Yangiliklar

2024-yil yanvar – iyun oylarida umumiy pul tushumlari 385 trln soʻmni tashkil etib, 2023-yilning mos davriga nisbatan 30 foizga oʻsdi. Bu haqda Markaziy bank axborot xizmati xabar berdi.

Ma’lum qilinishicha, umumiy pul tushumlarida terminal orqali tushumlar ulushi 2023-yil 1-yarim yilligidagi 38 foizdan 41 foizga oʻsib, uning tarkibida savdo va xizmatlar sohasidan terminal tushumlari salmogʻi 40 foizdan 45 foizga oʻsishi kuzatildi.

2024-yil yanvar – iyun oylarida banklar orqali naqd pul aylanmasi hajmi 458 trln soʻmni (naqd pul tushumlari – 227 trln soʻm, berilgan naqd pullar – 231 trln soʻm) tashkil etgani holda, 2023-yilning mos davriga nisbatan 24 foizga oshdi.

Banklarga...

2024-yil iyun oyida Rossiya O‘zbekistondan 1,7 ming tonna olma import qildi, deb xabar berdi «TASS».

Turkiya Rossiya bozoriga asosiy olma yetkazib beruvchiga aylandi, eksport hajmi — 9,7 ming tonna, undan keyin Janubiy Afrika Respublikasi va Serbiya – mos ravishda 7,2 va 6,4 ming tonna. To‘rtinchi o‘rinda 4,2 ming tonna bilan Xitoy joylashgan. O‘zbekiston beshinchi o‘rinni egalladi.

Hammasi bo‘lib, iyun oyida Rossiya Federatsiyasi chet eldan 42 ming tonna olma sotib oldi, yillik o‘sish 1,8 baravarga etdi.

Avvalroq «Kursiv» 2024-yilning yanvar – may oylarida O‘zbekiston meva-sabzavot eksportini 10 foizga oshirgani haqida yozgan edi. Asosiy...

Birlashgan Millatlar Tashkilotining «Dunyo aholisining 2024-yilga bo‘lgan istiqbollari» hisobotiga ko‘ra, O‘zbekiston aholisi 2100-yilning yanvariga borib 74,2 mln kishiga ko‘payadi. Joriy yil boshida bu ko‘rsatkich 36 mln edi.

BMT 2100-yil 1-iyulda O‘zbekiston aholisining o‘rtacha yoshi 39 yoshni tashkil etishini taxmin qilmoqda. Bu davrga kelib O‘zbekistonda 36,8 mln ayol va 37,4 mln erkak istiqomat qilishi kutilmoqda.

Statistika agentligi ma’lumotlariga koʻra, joriy yilning 15-iyul holatiga OʻzRning doimiy aholisi soni 37,1 mln kishidan ortiqni tashkil qildi. BMT esa 2025-yil 1-iyulgacha O‘zbekiston aholisi soni 37 milliondan oshishini kutgan.

Avvalroq «Kursiv» O‘zbekiston o‘rtacha daromadi pastroq davlatlar toifasida qolganini e’lon qilgan edi.

Oʻzbekistonda joriy yilning iyun-iyul oylarida pomidor (-64,3 foiz), banan (-31,9 foiz) va bodring (-31,1 foiz) mahsulotlarining narxi arzonlashdi. Bu haqda Makroiqtisodiy va hududiy tadqiqotlar instituti (MHTI) xabar berdi.

Qayd etilishicha, MHTI mutaxassislari tomonidan Toshkent shahridagi yirik supermarketlarda 21 nomdagi oziq-ovqat mahsulotlari narxining oʻzgarishi koʻrib chiqildi.

Monitoring natijalari 12 xil mahsulot boʻyicha minimal narxlar oʻtgan oydagiga nisbatan pasayganini koʻrsatdi. 9 nomdagi mahsulotning eng past narxi oʻzgarishsiz qolgan. Guruch, bugʻdoy uni, shakar shular jumlasidan.

Ma’lumot uchun, tahlil 13-iyun va 11-iyul kunlari oʻtkazilgan monitoring ma’lumotlari asosida qilindi.

Avvalroq «Kursiv» Oʻzbekistonda meva-sabzavot narxining pasayishi fonida deflyatsiya qayd etilgani haqida xabar bergan edi.

