Yangiliklar

O‘zbekistonning «U18» terma jamoasi Tailandda bo‘lib o‘tgan III B divizioni Jahon chempionatida g‘alaba qozondi va yuqori divizionga yo‘l oldi. Endilikda jamoa kelasi mavsumda III A divizionida ishtirok etadi. Bu haqda Kursiv Uzbekistan’ga Xokkey federatsiyasi xabar berdi.

O‘zbekiston terma jamoasi barcha raqiblarini mag‘lubiyatga uchratdi: Janubiy Afrika Respublikasi (12:0), Lyuksemburg (12:1), Turkmaniston (8:2), Bosniya va Gertsegovina (11:3) hamda hal qiluvchi bahsda Tailand ustidan 3:2 hisobida g‘alaba qozondi. So‘nggi o‘yinda g‘alaba keltirgan shayba uchrashuv tugashiga besh daqiqa qolganida Jasurbek Rustamxonov tomonidan kiritildi.

Jamoa sardori Rustamxonov 5 o‘yinda 22 ochko (14 gol + 8 assist) jamg‘arib, turnirning eng yaxshi o‘yinchisi deb topildi. Jamoaning yana...

Moskva mintaqalararo transport prokuraturasi OAVda tarqalgan Vnukovo aeroportida teletrapning samolyot bilan to‘qnashuvi haqidagi ma’lumotlar bo‘yicha tekshiruv e’lon qildi.

Dastlabki ma’lumotlarga ko‘ra, hodisa kecha ertalab sodir bo‘lgan. Moskva – Toshkent yo‘nalishi bo‘ylab parvoz qilishni rejalashtirgan samolyotning chap dvigateli teletrap bilan to‘qnashuv natijasida shikastlangan. Sputnik xabariga ko‘ra, samolyot Uzbekistan Airways’ga tegishli.

Hozirda samolyot Vnukovo aeroportida bo‘lib, uning texnik holati baholanmoqda.

Eslatib o‘tamiz, avvalroq Janubiy Koreyadagi aviahalokat yuzasidan Jeju Air tergovga tortildi.

Namangan viloyatida «Namangan» maxsus eksport zonasi tashkil etiladi. Bu haqda Adliya vazirligi ma’lum qildi.

Unga ko‘ra, ushbu zona eksportga yo‘naltirilgan loyihalarni rivojlantirishga xizmat qiladi.

2025-yil 1-iyundan maxsus iqtisodiy zonalar ishtirokchilari mahsulot ishlab chiqarish va eksport qilish uchun import xomashyo, material va butlovchi qismlarni boj to‘lovlarisiz bojxona rasmiylashtiruvidan o‘tkazish imkoniyatiga ega bo‘ladi.

Bundan tashqari, 2028-yil 1-yanvarga qadar maxsus iqtisodiy va sanoat zonalari direksiyalari yer solig‘ining 1 foizi miqdorida ijara to‘lovini amalga oshirish tartibi belgilandi.

Eslatib o‘tamiz, avvalroq O‘zbekistonda maxsus iqtisodiy zonalarini rivojlantirish orqali 29 ming doimiy ish o‘rni yaratilishi haqida yozgan edik.

Samsung kompaniyasi Galaxy S24, S24 Plus va S24 Ultra smartfonlari uchun mart oyiga oid xavfsizlik yangilanishini chiqardi. Bu haqda Sammobile ma’lum qildi.

Unga ko‘ra, ushbu patch Android operatsion tizimi va One UI interfeysida aniqlangan xavfsizlik zaifliklarini bartaraf etadi.

Yangilanish Google tomonidan taqdim etilgan 51 ta va Samsung tomonidan ishlab chiqilgan 7 ta xavfsizlik tuzatishlarini o‘z ichiga oladi. Ulardan 11 tasi «tanqidiy», 40 tasi esa «yuqori darajali» muammolar hisoblanadi.

Hozirda yangilanish Janubiy Koreyada mavjud bo‘lib, tez orada boshqa mintaqalarga ham tarqatilishi kutilmoqda. Uning hajmi 280 MB bo‘lib, S92xNKSS5AYB1 raqami bilan belgilangan.

Eslatib o‘tamiz, avvalroq YouTube ommabop premium obunasini joriy...

