Yangiliklar

Air Samarkand aviakompaniyasining Toshkent – Fukuok yoʻnalishidagi reysi 21-fevral kuni soat 23:55 da joʻnashi rejalashtirilgan edi. Biroq texnik nosozlik sababli parvoz kechiktirildi. Bu haqda Air Samarkand axborot xizmati xabar berdi. 

Aviakompaniya bergan ma’lumotga koʻra, uchish vaqtida ekipaj shassi tebranishini sezgan va xavfsizlik qoidalariga muvofiq, parvozni toʻxtatish toʻgʻrisida qaror qabul qilgan. Samolyot terminalga qaytarilib, muhandislar tomonidan batafsil texnik koʻrikdan oʻtkazildi.

Tekshiruv natijasida ayrim detallarning almashtirilishi zarur ekani aniqlandi. Hozirda ushbu ta’mirlash ishlari olib borilmoqda. Nosozlik bartaraf etilgach, samolyot qoʻshimcha tekshiruvdan oʻtkaziladi va faqat undan soʻng parvozga ruxsat beriladi.

Yoʻlovchilar mehmonxonaga joylashtirilgan. Rejaning yangilangan ma’lumotiga koʻra, samolyot 22-fevral kuni soat 22:00 (mahalliy vaqt) da...

Chery yangi Journeo konsepsiyasini taqdim etib, miniven avtomobilini yangicha talqinda qayta koʻrib chiqdi. Bu haqda Carscoops xabar berdi.

Ma’lum qilinishicha, yangi avtomobil Germaniyaning Raunxaym shahridagi kompaniyaning dizayn va ishlab chiqish markazida yaratilgan. Journeo «sarguzasht furgoni» sifatida taqdim etilmoqda. U balandligi sozlanadigan pnevmatik osma, havosiz shinalar, pastki qismni himoyalovchi plastinalar va raqamli orqa ko‘rish oynalari bilan jihozlangan.

Konseptning uzunligi 5200 mm boʻlib, Chrysler Pacificaʼdan biroz kattaroq. Journeo oʻrindiqlar, mobil oshxona ega. Tomdagi yukxona quyosh batareyalari va suriladigan chodir bilan jihozlangan.

Shuningdek, old oʻrindiqlar 180 darajaga burila oladi, orqa tomonda esa yotoqqa aylanishi mumkin boʻlgan qulay divan mavjud. Konseptga kirish va...

Bahodir Qurbonov O‘zbekiston futbol assotsiatsiyasi prezidenti etib saylandi. Bu haqda assotsiatsiya matbuot xizmati xabar qildi.

Saylov Assotsiatsiya Saylov kodeksi va Ustaviga muvofiq oʻtkazildi. Assotsiatsiya Ustavining 30-moddasi 4-bandiga binoan, Qurbonov nomzodi delegatlar tomonidan ilgari surildi va rasman prezident etib tasdiqlandi.

Eslatib oʻtamiz, avvalgi prezident Abdusalom Azizov yanvar oyida lavozimidan ketgandi. Shu vaqtgacha prezidentlik vazifasini OʻFA birinchi vitse-prezidenti Ravshan Ermatov bajarib kelayotgandi.

Ma’lumot uchun, u 2019-yildan 2025-yil yanvar oyigacha O‘zbekiston mudofaa vaziri sifatida faoliyat yuritgan. Harbiy xizmatni 1987 – 1989-yillarda o‘tab, 1990-yilda IIV Oliy tergov maktabiga, 1992-yilda esa IIV Oliy maktabiga o‘qishga kirgan.

Qurbonov 2002 – 2008-yillarda turli hududiy IIBlarda...

21-fevral kuni Toshkent shahri Yashnobod tumanida joylashgan avtomobillar yuvish joyida yongʻin kelib chiqdi. Holatga Toshkent shahar Favqulodda vaziyatlar boshqarmasi izoh berdi.

Ta’kidlanishicha, tungi soat 22:02 da Yashnobod tumani, Aviasozlar 4-dahasida joylashgan avtomobillar yuvish joyida yongʻin sodir boʻlayotgani toʻgʻrisida Toshkent shahar FVBga xabar kelib tushgan.

Yongʻin qutqaruv ekipajlari aytilgan manzilga soat 22:14 da yetib borib, yongʻin soat 22:27 da qurshab olinib, soat 22:33 da oʻchirilgan. Yongʻin oqibatida tan jarohati olgan va vafot etgan fuqarolar yoʻqligi aytildi.

