Yangiliklar

Fuqaroviy va harbiy dronlar ishlab chiqaruvchi Sahro Drone Industry kompaniyasi mahsulotlariga Iordaniyada qiziqish ortgani haqida xabar berdi. Bu haqda kompaniya bosh direktori Olmosxon Niyozxonov «O‘zbekiston 24» telekanaliga bergan intervyusida aytib o‘tdi.

Uning so‘zlariga ko‘ra, Samarqandga tashrif chog‘ida Iordaniya qiroli Abdalla II ibn al-Husayn korxona mahsulotlariga qiziqish bildirgan.

Kompaniya hozirda mini-dronlar, kamerali FPV-modellar, razvedka uchun mo‘ljallangan uchuvchisiz apparatlar hamda ikki yo‘nalishda foydalaniladigan qurilmalarni ishlab chiqaradi. Ishlab chiqarish jarayonining qariyb 80 foizi O‘zbekistonda to‘liq mahalliylashtirilgan.

Avvalroq Iordaniyadan kelgan delegatsiya korxona zavodiga tashrif buyurib, ishlab chiqarish quvvatlari bilan tanishgan. Niyozxonovning ta’kidlashicha, xorijiy mutaxassislar mahalliylashtirish darajasidan hayratda qolgan.

Namoyishdan so‘ng tomonlar batafsil muzokaralar boshlash...

Rossiyalik olimlar sun’iy intellekt yordamida Parkinson kasalligini erta aniqlash texnologiyasini ishlab chiqdilar, deb xabar berdi C-News Sеchenov universiteti vakillariga tayanib.

Tadqiqotchilar neyrotarmoqni sog‘lom bemorlar va Parkinson kasalligi tashxisi qo‘yilgan bemorlarning elektroensefalogramma (EEG) ma’lumotlari asosida o‘qitdilar. Sinov natijalariga ko‘ra, neyrotarmoq tekshiruv namunalarida 97% hollarda to‘g‘ri tashxis qo‘ya oldi.

Bu ishlanma kasallikni erta bosqichda davolash imkoniyatini ochadi. Hozirgi paytda Parkinson ko‘pincha qo‘l titrashi, harakatlanish faolligining pasayishi va mushaklarning qotib qolishi kabi yaqqol alomatlar paydo bo‘lgandagina aniqlanadi.

Erta diagnostika esa davolashni o‘z vaqtida boshlash, kasallik rivojlanishini sekinlashtirish va bemorning hayot sifatini yuqori darajada saqlash imkonini beradi.

Ma’lumot uchun, Parkinson kasalligi insonning asab...

AQSh prezidenti Donald Tramp Hindistondan import qilinadigan mahsulotlarga 50% boj joriy etib, mamlakat iqtisodiyotiga katta zarar yetkazdi. Bu haqda Reuters agentligi ma’lum qildi.

Mutaxassislar hisob-kitobiga ko‘ra, Hindiston 2022-yildan buyon Rossiya neftini arzon narxlarda import qilib, qariyb $17 mlrd tejagan. Biroq yangi bojlar tufayli eksport hajmi 40% ga kamayishi, bu esa Hindistonga $37 mlrdgacha zarar keltirishi mumkin. Ayniqsa, to‘qimachilik va zargarlik sanoati minglab ish o‘rinlarini yo‘qotish xavfi ostida qoldi.

Rossiya nefti Hindiston importining 40 foizini tashkil qiladi. Agar Dehli bu manbadan voz kechsa, jahon bozorida neft narxi 200 dollar/barrelgacha ko‘tarilishi ehtimoli bor.

Trampning keskin qarorlari AQSh-Hindiston aloqalarini keskinlashtirdi va so‘nggi...

Yo‘lovchilarning qulayligi va temir yo‘lga bo‘lgan yuqori talabni inobatga olib, «O‘zbekiston temir yo‘llari» AJ Toshkent – Olot – Toshkent yo‘nalishida qo‘shimcha qatnov tashkil etmoqda. Bu haqda Transport vazirligi ma’lum qildi.