2025-yilda maxsus iqtisodiy va sanoat zonalarining samaradorligini oshirish bo‘yicha yangi chora-tadbirlar belgilandi. Bu haqda Adliya vazirligi ma’lum qildi.

Yil davomida maxsus iqtisodiy zonalarda $2,3 mlrd investitsiya jalb qilinib, $1 mlrdlik eksport amalga oshiriladi. Sanoat zonalarida esa $800 mln investitsiya o‘zlashtirilib, eksport hajmi $512,2 mlnga yetkaziladi. Umumiy hisobda 29 ming doimiy ish o‘rni yaratilishi rejalashtirilgan.

Shuningdek, yangi tashkil etiladigan zonalar faqat maxsus iqtisodiy yoki sanoat zonasi shaklida bo‘ladi. Eksportga yo‘naltirilgan loyihalar uchun maxsus eksport zonalari tashkil etish imkoniyati yaratiladi.

Muhim yangiliklardan biri – maxsus iqtisodiy zonalarning amal qilish muddati bo‘yicha cheklovlar bekor qilinadi. Bu esa uzoq muddatli sarmoyalarni jalb etish...

Shavkat Mirziyoyev Misr, Italiya, Qirg‘iziston, Belarus, Gruziya va Turkiya elchilarini qabul qilib, ularning diplomatik faoliyatiga muvaffaqiyat tiladi. Bu haqda davlat rahbari matbuot xizmati ma’lum qildi.

Unga ko‘ra, prezident xalqaro maydonda do‘stlik va hamkorlikni mustahkamlash muhimligini ta’kidladi. O‘zbekiston joriy yilda Markaziy Osiyo davlatlari rahbarlari uchrashuviga raislik qiladi hamda Toshkentda «Markaziy Osiyo – Yevropa Ittifoqi» va «Markaziy Osiyo – Ko‘rfaz arab mamlakatlari» sammitlarini o‘tkazadi.

Tashqi investitsiyalar hajmi $35 mlrdga yetgani, iqtisodiy hamkorlik yildan-yilga rivojlanib borayotgani qayd etildi. O‘zbekistonning Jahon savdo tashkilotiga a’zo bo‘lishi yo‘lidagi sa’y-harakatlari ham xorijiy davlatlar tomonidan qo‘llab-quvvatlanmoqda.

Marosim yakunida elchilar O‘zbekiston bilan aloqalarni mustahkamlashga tayyor ekanliklarini bildirdilar.

Eslatib...

Hyundai Sonata’ning yangi versiyasini tayyorlamoqda va shuning uchun mutaxassislar allaqachon mashhur sedanning ko‘rinishini tasavvur qilmoqda. Koreyaning KKSStudio kompaniyasi dizaynerlarining fikricha, model o‘zining sport siluetini saqlab qoladi. Lekin u birinchi avlod Sonata Y1dan ilhomlangan retro elementlar bilan yanada burchakli ko‘rinishga ega bo‘ladi.

2026-yilgi Hyundai Sonata uslubi 1985-yilda taqdim etilgan modelning birinchi avlodiga mos kelishi kutilmoqda. Nashr qilingan renderlarga ko‘ra, sedan katta yon panellar va burchakli profildan iborat bo‘ladi.

LED chizig‘i , avtomobilning kengligini ta’kidlaydi. Salon zamonaviy eko-materiallar, shu jumladan, qayta ishlangan matolar va vegan teridan iborat. Yangi Hyundai Sonataning rasmiy texnik xususiyatlari uning debyutiga yaqinroq bo‘ladi. Ammo model brendning...

So‘nggi vaqtlarda ijtimoiy tarmoqlarda «Bir xonadonga uch qopdan chiqindi limiti qo‘yilibdi» mazmunidagi xabarlar tarqalmoqda. Toshkent shahar hokimligi bu ma’lumotlar mutlaqo noto‘g‘ri ekanini xabar qildi.

Shahar bo‘ylab maishiy chiqindilarni yig‘ish va olib ketish bo‘yicha hech qanday cheklovlar joriy etilmagan. Aholi va tadbirkorlik subyektlari uchun ushbu xizmatlar odatdagidek davom etmoqda.

