Yangiliklar

Raqobat qo‘mitasi tomonidan ichki bozor nazorat xaridlari tadbiri doirasida 31 turdagi jami 157 ta mahsulot sinovdan o‘tkazildi. Bu haqda qo‘mita matbuot xizmati xabar berdi.

Natijada 9 ta osh tuzi, 5 ta sut va sut mahsuloti, 3 ta kolbasa va yana 8 turdagi jami 29 ta oziq-ovqat mahsuloti belgilangan normativ-texnik hujjatlarga mos kelmasligi aniqlandi.

Xususan, Qoraqalpog‘istondagi «Tap-Tatti» qandolat mahsuloti va Sirdaryodagi «Salar meat Products» MCHJning «Andalus doktorskaya» kolbasa mahsulotining qadog‘i tamg‘alanish talablariga javob bermagan. Surxondaryoda «Begomotik BONDI» pechenyesining yaroqlilik muddati o‘tib ketgan.

Navoiydagi «Fayzli» osh tuzida yod miqdori ham talabga javob bermagan. Samarqanddagi «Happy oil» MCHJ ishlab chiqargan 95-AI markali...

Bugun, 28-martdan Guliston – Toshkent – Chinorkent yo‘nalishida tezyurar poyezdlar harakati yo‘lga qo‘yiladi. Bu haqda «O‘ztemiryo‘lyo‘lovchi» AJ xabar berdi.

Ushbu shaharlararo tezyurar poyezd haftaning seshanba kunidan tashqari har kuni qatnovni amalga oshiradi.

Poyezdlar jadvali quyidagicha:

ByteDance kompaniyasi asoschisi Chjan Imin ilk bor Xitoyning eng boy odamlari reytingida yetakchilik qildi, deb xabar bermoqda Bloomberg.

Ma’lum qilinishicha, uning boyligi 2024-yil boshidan buyon $13,6 milliardga oshib, Bloomberg Billionaires Index ma’lumotlariga koʻra, 27-mart holatiga koʻra, $57,5 milliardga yetgan.

Undan keyingi oʻrinlarni Tencent Holdings hammuassisi Poni Ma egallab, uning boyligi $56,6 milliardga baholangan. Uchinchi pogʻonada esa qadoqlangan suv va alkogolsiz ichimliklar ishlab chiqaruvchi Nongfu Spring kompaniyasi rahbari Chjun Shanshan $54,1 milliard bilan joy olgan.

Shuningdek, Chjan Imin hozirda Osiyoning eng boy insonlari roʻyxatida uchinchi oʻrinda turibdi. Undan oldinda faqatgina hindistonlik biznesmenlar – Mukesh Ambani ($90,9 milliard) va Gautam Adani...

Milliy statistika qo‘mitasida prezidentning PF-27-son farmon mazmuniga bag‘ishlangan matbuot anjumani bo‘lib o‘tmoqda, deb xabar berdi Kursiv Uzbekistan muxbiri.

«Yaqin orada saytimizda sun’iy intellekt yordamida statistik ma’lumotlarni izlash mumkin bo‘ladi. Foydalanuvchilar tomonidan bildirilgan e‘tirozlarni inobatga olib, ushbu yangilanish joriy etilmoqda. Sababi oddiy fuqarolar ma‘lumotlarni izlashda qiyinchiliklarga duch kelmoqda», – dedi Milliy statistika qo‘mitasi birinchi o‘rinbosari Zoxidjan Ziyayev.

Ayni paytda www.siat.stat.uz manzili orqali foydalanuvchilar statistik ma’lumotlarni izlashlari mumkin.

Avvalroq Kursiv Uzbekistan mamlakat meva-sabzavot eksportini 23 foizga qisqartirgani haqida xabar bergan edi.

27-mart kuni «M-25» gaz konidagi 202-sonli quduqdan vodorod sulfidining nazorat ostidagi otilishi natijasida yong‘in sodir bo‘ldi. Bu holatga Energetika vazirligi izoh berdi.