Toshkent – Olot – Toshkent qo‘shimcha poyezd qatnovi jadvali:

Kompaniya xabariga ko‘ra, chipta sotib olish imkoniyatlari kengaytirilgan bo‘lib, yo‘lovchilar ularni «O‘zbekiston temir yo‘llari» rasmiy sayti orqali yoki temir yo‘l kassalaridan xarid qilishlari mumkin.

Eslatib o‘tamiz, avvalroq Uzbekistan Airways yo‘lovchilar talabiga binoan sentabr oyida mahalliy yo‘nalishlarda qo‘shimcha parvozlarni yo‘lga qo‘ygani haqida yozgan edik.

Ilon Mask kompaniyasi SpaceX o‘zining eng yirik va qudratli raketasi – Starshipning 10-sinov parvozini muvaffaqiyatli amalga oshirdi. Bu avvalgi ketma-ket muvaffaqiyatsizliklardan keyingi muhim natija bo‘ldi, deya yozmoqda BBC.

Raketa Texasdagi sinov maydonidan mahalliy vaqt bilan soat 18:30 da uchirildi. Uchirilgach, birinchi bosqichdagi barcha 33 dvigatel muvaffaqiyatli ishga tushdi va 7 daqiqa o‘tib kemadan ajralib, Meksika ko‘rfaziga qulab tushdi.

Starship esa ko‘tarilishni davom ettirib, Yer yuzidan 200 km balandlikka chiqdi va sayyorani to‘liq aylanib chiqdi. Parvoz 60 daqiqa davom etdi.

Jarayon chog‘ida dvigatel qismlarining portlashi va raketaning yon qanotlari alangalanib, tebranayotgani kuzatildi. Shunga qaramay, SpaceX parvozni «katta muvaffaqiyat» sifatida baholadi.

Toshkent shahrida qalbaki «Torpeda» nomli dorivor mahsulotlarni sotishga urinishning oldi olindi. Bosh prokuratura huzuridagi Departamentning Yunusobod tumani bo‘limi va DXX xodimlari hamkorligida o‘tkazilgan tezkor tadbirda bir guruh fuqarolar qo‘lga olindi.

Ma’lum bo‘lishicha, ular Namangan viloyatidan kelgan noma’lum tarkibli kukunlarni yashirin sexda qadoqlab, «D.I.» MCHJ nomidan ishlab chiqarilgandek qilib ko‘rsatishgan. Mahsulotlarga qalbaki QR-kodlar yopishtirilib, asl dorivor giyoh sifatida tayyorlangan.

Tergov ma’lumotlariga ko‘ra, soxta mahsulotning ming donasi 120 mln so‘mga fuqarolarga sotilgan va bu jarayon dalillar bilan tasdiqlangan.

Hozirda ushbu holat yuzasidan Jinoyat kodeksining 168-moddasi (firibgarlik) hamda 228-moddasi (hujjatlarni, muhr va shtamplarni qalbakilashtirish yoki ulardan foydalanish) bo‘yicha jinoyat ishi qo‘zg‘atildi.

Eslatib...

So‘nggi kunlarda Hindiston va Pokistonni qamrab olgan kuchli yomg‘irlar Himalay tog‘larida katta talafotlarga sabab bo‘ldi. Reuters xabariga ko‘ra, Hindistonda so‘nggi 24 soat ichida kamida 36 kishi halok bo‘lgan.

Eng og‘ir fojia Jammu va Kashmir hududida yuz berdi: Hindu ziyoratgohi – Vaishno Devi yaqinida yuz bergan ko‘chki 33 kishining umriga zomin bo‘ldi.

Doda tumanida esa daryolar qirg‘oqlaridan chiqib, pastqam hududlarni suv bosishi natijasida yana uch kishi halok bo‘ldi. Mahalliy OAVning yozishicha, Panjob shtatida bir maktabni suv bosib, 200 ga yaqin bola ichkarida qolib ketgan. Shuningdek, Madhopur to‘g‘oni bir qismi yomg‘irdan keyin qulab tushib, avtomobillar daryoga tushib ketgani aks etgan...

«Tashabbusli budjet» jarayonida majburiy ovoz to‘plagan loyihalar ovoz berish bosqichidan chetlatiladi. Bu haqda Iqtisodiyot va moliya vazirligi xabar berdi.

