Yangiliklar

O‘zbekistonda Chotqol va Ugam daryolari to‘g‘onlar bilan yopildi, u yerda GESlarning qurilishi esa ekotizimga tahdid solmoqda. Bu haqda YUNESKO va Tabiatni muhofaza qilish xalqaro ittifoqi (TMXI) ning qo‘shma missiyasi «G‘arbiy Tyan-Shan» transchegaraviy Butunjahon tabiiy merosi obyektining holatini baholash uchun Qozog‘iston, Qirg‘iziston va O‘zbekistonga tashrifida so‘z bordi.

O‘zbekistonda Butunjahon merosi obyektiga kirgan Chotqol va Ugom daryolari allaqachon to‘g‘on bilan yopilgan. «Chegara bilmas daryolar» ekspertlari hozir buldozerlar va ekskavatorlar Ugom daryosi o‘zanini buzib, sun’iy kanal qurish va uni betonlayotganini aniqladi.

“O‘zbekistonning Qirg‘izistondagi Butunjahon merosi uchastkasida GES va avtotrassa barpo etishdagi ehtimoliy ishtirokiga kelsak, bu YUNESKOning Umumjahon madaniy...

UzAuto Motors Tbilisida Chevrolet brendi ostida yangi dilerlik markazini ochdi hamda rasmiy sotuvlarga start berdi. Bu haqda kompaniya matbuot xizmati xabar berdi.  

Ma’lum qilinishicha, kompaniyaning Gruziyadagi rasmiy dileri «Strada Motors» MChJ bo‘ldi. Jamiyat Chevrolet avtomobillarini sotish va ularga texnik xizmat ko‘rsatish bo‘yicha barcha xizmatlarni taqdim etadi.

«Chevrolet brendining mahalliy bozorga kirib kelishi Gruziya yo‘llari uchun mos avtomobillarni xarid qilish imkonini berib, haydovchilarga mamlakat bo‘ylab qulay harakatlanishni ta’minlaydi», deydi «Strada Motors» MChJ bosh direktori Zurab Gvazava.

Joriy yilning 25-avgust kuni Chevrolet avtomobillarining birinchi partiyasi Asakadagi zavoddan Gruziyaga jo‘nab ketgan edi.

Avvalroq Kursiv Uzbekistan Raqobat...

Toshkent xalqaro aeroportida bojxona xodimlari yo‘lovchilardan birini kuchli ta’sir qiluvchi dori vositalarini olib kirishga uringan vaqtida to‘xtatib qoldi. Bu haqda «Toshkent-AERO» ixtisoslashtirilgan bojxona kompleksi axborot xizmati xabar berdi.    

Ma’lum qilinishicha, fuqaroga tegishli sumka belgilangan tartibda ko‘zdan kechirilganda uning ichidan 200 dona Neurica NT nomli dori borligi aniqlandi. Mazkur doir vositasi markaziy bojxona laboratoriyasi ekspertizasidan o‘tkazilgan. Natijada mahsulot tarkibida kuchli ta’sir qiluvchi pregabalin moddasi borligi aniqlangan.

Qonunchilikka ko‘ra, pregabalin muomalasi noqonuniy hisoblanib cheklov qo‘yilgan hamda kuchli ta’sir qiluvchi moddalar ro‘yxatiga kiritilgan.

Ma’lumot uchun, joriy yilning o‘tgan davri davomida «Toshkent-AERO» ixtisoslashtirilgan bojxona kompleksi tomonidan 30 ta kontrabanda va bojxona qonun...

«Gazprom Neft» rahbari Aleksandr Dyukov kompaniyaning O‘zbekistonda yonilg‘i quyish shoxobchalari tarmog‘ini qurish haqida ma’lum qildi. Bu haqda TASS nashri xabar berdi.

«Hozirda O‘zbekistonda yana bir qator loyihalarni amalga oshirish imkoniyatlarini, jumladan, o‘z brendimiz ostida avtomobillarga yonilg‘i quyish shoxobchalari tarmog‘ini barpo etish masalasini muhokama qilmoqdamiz», deya ta’kidladi kompaniyasi rahbari.

Bundan tashqari, kompaniya O‘zbekiston bilan uglevodorodlarni qidirish va qazib olish texnologiyalari sohasida hamkorlikni davom ettirish niyatida.

