Yangiliklar

Fransiya raqobat boʻyicha milliy boshqarmasi 31-mart kuni Appleʼni iOS va iPadOS mobil ilovalari bozoridagi ustun mavqeyini suiisteʼmol qilishda ayblab, 150 mln yevro miqdorida jarimaga tortdi. Bu haqda Euronews nashri xabar berdi.

Regulyatorning maʼlum qilishicha, Appleʼning maʼlumotlarni yigʻish tizimi kerakli chegaralardan chiqib ketmoqda va raqobatni sunʼiy ravishda cheklamoqda. Xususan, 2021-yilda taqdim etilgan App Tracking Transparency (ATT) funksiyasi tashqi ishlab chiquvchilarning foydalanuvchilar maʼlumotlariga kirishini cheklaydi, biroq Appleʼning oʻzi bunday cheklovlarga duch kelmaydi.

Raqobat boʻyicha milliy boshqarmaning taʼkidlashicha, foydalanuvchilar uchinchi tomon ilovalaridan foydalanishda koʻplab rozilik soʻrovlariga duch keladi, Apple esa oʻz xizmatlari uchun bunday rozilikni talab qilmaydi.

Bunga javoban Apple ATT foydalanuvchilarning...

1-sentabrdan tadbirkorlarga bojxona to‘lovlari uchun yagona g‘azna hisobvarag‘i ochiladi. Bu haqda prezident farmoni qabul qilindi.

Shuningdek farmon bilan, davlat bojxona xizmati organlarining samaradorligini oshirish bo‘yicha muhim maqsadlar belgilandi.

Jumladan, 2030-yilga qadar Jahon bankining Logistika samaradorligi indeksida (LPI) O‘zbekiston bojxona rasmiylashtiruvi samaradorligi bo‘yicha kamida 55-pog‘onaga chiqishi belgilandi.

2026-yilgacha bojxona deklaratsiyalarini inson omilisiz rasmiylashtirish ulushi ikki barobarga oshirilib, 2028-yilgacha bojxona ko‘rigi 21 foizdan 15 foizga tushiriladi. 2030-yilgacha esa sun‘iy intellekt elementlaridan foydalangan holda xavfni boshqarish tizimi samaradorligi ikki hissa rivojlantiriladi.

Shu yilning 1-iyulidan veterinariya va fitosanitariya sohasida tashqi savdo yuklari bilan bog‘liq barcha hujjatlarga muhr va shtamp bosish amaliyoti bekor qilinadi...

«Kvars» aksiyalarining nazorat paketi davlat mulkiga qaytarildi. Bu haqda aksiyadorlarning navbatdan tashqari umumiy yigʻilishi bayonnomasida ma’lum qilindi.

Bayonnoma boʻyicha korxonaning 89,8 foizdan ortiq aksiyalari Davlat aktivlarini boshqarish agentligiga (DABA) oʻtkazildi. Eslatib oʻtamiz, ushbu davlat ulushi 2023-yilda «Quvasoysement»ga sotilgan edi.

Bundan tashqari, «Kvars»ning kuzatuv kengashi yangilandi. Uning tarkibiga DABA va «Oʻzsanoatqurilishmateriallari» AJ vakillari kiritilgan. Kursiv Uzbekistan vaziyatga oydinlik kiritish uchun agentlikka soʻrov yubordi.

Shuningdek, «Quvasoysement» «Kvars»ning jami 47,2 mln yevro miqdoridagi kredit majburiyatlarini soʻndirish majburiyatini olgan.

Avvalroq Kursiv Uzbekistan 2024-yilning uchinchi choragida «Kvars»ning sof zarari 127,5 milliard soʻmga yetgani haqida yozgan edi.

Huawei kompaniyasi yuk avtomobillar uchun yangi zaryadlovchi qurilmasini taqdim etadi. Bu haqda CarNewsChina nashri maʼlum qildi.

Ushbu qurilma 1,5 MVt quvvatga ega boʻlib, 2400 A maksimal oqimni qoʻllab-quvvatlaydi. Yangi texnologiya 20 kWt⋅soat quvvatga ega batareyalarni bir daqiqada toʻliq zaryad qilish imkoniyatini yaratadi.

Huawei tomonidan ishlab chiqilgan zaryadlovchi qurilma 22-aprel kuni taqdim etilishi rejalashtirilgan. U aynan ogʻir yuk mashinalari uchun moʻljallangan. Ushbu qurilma yordamida yuk mashinalari atigi 15 minutda toʻliq zaryadlanishi mumkin.

