Yangiliklar

Afg‘onistonda Ezgulikni targ‘ib qilish va yomonliklarning oldini olish vazirligi ayollarga Qur’onni ovoz chiqarib o‘qish va boshqa ayollar ishtirokida namoz o‘qishni taqiqladi. Bu haqda Amu TV xabar berdi.

Unga ko‘ra, yangi taqiqni boshqarma boshlig‘i Muhammad Xolid Hanafiy ma’lum qildi.

2024-yil avgust oyida Afg‘onistonda 35 moddadan iborat qonun qabul qilingan bo‘lib, unda ayollarning jamoat joylarida so‘zlashi va jamoat joylarida yuzlari ochiq holda yurishi taqiqlanadi. Rasmiylarga ko‘ra, yangi taqiqlar illatlarga qarshi kurashish va ezgulikni targ‘ib qilish uchun qabul qilingan.

«Oilasining yagona boquvchisi bo‘lgan ayollar qanday qilib ro‘zg‘orlarini o‘tkazishlari, tibbiy yordam olishlari va hatto ovozlari taqiqlangan holda qanday...

BYD Uzbekistan Factory kompaniyasi berilgan katta hajmdagi imtiyozlar haqidagi hisobotga munosabat bildirdi. Ushbu hisobotga ko‘ra, 2024 yilning birinchi yarmida BYD Uzbekistan Factory 274,4 mlrd so‘m miqdorida bojxona imtiyozlari olgan va eng katta imtiyoz oluvchilardan biri bo‘lgan. Shu munosabat bilan OAVda bu imtiyozlarning o‘rinliligi haqida savollar paydo bo‘ldi.

BYD olgan imtiyozlar sohadagi eng katta emasligini ta’kidladi. Hisobotda 2024-yilning birinchi yarimida 10 454 tashkilot 24,4 trln so‘m miqdoridagi bojxona imtiyozlaridan foydalanganligi keltirilgan. Imtiyozlar bo‘yicha yetakchilar BYD Uzbekistan Factory, ADM Jizzakh (158,6 mlrd so‘m) va UzAuto Motors (367,2 mlrd so‘m) bo‘lgan.

O‘z elektrmobillarini mustaqil ravishda import qilayotgan jismoniy va...

Umumta’lim, ijodiy va ixtisoslashtirilgan maktablar oʻquvchilarining kuzgi ta’tillari 4-noyabrdan 10-noyabrga qadar davom etadi. Bu haqda Xalq ta’lim info ma’lum qildi.

Unga ko‘ra, maktablarda ikkinchi chorak darslari 2024-yil 11-noyabrda boshlanadi.

Agar ta’tilning oxirgi kuni bayramga yoki dam olish kuniga to‘g‘ri kelsa, darslar keyingi ish kunidan boshlanadi.

Eslatib o‘tamiz, avvalroq O‘zbekistonda bolalar bog‘chalarida inklyuziv guruhlar tashkil etilishi haqida yozgan edik.

2024-yil III choragi yakunlari bo‘yicha «Aloqabank»ning sof foydasi 21,3 milliard so‘mni tashkil etdi, bu o‘tgan yilning shu davriga nisbatan 90,8 foizga kam, deyiladi bank hisobotida.

2023-yilning yanvar – sentabr oylarida bankning sof foydasi 231 milliard so‘mdan oshgan edi. Shu bilan birga, joriy yilda kompaniyaning kapitali 15,6 foizga oshib, 2,6 trillion so‘mni tashkil etdi.

Moliya instituti aktivlari esa yil davomida 16,3 foizga o‘sib, 19,7 trillion so‘mga yetdi.

Avvalroq Kursiv Uzbekistan «O‘zsanoatqurilishbank»ning moliyaviy ko‘rsatkichlari haqida yozgan edi.

«Toshkent» respublika fond birjasidan (RFB) joy olgan yuqori likvidli aksiyalarning deyarli barchasi ortda qolgan haftani salbiy koʻrsatkichda yakunladi. Kursiv Uzbekistan hafta davomida RFBdagi qimmatli qogʻozlarning oʻzgarish dinamikasini oʻrganib chiqdi.

