Yangiliklar

Rossiyalik ishbilarmonlarga nisbatan sanksiya rejimi «katta xato» bo‘ldi, undan qo‘shni bozorlar aziyat chekmoqda. Kelib chiqishi o‘zbek bo‘lgan rossiyalik milliarder Alisher Usmonov Italiyaning Corriere Della Sera nashriga bergan intervyusida shunday fikr bildirdi.

«Ular (G‘arbdagi sanksiya tashabbuskorlari – Tahr.) Rossiya iqtisodiyotiga zarar yetkazmoqchi bo‘lishdi, ammo u o‘sib bormoqda. Ular biznes-elitalarni jazolamoqchi bo‘lishdi, ruslar esa pulni o‘z vataniga qaytarishdi. Rossiya sanksiyalarga moslashmoqda, qo‘shni bozorlar esa bundan aziyat chekmoqda», dedi Usmonov.

U qo‘shimcha qildiki, rossiyalik ishbilarmonlar o‘z vatanlarida siyosiy qarorlar qabul qilish jarayoniga ta’sir o‘tkazmaydilar. Shu bilan birga, ular «transmilliy kompaniyalarni barpo etib, chet ellarga sarmoya kiritganlar».

«Endi sanksiyalar tufayli ular o‘z mamlakatlari...

Qutqaruvchilar Sitsiliya qirg‘oqlarida bo‘ron natijasida halokatga uchragan Bayesian yaxtasining taniqli mehmonlarining jasadlarini dengiz tubidan olib chiqishdi. Halok bo‘lganlar orasida kema egasi, «britaniyalik Bill Geyts» Mayk Linch va Morgan Stanley International banki direktorlar kengashi raisi Jonatan Blumer bor, deya xabar berdi Reuters agentligi.

Moliyachi va biznesmendan tashqari, halokatda Blumerning rafiqasi Judi, Clifford Chance yuridik firmasi vakili Kristofer Morvillo va uning rafiqasi Ned halok bo‘ldi.

Linchning 18 yoshli qizi Xanna hanuzgacha bedarak yo‘qolgan.

Avvalroq Kursiv Uzbekistan Bayesian halokati haqida yozgan edi. Unda Linchning rafiqasi omon qolgan edi.

Linch 1996-yilda Autonomy kompaniyasiga asos solgan. U tuzilmagan manbalardan (telefon qo‘ng‘iroqlari, video va...

Bugun, 23-avgust kuni O‘zbekiston bo‘ylab issiq havo kuzatiladi. Yog‘ingarchilik kuzatilmaydi. Havo harorati o‘rtacha 32-37 daraja issiq bo‘ladi. Bu haqda Gidrometeorologiya xizmati agentligi xabar beradi.

Poytaxtda havo bulutli bo‘lishi ehtimoli bor, biroq yomg‘ir yog‘maydi. Kunduzi havo harorati 35-darajagacha ko‘tariladi, kechga kelib 20-22 daraja iliq bo‘ladi.

Qashqadaryo, Farg‘ona viloyatlarining tog‘li hududlarida qisqa muddatli yomg‘ir yog‘ishi va momaqaldiroq bo‘lishi mumkin. Kunduzi havo 27-darajagacha isishi mumkin, kechasi esa 16-daraja iliq bo‘ladi.

Banklar joriy yilning 7 oyida 2023-yilning mos davriga nisbatan 159 mlrd soʻmga kamroq foyda olgan. Bu haqda Markaziy bank xabar berdi.

Unga ko‘ra, banklar 2024-yilning yanvaridan iyul oyigacha 6,4 trln soʻm foyda olgan. Raqamlar avvalgi oylarda bundan ancha pastroq ko‘rsatkichda bo‘lgan. Jumladan, aprel oyi yakuni boʻyicha banklarning foydasi 1 trln soʻmga yoki 25 % ga pastlagan.

2024-yilning boshidan buyon umumiy daromad 91,8 trln soʻmni tashkil etib, salkam 30 % ga koʻpaydi. Xarajatlar 42,5 % ga ko‘tarilgan va 67,7 trln soʻm miqdorda qayd etilgan.

Eslatib o‘tamiz, avvalroq iste’mol kayfiyati indeksi: aholi orasida xarajatlar oʻsishiga ishonganlar ulushi ortgan edi.

