Yangiliklar

Uzbekistan Airways Mustaqillik bayrami munosabati bilan mahalliy qoʻshimcha aviaqatnovlarni amalga oshiradi. Bu haqda kompaniya axborot xizmati xabar berdi.

Qoʻshimcha qatnovlar respublikaning oltita hududiga amalga oshiriladi.

Shuningdek, 31-avgustdan 3-sentabrgacha amalga oshiriladigan barcha mahalliy aviaqatnovlar...

2024-yil iyul oyi boshida O‘zbekistonda 1 kv. km. maydonida oʻrtacha aholi soni 82,7 kishini tashkil qilmoqda. Bu ko‘rsatkich o‘tgan yilning shu davriga nisbatan 2 foizga oshdi, deya xabar beradi Statistika agentligi.

Eslatib o‘tamiz, respublikaning doimiy aholisi soni 2024-yil 1-iyul holatiga 37,13 million kishiga yetdi, yillik o‘sish 761,8 ming kishini tashkil etadi.

Aholining eng yuqori zichligi Toshkent shahrida qayd etilgan bo‘lib, 1 kv. km. da poytaxtda 6,8 mingdan ortiq aholi istiqomat qiladi.

Avvalroq «Kursiv» BMT ma’lumotlariga koʻra, Oʻzbekistonda aholi soni 2100-yilga borib ikki baravar koʻpayishi haqida yozgan edi.

Toshkent viloyati Zangiota tumanida harakatlanib kelayotgan Damas avtomobili yonib ketdi. Bu haqda Toshkent viloyati IIBB YHXB matbuot xizmati xabar berdi.

Ma’lum qilinishicha, holat joriy yilning 26-avgust kuni Zangiota tumani «Qirguzar» QFY Nazarbek ko‘prigi ostida sodir bo‘lgan.

Avtotransport Turkiston — Toshkent yo‘nalishida harakatlanib kelgan. Haydovchi 1999-yilda tug‘ilgan fuqaro bo‘lgan.

Yong‘in kelib chiqishi natijasida avtoulov to‘liq yonib ketgan. Haydovchi zudlik bilan transport vositasini tark etgan. Yong‘in natijasida hech kimga tan jarohati va zarar yetmagan.

Hozirgi vaqtda holat yuzasidan Zangiota tumani FVB YXB tomonidan surishtiruv ishlari olib borilmoqda.

Avvalroq Kursiv Uzbekistan Yangihayot tumanida joylashgan omborxonada yong‘in sodir bo‘lgani haqida xabar...

2024-yilning yanvar–iyun oylarida Toshkent metropolitenida 131,9 mln yoʻlovchi tashilgan. Bu haqda Statistika agentligi axborot xizmati xabar berdi.

Ma’lum qilinishicha, bu koʻrsatkich 2023-yilning mos davriga nisbatan 50,9 mln nafarga koʻp. Joriy yilning yanvar–iyun oylarida Toshkent metropolitenida bir kunda oʻrtacha 724,5 ming nafar yoʻlovchilar tashilgan. Bu 2023-yilning mos davri bilan solishtirilganda ushbu koʻrsatkich 277,1 ming yoʻlovchiga oshgan.

Avvalroq Kursiv Uzbekistan Toshkentga yangi zamonaviy metro poyezdlari olib kelingani haqida xabar bergan edi.

Raqobat qoʻmitasi Shangfeng-Bridge of Fr sement zavodini 4,9 mlrd soʻm jarimaga tortdi. Bu haqda qoʻmita axborot xizmati xabar berdi.

Ma’lum qilinishicha, zavod joriy yilning mart–iyul oylarida birja savdolari orqali sotilishi kerak boʻlgan jami 122,7 ming tn sement mahsuloti belgilangan talablarga zid ravishda toʻgʻridan-toʻgʻri shartnomalar asosida realizatsiya qilingan.

Bunda jami 2,7 ming tn sement mahsuloti oʻrtacha hisoblangan birja kotirovkasidan yuqori narxlarda toʻgʻridan-toʻgʻri realizatsiya qilinganligi natijasida 81,1 mln soʻm asossiz ravishda daromad olingan va boshqa sement ishlab chiqaruvchilarga nisbatan insofsiz raqobatni sodir etgani aniqlandi.

