Yangiliklar

UzEx tender tanlovi ma’lumotlariga koʻra, joriy yilning yanvar oyi oʻrtalarida Shoʻrtan gaz-kimyo majmuasi suyultirilgan gazni tashish uchun oʻnta vagon sotib olish boʻyicha tender e’lon qildi.

Tender 24-fevralgacha davom etadi. Texnik spetsifikatsiyalarga koʻra, tanklar 2024-yildan oldin ishlab chiqarilishi kerak. Uskunalar Oʻzbekistonda suyultirilgan gazni tashish va sotishda qoʻllanilishi rejalashtirilgan. Bundan tashqari, ularning yuk koʻtarish quvvati kamida 43 tonna boʻlishi kerak.

Shoʻrtan gaz-kimyo majmuasi 2001-yildan buyon faoliyat yuritib kelmoqda. Korxona suyultirilgan gaz, polietilen, plastmassa va boshqa mahsulotlar ishlab chiqarish bilan shugʻullanadi.

2024-yilning 9 oyi davomida majmuada 33,1 ming tonna suyultirilgan gaz ishlab chiqarildi. Korxonada jami 1,1 million tonnadan ortiq gaz qayta ishlandi.

Buyuk Britaniya Oʻzbekistonning Jahon savdo tashkiloti (JST)ga a’zo boʻlish jarayonini toʻliq qoʻllab-quvvatlashini tasdiqladi. Bu haqda «Dunyo» axborot agentligi xabar bermoqda.

Xabarga koʻra, Oʻzbekiston elchixonasi koʻmagida prezidentning JST masalalari boʻyicha maxsus vakili Azizbek Urunov Londonga tashrif buyurdi. Tashrif davomida Britaniya biznes va savdo vazirining oʻrinbosari Garet Tomas, shuningdek, Buyuk Britaniya Tashqi ishlar vazirligi rahbariyati va ekspertlar bilan muzokaralar oʻtkazildi.

Uchrashuvlar chogʻida Buyuk Britaniya Oʻzbekistonni Markaziy Osiyodagi muhim hamkorlardan biri sifatida koʻrishini va ikki tomonlama hamkorlikni yanada rivojlantirishdan manfaatdor ekanini ta’kidladi.

Shuningdek, tomonlar xalqaro savdo tendensiyalari yuzasidan fikr almashdi. Buyuk Britaniya Jahon banki koʻmagida amalga oshirilayotgan iqtisodiy oʻsish va rivojlanish dasturi doirasida...

Pensiya jamgʻarmasi bergan ma’lumotga koʻra, jarayon fuqaroning shaxsiga oid barcha ma’lumotlarini elektron olishdan boshlanadi. Bu qulaylik fuqaroga Pensiya jamgʻarmasi ofislariga murojaat qilish zaruratini bermaydi. 

Shuningdek, nafaqa yoshiga yetgan fuqaroga pensiya tayinlash haqida qaror qabul qilingandan keyin pensiya tayinlangani va miqdori haqida sms-xabarnoma yuboriladi. Pensiyaga chiqmasdan ish faoliyatini davom ettirayotgan va tayinlangan pensiyadan norozi shaxslar nafaqani rad qilishi mumkin. Bunday holda ular Pensiya jamgʻarmasining hududiy boʻlimlariga murojaat qilishi mumkin.

Avvalroq Kursiv Uzbekistan respublikada pensiyalarni proaktiv usulda belgilash rejalashtirilayotgani haqida xabar bergan edi.

«Manchester Siti»ning oʻzbekistonlik himoyachisi Abduqodir Husanovning Chempionlar ligasi doirasida «Real Madrid»ga qarshi oʻyini Flashscore sport portali tomonidan 6,3 ballga baholandi.

Uchrashuvda ingliz klubi Ispaniya klubiga 1:3 hisobida imkoniyatni boy berdi. Magʻlubiyatdan soʻng «Manchester Siti» ustozi Xosep Gvardiola jamoasini qayta qurish kerakligi haqida ma’lum qildi.

«Bu bizning eng yomon yilimiz boʻldi», – deya ta’kidladi «Shaharliklar» ustozi.