18-oktabrdan 25-oktabrgacha qadar UCI fond indeksi deyarli 2 foizga oʻzgardi. Faqatgina «Hamkorbank» (+12,10 foiz) va «Oʻzmetkombinat» (+5,2 foiz) haftani ijobiy yakunladi.

Qolgan barcha kompaniyalarning aksiyalari tushdi. Eng katta pasayish «Turon bank» (-19,25 foiz), «Yangiyoʻl yogʻ-moy» (-15,17 foiz), «Ipoteka bank» (-14,58) aksiyalarida kuzatildi.

21 ta yuqori likvidli aksiyalardan 2 tasi haftani yashil rangda yakunladi. Mazkur davrda «Toshkent» respublika fond birjasida 1,2 trln soʻmlik 4,6 mingta bitim amalga oshirildi.

Avvalroq Kursiv...

Wunder Digital agentligi sentabr oyida O‘zbekiston banklari saytlarining SEO samaradorligi bo‘yicha hisobot tayyorladi. Kursiv Uzbekistan ushbu hisobotning eng qiziqarli jihatlari bo‘yicha ma’lumot to‘pladi.

Reytingni tuzishda so‘rovlar chastotasi tahlili, bank portallarining qidiruv natijalaridagi o‘rni kabi asosiy omillar hisobga olindi.

Umumiy ko‘rinish reytingida yetakchilik «Ipak Yo‘li banki»ga tegishli bo‘lib, sentabr oyida uning internetdagi ko‘rinish darajasi 57,03 foiz deb baholandi.

Ikkinchi o‘rinni esa 45,53 foiz bilan «O‘zsanoatqurilishbank» egallagan bo‘lsa, uchinchi o‘rindan 32,98 foiz ko‘rsatkich bilan «O‘zmilliybank» yakunladi.

Google qidiruv tizimidagi bank portallari ko‘rinishi haqida gapiradigan bo‘lsak, bu yerda yetakchilik 57,63 foiz ko‘rsatkich bilan «Ipak Yo‘li banki»ga tegishli. Keyingi o‘rinlardan «O‘zsanoatqurilishbank» 47,02 foiz va...

Joriy yilning 21-oktabridan 27-oktabrigacha oltin fondlariga investitsiyalar $3,2 milliardga yetdi. Ushbu ko‘rsatkich 2020-yil iyulidan beri rekord ko‘rsatkichdir. Bu haqda «Kommersant» nashri xabar berdi.

So‘nggi besh oy ichida investorlar qimmatbaho metallga $18,3 milliard sarmoya kiritgan.

Oltin bo‘lgan qiziqishga turli omillar, jumladan, bozor noaniqligi va Donald Trampning AQSh prezidenti lavozimiga qaytishi ehtimoli ta’sir qilmoqda. Tramp Oq uyga qaytgan taqdirda, u import tariflarini oshirishi kutilmoqda.

Toshkent vaqti bilan soat 17:05 da dekabr oyidagi fyucherslar untsiya uchun $2,7 ming darajasida baholanmoqda. Shuningdek, Yaqin Sharqdagi tanglik va AQShdagi saylovoldi poygasi fonida oltin narxi o‘sishda davom etmoqda.

Avvalroq Kursiv Uzbekistan Oʻzbekiston oltin uchun...

28-oktabr kuni O‘zbekiston Respublika valyuta birjasida dollarning rasmiy narxi 13,47 so‘mga pasaydi va 12 794,92 so‘mni tashkil qildi.

Banklar ushbu valyutani 12 745 – 12 780 so‘mdan xarid qilishmoqda va 12 810 – 12 870 so‘mdan sotishmoqda.

Eslatib o‘tamiz, 25-oktabr kuni respublikada dollarning qiymati deyarli 8 so‘mga pasaygan edi.

