Yangiliklar

Migrantlar uchun rus tili, Rossiya tarixi va qonunchilik asoslarini bilish bo‘yicha imtihon topshirishning yagona narxini belgilash taklif qilindi. Bu haqda tegishli qaror loyihasi normativ-huquqiy hujjatlar loyihalari portalida e’lon qilindi.

Hujjatda fuqarolik olish uchun rus tili hamda tarix va qonunchilik asoslari bo‘yicha imtihon – 2,95 ming rubl, vaqtinchalik yashash ruxsatnomasi – 5,9 ming rubl, ishlashga ruxsatnoma yoki patent olish uchun – 3,8 ming rubl qilib belgilangan.

Qayd etilishicha, hozirgi kunda ushbu narxlar qat’iy belgilangan narxlar emas, biroq imtihon o‘tkazadigan tashkilot bunday xizmat narxini hisoblab chiqadigan formulani belgilaydigan hukumat qarori mavjud.

Ma’lumot uchun, xizmat narxining maksimal miqdori ham belgilangan...

4-noyabr kuni O‘zbekiston Respublikasi valyuta birjasida dollarning rasmiy narxi 4,90 so‘mga pasayib, 12 790,12 so‘mni tashkil etdi.

Banklar dollarni 12 735 – 12 770 so‘mdan xarid qilishmoqda va 12 805 – 12 855 so‘mdan sotishmoqda.

Eslatib o‘tamiz, O‘zbekistonda 1-noyabr kuni AQSh valyutasi deyarli 15 so‘mga qimmatlashgan edi.

3-noyabr kuni Rossiyaning Krasnodar oʻlkasida boʻlib oʻtgan XX Xalqaro havaskor va professional filmlar «Molodoy kinovek» festivalining «Eng yaxshi badiiy film» nominatsiyasida Oʻzbekistonning «Konduktor» («Toshkentga yoʻl») filmi g‘olib deb e’lon qilindi. Bu haqda Madaniyat vazirligi matbuot xizmati xabar berdi.

Film rejissyor Alisher Karimov, ssenarist va operator Umid Malikov hamda prodyuser Baxtiyor Salaydinov ijodiy guruhi tomonidan yaratilgan. «Konduktor» filmi Oliy ta’lim vazirligi hamda Toshkentdagi VGIK filiali tomonidan qoʻllab-quvvatlangan beshta qisqa metrajli filmlardan biri hisoblanadi.

Kinofestivalga Rossiya, Belarus, Qozogʻiston, Hindiston va boshqa mamlakatlardan jami 500 dan ortiq ariza tushdi. Ishlar 15 ta nominatsiya boʻyicha baholandi.

Avvalroq Kursiv Uzbekistan «Ipak yo‘li» xalqaro kinofestivalida...

Surxondaryo viloyatining Boysun tumanidagi Omonxona qishlog‘i va Denov tumanidagi Sina qishlog‘iga «Turizm qishlog‘i» maqomi berildi. Bu haqda Turizm qo‘mitasi xabar berdi.

Marosimda viloyat va tuman hokimliklari vakillari, jamoatchilik hamda OAV xodimlari ishtirok etdi.

Turistik salohiyati yuqori bo‘lgan bu qishloqlarda mahalliy va xorijiy sayyohlarga xizmat ko‘rsatish sohasi rivojlanmoqda.

Tadbir doirasida «Boysun bahori» majmuasida tashkil etilgan «Olma festivali»da viloyatning turizm va bog‘dorchilikdagi imkoniyatlari namoyish qilindi.

Avvalroq Kursiv O‘zbekiston bo‘ylab sayohatlar arzonlashadi deb xabar bergan edi.

Indoneziyaning Floresning orolida sodir bo‘lgan bir qator vulqon otilishlari tufayli kamida 10 kishi halok bo‘lgan. Bu haqda mamlakat tabiiy ofatlarni boshqarish milliy agentligi xabar berdi.