Ma’lumot uchun, «Real»ga qarshi dastlabki oʻyinda oʻzbekistonlik futbolchi maydonga tushmagan edi. Oʻshanda Ispaniya klubi 3:2 hisobida gʻalaba qozongan.

Avvalroq Kursiv Uzbekistan «Roma» «Parma» ustidan minimal hisobda gʻalaba qozongani haqida yozgan edi.

Misrlik va Buyuk britaniyalik olimlar Luksor shahri gʻarbida ilgari yoʻqolgan deb hisoblangan fir’avn Tutmos II qabrini topishdi. Bu haqda Misr turizm va qadimiy ashyolar vazirligi ma’lum qilmoqda, bu soʻnggi asrdagi birinchi ahamiyatli topilmadir.

Dastlab C4 deb nomlangan qabrning birinchi izlari 2022-yilda aniqlangan. Biroq dastlab u hukmdorlardan birining xotiniga tegishli ekanligiga taxmin qilingan edi. Endi esa olimlar Tutmos II dafn etilgan joyni koʻrsatadigan yozuvni topishdi. Bu 1922-yilda afsonaviy Tutanxamonning dafn etilgan xonasi kashf qilinganidan keyingi aniqlangan birinchi fir’avn qabridir.

Tutmos II miloddan avvalgi 1492-yildan 1479-yilgacha hukmronlik qilgan. U Misr fir’avnlarining 18-sulolasiga mansub.

Kursiv Uzbekistan nashri ikki yil avval Xeops piramidasidan...

Bosh prokuratura huzuridagi Departamentning Qoʻqon shahri boʻlimi va boshqa huquqni muhofaza qiluvchi organlari xodimlari hamkorligida oʻtkazilgan tezkor tadbirda qonunga xilof ravishda dori vositalari savdosi bilan shugʻullanib kelgan fuqaro va boshqalar qoʻlga olindi.

Ular umumiy bahosi 132 mln soʻmlik kelib chiqishi hamda sifatini tasdiqlovchi hujjatlari boʻlmagan jami 6 000 quti «Ampisul» nomli dori vositasini Dangʻara tumaniga olib kelgan zahoti qoʻlga olingan. Qoʻlga olingan dori vositalari xorijda ishlab chiqarilgani ma’lum boʻldi.

Yuqoridagi holat yuzasidan Jinoyat kodeksining 25, 186-3-moddasi (sifatsiz yoki qalbakilashtirilgan dori vositalarini yoxud tibbiy buyumlarni oʻtkazish maqsadida ishlab chiqarish, tayyorlash, olish, saqlash, tashish yoki oʻtkazish) bilan jinoyat ishi qoʻzgʻatilib...

Joriy yilning 20-fevral holatiga ko‘ra, 5 grammlik oltin quymalarining narxi deyarli 6,32 mln so‘mni tashkil qilmoqda. Bu haqda Markaziy bank axborot xizmati ma’lum qildi.

Ushbu ko‘rsatkich bir kun avval 6,29 mln so‘mni tashkil qilgan edi. Bir kun ichida oltin quymalarining narxi 32 ming so‘mga ko‘tarildi.

Jahon bozorida oltinning narxi bir troy unsiyasi uchun LBMA taqdim etgan ma’lumotlarga ko‘ra, 19-fevral kuni o‘tkazilgan kechki fiksing $2944,4 ni tashkil etdi.

Eslatib o‘tamiz, avvalroq Oʻzbekiston oltin eksportini 8,3 foizga kamaytirgani haqida yozgan edik.

2024-yilning yanvar – dekabr oylarida O‘zbekiston korxonalari, dehqon va fermerlari tomonidan 8,8 milliard dona tuxum yetishtirildi, deya xabar bermoqda Davlat statistika agentligi.

Asosiy qismi (5 milliarddan ortig‘i) shaxsiy va yordamchi xo‘jaliklar hissasiga to‘g‘ri keldi. Qishloq xo‘jaligi tashkilotlari 2,4 milliardga yaqin mahsulot ishlab chiqargan.

Avvalroq Kursiv Uzbekistan 2025-yil fevral oyining ikkinchi o‘n kunligida O‘zbekistondagi supermarketlarda tuxum narxi pasaygani haqida yozgan edi.

