Yangiliklar

Apple kompaniyasi o‘zining yangi iPhone 16 mobil qurilmasi taqdimotini bugun 9-sentabr kuni Toshkent vaqti bilan 22:00 da o‘tkazadi. Bu haqda Forbes axborot agentligi ma’lum qildi.

Unga ko‘ra, bugun iPhone 16 taqdim etishi kutilmoqda. Garchi telefon tashqi ko‘rinishida bir nechta kichik yangilanishlar bo‘lsa-da, kompaniya qurilma ichidagi muhim o‘zgarishlar mijozlarni xursand qilishiga ishonmoqda.

Tadbir «Porlashning ayni vaqti» nomli shior ostida bo‘lib o‘tadi.

Hozircha iPhone 16, Plus, Pro va Pro Max oldingilariga qaraganda 20-25% kuchliroq boʻlishi ma’lum qilindi.

Kompaniya Apple Intelligence sun’iy idrokining ba’zi funksiyalariga ham ishora qildi. Jumladan, AI Siri bilan yanada tabiiy tarzda suhbatlashish, elektron pochta xabarlarini yaratish va fotoalbomlaringizdan...

2024-yilning dastlabki 7 oyida mamlakatga tibbiy maqsadda 67,4 ming nafar chet mamlakat fuqarolari tashrif buyurgan. Bu haqda Statistika agentligi axborot xizmati ma’lumot berdi.

Qayd etilishicha, ushbu ko‘rsatkich 2023-yilning dastlabki yarmida 36,3 ming nafar bo‘lgan. Joriy yilda davolanish uchun tashrif buyurgan chet mamlakat fuqarolari soni o‘tgan yilgiga nisbatan 85,8 foizga yoki 31,1 ming nafarga oshgan.

Mamlakatga eng ko‘p Tojikistondan 51,6 ming nafar, Qozog‘istondan 7 ming nafar, Qirg‘izistondan esa 6 mingdan nafardan ziyod fuqarolar davolanish maqsadida kelgan.  

Avvalroq Kursiv Uzbekistan 2024-yilning yanvar – iyul oylari yakunlariga ko‘ra, 3,4 mln o‘zbekistonlik turistik maqsadlarda xorijga chiqqanligi haqida xabar bergan edi.

«Parij – 2024» yozgi Paralimpiya o‘yinlarida munosib ishtirok etgan va chempionlikni qo‘lga kiritgan para atletlarimiz Toshkent aeroportida tantanali kutib olindi. Bu haqda Sport vazirligi matbuot xizmati ma’lum qildi.

Unga ko‘ra, sportchilarimiz kutib olish marosimidan soʻng avtobus kortejlarida shahar boʻylab harakatlanadilar.

Chempionlar maxsus kortejda shahar boʻylab aylangach, Paralimpiya qo‘mitasi binosi oldida tantanali tarzda taqdirlanadilar.

Eslatib o‘tamiz, avvalroq O‘zbekiston delegatsiyasi Paralimpiya o‘yinlarini ham 13-o‘rinda yakunlagani haqida batafsil xabar bergan edik.

Davlat xavfsizlik xizmati hamda iqtisodiy jinoyatlarga qarshi kurashish departamenti tomonidan Surxondaryo va Qashqadaryo viloyatlarida korrupsiyaviy hamda firibgarlik holatlariga chek qo‘yildi. Bu haqda Davlat xavfsizlik xizmati matbuot xizmati xabar berdi.

Ma’lum qilinishicha, DXX Qashqadaryo viloyati boshqarmasi hamda iqtisodiy jinoyatlarga qarshi kurash departamenti xodimlari hamkorligida tezkor tadbir o‘tkazilgan.

Tadbir natijasida «Xavfsiz daryo boshqarmasi» davlat muassasasining rahbari tomonidan fuqaroning noqonuniy harakatiga ko‘z yumish hamda kelgusida noqonuniy harakatlarga «rahnamolik» qilish evaziga $3 ming olgan vaqtida qo‘lga olindi.  

Ushbu holat yuzasidan Jinoyat kodeksining 210-moddasi 2-qism «v» bandi bo‘yicha jinoyat ishi qo‘zg‘atilib qamoqqa olish tarzidagi ehtiyot chorasi qo‘llanildi.