Joriy yilning 21-avgust kuni Gretsiyaning «Sunion» nomli neft tankeri Iroqdan Afinaga ketayotgan vaqtida ikkita kichik kemalarda o‘ndan ziyod odamlar hujum qilishi natijasida Qizil dengizda cho‘kib ketdi. Bu haqda «Al Jazeera» nashri ma’lumot berdi.  

Neft tankeriga hujum Yamanning Hodeyda port shahridan 143 kilometr g‘arbda yuzaga kelgan. Hujum vaqtida bir nechta snaryadda o‘q ham uzilgan. Ushbu holat «Sunion»ning yonib ketishiga sabab bo‘lgan.

Ma’lumotlarga qaraganda 25 kishilik ekipaj yongan kemadan qutqarib olingan.

Hozirgi vaqtda Yeprova Ittifoqining Qizil dengiz floti missiyasi yuk tashish kompaniyasi hamda kema kapitanining so‘roviga javob berilgani, shuningdek, 23 nafar filippinlik hamda 2 nafar rossiyalik, umumiy 25 kishidan iborat ekipaj...

2024-yilning dastlabki olti oyida O‘zbekiston bo‘yicha umumiy foydalanishdagi magistral temir yo‘l transporti orqali 36,1 mln tonnadan ziyod asosiy turdagi yuklar tashilgan. Bu haqda Statistika agentligi xabar bergan.

Temir yo‘l orqali tashilgan yuklar umumiy hajmda yuqori ulushga ega bo‘lganlari: turli xildagi rudalar – 12,7 foiz, neft – 9,3 foiz, qurulish mollari – 5,9 foiz, ko‘mir – 8,2 foiz, kimyoviy hamda metall o‘g‘itlar – 5,3 foiz, boshqa turdagi yuklar esa 52,6 foizni tashkil qiladi.

Ma’lumot uchun, 2023-yilning mos davrida O‘zbekiston bo‘yicha umumiy foydalanishdagi magistral temir yo‘l transporti orqali 36,3 mln tonna asosiy turdagi yuklar tashilgan.

Avvalroq «Kursiv Uzbekistan» O‘zbekistonning tashqi...

WTI markadagi neft narxi yanvar oyidan beri birinchi marta bir barrel uchun $72 dan pastga tushdi. Bu AQSH va Xitoyning zaif iqtisodiy ma’lumotlari tufayli neftga bo‘lgan talab bilan bog‘liq xavotirlar fonida sodir bo‘ldi.

Xususan, AQShda so‘nggi bir yilda kutilganidan 820 mingga kam ish o‘rni yaratilgan.

Bundan tashqari, Yaqin Sharqdagi vaziyat bilan bog‘liq xavflar saqlanib qolmoqda – AQSH davlat kotibi Entoni Blinkenning avvalgi tashrifi Isroil va HAMAS o‘rtasida yarashishga olib kelmadi.

Bu haftada yirik kompaniyalarning aksiyalari aralash natijalarni namoyish etmoqda. Apple choraklik foydaning 10 foizga o‘sishini ko‘rsatgan ijobiy moliyaviy hisobot chiqqandan so‘ng 2 foizga o‘sishni qayd etdi.

Shu bilan birga, bulutli...

Qoraqalpog‘iston Respublikasining Nukus shahridagi o‘tov Ginnes rekordlar kitobiga kiritildi. Bu haqda Uzbektourism.uz Telegram kanali xabar bermoqda.

«Oq qush» majmuasida qurilgan qoraqalpoq milliy o‘tovining diametri 40,5 metrni tashkil etadi.

Avvalroq «Kursiv Uzbekistan» Birlashgan Arab Amirliklarida yangi yil bayrami namoyishlari Ginnesning rekordlar kitobiga kirganini yozgan edi.

Ozarbayjon prezidenti Ilhom Aliyev rafiqasi bilan Toshkentga yetib keldi. Bu haqda Bosh vazir matbuot xizmati xabar berdi.

Oliy martabali mehmonni Toshkent xalqaro aeroportida Oʻzbekiston Respublikasi bosh vaziri Abdulla Aripov va boshqa rasmiylar kutib oldi.

