Yangiliklar

O‘zbekiston va uning xalqi sha’nini, qadr-qimmatini yoki tarixini tahqirlovchi ommaviy chiqishlar qilgan chet el fuqarosi mamlakat hududiga kiritilmaydi. Bu haqda Senatning 57-yalpi majlisida qonun loyihasi ma’qullandi.

Ma’lum qilinshicha, bunday odamlar ro‘yxati yuritilib, agar bunday shaxslar O‘zbekiston hududida bo‘lsa, chiqarib yuboriladi.

“So‘nggi vaqtlarda ayrim chet el fuqarolari tomonidan O‘zbekiston davlat suverenitetiga, hududiy yaxlitligiga va xavfsizligiga zid bo‘lgan davlatlararo, milliy, diniy adovatni keltirib chiqaruvchi, O‘zbekiston xalqi sha’ni, qadr-qimmati, tarixini tahqirlovchi ommaviy chiqishlar hamda harakatlar sodir etish harakatlari uchrab turibdi», deydi senator Anvar To‘ychiyev.

Ro‘yxatga kiritilgan chet el fuqarosi yoki fuqaroligi bo‘lmagan shaxs O‘zbekiston hududiga belgilangan muddatga kiritilmaydi va unga nisbatan qator cheklovlar...

Toshkentdagi yangi omborxonalar poytaxtdan tashqarida yoki uning chekkalarida quriladi, deyiladi Commonwealth Partnership (CMWP) Uzbekistan konsalting kompaniyasi ma’lumotida.

Bunday joylarni tanlash ikki omil – yerning arzonligi va transport infratuzilmasining mavjudligi bilan bog‘liq.

CMWP mutaxassislari avtomagistrallar yonida omborxonalar qurish uchun uchta eng qiziqarli joyni aniqladilar. Ularga quyidagilar kirdi: Toshkent – Qo‘qon – Andijon (A373), Toshkent – Dushanbe (M34), Toshkent – Samarqand – Buxoro (M39).

Ular rivojlangan transport infratuzilmasi mavjudligi, temir yo‘lga yaqinligi bilan qulay.

Poytaxtdagi mavjud omborxonalar haqida gapiradigan bo‘lsak, ularning 56 foizi shahar markazidan 10 km.dan 15 km.gacha radiusda joylashgan.

«Bu masofa Toshkent markaziga yetkazib berish tezligini ta’minlash nuqtai nazaridan...

Joriy yilning 20-sentabr kuni O‘zbekistonga yangi tayinlangan xorijiy elchilar tomonidan ishonch yorliqlarini topshirish marosimi bo‘lib o‘tdi. Bu haqda prezident matbuot xizmati xabar berdi.

O‘zbekiston prezidenti Shavkat Mirziyoyev Hindiston elchisi Smita Pant, Koreya Respublikasi elchisi Von Do Yon, Mo‘g‘uliston elchisi Daadanxuu Batbaatardan ishonch yorliqlarini oldi.

Shuningdek, mamlakat rahbari Germaniya elchisi Manfred Xuterer, Isroil elchisi Gideon Lustig va Yevropa Ittifoqi delegatsiyasi rahbari Toyvo Klaardan ham ishonch yorliqlarini qabul qildi.

Davlat yetakchisi diplomatik vakolatxonalar rahbarlarini faoliyatni rasman boshlaganliklari bilan tabrikladi.

Prezident tomonidan konstruktiv va pragmatik ochiq tashqi siyosat natijasida Yangi O‘zbekistonning xalqaro maydondagi o‘rni va mavqei tobora mustahkamlanayotganini ta’kidlandi.

Eslatib o‘tamiz, avvalroq...

Xalqaro olimlar guruhi koronavirus pandemiyasi Xitoyning Uxan shahridagi Xuanan bozoridan boshlanganini aniqladi. Tadqiqot natijalari Cell jurnalida chop etilgan.

Tadqiqot shuni ko‘rsatdiki, birinchi shifoxonaga yotqizilgan 174 nafar bemorning 32 foizi yenotsimon itlar va jayralar kabi yovvoyi hayvonlar sotiladigan ushbu bozordan mahsulot sotib olgan. Bu virusni hayvonlardan odamga va aksincha o‘tishiga yordam bergan bo‘lishi mumkin.