Unga ko‘ra, tabiatga zarar yetkazmaslik va havo ifloslanishining oldini olish maqsadida quduq yoqib qo‘yilgan. Hodisa oqibatida hech kim jabrlanmagan.

Hozirda barcha zarur chora-tadbirlar maxsus texnika va uskunalar yordamida amalga oshirilmoqda. Xavfsizlik choralari kuchaytirilgan, aholi va yaqin atrofdagi hududlarga hech qanday xavf yo‘q.

Hodisa sabablari o‘rganilmoqda, batafsil ma’lumotlar ishlar yakunlangach e’lon qilinadi.

Ma’lumot uchun, «M-25» gaz konini o‘zlashtirish jarayoni murakkabligi bilan ajralib turadi va bu yerda xalqaro tajribaga asoslangan kuchaytirilgan nazorat choralari amalga oshirilmoqda.

Avvalroq Kursiv Uzbekistan turistlar...

O‘zbekiston musulmonlari idorasi Ramazon hayiti munosabati bilan 30-mart, yakshanba kuni o‘qiladigan hayit namozi vaqtlari haqida rasmiy ma’lumot berdi. Unga koʻra, poytaxtda Hayit namozi ertalabki 6:30 da oʻqiladi.

Mamlakatning boshqa hududlarida quyidagi vaqtlarda oʻqiladi:

Avvalroq O‘zbekiston musulmonlari idorasi Ramazon hayiti aynan 30-mart, yakshanba kuniga to‘g‘ri kelishi kutilayotganini ma’lum qilgan edi.

24 – 26-iyun kunlari Venetsiya yilning eng yirik marosimlaridan biriga — Jeff Bezos va Loren Sanchesning toʻyiga mezbonlik qiladi. Ushbu tadbir sababli shahar yopiq sahnaga aylanadi, deb xabar bermoqda Italiyaning la Repubblica nashri.

Nashrning yozishicha, mehmonlar uchun shahardagi barcha suv taksilari hamda eng nufuzli beshta mehmonxona – Gritti Palace, Danieli, Aman Venice, Cipriani va St. Regis band qilingan.

Toʻy marosimini Londonning Lanza & Baucina agentligi tashkil etmoqda. Mazkur agentlik avvalroq hindistonlik milliarder Agarvalning qizining toʻyini ham oʻtkazgan boʻlib, oʻsha tadbirda 800 mehmon ishtirok etgan.

Toʻy marosimi San-Jorjo-Majore orolida oʻtishi mumkin. Corriere del Veneto nashriga koʻra, Venetsiya uch kun davomida...

27-mart kuni Shavkat Mirziyoyev Yevropa komissiyasi vitse-prezidenti Kaya Kallas boshchiligidagi delegatsiyani qabul qildi. Bu haqda prezident matbuot xizmati xabar qildi.

Kaya Kallas prezidentga Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayenning samimiy salom va tilaklarini yetkazdi.

Suhbat davomida 3-4-aprel kunlari Samarqandda bo‘lib o‘tadigan «Markaziy Osiyo – Yevropa Ittifoqi» sammitiga tayyorgarlik muhokama qilindi. Savdo, transport, raqamlashtirish, ekologiya va infratuzilmani modernizatsiya qilish bo‘yicha hamkorlikni kuchaytirish muhimligi ta’kidlandi.

Shuningdek, O‘zbekistonning Yevropa Ittifoqi bilan kengaytirilgan sheriklik va hamkorlik bitimini imzolash hamda mamlakatning Jahon savdo tashkilotiga qo‘shilish jarayonlari muhokama qilindi.

Avvalroq Kursiv Uzbekistan Kaya Kallas 27-mart kuni Ashxobodda boʻlib...

28-mart kuni soat 06:17:53 da Qirg‘iz Respublikasining Jalolobod viloyatida 3,7 magnitudali zilzila sodir bo‘ldi. Seysmologik ma’lumotlarga ko‘ra, yer silkinishining episentri 41,67 N, 71,75 E koordinatalarda, 10 km chuqurlikda joylashgan.