Agarda iste’molchilarda chiqindilarni olib chiqish xizmati bo‘yicha savol yoki fikr-mulohazalar bo‘lsa, 71-247-01-11 va 71-247-79-21 raqamlariga murojaat qilishlari mumkin.

Shuningdek, @maxsustrans_support Telegram guruhida dispetcherlarga murojaatlar yo‘llasa bo‘ladi.

Avvalroq Kursiv Uzbekistan ikkita viloyatda chiqindi yigʻimi narxlari oshgani haqida yozgandi.

Joriy yilning 22-fevral kuni Perm oʻlkasining Osa tumanida davlat raqami 75 B 435 NA «Lada largus» rusumli avtomashina va «Simaz» avtobusi ishtirokidagi yoʻl-transport hodisasi sodir boʻlgan. Bu haqda Qozondagi bosh konsulxona xabar bermoqda.

Sodir boʻlgan transport hodisasi oqibatida ikki nafar Oʻzbekiston fuqarosi voqea joyida va bir nafari ogʻir jarohatlar sababli shifoxonada vafot etgan. Hodisada jarohat olgan yana uch nafar Oʻzbekiston fuqarolari Perm oʻlkasining Osa markaziy shifoxonasiga joylashtirilgan.

Oʻzbekistonning Qozondagi bosh konsulxonasi vafot etgan fuqarolarning jasadlarini Vatanga tezkor qaytarish ishlari yakunlanganini va jabrlanganlarga tibbiy muolaja koʻrsatilayotganini ma’lum qilgan.

Eslatib oʻtamiz, Kursiv Uzbekistan Samarqandda YTH oqibatida Nexia haydovchisi vafot etgani haqida...

O‘zbekistonda malakali moliyaviy mutaxassislarning yetishmovchiligi kuchayib bormoqda. So‘nggi yetti yil ichida ushbu sohada ish haqi oshgan. Bu haqda Norma.uz nashri ma’lum qildi.

Shunga qaramay korxonalarning moliya-xo‘jalik xizmatlarida yuqori malakali mutaxassislarning ulushi 12% darajasida qolmoqda. Ayniqsa, moliyaviy menejment sohasida mutaxassislarning yetishmovchiligi yaqqol sezilmoqda. Moliyaviy direktor lavozimiga da’vogarlarning ish haqi kutayotgan miqdori ish beruvchilar taklif etayotgan maoshdan 51% yuqori.

Ushbu muammoni hal qilish uchun «Moliyaviy mutaxassislar forumi – 2025» doirasida 8 ta muhim taklif ilgari surildi:

1. To‘rt bosqichli...

2-mart kuni Xiaomi o‘zining eng so‘nggi flagman smartfonini taqdim etgan edi. Xiaomi 15 va 15 Ultra Xitoy texnologiya kompaniyasining eng yangi smartfonlari bo‘lib, ular eng so‘nggi chiplar va kuchaytirilgan kameralarga ega. Kursiv Uzbekistan Xiaomi 15 ultra modeli O‘zbekistonga yetib keldimi yoki yo‘qligi haqida surushtiruv o‘tkazdi.

Afsuski, bu model hali O‘zbekiston hududiga yetib kelmagan. Xiaomi Uzbekistan ham yaqin orada ushbu modelni taqdim etishga tayyorgarlik ko‘rmoqda. Bu haqidagi ma’lumotni kompaniya o‘zining Telegramdagi rasmiy sahifasi izohida qoldirgan.

Kursiv Uzbekistan muxbiri Malika savdo majmuasidan ham Xiaomi 15 ultra modeli haqida tadbirkorlarga aloqaga chiqdi. Ular ham bu smartfonni hali sotuvga yetib kelmaganini tasdiqlashdi.

Oʻzboshimchalik bilan 850 mln soʻm elektr energiyasini noqonuniy iste’mol qilganlarga jinoyat ishi qoʻzgʻatildi. Bu haqda Bosh prokuratura xabar bermoqda.

Guliston shahridagi «I.A.S» MChJ va elektr ta’minoti mansabdor shaxslari oldindan til biriktirib, koʻp qavatli uylarni noqonuniy elektr tarmoqqa ulaganligi aniqlandi. Natijada 850 mln soʻmlik elektr energiyasi talon-toroj qilingan.