Avvalroq Kursiv Uzbekistan Gazprom va Qozog‘iston O‘zbekistonga gaz yetkazib berishga kelishib olishgani haqida yozgan edi.

Osiyo taraqqiyot banki (OTB) ta’limni moliyalashtirish bo‘yicha xalqaro jamg‘arma (IFFed) bilan kelishuv imzoladi. Bu haqda bank matbuot xizmati xabar berdi.

Qayd etilishicha, mazkur kelishuv Osiyo-Tinch okeani mintaqasidagi daromadi o‘rtacha daromaddan past bo‘lgan mamlakatlarga ta’lim uchun yangi imtiyozli moliyalashtirish uchun kamida $500 mln miqdorida mablag‘ ajratish imkonini beradi.

«Ta’lim zamonaviy, farovon va inklyuziv jamiyatning asosidir va biz IFFed bilan hamkorlik haqida e’lon qilishdan mamnunmiz», dedi OTBning Sektorlar va mavzular bo‘yicha vitse-prezidenti Fotima Yasmin.

Hozirgi vaqtda Bangladesh, Hindiston, Mo‘g‘uliston, Pokiston, Papua-Yangi Gvineya, Filippin, Shri-Lanka, Timor-Leste, O‘zbekiston va Vyetnam mamlakatlarida IFFEd tomonidan moliyalashtirish imkoniyati mavjud.

O‘zbekiston va Rossiya tashqi ishlar vazirlari davlatlarning o‘zaro ichki ishlariga aralashmaslik masalasini muhokama qildi. Bu haqda O‘zbekiston TIV rahbari Baxtiyor Saidov o‘zining Telegram kanalida ma’lum qildi.

«O‘zaro ishonchni mustahkamlash yo‘lida davlatlar bir-birlarining ichki ishlariga aralashmaslik tamoyiliga amal qilish muhimligi ta’kidlandi. Biz ittifoqchilik ruhidagi doimiy muloqotimizni davom ettirishga kelishib oldik», deyiladi xabarda.

Eslatib o‘tamiz, avvalroq 188-maktabda o‘qituvchi hamda o‘quvchi o‘rtasida yuzaga kelgan holat bo‘yicha Rossiya Tashqi ishlari vazirligi rasmiysi Mariya Zaxarova tushuntirish so‘ragan edi. Shundan so‘ng deputat Alisher Qodirov bizning ichki ishlarga aralashish shart emas degan, mazmunda javob qaytargan edi.

Avvalroq Kursiv Uzbekistan...

Yandex Go xizmati Jizzax viloyatida ham ishga tushirildi. Bu haqda kompaniya Kursiv Uzbekistan’ga ma’lum qildi.

Qayd etilishicha, xizmatda foydalanish uchun, App Store yoki Google Play orqali Yandex Go’ning bepul mobil ilovasini yuklab olish va u yerda akkaunt yaratish kerak bo‘ladi.

Shuningdek, yo‘l haqi naqd pul orqali yoki biriktirilgan plastik kartalari orqali amalga oshirilishi mumkin. Xizmatga buyurtma berish uchun manzilni kiritish yoki xaritada nuqtani belgilash yetarli bo‘ladi.

Kompaniya ma’lumotlariga ko‘ra, minimal yo‘l haqi 2,5 ming so‘mni tashkil qiladi. Yandex Go ilovasi xaritalar, navigatsiya va buyurtmalarni taqsimlashga oid Yandex texnologiyalaridan ham foydalanadi.

Ma’lumot uchun, ushbu xizmat Jizzaxdan tashqari O‘zbekistonning Toshkent, Namangan, Andijon...

Qozog‘iston boks federatsiyasi Xalqaro boks federatsiyasi (World Boxing)ga a’zo bo‘lish uchun rasmiy ariza berdi. Bu haqda Tengrisport nashri xabar berdi.

«Hozirda boksning olimpiya dasturida saqlanishi masalasi MOK darajasida muhokama qilinmoqda. Biz boksni Olimpiya o‘yinlarida saqlash uchun barcha davlatlar bilan hamkorlik qilishga tayyormiz. Biz bu qarorning boksning keyingi rivojlanishiga ta’sir qilishiga ishonamiz», dedi Qozog‘iston boks federatsiyasi rahbari Shaxmurat Mutilip.

