Yangiliklar

Taras Shevchenko ko‘chasida gastronomik ko‘cha qurilishi bo‘yicha ishlarning birinchi bosqichini yakunlash muddati o‘ninchi oktabrga ko‘chirildi, deb xabar berdi Mirobod tumani hokimligi.

Tuman hokimligi ma’lumotiga ko‘ra, gastronomik ko‘chasi bo‘ylab oltita fotozona o‘rnatildi, avtobus bekati qurildi, 39 ta videokuzatuv kamerasi o‘rnatildi va infratuzilma yo‘lga qo‘yildi.

Poytaxt aholisi va mehmonlariga qulaylik yaratish maqsadida ushbu hududda piyodalar yo‘lakchasi qurilgan bo‘lib, uning katta qismi granit tosh bilan qoplangan.

O‘ninchi oktabrdan turizm ko‘chasini barpo etishning ikkinchi bosqichi bo‘yicha ishlar boshlanadi, deya qayd etdi hokimlik.

Eslatib o‘tamiz, ushbu hududda gastronomik ko‘cha qurilishi 2024-yil iyul oyi oxirida boshlangan edi.

Loyihaga ko‘ra, uning umumiy uzunligi 800 metr bo‘ladi...

2024-yil 2-oktabr kunida Toshkentda axborot texnologiyalari sohasida bepul ta’limni taklif qiluvchi School 21 kampusi ish boshladi. Bu haqda Kursiv Uzbekistan’ga ta’lim muassasasi xabar berdi.

Bu O‘zbekistondagi maktabning ikkinchi kampusi bo‘lib, u taxminan 8100 kvadrat metr maydonni egallaydi va mamlakatning tarixiy shaharlari nomi bilan atalgan klasterlarni o‘z ichiga oladi. Interyer an’anaviy naqshlar va zamonaviy geometrik shakllarni birlashtiradi.

School 21 ijrochi direktori Zarina Luxmanovaning so‘zlariga ko‘ra, yangi kampusning ochilishi O‘zbekiston IT infratuzilmasini rivojlantirish uchun muhim qadamdir. Ayni paytda 10 000 dan ortiq arizachilardan 710 nafari allaqachon ta’lim olmoqda. Talabalarning o‘rtacha yoshi – 24 yoshni tashkil qiladi. Eng yoshi kattasi o‘quvchi 49 yoshda...

Oʻzbekiston shaxmat federatsiyasi faoliyatini yanada takomillashtirish yuzasidan bo‘lib o‘tgan konferensiyada OʻzR bosh vaziri Abdulla Aripov Shaxmat federatsiyasi raisi etib saylandi. Bu haqda UzA ma’lum qildi.

Unga ko‘ra, 2022-yildan buyon federatsiya raisi vazifasida ishlab kelayotgan Yoshlar ishlari agentligi direktori Alisher Sa’dullayev raisining birinchi o‘rinbosari sifatida faoliyatini davom ettiradi.

Shuningdek, yig‘ilishda kelgusi yilda O‘zbekistonda o‘tkaziladigan 46-Butunjahon shaxmat olimpiadasiga tayyorgarlik masalalari, federatsiyaning quyi bo‘g‘inini qayta shakllantirish, faoliyatini yanada jonlantirish hamda yoshlar o‘rtasida shaxmatning ommalashtirish borasida topshiriqlar belgilab berildi.

Eslatib o‘tamiz, avvalroq Shavkat Umurzoqov O‘zbekiston shaxmat federatsiyasi Toshkent shahar bo‘limi raisi etib tayinlangan edi.

Jahon banki tomonidan O‘zbekistonning xususiy sektor rivoji, ijtimoiy himoya va iqlim harakatlari uchun $800 millionlik imtiyozli kredit paketi tasdiqlandi. Bu haqda bank axborot xizmati xabar berdi.

Qayd etilishicha, Jahon banki ijrochi direktorlar kengashi imtiyozli kredit paketini O‘zbekistonning inklyuziv va bardoshli bozor iqtisodiyotiga o‘tishini rivojlantirish uchun taqdim etadi. Shuningdek, qo‘llab-quvvatlanayotgan strukturaviy islohot dasturi biznes muhitini yaxshilash, qishloq xo‘jaligi, temir yo‘llar va energetika sektorlarida samaradorlikni oshirishga qaratiladi.