Birinchi marta sinov tariqasida Toshkentdagi 10 ta saylov uchastkasida elektron ovoz berish qurilmalaridan foydalanildi. Bu haqda Markaziy saylov komissiyasi raisi Zayniddin Nizamxodjayev maʼlum qildi.

Uning taʼkidlashicha, elektron ovoz berishning ijobiy va salbiy tomonlari oʻrganilmoqda. Bunday elektron ovoz berish moslamalari saylov uchastkalari va saylov komissiyasining ishini osonlashtiradi.

Nizamxodjayevning qoʻshimcha qilishicha, bu eng asosiysi bir saylovchiga bir ovoz berish huquqini kafolatlaydi. Bunday qurilmalarni qonunchiligimizga kiritib, keyin amaliyotga kiritish kerak. Mana shu jarayonlarni oʻrganish davom etadi.

Shuningdek, u kelajakdagi saylovlarda elektron ovoz berish qurilmalaridan foydalanish haqida gapirdi.

«Texnologiya rivojlanib boryapti, mana shunday moslamalar taklif etilsa, dunyo saylov organlaridan qandaydir...

Joriy yilning yanvar–sentabr oylarida yirik korxonalar tomonidan deyarli 7,2 ming tonna dudlangan va yarim dudlangan kolbasa mahsulotlari ishlab chiqarilgan. Bu haqda Statistika agentligi matbuot xizmati xabar berdi.

Qayd etilishicha, ushbu ko‘rsatkichlar o‘tgan yilning mos davriga nisbatan solishtirilganda 14,8 foizga oshgan, ya’ni 2023-yilda 6,3 ming tonna kolbasa mahsulotlari ishlab chiqarilgan.

Ushbu ko‘rsatkichlar 2022-yilda 5,5 ming tonna, 2021-yilda esa, 5,4 ming tonnani tashkil qilgan.

Eslatib o‘tamiz, avvalroq Kursiv Uzbekistan Misr supermarketlari tomonidan o‘zbek kolbasalariga qiziqish bildirilgani haqida xabar bergan edi.

Sadir Japarov farmoni bilan 2022-yil aprelidan buyon ushbu lavozimda ishlab kelgan Musa Jamanbayev O‘zbekistondagi elchi lavozimidan ozod etildi.

Elchini ishdan bo‘shatish sabablari haqida hozircha ma’lumot yoq. Ilgari u prezidentning protokol xizmati rahbari lavozimida ishlab kelgan.

Avvalroq «Kursiv» O‘zbekistonga Qirg‘izistonning to‘rtta pansionati berilishini yozgan edi.

Uzum milliy raqamli ekotizimi va Women in Tech xalqaro tashkilotining O‘zbekistondagi filiali o‘rtasida hamkorlik memorandumi imzolandi. Hamkorlar IT sohasida ishlayotgan yoki bu sohada o‘z karyerasini endi boshlamoqchi bo‘lgan xotin-qizlar uchun o‘qitish va mentorlik dasturlarini yaratishga alohida e’tibor qaratishni rejalashtirmoqda. Bu haqda kompaniya Kursiv Uzbekistan’ga xabar berdi.

«Men Uzum bilan qo‘shma loyihalarning katta salohiyatini ko‘raman, chunki u nafaqat texnologiyalar va ekotizim mahsulotlari sohasidagi innovatsion kompaniya, balki O‘zbekiston xotin-qizlariga elektron tijorat vositalarini o‘rgatish orqali moliyaviy mustaqillikka erishish imkonini beruvchi kompaniya hamdir », — deya ta’kidlaydi Women in Tech Uzbekistan direktori Anna Ambrozevich.

«Uzum...

28-oktabr, shanba kuni O‘zbekistonning Toshkent viloyatida qor yog‘di, deb xabar berdi UzbMeteo Telegram kanali.

Yog‘ingarchilik viloyatning Bo‘stonliq tumanidagi tog‘li hududlarda 1,6–2 km balandlikda qayd etildi.