Zilzilaning episentr nuqtasi Toshkent shahridan 216 km shimoliy-sharqda joylashgan bo‘lib, u yerda yer osti silkinishlari 5 ball kuch bilan sezilgan.

O‘zbekiston hududida esa zilzila sezilish kuchi quyidagicha qayd etildi:

Hozircha zilzila natijasida talafotlar yoki jabrlanganlar haqida ma’lumot kelib tushmagan. Mahalliy mutasaddi tashkilotlar vaziyatni kuzatib borishmoqda.

Avvalroq...

Joriy yil sentabrdan boshlab xalqaro maktab faoliyatini yoʻlga qoʻyish rejalashtirilmoqda. Bu haqda Shavkat Mirziyoyev huzurida taqdim etilgan iqtidorli yoshlarni qoʻllab-quvvatlash tizimini takomillashtirishga qaratilgan dastur taqdimotida ma’lum qilindi.

Unga koʻra, joriy yil sentabrda oʻz faoliyatini boshlagan xalqaro maktablarga 8-sinf bitiruvchilari orasidan 60 nafar oʻgʻil-qiz saralab olinadi. Ular uch qismdan iborat ta’lim dasturi asosida oʻqitiladi. Oʻquv yili uch davrga boʻlinib, 11 oy davom etadi.

Shuningdek, yoshlarni Amerikaning «Pechak ligasi» universitetlariga tayyorlash yoʻlga qoʻyiladi. Joriy yilning oʻzida uch ming nafar oʻquvchi saralab olinadi.

Eslatib oʻtamiz, Kursiv Uzbekistan nashri «Yoshlar daftari» joriy etilganidan buyon 1, 7 trln soʻmlik ijtimoiy yordam koʻrsatilgani haqida...

Markaziy bank «Biznesga koʻmaklashish mikromoliya tashkiloti» MCHJ faoliyatini mikromoliya tashkilotlar reyestriga kiritdi. Bu haqda Markaziy bank matbuot xizmati xabar bermoqda.

«Biznesga koʻmaklashish mikromoliya tashkiloti» MCHJ ni mikromoliya tashkiloti faoliyatini amalga oshiruvchi tashkilotlar reyestriga kiritish va hisob roʻyxatidan oʻtkazish Markaziy bank boshqaruvining qaroriga asosan amalga oshirilgan.

Eslatib oʻtamiz, Kursiv Uzbekistan nashri Delta yillik 28 foiz daromadlilik bilan obligatsiyalarni savdoga qo‘yilishi haqida yozgandi.

Doha shahrida Progressiv islohotlar markazi va Doha fan va texnologiya universiteti o‘zaro anglashuv memorandumini imzoladi. Mazkur akademik hamkorlikni yo‘lga qo‘yishga qaratilgan hujjat mamlakatimizning Qatardagi elchixonasi ko‘magida tashkil etildi. Bu haqda Progressiv islohotlar markazi Kursiv Uzbekistan’ga ma’lum qildi.

2022-yilda Amir Shayx Tamim bin Hamad Ol Soni farmoyishi bilan tashkil etilgan DFTU Qatardagi amaliy, texnik va kasb-hunar ta’limiga ixtisoslashtirilgan birinchi universitet hisoblanadi. Ushbu oliy ta’lim muassasasi biznes, muhandislik, IT, tibbiyot va umumiy fanlarga yo‘naltirilgan 5 ta kollejni o‘z ichiga oladi va 64 mutaxassislik bo‘yicha bakalavr hamda magistr tayyorlaydi.

Tomonlar Namanganda O‘zbekiston – Qatar kasbiy mahorat markazini tashkil etishni rejalashtirgan bo‘lib, ushbu markaz...

Ertaga, 28-mart kuni Oʻzbekiston hududida havo bulutli boʻlib, biroz yomgʻir yogʻishi kutilmoqda. Shamol sharqdan 7-12 m/s tezlikda esadi, deya xabar bermoqda «Oʻzgidromet».