Hozirda yongʻin sababi va moddiy zarar miqdori aniqlanmoqda.

Avvalroq Kursiv Uzbekistan Buxoroda magistral gaz quvurida yong‘in sodir bo‘lgani haqida xabar bergan edi.

2025-yil yanvar oyida Oʻzbekistonning tashqi savdo aylanmasi $4,5 milliardni tashkil etdi, deb xabar berdi Statistika agentligi. Bu koʻrsatkich 2024-yilning mos davriga nisbatan 7,1 foizga oshgan.

Ta’kidlanishicha, eksport 14,1 foizga oshib, $1,3 milliardni tashkil etgan. Mamlakat, asosan, chet elga xizmatlar, sanoat mollari va oziq-ovqat mahsulotlari yetkazib bergan.

Oʻzbekiston yonilgʻi-moylash materiallari (+72,4 foiz), ichimliklar va tamaki (+84 foiz), shuningdek, chorva va oʻsimlik yogʻlarini (3,5 barobar) yetkazib berishni sezilarli darajada oshirdi. Shu bilan birga, mashina va transport uskunalari eksporti hajmi 38 foizga kamaydi. Respublikadan meva-sabzavot mahsulotlarini yetkazib berish 8,6 foizga oshib, $81,7 millionni tashkil etdi.

Import yil davomida 4,4 foizga oshib...

Bishkek shahrida Qirg‘iziston va Tojikiston davlat chegarasini belgilash bo‘yicha kelishuv imzoladi, deya ma’lum qilmoqda AKI press.

Unga ko‘ra, shartnoma hukumatlararo kelishuvlarni ham o‘z ichiga oladi. Ular energiya obyektlari, suv resurslari, yo‘l aloqasi va yangi trassalar qurilishi bilan bog‘liq masalalarni qamrab oladi.

Qirg‘iziston va Tojikiston o‘rtasidagi chegara nizolari SSSR parchalanib ketganidan beri davom etib kelmoqda. 984 kilometr uzunlikdagi umumiy chegara chizig‘ining faqat yarmigina rasmiy tasdiqlangan. So‘nggi o‘n yilliklarda ushbu hududda 230 dan ortiq qurolli to‘qnashuvlar sodir bo‘lgan. 2022-yilda mojaroning keskinlashishi natijasida 140 mingga yaqin odam evakuatsiya qilingan.

2024-yilning may oyida ham ikki davlat chegarasida xuddi shunday qurolli hodisalardan biri...

Savdo-sanoat palatasi va BAAning «Skyline University College» oliygohi tadbirkorlik ta’limini rivojlantirish bo‘yicha hamkorlik qilishga kelishib oldi. Bu haqda palata matbuot xizmati ma’lum qildi.

Unga ko‘ra, tomonlar kadrlar malakasini oshirish, mutaxassislar almashinuvi, axborot texnologiyalarini rivojlantirish hamda tadbirkorlik ta’lim dasturlarini takomillashtirish yo‘nalishlarida ishlashga kelishishdi. Shuningdek, o‘quv kurslari, qo‘shma loyihalar va ilmiy-tadqiqot faoliyatini yo‘lga qo‘yish bo‘yicha fikr almashildi.

Uchrashuv yakunida O‘zbekiston Savdo-sanoat palatasi va «Skyline University College» o‘rtasida hamkorlik to‘g‘risidagi memorandum imzolandi.

Eslatib o‘tamiz, avvalroq Oʻzbekiston Rossiya Federatsiyasi bilan kino ishlab chiqarish sohasida hamkorlik qilishi haqida xabar bergan edik.

Migratsiya agentligi va SEIT-for-tomorrow GmbH & Co. KG Germaniyada yuk mashinasi haydovchisi lavozimi uchun 160 ta bo‘sh ish o‘rni taklif qilmoqda. Bu haqda agentlik ma’lum qildi.

Ish haqi 3 ming yevro bo‘lib, soliqlardan so‘ng 2,2 ming yevro atrofida to‘lanadi.

Nomzodlar 20 – 42 yosh oralig‘ida bo‘lishi, CE toifali haydovchilik guvohnomasiga ega bo‘lishi va B1 daraja nemis tili sertifikatiga ega bo‘lishi kerak. Ish haftada 5 kun, 45 soatgacha davom etadi.