Shavkat Mirziyoyev energiya samaradorligini oshirish bo‘yicha takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

Hozirgi kunda mamlakatimizda energiya iste’moli tez sur’atda oshmoqda. 2035-yilga borib elektr talabining 1,7 barobar ko‘payishi prognoz qilingan. Shu bois energiya ishlab chiqarish bilan birga tejamkorlik ham muhim ahamiyat kasb etmoqda.

Tahlillarga ko‘ra, O‘zbekistonda 1 dollarlik yalpi ichki mahsulot yaratish uchun dunyo bo‘yicha o‘rtacha miqdordan 2,5 barobar ko‘p energiya sarflanmoqda. Shuningdek, elektr tarmoqlarida 14 foiz, tabiiy gazda esa 7 foizdan ortiq yo‘qotishlar kuzatilmoqda.

Taqdimotda energiya tejamkorligini oshirish bo‘yicha takliflar muhokama qilindi. Xususan, suv xo‘jaligidagi eski nasoslarni yangilash, ijtimoiy obyektlarda «yashil» energiyadan foydalanish...

Azon Global tahliliy portali asoschisi Alisher Tursunov qidiruvga berilgani aytilmoqda. Bu haqda IIV matbuot xizmati xabar bermoqda.

Alisher Tursunov Oʻzbekiston Respublikasi Jinoyat kodeksining 244-2-moddasi (Diniy ekstremistik tashkilotlar tuzish) moddasi bilan qidiruvga berildi.

2023-yilning avgust oyida Alisher Tursunov barcha Azon.uz loyihalari tugatilganini ma’lum qilgan edi. Oradan biroz vaqt oʻtib, Azon Global axborot portali ishga tushgan.

Eslatib oʻtamiz, Kursiv Uzbekistan nashri Mubashshir Ahmad nomi bilan tanilgan Alisher Tursunov Turkiyada ozodlikka chiqqani haqida yozgan edi.

Apple sun’iy intellekt bilan jihozlangan yangi iPhone 16e modelini taqdim etdi. Bu haqda kompaniya rasmiy sahifasida ma’lum qilindi.

Unga ko‘ra, $599 narxida sotiladigan ushbu qurilma oldingi SE seriyasidan qimmatroq bo‘lsa-da, kuchli chip va Apple Intelligence tizimini qo‘llab-quvvatlashi bilan flagman modellarga yaqin.

iPhone 16e keng burchakli kamera va qo‘shimcha tugmalarga ega emas, ammo dizayni qimmatbaho modellarga o‘xshash. Qurilma Xitoy va Hindiston kabi muhim bozorlar uchun mo‘ljallangan bo‘lib, faqat qora va oq ranglarda taqdim etiladi.

Shuningdek, 16e Apple’ning birinchi C1 modem chipiga ega smartfoni bo‘lib, kompaniyaning Qualcomm’dan mustaqil bo‘lish yo‘lidagi muhim qadamidir. Bu model Apple’ning o‘rta segmentdagi xaridorlarini qaytarib olishiga yordam...

Har yilgi kabi 2024-yil ham Xitoy smartfon ishlab chiqaruvchilari eng ilg‘or texnologiyalarini taqdim etuvchi flagman modellari bilan bozorda o‘z joyini band etdi. Bu borada Tech ET sahifasi maxsus ro‘yxat tuzdi.

Vivo X100 Ultra

Vivo X100 Ultra yuqori sifatli 6,78 dyuymli OLED-displey va kuchli Snapdragon 8 Gen 3 protsessori bilan jihozlangan. Eng e’tiborga molik jihati, 200 MP telefoto kamerasi bo‘lib, bu orqali model mobil fotografiya ixlosmandlarini o‘ziga jalb qiladi.

Xiaomi 14 Ultra

Xiaomi 14 Ultra o‘zining Leica tomonidan sozlangan kameralar tizimi bilan ajralib turadi. 1 dyuymli Sony sensorli asosiy kamera va 5x optik zoom funksiyasi suratga olish jarayonini...