Shu bilan birga, MCHJ tomonidan yuqori likvidli va monopol turdagi (sement) mahsulotini toʻgʻridan-toʻgʻri shartnomalarga asosan realizatsiya qilishda...

Qanot Sharq aviatashuvchisi 27-avgust, seshanba kuni texnik sabablarga ko‘ra to‘rtta parvozni bekor qildi, deyiladi kompaniyaning Telegram-kanalida.

Gap HH-741 (Samarqanddan Sankt-Peterburgga), HH-744 (Sankt-Peterburgdan Namanganga), HH-743 (Namangandan Sankt-Peterburgga) va HH-742 (Sankt-Peterburgdan Samarqandga) reyslari haqida bormoqda.

Ushbu reyslarga chiptalar egalariga xaridning to‘liq narxi qaytariladi. Kompensatsiya sifatida ularga «Qanot Sharq» aviakompaniyasining shu kabi yo‘nalishlarida bepul o‘rin beriladi. Xizmatdan bir yil davomida foydalanish mumkin.

Avvlaroq Kursiv Uzbekistan kuni kecha HH572 Qanot Sharq reysi Turkiyaning Merzifonida rejalashtirilmagan qo‘nishni amalga oshirgani haqida yozgan edi.

Farg‘ona viloyati Dang‘ara tumanida o‘z xizmat vazifasini bajarayotgan profilaktika katta inspektoriga nisbatan muqaddam sud tomonidan ozodlikni cheklash jazosi (uy qamog‘i) tayinlangan fuqaro tomonidan pichoq bilan tan jarohati yetkazilishi oqibatida vafot etgan. Bu haqda viloyat IIB matbuot xizmati ma’lumot berdi.

Qayd etilishicha, joriy yilning 26-avgust kuni ma’muriy hudud profilaktika katta inspektori o‘z xizmat vazifasini bajarish davomida muqaddam Jinoyat kodeksining 276-moddasi (giyohvandlik vositalari, ularning analoglari yoki psixotrop moddalarni o‘tkazish maqsadini ko‘zlamay qonunga xilof ravishda tayyorlash, egallash, saqlash va boshqa harakatlar) bilan fuqaro aybli deb topilib, soat 18:00 dan 06:00 ga qadar yashash joyini tark etmaslik belgilangan.

Shunga qaramasdan fuqaro belgilangan vaqtda...

Italiyaning ESB Group kompaniyasi Samarqanddagi «Shirin» turarjoy majmuasi hududida uy-joylar va sport obyektlarini qurish loyihasi ustida ishlamoqda, deb xabar berdi «Yangi O‘zbekiston» gazetasi.

O‘zbekistonning Italiyadagi elchisi Abat Fayzullayev ESB Group xalqaro aloqalar bo‘yicha direktori Gaetano Krishi bilan loyihani amalga oshirishni muhokama qildi. Krishaning so‘zlariga ko‘ra, binolarni loyihalashda ularning zilzilabardoshligiga alohida e’tibor beriladi.

ESB Group davlat va xususiy mijozlar uchun arxitektura va muhandislik loyihalari bilan shug‘ullanadi. Shuningdek, kompaniya yuridik xizmatlarni ham taqdim etadi.

Avvalroq Kursiv Uzbekistan Italiyaning EU Wings kompaniyasi O‘zbekistonga samolyot ta’mirlash korxonasini yaratishda yordam berishini yozgan edi.

.uz domeni boshqaruv ma’muriyati ccTLD.uz saytida sun’iy intellekt (SI) yordamida aqlli domen nomlarini tekshirish funksiyasini ishga tushirdi, deb xabar berdi UZINFOCOM matbuot xizmati. 

ccTLD.uz sayti foydalanuvchilari SI yordamchi orqali o‘z domen nomlariga mos keladigan, o‘xshash nom yoki ma’noga ega alternativalarni topishlari mumkin bo‘ladi. 