Tadqiqot davomida SARS-CoV-2 ning ma’lum tashuvchilari bo‘lgan ko‘rshapalaklar yoki pangolinlarning genetik materiali aniqlanmadi. Bungacha ko‘rshapalaklar koronavirus tashuvchisi bo‘lishi mumkinligini taxmin qilingandi.

Avvalroq Kursiv Uzbekistan O‘zbekistonda koronavirusning yangi XEC shtammi aniqlanmaganini yozgan edi.

Oilaviy (maishiy) zo‘ravonlikdan himoya choralarini kuchaytirishga oid qonun loyihasi Senat tomonidan ma’qullandi. Bu haqda Kursiv Uzbekistan muxbiri xabar berdi.

Taqdim etilgan hisobotlarga ko‘ra, 2023-yil hamda joriy yilning may oyigacha 894 ta oilaviy jinoyatlar sodir etilgan. Shundan 55,6 foizi yarashgan qolgan 44,4 foiziga sudlar tomonidan jazo choralari belgilangan.

Ma’muriy javobgarlik to‘g‘risidagi kodeksning 592-moddasi va Jinoyat kodeksining 1261-moddasi bolaga nisbatan oilaviy (maishiy) zo‘ravonlik qilganlik uchun javobgarlik belgilash normasi bilan to‘ldirilmoqda.

Ushbu qonun loyihasida oilaviy (maishiy) zo‘ravonlik bilan bog‘liq ishlar yuzasidan yarashuv to‘g‘risidagi arizani surishtiruv va dastlabki tergov bosqichlarida emas, sud muhokamasi paytida berish tartibi joriy qilinishi belgilangan.

Eslatib o‘tamiz, avvalroq Kursiv...

20-sentabr kuni O‘zbekiston Respublika valyuta birjasida dollarning rasmiy narxi 4,99 so‘mga ko‘tarildi va 12 729,83 so‘mni tashkil qildi.

Tijorat banklar AQSh valyutasini 12 665 – 12 690 so‘mdan xarid qilishmoqda va 12 735 – 12 785 so‘mdan sotishmoqda.

Eslatib o‘tamiz, 19-sentabr kuni mamlakatda dollarning o‘rtacha qiymati 15,11 so‘mga pasaygan edi.

Mali poytaxti Bamakoda 17-sentabr kuni terrorchi guruh politsiya akademiyasi va aeroportga hujum qildi. Oqibatda 77 dan ortiq kishi halok bo‘ldi, 255 kishi jarohat oldi, deb xabar berdi Le Figaro agentligi.

Qayd etilishicha, hujum uchun javobgarlikni «Al-Qoida» terrorchilik tashkiloti bilan aloqador «Islom va musulmonlarni qo‘llab-quvvatlash guruhi» (JNIM) jangarilari o‘z zimmasiga olgan.

Mamlakat harbiy ma’murlari uzoq vaqt davomida qurbonlarning aniq sonini oshkor qilmadi, JNIM esa to‘qqiz soatlik hujum paytida «yuzlab qurbonlar va yaradorlar» haqida xabar berdi.

Hujumlar 2020-yildan beri davlat to‘ntarishidan keyin harbiylar nazorati ostida bo‘lgan Mali, Burkina-Faso va Nigerni birlashtirgan Saxel davlatlari konfederatsiyasining birinchi yilligi arafasida sodir bo‘ldi.

Avvalroq Kursiv...

O‘zbekistonda mashhur Top Gear France teleshousining epizodini suratga olish rejalashtirilgan. Bu haqda Parijda Turizm qo‘mitasi raisi Umid Shadiyev va Fransiyaning BBC Studios telekanali ijrochi prodyuseri Jek Tomas-Richard o‘rtasida bo‘lib o‘tgan muzokaralarda ma’lum bo‘ldi.

Fransiya tomoni O‘zbekistonning Parijdagi elchixonasi bilan birgalikda 2024-yil oxirigacha O‘zbekistonga bag‘ishlangan ko‘rsatuvning maxsus soni ustida ish boshlanganini ma’lum qildi.

Shu munosabat bilan sentabr oyi oxirida BBC Studios France delegatsiyasining O‘zbekistonga tashrifi rejalashtirilgan.

Top Gear France – bu mashhur avtomobillar haqida teleshou hisoblanadi. U birinchi marta 2015-yil 18-martda RMC Découverte kanalida efirga chiqqan.