«Lewotobi Laki-Laki tog‘ida yarim tunda sodir bo‘lgan portlash natijasida 2 000 metr (6 500 fut) balandlikda qalin jigarrang kul tarqaldi va issiq kul bir necha qishloqqa tushib, uylarni, jumladan, katolik rohibalarning monastirini yoqib yubordi», – dedi Lewotobi Laki-Laki monitoring posti rasmiysi Firman Yusef.

Rasmiylarning ta’kidlashicha, 2-noyabrdan oldin boshlangan qator vulqon otilishlar sabab hozirgacha Lewotobi Laki-Laki tog‘i yaqinida xavf darajasi oshgani va xavf zonasi kengaygan.

Favqulodda vaziyatlar bo‘yicha...

Eron 26-oktabrdagi hujumga javoban Isroilga zarba berish uchun kuchliroq qurollardan foydalanishni rejalashtirmoqda. Bu haqda The Wall Street Journal xabar berdi.

Ma‘lum qilinishicha, Tehron Islom inqilobi qoʻriqchilari korpusida mavjud boʻlgan kuchli jangovar raketa va dronlardan foydalanib, kompleks zarba berishni rejalashtirmoqda. Bundan tashqari, Eron armiyasining arsenalida mavjud boʻlgan qurol tizimlari qoʻllaniladi.

Eslatib oʻtamiz, 26-oktabrga oʻtar kechasi Isroil mudofaa kuchlari Erondagi harbiy obyektlarga hujum qilgan edi. Hujumdan asosiy maqsad raketa zavodlari va havo mudofaa tizimlariga zarba berish edi. Eron esa tomoni hujum qaytarilgani, lekin cheklangan zarar keltirganini ma’lum qilgan.

Avvalroq Kursiv Uzbekistan Eron Isroilga oʻz kuchini koʻrsatib qoʻyishga va’da bergani haqida xabar...

Nurafshon shahrining «Yangiobod» mahallasida qishloq xoʻjaligida foydalanilmaydigan 1 gektar yer maydonida kuniga 200 bemorni qabul qilish imkoniyatiga ega oilaviy poliklinika qurilishi rejalashtirilgan. Bu haqda Toshkent viloyati hokimligi xabar berdi.

Mazkur qarorni Toshkent viloyati hokimi Zoyir Mirzayev imzolagan. Shuningdek, kelgusida qurilish ishlari olib boriladigan hududdagi muhandislik kommunikatsiyalarini koʻchirish va muhofaza qilish tartibi ham belgilangan.

Avvalroq Kursiv Uzbekistan davlat tibbiy sugʻurtasi doirasida bepul tibbiy xizmatlar soliqlar hisobidan amalga oshirilishi haqida xabar bergan edi.

2025-yilda ish haqi, pensiya va nafaqalarni inflyatsiya darajasidan past bo‘lmagan miqdorda oshirish rejalashtirilmoqda. Bu haqda budjetnoma loyihasida ma’lum qilindi.

Ma’lumot uchun kelgusi yil uchun inflyatsiya prognozi 7 foizni tashkil qilmoqda.

Iqtisodiyot va moliya vazirligi ma’lumotlariga ko‘ra, ish haqini 1 foizga qo‘shimcha oshirish uchun yiliga 1,5 trln so‘m, pensiyalarni 1 foizga oshirish uchun esa 730 mlrd so‘m talab etiladi.  

Iqtisodchi Otabek Bakirov ish haqini oshirish 2024-yildagi kabi IV chorakda emas, birinchi yarim yillikda amalga oshirilishi mumkinligini taxmin qilmoqda.

«Budjet xarajatlari tarkibida ish haqi (ijtimoiy soliqlar bilan) ulushi kelasi yilga biroz o‘sishi (9,0%dan, 9,5%gacha) ko‘rsatilgan. Ehtimolki, ish haqi bu...

8-noyabrdan boshlab o‘zboshimchalik bilan egallab olingan yer uchastkalari va unda qurilgan binolarga bo‘lgan huquqni e’tirof etishga qaratilgan qonun kuchga kiradi. Hujjat Lex.uz portalida e’lon qilindi.

Unga ko‘ra, O‘zbekiston fuqarolari 2018-yilning 1-mayiga qadar egallab turgan yer uchastkalarini uy yoki boshqa binolar qurish uchun ro‘yxatdan o‘tkazishlari mumkin bo‘ladi.

