Yangiliklar

Yaponiyaning hukmron partiyasi yetakchisi Shigeru Ishiba seshanba kuni Vakillar palatasida Fumio Kisidaning o‘rniga bosh vazir etib saylandi. Bu haqda Kyodo News ma’lum qildi.

Unga ko‘ra, o‘tgan hafta oxirida Liberal-demokratik partiya prezidenti etib saylangan Ishiba Kengashlar palatasida xuddi shunday ovoz berishdan oldin hukmron koalitsiya nazoratidagi quyi palata tomonidan ma’qullandi. Uning tasdiqlanishi oktabrga belgilangan navbatdan tashqari saylovlar uchun zamin yaratadi.

O‘zining beshinchi urinishida LDP boshqaruvini o‘z qo‘liga olgan Ishiba barqaror hukumatni shakllantirish va partiya ichidagi ishqalanishni kamaytirish uchun nozik muvozanat harakatiga duch keladi. Ishiba LDP a’zolari ustidan hali ham ta’sirga ega bo‘lgan ikkita sobiq bosh vazir Taro Aso va Yoshixide Suga

Isroil armiyasi tanklari Livan janubidagi Rmeish qishlog‘iga kirdi. Bu haqda «Al-Arabiya» va «Al-Hadat» axborot agentliklari anonim manbalarga tayanib xabar berdi.

Unga ko‘ra, Isroil mudofaa kuchlari Bayrutning Dahiya tumanidagi uchta bino aholisini uylarini tark etishga chaqirdi.

Avvalroq Isroil rasmiylari Qo‘shma Shtatlarga Isroil va Livan o‘rtasidagi «Hizbulloh infratuzilmasini nishonga olgan cheklangan amaliyotlar» o‘tkazayotganini ma’lum qilgan edi, dedi Davlat departamenti matbuot kotibi Metyu Miller jurnalistlarga, deb yozadi New York Times.

«Isroil Hizbullohga qarshi o‘zini himoya qilish huquqiga ega. Biz oxir-oqibat chegaraning har ikki tomonidagi fuqarolarning uylariga qaytishiga imkon beradigan bu mojaroga diplomatik yechim topishini istaymiz», – dedi...

Warner Bros. Discovery O‘zbekistonning sayyohlik salohiyatini targ‘ib qiladi. Bu haqda Turizm qo‘mitasi ma’lum qildi.

Unga ko‘ra, kompaniya besh oy davomida Discovery Channel, Travel Channel va YouTube kanallarida O‘zbekistonning turizm imkoniyatlari haqida 30 soniyalik videoroliklarni namoyish etadi.

Ma’lumot uchun, Warner Bros. Discovery dunyodagi eng yirik media-kompaniyalardan biri bo‘lib, 220 mamlakatda 1,5 mlrd tomoshabinni qamrab oladi va 50 dan ortiq tillarda kontent taqdim etadi.

Kursiv Uzbekistan avvalroq Disney, Fox va Warner Bros. Discovery sport striming platformasini yaratgani haqida yozgan edi.

Saida Mirziyoyeva administratsiyadagi faoliyatini yakunlagan Komil Allamjanov bilan suhbatlashdi. Suhbat Saida Mirziyoyevaning Telegramdagi rasmiy sahifasida joylandi.

«Komil Ismoilovich, fidokorona xizmatingiz va professionalizmingiz uchun chuqur minnatdorlik bildiramiz. Kelgusidagi har qanday faoliyatingizda ham omad yor bo‘lsin!», — deydi Saida Mirziyoyeva.

Ma’lumotlarga ko‘ra, Allamjanov o‘z faoliyatini xususiy sektorda davom ettiradi.

Eslatib o‘tamiz, sal avvalroq Komil Allamjonov Prezident administratsiyasidagi lavozimidan ozod etilgani haqida xabar bergan edik.

