Yangiliklar

10-apreldan boshlab Xitoy Amerika tovarlariga 34% boj joriy etadi. Bu haqda XXR moliya vazirligi xabar berdi.

Shu bilan birga, Pekin AQShga eksport qilinadigan bir qator kamyob yer elementlari, samariy, gadoliniy, terbiy va disproziy kabi strategik ahamiyatga ega materiallarni cheklashni rejalashtirmoqda.

Bundan maqsad milliy xavfsizlikni ta’minlash va xalqaro majburiyatlarni bajarishdan iborat. 4-apreldan boshlab kuchga kirgan ushbu cheklovlar, ayniqsa, Xitoyning texnologik rivojlanishiga ta’sir qiluvchi materiallar eksportining kamayishiga olib kelishi mumkin.

Shuningdek, AQShning 11 ta kompaniyasi Xitoyning «ishonchsiz» tashkilotlar ro‘yxatiga kiritildi, bu esa Xitoyning ushbu kompaniyalarga nisbatan iqtisodiy sanksiyalar joriy etish huquqini beradi.

Xitoyning rasmiy vakillari Vashingtonni bir tomonlama choralarni bekor qilishga...

Samarqand xalqaro iqlim forumida ishtirok etayotgan Xalqaro qishloq xo‘jaligi universiteti amerikalik professori Maykl Brodi mamlakatning quyosh energiyasi borasidagi yutuqlari va suv resurslarini boshqarishdagi muhim masalalar haqida Kursiv Uzbekistan’ga bergan intervyusida aytib o‘tdi.

«Quyosh va shamol energiyasi ko‘mirni almashtirsa, ayniqsa Toshkent kabi yirik shaharlarda havo sifati ancha yaxshilanadi. Bu esa aholining sog‘lig‘i uchun muhim taraqqiyot bo‘ladi», – dedi Brodi.

U, shuningdek, Markaziy Osiyodagi suv resurslarining kelajagi borasida katta noaniqliklar mavjudligini ta’kidlab, bunga qanday javob berish kerakligini forumda muhokama qilishini bildirdi:

«Biz yangi suv infratuzilmasini, ilg‘or sug‘orish tizimlarini qurish haqida o‘ylashimiz kerak. Iqlim...

Xitoyda AnTuTu foydalanuvchilari tomonidan mart oyidagi eng yaxshi Andriod smartfonlar reytingi aniqlandi.

Foydalanuvchilar eng yaxshi smartfon sifatida Huawei Mate 70 Pro+ (99,41% talab darajasi bilan) ni tanlandi.

Ushbu model nafaqat a’lo darajadagi texnik xususiyatlari, balki foydalanuvchilarga qulaylik yaratishda ham yuqori baholandi.

Ikkinchi o‘rinni 99,17% bilan Honor Magic 7 RSR Porsche Design egalladi. Ushbu model yuqori texnik imkoniyatlar va o‘ziga xos dizayni bilan e’tibor qozondi.

Uchinchi o‘rinda esa Huawei Mate 70 Pro turibdi. Bu modelga ham foydalanuvchilar tomonidan 99,17%ga baholangan. Mate 70 Pro+ modeliga o‘xshash bu telefon ham yuqori darajadagi muvozanatga ega.

Markalar orasida eng yuqori talab darajasi Honor...

Jurnalist va bloger Jasur Hamroyev qand kasali tufayli 42 yoshida hayotdan ko‘z yumdi. U «Shov-shuv.uz» loyihasiga asos solgan.

Jasur Hamroyev 1983-yilda Buxoro viloyatida tug‘ilgan. U internet jurnalistikasi sohasida faoliyat yuritgan va «Shov-shuv.uz» loyihasining asoschisi hamda bosh muharriri bo‘lgan. Uning bu sohadagi yutuqlari keng jamoatchilikka tanilgan.

Shuningdek, O‘zbekiston «Adolat» sotsial-demokratik partiyasi Yakkasaroy kengashi raisi sifatida ham faoliyat olib borgan. Bu lavozimda jamiyatda ijtimoiy adolat va tenglikni ta’minlash borasida o‘z hissasini qo‘shgan.

O‘zbekiston Respublikasi prezidenti huzuridagi Davlat va jamiyat qurilishi akademiyasida «Boshqaruv mahorati» kursini muvaffaqiyatli tamomlab, o‘z bilim va ko‘nikmalarini yanada rivojlantirgan.

