari kontsentratsiyasi ham ruxsat etilgan maksimal darajadan oshmadi.

Eslatib o’tamiz, PM2.5 asfalt, mineral tuzlar va og’ir metal birikmalarining zarralaridir. 3-yanvar kuni poytaxt havosidagi bunday zarralar miqdori me’yordan 15 baravar oshdi.

Avvalroq, «Kursiv» 11-sentabr kuni Toshkent havosida PM2,5 kontsentratsiyasi normadan 43 baravarga oshgani haqida yozgan edi.

O‘zbekiston prezidenti Shavkat Mirziyoyev o‘z maslahatchisi, Yevropa tiklanish va taraqqiyot banki (YTTB) sobiq rahbari Suma Chakrabarti bilan uchrashdi. Xorijiy investitsiyalarni jalb etish va boshqa bir qator masalalar muhokama qilindi, deb xabar qildi davlat rahbari matbuot xizmati.

Shu tariqa Mirziyoyev va Chakrabarti 2024-yilda mamlakatda «O‘zbekiston-2030» strategiyasi qanday amalga oshirilishi haqida suhbatlashdi. Shuningdek, tadbirkorlik uchun shart-sharoit yaratish, ilm-fan va innovatsiyalarni rag‘batlantirish, raqamli va «yashil» texnologiyalarni joriy etish masalalariga ham to‘xtalib o‘tildi.

Avvalroq, «Kursiv» Mirziyoyevning Chakrabarti bilan uchrashuvlari haqida yozgan edi.

Chakrabarti 2020-yil sentabrida O‘zbekiston prezidentining maslahatchisi etib tayinlangan edi. Ilgari u sakkiz yil davomida YTTB prezidenti lavozimida ishlagan.

BMT xavfsizlik kengashi Yaman husiylari tomonidan Qizil dengizda kemalarga uyushtirilgan hujumlarni qoraladi. Bu haqida TASS agentligi maʼlum qildi.

Tashkilot Amerika taqdim etgan rezolyutsiya loyihasini maʼqulladi. Unga Rossiya tomonidan taklif etilgan tuzatishlar kiritilmadi. Tuzatishlar orasida husiylar bilan bogʻliq vaziyatning sababi sifatida Falastin-Isroil mojarosi keltirib oʻtilgan edi.

Avvalroq, «Kursiv» Qizil dengizda husiylar tomonidan kemalarga uyushtirilgan hujum xalqaro yetkazmalarning deyarli 20 foiziga taʼsir qilgani va 40 dan ortiq mamlakat manfaatlariga tahdid qilayotgani haqida yozgandi.

Dekabr oyi oʻrtalarida esa neft tashish xavfsizligi bilan bogʻliq xavotirlar xomashyo narxining oshishiga olib kelgandi.

Jahon elektromobillar bozorining o‘sish sur‘ati sekinlashdi. 2023-yilda sotuvlar 31 foizga, bir yil avval esa 60 foizga oshdi, deya xabar beradi Reuters Rho Motion tadqiqot kompaniyasiga tayanib.

«O‘sish sur‘atlari sekinlashmoqda, ammo bunday o’sish bozorlarda kutilayotgan voqeadir. Savdolar har yili ikki baravarga ko‘paymaydi», – dedi Rho Motion menejeri Charlz Lester.

Kompaniya 2024-yilda global elektromobil savdosi 25% dan 30% gacha o‘sishini kutmoqda.

Avvalroq, «Kursiv» 2023-yilning to‘rtinchi choragida amerikalik elektromobil ishlab chiqaruvchi Tesla kompaniyasi ilk bor ishlab chiqarish hajmi bo‘yicha yetakchilikni Xitoyning BYD konserniga boy berganini yozgan edi.

Oʻzbekiston va Turkiyaning huquq-tartibot idoralari xodimlari xalq orasida «Madam Klod» taxallusi bilan tanilgan Nilufar Mirxanovani qoʻlga oldilar. Bu haqida Oʻzbekistonning Istanbuldagi Bosh konsulxonasi maʼlum qildi.

Mirxanova odam savdosi bilan shugʻullanishda ayblanmoqda. U 8 yildan 12 yilgacha ozodlikdan mahrum etilishi mumkin.

Diplomatik missiya ayblanuvchining xatti-harakatlaridan jabr koʻrgan oʻzbekistonlik fuqarolarni Bosh konsulxona yoki Oʻzbekiston Respublikasi Ichki ishlar vazirligiga murojaat qilishga chaqirdi.

Turkiyaning «Haberler» nashri bergan maʼlumotlarga koʻra, Mirxanova Chanoqqalʼa viloyatining Ayvajik tumanida qoʻlga olingan. Qayd etilishicha, «Madam Klod» xalqaro qidiruvda boʻlgan.

Avvalroq, «Kursiv» Turkmanistonda Baxti Tashkentskiyning sherigi qoʻlga olingani haqida yozgandi.

11-yanvar kuni O‘zbekistonning ayrim hududlarida, xususan Farg‘ona vodiysi viloyatlarida yomg‘ir, shimol va cho‘l hududlarida esa qor yog‘ishi kutilmoqda. Bu haqida «O‘zgidromet» ma’lum qildi.   

Toshkent shahrida havo harorati 7-9 darajani tashkil etadi. Shamol 7-12 m/s tezlikda esib, vaqti-vaqti bilan yomg‘ir yog‘adi.

Respublikaning tog‘ oldi va tog‘li hududlarida ham kuchli yomg‘ir va qor yog‘ishi, tuman tushishi kutilmoqda. Toshkent va Namangan viloyatlarining ayrim tog‘li hududlarida qor ko‘chishi xavfi e’lon qilingan. Havo harorati 0-5 darajani tashkil etadi.