Avvalroq Kursiv Uzbekistan Yaponiya teleshousi O‘zbekiston haqida maxsus ko‘rsatuvlar tayyorlagani haqida...

Qashqadaryo viloyatining Kitob tumanida 14 milliard so‘mlik avtomobil yo‘li qurilishi boshlandi, deb xabar berdi viloyat hokimligi.

Qashqadaryo hokimligiga ko‘ra, 15 km uzunlikdagi 4K-303 Kitob – Miroqi yo‘lini asfaltlash ishlari olib borilmoqda.

Eslatib o‘tamiz, Qashqadaryo viloyatida elektr ta’minoti tizimi modernizatsiya qilinib, uning doirasida yangi transformatorlar o‘rnatildi.

Avvalroq Kursiv Uzbekistan Toshkent viloyatidagi yo‘llarni ta’mirlash uchun 2 milliard so‘m ajratilgani haqida yozgan edi.

«Tolibon»ning Oʻzbekistondagi elchisi 28-sentabr kuni Toshkentga keladi, deb xabar berdi Afgʻoniston Tashqi ishlar vazirligi rahbari Amir Xon Muttaqiy.

«Bir qancha boshqa davlatlar ham bizning elchilarimizni qabul qilishga tayyorligini ko‘rsatdi. Biz bu yil davomida davlatlarga yanada ko‘proq diplomatik vakillarni jo‘natishni umid qilamiz», dedi Muttaqiy.

O‘zbekistonga elchi tayinlangani shu yilning avgust oyi oxirida ma’lum bo‘lgan edi. Ushbu lavozimni Abdul Gafar Tiraviy egallagan.

Bundan avval O‘zbekiston bosh vaziri Abdulla Aripov «Tolibon» hukumati vakillari bilan uchrashuvda O‘zbekiston Afg‘onistondan diplomatik missiya faoliyatini boshlash bo‘yicha ijobiy qaror qabul qilganini ma’lum qilgan edi.

Avvalroq...

Senatda o‘tkazilgan yalpi majlisda individual harakatlanish vositalari (skuter, samakat, elektrovelosipedlar va h.k) yordamida yo‘l harakatida huquqbuzarlik sodir etganlik uchun javobgarlikka oid qonun loyihasi ma’qullandi, deb xabar beradi Kursiv Uzbekistan muxbiri.

Mazkur qonun loyihasida Ma’muriy javobgarlik to‘g‘risidagi kodeksning 171-moddasi oltinchi qism bilan to‘ldiriladi.

Bunda foto va video qayd etish texnika vositalari orqali aniqlangan huquqbuzarliklar haqida o‘z vaqtida fuqaroni xabardor etish va chora ko‘rish bilan bog‘liq yangi norma kiritilmoqda.

Shuningdek, yo‘l harakati qoidalari buzilishiga oid ma’lumotlar 48 soat ichida Yo‘l harakati xavfsizligi xizmatiga yuborilishi, aks holda haydovchi ma’muriy javobgarlikka tortilmasligi belgilanmoqda.

Tez-tibbiy yordam hamda yong‘in-qutqaruv bo‘linmalariga yo‘l berishi natijasida MJtK...

Senatning 57-yalpi majlisida hokim va mahalliy Kengash raisi lavozimlari bir-biridan ajratilishiga oid qonun loyihasi ma’qullandi, deb xabar berdi Kursiv Uzbekistan muxbiri. 

Qonun loyihasida xalq deputatlari Kengashlariga deputatlar orasidan saylanadigan rais boshchilik qilishi, u o‘z faoliyatini jamoatchilik asosida amalga oshirishi belgilangan.

Bundan tashqari, qonun loyihasida hokim o‘z nomzodini ko‘rib chiqishda mahalliy Kengashga hududni rivojlantirish dasturini taqdim etishi belgilandi.

Loyihada mahalliy kengash raisi vakolatlari ham kengaytirilib, «Kengash so‘rovi» va «Kengash tekshiruvi» institutlari joriy etilishi nazarda tutilgan.

 «Qonun mahalliy Kengashlarning davlat hokimiyati vakillik organi sifatidagi rolini kuchaytirish, hokimlar va mahalliy ijro etuvchi hokimiyat organlarining xalq oldidagi mas’uliyatini oshirish...