Ijara huquqini ro‘yxatdan o‘tkazish uchun bir martalik to‘lovlar Toshkent shahrida 1,8 mln, viloyatlar markazlarida 1,1 mln, viloyatlarga bo‘ysunuvchi shaharlar uchun 750 ming so‘m va boshqa hududlar uchun esa 375 ming so‘mni tashkil etadi.

Qonun bogʻdorchilik va uzumchilik shirkatlarida, xususiylashtirilgan uy-joylar ostidagi yer uchastkalari va turarjoy binolariga boʻlgan huquqlarni roʻyxatdan oʻtkazish imkonini beradi. Shuningdek...

Qoraqalpog‘istonda Lider Gips loyihasi doirasida gipsokarton va qurilish materiallari ishlab chiqarish yo‘lga qo‘yiladi. Bu haqda respublika vazirlar kengashi matbuot xizmati xabar berdi.

Qayd etilishicha, investitsiyalar hajmi 25,5 milliard so‘mni tashkil etadi. Shundan $1,8 millioni xorijiy kredit asosida shakllantirilgan. Loyihaning umumiy maydoni 2,5 gektarni tashkil etib, ishga tushirilishi natijasida 18 ta yangi ish o‘rni yaratiladi.

Ma’lumot uchun, loyiha ishga tushirilishi natijasida yiliga 2 mln kvadrat metr gipsokarton ishlab chiqariladi.

Eslatib o‘tamiz, avvalroq «Kursiv» O‘zbekistonda sakkizta chiqindi yoqish zavodi qurilishi rejalashtirilgani haqida xabar bergan edi.

Oʻzbekiston Respublikasida tamaki va alkogol mahsulotlariga aksiz markalarini qoʻllash tartibi toʻgʻrisidagi yoʻriqnoma tasdiqlandi.

Ta’kidlanishicha, yoʻriqnoma tamaki va alkogol mahsulotlari uchun aksiz markalarini berish, hisobga olish, saqlash va qaytarish tartibini belgilaydi.

Unga koʻra, belgilanishi shart boʻlgan tamaki mahsulotlari va alkogolli ichimliklar ishlab chiqaruvchi korxonalar «Davlat belgisi» davlat unitar korxonasiga ushbu shakldan foydalangan holda zarur miqdorda aksiz markalarini sotib olish uchun ariza bilan murojaat qiladi.

Import qiluvchilar boʻlsa, bojxona qoʻmitasining hududiy boʻlinmalariga belgilangan shakldagi ariza beradi.

Aksiz toʻlanadigan tovarlarning quyidagi turlarini markalash majburiy emas:

G‘azablangan aholi Ispaniya qiroli Felipe va qirolicha Letisiyaning Valensiya mintaqasiga tashrifi chog‘ida ularga tuxumlar otdi. Bu haqda CNN axborot agentligi ma’lum qildi.

Unga ko‘ra, qirol bosh vazir Pedro Sanches va viloyat gubernatori Karlos Mazon bilan birga Valensiya shahri tashqarisidagi og‘ir jabrlangan Paiporta shahriga tashrif buyurgan. Mahalliy aholi hukumatni 200 dan ortiq odamlar halok bo‘lgan tabiiy ofatga sust munosabatda bo‘lganlikda ayblab, ularni tuxumlar bilan «kutib olgan».

Ma’lumot uchun, hozirda toshqindan kamida 214 kishi halok bo‘lgani tasdiqlandi va raqamlar ortishi yana ham mumkin.

Eslatib o‘tamiz, avvalroq Ispaniyadagi suv toshqinlarida halok bo‘lganlar haqida yozgan edik.

Poytaxt hokimi qaroriga asosan, 2024-yil 5-noyabrdan boshlab Toshkent shahrida markaziy isitish tizimlariga issiqlik berish boshlanadi. Obyektlarni issiqlik bilan bosqichma-bosqich ta’minlash 7-noyabrdan boshlanadi. Bu haqda poytaxt hokimligi xabar berdi.