Boshqa bir holat, Surxondaryo viloyatida...

Hukumat tashkilotlarida tadbirkorlik faoliyati bilan shug‘ullanganlik holati bo‘yicha 398 nafar boshqaruv xodimlari aniqlandi. Ushbu holat haqida Korrupsiyaga qarshi kurashish agentligi xabar berdi.

Xabarda ma’lum qilinishicha, 449 ta tadbirkorlik subyekti faoliyatida qurilish, suv xo‘jaligi hamda qishloq xo‘jaligi vazirliklari hamda vazirliklarning tizim tashkilotlari boshqaruv xodimlari tomonidan ta’sischilik asosida faoliyat yuritib kelayotgani aniqlangan.

Ushbu subyektlardan 339 tasida 279 nafar xodim qishloq xo‘jaligi vazirligidan, 35 ta subyektda esa, suv xo‘jaligi vazirligidan 26 nafar boshqaruv xodimi faoliyat yuritayotgani aniqlangan.  

Holat yuzasidan Korrupsiyaga qarshi kurashish agentligi tomonidan vazirliklarga tegishli tartibda taqdimnomalar kiritilib, holatga chek qo‘yilgan.

Avvalroq Kursiv Uzbekistan mamlakatning uchta tumanida korrupsiya holatlari aniqlangani haqida...

«Toshkent» respublika fond birjasidan (RFB) joy olgan yuqori likvidli aksiyalar ortda qolgan haftada turli dinamikani qayd etdi. Kursiv Uzbekistan hafta davomida RFBdagi qimmatli qogʻozlarning oʻzgarishini tahlil qildi.

Yuqori likvidli aksiyalar qatoridan «Oʻzsanoatqurilishbank»ning imtiyozli aksiyalari, «Biznesni rivojlantirish banki», «Trastbank», «Biokimyo», «Dori-darmon» va «Buxoroneftgazparmalash»ning oddiy aksiyalari chiqib ketdi.

Oʻz navbatida, «Agrobank», «Yangiyoʻl yogʻ-moy»ning oddiy aksiyalari va «Oʻzbekneftgaz» imtiyozli aksiyalari yuqori likvidli aksiyalar qatoriga kirdi.

30-avgustdan 6-sentabrga qadar UCI fond indeksi 1,42 foizga kamaydi. Mazkur davrda «Yangiyoʻl yogʻ-moy»ning aksiyalari eng koʻp — 17,99 foizga oʻsdi. Shuningdek, «Turon bank»ning aksiyalari (15,11 foiz) o‘sishga erishdi.

Shu bilan birga, aksiyalari eng koʻp arzonlashgan qimmatli qogʻozlar...

O‘rmon fondining foydalanilmayotgan yerlarini onlayn-auksion orqali ijaraga olish mumkin bo‘ladi, deb xabar berdi Qishloq xo‘jaligi vazirligi.

E-Auksion platformasidagi birinchi shunday lot Toshkent viloyatining Bo‘stonliq tumanidan 10 gektar o‘rmonni ijaraga olish huquqi bo‘ldi. Auksion shartlariga ko‘ra, ijarachi uchastkadan yovvoyi hayvonlarni ko‘paytirish uchun foydalanishi mumkin.

Bunda u uchastkada o‘sadigan daraxtlarni saqlab qolish va ko‘paytirish, ekologik vaziyatning yomonlashishiga yo‘l qo‘ymaslik va uchastkadan o‘tadigan irrigatsiya tarmoqlarini saqlash majburiyatini oladi. Lotning boshlang‘ich bahosi – 33,9 mln so‘m. Auksion g‘olibi 7-oktabr kuni e’lon qilinadi.

Amaldagi qonunchilikka ko‘ra, o‘rmon fondining foydalanilmayotgan yerlarini 3 yildan 49 yilgacha muddatga ijaraga olish mumkin. Ijarachilar uchun bir qator...

9-sentabr kuni O‘zbekiston Respublika valyuta birjasida dollarning rasmiy narxi 18,31 so‘mga pasaydi va 12 681,79 so‘mni tashkil qildi.