Senatning ellik yettinchi yalpi majlisida «Yer qa’ri to‘g‘risida»gi qonun loyihasi ma’qullandi, deb xabar berdi Kursiv Uzbekistan muxbiri.

Mazkur qonun orqali yer osti boyliklariga egalik qilish va ularni tasarruf etish hamda yer qa’ridan foydalanish hamda uni muhofaza qilish chog‘ida yuzaga keladigan munosabatlar tartibga solinadi.

Loyihada ta’kidlanishicha, yer qa’ridan foydalanish uchun ruxsatnoma olish, hisobotlarni taqdim etish bilan bog‘liq harakatlarda «yagona darcha» tizimi takomillashtirilmoqda.

«Qonunda sohaning investitsiyalar jalb etuvchanligini keskin oshirish maqsadida davlat organi nazorati ostida yer qa’ridan foydalanish ruxsatnomasini litsenziat tomonidan tasarruf etish (sotish, garovga qo‘yish yoki boshqa shaxslarga o‘tkazish) mexanizmi joriy etilmoqda», deyiladi Senat xabarida.

Toshkent xalqaro aeroporti hududida professional spotting-tur uchun arizalar qabul qilinmoqda. Bu haqda «Uzbekistan Airports» ma’lum qildi.

Unga ko‘ra, tadbirning taxminiy sanasi 2024-yil 16-oktabr etib belgilangan.

Spotting-turda barcha spotterlar ishtirok etishi mumkin. Nomzodlardan spotting@uzairports.com elektron manziliga ariza yuborishi va pasport skanerini ilova qilish talab etiladi. Arizalar 23-sentabr kuni soat 18:00 ga qadar qabul qilinadi.

Nomzorlar tanlashda professional foto va video uskunalari borligi, aviatsiya mavzularidagi o‘zining tematik veb-sayti, bloglarga egaligi va professional spotterlar resurslarida suratlari joylashtirilganiga ahamiyat beriladi.

Ariza ma’qullansa, nomzodga 2024-yil 25-sentabrga qadar javob xati jo‘natiladi.

Eslatib o‘tamiz, avvalroq «Toshkent» xalqaro aeroportida CIP yo‘lovchilarning chiqish joyi o‘zgargani haqida...

Sakkizinchi kun davom etayotgan ishchilar qo‘zg‘oloni Boeing kompaniyasiga $572 mln zarar yetkazdi. Bu haqda CNN Anderson Economic Group ma’lumotlariga tayanib xabar berdi.

Unga ko‘ra, qo‘zg‘olonda mashinistlar kasaba uyushmalari xalqaro assotsiatsiyasining 33 mingga yaqin a‘zolari ishtirok etmoqda.

Hozirgi kunda eng katta yo‘qotishlar Boeing tijorat samolyotlarini ishlab chiqarish to‘xtab qolgani bilan bog‘liq.

Anderson Economic Group rahbari Patrik Andersonning so‘zlariga ko‘ra, ish to‘xtalishining birinchi haftasida kompaniya samolyotni yakunlab, mijozlarga yetkazib bera olmagani uchun $445 mln yo‘qotgan. Chunki pulning katta qismini samolyot yetkazib berilgandan so‘ng olinadi.

Anderson sezilarli yo‘qotishlarga qaramay kompaniya bundan ham ko‘proq pul yo‘qotishi mumkinligini ta’kidladi.

Avvalroq Kursiv...

Oliy Majlis Senatining 57-yalpi majlisida psixologik yordam ko‘rsatishga oid qonun loyihasi ma’qullandi, deb xabar bermoqda Kursiv Uzbekistan muxbiri.

Ma’lum qilinishicha, mamlakatda 10 ta oliy ta’lim muassasasida «Psixologiya», 19 ta oliy ta’lim muassasasida «Pedagogika va psixologiya» ta’lim yo‘nalishlari bo‘yicha kadrlar tayyorlanmoqda.

Bundan tashqari, hozirgi kunda maktabgacha ta’lim tizimida 2,5 mingdan, umumiy o‘rta ta’lim maktablarida 13 mingdan ziyod pedagog-psixologlar faoliyat olib bormoqda.

«Qonun bilan aholiga psixologik yordam ko‘rsatishning asosiy prinsiplari, vazifalari, turlari, shakllari hamda standartlari belgilanmoqda», deyiladi Senatning rasmiy sahifasida.