Huaweiʼning bu yangi yondashuvi Zeekr va BYD kabi raqobatchilardan farq qiladi. Chunki u aynan yuk mashinalariga moʻljallangan. Bu innovatsiya elektrotransport sohasida yangi imkoniyatlarni ochishi kutilmoqda.

Eslatib oʻtamiz, Kursiv...

Toyota gibrid avtomobillar buyurtmasini bajarishda bir qator muammolarga duch kelmoqda. Bu haqda Reuters agentligi maʼlum qildi.

Toyota kompaniyasining gibrid avtomobillariga boʻlgan talab tez surʼatlar bilan oshib bormoqda. Oʻtgan besh yil ichida gibrid avtomobillar sotuvi deyarli uch baravar — 5,7 mlndan 16,1 mlngacha oshgan.

Kompaniya ishlab chiqarish liniyalari va ehtiyot qismlar yetkazib beruvchilar talabni qondira olmayapti. Xaridorlar turli hududlarda kechikishlarga duch kelmoqda. Yevropada Yaris Cross yoki RAV4 plug-in kabi yangi modellarni kutish vaqti 60-70 kunga yetgan. Bu 2020-yilga nisbatan ikki baravar koʻp. Yaponiyada baʼzi modellarga besh oygacha, Hindistonda esa ikki oydan toʻqqiz oygacha kutish kerak. AQShda dilerlar esa Prius va...

Samsung kompaniyasi oʻz foydalanuvchilarini soxta smartfonlar sotib olishdan ogohlantirdi. Bu haqda Sammobile nashri xabar bermoqda.

28-mart kuni kompaniya Avstraliyadagi rasmiy saytida baʼzi elektronika doʻkonlari va onlayn bozorlarning soxta telefonlar bilan toʻlganini maʼlum qildi.

Soxta qurilmalar, odatda, rasmiy Samsung telefonlaridan sezilarli darajada arzonroq narxlarda sotilmoqda. Biroq, ular past sifatli materiallardan yasalgan boʻlib, ishlab chiqaruvchi tomonidan taqdim etiladigan Android yangilanishlari va kafolatga ega emas.

Samsung kompaniyasi foydalanuvchilarga, faqat rasmiy onlayn doʻkonlar yoki kompaniya tomonidan avtorizatsiya qilingan sotuvchilardan smartfonlar sotib olishni tavsiya qilmoqda. Ular shu tarzda mahsulotlarning haqiqiyligini tekshirishi va xatoliklardan saqlanishi mumkin.

Kompaniya shu bilan birga, foydalanuvchilarga soxta telefonlarni aniqlash uchun...

Mazda kompaniyasi yangi elektr krossoveri EZ-60 tizerini rasmiy ravishda taqdim etdi. Bu haqda Weibo nashri maʼlum qildi.

Ushbu model kompaniyaning yangi avlod avtomobillarini ishlab chiqishdagi yirik qadamidir. EZ-60ʼning tashqi koʻrinishida odatdagi yon oynalar oʻrniga zamonaviy kameralar oʻrnatilgan.

Bu dizayn avvalo aerodinamikaga eʼtibor qaratish bilan birga, avtomobilning tashqi koʻrinishini yanada zamonaviy va futuristik qiladi.

Mazda EZ-60 oʻrta oʻlchamdagi SUV (krossover) boʻlib, yuqori konfiguratsiyalarida tashqi kameralar bilan jihozlanadi. Kameralar, avvalgi oynalar bilan solishtirganda, yanada aniqroq tasvir va kengroq koʻrish imkoniyatini beradi. Bu texnologiya xavfsizlikni taʼminlashga yordam beradi va avtomobilning aerodinamik parametrlarini yaxshilaydi.

Mazda EZ-60 ning texnik xususiyatlari hali toʻliq eʼlon...

O‘zbekistonlik bokschilar Jahon kubogini dastlabki g‘alabalar bilan boshlashdi. Braziliyada start olgan boks bo‘yicha Jahon kubogining ilk kunida ringga chiqqan uch nafar o‘zbekistonlik bokschi ishonchli g‘alabaga erishib, keyingi bosqichga yo‘l oldi. Bu haqda O‘zbekiston boks federatsiyasi ma’lum qildi.

