Yangiliklar

Toshkent xalqaro aeroportida yuk tashish hajmini sezilarli oshirish imkonini beradigan yangi yuk terminali ishga tushirildi. Bu haqda Uzbekistan Airports ma’lum qildi.

Yiliga 120 ming tonna yuk tashish quvvatiga ega kompleks 5,2 gektar maydonda joylashgan bo‘lib, uch qavatli ma’muriy bino, turli tovarlar uchun omborxona hamda yengil va yuk mashinalari uchun to‘xtash joyini o‘z ichiga oladi.

Yangi omborxona 8500 kvadrat metr maydonga ega bo‘lib, harorat rejimi talab qiladigan yuklar uchun 500 kvadrat metrlik sovitish va muzlatish kameralari bilan jihozlangan. Bu yerda o‘simlik va tirik hayvonlar, qimmatbaho yuklar, oziq-ovqat mahsulotlari hamda dori-darmonlarni saqlash uchun maxsus xonalar tashkil etilgan.

Xitoy Xalq Respublikasi raisi Si Szinpin O‘zbekiston Respublikasi prezidenti Shavkat Mirziyoyevga Navro‘z bayrami munosabati bilan tabrik yo‘lladi.

Tabrik maktubida Xitoy hukumati va xalqi nomidan O‘zbekiston rahbari va xalqiga samimiy tilaklar bildirildi.

«Ming yillik tarixga ega Navro‘z bayrami bahorning kirib kelishi va tabiat uyg‘onishini ifodalaydi. U o‘zbek xalqining baxtli hayotga, birlik va taraqqiyotga intilishini aks ettiradi», – deyiladi maktubda.

Si Szinpin, shuningdek, o‘tgan yil Ostonada bo‘lib o‘tgan SHHT sammiti doirasida ikki davlat o‘rtasida erishilgan kelishuvlarning muvaffaqiyatli amalga oshirilayotganini mamnuniyat bilan qayd etdi.

Xitoy yetakchisi O‘zbekiston bilan barcha sohada hamkorlikni rivojlantirishga tayyorligini bildirgan holda, prezident Mirziyoyevga...

AQSh prezidenti Donald Tramp O‘zbekiston Respublikasi prezidenti Shavkat Mirziyoyevga Navro‘z bayrami munosabati bilan tabrik yo‘lladi.

Tabrikda AQSh xalqi nomidan O‘zbekiston xalqiga tinchlik, farovonlik va yangilanish tilaklari bildirildi.

«Mamlakatlarimiz o‘rtasida mustahkam rishtalar o‘rnatilayotganini yuksak qadrlayman va Sizning izchil islohotlar dasturingizni olqishlayman. Savdo aloqalarimizni kengaytirish va zamonamizning eng yirik muammolarini hal etish yo‘lida hamkorlik qilishni intiqlik bilan kutaman», – deyiladi maktubda.

Tramp, shuningdek, AQSh O‘zbekistonning suvereniteti, mustaqilligi va hududiy yaxlitligini doimo qo‘llab-quvvatlashga sodiq ekanini ta’kidladi.

AQSh rahbari prezident Mirziyoyev va O‘zbekiston xalqiga Navro‘z bayrami munosabati bilan ezgu tilaklarini bildirdi.

Avvalroq Kursiv Uzbekistan Rossiya prezidenti O‘zbekiston rahbarini Navro‘z...

Rossiya Federatsiyasi prezidenti Vladimir Putin O‘zbekiston Respublikasi prezidenti Shavkat Mirziyoyevga Navro‘z bayrami munosabati bilan tabrik yo‘lladi.

Tabrik maktubida Rossiya – O‘zbekiston munosabatlari strategik sheriklik va ittifoqchilik ruhida muvaffaqiyatli rivojlanayotgani ta’kidlangan. Putin ikki mamlakat o‘rtasidagi do‘stona aloqalar bundan buyon ham o‘zaro manfaatlar asosida mustahkamlanib borishiga ishonch bildirdi.

«Birgalikdagi sa’y-harakatlarimiz bilan ikki tomonlama aloqalarni do‘st xalqlarimiz farovonligi, Markaziy Osiyoda xavfsizlik va barqarorlikni mustahkamlash yo‘lida rivojlantiramiz, deb ishonaman», – deyiladi tabrikda.