Isitish tizimiga ulanishda muammolar yoki nosozliklar yuzaga kelganda, shuningdek, issiqlik ta’minoti xizmati koʻrsatuvchi tashkilotga murojaat qilish uchun 1055, 71-210-01-87, 71-210-01-41, 71-210-01-11, 71-210-01-63 telefon raqamlariga qoʻngʻiroq qilish yoki Toshkent shahar hokimligining ijtimoiy tarmoqlardagi sahifalariga murojaat qilsa bo‘ladi.

Avvalroq Kursiv Uzbekistan Toshkentdagi qozonxonalarning qariyb 13 foizi kapital ta’mirlangani haqida yozgan edi.

BYD kompaniyasi oktabr oyida 502,6 mingta mashina sotdi. Kompaniyaning 10 oylik umumiy natijasi 3,24 million avtomobilga yetdi. Bu haqda kompaniya Facebook sahifasida ma’lum qilindi.

Qayd etilishicha, kompaniya 2024-yilning dastlabki uch choragida yangi avtomobillar bozorining deyarli 15  foizini egallagan.

Ma’lumot uchun, (502,6 mingta) bu korporatsiyaning barcha bo‘linmalarining umumiy savdo natijalari yig‘indisi bo‘lib, ushbu hisobga BYD, Denza, Fang Cheng Bao va YangWang tijorat va yo‘lovchi brendlarining bozor natijalari ham kiritilgan.

Shuningdek, sotilgan avtomobillarning asosiy qismi BYD brendidan iborat bo‘lib ushbu brend ostida avtomobillarni 483 ming nafardan ziyod mijoz xarid qilgan. Ushbu ko‘rsatkich o‘tgan yilning mos davriga nisbatan...

AQSh bilan O‘zbekistonning JSTga qo‘shilishi bo‘yicha ikki tomonlama muzokaralar ijobiy yakunlandi. Bu haqda prezidentning JST masalalari boʻyicha maxsus vakili Azizbek Urunov o‘z LinkedIn sahifasida ma’lum qildi.

Unga ko‘ra, AQSh va O‘zbekistonning bu boradagi muzokaralari 14 oy davom etgan. Vakilimizga muzokaralar jarayonida O‘zbekistonning AQShdagi elchisi Furqat Siddiqov ham ko‘maklashgan.

Eslatib o‘tamiz, avvalroq Oʻzbekistonning JSTga a’zo boʻlishi iqtisodiy oʻsishni 17 foizga oshirishi mumkinligi haqida yozgan edik.

«Toshkent» respublika fond birjasidan (RFB) joy olgan yuqori likvidli aksiyalar ortda qolgan haftada har xil dinamikani koʻrsatdi. Kursiv Uzbekistan hafta davomida RFBdagi qimmatli qogʻozlarning oʻzgarishini oʻrganib chiqdi.

25-oktabrdan 1-noyabrga qadar UCI fond indeksi deyarli 1,2 foizga tushdi. Oʻtgan haftadan farqli oʻlaroq bu hafta bir qancha kompaniyalarning aksiyalari oʻsishga erishdi. Eng koʻp oʻsishga erishganlardan «Oʻzsanoatqurilishbank» (+7,01 foiz), «Oʻzbektelekom», (7,21 foiz) va «Ipoteka-bank»ning imtiyozli aksiyalari (+4,33 foiz) joy oldi.

Oʻz navbatida, haftani salbiy yakunlaganlar ham talaygina topiladi. Bular qatoridan «Biznesni rivojlantirish banki»ni (-15,69 foiz), «Ipak yoʻli» (-11,39 foiz), «Aloqa bank»ni (-34,69 foiz), «Qizilqumsement»ni (7,46 foiz) ko‘rish mumkin.

20 ta yuqori likvidli...

O‘zbekistonning yangi tayinlangan favqulodda va muxtor elchisi Oybek Eshonov Indoneziya poytaxtiga tashrif buyurdi. Bu haqda «Dunyo» axborot agentligi xabar berdi.  

Qayd etilishicha, diplomat 2008-yildan 2017-yilgacha Isroildagi elchi lavozimida faoliyat yuritgan.