Joriy yilgi 2-mavsum doirasida ovoz berish bosqichi davom etmoqda. Shu kunlarda Jizzax davlat pedagogika universiteti hamda Qiziltepa tumanidagi tibbiyot tashkilotlarida xodimlarni majburiy ovoz berishga jalb qilish holatlari haqida xabarlar tarqalgan.

Iqtisodiyot va moliya vazirligiga ko‘ra, bu masala atroflicha o‘rganilmoqda. Agar holatlar tasdiqlansa, mazkur loyihalar ovoz berish bosqichidan chiqariladi yoki agar g‘olib deb topilgan bo‘lsa, g‘oliblar ro‘yxatidan olib tashlanadi. Shu borada tegishli tuman Xalq deputatlari kengashiga taqdimnoma yuborilgan.

27-avgust soat 10:00 holatiga ko‘ra, fuqarolar tomonidan berilgan ovozlar bo‘yicha Qashqadaryo...

Bugun, 27-avgust kuni Toshkent shahrida O‘zbekiston Milliy muzeyi qurilishi boshlandi. Tamal toshi qo‘yish marosimida Shavkat Mirziyoyev ishtirok etdi.

Muzey loyihasi Yaponiya arxitektura byurosi Tadao Ando Architect & Associates va Germaniyaning Atelier Brückner kompaniyasi tomonidan ishlab chiqilgan. Qurilish ishlarini Xitoyning CSCEC International Construction kompaniyasi amalga oshiradi.

Yangi muzey 40 ming kvadrat metr maydonda barpo etilib, 3 qavatli asosiy bino, 2 qavatli yerto‘la va yordamchi inshootlardan iborat bo‘ladi. Unda ko‘rgazma zallari, kutubxona, restavratsiya laboratoriyalari hamda zamonaviy saqlash xonalari tashkil etiladi. Shu orqali hozirda turli muzeylarda tarqoq holda saqlanayotgan 10 mingga yaqin eksponatni bir joyda namoyish etish imkoniyati yaratiladi.

Muzey atrofida Abulqosim...

Nukus – Chimboy – Taxtako‘pir yo‘lini ta’mirlashga 15 milliard so‘m ajratildi. Bu haqda Qoraqalpog‘iston Vazirlar Kengashi xabar berdi.

Hozirda umumiy uzunligi 59 kilometr bo‘lgan yo‘lning 17 – 18-kilometrida asfalt yotqizish ishlari olib borilmoqda. Ishlarga oltita zamonaviy texnika va 13 nafar ishchi jalb qilingan.

«Mazkur ishlar nafaqat transport infratuzilmasini yaxshilash, balki aholining kundalik hayotini yengillashtirish, hududlararo aloqalarni mustahkamlash hamda iqtisodiy faollikni oshirishga xizmat qiladi», deyiladi xabarda.

O‘zbekiston transport vaziri Ilhom Mahkamov 2030-yilgacha ichki yo‘llarining barchasi asfaltlanishini ma’lum qilgandi.

«Bugungi kunda biz 70 foiz loy, tuproq yo‘llarining ayrimini shag‘alga, ayrimini asfaltga o‘tkazdik. Qolgan 30 foizini, umuman...

BYD’ning premium BYD Yangwang U9 elektromobili 472,41 km/soat tezlikka erishdi. Bu haqda CarNewsChina xabar bermoqda.

Natija test trassasida qayd etilib, modelni dunyodagi eng tezkor seriyaga tayyor elektr avtomobil sifatida tanitdi. Rasmiy ma’lumotlarga ko‘ra, rekordga erishishda bir nechta asosiy texnologik yechim muhim rol o‘ynadi. Avvalo, U9 dunyoda birinchi bo‘lib 1200V yuqori voltli platforma asosida ishlab chiqildi. Bu tizim elektr motorlariga energiyani ancha samarali olish imkonini beradi va barqaror yuqori quvvatni ta’minlaydi.

Ikkinchi muhim omil e4 platformasi (Yi Sifang) bo‘lib, u to‘rtta alohida yuqori unumdorlikka ega elektr motorlardan tashkil topgan. Har bir motorning quvvati 555 kVt bo‘lib, jami tizim kuchi...