Banklar dollarni 12 635 – 12 685 so‘mdan xarid qilishmoqda va 12 710 – 12 760 so‘mdan sotishmoqda.

Eslatib o‘tamiz, 6-sentabr kuni AQSh valyutasining narxi deyarli 8 so‘mga pasaygan edi.

9-sentabrdan boshlab nogironligi bo‘lgan shaxslarning infratuzilmadan teng foydalanishini ta’minlash va saylov huquqlarini himoya qilishga qaratilgan tuzatishlar kuchga kirdi. Bu haqda Adliya vazirligi xabar berdi.

Endilikda qonunda nogironligi bo‘lgan shaxslarning mamlakat ijtimoiy-siyosiy hayotida ishtirok etish huquqi, shu jumladan, saylash va saylanish imkoniyati mustahkamlandi. Davlat ovoz berish uchastkalarini nogironlar aravachasidagi odamlar, ko‘rish va eshitish qobiliyatida nuqsoni bo‘lgan saylovchilar uchun zarur shart-sharoitlar yaratiladi.

«Nogironligi bo‘lgan shaxslarning huquqlari to‘g‘risida»gi qonunga kiritilgan tuzatishlar davlat organlaridan nogironligi bo‘lgan shaxslarning ijtimoiy infratuzilma, uy-joylar, jamoat binolari, sport va tibbiyot obyektlaridan foydalanishini ta’minlashni talab qiladi. Ushbu obyektlarni nogironlar aravachasidagi tashrif buyuruvchilar va yetakchi itlari bo‘lgan shaxslar uchun...

Bugun, 2024-yil 9-sentabr kuni mahalliy reyslar terminalida O‘zbekiston paralimpiya terma jamoasini kutib olish marosimi bo‘lib o‘tadi. Shu munosabat bilan bir necha reyslar Toshkent xalqaro aeroportining qatnovlar zallaridan amalga oshiriladi. Bu haqda Uzbekistan Airports xabar beradi.

Barcha reyslar quyidagi jadval bo‘yicha amalga oshiriladi.

Ketish:

Kelish:

2024-yilning yanvar – iyul oylarida O‘zbekiston umumiy qiymati $200,9 mlnga teng 2,2 mln mobil telefon import qilgan. O‘tgan yilning shu davriga nisbatan texnika soni 15,8 foizga ko‘paydi. Bu haqda davlat Statistika agentligi xabar beradi.

2024-yilning yanvar – iyul oylarida O‘zbekistonga import qilingan mobil telefonlarning qiymati 2023-yilning shu davri bilan solishtirganda 54,5 foizga oshgan.

Eng ko‘p mobil telefonlar Xitoy – 1,7 mln dona, Vyetnam – 339,4 ming dona, Hindiston – 59,4 ming dona, Gonkong – 19,8 ming dona va BAA’dan – 3,3 ming dona olib kelingan.

Avvalroq Kursiv Uzbekistan qancha Oʻzbekiston fuqarosi internetdan foydalanayotgani ochiqlanganini yozgan edi.

Yangi oʻquv yili boshlanishi bilan Toshkent metropolitenida poyezdlari intervallari qisqartirildi, deya xabar bermoqda UzA.

Ma’lum qilinishicha, yozda metropoliten bir kunda 550 – 600 ming fuqaroga xizmat qilgan. Oʻquv yili boshlanishi bilan bu koʻrsatkich 920 – 930 ming nafargacha yetdi, shuningdek, oktabr va noyabr oylarida esa 1 millionga borishi kutilmoqda.

Yoʻlovchilarga qulaylik yaratish maqsadida tigʻiz vaqtlarda yoʻnalishlar boʻyicha intervallar quyidagicha qisqartirildi:

Shuningdek, zaxira poyezdlar harakatini yoʻlga qoʻyish ham rejalashtirilgan.

Avvalroq Kursiv Uzbekistan «Xalqlar doʻstligi» metro bekatining ikkinchi...

Bu yilgi Osiyodagi eng kuchli to‘fon Vyetnam shimolida 35 nafar odamlarning o‘limiga va keng ko‘lamli vayronagarchilikka sabab bo‘ldi. Bu haqda Reuters axborot agentligi ma’lum qildi.