Qisqa suhbatdan soʻng Ozarbayjon prezidenti Ilhom Aliyev tashrif dasturiga muvofiq navbatdagi manzilga joʻnab ketdi.

Ma’lumot uchun, Ozarbayjon prezidenti 22–23-avgust kunlari Oʻzbekistonda bo‘ladi.

Tashrif dasturiga ko‘ra Toshkent shahrida Oʻzbekiston va Ozarbayjon yetakchilari raisligida oliy darajadagi muzokaralar va davlatlararo oliy kengashning birinchi majlisi oʻtkazilishi rejalashtirilgan.

Shuningdek, sammit kun tartibidan Oʻzbekiston – Ozarbayjon strategik sheriklik va koʻp qirrali hamkorlik munosabatlarini yanada chuqurlashtirish va kengaytirish masalalari oʻrin olgan.

22-avgust kuni O‘zbekiston Respublika valyuta birjasida dollarning o‘rtacha tortilgan qiymati 32,03 so‘mga ko‘tarildi va 12 677,04 so‘mni tashkil qildi.

Respublika hududidagi tijorat banklar dollarni 12 585 – 12 640 so‘mdan xarid qilishmoqda va 12 675 – 12 730 so‘mdan sotishmoqda.

Eslatib o‘tamiz, 21-avgust kuni mamlakatda AQSh valyutasining rasmiy qiymati qariyb 20 so‘mga o‘sgan edi.

Toshkent xalqaro aeroportida bojxonachilar tomonidan pnevmatik qurolni yashirincha olib oʻtmoqchi boʻlgan xorij fuqarosi qoʻlga olindi. Bu haqda «Toshkent-AERO» ixtisoslashtirilgan bojxona kompleksi matbuot xizmati xabar berdi.

Ma’lum qilinishicha, joriy yilning 21-avgust kuni Islom Karimov nomidagi Toshkent xalqaro aeroporti chegara-bojxona posti xodimlari tomonidan Sankt-Peterburg – Toshkent yoʻnalishi boʻyicha uchib kelgan xorij fuqarosiga tegishli boʻlgan 1 dona qora rangli yoʻl sumkasi bojxona koʻrigidan oʻtkazildi.

Natijada yuklar ichidan bojxona nazorati uchun belgilangan tartibda taqdim etilmagan va ichki ishlar organlarining tegishli ruxsatnomalarisiz boʻlgan 1 dona pnevmatik qurol va 1 dona pnevmatik quroldan otish uchun moʻljallangan 290 dona shariklar (zoldor) borligi aniqlandi.

Hozirgi vaqtda ushbu...

O‘zbekistonda elektr energiyasi ishlab chiqarish 42,8 mlrd kVt/soatdan oshdi, deyiladi Statistika agentligining 2024-yil yanvar–iyul oylari bo‘yicha hisobotida.

Yil davomida elektr energiyasi ishlab chiqarish 5,5 foizga kamaydi. Bir oy ichida mamlakatda elektr energiyasi ishlab chiqarish 16,17 foizga oshdi.

Avgust oyi boshida mamlakatimizda energetika sohasini tartibga solish to‘g‘risidagi qonunning yangi tahriri qabul qilindi. Energetika vazirligidan tashqari, sohani davlat tomonidan tartibga solish Vazirlar Mahkamasi, Energetika bozorini rivojlantirish va tartibga solish agentligi, shuningdek, mahalliy ijro etuvchi hokimiyat organlari tomonidan amalga oshiriladi.

O‘zbekiston hududiy elektr tarmoqlarini boshqarishni xususiy korxonalarga o‘tkazish rejalashtirilmoqda. Ushbu tashabbusni O‘zR prezidenti Shavkat Mirziyoyev biznes vakillari bilan uchrashuvda ilgari surgan.

Avvalroq...

Neuralink kompaniyasiga tegishli chipga ega ikkinchi bemor fikr kuchi bilan Counter Strike 2 shuterini o‘ynadi. Uning o‘yini aks etgan video startap portalida e’lon qilindi.

Aleks ismli bemor bunday o‘yin tajribasini «telbalik» deb atadi va endi u shuterda atrofga qarash uchun maxsus kontrollerdan foydalanmasligini ta’kidladi.