Samarqand viloyati hokimi vazifasini bajaruvchi Adiz Boboyev Chexiyaning «Praktik system» kompaniyasi rahbari Petr Linhart bilan uchrashdi. Bu haqda Samarqand viloyati hokimligi matbuot xizmati ma’lum qildi.

Unga ko‘ra, tomonlar elektron va plastik chiqindilarni qayta ishlash loyihasini muhokama qildilar. Petr Linhart boshqaruvidagi kompaniya 24 ta davlatda chiqindilarni qayta ishlashga ixtisoslashtirilgan korxonalarga ega bo‘lib, muzlatkich, kir yuvish mashinalari, changyutgich va boshqa maishiy texnikani ekologik jihatdan xavfsiz qayta ishlash bilan shug‘ullanadi.

Kompaniya vakillari Samarqandda ham shunday zavod qurishga investitsiya kiritish niyatida ekanliklarini bildirishdi. Viloyat rahbari ushbu sohada qo‘llab-quvvatlash va amaliy yordam ko‘rsatishga tayyor ekanini ta’kidladi.

Eslatib o‘tamiz, avvalroq Samarqand aeroporti yo‘lovchi oqimi bo‘yicha...

O‘zbekistonda 20-fevral kuni ob-havo biroz bulutli bo‘ladi, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida harorat kunduzi 14-16° iliq bo‘lsa, kechasi 2-4° iliq bo‘lishi mumkin.

Qoraqalpog‘iston va Xorazmda kechasi havo 2° sovuq-3° iliq atrofida bo‘lib, kunduzi 8-13° iliq bo‘ladi.

Buxoro va Navoiy viloyatlarida esa kunduzi 12-17° iliq harorat saqlanib turadi.

Mamlakatning markaziy va sharqiy hududlarida, jumladan, Samarqand, Jizzax va Sirdaryo viloyatlarida kunduzi 13-18° iliq bo‘lishi kutilmoqda.

Eng iliq ob-havo esa Qashqadaryo va Surxondaryoda kuzatiladi – bu yerda kunduzi harorat 15-20° iliq bo‘ladi.

Andijon, Namangan va Farg‘onada harorat 12-17° iliq atrofida bo‘lishi kutilmoqda.

Yevropa chempionlar ligasi pley-off bosqichi doirasida Madridning «Real» klubi «Manchester Siti» jamoasini qabul qilib, yirik hisobda magʻlub etdi.

Uchrashuvdagi hisobni 4-daqiqada Kilian Mbappe ochgan boʻlsa, uning oʻzi 33 va 61 daqiqalarda hisobni yirik koʻrinishga keltirdi.

Oʻyinga qoʻshib berilgan daqiqalarda Niko Gonsales hisobni bittaga qisqartirdi.

Shu tariqa ikki oʻyin natijasiga koʻra, Madrid jamoasi 6:3 hisobida gʻalaba qozonib keyingi bosqichga chiqdi. 

Avvalroq Kursiv Uzbekistan «Manchester Siti» UEFA Chempionlar ligasining ilk pley-off o‘yinida 2-3 hisobida «Real»ga imkoniyatni boy bergani haqida yozgan edi.

Ikkinchi jahon urushi qatnashchilari va mehnat fronti faxriylarini rag‘batlantirish maqsadida ularga bir martalik pul mukofoti beriladi. Bu haqda davlat rahbari matbuot xizmati ma’lum qildi.

Unga ko‘ra, urush qatnashchilari va nogironlariga $10 000, tenglashtirilgan shaxslarga 25 mln so‘m, 1941 – 1945-yillar urush davridagi mehnat fronti qatnashchilari esa 3 mln so‘mdan ajratiladi.

Mazkur mablag‘lar Davlat budjeti hisobidan moliyalashtiriladi va tantanali ravishda topshiriladi.

Ma’lumot uchun, 2024-yili Ikkinchi jahon urushi qatnashchilariga beriladigan mukofot puli 20 mln so‘mni tashkil qilgan edi.

Eslatib o‘tamiz, avvalroq Saudiyaning Haj va umra ishlari vaziri prezidentga Ka’ba yopinchig‘i kisvasining bir parchasi sovg‘a qilgan edi.