Rossiya prezidenti Shavkat Mirziyoyevga mustahkam sog‘lik va muvaffaqiyatlar, O‘zbekiston fuqarolariga esa baxt-saodat va farovonlik tiladi.

Xitrou aeroporti yaqinidagi elektr podstansiyasida yuz bergan yong‘in sababli 21-mart kuni soat 23:59 gacha yopiq qoladi. Ushbu yong‘in aeroport elektr ta’minotiga jiddiy ta’sir ko‘rsatib, minglab yo‘lovchilarning rejalashtirilgan parvozlariga putur yetkazdi.Bu haqda BBC nashri ma’lum qildi.

Aeroport ma’muriyati bayonotida, yo‘lovchilar xavfsizligi ta’minlanishi uchun aeroport vaqtincha yopilganini bildirdi va fuqarolardan qo‘shimcha ma’lumot olish uchun aviakompaniyalari bilan bog‘lanishlarini so‘radi. Xitrou vakili elektr ta’minotining qachon tiklanishi borasida aniq ma’lumot yo‘qligini ta’kidlab, aeroport xodimlari muammoni hal qilish uchun harakat qilayotganini qo‘shimcha qildi.

London g‘arbidagi Xeys podstansiyasida sodir bo‘lgan yong‘in oqibatida 16,3 mingdan ortiq xonadonlar elektr ta’minotisiz qoldi, 150 ga yaqin odamlar evakuatsiya qilindi. London...

Huawei kompaniyasi o‘zining navbatdagi buklanadigan smartfoni – Pura X modelini rasman namoyish qildi. Ushbu qurilma o‘ziga xos 16:10 tomonlar nisbati bilan ajralib turib, video va tasvirlarni ko‘rish sifatini sezilarli darajada yaxshilaydi. Bu haqda ITHome nashri ma’lum qildi.

Huawei Pura X ichki ekrani 6,3 dyuym, 2120 × 1320 pikselli o‘lcham va 120 Gts gacha yangilash tezligi bilan ta’minlangan. Maksimal yorqinlik 2500 nit bo‘lib, foydalanuvchilarga har qanday yorug‘lik sharoitida qulay ko‘rish imkonini beradi. Shuningdek, 3,5 dyuymli tashqi displey ham mavjud bo‘lib, u qo‘ng‘iroqlar, xabarlar, QR kodlar va navigatsiya ma’lumotlarini aks ettirish uchun ishlatiladi.

Pura X 4720 mA/soat sig‘imli akkumulyator bilan jihozlangan...

Soliq qo‘mitasi 21 – 23-mart kunlari katta hajmli ma’lumotlar bazasini yangi serverlarga ko‘chirish jarayonlarini amalga oshirayotganini ma’lum qildi. Shu sababli, bu davrda soliq organlarining ayrim axborot tizimlari va elektron xizmatlarining ish faoliyati vaqtincha cheklanadi.

Xususan, soliq hisobotlarini yuborish, soliqlarni to‘lash, soliq to‘lovchilarni ro‘yxatga olish, elektron murojaatlar, soliq imtiyozlari, EHF, TTYuX va ijara shartnomalarini rasmiylashtirish jarayonlari vaqtinchalik ishlamaydi.

Savdo, umumiy ovqatlanish va xizmat ko‘rsatish obyektlarida onlayn-NKT xarid cheklari uzluksiz shakllantiriladi, ammo keshbek va elektron cheklar bo‘yicha funksiyalar migratsiya tugagandan so‘ng tiklanadi.

Soliq qo‘mitasi yuzaga kelishi mumkin bo‘lgan noqulayliklar uchun uzr so‘rab, xarid cheklari 10 kun ichida Soliq mobil ilovasida ro‘yxatdan...

«Yangi O‘zbekiston» bog‘ida prezident Shavkat Mirziyoyev ishtirokida Navruz bayrami bo‘lib o‘tmoqda. Bu haqda prezident matbuot xizmati ma’lum qildi.

«Aziz vatandoshlar, sizlarni Navro‘z bayrami bilan qutlayman. Har bir xonadonga, yurtimizga tinchlik hamda fayzu baraka tilayman», – dedi davlat rahbari.