2023-yil aprel oyida Germaniya, Buyuk Britaniya, Niderlandiya, Filippin, Shvetsiya va AQSh vakillari yangi xalqaro federatsiya — World Boxing tashkil etilganini va IBA’dan chiqishlarini ma’lum qildi.

Ma’lumotlarga ko‘ra, hozirgi vaqtda Xalqaro boks assotsiatsiyasi (IBA...

O‘zbekistonda joriy yilning 27-oktabr kuni o‘tkaziladigan parlament saylovlarini o‘tkazish uchun saylov.mfa.uz sayti ishga tushirildi. Bu haqda «Dunyo» axborot agentligi xabar berdi.

Ma’lum qilinishicha, mazkur sayt O‘zbekistonning xorijdagi fuqarolariga konsullik hisobida turmasdan ovoz berish uchun saylovchilar ro‘yxatiga kiritishga elektron murojaat qilish imkonini beradi.

Mazkur platforma orqali xorijdagi fuqarolar eksterritorial tamoyili asosida o‘zlari tanlagan saylov uchastkasini o‘zgartirish imkoniyati qo‘shimcha qulaylik sifatida joriy etildi.

Avvalroq Kursiv Uzbekistan saylov2024.uz elektron platformasi ishga tushgani haqida xabar bergan edi.

Bugun, 27-sentabr kuni Farg‘ona vodiysidan tashqari O‘zbekiston viloyatlarida yog‘ingarchilik kuzatilmaydi. Kunduzi o‘rtacha havo harorati 20-25 daraja issiq bo‘ladi. Bu haqda Gidrometeorologiya xizmati agentligi xabar beradi.

Toshkent shahrida havo biroz bulutli bo‘lishi mumkin, lekin yomg‘ir yog‘ishi kuzatilmaydi, kunduzi havo harorati 25-darajagacha isiydi, kechga kelib havo 10-15 daraja iliq bo‘ladi.

Tog‘li hududlarning ba’zi joylarida yomg‘ir yog‘ishi ehtimoli bor. Kunduzi havo 17-darajagacha ko‘tariladi, kechasi esa havo 7-12 daraja salqin bo‘ladi.

Joriy yilning 26-sentabr kuni taxminan soat 22:23 lar atrofida Toshkent viloyati Bo‘stonliq tumanida joylashgan xonadonlarda yong‘in sodir bo‘lgan. Bu haqda viloyat FVB matbuot xizmati xabar berdi.

Ma’lum qilinishicha, yong‘in tumandagi «Chinor» MFY hamda Shirmonbuloq ko‘chasidagi xonadonlarda yuzaga kelgan.

Xabarga ko‘ra, qutqaruv ekipaji 22:30 da voqea joyiga yetib borilgan hamda 22:55 da yong‘in o‘chirilgan. Kuchli yong‘in natijasida ikkita uyning 150 kv/m maydonida tom va ichki qismlari zarar ko‘rgan. Hozirda yong‘in sabablari hamda yetkazilgan zarar aniqlanmoqda.  

«Hodisa oqibatida tan jarohati olgan va vafot etgan fuqarolar to‘g‘risida xabar kelib tushmadi», deyiladi xabarda.

Eslatib o‘tamiz, avvalroq Kursiv...

Toshkentda 2024-yil boshidan buyon 200 ta sanoat loyihasi amalga oshirildi, deb xabar berdi O‘zbekiston prezidenti Shavkat Mirziyoyev matbuot xizmati.

Bir kun avval davlat rahbari qurilish, sanoat, ta’lim va turizm loyihalariga bag‘ishlangan yig‘ilish o‘tkazdi.

To‘qqiz oy ichida shaharda $2 milliardga yaqin investitsiya o‘zlashtirildi. Sanoat sohasida 200 ta loyiha ishga tushirildi. 25 mingdan ortiq ish o‘rinlari yaratildi.

Avvalroq Kursiv Uzbekistan Mirzo Ulug‘bek tumanida yangi bozor majmuasini barpo etishmoqchi ekani haqida yozgan edi.