30-sentyabr kuni Toshkent viloyati, Qibray tumanida joylashgan Toshkent davlat agrar universiteti hududidagi binoda sodir bo‘lgan yongʻin yuzasidan FVV rasmiy bayonot berdi.

Unga koʻra, yongʻin-qutqaruv ekipajlari soat 20:17da hodisa joyiga yetib borgan va zudlik bilan yongʻinni bartaraf etish choralarini ko‘rgan.

Vazirlikka ko‘ra, vaziyat nazorat ostiga olingan. Hodisa oqibatida tan jarohati olgan va halok boʻlganlar toʻgʻrisida ma’umot kelib tushmagan.

Ma’lumotlar yangilanish jarayonida.

Shavkat Mirziyoyev 1-oktabr «O‘qituvchi va murabbiylar kuni» munosabati bilan ushbu kasb egalarini qutladi. Bu haqda davlat rahbari matbuot xizmati ma’lum qildi.

Unga ko‘ra, tabrikda sohada erishilgan yutuqlar ham sanab o‘tildi. Maktabda ikkinchi xorijiy til va kasb-hunarlarni o‘rgatish shular jumlasidandir.

Ma’lumot o‘rnida mazkur o‘quv yilida 354 ta maktabda 16 mingdan ortiq o‘quvchilarga ikkita xorijiy til o‘qitildi. Bundan tashqari, 289 ta maktabda 40 mingdan ziyod o‘quvchiga kasb-hunar o‘rgatildi.

Shuningdek, oliy ta’lim sohasida ham amalga oshirilgan katta islohotlar sanab o‘tildi. Yaqin yillar mobaynida 135 ta yangi oliygoh tashkil qilinib, OTM soni 211 taga yetkazildi. Oliy ta’limga qamrov 9 foizdan 38 foizga...

30-sentabr kuni Qashqadaryo viloyatida joylashgan «Hisor» davlat qoʻriqxonasida qor yog‘di. Bu haqda Ekologiya vazirligi matbuot xizmati ma’lum qildi.

Unga ko‘ra, qor yog‘ish hodisasi Ekologiya, atrof-muhitni muhofaza qilish va iqlim o‘zgarishi vazirligi tasarrufidagi «Hisor» davlat qoʻriqxonasining «G‘elon» bo‘limi togʻli hududlarida kuzatilgan.

Eslatib o‘tamiz, avvalroq Janubiy Afrika Respublikasida kuchli qor yoqqani haqida yozgan edik.

Shavkat Mirziyoyevning tegishli farmoni bilan Komil Allamjonov boshqa ishga oʻtishi munosabati bilan Prezident administratsiyasi Axborot siyosati departamentining rahbari lavozimidan ozod etildi. Bu haqda davlat rahbari matbuot xizmati kotibi Sherzod Asadov ma’lum qildi.

«Komil Allamjonov yurtimizda soʻz erkinligini rivojlantirish, davlat organlari faoliyatining ochiqligini ta’minlash va xalq ta’limi tizimini takomillashtirish boʻyicha Prezidentimiz Sh.M. Mirziyoyev belgilab bergan ustuvor vazifalarni amalga oshirishda katta natijalarga erishdi», – deydi Asadov o‘z sahifasida.

Shuningdek, Sherzod Asadov Komil Allamjonovning kelgusidagi faoliyatida ulkan zafar va muvaffaqiyatlar tiladi.

Eslatib o‘tamiz, avvalroq Gʻulomjon Samadov «Nurafshon» telekanaliga direktor etib tayinlangan edi.

AQSh janubi-sharqida sodir bo‘lgan «Helen» to‘foni qurbonlari soni 90 nafardan oshdi. Bu haqda CNN axborot agentligi ma’lum qildi.

Unga ko‘ra, eng ko‘p qurbonlar Shimoliy Karolinada qayd etilgan – 36 kishi, Janubiy Karolinada 25, Jorjiyada esa 17 kishi to‘fon tufayli halok bo‘lgan.