Xitoyning Lanzhou shahrida 12-iyul kuni start olgan futzal bo‘yicha «CFA International Women’s Futsal Tournament Lanzhou – 2024» turnirida qizlarimiz g‘alaba qozondi, deb xabar beradi O‘zbekiston futbol assotsiatsiyasi (O‘FA).

Musobaqada hamyurtlyarimiz Eron, Xitoy va Vyetnam jamoalariga qarshi to‘p surishdi. Birnichi o‘yin 12-iyul kuni o‘tkazilib, Eron 7:5 hisobida mag‘lub etildi. 13-iyul kuni esa terma jamoa Xitoy vakillari ustidan 3:2 hisobida g‘alaba qozondi. Bugun qizlarimiz Vyetnam jamoasi bilan 5:5 hisobida duranga kelishdi.

Shunday qilib, Farrux Zokirov shogirdlari ikkita g‘alaba va bitta durang natijalarini qayd etib jamoalar ichida birinchi bo‘ldi.

Avvalroq «Kursiv» futzal bo‘yicha O‘zbekiston terma jamoasining jahon chempionatidagi raqiblari aniqlanganini...

15-iyun kuni prezident Shavkat Mirziyoyev Malayziya bosh vaziri Anvar Ibrohim bilan telefon orqali muloqot qildi. Bu haqda prezident matbuot xizmati xabar berdi.

Muloqot chogʻida ikki mamlakat oʻrtasidagi koʻp qirrali hamkorlikni yanada rivojlantirishning dolzarb masalalari, shu jumladan, Malayziya bosh vazirining joriy yil may oyida Oʻzbekistonga tashrifi chogʻida erishilgan kelishuvlarning bajarilishi koʻrib chiqildi.

Sanoat, «yashil» energetika, neft-kimyo, elektrotexnika va boshqa tarmoqlarda yetakchi kompaniyalarning kooperatsiya loyihalarini ilgari surishga alohida e’tibor qaratildi.

Shuningdek, gumanitar almashinuv va ziyorat turizmi boʻyicha qoʻshma dasturlarni amalga oshirish chora-tadbirlari muhokama qilindi.

Xalqaro va mintaqaviy ahamiyatga molik dolzarb masalalar, boʻlajak oliy darajadagi tadbirlar rejasi koʻrib chiqildi.

Avvalroq «Kursiv» Malayziya...

Niderlandiya kompaniyasi Yandex N.V. Yandeks aksiyadorlarini tark etdi, bu haqda Rossiya kompaniyasining veb-saytida aytilgan.

Joriy yilning iyul oyi oxirigacha Yandex N.V. nomini o‘zgartiradi va Yandex brendlaridan foydalanishni to‘xtatadi. Yandeksning yangi asosiy egasi yopiq pay investitsiya fondi (YPIF) «Konsorsium.Birinchi.» bo‘ldi.

«Kommersant»ning xabariga ko‘ra, Yandex N.V. nomi Nebius Group deb o‘zgartirilishi mumkin.

Yana ma’lumki, Yandeksning Rossiyadagi biznesi va uning xorijdagi aksariyat loyihalari Rossiya konsorsiumi boshqaruviga o‘tadi.

Avvalroq «Kursiv» «Yandex Uzbekistan» joriy yilning kuzida O‘zbekiston poytaxtida o‘z vakolatxonasini ochishni rejalashtirayotgani haqida e’lon qilgan edi.

15-iyul kuni O‘zbekiston Respublika valyuta birjasida dollarning o‘rtacha tortilgan qiymati 27,65 so‘mga pasaydi va 12 607,62 so‘mni tashkil qildi.

Bugun banklar AQSh valyutasini 12 575 – 12 635 so‘mdan xarid qilishmoqda va 12 650 – 12 695 so‘mdan sotishmoqda.

Eslatib o‘tamiz, 12-iyul kuni dollarning o‘rtacha qiymati qariyb 20 so‘mga tushgan edi.

2024-yil iyun oyi oxirida muomaladagi yashil obligatsiyalar hajmi $2,59 trillionni tashkil etdi. «Cbonds» kompaniyasining ESG Newsletter hisobotiga ko‘ra, MDH mamlakatlari ulushi $6,71 mlrd.