Toshkent – Sharqiy aeroportining yangi uchish-qo‘nish yo‘lagiga Uzbekistan Airways aviakompaniyasiga tegishli Boeing 767-300ER samolyoti ilk texnik qo‘nishni amalga oshirdi.

Ijtimoiy tarmoqlarda tarqalgan tasvirlar orqali ko‘rish mumkinki, qo‘nishdan oldin samolyot Toshkent va Toshkent viloyati osmonida aylana parvoz qilgan.

Avvalroq Kursiv Uzbekistan nashri «Toshkent – Sharqiy» aeroportida 4 kilometr uzunlikdagi uchish-qo‘nish yo‘lagi yangilangani haqida yozgan edi.

Ushbu loyihada ob-havo yomon bo‘lgan holatlarda ham parvozlarni amalga oshirish uchun ilg‘or texnologiyalar o‘rnatilgan.

Prezident loyiha texnikalari va arxitekturaviy yechimlari bilan tanishgan edi. Davlat rahbari qurilish ishlarini tezlashtirish, xizmat sifatini oshirish bo‘yicha topshiriqlar bergan.

Uzbekistan Airways mahalliy yo‘nalishlardagi parvoz qoidalariga o‘zgartirish kiritayotgani haqida...

Yevropa Ittifoqi, O‘zbekiston Migratsiya agentligi va Xalqaro migratsiya siyosatini rivojlantirish markazi (XMSRM) hamkorligida Toshkent shahrida migrantlar resurs markazi (MRM) ochildi.

Ta’kidlanishicha, bu markaz Markaziy Osiyo hududida ochilayotgan uchinchi shunday maskan bo‘lib, Yevropa Ittifoqi moliyaviy ko‘magida tashkil etildi.

Markazning asosiy vazifasi — fuqarolarga xavfsiz va qonuniy migratsiya bo‘yicha ma’lumot berish, noqonuniy migratsiya hamda odam savdosi xavfi haqida ogohlantirish, chet elga ketayotganlarga maslahat berish va vatanga qaytganlarga qayta moslashishda yordam ko‘rsatishdan iborat.

Ochilish marosimida O‘zbekiston hukumati, Yevropa Ittifoqi, BMT va boshqa xalqaro tashkilotlar vakillari qatnashdi. Yevropa Ittifoqi elchisi Toyvo Klaar bu kabi markazlar odamlarni to‘g‘ri qaror qabul qilishga ko‘mak berishini...

Realme kompaniyasi bugun sanoatda eng katta akkumulyatorga ega smartfonini taqdim etdi. Bu haqda kompaniya X platformasidagi sahifasida e’lon qildi.

Qurilma 15 000 mA·soat sig‘imli batareya bilan jihozlangan bo‘lib, bu ko‘plab tashqi powerbanklardan ham kattaroq.

«Kelajakni qarshi oling: Realme 15 000 mAh — sanoatdagi eng katta batareya» — deya e’lon qildi kompaniya.

Mashhur insayder Digital Chat Station esa Weibo’da smartfonning suratlarini chiqardi. Ulardan ko‘rinishicha, qurilma deyarli seriyaga tayyor holatda. U 6,7 dyuymli ekran, MediaTek Dimensity 7300 platformasi, 12 GB tezkor xotira va Realme UI 6.0 interfeysi bilan ishlaydi.

Hozircha kompaniya smartfonning savdoga chiqarilishi yoki tijoriy...

Prezident farmonlari bilan mustaqillik arafasida turli soha vakillari faxriy unvonlar, orden va medallar bilan taqdirlangandi. Bugun, 27-avgust kuni Toshkent shahrida ushbu mukofotlarni topshirish marosimi bo‘lib o‘tdi.

Davlat rahbari marosimda ishtirok etganlarni Mustaqillik bayrami bilan tabrikladi va so‘nggi yillardagi yutuqlar haqida to‘xtaldi. Unga ko‘ra, o‘tgan sakkiz yilda O‘zbekiston yalpi ichki mahsuloti $115 milliardga yetdi, bu yil esa $130 milliarddan oshishi kutilmoqda.