Fuqarolarga foydalanilmayotgan Humo kartalarini bloklab qo‘yish tavsiya etildi. Bu haqda Humo to‘lov tizimining rasmiy sahifasida ma’lum qilindi.

Amaldagi tartibga ko‘ra, 12 oy davomida ishlatilmagan bank kartalari bir tomonlama bloklanishi mumkin. Kutilmaganda bloklanishning oldini olish uchun nofaol Humo kartalarni @humocardbot orqali vaqtinchalik bloklab qo‘yish lozim.

Bu nafaqat kartalarning xavfsizligini ta’minlaydi, balki ularning bank tomonidan zaruratsiz bloklanishining oldini olishga ham yordam beradi.

Eslatib o‘tamiz, avvalroq har bir shaxs uchun plastik kartalar sonini cheklash haqida ekspert fikrini e’lon qilgan edik.

Hyundai kemasozlik kompaniyasi bilan hamkorlikda Koreya texnologiyasi asosida malakali kadrlar tayyorlash uchun 3 oylik o‘quv kurslariga qabul boshlandi. Bu haqda Migratsiya agentligi ma’lum qildi.

Unga ko‘ra, ishlab chiqarish sohasida EPS-Topik imtihonlaridan muvaffaqiyatli o‘tgan, SPAS-Elektron bazasida tasdiqlangan 20 – 35-yoshdagi fuqarolar ushbu kursga taklif etiladi.

O‘quv kursini tamomlaganlar uchun ish haqi $2500 gacha yetishi mumkin. EPS-Topik imtihonida 80 balldan yuqori natija ko‘rsatgan yoki qo‘shimcha sertifikatlarga ega nomzodlar 21-fevralgacha Migratsiya agentligining hududiy filiallariga hujjat topshirishi lozim. 2023-yilda imtihondan o‘tgan va SPAS bazasida tasdiqlangan nomzodlar ham saralash bosqichida ishtirok etishi mumkin.

Eslatib o‘tamiz, avvalroq Germaniya o‘zbekistonlik qurilish va texnika sohasidagi mutaxassislarni ishga...

Shavkat Mirziyoyev Saudiya Arabistoni haj va umra ishlari vaziri Tavfiq bin Favzon ar-Rabia boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, mehmon Saudiya Arabistoni rahbariyatining salomi va samimiy tilaklarini yetkazib, muqaddas Ka’ba yopinchig‘i kisvaning bir parchasini tuhfa qildi.

Davlat rahbari Saudiya Arabistoniga o‘zbekistonlik ziyoratchilar uchun yaratilayotgan sharoitlar uchun minnatdorlik bildirib, bu boradagi hamkorlikni yanada mustahkamlash muhimligini ta’kidladi. O‘tgan yili 800 mingdan ziyod yurtdoshlarimiz Umra, 15 ming nafari esa Haj ziyoratini ado etdi. Suhbat davomida ziyoratchilar uchun sharoitlarni yanada yaxshilash va ularning tashrifini xavfsiz va qulay qilish masalalari muhokama qilindi.

Eslatib o‘tamiz, avvalroq O‘zbekiston...

Oʻzbekiston «U-20» futbol bo‘yicha Osiyo kubogi guruh bosqichining soʻnggi turida Eronga 1:2 hisobida imkoniyatni boy berdi. Bu haqda Kursiv Uzbekistan nashri ma’lum qildi.

Unga ko‘ra, ikkinchi bo‘limda Eron terma jamoasi o‘yinchisi Yusuf Mazrah hisobni ochdi, Ismoil Holizadih penaltidan ikkinchi gol bilan darvozamizni ishg‘ol etdi.

Muhammadali Oʻrinboyevning goli jamoamizga durang uchun yetarli bo‘lmadi. Shunga qaramay Oʻzbekiston guruhda ikkinchi o‘rinni egallab, chorak final yo‘llanmasini qo‘lga kiritdi. Endi jamoamiz «D» guruhi g‘olibiga qarshi maydonga tushadi.

Eslatib o‘tamiz, avvalroq Abduqodir Husanov «Real»ga qarshi maydonga tushishi mumkinligi haqida yozgan edik.