Bayram tadbirini jonli tarzda prezident matbuot xizmatining YouTube dagi rasmiy sahifasida tomosha qiling.

20-mart kuni HIMA Stelato S9 EREV modelini 318 ming yuan ($44 ming) narxda sotuvga chiqardi. Bu haqda CarNewsChina nashri ma’lum qildi.

Rasmiy taqdimot esa aprel oyida bo‘lib o‘tadi. Ushbu model Huawei Turing platformasi asosida ishlab chiqilgan bo‘lib, ilg‘or harakat muammolarini bartaraf etish qobiliyatiga ega.

Stelato S9 EREV One Box dizayniga ega bo‘lib, sof elektr varianti ko‘rinishini saqlab qoladi. Modelga eksklyuziv Haoyu Blue tashqi bo‘yoq va 20 dyuymli ko‘p qirrali jantlar qo‘shilgan.

Huawei ADS 3.0 ilg‘or haydash tizimi bilan jihozlangan bo‘lib, avtomobil 4 ta lidar sensori, jumladan, 192 chiziqli lidar va uchta yuqori aniqlikdagi qattiq holatdagi lidar bilan ta’minlangan. Shuningdek...

Ijtimoiy tarmoqlarda Olmazor tumani, Sag‘bon ko‘chasida qurilish binosi qulab tushgani haqida tarqalgan videolar bo‘yicha rasmiy izoh berildi.

Mutasaddi tashkilotlarning voqea joyida olib borgan o‘rganishlari natijasida, bino qulamagani, balki opalovka (qolip) o‘rnatishda texnik xatolarga yo‘l qo‘yilgani sababli beton quyish jarayonida ulardan ayrimlari qulab tushgani aniqlangan.

Rasmiy ma’lumotga ko‘ra, ushbu hodisa natijasida na ishchilarga, na atrofdagi fuqarolarga zarar yetgan. Hozirda tegishli tashkilotlar qurilish normalariga rioya etilgan yoki etilmagani bo‘yicha chuqur o‘rganish ishlarini olib bormoqda.

Avvalroq Kursiv Uzbekistan Navroʻz bayramida arzonlashtirilgan yarmarkalar Olmazor tumanida ham tashkil etilishi haqida xabar bergan edi.

Futbol bo‘yicha jahon chempionatiga saralash bahslarining 7-turida O‘zbekiston terma jamoasi Qirg‘iz Respublikasini 1:0 hisobida mag‘lubiyatga uchratdi.

Fleshscore nashri o‘yindan so‘ng futbolchilarga quyidagicha ballarni qo‘ydi:

Guruhning boshqa bir bahsida Eron BAA terma jamoasini mag‘lubiyatga uchratdi va jadvalda birinchi o‘ringa ko‘tarilib oldi. Uchrashuvda mezbonlar mehmonlar darvozasini ikki bora ishg‘ol etdi. BAA terma jamoasi esa mehmonlar darvozasiga umuman yo‘l topa bilmadi.

Guruhning qolgan bir uchrashuvi hali davom etmoqda.

O‘zbekiston huquq-tartibot idoralari tomonidan xalqaro qidiruvda bo‘lgan, 1977-yilda tug‘ilgan R.N. Istanbul shahridan Toshkentga deportatsiya qilindi. U uyushgan guruh tarkibida odam savdosi bilan shug‘ullanganlikda ayblanmoqda. Bu haqda O‘zbekiston Respublikasining Istanbul shahridagi Bosh konsulxonasi ma’lum qildi.

«Mazkur shaxsning noqonuniy xatti-harakatlaridan zarar ko‘rgan fuqarolar O‘zbekistonning Istanbuldagi Bosh konsulxonasi yoki Ichki ishlar vazirligi va hududiy bo‘linmalariga murojaat qilishlari so‘raladi», – deiladi konsullik xabarida.

Jinoyat uchun jazolanish muqarrarligini ta’minlash maqsadida O‘zbekiston va Turkiya huquq-tartibot idoralari maxsus tadbirlarni davom ettirmoqda.

Avvalroq Kursiv Uzbekistan Turkiyadagi O‘zbekiston fuqarolari ogohlantirilgani haqida xabar bergan edi.