Holat boʻyicha jamiyat va elektr ta’minoti korxonasi xodimlariga Jinoyat kodeksining 169-moddasi 4-qismi «a» bandi bilan jinoyat ishi qoʻzgʻatilgan.

«Energoresurslardan qonunga xilof ravishda foydalanish holatlari fosh etiladi va jazo muqarrarligi ta’minlanadi», – deyiladi xabarda.

Eslatib oʻtamiz, Kursiv Uzbekistan Buxoroda noqonuniy mayning ferma 2,1 mlrd soʻmlik elektr energiyasi talon-toroj...

2025-yil 1-maydan boshlab Air Marakanda Qozog‘istonning Qazaq Air aviakompaniyasi bilan hamkorlikda Samarqand – Turkiston – Samarqand yo‘nalishida muntazam parvozlarni qayta yo‘lga qo‘yadi. Bu haqda kompaniya Kursiv Uzbekistan’ga ma’lum qildi.

Reyslar haftasiga ikki marta amalga oshiriladi:

🔹 Payshanba kunlari:

🔹 Yakshanba kunlari:

Har bir aeroport uchun vaqt mahalliy soat bo‘yicha ko‘rsatilgan.

Shuningdek, ushbu yo‘nalish Ostona shahriga tashrif buyuruvchilar uchun qulay tranzit reyslarni ham ta’minlaydi:

Payshanba kuni:

Markaziy bankning Axborotlashtirish bosh markazi DUK o‘z mobil ilovasini ishlab chiqmoqda. Bu haqda korxona rahbari Dilshod Sarihodjayev OAV vakillari bilan bo‘lib o‘tgan media muloqot paytida ma’lum qildi.

Mobil ilovani yuklab olib, identifikatsiyadan o‘tgach, har kim o‘zining bank ma’lumotlarini ko‘ra oladi. Qaysi bankda qancha plastik karta ochtirgan hamda qaysi bankda qancha hisoblari borligini ilova orqali bilib olishi mumkin.

«Ilova 2-3 oyda aholiga taqdim qilinadi va hamma bepul foydalana oladi», – deb qo‘shimcha qildi Dilshod Sarihodjayev.

Hozirda ushbu tizim banklarda mavjud bo‘lib, bank xodimi mijozning ism-familiyasini tekshirib, unda nechta bank kartasi ochilgani va boshqa ma’lumotlarni ko‘ra oladi.

7-martdan boshlab AQSh dollarining rasmiy kursi 17,99 so‘mga oshib, 12 918,36 so‘mni tashkil etadi. Bu haqda Markaziy bank axborot xizmati xabar bermoqda.

Mamlakatda tijorat banklari bir AQSh dollarini 12910 – 12960 so‘mdan sotayotgan bo‘lsa, 12840 – 12890 so‘m oralig‘ida sotib olmoqda.

Shu bilan birga, yevro 132,95 so‘mga oshib, 13951,83 so‘mga yetdi. Rossiya rubli esa 0,85 so‘mga yuqorilab, 144,65 so‘mga teng bo‘ldi.

Eslatib o‘tamiz, Kursiv Uzbekistan 2025-yil boshida so‘mning dollarga nisbatan 13 000 so‘mli psixologik chegaradan o‘tishi ehtimoli haqida o‘zining tahliliy maqolasida yozgan edi. 

YouTube AQShda musiqadan tashqari boshqa videolardan reklamalarni olib tashlaydigan yangi oylik 8 dollarlik obunani ishga tushirdi. Bu haqda Reuters agentligi ma’lum qildi.

Premium Lite tarifi kamdan-kam musiqa tinglaydigan mijozlar uchun moʻljallangan. Ya’ni bu obuna tizimi musiqadan boshqa videolarda reklamani oʻchiradi. Shuningdek, barcha videolardan reklamalarni olib tashlaydigan 14 dollarlik YouTube Premium obunasi va musiqiy videolarni reklamasiz tomosha qilishni istaganlar uchun 11 dollarlik obunalar ham mavjud.

«Biz musiqiy kontentni xohlamaydigan foydalanuvchilarimiz uchun bu oʻzgarishlarni amalga oshirdik», – deydi YouTube Premium mahsulot direktori Jek Greenberg.