Avvalroq Kursiv Uzbekistan taniqli jurnalist Alisher Ro‘zioxunov vafot etgani haqida...

Saudiya Arabistonining Pro-ligasi 26-turida «Al-Nasr» jamoasi «Al-Hilol»ga qarshi o‘yinida 3:1 hisobida g‘alaba qozondi.

«Al-Hilol» – «Al-Nasr» uchrashuvi

Birinchi bo‘limning qo‘shib berilgan vaqtida Ali Al-Hassan hisobni ochdi. Yarim himoyachi burchak to‘pidan so‘ng aniq aylanma zarbasi bilan to‘pni yuqori burchakka yo‘lladi.

47-daqiqadayoq Krishtianu Ronaldu Sadio Manening uzatmasini yakunlab, mehmonlarning ustunligini dubl qildi. Bu gol portugaliyalikning professional faoliyatidagi 930-gol bo‘ldi.

Biroq «Al-Hilol» taslim bo‘lmadi va bitta gol urishga muvaffaq bo‘ldi. 62-daqiqada Salem Al-Davsariyning burchak to‘pi va Milinkovich-Savichning uzatmasidan so‘ng Ali Al-Bulayxi yaqin masofadan gol urdi – 1:2.

Ammo o‘yin oxirida hammasini Moteb Al-Harbi ishtirokidagi epizod hal qildi . 84-daqiqada Duran himoyachining zarbasidan so‘ng «Al-Hilol» jarima...

Bugun, 5-aprel kuni kunduzi ayrim hududlarda qisqa muddatga yomg‘ir yog‘ishi va momaqaldiroq bo‘lishi mumkin, deya xabar bermoqda «Oʻzgidromet».

Qoraqalpog‘iston Respublikasi, Xorazm, Buxoro va Navoiy viloyatlarida yog‘ingarchilik kutilmaydi. Shamolning tezligi 7-12 m/s ni tashkil etadi. Havo harorati 23-28 daraja atrofida bo‘ladi.

Poytaxtda kunning birinchi yarmida qisqa muddatli yomg‘ir yog‘ishi va momaqaldiroq bo‘lishi mumkin. Shamol tezligi 5-10 m/s ga yetadi, harorat esa 23-25 daraja bo‘ladi.

Tog‘ oldi va tog‘li hududlarda yomg‘ir yog‘ishi, ba’zi joylarda kuchli yomg‘ir bo‘lishi, momaqaldiroq kuzatiladi. Shuningdek, sel va suv toshqinlari yuzaga kelishi xavfi mavjud. Shamol tezligi 7-12 m/s bo‘lib, ayrim joylarda 13-18 m/s gacha kuchayishi mumkin. Harorat...

Toshkent viloyatining Parkent tumanida umumiy qiymati $30 mlnlik akvapark 2026-yilning 2-choragida ishga tushadi. Bu haqda viloyat hokimligi matbuot xizmati xabar berdi.

Qayilma mahallasi hududida 20 gektar maydonda zamonaviy attraksionlar bilan jihozlangan yangi akvapark qurilishi loyihasining taqdimoti o‘tkazildi.

Loyihaning umumiy qiymati $30 mlnni tashkil etadi. Bu majmua savdo va xizmat ko‘rsatuvchi nuqtalar, amfiteatr, yopiq suzish havzasi, attraksionlar, mehmonxona, sun’iy to‘lqinli suzish havzasi, favvora hamda avto turargohdan iborat bo‘ladi. Loyiha bilan yiliga 100 ming sayyohni jalb qilish rejalashtirilgan.

Obyekt 2026-yilning 2-choragida ishga tushishi kutilmoqda va bu loyiha 500 dan ziyod yangi ish o‘rinlarini yaratadi. Viloyat hokimi Zoyir Mirzayev park qurilishi uchun...

Chirchiq shahrida Toshkent viloyati hokimi Zoyir Mirzayev tadbirkorlar bilan ochiq muloqot o‘tkazdi. Unda viloyatdagi 300 dan ortiq tadbirkorlar ishtirok etdi, 180 nafari bevosita hokim bilan muloqotda bo‘ldi, deya xabar berdi hokimlik matbuot xizmati.

Unga ko‘ra, muloqot davomida huquq-tartibot, qurilish va kommunal sohalardagi murojaatlar o‘rganildi. Hokim tadbirkorlar bilan ochiq muloqot qilish madaniyatini yo‘lga qo‘yish muhimligini ta’kidladi.