Ish beruvchi aviachipta, transfer, ro‘yxatdan o‘tkazish, sug‘urta kabi imtiyozlarni taqdim etadi. Germaniyaga borgan haydovchilar 4 – 6 oy davomida kasbiy qayta tayyorgarlikdan o‘tib, imtihondan muvaffaqiyatli o‘tganlarga 3 yillik mehnat shartnomasi...

Joriy yilning yanvar oyida 26 365 nafar fuqaro uchun yangi pensiyalar tayinlandi. Bu haqda Pensiya jamg‘arma matbuot xizmati ma’lum qildi.

Unga ko‘ra, ushbu fuqarolarning 19 998 nafari yoshga doir pensiya, 4 558 nafari nogironlik pensiyasi oldi. Shuningdek, 1 809 ta oila boquvchisini yo‘qotganlik pensiyasi bilan ta’minlandi.

Eslatib o‘tamiz, avvalroq O‘zbekistonda proaktiv pensiya tizimi joriy etilishi haqida yozgan edik.

Raqobat qo‘mitasi ommaviy axborot vositalari va internet tarmoqlarida e’lon qilingan reklamalarni tahlil qilib, Umra tadbirini targ‘ib qiluvchi ayrim reklamalarning qonuniy talablarni buzganini aniqladi. Bu haqda qo‘mita matbuot xizmati ma’lum qildi.

Unga ko‘ra, Toshkent, Surxondaryo va Farg‘ona viloyatlarida faoliyat yurituvchi «Ayub Travels Tours», «Bilolbek Travel» va «Vodiy Siddiq Travel» turistik kompaniyalari litsenziya hujjatlari mavjud bo‘lmagan holda xizmatlarini reklama qilgani ma’lum bo‘ldi. Shu sababli, ularga nisbatan belgilangan tartibda ish qo‘zg‘atilib, moliyaviy jarimalar qo‘llanildi.

Bundan tashqari, Namangan viloyatida yashovchi olti fuqaro ijtimoiy tarmoqlar orqali noqonuniy reklama bergani uchun ma’muriy javobgarlikka tortildi.

Eslatib o‘tamiz, avvalroq Umra va Haj ziyoratiga boruvchilar uchun meningitga qarshi...

21-fevral kuni Chempionlar ligasi 2024/2025-yilgi mavsumining 1/8 final bosqichi uchun qur’a tashlash marosimi boʻlib oʻtdi. Qur’a natijasida quyidagi juftliklar shakllandi:

«PSJ» — «Liverpul»

«Benfika» — «Barselona»

PSV — «Arsenal»

«Feyenoord» — «Inter»

«Real» — «Atletiko»

«Bavariya» — «Bayer»

«Bryugge» — «Aston Villa»

«Borussiya» — «Lill».

Jamoalar hozirdanoq keyingi bosqichlardagi ehtimoliy raqiblarini bilib olishdi. Endilikda turnir davomida boshqa qur’a tashlanmaydi va jamoalar ple­y-off setkasi boʻylab harakat qiladi.

1/8 final bosqichining dastlabki oʻyinlari 4-mart kuni boʻlib oʻtadi. Javob bahslari esa 11-martga belgilangan. Musobaqaning final uchrashuvi 31-may kuni Myunxenda boʻlib oʻtadi.

Avvalroq Kursiv Uzbekistan Yevropa chempionlar ligasi pley-off bosqichi doirasida Madridning «Real» klubi...

Samarqandda yangi logistika markazi barpo etilishi mumkin. Bu boʻyicha viloyat hokimi vazifasini bajaruvchi Aziz Boboyev Xitoyning «Indra group limited» kompaniyasi rahbarlari bilan uchrashuv oʻtkazdi. Bu haqda viloyat hokimligi xabar bermoqda.

Tashkilot taʻsischisi Di Duochenning soʻzlariga koʻra, ularning firmasi Shanxaydagi Pudong erkin iqtisodiy zonasidagi yirik kompaniyalardan biri boʻlib, loyihani amalga oshirish har ikki tomon uchun ham foydali boʻladi. Yirik logistik markazni Pastdarg‘om tumanida qurish rejalashtirilmoqda.