Vyetnam tabiiy ofatlarni boshqarish agentligining ma’lum qilishicha, to‘fon sabab bo‘lgan ko‘chki va toshqinlar oqibatida 35 kishi halok bo‘lgan, 24 kishi esa bedarak yo‘qolgan. 

To‘fon shanba kuni 7-sentabrda Vyetnamning shimoli-sharqiy qirg‘og‘iga yetib kelgan. Oqibatda millionlab uy xoʻjaliklari va kompaniyalar elektr energiyasiz qolgan. Magistral yoʻllarni suv bosgan, telekommunikatsiya tarmoqlari buzilib, koʻprik va minglab daraxtlar qulab tushgan. Shuningdek, koʻplab sanoat markazlarida iqtisodiy faoliyat toʻxtab qolgan.

Ikki millionlik aholiga ega qirg‘oq shahar Xayfondagi sanoat parklari va fabrikalar elektr...

Shavkat Mirziyoyev O‘zbekistonda ilk bor o‘tkazilayotgan Xalqaro to‘qimachilik ishlab chiqaruvchilari federatsiyasi va Xalqaro kiyim-kechak federatsiyasining qo‘shma konferensiyasi ochilishi bilan qutladi. Bu haqda prezident matbuot xizmati ma’lum qildi.

Unga ko‘ra, Xalqaro to‘qimachilik ishlab chiqaruvchilari federatsiyasi prezidenti Key Vi Shrinavasan va Xalqaro kiyim-kechak federatsiyasi prezidenti Chem Altan janoblariga ham minnatdorchilik bildirildi.

Prezident Samarqand shahri mezbonlik qilayotgan qo‘shma konferensiya ishtirokchilariga yo‘llagan tabrigida O‘zbekistonga nisbatan «paxta boykoti» bekor qilingani, sohaga yangi texnologiyalar yordamida paxta tolasini qayta ishlash 2017-yildagi 40 foizdan 100 foizga yetgani va bu orqali to‘qimachilik mahsulotlari ishlab chiqarish hajmi 5 barobar, eksporti esa 4 karra oshgani haqida alohida ta’kidladi.

Shuningdek, avval sohada eksportning 70 foizi xomashyo...

Toshkent viloyatida 2027-yilgacha elektr texnikasi sohasida 24 ta loyiha uchun $1,7 milliard sarmoya jalb etilishi rejalashtirilmoqda. Bu haqda viloyat hokimligi matbuot xizmati ma’lum qildi.

Ushbu loyihalar ishga tushirilishi natijasida uch ming ish o‘rni yaratilishi kutilmoqda.

Qayd etilishicha, 2024-yilning yetti oyida poytaxt mintaqasida $21 mln qiymatidagi uchta investitsiya loyihasi amalga oshirilgan. Xususan, Toshkent viloyatida o‘zbek-xitoy qo‘shma korxonasi, elektr o‘tish qurilmalarini ishlab chiqarish va gaz turbinali dvigatellarni ta‘mirlash bilan shug‘ullanuvchi korxona faoliyat yuritmoqda.

Yil oxirigacha mintaqada Xitoydan investorlar yordamida LED lampalari va elektr avtomobillari uchun zaryadlovchi qurilmalar ishlab chiqarish loyihasi amalga oshirilishi rejalashtirilmoqda.

Avvalroq Kursiv Uzbekistan Samarqand yaqinida $1,6 mlrd...

Toshkentda yoʻl-transport hodisasi yuz berishi oqibatida bir fuqaro vafot etdi. Bu haqda Yoʻl harakati xavfsizligi boshqarmasi axborot xizmati xabar berdi.

Ma’lum qilinishicha, voqea 8-sentabr kuni soat 23:00 larda Chilonzor tumani Bunyodkor shoh koʻchasida sodir boʻldi. 27 yoshli fuqaro Cobalt rusumli avtomashinasini boshqarib ketayotib, 41 yoshli piyodani urib yuborgan. Yoʻl-transport hodisasi natijasida piyoda olgan tan jarohatlari tufayli hodisa joyida vafot etgan.