Shuningdek, ilgari berilgan topshiriqlarning ijrosi tanqidiy ko‘rib chiqildi, ijro intizomi qoniqarsiz deb baholandi. Endilikda har bir murojaat alohida nazorat ostida ko‘rib chiqiladi.

Joylarda «Viloyat hokimiga murojaat» maxsus qutilari tashkil etiladi, ularni faqat hokimning o‘zi ochadi va har bir murojaat bo‘yicha qat’iy tartibda chora ko‘riladi.

Google DeepMind ekspertlari 2030-yilga borib umumiy sun’iy intellekt (AGI) inson darajasida ishlay olishini prognoz qilmoqda. Bu tizim murakkab muammolarni hal qilish va yangi bilimlarni o‘zlashtirish qobiliyatiga ega bo‘ladi, deya yozmoqda Tech Crunch.

Biroq mutaxassislar AGI o‘z-o‘zini takomillashtirib, nazoratdan chiqishi mumkinligidan ogohlantirmoqda. DeepMind xavflarning oldini olish uchun sun’iy intellektdan noto‘g‘ri foydalanishni cheklash, tizim qarorlarini shaffof qilish va uni xavfsiz muhitda rivojlantirish zarurligini ta’kidlamoqda.

Ba’zi ekspertlar esa bu prognozlarga shubha bilan qarab, AGI tushunchasi aniq emasligini va sun’iy intellektning noto‘g‘ri ma’lumot yaratish muammosi hal qilinmaganini qayd etmoqda.

Eslatib o‘tamiz, avvalroq Apple Health’da sun’iy intellektli shifokor-maslahatchi ishga tushirilishi haqida yozgan edik.

Shavkat Mirziyoyev BAA energetika va infratuzilma vaziri Suhayl al-Mazruiy boshchiligidagi delegatsiyani qabul qildi. Uchrashuvda ikki mamlakat o‘rtasidagi hamkorlikning dolzarb masalalari muhokama qilindi, deya xabar bermoqda davlat rahbari matbuot xizmati.

Unga ko‘ra, o‘zaro savdo hajmi, qo‘shma korxonalar va to‘g‘ridan to‘g‘ri parvozlar soni ortib bormoqda. BAA kompaniyalari ishtirokidagi investitsiya loyihalari hajmi $20 mlrdga yetdi.

«Yashil» energetika, elektrotexnika, qishloq va suv xo‘jaligi, shuningdek, transport infratuzilmasini modernizatsiya qilish bo‘yicha hamkorlikka alohida e’tibor qaratildi.

Uchrashuvda bo‘lajak oliy darajadagi tadbirlarga tayyorgarlik masalalari ham muhokama qilindi.

Eslatib o‘tamiz, avvalroq BMT ekspertlari O‘zbekistonga cho‘llanishga qarshi kurashishda yordam berishi haqida yozgan edik.

Xitoyning Leapmotor avtomobil brendi mutaxassislari mahsulotni qayta sinovdan o‘tkazish uchun O‘zbekistonga keladi. Bu haqda Texnik jihatdan tartibga solish sohasida nazorat inspeksiyasi ma’lum qildi.

Dastlabki sinovlar chog‘ida Leapmotor C16 avtomobilida nuqson aniqlandi. Mashina uskunalari kuchli elektromagnit shovqinlarni keltirib chiqarib, elektronika ishida nosozliklarga va hatto asosiy boshqaruv tizimlarining ishdan chiqishiga sabab bo‘lishi mumkin edi.

Mazkur avtomobil xalqaro xavfsizlik standartlariga mos emas deb topildi. Inspeksiya brendning barcha yengil avtomobillarini sertifikatsiyalash jarayonini to‘xtatishni talab qildi.

2024-yil 1-noyabrdan boshlab import qilingan avtomobillar Toshkent viloyatining Piskent poligonida sinovdan o‘tkazilmoqda. Endilikda sinovlardan nafaqat rasmiy avtomobil dilerlari, balki shaxsiy ehtiyojlar uchun xorijiy avtomobil olib kirgan fuqarolar ham...

Samarqand iqlim forumi doirasida Shavkat Mirziyoyev BMT bosh kotibining o‘rinbosari, cho‘llanishga qarshi kurashish konvensiyasi ijrochi kotibi Ibrohim Tiav bilan uchrashdi. Bu haqda davlat rahbari matbuot xizmati ma’lum qildi.