Unga koʻra, Toshkent shahrida 26-martda vaqti-vaqti bilan yomgʻir yogʻadi. Shamol 7-12 m/s tezlikda esadi. Harorat kechasi 4-6 daraja iliq, kunduzi 10-12 daraja iliq boʻladi.

Qoraqalpogʻiston va Xorazmda kunduzi 12-17°, kechasi 2-7° iliq boʻlishi kutilmoqda. Shuningdek, ayrim joylarda yomgʻir yogʻadi.

Buxoro va Navoiyda harorat kechasi 12-17° va kunduzi 0-5° iliq boʻladi.

Toshkent, Sirdaryo, Samarqand va Jizzaxda kunduzi 10-15°, kechasi 1-6° iliq boʻladi, yogʻingarchilik kutilmaydi.

Qashqadaryo va Surxondaryoda yogʻingarchilik kutilmaydi, kunduzi 12-17°, kechasi 1-6° iliq boʻladi.

Andijon, Namangan va Fargʻonada esa...

Aprelda ob-havo qanday bo’ladi? Bu yil aprel oyi quruq ob-havo bilan boshlanadi. Bu haqda «O‘zgidromet» agentligi xabar berdi.

O‘zbekistonga bahorning eng faol davri – aprel oyi kirib kelmoqda. Bu oyda daraxtlarning gullashi, ekinlar hosil bera boshlashi va haroratning sezilarli o‘sishi kuzatiladi.

Aprelda ob-havo harorati mart oyiga nisbatan 5-7 darajaga, shimoliy va cho‘l hududlarida esa 8-10 darajaga yuqori bo‘ladi. Kunduz kunlari eng issiq paytlarda harorat 28-33 darajagacha ko‘tarilishi mumkin, ba’zi hududlarda esa 38-39 darajagacha yetishi ehtimoli bor.

Bu oy yil davomidagi eng nam oylardan biri hisoblanadi. Tog‘li hududlarda oy davomida 9 – 13 kun yomg‘ir yog‘ishi mumkin. Respublikaning ba’zi joylarida yomg‘ir...

Galaxy Z Flip 6 sotib olishga arziydimi? Kursiv Uzbekistan Sammobile nashriga tayanib, smartfon haqida to‘liqroq ma’lumot tayyorladi.

Dizayn va Displey

Smartfon tashqi ko‘rinishida oldingi avlod bilan o‘xshash bo‘lsa-da, yangi konstruktiv yechimlar qo‘llangan. Uning asosiy ekrani 6,7 dyuymli Dynamic AMOLED 2X texnologiyasi asosida yaratilgan. 120 Gs yangilanish tezligi esa silliq vizual tajribani ta’minlaydi.

Tashqi 3,4 dyuymli Super AMOLED displey foydalanuvchilarga ko‘plab funksiyalarni telefonni ochmasdan bajarish imkonini beradi. Tashqi ekran ancha yorqin bo‘lib, xabarlarni ko‘rish va oddiy vazifalarni bajarish qulay.

Ishlash samaradorligi

Ushbu smartfon Snapdragon 8 Gen 3 protsessori bilan jihozlangan. Bu esa avvalgi avlodlarga nisbatan ancha yuqori ishlash...

2030-yilgacha generatsiyada «yashil» energiya ulushini 50 foizga yetkazish rejalashtirilmoqda. Bu haqda prezident matbuot xizmati xabar berdi.

So‘nggi besh yilda respublikada elektr energiyasi ishlab chiqarish 30 foizga oshib, 81,5 mlrd kilovatt-soatga yetdi. O‘sib borayotgan talabni qondirish uchun qayta tiklanadigan energiya manbalari faol rivojlantirilmoqda. Natijada generatsiyada «yashil» energiyaning ulushi 16 foizga yetib, o‘tgan yili qo‘shimcha 3,2 gigavatt quvvat yaratilgan.