Elchi hozirgi lavozimga tayinlangunga qadar TIVning Janubiy Osiyo, Yaqin, O‘rta Sharq va Afrika mamlakatlari bilan hamkorlik boshqarmasi boshlig‘i lavozimida ishlagan.

Shuningdek, Oybek Eshonov 2018 – 2022-yillarda mamlakatimizning Jakartadagi elchixonasiga rahbarlik qilgan va  «O‘zavtosanoat» AK boshqaruvi raisi etib tasdiqlangan Ulug‘bek Rozukulov o‘rniga tayinlandi.

Eslatib o‘tamiz, avvalroq Kursiv Uzbekistan Rahmatulla Nurimbetov Oʻzbekistonning Shvetsiyadagi elchisi etib tayinlangani haqida xabar bergan edi.

Neft eksport qiluvchi mamlakatlar tashkilotining kengaytirilgan tarkibi (OPEK+) neft qazib olishni ixtiyoriy ravishda qisqartirish rejimini dekabr oyi oxirigacha uzaytirdi. Bu haqda tashkilot saytida xabar berildi.

Ushbu bayonotga Saudiya Arabistoni, Birlashgan Arab Amirliklari (BAA), Iroq, Kuvayt, Qozogʻiston, Rossiya, Ummon va Jazoir mamlakatlari qoʻshildi.

Ushbu davlatlar kuniga 2,2 mln barrel neft kam qazib olishda davom etadi. OPEK+da ixtiyoriy moslashtirishlar toʻgʻrisidagi kelishuv 2023-yil noyabr oyidan boshlab amal qilinmoqda.

OPEK – neft eksport qiluvchi davlatlar tomonidan xomashyo qazib olish kvotalarini nazorat qilish maqsadida tashkil etilgan xalqaro hukumatlararo tashkilot bo‘lib, 12 a’zodan iborat. Bundan tashqari, OPEKning norasmiy ish formati – OPEK+ mavjud boʻlib...

Moldovada prezidentlik saylovlarining ikkinchi turida 98 foiz saylov byulletenlari sanalgandan so‘ng, hozirda mamlakatning amaldagi rahbari Mayya Sandu yetakchilik qilmoqda. Bu haqda Reuters agentligi xabar berdi.

Markaziy saylov komissiyasi ma’lumotlariga ko‘ra, Sanduning dastlabki natijasi 54,35 foizni tashkil etdi.

Ommaviy axborot vositalarining ta’kidlashicha, bu saylovlarda chet elda yashovchi Moldova fuqarolarining faol ishtiroki kuzatildi. Shu bilan birga, mamlakat ichida Sandu kam ovoz oldi: uning raqibi, sobiq bosh prokuror Aleksandr Stoyanoglo 51,2 foiz ovoz oldi.

52 yoshli Sandu o‘zining g‘arbparast pozitsiyasi bilan mashhur. U Moldovaning Rossiya ta’sir doirasidan chiqib, Yevropa Ittifoqiga (YI) qo‘shilishni istaydi. Stoyanogloni esa Moldovaning Rossiyaparast Sotsialistik partiyasi qo‘llab-quvvatlaydi.

Jurnalistlarning fikriga...

Bugun, 4-noyabr kuni Qoraqalpog‘iston Respublikasi, Xorazm, Buxoro, Navoiy viloyatlarida yog‘ingarchilik kuzatiladi. Surxondaryo viloyati va Farg‘ona vodiysida quruq havo kuzatiladi. O‘rtacha harorat 25-darajagacha ko‘tariladi. Bu haqda Gidrometeorologiya xizmati agentligi xabar berdi.

Toshkentda havo bulutli bo‘ladi, kechga kelib yomg‘ir yog‘ishi ehtimoli bor. Kunduzi havo 25 darajagacha isiydi, kechga kelib havo 10-12 daraja iliq bo‘ladi.

Tog‘li hududlarda ham vaqti-vaqti bilan yomg‘ir yog‘adi. Harorat 18 darajagacha ko‘tariladi.