Muloqot chog‘ida O‘zbekiston va mintaqada cho‘llanish hamda yerlarning degradatsiyasiga qarshi kurashish bo‘yicha BMT bilan hamkorlikni kengaytirish masalalari muhokama qilindi.

BMT vakili Mirziyoyevning forumdagi nutqini yuksak baholab, iqlim tahdidlariga qarshi ilgari surilgan tashabbuslarning dolzarbligini qayd etdi.

Shuningdek, Toshkent shahridagi «Yashil» universitet negizida yer degradatsiyasi va cho‘llanishga qarshi kurashish bo‘yicha xalqaro ilmiy tarmoqni tashkil etishda BMT ekspertlari qatnashishi belgilandi.

Eslatib o‘tamiz, avvalroq O‘zbekistonda Butunjahon tozalik kuni o‘tkazilishi mumkinligi haqida yozgan edik.

Shavkat Mirziyoyev 4-aprel kuni Samarqand iqlim forumi doirasida BMT Bosh kotibi o‘rinbosari, BMTning aholi punktlari bo‘yicha dasturi (BMT-Habitat) ijrochi direktori Anaklaudiya Rossbaxni qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuvda urbanizatsiya sohasida BMT bilan hamkorlikni kengaytirish masalalari muhokama qilindi. BMT vakili O‘zbekistonda «aqlli» va «yashil» shaharlarni rivojlantirishga qaratilgan islohotlarni ijobiy baholadi.

Shuningdek, shaharlarda zamonaviy raqamli texnologiyalarni joriy etish, «yashil» qurilish standartlarini ishlab chiqish va iqlim o‘zgarishiga moslashish bo‘yicha maxsus dasturlarni amalga oshirish muhimligi ta’kidlandi.

Uchrashuvda O‘zbekistonda Butunjahon tozalik kunini o‘tkazish va Toshkentda BMT-Habitat ofisini ochish masalalari ham muhokama qilindi. Tomonlar hamkorlik bo‘yicha «Yo‘l xaritasi»ni...

Yevropa kengashi prezidenti Antonio Koshta va Yevropa komissiyasi prezidenti Ursula fon der Layen Markaziy Osiyo, xususan, Qozog‘iston bilan strategik hamkorlikning yangi bosqichga o‘tayotganini ta’kidladilar. Bu haqda matbuot anjumanida ma’lum qilindi, deb xabar bermoqda Kursiv Uzbekistan muxbiri.

Antonio Koshta Qozog‘iston va Yevropa Ittifoqi o‘rtasidagi aloqalar tobora mustahkamlanayotganini qayd etdi:

«Biz investitsiya, savdo, energetika, muhim xomashyo va suv resurslari bo‘yicha hamkorlikni kengaytirishni istaymiz», – dedi.

Ursula fon der Layen esa Yevropa va Osiyoni bog‘lovchi Trans-Kaspiy transport koridori Qozog‘iston uchun muhim ahamiyatga ega ekanini ta’kidlab o‘tdi:

«U yuk tashish vaqtini yarmiga qisqartiradi – atigi...

Yandex Uzbekistan talabalar va IT sohasida faoliyat yuritayotgan mutaxassislar uchun mukofot jamg‘armasi 65 mln so‘mlik Coding and Math Contest dasturlash va matematika bo‘yicha intellektual tanlovini e’lon qildi. Bu haqda kompaniya Kursiv Uzbekistan’ga ma’lum qildi.

Tanlov ishtirokchilarga dunyo miqyosidagi ekspertlar tomonidan tuzilgan masalalarni yechish, bilimlarini sinovdan o‘tkazish va qimmatbaho sovrinlarni qo‘lga kiritish imkonini beradi.

Tanlovda O‘zbekiston oliy ta’lim muassasalari talabalari va respublikada faoliyat olib borayotgan IT-mutaxassislari qatnashishi mumkin. Ishtirokchilardan zamonaviy dasturlash tillari, algoritmlar, statistika, ehtimollar nazariyasi, matematik analiz va chiziqli algebra bo‘yicha bilimlar talab etiladi.

Musobaqa ikki bosqichda onlayn formatda o‘tkaziladi. Birinchi bosqich dasturlash bo‘yicha masalalar, ikkinchi bosqich matematika bo‘yicha masalalardan...

«SSKA» jamoasi yarim himoyachisi Miralem Pyanich jamoadoshi Abbos Fayzullayevga «Barselona»ga oʻtish orzusini qanday amalga oshirish boʻyicha oʻz maslahatini berdi.