Shuningdek, Shimoliy Karolina shtatining Bunkomb okrugida 600 kishi bedarak yo‘qolgan, 450 ga yaqini yo‘l yopiqligicha qolmoqda. Bu esa yordam berishda qiyinchilik tug‘dirmoqda. 2,1 mlndan ortiq odamlar elektr energiyasiz qolgan.

CNN ko‘ra, AQSh prezidenti Jo Bayden jabrlangan hududlarga borishni rejalashtirgan.

Avvalroq «Kursiv Uzbekistan» nashri Yagi to‘foni qurbonlari 200 taga yetgani haqida yozgan edi.

2023-yilning 1-yanvar holatiga, xorijda tahsil olayotgan oʻzbekistonlik talabalar soni 150,5 ming nafarni tashkil etadi. Bu haqda YUNESKO statistika instituti ma’lumotlariga tayanib, Statistika agentligi xabar bermoqda.

Boshqa Markaziy Osiyo davlatlaridan xorijda tahsil olayotgan talabalar Qozogʻistondan 78,3 ming nafarni, Turkmanistondan 60,9 ming nafarni, Tojikistondan 32,5 ming nafarni va Qirgʻizistondan 17,1 ming nafarni tashkil qiladi.

Statistika agentligi ma’lumotlariga koʻra, 2024-yilning yanvar – avgust oylarida jami 25,8 ming nafar Oʻzbekiston fuqarolari oʻqish maqsadida chet elga ketgan.

Oʻzbekistondan bu yil chet elga oʻqishga ketgan talabalarning eng koʻp qismi – 10, 7 ming nafari Tojikistonni tanlagan. Keyingi oʻrinlardan Rossiya (6 ming nafar), Qirgʻiz Respublikasi...

O‘zbekiston Markaziy banki Xitoy Eksport-import banki vakolatxonasini akkreditatsiya qilish to‘g‘risida qaror qabul qildi, deb xabar qildi regulyator matbuot xizmati.

XXR Eksimbanki 1994-yilda tashkil etilgan va Pekinda joylashgan. Moliya instituti investitsiya va xorijiy loyihalarni kreditlash bo‘yicha xizmatlar ko‘rsatadi. Shuningdek, bank kreditlar, depozitlarni qabul qilish bilan shug‘ullanadi.

2023-yilda bank aktivlari $855 milliardga baholangan. O‘zbekistonda 2024-yil boshida moliya tashkilotining loyihalar portfeli $3,5 milliardni tashkil etdi.

Bank Yevropa, Osiyo va Afrika mamlakatlarida vakolatxonalariga ega. Moliya institutining loyihalari orasida Efiopiyadagi aeroportlarni modernizatsiya qilish, Shri-Lanka, Pokiston va Chernogoriyada yo‘llar qurish bor.

Avvalroq Kursiv Uzbekistan sentabr oyi boshida O‘zbekiston prezidenti Shavkat Mirziyoyev Xitoy delegatsiyasi bilan innovatsion...

30-sentabr kuni O‘zbekiston Respublika valyuta birjasida dollarning rasmiy narxi 24,57 so‘mga o‘sdi va 12 739,99 so‘mni tashkil qildi.

Banklar dollarni 12 655 – 12 680 so‘mdan xarid qilishmoqda va 12 720 – 12 770 so‘mdan sotishmoqda.

Eslatib o‘tamiz, 27-sentabr kuni AQSh valyutasining qiymati 21,06 so‘mga pasaygan edi.

O‘zbekiston o‘qituvchilari uchun $1 ming maosh real hodisaga aylanadi. Bu haqda O‘zbekiston prezidenti Shavkat Mirziyoyev yig‘ilishda ma’lum qildi.

Uning so‘zlariga ko‘ra, kelgusi o‘quv yilidan o‘qituvchilar uchun xalqaro standartlarga asoslangan yangi sertifikatlash tizimi joriy etiladi.

Test sinovlarida 86 va undan ortiq ball to‘plagan pedagoglar ish haqiga 70 foiz miqdorida qo‘shimcha ustama olishlari mumkin.