Oʻzbekistonning Jahon savdo tashkilotiga (JST) a’zo boʻlishi birinchi 5 – 7-yil ichida iqtisodiy oʻsishni 17 foizga oshirishi mumkin. Bu haqda prezidentning JST masalalari boʻyicha maxsus vakili Azizbek Oʻrunov ma’lum qildi.

26-oktabr kuni Jahon banki bilan Vashingtonda JSTga a’zo boʻlish masalasiga bagʻishlangan davra suhbati boʻlib oʻtdi. Ishtirokchilar tashqi savdoni kengaytirish va ochiq ishbilarmonlik muhitini yaratish afzalliklarini muhokama qildi.

Sentabr oyida Oʻzbekiston 18 davlat bilan Tashkilotga a’zo boʻlish boʻyicha muzokaralarni yakunladi va Braziliya hamda Shri-Lanka bilan protokollar imzoladi.

Eslatib oʻtamiz, Oʻzbekiston Jahon savdo tashkilotining (JST) 2026-yil Kamerunda boʻlib oʻtadigan sammitiga qadar tashkilotga a’zolik jarayonini yakuniga yetkazishni maqsad qilgan.

Avvalroq Shavkat...

Rossiyaning Leningrad viloyatida xalqaro qidiruvda boʻlgan ikki nafar Oʻzbekiston fuqarosi qoʻlga olindi. Bu haqda «47 kanal» xabar bermoqda.

Oʻzbekiston fuqarolaridan biri Pigelevo qishlogʻida qoʻlga olingan. 39-yoshli erkak 2023-yil may oyida ikki fuqaroning ishonchiga kirib, firibgarlik yoʻli bilan ularning pullarini olgan va shaxsiy manfaatlariga ishlatib yuborgan.

U joriy yilning avgust oyida qidiruvga berilgan. Firibgarga nisbatan qamoqqa olish tarzidagi ehtiyot chorasi tayinlangan.

Yana bir holatda qidiruvda boʻlgan shaxs Pudost qishlogʻida qoʻlga olingan. Aniqlik kiritilishicha, 2023-yilning iyul oyida 22-yoshli yigit tanishi bilan janjallashib qolgan. Oʻzaro janjal davomida fuqaroga oʻrtacha ogʻirlikdagi tan jarohati yetkazgan.

Avvalroq Kursiv Uzbekistan Rossiyada noqonuniy migratsiyani tashkil etish...

Misrning In2Metals kompaniyasi Navoiy viloyatidagi mis konini oʻzlashtirish loyihasining ikkinchi bosqichini boshladi. Bu haqda «Dunyo» agentligi xabar berdi.

Ma’lum qilinishicha, loyihaga $700 ming to‘g‘ridan-to‘g‘ri investitsiyalar jalb qilingan bo‘lib, joriy yil yakuniga qadar ushbu ko‘rsatkichni kamida 2 million dollarga yetkazish rejalashtirilgan.

Joriy yil sentabrda boshlangan loyihada 1400 metrlik burgʻilash va 1700 metr kanava kavlash ishlari olib borildi, laboratoriya tahlillari uchun 1500 dona probalar olindi.

Avvalroq Kursiv Uzbekistan Navoiy kon-metallurgiya kombinati ishlab chiqarishni kengaytirish uchun $150 million jalb qilgani haqida yozgan edi.

Daromadning oʻsishiga qaramay Xitoy texnologiya giganti Huaweiʼning sof foydasi 13,7 foizga kamaydi. Bu haqda Reuters xabar berdi.

Ta’kidlanishicha, yanvardan sentabrgacha boʻlgan davrda kompaniyaning sof foydasi 62,9 milliard yuan ($8,83 milliard)ni tashkil etdi.

Daromad esa 452,3 milliard yuandan 585,9 milliard yuanga oʻsdi, Huawei kompaniyasining asosiy iste’molchi biznesi, jumladan, smartfonlar va shaxsiy kompyuterlar hamda uning elektr avtomobil komponentlari bloki yaxshi natijalarga erishdi.

Avvalroq Kursiv Uzbekistan Toshkentda Huawei Experience Store doʻkoni ochilgani haqida xabar bergan edi.