Bundan tashqari, dasturda davlat moliyasini boshqarishni takomillashtirish, ijtimoiy himoya xizmatlarini kengaytirish hamda atrof-muhit va iqlim o‘zgarishiga tayyorgarlikni kuchaytirish ham belgilangan.

Eslatib o‘tamiz, avvalroq Kursiv Uzbekistan Jahon bankini O‘zbekistonda pullik yo‘l qurilishiga jalb qilishni rejalashtirilgani...

Maktabgacha ta’lim sifati va samaradorligini yanada oshirish bo‘yicha prezident farmoni qabul qilindi. Bu haqda Adliya vazirligi ma’lum qildi.

Farmonga ko‘ra, kichik va oʻrta guruhlardagi bolalarda kognitiv, psixomotor va ijtimoiy koʻnikmalar rivojlantiriladi. Katta va maktabga tayyorlov guruhlaridagi bolalarda bilim olish, kommunikativ va ijodiy kompetensiyalarni shakllantirishga qaratilgan oʻquv-metodik materiallari ishlab chiqiladi.

2025-yil 1-avgustgacha maktabgacha ta’limning davlat ta’lim dasturi doirasida ishlab chiqilgan elektron resurslar, audiovizual mahsulotlar va oʻquv-metodik materiallar yaratiladi.

Maktabgacha ta’limni boshqarish axborot tizimida ota-onalar uchun shaxsiy kabinet yaratiladi va unda bolaning rivojlanish xaritasi ma’lumotlar joylashtirib boriladi.

Shuningdek, 2026/2027-oʻquv yilidan boshlab bogʻchalar tomonidan Maktabgacha ta’limni boshqarish axborot tizimida bolaning rivojlanish xaritasini...

OpenAI kompaniyasi ChatGPT uchun yangi Canvas interfeysini ishga tushirdi. Bu haqda kompaniya matbuot xizmati xabar berdi.

Yangi interfeys ChatGPT Plus va Teams obunachilari uchun ochiq holatda 10-oktabrdan esa uni Enterprise va Edu foydalanuvchilari ham ishlatishlari mumkin bo‘ladi.

ChatGPT foydalanuvchilari Canvas interfeysidan ish samaradorligini oshirish uchun foydalanishlari mumkin. Bundan tashqari, yangilangan interfeys matn va kod yaratish hamda tahrirlash imkonini beradi, bu esa loyihalar ustida birgalikda ishlashni osonlashtiradi.

Eslatib o‘tamiz, avvalroq Kursiv Uzbekistan Google inson kabi mulohaza yurita oladigan sun’iy intellekt modelini yaratishi haqida xabar bergan edi.

O‘zbekistonda chiqindilarni boshqarish va sirkulyar iqtisodiyotni rivojlantirish agentligi tashkil etiladi. Bu haqda Adliya vazirligi xabar berdi.

Agentlik chiqindilar bilan bog‘liq ishlarni amalga oshirish sohasida yagona me’yorlar va standartlarni ishlab chiquvchi, sinovdan o‘tkazuvchi va amaliyotga tatbiq etuvchi, ushbu yo‘nalishdagi faoliyatni muvofiqlashtiruvchi hamda chiqindilarni boshqarish sohasiga taalluqli davlat mulkini boshqaruvchi mas’ul davlat organi hisoblanadi.

Shuningdek, chiqindilar bilan bogʻliq xizmatlar tenderlari jarayonini onlayn kuzatish mumkin bo‘ladi. Chiqindi toʻplash shoxobchalariga videokuzatuv kameralar o‘rnatiladi va shoxobchalar faoliyati aholi tomonidan kuzatib boriladi. Chiqindilarni tashuvchi maxsus texnikalarga esa onlayn kuzatuv, ya’ni GPS oʻrnatiladi.

Tizimda ko‘rsatilayotgan xizmatlar sifati boʻyicha shikoyatlar va murojaatlarni qabul qilish uchun Call markaz tashkil...

O‘zbekistonda fuqarolarning firibgarlik harakatlari tufayli katta miqdordagi kriptoaktivlarini yo‘qotish holatlari muntazam kuzatilmoqda. Bu haqda Fintech & Banking 2024 forumi doirasida Kursiv Uzbekistan nashriga Heemera hammuassisi va direktori Artyom Klimenko ma’lum qildi.