Janubiy Koreya hukumati it go‘shti ishlab chiqarishdan voz kechish dasturini amalga oshirmoqda. Fermerlarga ishlab chiqarishni qisqartirish uchun 100 mlrd von ($75 mln) miqdorida subsidiya beriladi, deb xabar berdi Reuters agentligi.

Ushbu to‘lovlardan tashqari, hukumat itlarni saqlash uchun boshpanalar tarmog‘ini tashkil qilmoqchi. Sobiq go‘sht ishlab chiqaruvchilar u yerga hayvonlarni topshirishlari mumkin. Har biri uchun 600 ming von ($452 ) to‘lash va’da qilingan.

«Ko‘pchilik qolgan itlar evtanaziyaga uchrashi mumkinligidan xavotirda (…), bu bizning rejalarimizga kirmaganini ishonch bilan aytishim mumkin», deya Janubiy Koreya qishloq xo‘jaligi vaziri o‘rinbosari Pak Bom Su iqtibos keltiradi agentlik.

Avvalroq Kursiv Uzbekistan Janubiy Koreya Milliy assambleyasi (parlamenti) it...

Buxoro davlat universiteti uchun shahar chekkasida 43 gektar maydonga kampus qurilishi rejalashtirilmoqda, deb xabar berdi O‘zbekiston prezidenti Shavkat Mirziyoyevning matbuot xizmati.

Yangi binolar majmuasida universitet ma’muriyati, yotoqxona, kutubxona, fakultetlar uchun xonalar, stadion, amfiteatr, laboratoriyalar va sport zali joylashadi. Yonida bog‘ barpo etishadi.

Kampus qurilishi universitet talabalari duch keladigan logistika muammolari bilan bog‘liq, chunki bugungi kunda uning binolari Buxoroning turli tumanlarida joylashgan.

Buxoro davlat universiteti Markaziy Osiyodagi eng qadimiy universitetlardan biridir. Uning tarkibiga o‘nta fakultet kiradi, ularda 21 mingdan ortiq talabalar tahsil oladi.

Avvalroq Kursiv Uzbekistan Qatar va O‘zbekiston universitetlari (jumladan, Buxoro muhandislik-texnologiya instituti) sun’iy intellekt sohasida hamkorlik qilishi haqida...

Basketbol federatsiyasi mutasaddilari o‘zaro til biriktirgan holda jami 489 mln so‘m pul mablag‘ini noqonuniy o‘zlashtirgan. Bu haqda Bosh prokuratura ma’lum qildi.

Unga ko‘ra, federatsiya ijrochi direktori Y.S. is boshqaruvchisi S.I. bilan jinoiy til biriktiradi. So‘ng, S.I.ning onasi va ukasi nomiga «S.A.G.» MCHJ tashkil qilib, sportchilar sogʻligʻini nazorat qilishda foydalaniladigan 2 dona (aslida yetkazib berilmagan) maxsus uskunalar sotib oladi. Buning uchun federatsiyadan 197 mln. soʻm mablagʻ ajratiladi.

Shuningdek, federatsiyaning 1-vitse prezidenti X.G. federatsiyaning korporativ plastik kartasidan noqonuniy ravishda shaxsiy ehtiyojlari uchun 162 mln soʻm, homiylarni jalb qilish xizmatlari uchun esa 130 mln soʻm mablagʻlari talon-toroj qilingan.

Aniqlangan holatlar yuzasidan jinoyat...

Hindiston sharqidagi Bihar shtatida nishonlangan festivalda 46 kishi cho‘kib ketdi. Bu haqda New York Times xalqaro nashri ma’lum qildi.

Bihar shtati hukumatining bayonotiga ko‘ra, halok bo‘lganlarning 37 nafari bolalar, yetti nafari esa ayollardan iborat bo‘lgan.

Asosan Hindiston shimolida va Nepalning ayrim hududlarida nishonlanadigan yillik Jivitputrika Vrat festivali doirasida ayollar 24 soat roʻza tutib, farzandlarining uzoq umri va salomatligi uchun maxsus duolar oʻqiydilar. Ro‘za tutgan soatlarida onalar o‘z mahallasidagi daryo va suv havzalariga, ba’zan bolalari hamrohligida cho‘milish uchun boradilar.