Neuralink’dan olingan videoda Aleksning Dust II kartasidagi o‘yini ko‘rsatilgan. O‘yin sessiyasi davomida u bir nechta raqibni o‘ldirishga muvaffaq bo‘ldi.

Toshkent shahar IIBB tomonidan «Qora dori – 2024» maxsus profilaktik tadbirlari davomida hududda taqiqlangan ekinlarni yetishtirgan bir necha shaxslar qo‘lga olindi. Bu haqda Toshkent shahar Ichki ishlar bosh boshqarmasi matbuot xizmati xabar berdi.

Unga ko‘ra, Mirzo Ulug‘bek tumanida joylashgan xonadonlarning birida nashaning o‘sishiga hamda uni parvarishlashga alohida sharoit yaratilib, alohida joy hozirlangan bo‘lib olti tup giyohvandlik vositasini parvarishlab kelgan shaxs aniqlandi.

Ushbu hududdagi xonadonlardan yana birida 21 tup nasha o‘simligini yetishtirgan hamda bir kg.ga yaqin quritish uchun saqlangan shu turdagi giyohvandlik vositalari aniqlangan.

Mirobod tumani IIO FMB tezkor xodimlari tomonidan tumandagi ko‘p qavatli uy xonadonlarining birida taqiqlangan o‘simlik yetishtirgan...

Braziliya AQSh va Kanadaga ko‘chib o‘tish uchun Janubiy Amerika davlatidan boshpana izlayotgan ba’zi chet el fuqarolariga cheklovlar joriy qilishni boshlaydi. Bu haqda CNN axborot agentligi xabar berdi.

Unga ko‘ra, ushbu harakat Braziliyada qolish uchun vizaga muhtoj bo‘lgan osiyolik muhojirlarga ham ta’sir qiladi.

Federal politsiya tekshiruvi shuni ko‘rsatdiki, muhojirlar Braziliyani ko‘pincha Shimoliy Amerikaga olib boradigan yo‘l sifatida qarashadi. Hujjatlardan birida aytilishicha, aeroportdan boshpana so‘rab murojaat qilganlarning 70 foizdan ortig‘i hind, nepal yoki vetnam millatiga mansubdir.

Vazirlikka ko‘ra, kelgusi haftadan boshlab vizasiz sayohatchilar yo samolyotda sayohatlarini davom ettirishlari yoki o‘z mamlakatiga qaytishlari kerak bo‘ladi.

Adliya vazirligining ma’lum qilinishicha, o‘tgan yil boshidan...

Yunon-rum kurashi bo‘yicha O‘zbekiston o‘smirlar terma jamoasi Iordaniyada bo‘lib o‘tgan jahon chempionatida bitta kumush va beshta bronza medalni qo‘lga kiritdi. Bu haqda Milliy olimpiya qo‘mitasi xabar bermoqda.

Unga ko‘ra, Husniddin Abdukarimov (-48 kg) kumush medaliga sazovor bo‘ldi. Sardor Xolmurzayev (-55 kg), Umidjon Karimov (-45 kg), Farrux Yo‘ldoshev (-60 kg), Behruzbek Valiyev (-71 kg), Faxrikamol Komiljonov (-92 kg) bronza medali bilan taqdirlandi.

Shu tariqa O‘zbekiston sportchilari turnirni bitta kumush va beshta bronza medali bilan yakunlab, ochkolar soni bo‘yicha umumjamoa hisobida ikkinchi o‘rinni egalladi. Ertaga erkin kurashchilar o‘rtasida musobaqalar boshlanadi.

Avvalroq «Kursiv Uzbekistan» Nig‘matilla Yo‘ldoshev O‘zbekiston kurash federatsiyasi raisligida qolganini...

Portugaliyalik futbol yulduzi Krishtianu Ronaldu YouTube platformasida o‘z kanalini ochdi va bir kunga qolmasdan 17 mln obunachiga ega bo‘ldi. Bu haqda Forbes axborot agentligi ma’lum qildi.

Krishtianu Ronaldu umumiy 900 milliondan ortiq ijtimoiy tarmoqlardagi obunachilarga ega. U endi global superyulduz maqomini mustahkamlash uchun dadil qadam tashladi – o‘zining ilk YouTube kanalini ishga tushirdi.