Hozirgi kunda holat yuzasidan Jinoyat kodeksining tegishli moddalari bilan jinoyat ishi qoʻzgʻatilib, tergov harakatlari olib borilmoqda.

Avvalroq Kursiv Uzbekistan joriy yilning yanvar–may oylarida Oʻzbekistonda roʻy bergan 9839 ta YTH natijasida 2282 nafar fuqaro vafot etgani haqida xabar bergan...

Ispaniyalik rejissyor Pedro Almodovar «Qo‘shni xona» filmi uchun Venetsiya kinofestivalining bosh mukofotiga sazovor bo‘ldi, deb xabar berdi Variety portali.

Surat syujeti bir uyda yashovchi uch ayolning o‘zaro munosabatlari haqida hikoya qiladi. Filmda aktrisalar Tilda Suinton va Julianna Mur ishtirok etgan.

Eng yaxshi rejissyor uchun mukofotni amerikalik Breydi Korbet «Brutalist» dramasi uchun oldi.

Fransuz aktyori Vensan Lindonning «Yuvosh o‘g‘il» filmidagi roli eng yaxshi erkak roli sifatida e’tirof etildi. Ayollar toifasida Nikol Kidman «Yomon qiz» uchun mukofotga sazovor bo‘ldi.

Nihoyat, «Aprel» filmi venetsiyalik hakamlar hay’atining maxsus mukofotiga sazovor bo‘ldi.

Kursiv Uzbekistan Kann kinofestivali yakunlari haqida yozgan edi.

O‘zbekistoning rasmiy zaxira aktivlar va chet el valyutasidagi boshqa aktivlarga oid ma’lumotlar yangilandi. Bu haqda Markaziy bank saytida e’lon qilindi.

Mamlakatning rasmiy zaxira aktivlar 1-sentabr holatiga ko‘ra $39,15 mlrdni tashkil qilgan bo‘lsa, ushbu ko‘rsatkich 1-avgust holatiga ko‘ra, $37,4 mlrdni qayd etgan. O‘tgan oyga nisbatan mamlakatning rasmiy zaxira aktivlari $1,75 mlrdga ortgan.

Avgust oyi hisobotiga ko‘ra, O‘zbekistonning oltin zaxiralarining qiymati $29,15 mlrd bo‘lgan bo‘lsa, 1-sentabr holatiga ko‘ra ushbu ko‘rsatkich $30,4 mlrdni tashkil qilgan. Oltinning fizik hajmi 1-sentabr holatiga ko‘ra, 12 mln troy unsiyani ko‘rsatgan, o‘tgan oyda esa oltinning fizik hajmi 12,1 mln troy unsiya bo‘lgan.

Tesla hamda SpaceX kompanyalari rahbari Ilon Mask yangi tadqiqot natijalariga ko‘ra, 2027-yilda dunyodagi birinchi trillioner bo‘lish mumkin. Bu haqda Informa Connect Academy (ICA) tahlil natjalariga tayanib The Guardian nashri xabar berdi.

Mutaxassislarning fikricha, Maskning boyligi yiliga o‘rtacha 110 foizga ortmoqda. Hozirda Bloomber moliya indeksi bo‘yicha Mask dunyodagi eng boy odam bo‘lib uning boyligi qariyb $251 mlrdni tashkil etadi.   

Ma’lumot uchun, Hindistonning biznes konglomerati asoschisi Gautam Adani 2028-yilda trillioner maqomiga ega chiqishi mumkin. Bu uning boyligi yillik 123 foiz o‘sish sharti bilan bog‘liq bo‘ladi.

Avvalroq Kursiv Uzbekistan Alisher Usmonovning boyligi $15,4 milliardga baholangani haqida xabar bergan edi.

Oʻzbekistonda BYD Seagull elektromobilining sotuvi boshlandi. Bu haqda kompaniya axborot xizmati xabar berdi.

Ma’lum qilinishicha, avtomobil narxi 208,3 million soʻmdan ($16,3 ming) boshlanadi. Avtoe’lon portalida ushbu elektromobilning narxi esa $14,9 mingdan sotilmoqda.

BYD Seagull 75 ot kuchiga ega elektromotor va 30 kVt/soat yoki 38,9 kVt/soat quvvatga ega akkumulyatorlar bilan jihozlangan. Maksimal sayohat masofasi mos ravishda 305 va 405 km tashkil qiladi.