G‘arbiy Yevropa davlatlari $1,64 trln, rivojlanayotgan bozorlar $469,2 mlrd va Osiyo davlatlari (Yaponiyadan tashqari) $325 mlrd bilan yetakchilik qilmoqda.

Joriy yilning aprel-iyun oylarida yangi yashil obligatsiyalar chiqarish hajmi $142,86 milliardga yetdi.

Eslatib o‘tamiz, joriy yilning may oyida O‘zbekiston birinchi marta uchta valyutada – dollar, yevro va so‘mda suveren xalqaro obligatsiyalarni joylashtirdi. Iqtisodiyot va moliya vazirligi ma’lumotlariga koʻra, yevrodagi xalqaro obligatsiyalar Barqaror rivojlanish maqsadlariga erishish uchun chiqarilgan.

Avvalroq «Kursiv» O‘zbekistonda yashil obligatsiyalarni chiqarish va muomalaga kiritish...

Raqobatni rivojlantirish va iste’molchilar huquqlarini himoya qilish qo‘mitasi «Toshkent shahar suv ta’minoti» AJga nisbatan ham ish qo‘zg‘adi. Bu haqda qo‘mita axborot xizmati ma’lum qildi.

Unga ko‘ra, holat «Uzcarlsberg» MCHJning AJ xizmatidan shikoyati asosida o‘rganilgan. Murojaatni o‘rganish davomida «Toshkent shahar suv ta’minoti» va MCHJ o‘rtasida «Chiqindi suvlarni shahar kanalizatsiyasiga chiqarish to‘g‘risida»gi kommunal-ekologik normativ hujjat rasmiylashtirilgani aniqlangan. Hujjatga ko‘ra, «Uzcarlsberg» chiqindi suvni 68% koeffitsient hajmdagina shahar kanalizatsiyasiga chiqarishi belgilab berilgan. Ammo «Toshkent shahar suv ta’minoti» 76 % koeffitsient qo‘llaganligi bois MCHJ 75 mln so‘m zarar qilgan.

Shunga ko‘ra, qo‘mitaning Toshkent shahar hududiy boshqarmasi «Toshkent shahar suv ta’minoti»ga nisbatan «Tabiiy monopoliyalar to‘g‘risida»gi...

«Alfa Life Insurance» va «Inson» sug‘urta kompaniyalari 2023-yil oxirida daromadlari kamayishiga duch keldi, bu kompaniyalarning moliyaviy hisobotlarida keltirilgan.

O‘tgan yili «Alfa Life Insurance» 199,4 mln so‘m daromad olgan bo‘lsa, 2022-yilda sof foyda 1,9 mlrd so‘mni tashkil qildi. Moliyaviy hisobotga ko‘ra, sug‘urta xizmatlari ko‘rsatishdan tushgan tushum 166 mlrd so‘mdan 42,7 mlrd so‘mgacha kamaygan.

«Inson»ning yil davomidagi foydasi 5,2 mlrd so‘mdan 1,4 mlrd so‘mga tushdi. Daromad 60,4 mlrd so‘mdan 117,8 mlrd so‘mga oshgan.

Bundan tashqari, 2023-yilda «Semurg‘ Insurance sof zarari 6,4 mlrd. Sug‘urtalovchi 2022-yilni 2,2 mlrd so‘m foyda bilan yakunladi. 2023-yilda daromad 39 mlrd so‘mga, 2022-yilda 27 mlrd so‘mga...

Olmaliq kon-metallurgiya kombinati (OKMK)da yaqinda zargarlik sanoati uchun ahamiyatli bo‘lgan yangi loyiha ishga tushirildi. Bu haqda OKMK axborot xizmati xabar berdi.

Unga ko‘ra, zargarlik korxonalari kombinatdan 5, 10, 20 va 50 gramm vazndagi, sofligi 999,9 bo‘lgan oltin quymalarni ham xarid qilishar edi. Ushbu yangi loyiha orqali esa oltin va kumush granula shaklida ham ishlab chiqariladi. Bu shakldagi oltin tibbiyot, radioelektronika, mikroelektronikada, kimyo sanoatida va o‘lchov asboblarini ishlab chiqarishda keng foydalaniladi.