39-yoshli Ronalduning oddiygina «UR» deb nomlangan yangi YouTube kanali dastlabki 90 daqiqa ichida 1 million obunachidan oshib ketdi. To‘rt soatda esa 5 million obunachiga ega edi.

Eslatib o‘tamiz, avvalroq O‘zbekistonda bo‘lib o‘tadigan futzal bo‘yicha jahon chempionatining rasmiy timsoli e’lon qilingan edi.

O‘zbekistonda maxsus unvonda xizmat o‘tash muddati o‘zgardi. Bu haqda Adliya vazirligi matbuot xizmati ma’lum qildi.

Qarorda qayd etilishicha, Ichki ishlar organlarida xizmat o‘tashga doir masala yuzasidan nizomga o‘zgartirish kiritildi, unga ko‘ra maxsus unvonda xizmat o‘tash muddatlari bo‘yicha katta leytenant – 3 yil, kapitan – 4 yil, mayor – 5 yil, podpolkovnik – 6 yil qilib belgilandi.

Shuningdek, Davlat bojxona xizmati, Milliy gvardiya va fuqarolarning harbiy xizmatni o‘tash tartibi to‘g‘risidagi nizomga maxsus unvonda xizmat o‘tash muddatlari bo‘yicha o‘zgartirishlar kiritilgan.

Masalan, Davlat bojxona xizmati organlarida bojxona xizmati katta leytenanti – 3 yil, bojxona xizmati kapitani – 4 yil, bojxona xizmati...

18-oktabr kuni HR sohasida muhim voqea bo‘lib o‘tadi: xalqaro EMBRAS mukofoti va sammiti, Employer Brand Award & Summit. Bu yil tanlovning yuqori dolzarbligi tufayli mahalliy va xalqaro kompaniyalar tomonidan mukofotga katta qiziqish qayd etildi.

EMBRAS – ish beruvchi brendi va HR sohasi bo‘yicha nufuzli yillik mukofot hamda sammitdir. Joriy yilda EMBRAS maydoni o‘zining yettinchi yilligini nishonlamoqda.

Mukofotda ishtirokchilar o‘zlarini ko‘rsatishlari, amalga oshirilgan HR-loyihalarini namoyish etishlari va professional hamjamiyatning e’tirofiga sazovor bo‘lishlari mumkin. Mukofot doirasida 2024-yilning eng dolzarb mavzulariga bag‘ishlangan Sammit bo‘lib o‘tadi. Unda xalqaro va mahalliy spikerlar, shuningdek, Mukofot nomzodi ishtirok etadi.

Mukofot ishtirokchilarni Markaziy Osiyo, MDH va Yevropa kompaniyalarining...

Ijtimoiy tarmoqlarda ichki ishlar organlarida pensiyaga chiqish uchun xizmat muddatini 25-yilga uzaytirish mumkinligi haqida axborot tarqalmoqda. Ichki ishlar vazirligi Moliya-iqtisod boshqarmasi bu xabarlarning haqiqatga toʻgʻri kelmasligini ma’lum qildi.

Unga koʻra, hozirgi kunda ichki ishlar organlari faoliyati bilan bogʻliq boʻlgan normativ huquqiy hujjatlarga pensiya olish uchun xizmat muddatini 25-yilga uzaytirish boʻyicha taklif yoki qoʻshimchalar kiritish koʻzda tutilmagani ta’kidlandi.

Ma’lumot uchun, amaldagi qonunchilikda ichki ishlar organlarida xizmat qilayotgan xodimning xizmat muddati kalendar hisobda 20-yilga yetganidan soʻng, oʻtagan xizmat muddati uchun pensiya olish huquqiga ega boʻlishi koʻrsatib oʻtilgan.

Avvalroq «Kursiv Uzbekistan» 2025-yildan boshlab yoshga doir pensiyalar avtomatik tayinlanishi haqida xabar bergan...

Mamlakatda istiqomat qilayotgan 1980-yildan avval tug‘ilgan fuqarolarning aksariyat qismi «chin chechak» kasalligiga qarshi emlangani bois organizmda hosil bo‘lgan immunitet maymun chechakka ham qarshi ishlaydi. Bu haqda Sanitariya-epidemiologiya qo‘mitasi matbuot xizmati xabar berdi.