Bu logistika markazi Markaziy Osiyoni iqtisodiyotning barcha tarmoqlaridagi mahsulotlar bilan ta’minlay olish salohiyatiga ega boʻladi. Uchrashuvda hokimlik kompaniyaga temir yoʻl yaqinidan yer uchastkasi ajratilishini ham ma’lum qilgan. Kompaniya Xitoy tovarlarini olib kelishi bilan ham birga...

AQShning respublikachi senatorlari mamlakatning BMTdan chiqishi toʻgʻrisidagi qonun loyihasini taqdim etdi. Hujjat mualliflaridan biri boʻlgan yutalik senator Mayk Lining rasmiy saytida ushbu tashabbus e’lon qilindi.

Qonun loyihasida tashkilot va uning tuzilmalarini moliyalashtirishni butunlay toʻxtatish haqida soʻz boradi. Senatorlar Marsha Blekbern (Tennessi) va Rik Skott (Florida) loyihaga hammualliflik qildi.

Loyihaga koʻra, AQSH nafaqat BMTga pul oʻtkazmalarini toʻxtatishi, balki Senatning roziligisiz tashkilotga qaytishni taqiqlashi, shuningdek, tinchlikparvarlik operatsiyalarida ishtirok etishdan bosh tortishi kerak.

Lining ta’kidlashicha, qonun loyihasining ishlab chiqilishi «koʻp yillik nazoratsiz byurokratik ekspansiya va amerikalik soliq toʻlovchilar mablagʻlari hisobidan amalga oshirilgan BMTning moliyaviy suiiste’molliklariga» javobdir.

«BMT zolimlar...

20-fevral kuni AQSh dollarining rasmiy kursi 13,74 soʻmga pasayib, 12 916,18 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 855 – 12 900 soʻmdan sotib olayotgan boʻlsa, 12 930 – 12 990 soʻm oraligʻida sotmoqda.

O‘z navbatida, yevro 26,99 soʻmga oshib, 13 523,24 soʻmga yetdi. Rossiya rubli esa 1,35 soʻmga ortib, 147,60 soʻmga teng boʻldi.

Avvalroq Kursiv Uzbekistan dollarning rasmiy kursi ilk marta 13 mingdan oshgani haqida xabar bergan edi.  

Shavkat Mirziyoyev telefon orqali Vladimir Putin bilan madaniyat, san’at, fan, ta’lim, sogʻliqni saqlash va sport sohalarida hamkorlikni muhokama qildi. Bu haqda davlat rahbari matbuot xizmati xabar berdi.

Suhbatda turli darajalardagi faol davom etayotgan samarali muloqot va almashinuvlar yuksak baholangan. Savdo-iqtisodiy va investitsiyaviy hamkorlikdagi asosiy koʻrsatkichlarning oʻsish sur’atlari ta’minlanishiga e’tibor qaratilgan.

Eslatib oʻtamiz, Kursiv Uzbekistan Tramp va Putin oʻrtasidagi telefon muloqoti haqida yozgan edi.

Oliy Sud ma’muriy javobgarlik toʻgʻrisidagi kodeksning 183-moddasi va 194-moddasi 1-qismida nazarda tutilgan huquqbuzarlikni sodir etganlikda ayblangan yetti nafar fuqaro ishi boʻyicha oʻz qarorini e’lon qildi. Bu haqda Oliy sud matbuot kotibi Aziz Obidov ma’lum qildi.

Qarorga koʻra, ma’muriy huquqbuzarlik hodisasini tasdiqlovchi dalillar yetarli boʻlmagani uchun yetti shaxsga nisbatan huquqbuzarlikka oid ish tugatildi.

Shuningdek, oʻz kasbiga befarq qaragan xodimlar ustidan IIV va sudyalar malaka hay’atiga ajrimlar chiqarish yoʻli bilan munosabat yuborildi.

Eslatib o‘tamiz, Kursiv Uzbekistan 2024-yilda Oʻzbekistonda qancha odam qamalgani ochiqlangani haqida yozgan edi.

30 mingga yaqin harbiylar oilasi uy-joy bilan ta’minlandi. Bu haqda prezident Shavkat Mirziyoyev mudofaa va harbiy salohiyatga bagʻishlangan yigʻilishda ma’lum qildi.

Tadbirda jahon tajribasi va tahlillardan kelib chiqib, ichki va tashqi xatarlarning oldini olish va bartaraf etish boʻyicha yangi jangovar boʻlinmalar tuzilgani qayd etildi.