Heemera 2024-yil 26-iyundan beri Istiqbolli loyihalar milliy agentligining (ILMA) «tartibga soluvchi qumdon» ishtirokchisi bo‘lib, blokcheyn tahlili va o‘g‘irlik, firibgarlik, tovlamachilik va boshqa noqonuniy harakatlar natijasida yo‘qolgan kripto-aktivlarni qaytarish bo‘yicha loyihani amalga oshirmoqda. Regulyatorning nazorati ostida kompaniya fuqarolar va tashkilotlarga yo‘qotilgan mablag‘larni qaytarishda yordam beradi.

Klimenkoning ta’kidlashicha, yoʻqotilgan mablagʻlar miqdori millionlab dollarni tashkil qilsa, tergov ishlari esa yuzdan ziyod. Eng keng tarqalgan sxemalar qatoriga soxta investitsiya, savdo platformalari va shunga tegishli...

«Hamkorbank» ATBning onlayn mikroqarz bank xizmati reklama axborotida iste’molchilarni chalg‘ituvchi ma’lumot berilgani aniqlangan. Bu haqda Raqobat qo‘mitasi matbuot xizmati xabar berdi.

Qayd etilishicha, bank xizmati reklamasida faqatgina kreditning miqdori haqida axborot berilgan bo‘lib, reklama axborotida ushbu kreditning qolgan muhim shartlari ko‘rsatilmagan.

Ushbu holat reklamadan foydalanuvchilarni chalg‘ituvchi yoki chalg‘itishga olib keluvchi holatni ifodalashi mumkin.

Mazkur holat yuzasidan maxsus komissiya «Hamkorbank» ATBga nisbatan belgilangan tartibda moliyaviy jarima qo‘llash haqida qaror qabul qildi.

Avvalroq Kursiv Uzbekistan Raqobat qo‘mitasi tomonidan Urganch davlat universitetiga nisbatan chora ko‘rilgani haqida xabar bergan edi.

Nosozlik orqa kameradagi tasvir kechikishida bo‘lib, bu avtohalokatlar xavfini orttirishi sababli kompaniya 27 mingdan ziyod mashinani qaytarib oladi. Bu haqda Reuters ma’lum qildi.

Unga ko‘ra, orqa kamera ikki soniya ichida ham haydovchiga mashina orqasida ketayotgan boshqa mashinaning tasvirini ko‘rsatmagan. Ba’zi avtomobillar orqa kamerasida sakkiz soniyagacha kechikish kuzatilgan. Bu Cybertruck tizimidagi dasturiy nosozlik tufayli yuzaga kelgan. Hozircha bu muammo natijasida hech qanday halokat yoki zarar ko‘rganlar qayd etilmagan.

Tesla orqa kameradagi kechikishni bartaraf etish uchun dasturiy ta’minot yangilanishini taqdim etishini aytdi.

Avvalroq yetkazib berishdagi kechikishlar, old oyna tozalagich dvigateli va trim bilan bog‘liq xavfsizlik muammolari tufayli Cybertruck qaytarib olingan edi...

Joriy yilning 4-oktabr holatiga ko‘ra, 5 grammlik oltin quymalarining narxi 5 mln 593 ming so‘mni tashkil qilmoqda. Bu haqda Markaziy bank axborot xizmati xabar berdi.

Sentabr oyi boshida 5 grammlik oltin quymalarining narxi 5 mln 233 ming so‘mni tashkil qilgan edi. Ushbu ko‘rsatkich oktabr oyiga boshiga kelib 360 ming so‘mga yoki 6,8 foizga ortgan.

Ma’lumot uchun, oltin quymalarining narxida eng baland ko‘rsatkich joriy yil 27-sentabr kuni qayd etilgan. Bunda 5 grammlik oltin narxi 5 mln 592 ming so‘m, 50 grammlik oltin narxi esa 56 mln 924 ming so‘mni tashkil qilgan.

Jahon...

Toshkent xalqaro aeroportidan 600 mln so‘mlik zargarlik buyumlarining noqonuniy olib o‘tilishiga chek qo‘yildi. Bu haqda «Toshkent-Aero» ixtisoslashtirilgan bojxona kompleksi matbuot xizmati ma’lum qildi.

Ma’lum qilinishicha, Dubay – Toshkent yo‘nalishida kelgan fuqaroning qo‘l sumkasi ichidan bojxona nazoratiga belgilangan tartibda taqdim etilmagan, jismoniy shaxslar tomonidan olib kirish me’yoridan ortiq bo‘lgan 1 dona tilla soat borligi aniqlandi.