«Abbosda zoʻr futbolchi boʻlish uchun barcha salohiyat bor. Agar u «Barselona»da oʻynashni istasa, birinchi navbatda orzusiga ishonishi va shu yoʻlda tinimsiz harakat qilishi kerak. Bu oson va qisqa yoʻl emas, lekin hech qanday holatda toʻxtash yoki taslim boʻlish mumkin emas. Har kuni jiddiy mehnat qilib, doim oʻz ustida ishlash lozim. Boshqa retsept yoʻq», – deydi Pyanich.

Ma’lumot uchun, 35-yoshli Pyanich 2020/2021 mavsumida «Barselona» safida toʻp surgan.

Abbos Fayzullayev esa 2023-yil yozidan buyon Moskva klubi sharafini...

Yevropa Kengashi prezidenti Antonio Koshta Markaziy Osiyo va Yevropa Ittifoqi o‘rtasidagi hamkorlik mustahkamlanib borayotganini ta’kidladi. Bu haqda u matbuot anjumanida ma’lum qildi, deb xabar bermoqda Kursiv Uzbekistan muxbiri.

Uning so‘zlariga ko‘ra, YeI Markaziy Osiyo bilan iqtisodiy aloqalar, savdo va investitsiyalarni yanada kengaytirishga intilmoqda. Koshta bu borada YeI tomonidan katta mablag‘ ajratilishini qayd etdi:

«Biz Global Gateway tashabbusi doirasida mintaqa uchun 12 milliard yevrodan ortiq mablag‘ yo‘naltiryapmiz» – dedi Koshta.

Shuningdek, Koshta YeI O‘zbekiston bilan hamkorlik shartnomasini shu yilda Tojikiston bilan esa kelasi yilda imzolashni rejalashtirayotganini ma’lum qildi. Uning ta’kidlashicha, YeI Markaziy Osiyo uchun ishonchli...

Svetlana Xe Markaziy bank va Kuzatuv kengashi tasdig‘idan so‘ng «Uzum Bank» boshqaruvi raisi lavozimini egalladi. Yangi lavozimda u jamoasi bilan bankning uzoq muddatli rivojlanishiga, foydalanuvchilar va biznes uchun innovatsion fintex mahsulotlarini ishga tushirishga, shuningdek, kompaniyaning bozordagi mavqeyini mustahkamlashga e’tibor qaratadi.

«Uzum Bank» o‘zining mahalliy infratuzilmasini rivojlantirmoqda. Bu infratuzilma nafaqat jahon darajasidagi fintex xizmatlarining, balki mutlaqo yangi texnologiyalar va yechimlarning asosiga aylanishi mumkin. Biz uchun global tajriba va ilg‘or texnologik amaliyotlardan foydalanib, foydalanuvchilar va tadbirkorlarning ehtiyojlarini hisobga olgan holda mahsulotlar yaratish muhim. Ishonchim komilki, Uzum ekotizimi jamoasi bilan birgalikda raqamli xizmatlarni mutlaqo yangi bosqichga olib chiqamiz hamda...

Mart oyi oxirida O‘zbekistonda Leapmotor yengil avtomobillarini sertifikatlash vaqtincha to‘xtatilgandi. Xitoylik mutaxassislar ishtirokida avtomobil qayta sinovdan o‘tkaziladi. Bu haqda Texnik jihatdan tartibga solish sohasida nazorat inspeksiyasi ma’lum qildi.

Inspeksiya ma’lumotlariga ko‘ra, Leapmotor kompaniyasiga tegishli C16 rusumli avtomobil shu yilning 10-mart kuni elektromagnit moslashuvchanlik (EMS) sinovlaridan o‘tkazilgan. Natijada avtomobil xalqaro xavfsizlik talablariga javob bermagan, shuningdek, elektromagnit nurlanish darajasi belgilangan me’yordan 16 baravar yuqori ekanligi aniqlangan.

Ayni paytda inspeksiya va kompaniya mutaxassislari o‘rtasida muzokaralar davom etmoqda. Yaqin kunlarda Leapmotor vakillari O‘zbekistonga tashrif buyurib, ular ishtirokida avtomobillar qayta sinovdan o‘tkaziladi.

Avvalroq Kursiv Uzbekistan ushbu avtomobillarining sertifikatsiyasi vaqtincha to‘xtatilgani haqida xabar berilgandi.

2025-yilning yanvar-fevral oylarida Oʻzbekistonga $60 mlnlik 552,6 ming dona mobil telefon import qilingan. Bu haqda Milliy statistikasi xabar bermoqda.