Bundan tashqari, prezident O‘zbekiston Kasaba uyushmalari federatsiyasiga sanatoriy va dam olish maskanlariga ikki baravar ko‘p o‘qituvchilarni yuborishni taklif qildi.

2024-yil 2-oktabr Toshken vaqti bilan soat 21:00 da boshlab Amerika Qo‘shma Shtatlarida yashash va ishlash imkoniyatini beruvchi Green Card lotereyasida ishtirok etishga arizalarni qabul qilish boshlanadi.

Ishtirokchilar AQSh Davlat departamentining rasmiy veb-saytida dvprogram.state.gov onlayn ariza topshirishlari mumkin. Lotoreyada 55 mingta Diversity Visa (DVs) grin-kartalari o‘ynaladi.

Arizani qanday to‘ldirish bo‘yicha yo‘riqnoma bu yerda ko‘rsatilgan.

Ta’kidlash joizki, arizalar topshirish muddati joriy yilning 5-noyabrga qadar davom etadi. Lotereyada ishtirok etish mutlaqo bepul bo‘lib, har bir xohlovchi o‘zi va oila a’zolari nomidan bitta ariza topshirish huquqiga ega.

Avvalroq Kursiv Uzbekistan O‘zbeksiton Green Card bo‘yicha viza olgan davlatlar ichida 7-o‘rindaligi haqida yozgan

O‘zbekiston prezidenti Shavkat Mirziyoyev O‘zbekiston kasaba uyushmalari federatsiyasiga sanatoriy va dam olish maskanlariga ikki baravar ko‘p o‘qituvchilarni yuborishni taklif qildi, deb xabar qildi davlat rahbari matbuot xizmati.

Shuningdek, prezident oliy ta’lim muassasalari rektorlariga professor-o‘qituvchilar uchun sanatoriylarga yo‘llanmalarni 50 foizga oshirish bo‘yicha topshiriq berdi. Xodimlarni sog‘lomlashtirish uchun universitetlarni rivojlantirish jamg‘armalaridan qo‘shimcha mablag‘ ajratiladi.

Davlatimiz rahbari ta’lim xodimlari bilan muloqotda kelgusi o‘quv yilidan bog‘cha mudirlari boshqaruv sertifikatiga ega bo‘lgani uchun mukofot olishini ma’lum qildi.

Shunga o‘xshash mukofotlar allaqachon maktab direktorlariga to‘lanmoqda. Rahbarlarni boshqaruvga tayyorlash tizimi ishga tushirilgandan buyon 1,2 mingdan ortiq direktor sertifikatlarni oldi.

Avvalroq Kursiv Uzbekistan O‘zbekistonda o‘qituvchilar qancha maosh...

2025-yilning ikkinchi yarmida Oʻzbekistonda ilk Porsche markazi ochiladi. Bu haqda Kursiv Uzbekistanʼga kompaniya ma’lum qildi.

Qayd etilishicha, bu Orbis Group investitsion strategiyasining va Porscheʼning mintaqadagi faoliyatini kengaytirishning muhim bosqichi sanaladi. Kompaniyaning Qozogʻistondagi vakili boʻlmish Orbis Group brendning hashamati va unumdorligini Oʻzbekistonga olib kirishga intilmoqda.

Yangi markaz Destination Porsche dizayn konsepsiyasi taqdim etilgan mintaqadagi birinchi markazlardan boʻladi. Markazining tamal toshini qoʻyish marosimi 2024-yil 26-sentabr kuni boʻlib oʻtdi. Marosimda Porsche Uzbekistan bosh direktori Viktor Amankva va Destination Porsche Markaziy va Sharqiy Yevropa mintaqasi boʻyicha bosh direktori Irina Kauk qatnashdi.

«Toshkentdagi butunlay yangicha Destination Porsche markazi Oʻzbekiston uchun yangi...