YouTube chorshanba kuni pullik obunachilar soni 2024-yil yanvaridagi 100 milliondan 125 milliondan...

AQSh prezidenti Donald Tramp AQSh – Meksika chegarasida qurilish ishlarini 2029-yilgacha yakunlash niyatida. Bu haqda AQSh vitse-prezidenti Jey Vens ma’lum qildi.

Vensning qoʻshimcha qilishicha, devor qurilishida sun’iy intellekt (AI) texnologiyalaridan foydalanish rejalashtirilmoqda. Bundan tashqari, sun’iy intellekt yordamida ishlaydigan kuzatuv kameralari oʻrnatiladi.

Joriy yilning yanvar oyidan AQSh – Meksika chegarasida favqulodda holat joriy qilingan. Tramp, shuningdek, mintaqaga qoʻshin kiritishni buyurgan edi.

Eslatib oʻtamiz, Kursiv Uzbekistan nashri AQShdan Oʻzbekistonga yana 10 nafar fuqaro qaytayotgani haqida yozgan edi.

Italiya hukumati Ilon Maskning Starlink kompaniyasi bilan $1,6 mlrd qiymatidagi shartnomani bekor qilish ehtimolini ko‘rib chiqmoqda. Bu haqda Bloomberg xabar berdi.

Bu qaror AQShning Yevropa xavfsizligiga doir majburiyatlaridan chekinishi fonida qabul qilinishi mumkin. Hukumat manbalariga ko‘ra, Starlink o‘rniga Fransiyaning Eutelsat Communications SA kompaniyasi muqobil variant sifatida ko‘rib chiqilmoqda.

Italiya bosh vaziri Jorjiya Meloni hukumat yig‘ilishida o‘zgaruvchan geosiyosiy vaziyat sababli SpaceX muqobilini izlash zarurligini ta’kidlagan.

Bu orada Eutelsat aksiyalari so‘nggi kunlarda rekord darajada ko‘tarildi, chunki Yevropa Ittifoqi davlatlari mudofaa xarajatlarini oshirishga va’da bermoqda.

Shu bilan birga, Starlink Ukrainadagi harbiy harakatlar uchun muhim rol o‘ynayotgan bo‘lsa-da, AQShning Ukrainaga harbiy yordamni to‘xtatish...

Huquqni muhofaza qiluvchi organlar tomonidan korrupsiyaga qarshi kurashish doirasida olib borilgan tezkor-qidiruv tadbirlari natijasida Milliy gvardiya tizimiga noqonuniy ravishda ishga kiritish bilan bog‘liq holatlar aniqlandi. Bu haqda UzA nashri ma’lum qildi.

Milliy gvardiyaning Toshkent shahar Qo‘riqlash boshqarmasi Olmazor tumani bo‘limi otryad komandiri, katta leytenant fuqaroning ishonchiga kirib, yuqori lavozimdagi tanishlari orqali uning tanishini Milliy gvardiya tizimiga ishga joylashtirishni va’da qilgan. U ushbu xizmat evaziga Mirzo Ulug‘bek tumanidagi «Ekobozor» savdo majmuasi avtoturargohida $5,5 ming olganida ashyoviy dalillar bilan ushlandi.

Milliy gvardiyaning Qo‘riqlash bosh boshqarmasiga qarashli sog‘lomlashtirish oromgohi rahbari, podpolkovnik, 1989-yilda tug‘ilgan fuqaroning ishonchiga kirib, uni Toshkent viloyatidagi qo‘riqlash bo‘linmalaridan biriga...

Afrikaning Sahel mintaqasi dunyodagi terrorizmning «o‘chog‘i»ga aylandi. Bu hududda dunyo bo‘ylab terrorchilik bilan bog‘liq o‘limlarning yarmidan ko‘pi amalga oshirilgan. Bu haqda Terrorizm Indeksi (GTI) hisobotiga tayanib, BBC Global xabar berdi.

Hisobotga ko‘ra, o‘tgan yili butun dunyo bo‘ylab 7,5 ming kishi terroristik hujumlar qurboniga aylangan bo‘lsa, shundan 3,8 ming nafari Sahelda halok bo‘lgan. Bu hududda terrorchilar faoliyati 2019-yildan beri deyarli 10 baravar oshgan.