OKMKning 75 yilligi oldidan loyiha asosida ishlab chiqarilayotgan mahsulotlarimiz zargarlarga bir qator qulayliklar yaratadi, – deydi Mis eritish zavodi Oltin va kumushni affinajlash sexi boshlig‘i...

2024-yilning yanvar – iyun oylarida Oʻzbekistonga 3,5 mln nafar turist tashrif buyurdi. Bu haqda Statistika agentligi axborot xizmati xabar berdi.

Bu koʻrsatkich oʻtgan yilning mos davri bilan solishtirilganda 415,6 ming nafarga yoki 13,3 foizga oshgan.

Mazkur davrda sayyohlarning eng koʻp oqimi Qirgʻizistonga toʻgʻri keldi – 1,05 mln nafar. Keyingi oʻrinda 1,04 mln nafar turist bilan Tojikiston joy oldi.

Uchinchi oʻrindan 668,4 ming nafar sayyoh bilan Qozogʻiston joylashgan boʻlsa, Rossiyadan kelgan sayyohlar soni 364,5 ming nafarni tashkil etdi.

Turkmanistondan 67,2 ming nafar, Turkiyadan 51,9 ming nafar, Xitoydan 28,7 ming nafar turist Oʻzbekistonga tashrif buyurdi. Shuningdek, Hindiston (28,2 ming nafar), Janubiy...

Xalqaro gimnastika federatsiyasi «Parij – 2024» yozgi Olimpiya oʻyinlarida faoliyat olib boradigan oʻzbekistonlik hakam nomini e’lon qildi. Bu haqda Olimpiya qoʻmitasi xabar berdi.

Milliy Olimpiya qoʻmitasi ma’lumotiga koʻra, hamyurtimiz Oksana Kiosya boʻlajak Olimpiadada sportchilarning chiqishini baholaydi.

Sport gimnastikasi boʻyicha qit’a va jahon chempionatlarida faoliyat olib borib kelayotgan Oksana Kiosya uchun bu birinchi Olimpiada boʻladi.

Avvalroq «Kursiv» oʻzbekistonlik boks hakami Olimpiyada oʻyinlarida ish olib borishi haqida xabar bergan edi.

Millatlar ishlari bo‘yicha federal agentlik (MIFA) migrantlar uchun ma’ruza shaklida moslashish kursini ishlab chiqdi, deb yozadi «Kommersant».

70 daqiqalik ma’ruza davomida chet elliklarga Rossiyadagi xulq-atvor normalari, mehnat qonunchiligi va qonunlarni buzganlik uchun mumkin bo‘lgan jazolar haqida so‘zlab beriladi.

Ma’ruza tarixiy blokni o‘z ichiga oladi. Unda Sovet Ittifoqidan olingan mablag‘lar Markaziy Osiyoning muvaffaqiyatli rivojlanishiga yordam bergani va mintaqada yangi alohida davlatlarning paydo bo‘lishiga asos solganini eslatib o‘tadi.

Xorijiy fuqarolar ekstremistik va terroristik harakatlar va mitinglarda qatnashmasliklari haqida ogohlantiriladi.

Yangi kurs joriy yilning sentabr oyidan Rossiya hududlarida joriy etilishi kutilmoqda. Biroq qonun hujjatlarida uni majburiy o‘tish nazarda tutilmagan.

Hududlararo «PSP-fond» resurs...

2024-yilning yanvar-iyun oylarida O‘zbekistonda 42,7 mingdan ortiq oilaviy korxonalar faoliyat ko‘rsatdi, deya xabar beradi Statistika agentligi. Yil davomida respublikada ularning soni 6,5 foizga kamaydi.

Joriy yilning iyul oyi boshida oilaviy korxonalarning asosiy qismi Samarqand viloyatida – 7,3 mingta, shuningdek, Xorazm va Farg‘ona viloyatlarida mos ravishda 4,6 ming va 4,5 mingtasi joylashgan.

Eng kam oilaviy korxonalar Jizzax viloyatida – 1,4 mingta, Namangan va Sirdaryo viloyatlarida – mos ravishda 996 va 304 tashkil topgan.

Eslatib o‘tamiz, 2023-yil oxirida hukumat oilaviy korxonalarga besh nafargacha xodimni yollashga ruxsat bergan edi. Ilgari ularga uch kishigacha yollash ruxsati berilgan edi.