Hindistonning shimoliy qismida festival davomida rasmiylar odatda politsiya xodimlari va g‘avvoslarni suvga tushganlarida kuzatib borish uchun joylashtiradilar. Payshanba kuni Biharda qanday...

Hamster Kombat tokenining listingi turli kripto birjalarda, jumladan, Binance va OKX birjalarida ham chiqa boshladi.

Toshkent vaqti bilan soat 18:20da Binance savdo platformasidagi token $0,0087 ni tashkil qilayotgan edi. Minimalda tanga narxi $0,008135, maksimal qiymati esa $0,013272 ga yetdi.

Bestchange.ru xizmatining katta tahlilchisi Nikita Zuborev Kommersant’ga bergan intervyusida ko‘pchilik Hamster Kombat o‘yinchilarining hafsalasi pir bo‘lganini aytdi.

«Ushbu token nima uchun ishlatiladi, oxir-oqibat kimga keragi qoldi? Hech kimga, ya’ni bu boshqa o‘yin-tokenlari kabi yana bir investitsiya vositasi bo‘lib qoldi. Ayni vaqtda bozorda bunday tokenlardan yuzlab topiladi», deb o‘z fikri bilan o‘rtoqlashdi ekspert.

Eslatib o‘tamiz...

Rossiya Kobul bilan hamkorlik qilish maqsadida Tolibonni terrorchilik tashkilotlari ro‘yxatidan chiqarishga tayyorlanmoqda. Bu haqda Rossiya TIV o‘rinbosari Andrey Rudenko ma’lum qildi.

U Rossiya Afgʻoniston hukumati bilan hamkorlikni rivojlantirishga tayyorligini ta’kidladi. Biroq terrorchi tashkilot maqomini Tolibondan olib tashlash vaqt talab etadi va Rossiya qonunchiligidagi o‘zgarishlar bilan birga bo‘ladi.

Oktabr oyida Afgʻoniston boʻyicha Moskva formatidagi maslahatlashuvlar uchrashuvi oʻtkazilishi rejalashtirilganini aytdi rossiyalik diplomat.

O‘zbekiston va Turkmaniston MDH davlatlari orasida birinchilardan bo‘lib Afg‘onistonning yangi hokimiyatlari bilan aloqa o‘rnatdi.

2023-yil oxirida Qozog‘iston Tolibonni terrorchi tashkilotlar ro‘yxatidan chiqardi. 2024-yil sentabrida Qirg‘iziston ham xuddi shunday qaror qabul qilgan.

Rossiya Federatsiyasi Oliy sudi 2003-yilda Tolibonni terrorchi deb...

O‘zbekistonda joriy yil 26-sentabr holatiga ko‘ra, rasman ishlayotgan pensionerlar soni 582,2 ming nafarni tashkil qilmoqda. Bu haqda Kambag‘allikni qisqartirish va bandlik vazirligi matbuot xizmati xabar berdi.

«Yagona milliy mehnat tizimi»dan olingan ma’lumotlarga asosan avgust oyiga nisbatan ushbu oyda rasman ishlayotgan pensionerlar soni 1,5 ming nafarga kamaygan.

Rasman ishlayotgan ayollar 347,4 ming nafar bilan yetakchi bo‘lsa, erkaklar 234,8 ming nafarni tashkil qildi. Davlat tashkilotlarida 240,5 ming nafar (41,3 foiz), xususiy tashkilotlarda esa 341,7  ming nafarni (58,7 foiz) tashkil qiladi.  

Ushbu ko‘rsatkichlar hududlar kesimida Toshkent 98,5 ming nafar bilan yetakchi bo‘lsa, Toshkent viloyatida 54,8 ming nafar...

«Milliy tiklanish» partiyasi yetakchisi Alisher Qodirov Rossiya tashqi ishlar vazirligi rasmiysi Mariya Zaxarovaga javob qaytardi. Bu haqda Qodirov o‘zining Telegram kanalida ma’lum qildi.

Zaxarova avvalroq Toshkentdagi maktablardan birida rus tilida gaplashuvchi bolaga nisbatan pedagogning nojo‘ya muomalasi yuzasidan Tashqi ishlar vazirligidan rasmiy izoh so‘ragan edi.