O‘zbekiston prezidenti Shavkat Mirziyoyev mamlakat pedagoglari bilan uchrashuvda o‘qituvchining mehnati qanchalik og‘ir va mashaqqatli ekanini aytdi, deb xabar qildi O‘zbekiston rahbari matbuot xizmati.

Mirziyoyev o‘tmishda davlat o‘qituvchilarga munosib hurmat ko‘rsata olmaganidan afsusda ekanini bildirdi.

«Biz mamlakatimizda yangi islohotlarni boshlagan birinchi kunlardan eʼtiboran ana shu ogʻriqli masalani hal etishga – oʻqituvchilarni, bolalar va ayollarni majburiy mehnatdan xalos qilishga kirishdik»- deydi davlat rahbari.

Mirziyoyev qat’iyat tufayli bu yoqimsiz holatlar tarixga aylanganini ta’kidlab, 2024-yilda mamlakatda «O‘qituvchi maqomi to‘g‘risida»gi qonun qabul qilinganini qo‘shimcha qildi.

Kimki oʻqituvchiga bosim oʻtkazib, uning kasb faoliyatiga daxli boʻlmagan ishlarga, turli majlislarga jalb etmoqchi boʻlsa, ana shu qonun asosida...

Google va Volkswagen avtomobilchilar uchun sun’iy intellekt (AI) asosida bepul virtual yordamchini taqdim etdi. Bu haqda Reuters axborot agentligi ma’lum qildi.

Unga ko‘ra, virtual yordamchi avtomobilni ta’mirlash haqida ma’lumot berishi mumkin. Buning uchun yordamchiga qo‘shimcha ravishda mashina qo‘llanmalari va boshqa ma’lumotlar o‘rgatilgan bo‘ladi.

Hozircha xizmatdan Atlas va Atlas Cross Sport avtomobillari uchun foydalaniladi. Keyingi yil boshidan esa boshqa Volkswagen modellariga ham joriy qilinadi.

Avvalroq Kursiv Uzbekistan nashri Sun’iy intellekt uz zonasida domen nomini tanlashda yordam beradi haqida yozgan edi.

Nepalda suv toshqinlari sabab 148 kishi halok boʻldi va 59 kishi bedarak yoʻqoldi. Bu haqda «TASS» xabar bermoqda.

Ma’lum qilinishicha, kuchli yomgʻirdan Katmandu shahri eng koʻp jabr koʻrdi, shaharda soʻnggi ikki kun ichida 73 kishi halok boʻldi.

Shuningdek, suv toshqinlari oqibatida 60 kishi tan jarohati oldi, 3,6 mingdan ortiq fuqarolar xavfsiz joylarga koʻchirildi. Noqulay ob-havo tufayli 320 dan ortiq uylar vayron boʻlgan boʻlgan. 16 ta koʻprik katta zarar koʻrgan, bu esa bir qancha muhim transport yoʻnalishlarida harakatlanishning toʻxtab qolishiga olib keldi.

Avvalroq Kursiv Uzbekistan Vyetnamda yuzaga kelgan «Yagi» toʻfoni natijasida vafot etganlar soni 143 nafar, bedarak yoʻqolganlar soni esa...

Eng ko‘p ish beruvchi korxonalar ro‘yxati boshida 48,5 ming nafar ishchi bilan «Navoiy kon-metallurgiya kombinati» AJ turibdi. Ro‘yxat Bandlik vazirligi rasmiy sahifasida e’lon qildi.

Unga ko‘ra, ikkinchi eng yirik korxona «Temiryo‘liinfratuzilma» AJ bo‘lib, 36,2 ming nafar xodimni ish bilan ta’minlab kelmoqda. «Olmaliq kon-metallurgiya kombinati» AJ esa 36,6 ming nafar ishchi bilan ro‘yxatning uchinchi pog‘onasida turibdi.