2035-yilga borib O‘zbekistonning elektr energiyasiga bo‘lgan ehtiyoji 121 mlrd kilovatt soatga yetishi prognoz qilinmoqda. Shu sababli, energiya ishlab chiqarishni diversifikatsiya qilish, jumladan, atom energetikasini rivojlantirish bo‘yicha chora-tadbirlar ko‘rilmoqda.

Shuningdek, 2030-yilgacha generatsiyada «yashil» energiya ulushini 50 foizga yetkazib, atom energiyasini bazaviy manbalardan biriga...

Oʻzbekistonda bozorlarda mahalliy hokimlikning majburiy ishtirok etish talabi bekor qilinadi. Bu haqda Shavkat Mirziyoyev 27-mart kuni davlat mulkini xususiylashtirish boʻyicha oʻtkazilgan kengaytirilgan yigʻilishda ma’lum qildi.

Yigʻilishda xususiylashtirish jarayonidagi sustkashliklar tanqid qilindi. Xususan, hududlarning imkoniyatlari oʻrganilmasdan 1,5 ming gektar yer auksionga chiqarilgan, biroq bir yildan beri sotilmagan. Shuningdek, davlat ulushi mavjud 243 ta mulk hali ham tegishli organlarga topshirilmagani qayd etildi.

Prezident 2025-yilda xususiylashtirish boʻyicha quyidagi maqsadlarni belgiladi:

Ukrainalik rassom Aleksandr Ivanchak «Manchester Siti» va Oʻzbekiston milliy terma jamoasi futbolchisi Abduqodir Husanovning kubik rubiklaridan yasalgan portretini joylashtirdi. Rasmning yaratilish videosi «Manchester Siti»ning rasmiy X akkoutida 300 ming martadan koʻproq koʻrildi.

Ivanchak kubik rubikni tez yigʻish boʻyicha Ukraina chempioni. Xusanovga qadar u boshqa taniqli shaxslar: Ukraina prezidenti Vladimir Zelenskiy , Ozarbayjon shoiri Nizomiy Ganjaviy va bokschi Aleksandr Usikning ham xuddi shunday portretlarini yaratgan edi.

Eslatib oʻtamiz, Kursiv Uzbekistan nashri Husanov fevral oyida «Man Siti»ning eng yaxshi futbolchisi deb tan olingani haqida yozgan edi.

O‘zbekiston rezidentlari 2024-yilda olgan daromadlari bo‘yicha yillik deklaratsiyani 1-aprelgacha topshirishi va 1-iyungacha soliq to‘lashi shart.

Deklaratsiya my3.soliq.uz shaxsiy kabineti orqali topshiriladi: my3.soliq.uz
Soliqni «Soliq» mobil ilovasi yoki boshqa to‘lov tizimlari orqali to‘lash mumkin (to‘lov kodi – 172).

Deklaratsiyani kimlar topshirishi kerak?

O‘zbekiston rezidenti bo‘lgan xorijliklar ham deklaratsiya topshirishlari shart.

Avvalroq Kursiv Uzbekistan barcha farmatsevtika va tibbiyot kompaniyalari QQS to‘lovchisiga aylanishi haqida xabar bergan edi.

Xitoyning Changan kompaniyasi oʻzining yangi elektr avtomobili Qiyuan E07 ni taqdim etdi. Bu haqda 32cars nashri xabar bermoqda.

Ushbu model juda noodatiy dizaynga ega boʻlib, sedan, krossover va hatto pikapning elementlarini birlashtirgan. Qiyuan E07 elektr platformaga asoslangan boʻlib, u toʻrt xil versiyada ishlab chiqariladi.

Modelning eng yuqori versiyasi 440 kVt (590 ot kuchi) quvvatga ega boʻlgan toʻrt elektromotor bilan jihozlanadi. Changan kompaniyasi bu krossoverni nafaqat Xitoy, balki butun dunyoda ommalashishini kutmoqda.

Eslatib oʻtamiz, Kursiv Uzbekistan nashri Oʻzbekistonda Changan va Deepal avtomobillari ishlab chiqarilishini ma’lum qilgan edi.