Shuningdek, 2-aprelga o‘tar kechasi yana uch nafar bokschimiz saralash janglarida ishtirok etadi:

Samsung savdo dasturi orqali eski qurilmalarni topshirish evaziga Galaxy A26 uchun chegirmalar taklif qilmoqda. Bu haqda Sammobile nashri ma’lum qildi.

AQShda kompaniya telefonlarga qaraganda planshetlar uchun yaxshiroq almashuv shartlarini taqdim etmoqda. Masalan, Galaxy A35 modelini topshirgan mijozlar atigi $80 chegirma oladi, Galaxy Tab S9+ esa $192gacha chegirmaga ega bo‘lishi mumkin. Shuningdek, iPhone 13 $145ga baholangan bo‘lsa, 11 dyuymli iPad Pro (2-avlod) $181lik chegirma bilan almashish imkonini beradi.

Bundan tashqari, xaridorlar Galaxy Buds FE va Galaxy Fit 3 aksessuarlarini 50% chegirma bilan, Galaxy Watch FE’ni esa 40% chegirma bilan qo‘lga kiritishlari mumkin.

Galaxy A26 oldingi modellarga nisbatan sezilarli yaxshilanishlarga ega...

Samarqandda 1–6-aprel kunlari «Markaziy Osiyo — Yevropa Ittifoqi» sammiti sababli talabalarga navbatdan tashqari ta’til e’lon qilindi. Bu haqda Oliy ta’lim, fan va innovatsiyalar vazirligi ma’lum qildi.

Unga ko‘ra, tadbirlarni yuqori saviyada tashkil etish va shahardagi transport harakatini cheklash maqsadida ayrim oliy ta’lim muassasalari va ularning huzuridagi texnikum hamda akademik litseylarga qisqa muddatli ta’til beriladi.

Ta’til quyidagi ta’lim muassasalariga tegishli: Samarqand davlat universiteti, Samarqand davlat chet tillar instituti, Samarqand iqtisodiyot va servis instituti, «Ipak yo‘li» turizm va madaniy meros xalqaro universiteti, Toshkent axborot texnologiyalari universiteti Samarqand filiali, Samarqand davlat tibbiyot universiteti, O‘zbekiston-Finlandiya pedagogika instituti, shuningdek, Samarqand davlat universiteti va tibbiyot...

Samsung Galaxy S25 seriyasi kuchli start oldi. Kompaniya birinchi oyda 4,5 mlndan ortiq Galaxy S25 smartfonlarini sotdi, ularning 50% dan ortig‘i Galaxy S25 Ultra modeliga to‘g‘ri keladi. Bu haqda WCCF Tech nashri ma’lum qildi.

Hana Securities ma’lumotlariga ko‘ra, Samsung 2025-yil fevral oyida 19 mlndan ortiq smartfon yetkazib berdi. Bu o‘tgan yilga nisbatan 15% ko‘p, ammo yanvar oyidan 3% kam. Galaxy S25 Ultra 2,55 mln dona sotilgan bo‘lsa, bazaviy Galaxy S25 1,17 mln, Galaxy S25 Plus esa 840 ming dona xarid qilingan.

Galaxy S24 seriyasi hali ham kunlik savdoda Galaxy S25’ni ortda qoldirmoqda (240 mingga 180 ming), ammo yangi chegirmalar...

1-aprel kuni O‘zbekistonda havo biroz bulutli bo‘lib, yog‘ingarchilik kutilmaydi. Respublikaning aksariyat hududlarida iliq bahoriy ob-havo davom etadi, deya yozmoqda «O‘zgidromet».

Toshkent shahrida harorat kechasi 10-12° iliq, kunduzi esa 24-26° iliq bo‘ladi.

Qoraqalpog‘iston va Xorazm viloyatlarida kunduzi 25-30° iliq, kechasi esa 10-15° iliq bo‘lishi kutilmoqda. Navoiy va Buxoro viloyatlarida ham shunday harorat saqlanadi.

Samarqand, Jizzax va Sirdaryo viloyatlarida kunduzi 22-27° iliq, kechasi 7-12° iliq bo‘ladi.

Qashqadaryo va Surxondaryo viloyatlarida esa harorat kechasi 10-15° iliq, kunduzi 25-30° iliq bo‘ladi.

Andijon, Namangan va Farg‘ona viloyatlarida kunduzi 20-25° iliq, kechasi esa 7-12° iliq bo‘lishi kutilmoqda.

Tog‘li hududlarda nisbatan...