Holat yuzasidan tayinlangan ekspertiza xulosalarida buyumning sof vazni 151,69 gramm bo‘lib, ushbu qo‘l soati qariyb 338 mln so‘mga baholangan hamda jinoyat ishi qo‘zg‘atilgan.

Bundan tashqari, ushbu fuqaroda qiymati 71 mln so‘mlik bir dona uzuk borligi ham aniqlangan.

Yana bir holatda esa Nyu-Yorkdan...

Oʻzbekiston Yaqin Sharqdagi vaziyat shiddat bilan keskinlashayotganidan chuqur xavotirdaligini bildiradi, deya xabar bermoqda mamlakat Tashqi ishlar vazirligi.

Mojaroning yanada kuchayishi mintaqadagi xatarlar va xavfsizlikka tahdidlarning misli koʻrilmagan darajada oshishiga, butun xalqaro hamjamiyat uchun oldindan aytib boʻlmaydigan oqibatlarga olib kelishi mumkinligi ta’kidlandi.

«Biz qarama-qarshi tomonlarni vazminlikka va keskinlikning yanada kuchayishiga olib kelishi mumkin boʻlgan harakatlardan tiyilishga chaqiramiz», – deyiladi xabarda.

Shuningdek, mojaroni xalqaro normalar va BMT Xavfsizlik Kengashi qarorlari asosida tinch yoʻl bilan hal etish boʻyicha shoshilinch choralar koʻrish zarurligi qayd etildi.

Avvalroq Kursiv Uzbekistan Isroil Eronning raketa hujumi uchun javob berishi kerakligini ma’lum qilgani...

Jahon banki Toshkentdan Andijongacha pullik yo‘l qurilishida ishtirok etishi mumkin. Bu masala bir kun avval O‘zbekiston transport vaziri Ilhom Mahkamov va moliya tashkiloti vakillari o‘rtasida bo‘lib o‘tgan uchrashuvda muhokama qilindi, deb xabar qildi vazirlik matbuot xizmati.

Tomonlar O‘zbekiston transport sohasiga xususiy investitsiyalarni jalb qilish yo‘llari, shuningdek, Toshkentdan Andijongacha yo‘l qurish loyihasi va Jahon bankining ushbu tashabbusda ishtirok etish imkoniyatlarini muhokama qildilar.

Moliyaviy tuzilma tomonidan tadbirda Yevropa va Markaziy Osiyodagi transport siyosati rahbari Shomik Raj Mehndiratta va infratuzilma dasturi rahbari, transport bo‘yicha yetakchi mutaxassis Vey Vinni Vang ishtirok etdi.

Avvalroq Kursiv Uzbekistan O‘zbekistonda pullik yo‘llar qurilishi muddatlari haqida yozgan...

Bugun, 4-oktabr kuni Qoraqalpog‘iston Respublikasi, Xorazm, Buxoro, Navoiy, Toshkent, Samarqand, Jizzax va Sirdaryo viloyatlarida yomg‘ir yog‘ishi mumkin. O‘zbekistonning janubiy hududlarida chang-to‘zonlar ko‘tariladi. Kunduzi havo 26-31 daraja issiq bo‘ladi. Bu haqda Gidrometeorologiya xizmati agentligi xabar beradi.

Poytaxtda ham kechga kelib yomg‘ir yog‘ishi ehtimoli bor. Kunduzi havo harorati 30-darajagacha ko‘tariladi, kechasi esa havo 15-17 daraja iliq bo‘ladi.

Tog‘li hududlarning ayrim joylarida yomg‘ir yog‘ishi va momaqaldiroq bo‘lishi ehtimoli bor. Kunduzi havo 20-darajagacha isiydi, kechga kelib esa 5-10 daraja salqin bo‘ladi.

Eron hukumati Isroil bilan ziddiyatda bir tomonlama vazminlik ko‘rsatmoqchi emas, ammo Yaqin Sharqda keng ko‘lamli urushga intilmaydi. Ushbu xabar Amerika Qo‘shma Shtatlari (AQSH) rahbariyatiga yetkazildi, deb xabar berdi Al Jazeera portali.

Bu haqda jurnalistlarga noma’lum Eron manbasi ma’lum qildi.