Ma’muriyat vakillari bu tashabbus O‘zbekistonda raqamli xizmatlarni takomillashtirish bo‘yicha olib borilayotgan doimiy ishlarning bir qismi ekanini ta’kidladi.

Avvalroq Kursiv Uzbekistan O‘zbekiston rasmiylari sun’iy intellekt sohasida qonun ishlab chiqishni rejalashtirgani haqida xabar bergan edi.

Amerikaning texnologik giganti Apple 9-sentabr kuni taqdimot o‘tkazadi. Unda iPhone 16 smartfonlari taqdim etilishi kutilmoqda, deb xabar berdi The Verge portali.

Taqdimot «Porlash vaqti keldi!» shiori ostida o‘tkaziladi.

Tadbirda tahlilchilarning fikricha, Apple Intelligence sun’iy intellekt tizimi haqida ko‘proq ma’lumot beradi. Uning asboblari iPhone 16 ga birlashtirilishi mumkin.

Yangi smartfonlar katta o‘lchamdagi ekranlari bilan ham ajralib turadi va birinchi marta bronza rangli korpusga ega bo‘ladi. Barcha qurilmalar «Harakat» va videoga olish tugmalari bilan jihozlanadi.

Nihoyat mish-mishlarga ko‘ra, taqdimotda Apple Watch Series 10 va yangi AirPods’ning ikkita versiyasi namoyish etiladi.

Avvalroq Kursiv Uzbekistan Foxconn iPhone 16 Pro‘ni Hindistonda sinov tariqasida ishlab...

O‘zbekistonda 2024-yilning yanvar–iyul oylarida 3,4 mln tonnadan ortiq ko‘mir qazib olindi. Bu ko‘rsatkich 2023-yilning mos davri bilan solishtirilganda 12,4 foizga oshgan, bu haqda mamlakat Statistika agentligi xabar berdi.

Iyul oyida respublika korxonalari tomonidan 844,7 ming tonna ko‘mir qazib olindi.

2024-yilning yetti oyi yakuniga ko‘ra, O‘zbekiston xorijga yillik 9,2 barobar o‘sish bilan $1,4 millionlik ko‘mir va undan tayyorlangan mahsulotlarni yetkazib bergan edi.

Avgust oyi boshida mamlakat ko‘mirni $96 millionga sotib oldi. Yil davomida import 2 foizga kamaydi.

Avvalroq Kursiv Uzbekistan xitoylik investor Henan O‘zbekistonda ko‘mir konini rivojlantirishga $400 mln sarmoya kiritmoqchi ekani haqida yozgan edi.

Facebook va Instagram ijtimoiy tarmoqlarining bosh kompaniyasi Meta geotermal energetika sohasida faoliyat yurituvchi Sage Geosystems tashkiloti bilan shartnoma tuzdi, deb xabar berdi The Hill nashri.

Erishilgan kelishuvga ko‘ra, Meta 2027-yilga qadar geotermal energiya to‘plagichlar yordamida ma’lumotlarni qayta ishlash markazlarini ta’minlaydi.

Ommaviy axborot vositalarining ma’lumotlariga ko‘ra, ushbu bitim texnologik gigant uchun foydali, chunki u sun’iy intellekt tizimlarini rivojlantirish uchun energiyaga bo‘lgan katta talabni qondiradi va shu bilan birga iqlimga ta’sirini kamaytirish bo‘yicha o‘z zimmasiga olgan majburiyatlariga zid kelmaydi.

Sage Geosystems Shell Oil kompaniyasining uchta sobiq rahbari tomonidan boshqariladi. Kompaniya geotermal energiya ishlab chiqarishga ixtisoslashgan. Avgust oyida Sage Geosystems Texasning San...

Qanot Sharq aviakompaniyasining HH572 reysi bir kun avval Turkiyaning Merzifon aeroportiga rejalashtirilmagan qo‘nishni amalga oshirdi, deya xabar berdi aviatashuvchi.

Vaziyat texnik sabablar bilan izohlandi. Qo‘nish vaqtida yo‘lovchilar va ekipaj a’zolaridan hech kim jarohat olmagan.