Yaponiyaning Sukiya restoran tarmog‘i gigiyena muammolari sababli 2 mingga yaqin filialini vaqtincha yopdi. Bu haqda CNN axborot agentligi ma’lum qildi.

Unga ko‘ra, ushbu qaror Tokiodagi filiallardan birida hasharot topilgani, yanvar oyida esa Tottori shahrida mijoz miso sho‘rvasidan kalamush chiqqani ortidan qabul qilindi.

Kompaniya 31-martdan 4-aprelgacha filiallarni tozalash va zararkunandalarga qarshi kurashish ishlari uchun yopishini e’lon qildi. Hodisadan aziyat chekkan mijozga pul qaytarilgan, shuningdek, barcha filiallarda xavfsizlik choralari kuchaytirilmoqda.

Sukiya Yaponiyada 1 957 ta, chet elda esa 675 ta filialga ega bo‘lib, Zensho Holdings tarkibiga kiradi.

Eslatib o‘tamiz, avvalroq qandolat tayyorlash bo‘yicha Jahon kubogida Yaponiya g‘alaba qozongan edi.

Andijon viloyatining Izboskan tumanidagi masjid hududida ro‘y bergan baxtsiz hodisa oqibatida jabrlanganlarga yordam ko‘rsatish va vaziyatni o‘rganish maqsadida Vazirlar Mahkamasining tegishli farmoyishi bilan hukumat komissiyasi tuzildi. Bu haqda bosh vazir matbuot xizmati ma’lum qildi.

Farmoyishga muvofiq, bosh vazir o‘rinbosari komissiyaga Ochilboy Ramatov boshchilik qiladi. Komissiya halok bo‘lganlarning oila a’zolariga moddiy va ma’naviy yordam ko‘rsatish, jabrlanganlarga tez tibbiy yordam berish hamda hodisaning kelib chiqish sabablarini o‘rganish ishlarini olib boradi.

Shuningdek, bunday favqulodda holatlarning oldini olish choralari ham ishlab chiqiladi.

Eslatib o‘tamiz, avvalroq Izboskandagi gaz portlashi uch kishining hayotiga zomin bo‘lgan edi.

31-mart kuni Andijon viloyati, Izboskan tumanidagi masjid hududidagi tahoratxonada gaz-havo aralashmasining chaqnashi oqibatda uch kishi halok bo‘ldi. Bu haqda FVV ma’lum qildi.

Unga ko‘ra, Favqulodda vaziyatlar bo‘yicha xizmatlar voqea joyiga zudlik bilan yetib borib, hodisa oqibatlarini bartaraf etish ishlarini olib bormoqda. Tahoratxona devor va tom qismiga zarar yetgani, ammo yong‘in sodir bo‘lmagani ma’lum qilindi.

Hodisa haqida xabar olingach, viloyat hokimi, huquqni muhofaza qilish organlari vakillari va mutasaddi tashkilotlar voqea joyiga yetib borgan.

Shuningdek, vodiyda xizmat safarida bo‘lgan Bosh vazir o‘rinbosari va Favqulodda vaziyatlar vaziri ham Izboskanga kelgan.

Jabrlangan fuqarolar shifoxonaga yetkazilgan, ularga zarur tibbiy yordam ko‘rsatilmoqda. Mutasaddi tashkilotlar...

BMW o‘zining yangi X5 Protection VR6 modelini taqdim etdi. Bu haqda Speed Me nashri ma’lum qildi.

Unga ko‘ra, ushbu bronli yo‘ltanlamas VR6 himoya darajasiga ega bo‘lib, o‘qotar qurollar va kichik portlashlardan himoya qila oladi.

Avtomobil tashqi ko‘rinishi jihatidan BMW X5 M60i modeliga o‘xshash, biroq uning eshiklari, tomi, poldagi qismi va oynalari mustahkamlangan, yonilg‘i baki esa o‘zini avtomatik himoya qilish xususiyatiga ega.

3275 kg vaznga ega bo‘lishiga qaramay 4,4 litrli V8 dvigatel avtomobilni 5,9 soniyada 100 km/soat tezlikka chiqaradi. Maksimal tezlik esa 210 km/soat bilan cheklangan.

BMW X5 Protection VR6 AQShning Spartanburg zavodida ishlab chiqariladi va standart X5 G05 kabi...

Qishloq xo‘jaligida yer resurslaridan samarali foydalanish choralari bo‘yicha qaror qabul qilindi. Bu haqda Adliya vazirligi ma’lum qildi.