Armiyani modernizatsiya qilish va zamonaviy qurollantirishning yangi tizimi – mudofaa sanoati yanada rivojlantirilgani, qoʻshimcha korxonalar tashkil qilingani qayd etildi. Qurolli Kuchlarimiz tomonidan 20 dan ziyod mamlakatlar bilan ikki tomonlama harbiy hamkorlik yoʻlga qoʻyilib, 400 dan ortiq qoʻshma mashgʻulotlarda yuqori koʻrsatkichlarga erishilganligi aytib oʻtilgan.

Yigʻilishda sun’iy intellekt bilan ishlaydigan kibertuzilmalar, robotlashgan texnikalarni qoʻllash va havo hujumidan...

Xitoyda narxi $47 mingdan $69 minggacha boʻlgan toʻrtta trim darajasida sotiladigan yangi Geely Galaxy LEVC L380 Land Airbus minivenining dastlabki sotuvi boshlandi. Bu haqda CarNewsChina ma’lum qildi.

Ilgari taqdim etilgan modellar L380 LEVC brendiga tegishli edi, biroq yangi model Geely Galaxy kompaniyasi tomonidan taqdim etilgan.

Ishlab chiqaruvchi vakilining soʻzlariga koʻra, LEVC L380 ning umumiy dizayni Airbus samolyotlarining aerodinamik konsepsiyasidan ilhomlangan boʻlib, orqa chiroqlar dizayni patlarini yoygan tovus goʻzalligini oladi. LEVC L380 uzunligi, kengligi va balandligi mos ravishda 5316, 1998 va 1940 mm, gʻildirak bazasi esa 3185 mm.ga teng edi. Mashina 570 dan 825 km.gacha masofaga va 268 dan...

Shavkat Mirziyoyev 21-fevral kuni Mudofaa sanoati agentligining Innovatsion texnologiyalar markaziga tashrif buyurib, bu yerdagi ishlab chiqarish quvvatlari, ilgʻor ishlanmalar, harbiy va ikki xil maqsadga moʻljallangan mahsulotlar bilan tanishdi. Bu haqda davlat rahbari matbuot xizmati xabar bermoqda.

Mazkur Innovatsion texnologiyalar markazida 80 ga yaqin harbiy va ikki xil maqsadga moʻljallangan mahsulotlar ishlab chiqarilishi bilan birgalikda, robototexnika va uchuvchisiz apparatlar boʻyicha startap loyihalari qoʻllab-quvvatlanmoqda.

Tashrif chogʻida harbiy texnikaning yangi namunalari, mudofaa sohasini yanada rivojlantirish boʻyicha istiqbolli loyiha va rejalar taqdimot qilindi.

Prezident tomonidan ishlab chiqarishni muntazam takomillashtirib, sun’iy intellekt va zamonaviy texnologiyalardan foydalanish zaruriligi ta’kidlangan.

Oʻzbekiston mudofaa sanoati korxonalari xalqaro ixtisoslashtirilgan...

18 – 19-fevral kunlari Jeneva shahrida Jahon savdo tashkiloti (JST) bosh kengashining navbatdagi yigʻilishi boʻlib oʻtdi.

Oʻzbekiston prezidentining JST masalalari boʻyicha maxsus vakili Azizbek Urunovning LinkedIn sahifasida ma’lum qilishicha, yigʻilishda tashkilot bosh direktori Sharqiy Timor va Komor orollarining JSTga a’zo boʻlganini ma’lum qilgan. Shuningdek, 22 davlat JSTga a’zo bo‘lish jarayonida yetakchilik qilayotgani ta’kidlandi.

Shuningdek, u 2026-yil 26 – 29-mart kunlari Kamerunda oʻtkaziladigan JST sammitigacha Oʻzbekiston, Bosniya va Gersegovina hamda Efiopiyaning tashkilotga qoʻshilish jarayonini tezlashtirishga alohida e’tibor qaratish zarurligini ta’kidlagan.

Urunovning ma’lum qilishicha, Oʻzbekistonning tashkilotga a’zo boʻlishini 16 ta mamlakat aniq va qat’iy qoʻllab-quvvatlashgan.

«Biz...