Samolyot Istanbuldan Samarqandga yo‘l olgandi. Uning yo‘lovchilari zaxira bortida O‘zbekistonga olib ketilgan. U kechasi Merzifondan uchib ketdi.

Avvalroq Kursiv Uzbekistan 2023-yil dekabr oyida Uzbekistan Airways samolyoti yo‘lovchining sog‘lig‘i yomonlashgani sababli uchib ketish aeroportiga qaytib kelgani haqida yozgan edi.

Bugun, 27-avgust kuni O‘zbekistonda yog‘ingarchilik kuzatilmaydi. Qashqadaryo va Surxondaryo viloyatlarida havo harorati 38-darajagacha isiydi. Boshqa viloyatlarda havo 35-darajagacha ko‘tariladi. Bu haqda Gidrometeorologiya xizmati agentligi xabar beradi.

Toshkentda havo bulutli va o‘zgaruvchan bo‘ladi, biroq yomg‘ir yog‘maydi. Kunduzi havo harorati 33-darajagacha ko‘tariladi, kechga kelib 17-19 daraja iliq bo‘ladi.

Tog‘li hududlarda ham yog‘ingarchilik kuzatilmaydi. Kunduzi 20-25 daraja issiq bo‘ladi, kechasi esa 10-15 daraja iliq bo‘ladi.

Fransiya hukumati Telegram asoschisi Pavel Durovni Rossiya yoki AQShga ekstraditsiya qilmaydi. Bu haqda Fransiyaning Sciences Po instituti siyosiy fanlar doktori Ilyos Sarsembayev Facebookʼdagi sahifasida ma’lum qildi.

Ekspertning fikricha, Durov Fransiya fuqaroligiga ega va bu mamlakat fuqarosi sifatida u Fransiya huquq-tartibot idoralari xodimlarining barcha talablarini soʻzsiz bajarishi kerak. Moskva konsullik yordamini Durov rozi boʻlsagina koʻrsatishi mumkin.

Sarsembayevning soʻzlariga koʻra, Durovga nisbatan ish Fransiya Ichki ishlar vazirligi qoshidagi Voyaga yetmaganlar ishlari boʻyicha boshqarmasi tomonidan qoʻzgʻatilgan. Tashkilot voyaga etmaganlarga nisbatan zoʻravonlikka qarshi kurash boʻyicha ekspert byurosi hisoblanadi.

Durov Telegramʼda bolalar pornografiyasini almashish, bolalar savdosi, terrorizmni targʻib qilish va boshqa jinoyatlarni sodir...

Nukus xalqaro aeoroportiga nisbatan ish qo‘zg‘atildi. Bu haqda Raqobat qo‘mitasining matbuot xizmati ma’lum qildi.

Ma’lum qilinishicha, MCHJ tomonidan davlat xaridlari elektron portal orqali amalga oshirilgan 120 mln so‘mlik tanlov savdolarini o‘tkazishda «Davlat xaridlari» hamda «Raqobat to‘g‘risida»gi Qonun talablari qo‘pol ravishda buzilgan.

Ma’lumotlarga qaraganda, qo‘mita maxsus komissiya tomonidan «Raqobat to‘g‘risida»gi Qonun hamda Vazirlar Mahkamasi 225-son Nizom talablariga zid holatlar yuzasidan MCHJga nisbatan ish qo‘zg‘atilgan.

Avvalroq Kursiv Uzbekistan «Toshkent yo‘lovchi vagonlarini qurish va ta’mirlash» korxonasi jarimaga tortilgani haqida xabar bergan edi.

26–30-avgust kunlari Samarqand shahrida «Sharq taronalari» XIII xalqaro musiqa festivali bo‘lib o‘tadi. Bu haqda Madaniyat vazirligi xabar beradi.

Festivalda 80 ga yaqin mamlakatlarning 300 nafardan ziyod musiqachilari ishtirok etadi.

Festivalning asosiy maqsadi — milliy musiqa madaniyatini saqlash va rivojlantirish, iqtidorli yoshlarni qo‘llab-quvvatlash va xalqaro madaniy aloqalarni mustahkamlashdan iborat.