Unga ko‘ra, qishloq xo‘jaligi yerlarini ijara asosida ajratish jarayoni birmuncha soddalashtiriladi. Endilikda elektron auksion savdolari qisqa muddatlarda o‘tkaziladi, takroriy savdolarda esa yagona talabgor bo‘lsa, unga yer ajratish imkoniyati beriladi.

Shuningdek, har bir takroriy savdoda boshlang‘ich narx bosqichma-bosqich pasaytirilib, 20 foizgacha tushirilishi mumkin. 2025-yil 1-apreldan boshlab, yer uchastkalari uchun ijara huquqini olishda bo‘lib-bo‘lib to‘lash imkoniyati bekor qilinib, to‘lovlar 15 ish kuni ichida amalga oshirilishi shart bo‘ladi.

Bundan tashqari, 2025 – 2026-yillarda auksionga chiqariladigan yerlarning 10 – 20 foizi chorvachilik uchun yem-xashak yetishtirish sharti...

Xo‘jand shahrida O‘zbekiston, Tojikiston va Qirg‘iziston prezidentlari uch mamlakat davlat chegaralari tutashgan hududda Do‘stlik stelasini tantanali ravishda ochib berdi. Bu haqda davlat rahbari matbuot xizmati ma’lum qildi.

Marosimda videoaloqa orqali bosh vazir o‘rinbosarlari obyektning tayyorligi haqida axborot berdi.

Ushbu yodgorlik qardosh davlatlar o‘rtasidagi do‘stlik va strategik sheriklikning yangi ramzi sifatida barpo etildi.

Shuningdek, Xo‘jand shahrida O‘zbekiston, Tojikiston va Qirg‘iziston Prezidentlari uch tomonlama uchrashuv o‘tkazdi. Davlat rahbarlari Ramazon hayiti va Navro‘z bayrami bilan bir-birlarini tabriklab, mintaqaviy hamkorlikning ustuvor yo‘nalishlarini muhokama qildilar.

Chegaralarni delimitatsiya qilish bo‘yicha shartnoma imzolanishi va Do‘stlik stelasining ochilishi uch mamlakat o‘rtasidagi mustahkam hamkorlikning ramzi sifatida qayd etildi...

Andijon viloyati Izboskan tumanidagi masjidlardan birida havo-gaz aralashmasi portlashi sodir bo‘ldi. Bu haqda FVV matbuot xizmati ma’lum qildi.

Unga ko‘ra, masjid Mirzo Ulug‘bek nomidagi mahalla hududida joylashgan. Dastlabki ma’lumotlarga ko‘ra, olti kishi jabrlandi. Hodisa joyiga viloyat FVV xodimlari va boshqa idoralar rahbarlari yetib borgan. Hozirgi kunda hodisaning asl sabablari aniqlanmoqda.

Eslatib o‘tamiz, avvalroq Myanmada kuchli zilzila yuz bergan edi.

O‘zbekiston va Tojikiston tashqi siyosat idoralari rahbarlari Shavkat Mirziyoyev va Emomali Rahmon huzurida Ittifoqchilik munosabatlari to‘g‘risidagi shartnomaning kuchga kirishi haqidagi bayonnomani imzoladilar va ratifikatsiya yorliqlarini almashdilar. Bu haqda davlat rahbari matbuot xizmati ma’lum qildi.

Unga ko‘ra, mazkur shartnoma 2023-yil 18-aprelda Dushanbe shahrida oliy darajadagi sammitda imzolangan edi. Hujjat ratifikatsiya yorliqlari almashilgan kundan boshlab rasmiy kuchga kirdi.

Shuningdek, tomonlar oliy darajadagi kelishuvlarni amalga oshirish doirasida strategik sheriklik va ittifoqchilikni rivojlantirish masalalarini muhokama qildilar. Davlat rahbarlari Ramazon hayiti bilan bir-birlarini samimiy tabrikladi.

Ikki davlat o‘rtasidagi hamkorlik yuksak darajaga yetgani qayd etildi. 2024-yilda o‘zaro savdo hajmi $700 mlndan oshdi, sanoat va qishloq...

Urganchda RANCH Texnologiya universitetining zamonaviy kampusi ishga tushirildi. Bu haqda Xorazm viloyati hokimi matbuot xizmati ma’lum qildi.