Avvalroq «Kursiv» yakka tartibdagi...

Soliq qo‘mitasining elektron xizmatlarida nosozliklar qayd etilgan. Buning sababi banklarning axborot tizimlaridagi nosozlik, deya xabar qildi qo‘mita matbuot xizmati.

«Tashqi resurslarda yuzaga kelgan nosozliklar bartaraf etilishi bilan elektron soliq xizmatlaridan to‘liq foydalanish mumkin bo‘ladi», deya aniqlik kiritdi Soliq qo‘mitasi.

Eslatib o‘tamiz, 2024-yilning yanvar-aprel oylarida xakerlar Uznetning 30 ta saytini buzishga muvaffaq bo‘lgan edi. Oʻzbekiston Kiberxavfsizlik Markazi oʻzbek portallariga hujum qilgan yetti davlatdan 11 xakerlik guruhini aniqladi.

Avvalroq «Kursiv» Beeline Uzbekistan mobil operatori ishidagi uzilishlar haqida yozgan edi.

Raqobatni rivojlantirish va iste’molchilar huquqlarini himoya qilish qoʻmitasi «Anglesy Food» MCHJ («Korzinka» nomli supermarketlar tarmogʻi)ga nisbatan ish qoʻzgʻatdi.

Ma’lum qilinishicha, «Korzinka» supermarketlar tarmogʻi tomonidan turli xil usullarda tarqatilayotgan reklama axborotida «Kundalik xaridlarga eng arzon narx», «Eng arzon narx – Korzinkada», «…Eng unumlisiga keling!» degan reklamasida foydalanuvchilarni chalgʻitadigan yoki chalgʻitishi mumkin boʻlgan soʻz jumlalaridan foydalanilgani kuzatilmoqda.

Mazkur reklama axborotida qayd etilgan ma’lumotlarni oʻrganish natijasida aksiya doirasida kundalik ehtiyojlar uchun kerak boʻladigan ma’lum bir miqdordagi mahsulotlardan iborat boʻlgan katalog joriy qilingani ma’lum boʻldi.

Shuningdek, ushbu katalogga kiritilgan mahsulotlarning narxlari turli supermarketlar tarmogʻi hamda dehqon bozorlardagi xuddi shunday mahsulotlarning narxlari boʻyicha oʻtkazilgan...

14-iyul kuni Amerika kubogi (Copa America) va Yevropa chempionati finallari bo‘lib o‘tdi. Amerika kubogida Argentina va Kolumbiya terma jamoalari bahs olib borishdi. Yevropa chemionatida esa Ispaniya Angliya bilan to‘qnash keldi.

«Hard Rok Stedium”da bo‘lgan uchrashuvda 36-daqiqada Argentina sardori Lionel Messi raqib jarima maydonchasida Kolumbiya futbolchisi bilan to‘qnashgani sababli jarohat oldi va maydonni ko‘z yoshlar bilan tark etdi.

O‘yinning asosiy vaqtida hisob ochilmadi. Qoshimcha bo‘limlarning 112-daqiqasida Lautaro Martines jamoasini oldinga olib chiqdi. Argentina ketma-ket ikkinchi marta Amerika chempioni bo‘ldi va turnir tarixida 16 karra kubogni yuqoriga ko‘tardi.

Yevropa chempionati ham o‘z nihoyasiga yetdi. Finalda Ispaniya va Angliya terma jamoalari uchrashishdi.

Jahon bozorlarida yog‘och narxi $440 pastga tushdi. Bu so‘nggi bir yarim yildagi minimal ko‘rsatkichdir, deb xabar beradi «Trading economics» portali.

Tahlilchilar fikricha, ushbu mahsulot narxining pasayishi qurilish materiallariga bo‘lgan talabning kamayishini aks ettiradi. Shunday qilib, Kanadada binolarni qurish uchun berilgan ruxsatnomalar soni 12 foizdan ko‘proqqa kamaydi, AQSHda esa uy sotish taxminan 2 foizga pasaydi.

«Ushbu statistik ma’lumotlar yirik iqtisodiyotlar bo‘ylab ko‘chmas mulk bozorlarida o‘sib borayotgan muammolarni ta’kidlaydi», deyiladi xabarda.