Qonun loyihasida belgilanishicha, psixologik yordam ko‘rsatuvchi yuridik shaxs rahbari psixologik ma’lumotga ega bo‘lishi talab etiladi. Shuningdek, psixologik yordam ko‘rsatish standartlari Sog‘liqni saqlash vazirligi...

«Korzinkа» tijorat tarmog‘iga taqsimlash-tarqatuv markazini qurish uchun $25 mln pul mablag‘i ajratildi. Bu haqda «Korzinka» ijtimoiy sahifasida ma’lum qilindi.

Ma’lum qilinishicha, ushbu mablag‘ Toshkent – Germaniya Investitsiyalar va rivojlanish jamg‘armasi DEG (Deutsche Investitions und Entwicklungsgesellschaft mbH) tomonidan ajratilgan.

«Mahsulotlarni saqlash va yetkazib berish jarayonlarini optimallashtirish xarajatlarni kamaytiradi, transport tezligini oshiradi va savdo nuqtalarimizga doimo ta’minotni kafolatlashi mumkin», deb izoh berdi «Korzinkа» supermarketlari tarmog‘ining bosh direktori Rudd Pedersen.

Shuningdek, ushbu taqsimlash-tarqatuv markazi 40 ming kv/m maydonni egallaydi. «Korzinkа»ning yangi taqsimot markazi Markaziy Osiyodagi birinchi EDGE sertifikatiga ega logistika markazlaridan biri bo‘ladi.

Ma’lumot uchun, kompaniya 1996-yilda...

Oltin quymalarining narxi uch kunlik pasayishdan so‘ng yana ko‘tarildi. 5 grammlik oltin quymasining narxi 5,46 mln so‘mni tashkil qilmoqda. Bu haqda regulation xizmati xabar berdi.

Ma’lum qilinishicha, oltin quymalarining narxi joriy yilning 17 – 19-sentabr kunlari bosqichma-bosqich pasayib 5,42 mln so‘mgacha tushgan.  

Bugun 20-sentabr kunidan boshlab 1 grammlik oltin quymalarining narxi 1,08 mln so‘mni tashkil qiladi. Ushbu ko‘rsatkichlarning doimiy o‘zgarib turishi, narxlarning ko‘tarilib yoki pasayib borishi jahon bozoridagi narxlar bilan bog‘liq bo‘ladi.

LBMA taqdim etgan ma’lumotlarga ko‘ra, 19-sentabr kunduzgi belgilangan narxlar $2590.6 bo‘lsa, kechki hisobotlarga ko‘ra narxlar $2575.35’ni tashkil etgan, ya’ni tungi vaqtga kelib oltin narxlari...

Bugun «Humo» arenasida futzal boʻyicha Oʻzbekiston terma jamoasi mamlakatimizda oʻtayotgan jahon chempionatida uchinchi tur uchrashuvini oʻtkazadi. Bu haqda Sport vazirligi ma’lum qildi.

Unga ko‘ra, hamyurtlarimiz 1/8 yoʻllanmasi uchun kechadigan bellashuvda Kosta-Rikaga qarshi bahs olib boradi. O‘yin Toshkent vaqti bilan soat 20:00 da boshlanadi.

Eslatib o‘tamiz, avvalroq O‘zbekiston 1:4 hisobda Paragvay terma jamoasiga imkoniyatni boy bergan edi.

Angliyalik olimlar 50 yillik tadqiqotlardan so‘ng odamlarda yangi qon guruhlari tizimini aniqlashga muvaffaq bo‘ldi. Bu haqda TRT axborot agentligi ma’lum qildi.

Unga ko‘ra, 1972-yilda homilador ayoldan qon namunasi olinganda, shifokorlar unda o‘sha paytda ma’lum bo‘lgan barcha qizil qon hujayralarida topilgan sirt molekulasi tanqislik tufayli aniqladi.

«Nihoyat, bu yangi qon guruhi tizimini joriy qilish noyob, ammo muhim bemorlarga eng yaxshi yordamni ko‘rsatishda katta muvaffaqiyatdir», dedi Angliya milliy sog‘liqni saqlash xizmati gematologi Luiza Tilley.