Oʻzbekistonlik futbolchi Abduqodir Husanov «Manchester Siti»ning «Real»ga qarshi javob uchrashuvida ishtirok etishi mumkin. Jamoaning kengaytirilgan roʻyxatini ingliz klubi matbuot xizmati e’lon qildi.

Oʻyin Madrid shahrida 19-fevral kuni kechasi (Toshkent vaqti bilan 20-fevral soat 01:00 da) boʻlib oʻtadi. Husanov jamoasi birinchi oʻyinda 2:3 hisobida magʻlub boʻlgan edi.

Muxlislar mavsumning eng qiziqarli va dinamik uchrashuvlaridan birini kutmoqda. Tahlilchilarning fikricha, Ispaniya jamoasi gʻalaba qozonishi ehtimoli yuqori.

«Manchester Siti» bosh murabbiyi Pep Gvardiola «Real»ni magʻlub etish imkoniyatini bir foizdan koʻp boʻlmasligini tan oldi, ammo u raqiblarini magʻlub etish uchun har qanday imkoniyatdan foydalanishini bildirdi.

Avvalroq Kursiv Uzbekistan «Paxtakor» Elit Chempionlar ligasida ishtirok...

Kafolatlangan omonat miqdori bir bankda har bir shaxs uchun endi 200 million soʻm etib belgilanadi. Bu haqda prezident imzolagan yangi qonunda belgilangan.

Imzolangan yangi qonunga koʻra, endilikda faqat aholining emas, balki tadbirkorlik subyektlari, yakka tartibdagi tadbirkorlarning ham omonatlari kafolatlanadi. 200 million soʻmdan koʻp omonatlar ham xavfsiz va manfaatli.

Kap Depo investitsiya kompaniyasining katta tahlilchi Shodibek Kenjayev Kursiv Uzbekistan nashriga bergan sharhida quyidagicha fikrlarni bergan edi:

«Soʻnggi yillarda mahalliy banklar oʻzlarini ishonchli deb koʻrsatdi. Banklardagi muammoli kreditlarning oʻrtacha ulushi 4-5% ni tashkil etadi xolos», – deydi ekspert.

Shodibek Kenjayevga koʻra, har bir bank uchun...

19-fevral kuni AQSh dollarining rasmiy kursi 20,16 soʻmga pasayib, 12 950,03 soʻmni tashkil etdi. Bu haqda Markaziy bank axborot xizmati xabar berdi.

Mamlakatdagi tijorat banklari bir AQSh dollarini 12 890 – 12 950 soʻmdan sotib olayotgan boʻlsa, 12 970 – 13 035 soʻm oraligʻida sotmoqda.

Shuningdek, yevro 66,42 soʻmga tushib, 13 505,59 soʻmga yetdi. Rossiya rubli esa +0,33 soʻmga ortib, 142,53 soʻmga teng boʻldi.

Avvalroq Kursiv Uzbekistan dollarning rasmiy kursi ilk marta 13 mingdan oshgani haqida xabar bergan edi.   

Qozog‘istonda Ramazon oyi qachondan boshlanishi ma’lum qilindi. Bu yil Ramazon oyi 1-martdan 29-martgacha davom etadi, deb xabar bermoqda Qozog‘iston musulmonlari diniy boshqarmasi.

«Qabul fatvoga koʻra, Ramazon oyi 1-martdan boshlanadi. 26-martdan 27-martga oʻtar kechasi muqaddas Qadr kechasi. 30-mart Ramazon hayit bayramidir», – deyiladi xabarda.

Bundan tashqari, Qozog‘iston diniy idorasi ikki kilogramm unning o‘rtacha narxidan kelib chiqqan holda fitr-sadaqa miqdorini tasdiqladi. Qozog‘istonliklar butun mamlakat bo‘ylab 655 tenge (17 ming so‘m) xayriya qilishlari mumkin.

Eslatib o‘tamiz, Kursiv Uzbekistan Ramazon uchun to‘g‘ri taomni qanday tanlash, saharlik va iftorlik uchun nima pishirish va qanday ovqatlardan voz kechish kerakligini...