Sharq taronalari festivali 1997-yilda tashkil etilgan. O‘sha paytda Gran-pri g‘olibi ozarbayjonlik Simara Imanova bo‘lgan edi. 1-o‘rinni esa O‘zbekiston xalq artisti Munojat Yo‘lchiyeva qo‘lga kiritgan.

Ma’lumot uchun, ochilish marosimida ishtirok etish uchun Shavkat Mirziyoyev Samarqandga tashrif buyuradi.

Tanlov g‘oliblariga maxsus diplom, statuetka va pul mukofotlari beriladi. Gran-pri g‘olibiga — $10 ming...

Joriy yilning ilk olti oyida aviaqatnovlar orqali sal kam 6 ming tonna yuk tashilgan. Bu haqda Statistika agentligi ma’lum qildi.

Unga koʻra, 2024-yilning yanvar–iyun oylarida Oʻzbekiston Respublikasi boʻyicha havo transporti orqali joʻnatilgan yuklar hajmi 5,9 ming tonnani tashkil qilgan.

Ushbu koʻrsatkich 2023-yildagi shu davrda joʻnatilgan yuk hajmidan 17,2 % ga koʻproq.

Eslatib o‘tamiz, avvalroq Gruziya aviakompaniyasi Navoiyga parvozlarni yo‘lga qo‘ygan edi.

Jinoyat kodeksining 235-moddasi (qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazo turlarini qo‘llash) ni xalqaro standartlarga muvofiq yanada takomillashtirish bo‘yicha tegishli qonun loyihasi ishlab chiqildi. Bu haqda qonunchilik ma’lumotlari milliy bazasida ma’lum qilindi.

Unga ko‘ra, ushbu yondashuv orqali kelgusida fuqarolarning huquq va erkinliklarining kafolatlarini yanada kuchaytirish hamda boshqa turdagi qiynoq, kamsitishlarga yo‘l qo‘ymaslik ta’minlanadi.

Ishlab chiqilayotgan qonun loyihasida Jinoyat kodeksining 235-moddasi 3 va 4-qismlar bilan to‘ldirilmoqda. 235-modda 3-qism uchun sakkiz yilgacha ozodlikdan mahrum qilish jazosi, 4-qism uchun esa sakkiz yildan o‘n yilgacha ozodlikdan mahrum qilish jazosi tayinlanadi.

Amaliy yo‘nalishda qiynoq oqibati o‘lim bilan tugaganlik holati...

Suvsizlantirishdan olingan biologik faol qo‘shimchalar (BFQ) beshta ishlab chiqaruvchidan dori sifatida ro‘yxatdan o‘tishni talab qildi va savdo tarmoqlaridan olib qo‘yilishni boshladi, deb xabar beradi Raqobatni rivojlantirish va iste’molchilar huquqlarini himoya qilish qo‘mitasi.

KIFTI ORSA, ORS, ORS MAX, ORSASOL va FITA ORSA BFQ tarkibi Jurabek Laboratories tomonidan ro‘yxatdan o‘tkazilgan ORSA preparati bilan bir xil ekanligi aniqlandi. Bundan tashqari, qo‘shimchalarga yo‘riqnomalarda preparatlarning xususiyatlari haqida noto‘g‘ri ma’lumotlar mavjud edi.

Qo‘mita ushbu BFQ’larni ishlab chiqarishni to‘xtatishni, yetkazib berilgan mahsulotlarni savdo tarmoqlaridan olib qo‘yishni va ozuqaviy qo‘shimchalarni ishlab chiqarish uchun kompaniyalar tomonidan olingan ruxsatnomalarni qaytarib olishni talab qildi.

Qo‘mitaning ta’kidlashicha, so‘nggi paytlarda dori vositalarini...

O‘zbekistonning 39 davlatdagi diplomatik vakolatxonalarida respublika Oliy Majlisi deputatlari saylovini o‘tkazish uchun saylov uchastkalari tashkil etiladi. Bu haqda axborot agentligi xabar berdi .