Fond bozorlarida Tesla (+2,77 foiz) va Intel (+2,89 foizga) aksiyalari o‘sishi kuzatilmoqda. Meta (-2,87 foiz) va JPMorgan (-1,27 foizga) qimmatli qog‘ozlari pasaymoqda.

Avvalroq «Kursiv» 12-iyul kuni jahon bozorlaridagi vaziyat haqida...

Fuqarolarning pensiya masalasidagi savollariga javob olish uchun yana bir imkoniyat paydo bo‘ldi. Bu haqda Pensiya jamg‘armasi xabar berdi.

Avvalroq, fuqarolar pensiyaga oid savollari bilan 1271 ishonch raqami orqali murojaat qilishlari mumkin edi. Tizim foydalanuvchilari uchun yanada qulaylik yaratish maqsadida endi Facebook orqali ham ushbu mavzuga doir savollariga javob olishlari mumkin bo‘ladi.

Pensiya mavzusidagi murojaatlar Pensiya jamg‘armasining Facebook sahifasida ushbu havola orqali murojaatlar qabul qilinadi.

Avvalroq «Kursiv» uydan chiqmagan holda nafaqa miqdorini qanday bilish mumkinligi haqida yozgan edi.

Kuvayt neft korporatsiyasi (KPC) Fors koʻrfazidagi Failaka oroli sharqida yirik Al Nohata neft koni topilgani haqida xabar berdi.

Qayd etilishicha, uning zaxiralari mamlakatdagi butun ishlab chiqarishning uch yillik qiymatiga teng, dedi korporatsiya bosh direktori Shayx Navaf Saud Al-Saboh.

Al-Sabohning ta’kidlashicha, dastlabki hisob-kitoblarga koʻra, konda taxminan 2,1 milliard barrel neft va 5,1 trillion kub fut gaz boʻlishi mumkin, bu taxminan 3,2 milliard barrel neft ekvivalentiga teng.

Kuvayt dunyodagi eng yirik neft zaxiralariga ega davlatlardan biri hisoblanadi. Neft eksport qiluvchi mamlakatlar tashkiloti (OPEK+) ma’lumotlariga koʻra, 2022-yil yakunida ushbu koʻrsatkich boʻyicha u dunyoda oltinchi oʻrinni egalladi va mamlakatning umumiy neft zaxiralari...

15-iyul, dushanba kuni O‘zbekistonda o‘rtacha kunlik havo harorati +30…+35° bo‘ladi, deb xabar berdi «O‘zgidromet».

Xorazm, Navoiy, Toshkent viloyatlari, shuningdek, Farg‘ona vodiysida qisqa muddatli yomg‘ir yog‘ishi kutilmoqda.

Toshkent shahrida bugun sinoptiklar +32…+34°, shamol tezligi 10-13 m/s gacha yetishi mumkin (12 balli Bofort shkalasi bo‘yicha besh-olti ball) bo‘lishini ta’kidlamoqda.

Togʻli hududlarda havo +22…+27° gacha qiziydi. Sel va suv toshqinlari xavfi mavjud.

Avvalroq «Kursiv» issiqdan qanday himoyalanish mumkinligi haqida yozgan edi.

O‘lchovli oltin quymalar va sotuv tangalarining yangi narxlari e’lon qilindi. Bu haqda Markaziy bank ma’lumot berdi.

Xabarga ko‘ra, 15-iyul kuni o‘lchovli quyma oltinning 5 grammi 5,043 mln so‘mni, 10 grammi 10,086 mln so‘mni, 20 grammi 20,173 mln so‘mni va 50 grammi 50,432 mln so‘mni tashkil etmoqda.

Esdalik tangalar esa 15 grammi 15,277 mln so‘m, 20 grammi 20,369 mln so‘m qiymatga ega bo‘lib turgan bo‘lsa, 31,1 gramm oltin tanga 31,674 mln so‘m, xuddi shuncha gramm kumush tanga 777 ming so‘m narx bilan baholanmoqda.

12-iyuldagi narxlar bilan solishtirilganda, o‘tgan qisqa muddat ichida bir gramm oltinning narxi 800 so‘mga qimmatlashgan. Esdalik tangalari misolida...