Avvalroq Kursiv Uzbekistan 2024-yil kuz-qish mavsumida O‘zbekistonda ilk bor sentabr oyi o‘rtalarida Qashqadaryo viloyatida qor yoqqani haqida yozgan edi.

Prezident Markaziy Osiyo davlatlarining yoshlarga oid umumiy siyosatini qo‘llab-quvvatlovchi qonunni imzoladi. Bu haqda Adliya vazirligi ma’lum qildi.

Unga koʻra, Qozogʻiston, Qirgʻiziston, Tojikiston, Turkmaniston va Oʻzbekiston respublikalari oʻrtasida yoshlarga oid siyosatning umumiy yoʻnalishlari toʻgʻrisidagi bitimni ratifikatsiya qilindi.

Ma’lumot uchun, ushbu qonun yoshlar uchun ijtimoiy, iqtisodiy va madaniy sharoitlarni yaxshilashga qaratilgan kompleks yondashuvni yaxshilash va umumiy imkoniyatlar yaratishni tutadi.

Eslatib o‘tamiz, avvalroq Yoshlar ishlari agentligi o‘quv markazlarini rivojlantirishga mas’ul bo‘lishi haqida yozgan edik.

Dilshod Axatov O‘zbekistonning Shveysariyadagi favqulodda va muxtor elchisi etib tayinlandi. Bu haqda «Dunyo» axborot agentligi xabar berdi.

Ma’lum qilinishicha, elchi (qarorgohi Berlin shahrida) 25-oktabr kuni Shveysariya prezidenti Viola Amerdga o‘zining ishonch yorliqlarini topshirgan.

Uchrashuv davomida Shveysariya prezidenti tomonidan hukumat O‘zbekistonda amalga oshirilayotgan islohotlarni to‘liq qo‘llab-quvvatlashini ma’lum qildi.

«Davlat rahbari O‘zbekiston va Shveysariya iqtisodiyoti o‘zaro manfaatli hamkorlikni yanada kengaytirish uchun katta salohiyatga ega ekanini bildirdi», – deyiladi xabarda.

Eslatib o‘tamiz, Dilshod Axatov 2023-yilning oktabr oyida O‘zbekistonning GFRdagi elchisi sifatida Germaniya Federal prezidenti Frank-Valter Shtaynmayerga ishonch yorliqlarini topshirgan edi.

Avvalroq Kursiv Uzbekistan Oybek Usmonov Afgʻonistonga elchi...

O‘zbekiston mahsulotlari uchun potensial eksport bozorlari haqida keltirilgan tadqiqot natijalari e’lon qilindi. Bu haqda Makroiqtisodiy va hududiy tadqiqotlar instituti ma’lum qildi.

Unga ko‘ra, meva-sabzavotlar va ularning qiyomlari, ip-gazlama, kiyimlar, kimyoviy tola, o‘g‘itlar, qimmatbaho toshlar kabi mahsulotlarga bo‘lgan talabning AQSh, Buyuk Britaniya, Kanada va boshqa mamlakatlarda yuqoriligi qayd etildi.

Tadqiqot har bir viloyatning eksport imkoniyatlarini aniqlash va iqtisodiy holatini yaxshilashga yordam beradi. Misol uchun, Surxondaryo va Farg‘ona viloyatlari meva-sabzavotlar uchun yaxshi imkoniyatlarga ega bo‘lsa, Navoiy va Toshkent qimmatbaho toshlar hamda metallar eksporti uchun tavsiya etilgan.

Ma’lumot uchun, buyurtmachilarning 75,5 foiziga mahsulotning qaysi davlatda yetkazilishining ahamiyati yo‘qligi ma’lum qilindi. Shuningdek...

Eron oliy rahbari Seyid Ali Xomanaiy Isroilga tahdid qilib, Islom Respublikasining qudratini ko‘rsatib qo‘yishga va’da berdi. Bu haqda Xameneiy matbuot xizmat xabar berdi.