Shuningdek, «Hududiy elektr tarmoqlari» AJ (21,8 nafar), «O‘zbektelekom» AJ (17,6 ming nafar), «Uzauto Motors» AJ (15,6 ming nafar), «Hududgazta’minot» AJ (15,5 ming nafar) hamda «O‘zbekneftgaz» AJ (14,1 ming nafar) korxonalari ham ro‘yxatda qayd etilgan.

Shu bilan birga, «Uztex Group» MCHJ (14,8 ming nafar) va...

30-sentabrdan Yandex Uzbekistan Dasturlash maktabida Python boʻyicha bepul oʻqish uchun arizalar qabul qilish boshlandi. Bu haqda kompaniya Kursiv Uzbekistanʼga ma’lum qildi.

Qayd etilishicha, maktabga 14 – 17 yoshli oʻquvchilar jalb qilinadi. Bu yilgi oʻquv jarayonlari Toshkent, Samarqand va Urganch shaharlarida boʻlib oʻtadi. Maktab oʻquvchilarini dasturlashga oʻrgatish boʻyicha loyihaning hamkorlari Toshkentdagi Inha universiteti, Samarqanddagi Wepro va Urganchdagi IT Park Xorazm hisoblanadi.

Loyihada ishtirok etish toʻliq bepul, ammo maktabga kirish uchun imtihondan oʻtish kerak boʻladi. Kirish ikki bosqichdan iborat – test va suhbat. Avvalo, havolasi orqali ishtirok etish uchun ariza toʻldirish kerak. Javobda test uchun havola keladi. Agar talabgor testdan muvaffaqiyatli...

Bu qaror mintaqada havo hujumlari va raketa hujumlari sonining koʻpayishi bilan bogʻliq, deya xabar bermoqda Yevropa Ittifoqi Aviatsiya xavfsizligi agentligi.

«Umumiy havo hujumlari sonining koʻpayishi va xavfsizlik bilan bogʻliq vaziyatning yomonlashuvi kuzatilmoqda, bu esa Isroil va Livan ustidagi havo hududi xavfsizligiga salbiy ta’sir koʻrsatmoqda», deyiladi bayonotida.

Shuningdek, agentlik cheklovlar oktabr oyi oxirigacha amal qilishini, biroq u shu sanadan oldin bekor qilinishi mumkinligini ham ta’kidladi.

Avvalroq Kursiv Uzbekistan «Hizbulloh» yangi yetakchini tanlagani haqida xabar bergan edi.

Shavkat Mirziyoyev farmoyishi bilan Yunusov Bahodir Maxsutovich prezident matbuot xizmati shu’ba mudiri etib tayinlandi. Bu haqda davlat rahbari matbuot xizmati kotibi Sherzod Asadov ma’lum qildi.

Unga ko‘ra, Yunusov bungacha prezident matbuot xizmati bosh konsultanti lavozimida ishlab kelgan edi.

Shuningdek, Gaynulina Kamila Timurovna prezident matbuot xizmati yetakchi inspektori lavozimiga tayinlandi. Gaynulina Buyuk Britaniyadagi Xalt xalqaro biznes maktabi va Birmingem universitetini tamomlagan.

Eslatib o‘tamiz, avvalroq Gʻulomjon Samadov «Nurafshon» telekanaliga direktor etib tayinlangan edi.

Sentabr oyi oxirida Qozog‘istonda o‘tkazilgan triatlon bo‘yicha Osiyo kubogida O‘zbekiston terma jamoasi a’zolari ikkita medalni qo‘lga kiritdi, deb xabar qildi O‘zbekiston Milliy olimpiya qo‘mitasi (MOQ).

Mukofotlar orasida oltin va bronza ham bor. Oltin medalni Alina Hakimova qo‘lga kiritdi. Uchinchi o‘rinni Jeremi Kuindos egalladi.

Musobaqalar 27 va 28-sentabr kunlari bo‘lib o‘tdi.

Avvalroq Kursiv Uzbekistan o‘zbekistonlik tennischilar Estoniya terma jamoasini mag‘lub etgani haqida yozgan edi.