So‘nggi yillarda Sahel «Afrikaning harbiy to‘ntarishlar mintaqasi» sifatida tilga olinmoqda. 2020-yildan beri Burkina-Faso, Mali, Gvineya va Nigerda jami olti harbiy to‘ntarish sodir bo‘lgan.

Londonning SOAS universiteti eksperti Folahanmi Aina bu jarayonni quyidagicha izohladi:

5-mart kuni soat 10:15 larda Angren koʻmir konida sodir boʻlgan yongʻin natijasida bir kishi vafot etgan. Bu haqda «Oʻzbekkoʻmir» aksiyadorlik jamiyati axborot xizmati xabar bermoqda.

«Angren» koʻmir konida «BelAZ» rusumli avtoagʻdargich togʻ jinslarini toʻkish vaqtida orqaga sirpanib, agʻdarilib ketgan va alangalanish roʻy bergan. Oʻt oʻchiruvchilari voqea joyiga tezlik bilan yetib kelgan va yongʻin toʻliq oʻchirilgan. Hodisa oqibatida ogʻir tan jarohati olgan avtoagʻdargich haydovchisiga korxona tibbiy boʻlim xodimlari tomonidan birinchi yordam berilgan va shoshilinch ravishda shahar markaziy shifoxonasiga yetkazilgan. Ammo koʻrsatilgan tibbiy yordamga qaramay haydovchi kasalxonada vafot etgan.

Eslatib oʻtamiz, Kursiv Uzbekistan 7-sonli jazoni ijro etish koloniyasida jazo muddatini oʻtayotgan...

Uzbekistan Airports kompaniyasi Toshkent xalqaro aeroporti va yangi qurilayotgan yuk terminali hududida joy ijarasi uchun E-auksion.uz platformasida bir nechta lotlarni joylashtirdi.

Toshkent xalqaro aeroportidagi lotlar:

Sigareta tutuni va qoldiqlaridagi zaharli moddalar antibiotiklarga chidamli bakteriyalarning koʻpayishi va tarqalishiga yordam beradi. Bu haqda Environmental Health Perspectives jurnalida chop etilgan Drezden universiteti olimlarining tadqiqotida ma’lum qilindi.

Sigareta filtrlari suvga tushganda xavfli mikroorganizmlar koʻpayish joyiga aylanadi. Sigareta qoldiqlarida yashovchi bakteriyalar koloniyalari antibiotiklarga chidamli boʻlib, keyin daryolar, koʻllar va plyajlar orqali tarqalib, odamlar uchun jiddiy xavf tugʻdiradi.

Tajribalar shuni koʻrsatadiki, chekuvchilarning oʻzlari oʻpkalarida bakteriyalar oʻrtasida qarshilik genlarini oʻtkazishni osonlashtiradigan sharoitlarni yaratadi. Bu pnevmoniya kabi yuqumli kasalliklarning davolanishga chidamli boʻlish ehtimolini oshirishi mumkin.

Ammo olimlarning ta’kidlashicha, bunday oʻzgarishlar standart terapiyaga javob bermaydigan oʻlimga olib keladigan infeksiyalarning koʻpayishiga olib keladi...

General Motors kompaniyasi Xitoyda Cadillac Lyriq-V 2026 modelini rasman namoyish qildi. Bu V-seriyadagi ilk elektromobil bo‘lib, Cadillac tarixidagi eng tezkor va eng kuchli model bo‘lishi kutilmoqda.

Lyriq-V’ning asosiy xususiyatlari:

Model Shanxaydagi SAIC-GM zavodida ishlab chiqariladi, bu yerda allaqachon Lyriq’ning standart versiyalari konveyerdan chiqmoqda. Lyriq-V Cadillac’ning birinchi global V-seriyali modeli bo‘lib, Xitoy bozoridan keyin boshqa mamlakatlarga ham chiqarilishi kutilmoqda.

Lyriq-V sport aerodinamik kuzov to‘plami, 22 dyuymli g‘ildiraklar, qayta sozlangan suspenziya va yangilangan Ultium akkumulyatori bilan jihozlangan. Salonda yuqori...