Yetkazib berishning asosiy qismi Xitoyga toʻgʻri keldi. Ushbu mamlakat 404,1 ming qurilma yetkazib berdi.

Mamlakatimizga mos ravishda 129,5 ming va 14,2 ming dona telefon yetkazib bergan Vyetnam va Hindiston kuchli uchlikka kirgan.

Oʻtgan 2024-yilning ilk ikki oyida ham Xitoy (535,6 ming), Vyetnam (117,7 ming) va Hindiston (4,8 ming) kuchli uchlikni egallagan.

Eslatib oʻtamiz, Kursiv Uzbekistan 2024-yilda Oʻzbekistonga qancha telefon import qilingani haqida yozgan edi.

Brent neftining narxi $69 dan pastga tushdi. Bu haqda TASS xabar bermoqda.

Ma’lum qilinishicha, bu 2025-yil 11-martdan beri birinchi marta roʻy berdi. Toshkent vaqti bilan soat 12:00 ga kelib, Brent narxi 1,55 foizga pasayib, $69,05 ga yetdi. Soat 12:18 ga kelib narx yana pasayib, $68,76 ni tashkil etdi.

Buning asosiy sababi sifatida 3-aprelda OPEC tomonidan e’lon qilingan qaror koʻrsatilmoqda. Unda OPEC+ning sakkiz mamlakati may oyida neft ishlab chiqarishni kuniga 411 ming barrelga oshirishini ma’lum qilgan.

Bu qaror avvalgi rejaga qaraganda 135 ming barrelga koʻproq ishlab chiqarishni anglatadi. Mutaxassislar buni ishlab chiqarish hajmlarining tiklanishiga olib kelishi mumkin, deb hisoblamoqda.

Eslatib...

7-apreldan AQSh dollarining rasmiy kursi 26,76 so‘mga oshib, 12 947,20 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 860 – 12 915 so‘mdan sotib olayotgan bo‘lsa, 12 930 – 13 000 so‘m oralig‘ida sotmoqda.

Shu bilan birga, yevro 30,04 so‘mga tushib, 14 222,50 so‘mga yetdi. Rossiya rubli esa 0,14 so‘mga tushib, 153,38 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.   

15-may kuni shahar va viloyatlararo yo‘lovchi tashish yo‘nalishlarida ishlash huquqini olish bo‘yicha ochiq tender bo‘lib o‘tadi. Bu haqda Transport vazirligi xabar berdi.

Ushbu tender Vazirlar Mahkamasining 2021-yil 6-dekabrdagi 738-son qarori ijrosini ta’minlash maqsadida o‘tkazilmoqda. Qarorga ko‘ra, avtomobil transportida yo‘lovchi tashish yo‘nalishlari bo‘yicha tenderlar elektron shaklda tashkil etilishi belgilangan.

Jarayon 15-may kuni soat 14:00 da start oladi. Unda ishtirok etish istagidagi tashuvchilar o‘z takliflarini e-tender.uztrans.uz platformasi orqali taqdim etishlari kerak.

Avvalroq Kursiv Uzbekistan raqobat qo‘mitasi SSV huzuridagi Xaridlar markazining tenderini bekor qilgani haqida yozgandi.

O‘zbekiston prezidenti Shavkat Mirziyoyev Samarqandda o‘tgan xalqaro iqlim forumida iqlim o‘zgarishlari va uning salbiy ta’sirlariga qarshi kurashishda mamlakatlararo hamkorlikni kuchaytirishga chaqirdi. Bu haqda Kursiv Uzbekistan muxbiri ma’lum qildi.

Forumda ishtirok etgan Yevropa Ittifoqi va Markaziy Osiyo davlatlari rahbarlari bilan birgalikda O‘zbekiston ekologik barqarorlikni ta’minlash, «yashil» energetika va suv resurslaridan oqilona foydalanish bo‘yicha samarali yechimlarni ishlab chiqish zarurligini ta’kidladi.

«O‘zbekistonga xush kelibsiz! Samarqandga xush kelibsiz! Bugungi kunda bizning vazifamiz – kelajak avlodlar barqaror, xavfsiz va farovon dunyoda yashashi uchun barcha chora-tadbirlarni ko‘rishdan iborat. Buning uchun muloqotlarni mustahkamlash, umumiy ezgu maqsadlar yo‘lida birlashgan barcha davlatlarning sa’y-harakatlarini uyg‘unlashtirish...