Shuningdek, so‘nggi sakkiz yilda 500 mingdan ortiq ko‘p qavatli uylar, yuzlab maktab va bog‘chalar qurildi, aholiga qulay sharoitlar yaratildi. Talabalar soni keskin oshib, oliy ta’limda qamrov 40 foizga chiqdi. 100 mingdan ortiq investitsiya loyihalari ishga tushirildi, millionlab ish...

Chengdu avtosalonida BYD kompaniyasi yangi BYD Leopard Titanium 7 modelini namoyish qildi. Bu haqda Autohome xabar bermoqda.

Avtomobilning narxi $35 mingdan $42 minggacha bo‘lishi kutilmoqda. Jamoatchilikka rasmiy taqdimot 29-avgust kuni o‘tkaziladi, savdolar esa sentabrda boshlanadi.

Modelning o‘lchamlari 4999×1995×1865 mm. G‘ildirak bazasi 2920 mmni tashkil etadi. Kirish burchagi 24, chiqish burchagi esa 25 darajaga teng. Eng yuqori komplektatsiyada DJI kompaniyasining Lingyuan dron tizimi mavjud bo‘lib, u 25 km/soat tezlikda uchish va qo‘nishni, shuningdek, suratga olish va to‘siqlardan qochishni qo‘llab-quvvatlaydi.

Titanium 7, shuningdek, Eye of God B (DiPilot300) haydovchiga yordam tizimi bilan jihozlangan. Salon ikki qavatli markaziy konsol, to‘rt spikali...

Bugun, 27-avgust kuni dollar kursi 58,33 so‘mga oshib, 12 412,98 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Markaziy bank ma’lumotlariga ko‘ra, yevro 2,12 so‘mga oshib, 14386,64 so‘mni, rubl esa 0,35 so‘mga oshib, 154,28 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

O‘zbekiston bosh prokurori, mudofaa vaziri va ichki ishlar vaziriga yuqori darajali unvonlar berildi. Bu haqda prezident farmonlari qabul qilindi.

Unga ko‘ra, bosh prokuror Nig‘matilla Yo‘ldoshev 2-darajali davlat adliya maslahatchisi maxsus unvoniga sazovor bo‘ldi.

Mudofaa vaziri Shuhrat Xalmuhamedovga general-leytenant harbiy unvoni berildi. Ichki ishlar vaziri Aziz Tashpulatov esa general-leytenant maxsus unvoni bilan taqdirlandi.

Avvalroq Kursiv Uzbekistan prezident davlat xizmatchilari, ishlab chiqarish va ijtimoiy-iqtisodiy soha xodimlaridan bir guruhini mukofotlagani haqida yozgandi.

26-avgust kuni ayrim messenjerlarda «13 yashar o‘zbekistonlik bola Turkiyada odam o‘ldirishga urindi» sarlavhali maqola tarqatildi. O‘zbekistonning Istanbul shahridagi Bosh konsulxonasi mazkur ma’lumotni tekshirdi.

Xabarda ta’kidlanishicha, ushbu voqea 22-avgust kuni Aksaray viloyatida sodir bo‘lgan va uning ishtirokchilari orasida O‘zbekiston fuqarolari yo‘q. Ayblanuvchi 2012-yilda tug‘ilgan shaxs, jabrlanuvchi esa 2000-yilda tug‘ilgan fuqaro bo‘lib, ikkalasi ham boshqa davlat fuqarolari hisoblanadi.

«Ba’zan boshqa davlat fuqarolari tomonidan sodir etilgan jinoyatlar ayrim ommaviy axborot vositalarida O‘zbekiston fuqarolari bilan bog‘langan holda yoritilishi xalqimiz imijiga salbiy ta’sir etmoqda», — deyiladi konsulxona xabarida.

Shuningdek, chet davlatdagi fuqarolardan mahalliy qonunlarga qat’iy rioya qilishlari, favqulodda holatlarda...

Raqobat qo‘mitasi ko‘rsatmasiga asosan Uzbekistan Airways mahalliy yo‘nalishlarda yo‘lovchi tashish qoidalariga o‘zgartirishlar kiritmoqda. Bu haqda qo‘mita xabar berdi.