Futbol bo‘yicha jahon chempionatiga saralash bahslarining 7-turida O‘zbekiston «Bunyodkor»da Qirg‘iz Respublikasini qabul qildi. O‘yinda yagona gol uchrashuv taqdirini hal etdi deb xabar berdi Kursiv Uzbekistan muxbiri.

O‘yinning 24-daqiqasida mehmonlar o‘yinchisi Said Datsiyev o‘z jarima maydonchasi ichida qo‘pol o‘ynadi va natijada Tokotayev darvozasi tomon penalti belgilandi. Datsiyevga qizil kartochka hakam tomonidan ko‘rsatildi. Nuqtaga yaqin kelgan jamoa sardori Eldor Shomurodovning zarbasini Erjan Tokotayev qaytardi.

Birinchi taymning 40-daqiqasida Abbosbek Fayzullayevning uzatmasidan so‘ng Xojiakbar Alijonov raqib darvozasini ishg‘ol qildi. Gol o‘yinda yagonaligicha qoldi. Ikkinchi taymda ham bir qator vaziyatlar yuzaga keldi, ammo ikkala jamoa vakillari ham qulay vaziyatlardan foydalana olishmadi.

Keyingi turda O‘zbekiston terma...

Chevrolet Cobalt fevral oyida Qozog‘istonda eng ko‘p sotilgan yangi avtomobil bo‘ldi. Bu haqda Avtopotok nashri ma’lum qildi.

Qozog‘iston avtomobil xo‘jaliklari uyushmasi (KAS) ma’lumotlariga ko‘ra, ushbu modeldan 1776 dona sotilgan. Bu so‘nggi yillardagi tendensiyaning davomidir, chunki Cobalt muntazam ravishda birinchi o‘rinni egallab kelmoqda.

Fevral oyida Qozog‘istonda jami 2080 ta Chevrolet avtomobili sotilgan bo‘lib, bu 2024-yilning shu davriga nisbatan 80 foizga ko‘pdir.

Uzoq yillardan beri yetakchilikni saqlab kelayotgan Cobalt 2023 va 2024-yillarda ham Qozog‘istonda eng ko‘p sotilgan avtomobillardan biri bo‘lib qolmoqda.

Avvalroq Kursiv Uzbekistan Cobaltʼning narxi qanchaga tushgani haqida xabar bergan edi.

21-mart kuni O‘zbekiston bo‘ylab asosan biroz bulutli ob-havo hukm suradi. Yog‘ingarchilik kutilmaydi, faqat Qoraqalpog‘iston, Xorazm va Navoiy viloyatlarining ba’zi joylarida yomg‘ir yog‘ishi mumkin. Bu haqda O’zgidromet ma’lum qildi.

Toshkent shahrida havo biroz bulutli bo‘lib, yog‘ingarchilik kutilmaydi. Shamol sharqdan 10-12 m/s tezlikda esishi mumkin. Harorat kechasi 12-14°, kunduzi 27-29° iliq bo‘ladi.

Qoraqalpog‘iston va Xorazm viloyatida ba’zi hududlarda yomg‘ir yog‘ishi mumkin. Shamol g‘arbdan 15-20 m/s gacha kuchayishi kutilmoqda. Harorat kechasi 9-14°, kunduzi 15-20° iliq.

Buxoro va Navoiy viloyatlarida yog‘ingarchilik kutilmaydi, faqat Navoiy viloyatining ba’zi joylarida yomg‘ir yog‘ishi mumkin. Harorat kechasi 9-14°, kunduzi 25-30° iliq bo‘ladi.

Toshkent, Sirdaryo, Samarqand va Jizzax viloyatlarida...

Bangkokda Mitsubishi X-Force krossoverining gibrid versiyasi rasman taqdim etildi. Bu haqda Avtonovosti nashri ma’lum qildi.

Avval faqat benzinli dvigatel bilan taqdim etilgan model endi 1,6 litrli ichki yonuv dvigateli, elektr dvigatel va tortish akkumulyatoridan iborat 85 kVt (116 ot kuchi) quvvatga ega parallel gibrid tizim (HEV) bilan jihozlandi.