O‘zbekiston va Malayziya sanoat zonasini tashkil etish bo‘yicha muzokaralar boshladi. Bu haqda «Dunyo» AA ma’lum qildi.

O‘zbekiston elchixonasida «MMC Corporation» korporatsiyasining strategiya va investitsiya masalalari bo‘yicha direktori Najib Ramli bilan uchrashuv bo‘lib o‘tdi. Unda O‘zbekiston – Malayziya sanoat zonasini tashkil etish va boshqarish masalalari muhokama qilindi. Malayziya tomoniga sanoat zonasini joylashtirish uchun yer maydoni va infratuzilma holati bo‘yicha taqdimot o‘tkazildi.

«MMC Corporation» vakili ushbu loyihani batafsil o‘rganish maqsadida yaqin kunlarda mutaxassislar guruhi O‘zbekistonga tashrif buyurishini ma’lum qildi.

Ma’lumot uchun, 1911-yilda tashkil etilgan «MMC Corporation» portlar va logistika, energetika, qurilish hamda sanoat rivojlanishiga ixtisoslashtirilgan yirik korxonalardan biri hisoblanadi.

Eslatib...

Hisoblangan jarima ballari bir yil davomida 12 balldan oshgan hollarda jazo tariqasida transport vositasini boshqarish huquqidan mahrum qilinadi. Bu haqda yangi qabul qilingan qonunda belgilandi.

Bunday huquqdan mahrum qilish kamida olti oy muddatni tashkil etadi.

Bunday tartibning ijro etilishi ham bir necha bosqichlardan iborat: huquqbuzarlik sodir etgan haydovchiga asosiy jazo bilan birgalikda jarima ballari ham hisoblanadi. Jarima ballari belgilangan huquqbuzarliklardan biri birinchi marta sodir etilgan kundan e’tiboran bir yil davomida hisoblab boriladi. Haydovchilarga xavfsizlik, odam tashish, quvib oʻtish qoidalarini buzgani va yoʻl bezoriligi uchun ham jarima ballari hisoblanadi.

Eslatib oʻtamiz, Kursiv Uzbekistan Jamoat transportiga ajratilgan yoʻlakdan harakatlanish...

Amerika Qoʻshma Shtatlari kelishuvlarga muvofiq, deportatsiya qilingan oʻzbekistonliklar toʻgʻrisida respublikani zudlik bilan xabardor qiladi, deb xabar qildi Tashqi ishlar vazirligi matbuot xizmati.

Oʻzbekiston fuqarolari Nyu-York – Toshkent yoʻnalishi boʻyicha oʻz vatanlariga qaytarilmoqda, deya ta’kidlagan rasmiylar.

«OAVda O‘zbekiston fuqarolarining boshqa davlatlarga deportatsiya qilinishi mumkinligi haqidagi ma’lumotlarni kuzatib boryapmiz. Ushbu masala yuzasidan diplomatik vakolatxonalarimiz Amerika tomonidan boshqa davlatlarga deportatsiya qilinishi mumkinligi haqida ma’lumot berishni so‘rab murojaat qildi», – deya qoʻshimcha qilgan TIV.

O‘zbekiston Lotin Amerikasining bir qator davlatlari bilan ham diplomatik aloqalar oʻrnatdi.

Bir kun avval Kosta-Rika prezidenti Rodrigo Chaves uning mamlakati AQShdan deportatsiya qilingan...

Ilon Mask sun’iy intellekt tizimi va xAI tomonidan yaratilgan Grok 3 chatbotining asosiy xususiyatini ma’lum qildi. Uning soʻzlariga koʻra, tizim real vaqt rejimida dolzarb ma’lumotlardan foydalanish imkoniyatiga ega. Bu esa uni boshqa modellardan ajratib turadi. Shuningdek, tadbirkor uni eng aqlli sun’iy intellekt deb atagan.

Yaratuvchilarning fikricha, boshqa raqobatchilaridan farqli oʻlaroq, tizimda ma’lumotlar doim yangilanib turishiga zamin yaratiladi.

«Grok 3-da ma’lum bir axborotning eskirish sanasi yoʻq. Boshqa GPT modellaridan farqli oʻlaroq, Grok har doim yangilanadi. Bu aslida katta ish va koʻproq muhokamaga loyiqdir», – degan Mark Kretschman.

Grok 3 ma’lumotlar bazasidan oʻzi qanchalik imkoniyatga ega...