Endilikda:

Jahon amaliyotida keng qo‘llaniladigan qoida bo‘yicha, yo‘lovchi ikki tomonga chipta olgan bo‘lsa, lekin birinchi parvozdan foydalanmagan taqdirda qaytish chiptasi avtomatik ravishda bekor qilinadi. «Uzbekistan Airways» AJ ham 2011-yilda...

Chery kompaniyasiga qarashli Jetour brendi yangi Jetour Shanhai L7 Plus gibrid SUV modelini rasman taqdim etdi. Bu haqda CarNewsChina xabar bermoqda.

Yangi avtomobil besh va yetti o‘rinli variantlarda ishlab chiqariladi. Yetti o‘rinli versiyada barcha o‘rindiqlar elektr boshqaruv funksiyasiga ega. Besh o‘rinli Jetour Shanhai L7 Plus oltita komplektatsiyada taklif qilinmoqda. Narxlar 119 900 yuandan ($16,7 ming boshlanib, 161 900 yuangacha ($22,5 ming) yetadi.

Avtomobil Chery’ning Kunpeng Super Hybrid C-DM tizimi bilan jihozlangan bo‘lib, umumiy yurish masofasi 1700 kmni tashkil etadi.

Modelning dizayni zamonaviy yoritish texnologiyalari bilan to‘ldirilgan. Old faralar C-shakldagi kunduzgi chiroqlar va aqlli haydash ko‘k chiroqlari bilan uyg‘unlashtirilgan. Yon...

Xiaomi kompaniyasi tomonidan uzoq kutilgan HyperOS 3 operatsion tizimi 28-avgust 2025-yilda taqdim etilishi e’lon qilindi.

Yangi HyperOS 3’da vizual yangiliklar va funksional imkoniyatlar kengaytirilishi kutilmoqda. Bu o‘zgarishlarning asosiy sababi tizimning Android 16 bazasiga o‘tishi bilan bog‘liq. Dizaynda yaxshilangan animatsiyalar, yangilangan ikonka to‘plamlari va interfeysda yanada ravon ishlashga alohida e’tibor qaratiladi.

Kompaniya eski modellarga ham yangilanishni taqdim etadi. Biroq ularning ko‘pchiligi HyperOS 3’ni Android 15 asosida qabul qiladi. Ya’ni barcha qurilmalar tashqi jihatdan bir xil HyperOS 3 ko‘rinishiga ega bo‘lsa-da, texnik baza ularning yoshi va imkoniyatlariga qarab farqlanadi.

HyperOS 3 oldindan o‘rnatilgan ilk smartfonlar sifatida Xiaomi 16 va Xiaomi...

30–31-avgust kunlari Toshkent shahrining barcha tumanlarida bayram sayllari va ommaviy konsert dasturlari tashkil etiladi. Ushbu dasturlar bo‘lib o‘tadigan manzillar haqida shahar hokimligi ma’lumot berdi.

Unga ko‘ra, tadbirlar vaqtga qarab quyidagi manzillarda o‘tkaziladi:

Soat 18:00 da:

Soat 19:00 da:

Tesla Xitoy bozorida yangi Tesla Model Y L olti o‘rinli SUV modelini taqdim etdi. Bu haqda CarNewsChina xabar bermoqda.

Mashinaning eng katta o‘zgarishi uning cho‘zilgan kuzovi va uzunroq g‘ildirak bazasi bo‘lib, bu uni uch qatorli konfiguratsiyaga aylantirdi.

Tesla’ning Xitoydagi global vitse-prezidenti Greys Tao mashina ichki makonini ko‘rsatish uchun video ulashdi. Unda u avtomobilning oqilona joylashuvi, butun oilani qulay sayohatga chiqarishi haqida gapirgan. Rolikda bo‘yi 1,8 metrdan baland olti kishi mashinaga joylashgani aks etgan.

Biroq bu video avtomobil blogerlari tomonidan tanqidga uchradi. Mashhur tanqidchi Navis-Slow Review video tasvirlarda odamlar uch qatorga zo‘rma-zo‘rakilik bilan joylashtirilganini ta’kidladi. Uning fikricha, old qator o‘rindiqlari shunchalik...