JSST (Jahon sog‘liqni saqlash tashkiloti) Yevropa Ittifoqining ta’kidlashicha maymun chechak kasalligi «Covid-19» kabi global muammo tug‘dirmaydi. JSST Mintaqaviy byurosi direktori Hans Klyuge maymun chechak kasalligi tarqalishi yuzasidan bayonot berdi.

Uning fikricha, «maymun chechagi koronavirus darajasidagi o‘ta jiddiy muammo emas, – biz Mpox virusi bilan qanday kurashish kerakligini bilamiz», deydi Klyuge.

Ma’lumot uchun, maymun chechagi – virusli infeksiyadir, u organizmni umumiy zaharlab terida toshmalar toshirish orqali kechadi.

Avvalroq «Kursiv...

AQSH mudofaa sanoatini chiplar bilan ta’minlab beruvchi Microchip kompaniya kiber hujumga uchrab, faoliyatining bir qismini to‘xtatishga majbur bo‘ldi. Bu haqda 3D news nashri xabar berdi.

Kompaniya taqdim etgan ma’lumotlarga ko‘ra, joriy yilning 17-avgust kuni axborot ishlash tizimida shubhali faoliyat aniqlangan.

Shundan so‘ng 19-avgust kuni Microchip komaniyasining ayrim serverlarida, shuningdek, ayrim bank operatsiyalarida nosozliklar uchraganini tasdiqladi. Bu haqda Bloomberg nashri xabar bergan.

Kompaniya kiber hujumdan himoyalanish choralarini ko‘rganini ma’lum qilgan.

«Biz zudlik bilan xavfni bartaraf etish choralarini ko‘rdik, jumladan, ta’sirlangan tizimlarni izolyatsiya qilish, ayrim tizimlarni o‘chirish va tashqi kiberxavfsizlik bo‘yicha maslahatchilar yordami bilan tergovni boshlash...

Marhum Eron prezidenti Ibrohim Raisiy vertolyotining halokati yuzasidan tergov xulosasi taqdim etildi. Bu haqda Reuters xalqaro nashri xabar berdi.

Unga ko‘ra, prezident bo‘lgan vertolyot 19-may kuni Eron shimoli-g‘arbidagi tog‘li hududga qulagan edi. Ushbu aviahalokatga ob-havo sharoiti va passajirlarning ko‘pligi, ya’ni ikkita odam ortiqcha olingani sabab sifatida ko‘rsatilgan.

Aviahalokat kuni marhum Ibrohim Raisiy Ozarbayjon va Eron chegarasidagi Araks daryosi to‘g‘onining ochilish marosimida ishtirok etib, qaytayotgan bo‘lgan. Vertolyotda prezident bilan birga bo‘lgan Eron tashqi ishlar vaziri Husayn Amir Abdullohiyan ham halokat tufayli dunyodan ko‘z yumgan.

Ma’lumot uchun, tergov jarayoniga 30 mingdan ziyod odamlar jalb etilgan.

Eslatib o‘tamiz, avvalroq Ibrohim Raisiy o‘rniga...

Birja savdolarida yuqori likvidli va monopol turdagi mahsulotlarning sotilishida qonunga zid harakatlar aniqlangan «Amudaryotex» MCHJ XKga jarima qoʻllandi. Bu haqda Raqobat qo‘mitasi xabar berdi.

Ma’lum qilinishicha, «Amudaryotex» MChJ XKning 2024-yilning yanvar–iyun oylaridagi faoliyatida «Raqobat toʻgʻrisida»gi Qonun hujjatlari talablariga rioya etilishi yuzasidan oʻrganish ishlari oʻtkazildi.

Tekshiruvlarga koʻra, korxona tomonidan 2024-yil I yarmida texnik chigit, paxta tolasi va momiq mahsulotlarini tasdiqlangan jadval asosida birja savdolariga qoʻymasdan, toʻgʻridan-toʻgʻri shartnoma asosida sotish orqali 900 mln soʻmga yaqin asossiz mablagʻlar olinganlik holatlari aniqlandi.

Hozirgi vaqtda «Amudaryotex» MCHJ XKga nisbatan ish qoʻzgʻatilib, natijasi boʻyicha belgilangan tartibda moliyaviy jarima qoʻllash yuzasidan qaror qabul qilindi.

Avvalroq «Kursiv...