Isroilga kelsak, Al Jazeera ma’lumotlariga ko‘ra, mamlakat rahbariyati Eronning raketa hujumiga qanday javob berish haqida hali qaror qabul qilmagan. AQSH mojaro ko‘lamini kengaytirishdan qochishga chaqirmoqda.

Kursiv Uzbekistan oktabr oyi boshida Eron Isroilga qanotli va ballistik raketalar bilan hujum qilgani haqida yozgan edi.

«Tamerlano» operasining premyerasi Alisher Navoiy nomidagi Davlat akademik katta teatrida bo‘lib o‘tdi, deya xabar berdi O‘zbekiston prezidenti yordamchisi Saida Mirziyoyeva.

«Bu premyera biz uchun o‘tmish va bugunni bog‘laydigan muhim madaniy voqeadir», deb yozdi Mirziyoyeva o‘zining Telegram-kanalida.

Uning qo‘shimcha qilishicha, Jorj Friderik Handel operasining musiqasi o‘zbek milliy cholg‘u asboblaridan foydalangan holda ijro etilgan.

«Tamerlano» operasi birinchi marta XVIII asrda Londonda sahnalashtirilgan.

Avvalroq Kursiv Uzbekistan Mirziyoyeva Britaniya muzeyida Silk Roads ko‘rgazmasini ochgani haqida yozgan edi.

Huquq-tartibot idoralari Rossiyaning Irkutsk shahridagi o‘zbek milliy markazi rahbarini hibsga oldi. Hibsga olingan shaxs noqonuniy migratsiyani tashkil etishda ayblanmoqda, deb xabar berdi «Kommersant» nashri.

Shuningdek, Irkutskdagi Tojikiston diasporasi raisi o‘rinbosari ham qo‘lga olindi.

Tergovning ta’kidlashicha, ushbu ikki shaxs moddiy rag‘bat evaziga rus tilini bilish to‘g‘risidagi sertifikatlarni noqonuniy ravishda bergan. Tintuvlar davomida gumonlanuvchilardan 1,7 mln rubl (taxminan 227 mln so‘m) musodara qilingan.

Avvalroq Kursiv Uzbekistan Rossiyada noqonuniy migratsiyani tashkil etganlik uchun jazo choralari kuchaytirilishi haqida yozgan edi. Endi bu jinoyat uchun mol-mulk musodara qilinishi mumkin.

2024-yilning I yarim yilligidagi korrupsiyaga oid jinoyatchilik tahlil qilindi. Tahlil Antikor agentligi tomonidan ma’lum qilindi.

Unga ko‘ra, ushbu davrda 3837 nafar shaxs korrupsiyaga oid jinoyat sodir etgani uchun sudlar tomonidan jinoiy javobgarlikka tortilgan.

Tijorat banklarida 146 (186), Sog‘liqni saqlash vazirligi tizimida 145 (177), huquqni muhofaza qiluvchi organlarda 122 (128), Oliy taʼlim, fan va innovatsiyalar vazirligi tizimida 52 (64), Bandlik va kambag‘allikni qisqartirish vazirligi tizimida 30 (40), Qishloq xo‘jaligi vazirligi tizimidagi 30 (33) nafar shaxs korrupsion jinoyatlarni sodir etgan.

Shuningdek, Maktabgacha va maktab ta’limi vazirligi tizimining 285 (237), davlat ulushi mavjud korxonalarida 103 (153), mahalliy hokimliklarning 133 (119) nafar xodimlari...

Ma’rifatparvar shoir va jadid Zokirjon Xolmuhammad o‘g‘li Furqatning Xitoydagi qabridan hoki olib kelindi va ramziy qabri barpo etildi. Bu haqda Yozuvchilar uyushmasi ma’lum qildi.

Unga ko‘ra, adibning qabri Xitoyda, Yorkentda joylashgan edi. U yerdan hoki olib kelinib, Qo‘qon shahridagi Shayxon qabristoniga joylandi. Endi Futqatning O‘zbekistonda ham ramziy qabri bor.

Eslatib o‘tamiz, avvalroq O‘zbekistonlik yozuvchi xalqaro tanlovda 1-o‘rinni egallagani haqida yozgan edik.

«Uzbekistan airways» turizm oyligi munosabati bilan 60 yoshdan oshgan erkaklar va 55 yoshdan oshgan ayollar uchun ekonom-klass chiptalariga 15 foizgacha chegirma e’lon qildi. Bu haqda kompaniya natbuot xizmati ma’lum qildi.