Asosiy qon guruhlari tizimlari 20-asrning boshlarida kashf etilgan. Biroq so‘nggi yillarda kashf etilgan qon guruhlari, masalan, 2022-yilda aniqlangan Er qon tizimi, faqat...

Makroiqtisodiy va mintaqaviy tadqiqotlar instituti (IMRI) mutaxassislari 2024-yil sentabr oyida Toshkentning eng yirik supermarketlarida asosiy oziq-ovqat mahsulotlari narxlarini muntazam monitoring natijalarini e’lon qildi.

Qayd etilishicha, hisobot joriy yilning 8-avgust va 12-sentabrda o‘tkazilgan narx monitoringiga asoslanib tuzildi. Tadqiqot 21 ta mahsulotni qamrab oldi va natijalar turli mahsulotlar bo‘yicha minimal narxlarning pasayishi va o‘sishini ko‘rsatdi.

Shuningdek, 8 ta mahsulot narxi o‘tgan oyga nisbatan pasaygan. Narxlarning tushishi ayniqsa, meva va sabzavotlarga ta’sir ko‘rsatdi. Olmalar 28,2% ga, pomidorlar 18,7 foizga, karam 15,9 foizga va limonlar 13,8 foizga arzonlashdi.

Donlar orasida grechka narxi 5,9 foizga, tovuq go‘shti esa 3,1 foizga pasaygan. Shuningdek, sariq piyoz...

Germaniyaning Leypsig shahridagi munitsipal kutubxonalaridan birida avstriyalik musiqachi va bastakor Volfgang Amadey Motsartning ilgari noma’lum bo‘lgan asari topildi, deb xabar berdi The Guardian nashri.

Asar 1760-yillarning o‘rtalari yoki oxirlariga to‘g‘ri keladi. Bu asar Motsart o‘smirlik chog‘ida yozilgan bo‘lishi mumkin. Bu ajablanarli emas, chunki kompozitorning vunderkind bo‘lgani va musiqa yozishni erta boshlaganligi ma’lum.

Asar taxminan 12 daqiqa davom etgan bo‘lib, yetti qismdan iborat. U torli trio uchun yozilgan.

Tadqiqotchilar asarni Motsartning musiqiy asarlari katalogining yangi nashrini tuzish paytida topdilar. Qo‘lyozma qora-jigarrang siyoh bilan qo‘lda ishlangan qog‘ozga yozilgan.

Avvalroq Kursiv Uzbekistan Buyuk Britaniyaning mashhur The Beatles rok guruhi a’zolari 2-noyabr kuni...

O‘zbekistonda hududlarni qurish chog‘ida maydonning bir qismi ko‘kalamzorlashtirish uchun ajratilishi shart bo‘ladi. Mamlakat rahbariyati shunday talabni joriy etishni rejalashtirmoqda. Bu haqda respublika prezidenti Shavkat Mirziyoyevning matbuot xizmati xabar berdi.

Kuni kecha davlatimiz rahbari atrof-muhitni muhofaza qilish va turizm masalalariga bag‘ishlangan yig‘ilish o‘tkazdi.

Qurilish maydoniga tutash hududning kamida 25 foizini ko‘kalamzorlashtirish talabi balandligi 12 metrdan ortiq yoki umumiy maydoni 500 kvadrat metrdan ortiq bo‘lgan binoni qurayotgan tadbirkorlarga tatbiq etiladi.

Bundan tashqari, «yashil belbog‘lar»ni yaratish vazifasi yirik sanoat korxonalariga yuklatiladi.

Avvalroq Kursiv Uzbekistan Toshkent yaqinida yigirmatacha bog‘ paydo bo‘lishi haqida yozgan edi.

Bugun, 20-sentabr kuni O‘zbekiston bo‘ylab quruq va issiq ob-havo bo‘ladi. Kunduzi havo 31-darajagacha ko‘tariladi. Bu haqda Gidrometeorologiya xizmati agentligi xabar beradi.

Poytaxtda havo biroz bulutli bo‘lishi mumkin, biroq yomg‘ir yog‘maydi. Kunduzi havo 29-darajagacha isishi mumkin, kechga kelib 12-17 daraja iliq bo‘ladi.

Tog‘li hududlarda aksincha, qisqa muddatli yomg‘ir yog‘ishi mumkin. Kunduzi havo harorati 23-darajagacha isiydi, kechga kelib havo 9-14 daraja iliq bo‘ladi.