Toshkentda Davlat xavfsizlik xizmati va Bosh prokuratura departamenti xodimlari firibgarlik sodir etgani uchun bogʻcha mudirini qoʻlga oldi. Bu haqda DXX xabar berdi.

Mudira yuqori lavozimda ishlagan tanishlari orqali Shayxontohur tumanidagi toʻrtta umumtaʼlim maktabining futbol maydonlarini $8,5 mingga ijaraga berishni vaʼda qilgan.

U har bir futbol maydoni ijarasi uchun $2 ming, xizmatlari uchun esa $500 talab qilgan. Mudira pora olayotgan vaqtida hibsga olingan.

Mazkur holat yuzasidan 168-moddaning 2-qismi «a» bandi va 211-moddasi bilan jinoyat ishi qoʻzgʻatilgan. Hozirda tergov harakatlari olib borilmoqda.

Eslatib oʻtamiz, Kursiv Uzbekistan nashri argʻonada Korrupsiyaga qarshi kurashish boʻlimi boshligʻi $1 ming olayotgan vaqtida qoʻlga olingani haqida...

28-martdan AQSh dollarining rasmiy kursi 4 so‘mga oshib, 12 913,19 so‘mni tashkil etadi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 845 – 12 900 so‘mdan sotib olayotgan bo‘lsa, 12 910 – 12 970 so‘m oralig‘ida sotmoqda.

Shu bilan birga, yevro 26,67 so‘mga tushib, 13 908,80 so‘mga yetdi. Rossiya rubli esa 0,87 so‘mga oshib, 154,17 so‘mga teng bo‘ldi.

Kursiv Uzbekistan’ga sharh bergan tahlilchilarning fikricha, yil oxirigacha AQSh dollari 13 700 – 13 800 so‘mga yetishi mumkin.    

Shu yilning yanvar-fevral oylarida O‘zbekistonga sayyohlik maqsadida tashrif buyurgan Turkiya fuqarolari soni 22,5 ming kishiga yetdi. Bu haqda Milliy statistika qo‘mitasi xabar berdi.

Bu ko‘rsatkich o‘tgan yilning shu davriga nisbatan 8,3 ming nafarga (57,8 foizga) oshgan.

Turkiya fuqarolarining to‘qqiz mingdan ortig‘i xizmat safarlariga, yetti mingga yaqini turist bo‘lib, olti mingdan oshig‘i qarindoshlarni ziyorat qilishga kelgan.

Shuningdek, tijorat maqsadida 92 nafar, ta’lim bo‘yicha 68 nafar va davolanishga 11 kishi kelgani qayd etilgan.

Avvalroq «Kursiv» turistik maqsadlarda chet elga chiqqan oʻzbekistonliklar soni 17,7 foizga oshgani haqida yozgandi.

Ilon Maskning xAI kompaniyasi tomonidan ishlab chiqilgan Grok sun’iy intellekt chat-boti Android’da va Telegram’da foydalanish uchun taqdim etildi. Bu haqda chat-botning ijtimoiy tarmoqdagi sahifasida ma’lum qilindi.

Shu yilning fevral oyidan boshlab, Grok chat-botining Android uchun mo‘ljallangan rasmiy ilovasi Play Store’da paydo bo‘lgandi. Ilovadan foydalanish uchun foydalanuvchilar uni yuklab olib, o‘zlarining X (sobiq Twitter) akkauntlari orqali tizimga kirishlari kerak.

26-martdan boshlab esa chat-bot Telegram messenjerida ham ishlay boshladi. Foydalanuvchilar uni rasmiy Grok botini qo‘shish orqali ishlatishlari mumkin. Bu yangilik chat-botni yanada ommalashtirishga va foydalanuvchilar sonining ortishiga xizmat qilishi kutilmoqda.

Grok Telegram Premium obunachilar uchun qo‘shimcha imkoniyatlarni ham taqdim etadi. Ushbu...