Eslatib oʻtamiz, avgust oyi oxirida Oʻzbekistonda rasman BYD E2 Luxe sotuvga chiqarilgan edi.

Avvalroq Kursiv Uzbekistan BYDʼning ustunligi Xitoydagi raqobatchilarga ogʻirlik qilayotgani haqida xabar bergan edi.

«Parij – 2024» yozgi Paralimpiya o‘yinlari o‘z yakuniga yetdi. Umumiy natijalar bo‘yicha O‘zbekiston 10 ta oltin, 9 ta kumush va 7 ta bronza medallari bilan 168 davlat ichida 13-o‘rinni egalladi. Bu haqda Xalqaro paralimpiya qo‘mitasi xabar berdi.

Unga ko‘ra, mazkur Paralimpiya o‘yinlarida 168 davlatdan kelgan 4,46 ming sportchi 22 sport turi bo‘yicha bellashdi. Undan 79 davlat medallar bo‘yicha umumiy reytingga kirgan bo‘lsa, 89 davlat delegatsiyasi Paralimpiyani birorta ham medalsiz yakunladi. 1-o‘rinni 220 ta medal bilan Xitoy, 2-o‘rinni 124 ta medal bilan Buyuk Britaniya va 3-o‘rinni 105 ta medal bilan AQSh egalladi.

Delegatsiyamiz jami 26 ta medal bilan Osiyoda (Xitoy...

Xonanda Yusufxon Nurmatovning otasi taniqli bastakor Musaxon Nurmatov 56 yoshida vafot etdi. Bu haqda o‘g‘li Yusufxon Nurmatov o‘z instagram sahifasida ma’lum qildi.

Qayd etilishicha, Musaxon Nurmatov uzoq vaqtda buyon kasallik bilan kurashib kelgan.

U o‘z faoliyati davomida bir qancha taniqli xalq artistlari, Shohjaxon va Zohirshoh Jo‘rayevlar, Ozodbek Nazabekov, Bahrom Nazarov kabi xonandalar bilan hamkorlik qilgan.

Bundan tashqari, bastakorning g‘oyasi va prodyusserligida «Jurnalist» va «Qodirxon» seriallari sur’atga olingan.

Avvalroq Kursiv Uzbekistan Fanlar akademiyasi prezidenti Behzod Yoʻldoshev vafot etgani haqida xabar bergan edi.  

Oybek Kosimov OOK Etika qoʻmitasi a’zosi etib saylandi, deya xabar bermoqda Milliy olimpiya qoʻmitasi.

Unga ko‘ra, Nyu-Dehli shahrida tashkil etilgan Osiyo olimpiya kengashining (OOK) 44-Bosh assambleyasi doirasida Oʻzbekiston MOQ Bosh kotibi Oybek Kosimov OOK Etika qoʻmitasi a’zosi etib saylandi.

Ma’lumot uchun, Oybek Kosimov 1980-yil 26-avgustda Toshkent shahrida tugʻilgan. Shu kungacha bir qancha rahbarlik lavozimlarida faoliyat yuritgan.

Avvalroq Kursiv Uzbekistan Otabek Umarov Osiyo olimpiya kengashining Markaziy Osiyo boʻyicha vitse-prezidenti etib tayinlangani haqida xabar bergan edi.

Toshkent markaziy temir yo‘l vokzalida QR-kodli yo‘l chiptalarini tekshirish uchun turniketlar o‘rnatildi, deb xabar berdi «O‘zbekiston temir yo‘llari» AJ matbuot xizmati.

Bunday turniketlar yordamida elektron chiptalardagi QR-kodni skanerlash mumkin. Qalbaki yo‘l chiptalari bo‘lgan yo‘lovchilar perronga qo‘yilmaydi.

Kompaniyaning qo‘shimcha qilishicha, yil oxirigacha vokzal kassalarida ham elektron chiptalar rasmiylashtiriladi.

Avvalroq Kursiv Uzbekistan Toshkent markaziy vokzalida chipta sotib olish uchun terminal o‘rnatilgani haqida yozgan edi.