Unga ko‘ra, hokim Jo‘rabek Rahimov ishtirok etgan ochilish marosimida bu loyiha ta’lim sifati va ilmiy jarayonlarni yangi bosqichga olib chiqishi ta’kidlandi.

$10 mln investitsiya jalb qilingan kampus uchun barcha qurilish va jihozlash ishlari mahalliy ishlab chiqaruvchilar tomonidan amalga oshirilgan, bu esa mablag‘ni sezilarli tejash imkonini berdi.

Yangi binoda 16 ming nafar talaba uchun qulay sharoit yaratilgan. Universitet yo‘nalishlari soni 36 taga yetkaziladi.

Shuningdek, 400 o‘rinli talabalar turarjoyi foydalanishga topshirildi, kelgusida yana 50 milliard so‘m mablag‘ hisobiga qo‘shimcha yotoqxona qurilishi rejalashtirilgan.

Eslatib...

Shavkat Mirziyoyev amaliy tashrif bilan Xo‘jand shahriga keldi. Bu haqda davlat rahbari matbuot xizmati ma’lum qildi.

Unga ko‘ra, aeroportda uni Tojikiston prezidenti Emomali Rahmon kutib oldi. Tashrif sharafiga davlat bayroqlari ko‘tarilib, milliy kuy-qo‘shiqlar ijro etildi.

Bugun O‘zbekiston, Tojikiston va Qirg‘iziston prezidentlarining uch tomonlama uchrashuvi bo‘lib o‘tadi. Unda do‘stlik, yaxshi qo‘shnichilik va strategik sheriklikni mustahkamlash, savdo-iqtisodiy hamkorlikni kengaytirish masalalari muhokama qilinadi.

Uchrashuv yakunida uch davlat chegaralarining tutash nuqtasi bo‘yicha shartnoma imzolash rejalashtirilgan. Prezidentlar san’at ustalari ishtirokidagi qo‘shma konsertda ham qatnashadilar.

Eslatib o‘tamiz, avvalroq Shavkat Mirziyoyev amaliy tashrif bilan Olmaota shahriga borgan edi.

3 – 5-aprel kunlari Samarqandda bo‘lib o‘tadigan «Markaziy Osiyo — Yevropa Ittifoqi» sammiti sabab shaharga kirish yo‘llari vaqtincha yopiladi. Bu haqda YHXX rasmiy sahifasida ma’lum qilindi.

Tranzit transport vositalari uchun aylanma yo‘llar tashkil etilgan bo‘lib, maxsus flayer orqali (QR-kod) batafsil ma’lumot olish mumkin. Viloyat IIB Samarqandga tashrifni boshqa kunga surishni tavsiya qiladi.

Sammit kunlari Ibn Sino, Afrosiyob, Dahbed, Bo‘stonsaroy, Universitet xiyoboni, Namozgoh, Sadriddin Ayniy, Shabod, Usta Umar Jo‘raqulov, Registon, Beruniy, Mirzo Ulug‘bek ko‘chalarida harakat cheklanadi.

Ma’lumot uchun, cheklovlar vaqtida tez yordam va favqulodda xizmatlarga harakatlanishga ruxsat beriladi.

Eslatib o‘tamiz, avvalroq yevrokomissar Yozef Sikela O‘zbekistonga kelishi haqida yozgan edik.

30-mart kuni, Bornmut shahridagi «Vitaliti» stadionida Angliya Kubogi 1/4 final bosqichida «Bornmut» va «Manchester Siti» jamoalari o‘zaro bahs olib bordi. O‘yin «shaharliklar» foydasiga 1:2 hisobda yakunlandi, deya yozmoqda Goal nashri.

Unga ko‘ra, «Manchester Siti» hujumchisi Erling Holand ikki bor hisobni ochish imkoniyatiga ega bo‘ldi.

12-daqiqada hakam «Bornmut» futbolchisi Adamsning qo‘li bilan o‘ynaganini aniqlab, mehmonlar foydasiga penalti belgiladi. Holand to‘pni pastdan o‘ng burchakka yo‘lladi, ammo darvozabon Kepa Arrisabalaga zarbani ushlab qoldi.

16-daqiqada Holand Kepaga qarshi yakkama-yakka vaziyatga chiqdi va to‘pni uning ustidan oshirib o‘tmoqchi bo‘ldi, lekin zarbasi darvoza ustidan o‘tib ketdi.

21-daqiqada «Bornmut» hujumchisi Evanilson Patrik Klyuyvertning uzatmasidan so‘ng hisobni...