Aksiya 2024-yil 1-noyabrdan 30-noyabrgacha amalga oshiriladigan barcha ichki reyslarda amal qiladi.

Chegirmadan foydalanish uchun chipta sotib olayotganda O‘zbekiston fuqarosining pasporti yoki ID kartasini ko‘rsatish lozim. Chiptalarni aviakompaniya ofislarida, rasmiy agentlar yoki kompaniya veb-saytida xarid qilish mumkin.

Chegirma faqat ekonom-klassdagi tariflarga taalluqli bo‘lib va soliq va boshqa yig‘imlarni o‘z ichiga olmaydi.

Avvalroq Kursiv Uzbekistan nashri Toshkent – Urganch – Toshkent yoʻnalishida qo‘shimcha aviareyslar yo‘lga qo‘yilishi haqida yozgan edi.

Qanot Sharq aviakompaniyasi o‘z parkini yangi Airbus A330 samolyoti bilan to‘ldirdi. Bu haqda Kursiv Uzbekistan tahririyatiga aviatashuvchi matbuot xizmati xabar berdi.

Unga ko‘ra, yangi samolyot Antaliyadan kelgan kompaniya hisobidagi yettinchi samolyot bo‘lib, u 345 o‘ringa ega va xalqaro yo‘nalishlarga ucha oladi. Yaqin kelajakda Turkiya, Saudiya Arabistoni, shuningdek, Tailand va Vyetnamga yangi yo‘nalishlarga aviaqatnovlar yo‘lga qo‘yilishi rejalashtirilgan.

Hozirda Qanot Sharq aviaparkida oltita samolyot bor: ikkita Airbus A320, ikkita Airbus A321 neo va ikkita Airbus A330.

Bundan tashqari, kompaniya Varshava, Parij, Madrid, Bangkok va Pekin kabi shaharlarga reyslar ochish niyatida ekanligini ma`lum qildi.

Avvalroq Kursiv Uzbekistan nashri Qanot aviakompaniyalari Sharq Janubiy Koreyaga...

Amerikaning OpenAI kompaniyasi ChatGPT’ni yanada rivojlantirish uchun investitsiyalarning yangi bosqichida $6,6 mlrd jalb qila oldi. Bu haqda The Wall Street Journal nashri ma’lum qildi.

Unga ko‘ra, investorlar qatoriga $1 mlrd sarmoya kiritgan Microsoft va $1,25 mlrd sarmoya kiritgan Thrive Capital kiradi.

Nashrning yozishicha, kompaniyaning qiymati hozirda $157 mlrdga baholanmoqda.

Bundan tashqari, OpenAI investorlarga agar kompaniya ikki yil ichida daromad keltirmasa, mablag‘larini olib qo‘yish imkoniyatini ham taklif etadi.

«Kursiv Uzbekistan» avvalroq OpenAI sun’iy intellekt (AI) modelini taqdim etgani haqida yozgan edi, u insondan ko‘ra tezroq «fikrlash» va murakkab savollarga javob bera oladi.

Better Cotton xalqaro notijorat tashkiloti O‘zbekiston korxonalarida paxta terish va qayta ishlash standartlarini monitoring qilishga kirishdi, deb xabar berdi «O‘zto‘qimachiliksanoat» uyushmasi.

Tashkilot mutaxassislari paxtachilik tarmog‘idagi islohotlar natijalarini, paxta-to‘qimachilik klasterlari va xo‘jaliklardagi mehnat sharoitlarini o‘rganadilar.

Better Cotton, shuningdek, mavsumiy xodimlar bilan shartnomalarni tekshiradi, bolalar mehnati va paxta sanoatida gender tengligiga rioya etilishini monitoring qiladi.

Noyabr oyida tashkilot O‘zbekiston korxonalari bilan strategik hamkorlikni rivojlantirish bo‘yicha yo‘l xaritasini imzolashni rejalashtirmoqda.

Paxta yetishtiruvchilar Better Cotton 3.0 barqarorlik standarti bo‘yicha baholanishi kutilmoqda.

Ushbu standartga muvofiqlik dunyodagi eng yirik to‘qimachilik kompaniyalari va savdo tarmoqlari, jumladan, H&M, IKEA va Levi Strauss bilan hamkorlik qilish imkonini beradi.