Unga ko‘ra, mazkur qaror mamlakat Markaziy saylov qo‘mitasi tomonidan qabul qilindi.

Axborot agentligining ta’kidlanishicha, O‘zbekistonning xorijdagi diplomatik va boshqa vakolatxonalari hududlari Toshkentga biriktiriladi.

Avvalroq Kursiv Uzbekistan mamlakatdagi barcha besh partiyaga O‘zbekistonda parlament saylovlarida ishtirok etishga ruxsat berilgani haqida yozgan edi.

Shavkat Mirziyoyev Qozogʻiston Respublikasining davlat va jamoat arboblaridan bir guruhini mukofotlash toʻgʻrisida farmonni imzoladi. Bu haqda prezident matbuot xizmati xabar berdi.

Quyidagi arboblari Oʻzbekiston Respublikasining «Doʻstlik» ordeni bilan mukofotlandi:

Karin Yerlan Tinimbayuli — Qozogʻiston Respublikasining Davlat maslahatchisi

Jeldibay Ruslan Sultanuli — Qozogʻiston Respublikasi Prezidentining ichki siyosat va kommunikatsiya masalalari boʻyicha yordamchisi

Jumangarin Serik Makashevich — Qozogʻiston Respublikasi Bosh vazirining oʻrinbosari

Balayeva Aida Galimovna — Qozogʻiston Respublikasi madaniyat va axborot vaziri

Atamkulov Beybut Bakirovich — Qozogʻiston Respublikasining Oʻzbekistondagi Favqulodda va Muxtor Elchisi

Xashimjanov Ikram Akramovich — Qozogʻiston Respublikasi Oʻzbeklar etnomadaniy birlashmalari uyushmasi raisi

Avvalroq Kursiv Uzbekistan Shavkat Mirziyoyev Qozogʻistonning «Oltin...

O‘zbekistonlik opera xonandasi Xursand Sherov SSSR xalq artisti Muslim Magomayev sharafiga Toshkent – Vladivostok yo‘nalishi bo‘yicha 11 ming km yo‘lni bosib o‘tdi, deb xabar berdi «Moskovskiy komsomolets».

O‘zbekistonlik Vladivostok yo‘lida Magomayevning qo‘shiqlarini ijro etgan. U veloturi o‘zbek, ozarbayjon va rus xalqlarini birlashtirishiga umid bildirdi.

Xursand Sherov velosipedda sayohat qilishni 2013-yilda boshlagan va bir necha marta 10 mingdan 20 ming kilometrgacha bo‘lgan masofani velosipedda bosib o‘tgan. Shu vaqt ichida u Rossiya, Qozog‘iston, Qirg‘iziston, Xitoy va boshqa davlatlarga tashrif buyurdi.

Avvalroq Kursiv Uzbekistan O‘zbekiston Toshkent va Vladivostok o‘rtasida uchinchi aviaqatnovni yo‘lga qo‘yishga tayyor ekani haqida yozgan edi.

Latviyaga «CE» toifaga ega Oʻzbekiston fuqarolari yuk avtomobil haydovchisi lavozimiga ishga taklif etilmoqda. Bu haqda Tashqi mehnat migratsiyasi xabar berdi.

Ma’lum qilinishicha, oylik ish haqi 1100 yevroni tashkil qiladi.

Nomzodlar uchun talablar:

18 – 55 yosh;

rus yoki ingliz tilini muloqot darajasida bilish;

soha boʻyicha kamida 1 yillik tajriba;

sudlanmagan;

xorijga chiqish taqiqlanmagan;

sogʻlom.

Ish beruvchi hisobidan sugʻurta hamda hujjatlar va ish ruxsatnomalarini roʻyxatdan oʻtkazish qoplab beriladi. Agentlik xizmatlari, viza uchun toʻlov, aviachipta, ovqatlanish, yashash joyi fuqaro hisobidan.

Ro‘yxatdan o‘tish uchun havola.

Avvalroq Kuriv Uzbekistan Oʻzbekistonga tajriba almashish uchun xorijlik shifokorlar taklif qilingani haqida xabar bergan edi.