Mitsubishi X-Force HEV uchta haydash rejimini qo‘llab-quvvatlaydi: to‘liq elektr, gibrid va rekuperatsiya rejimi. O‘rtacha yoqilg‘i sarfi atigi 4,1 l/100 kmni tashkil qiladi. Krossover faqat old g‘ildirak bilan harakatlanadi va 183 mm lik klirensga ega. Active Yaw Control (AYC) tizimi esa haydovchi g‘ildiraklari orasidagi tortishni nazorat qilish orqali avtomobilning barqarorligini oshiradi.

Avvalroq...

Shveysariya soatlari eksporti fevral oyida Xitoy va AQShda talabning sustligi tufayli 8,2 foizga qisqardi. Xususan, o‘rta narxdagi soatlar (500 dan 3000 frankgacha) 15,4 foizga, hashamatli segment (3000 frankdan yuqori) esa 7,3 foizga pasaygan. Bu haqda Bloomberg nashri ma’lum qilgan.

Shveysariya soat sanoati pandemiyadan keyingi yuqori darajadagi talabdan so‘ng sustlashuvni boshdan kechirmoqda. Richemont, Swatch Group va LVMH kabi yirik brendlar ham, mustaqil ishlab chiqaruvchilar – Rolex, Audemars Piguet va Patek Philippe ham og‘ir sharoitlarga duch kelmoqda. O‘tgan yilda eksport hajmi 3 foizga qisqargan bo‘lsa, fevralda AQSh bozorida ham 6,7 foizlik pasayish qayd etildi.

RBC tahlilchisi Piral Dadhaniya bu holat AQShda...

Prezident Shavkat Mirziyoyev va prezident Ilhom Aliyev 20-mart kuni telefon orqali muloqot qilib, bir-birlarini Navro‘z bayrami bilan tabrikladilar. Uchrashuv davomida O‘zbekiston va Ozarbayjon o‘rtasidagi strategik sheriklikni yanada kengaytirish va mustahkamlash masalalari muhokama qilindi.

Iqtisodiy hamkorlik yili doirasida savdo hajmi oshayotgani, avtomobilsozlik, to‘qimachilik, energetika, qishloq xo‘jaligi va turizm sohalarida yangi loyihalar faol bosqichga o‘tgani ta’kidlandi. Shuningdek, madaniy-gumanitar almashinuv tadbirlari muntazam o‘tkazilayotgani qayd etildi.

Davlat rahbarlari xalqaro masalalar yuzasidan ham fikr almashib, bo‘lajak oliy darajadagi uchrashuvlar va ko‘p tomonlama sammitlar rejasini ko‘rib chiqdilar.

Avvalroq Kursiv Uzbekistan Shavkat Mirziyoyev Navro‘z saylida ishtirok etgani haqida xabar bergan edi.

Prezident Shavkat Mirziyoyev 20-mart kuni Bektemir tumanidagi Rohat mahallasiga tashrif buyurib, Navro‘z bayrami saylida qatnashdi.

Prezident korxonalar faoliyati, mahalladagi infratuzilma va aholi turmush darajasi bilan tanishdi. Shuningdek, sumalak saylida qatnashib, nuroniylar bilan samimiy suhbatlashdi. U tinchlik va osoyishtalikni saqlash, tadbirkorlikni qo‘llab-quvvatlash, yoshlarni ta’lim va ma’naviyatga yo‘naltirish muhimligini ta’kidladi.

«Mahallangizdagi obodlikni ko‘rib, mamnun bo‘ldim. Odamlarning daromadini oshirish, kambag‘allikni qisqartirish va yoshlar siyosatida hali ko‘p ish qilishimiz kerak. Ta’lim va ma’naviyatga e’tibor berish farovon jamiyat garovidir», – dedi Shavkat Mirziyoyev.

Rohat mahallasida maktablar, litsey, san’at maktabi va «Barkamol avlod» markazi faoliyat yuritmoqda.

Avvalroq Kursiv Uzbekistan...

Xiaomi kompaniyasi o‘z lineykasi doirasida yangi smartfonlarini taqdim etishda davom etmoqda. Xiaomi’ning eng yangi smartfonlari qancha turadi? Kursiv Uzbekistan muxbiri ularning narxlari bilan qiziqib ko’rdi.