«Kecha tunda sionist rejimi (Tehronda Isroilni shunday deb ataydi – Tahr.) koʻp narsani oʻz zimmasiga oldi va unga Eron xalqining kuchi, irodasi va tashabbusini oydinlashtirish zarur», – dedi Xomanaiy.

Shuningdek, u Isroil hujumlarini kam ham baholamaslik, oshirib ham ko‘rsatmaslik kerakligini ta’kidladi.

26-oktabrga o‘tar kechasi Isroil yuzdan ortiq samolyotdan foydalangan holda Eronga hujum qildi. Eronning Tehron, Xuziston va Ilom hududlarida, jumladan, Mudofaa vazirligi binosida harbiy nishonlarga qarshi zarba berildi. Tel-Aviv...

Instagram ijtimoiy platformasi kam ko‘rilgan videolar sifatini pasaytiradi. Bu haqda kompaniya rahbari Adam Mosseri Threads tarmog‘ida ma’lum qildi.

Mosserining so‘zlariga ko‘ra, mashhur videolar yuqori sifatda qoladi.

Ba’zi foydalanuvchilar ushbu yangilikni tanqid qildilar. Ular buni mashhur va yangi boshlagan ijodkorlar o‘rtasidagi farqni kuchaytirishi mumkin deb hisoblamoqda.

Eslatib o‘tamiz, avvalroq «Kursiv» O‘zbekistonda ijtimoiy tarmoqlardan aholining 24,6 foizi foydalanishi haqida xabar bergan edi.

Gruziya muxolifatchisi Nika Gvaramiya yaqindagina e’lon qilingan parlament saylovi natijasini tan olmasligini, bu Rossiyaning Gruziyani egallab olishini qonuniylashtirish bilan barobar ekanini aytdi. Yana u saylovlari natijalariga qarshi koʻchaga chiqishga chaqirdi. Bu haqda CNN axborot agentligi ma’lum qildi.

Uning so‘zlariga ko‘ra, hukmron «Gruziya orzusi» partiyasi nazorati ostidagi hukumat 26-oktabr kuni o‘tkazgan saylov natijalarini to‘liq soxtalashtirgan.

«Biz nafaqat Rossiya maxsus operatsiyasi deb ta’riflash mumkin bo‘lgan voqeaning guvohi, balki qurbonlari ham bo‘ldik. Bu xalqimiz va mamlakatimizga qarshi olib borilayotgan gibrid urushning yangi shaklidir», – dedi Gvaramiya.

Ammo minglab gruziyalik va xalqaro saylov kuzatuvchilari mamlakat boʻylab shahar markazlaridan...

27-oktabr kuni boʻlib oʻtgan parlament saylovida roʻyxatga olingan saylovchilarning 74,72 foizi ovoz berdi. Bu haqda Markaziy saylov komissiyasi raisi Zayniddin Nizomxoʻjayev ma’lum qildi.

Oliy Majlis Qonunchilik palatasi va xalq deputatlari Kengashlari deputatlari saylovida roʻyxatga olingan saylovchilarning 74,72 foizi, ya’ni 19 million 944 mingdan ortiq saylovchilarning 15 million 27 ming 527 nafari ovoz berdi.

Saylov natijalariga ko‘ra, O‘zbekiston Liberal-demokratik partiyasi 34,75 foiz ovoz to‘pladi va yetakchilik qildi. Unga 5,1 mln saylovchi ovoz berdi. «Milliy tiklanish» demokratik partiyasi — 18,82 foiz (2,8 mln nafar saylovchi), O‘zbekiston Ekologik partiyasi — 13,12 foiz (1,9 mln saylovchi), O‘zbekiston Xalq demokratik partiyasi — 17,11 foiz...

Rossiyada Nerchinsk shahridagi 1-sonli axloq tuzatish markazidan to‘rt nafar mahkum qochdi. Bu haqda viloyat Jazoni ijro etish federal xizmati ma’lumotlariga tayanib, RBK nashri xabar berdi.

Qayd etilishicha, ulardan ikki nafari Chita va Amur viloyatida qo‘lga olingan.