«Bizning ichki ishlarimiz haqida bosh qotirguncha muammolarga to‘la o‘zlarining ishlari bilan shug‘ullanishsa, to‘g‘ri bo‘lar edi. Tekis joyda to‘polondan foyda chiqmasligini tushunib yetishdi, degan xulosaga ertaroq shekilli”, deydi Qodirov.

Ma’lumot uchun, tarmoqlarda o‘qituvchi o‘quvchisi bilan bahslashayotgan video tarqaldi. Videoda pedagogning bolani yelkasidan tortgan, bo‘ynidan ushlab turgan va bir necha marta yuziga urgan...

26-sentabr kuni O‘zbekiston Respublika valyuta birjasida dollarning rasmiy narxi 21,17 so‘mga pasaydi va 12 736,48 so‘mni tashkil qildi.

Moliya institutlari dollarni 12 695 – 12 720 so‘mdan xarid qilishmoqda va 12 760 – 12 820 so‘mdan sotishmoqda.

Eslatib o‘tamiz, 25-sentabr kuni mamlakatda AQSh valyutasining narxi deyarli 3 so‘mga ko‘tarilgan edi.

Hamster Kombat tokenlarining noqonuniy aylanmasi ma’muriy yoki jinoiy javobgarlikka sabab boʻlishi mumkin. Bu haqda Oʻzbekiston Istiqbolli loyihalar milliy agentligi (ILMA) xabar berdi.

Regulyatorning ma’lum qilishicha, qonun nuqtai nazaridan mashhur Hamster Kombat tokenlari kriptovalyuta aktivlari hisoblanadi. Ularni sotib olish va sotish faqat litsenziyalangan kriptobirja va kriptodoʻkonlarda sotish mumkin.

Tokenlarning noqonuniy muomalasi uchun 10,2 million soʻmgacha jarima yoki 15 sutkagacha ma’muriy qamoq jazosi tayinlanishi mumkin. Agar huquqbuzarlik yana takrorlansa, jinoiy javobgarlik qoʻzgʻatilishiga ham sabab boʻlishi mumkin.

Shu bilan birga, ushbu turdagi tokenlar juda oʻzgaruvchan boʻlib, aksariyat hollarda foydali funksionalligi yoʻqligi sababli roʻyxatga kiritilgandan soʻng qisqa vaqt ichida qadrsizlanishi ta’kidlandi.

Avvalroq Kursiv...

26-sentabr, payshanba kuni Toshkent atmosferasidagi PM2.5 konsentratsiyasi Jahon sogʻliqni saqlash tashkiloti tavsiyalaridan 4,2 baravar koʻp boʻldi, deya xabar berildi IQAir platformasida.

Bir kun avval shahar havosining ifloslanish darajasi 9,5 baravardan yuqori bo‘lgan edi. PM2.5 chang, asfalt va og‘ir metall birikmalarining zarralaridan iborat. PM2.5 nafas yo‘llariga kirib, turli kasalliklarni keltirib chiqaradi.

Avvalroq Kursiv Uzbekistan O‘zbekiston va Xitoy tabiatni muhofaza qilish sohasida hamkorlikni kuchaytirishi haqida yozgan edi.

UZ domeni ma’muriyati 2024-yilning 24–25-sentabr kunlari Qirg‘izistonning Bishkek shahrida bo‘lib o‘tgan Markaziy Osiyo tarmoq o‘zaro bog‘liqligi va piring forumi (CAPIF 3)da ishtirok etdi, deya xabar berdi Uzinfocom.

CAPIF 3 forumining tashkilotchilari RIPE NCC, Qirg‘iziston aloqa operatorlari assotsiatsiyasi va «Qirg‘iztelekom» kompaniyasi hisoblanadi. Forumda tarmoq o‘zaro bog‘liqligi va internet infratuzilmasini rivojlantirish masalalari muhokama qilindi.

Tadbirda UZ domeni ma’muriyatining yagona integratori Uzinfocom vakili dnssec.uz tizimini avtomatlashtirish loyihasini taqdim etdi.

Avvalroq Kursiv Uzbekistan sun’iy intellekt uz zonasida domen nomini tanlashda yordam berishi mumkinligi haqida xabar bergan edi.