Foydalanuvchilar tomonidan juda yaxshi kutib olingan Xiaomi 15 Ultra modeli O‘zbekistonda ham sotila boshlandi. Umuman olganda kompaniyaning Xiaomi, Redmi va Poco lineykalari mavjud. Siz bu maqoladan ularning hozirdagi narxlarini bilib olishingiz mumkin.

Bu maqolada qaysi modellar haqida bilib olasiz

Xiaomi 15 va 15 Ultra

2-mart kuni Xiaomi o‘zining eng so‘nggi flagman smartfonini taqdim etgan edi. Xiaomi 15 va 15 Ultra Xitoy texnologiya kompaniyasining eng yangi smartfonlari...

Xitoyning Temu platformasi O‘zbekistonda rasman bloklandi. Bu haqda ILMA matbuot kotibi Dilnoza Sobirova Kursiv Uzbekistan muxbiriga ma’lum qildi.

18-mart kuni Temu marketpleysi yuridik shaxs sifatida ro‘yxatdan o‘tib, O‘zbekiston Respublikasi rezidenti statusiga ega bo‘lgandi.

Shuningdek, platforma faoliyati 20-martdan cheklanishi haqida Istiqbolli loyihalar milliy agentligi (ILMA) xabar berdi. Sababi yuridik shaxs sifatida ro‘yxatdan o‘tgunga qadar bo‘lgan davrda platforma tomonidan soliqlar to‘lanmagan.

Hozirda sayti ochilmayapti, ilovasida esa uzilishlar kuzatilmoqda.

Avvalroq Kursiv Uzbekistan Temu endi bloklanmasligi mumkinligi haqida yozgandi.

Bugun, 20-mart kuni O‘zbekiston va Qirg‘iziston terma jamoalari o‘rtasida futbol bo‘yicha musobaqa o‘tkazilishi munosabati bilan Chilonzor tumanining ayrim ko‘chalarida harakat vaqtincha cheklanadi. Bu haqda shahar hokimligi xabar berdi.

O‘yin munosabati bilan soat 17:00 dan 23:30 gacha bo‘lgan vaqt oralig‘ida Chilonzor va Cho‘ponota ko‘chalari chorrahasidan, Cho‘ponota ko‘chasi bo‘ylab, Cho‘ponota – Qatortol ko‘chalari kesishgan chorrahasigacha bo‘lgan qismi, Bunyodkor ikkinchi darajali ko‘chasidan – Cho‘ponota ko‘chasigacha bo‘lgan qismida harakat amalga oshirilmaydi.

Avvalroq Kursiv Uzbekistan Bo‘stonliqqa boradigan ayrim yo‘llarda avtotransport harakati vaqtincha cheklangani haqida yozgandi.

Navro‘z bayrami munosabati bilan o‘zbekistonliklar 21-23-mart kunlari dam oladi. Bu vaqtda aholiga qulaylik yaratish maqsadida 22 ta bankning valyuta ayirboshlash va pul o‘tkazmalari shoxobchalari faoliyat yuritadi.

Quyidagi banklar dam olish (bayram) kunlari ham mijozlarga xizmat ko‘rsatadi. Har bir bank nomiga bosib, qaysi filial yoki bo‘limlar ochiq ekanini bilib olishingiz mumkin:

Qishloq xo‘jaligi ekinlari urug‘larini yetishtirish huquqini qo‘lga kiritish uchun tanlovlarni tashkil etish va o‘tkazishga mo‘ljallangan «E-urug‘» tizimi yaratildi. Bu haqda Vazirlar Mahkamasi qarori e’lon qilindi.

Mazkur tizimda o‘tkaziladigan tanlovlar haqida e’lonlar besh kun oldin platformada va OAVda e’lon qilinadi. Ishtirokchilar onlayn ariza topshiradi.

Tanlovda paxta va boshqa ekinlar uchun qabul 19 – 25-mart kunlari, g‘alla uchun esa 15-iyul va 5-avgust kunlari bo‘lib o‘tadi. Hujjatlarni qabul qilish muddati tugagach bir ish kuni ichida tanlov bo‘ladi. G‘oliblar besh ish kuni ichida aniqlanib, ularga QR-kodli protokol taqdim etilgach «E-urug‘» tizimida e’lon qilinadi.

Mazkur qaror milliy qonunchilik bazasida e’lon qilinib, 19-martdan kuchga kirdi.