«Jismoniy kuch va maxsus vositalar qo‘llanilmadi. Hozirda mahkum Nerchinsk shahridagi axloq tuzatish markazining qoidabuzarlar uchun ajratilgan xonasiga olib ketilmoqda», – deyiladi boshqarma xabarida.

Mazkur holat yuzasidan tergov boshqarmasi tomonidan Rossiya Jinoyat kodeksining 293-moddasi (mansabdor shaxsning o‘z vazifalariga nisbatan vijdonsiz yoki ehtiyotsiz munosabatda bo‘lishi, beparvolik) bilan jinoyat ishi qo‘zg‘atilgan.

Hozirda tergov harakatlari olib borilmoqda. Qo‘zg‘atilgan jinoyat ishi...

Xalq deputatlari tuman Kengashlari deputatligiga nomzodlarni koʻrsatish va roʻyxatga olish jarayoni boʻyicha jami uchta ariza kelib tushgan. Bu haqda Oliy sud raisi oʻrinbosari Polvonov Shuhrat brifingda ma’lum qildi.

Uning ta’kidlashicha, saylov davrida Oliy Majlis Qonunchilik palatasi deputatligiga nomzodlarni koʻrsatish jarayoni yuzasidan sudlarga arizalar kelib tushmagan.

«Bugungi kunga qadar saylov oʻtkazuvchi komissiyalarning faoliyatiga aralashish, ularning ishlariga toʻsqinlik qilish, murojaatlarini koʻrib chiqishni gʻayriqonuniy tarzda rad etish, koʻrib chiqish muddatlarini buzish bilan bogʻliq ma’muriy huquqbuzarlik ishlari sudlarga kelib tushmagan», – deydi Polvonov.

Avvalroq Kursiv Uzbekistan saylovda 40 mingdan ortiq mahkumlarning ovoz berishi ta’minlangani haqida xabar bergan edi.

28-oktabr, dushanba kuni neft fyucherslarining narxi tushib ketdi. Bu haqda Trading Economics portali xabar berdi. Isroilning Eronga qarshi uyushtirgan hujumlari xomashyo va yadro obyektlariga ta’sir koʻrsatmagani sababli bunday holat yuzaga keldi.

Brent bir barreli $73, WTI $69 atrofida baholanmoqda. Har ikki markadagi xomashyo narxi taxminan 4 foizga arzonlashdi.

Shanba kuni Isroil aviatsiyasi Eron harbiy obyektlariga zarba berdi. Investorlar energiya yetkazib berish infratuzilmasi zarar ko‘rganidan xavotirda edilar, ammo bu sodir bo‘lmadi. Shuning uchun narxlar pasayib ketdi.

Aksiyalar bozorida Tesla (+3.34 foiz), Apple (+0.98 foiz) va Meta (+0.94 foiz) qimmatli qog‘ozlari o‘sib bormoqda.

Avvalroq Kursiv Uzbekistan Afg‘oniston Amudaryo havzasida neft...

Filippinga yopirilgan «Trami» tropik to‘foni natijasida yuzaga kelgan suv toshqinlari va ko‘chkilar oqibatida 110 kishi halok bo‘ldi. Bu haqda hukumatning tabiiy ofatlarga chora ko‘rish agentligiga tayanib, The Sun nashri xabar berdi.

Mamlakat prezidenti Ferdinand Markos Manila janubi-sharqidagi hududga tashrif buyurib, iqlim o‘zgarishi oqibatida yuzaga kelayotgan tabiiy ofatlarga qarshi kurashish bo‘yicha yirik loyiha ustida ish boshlash rejasi haqida ma’lum qildi.

Filippindagi to‘fon oqibatida yuz minglab insonlar evakuatsiya markazida qolgan.

«Qurbonlar soni haqida xabar berilganidan so‘ng «Trami» bu yil Janubi-Sharqiy Osiyoda eng ko‘p talafot yetkazgan to‘fon bo‘ldi», – deydi tabiiy ofatlarni boshqarish bo‘yicha...