Yangiliklar

AQShning Jorjiya shtatidagi maktabda sodir bo‘lgan ommaviy otishmada to‘rt kishi halok bo‘ldi, to‘qqiz kishi yaralandi, deb xabar berdi Reuters agentligi.

O‘q uzgan 14 yoshli Kolt Grey bo‘lib, u ilgari huquq-tartibot idoralari tomonidan o‘quv yurti rahbariyatiga onlayn tahdid qilgani uchun so‘roq qilingan. Yigit omon qoldi, uni qamoqqa olishdi. Jinoyat sabablari hozircha ochiqlanmagan.

Barcha halok bo‘lganlar aniqlandi. Ular 14 yoshli ikki o‘smir – yigit va qiz, shuningdek, ikki o‘qituvchi – erkak va ayol edi. To‘qqiz nafar jabrlanuvchining hayoti xavf ostida emas.

Agentlikning ta’kidlashicha, o‘q otish hodisasi qurollar tarqatilishini nazorat qilish bo‘yicha jamoatchilik muhokamalarini yana qo‘zg‘atgan. Fojia sodir bo‘lgan Uinder shahri aholisi...

Buxoro 2025 yil sentyabr oyida xalqaro biyennalesiga mezbonlik qiladi, deyiladi O‘zbekiston Madaniyat va san’atni rivojlantirish jamg‘armasi press-relizida. Matn «Kursiv Uzbekistan»da mavjud.

Biennale 5-sentabr kuni o‘n hafta davom etadigan «Singan yuraklar uchun retseptlar» fanlararo ko‘rgazmasi bilan ochilishi kutilmoqda. Tadbir «jamoaning ishtiroki orqali san’at va madaniyatning shifobaxsh kuchini o‘rganadi.»

Biennale badiiy direktori Diana Kempbell va arxitektura bo‘yicha kreativ direktori Vael Al Avar tomonidan boshqariladi. Tadbir Mir Arab madrasasi, Fayzulla Xo‘jayev uy-muzeyi, Kalon minorasi, Mag‘oki Attoriy masjidi va Olimjon karvonsaroyi kabi maydonlarda bo‘lib o‘tadi.

Avvalroq Kursiv Uzbekistan O‘zbekiston madaniyati kunlarini Saudiya Arabistonida o‘tkazishni rejalashtirayotgani haqida yozgan edi.

Ijtimoiy tarmoqlarda avtohalokatga uchragan avtotreyler videosi tarqaldi. UzAuto Motors ushbu holatga rasmiy munosabat berdi.

Maʼlum qilinishicha, hodisa 4-sentabr kuni Fargʻona viloyatida soat taxminan 18:00 da yuz bergan. Logistika avtotreyleri haydovchisi boshqaruvni yoʻqotib, yoʻldan chiqib ketgan.

YTH natijasida sakkizta Chevrolet Cobalt avtomobili zarar koʻrgani aytilmoqda. Sodir boʻlgan YTHda avtotreyler haydovchisi jarohatlanmagan. Hozirda voqea joyida kompaniya masʼul xodimlari ish olib bormoqda.

Avvalroq Kursiv Uzbekistan kompaniya Chevrolet avtomobillarini Gruziyaga joʻnatgani haqida xabar bergan edi.

Toshkentda davlat tibbiy sug‘urtasi tizimi kuzda ishga tushiriladi, deya xabar berdi O‘zbekiston prezidenti Shavkat Mirziyoyev matbuot xizmati.

Kuni kecha davlat rahbari shu masalaga bag‘ishlangan yig‘ilish o‘tkazdi.

Bu 1-oktabr kuni sodir bo‘lishi kutilmoqda. Xuddi shu sanada tizim O‘zbekistonning Sirdaryo viloyatida ham ishga tushishi kerak.

Mamlakatning yana bir mintaqasida – Qoraqalpog‘istonda – tizim 2025-yil 1-yanvardan ishga tushadi.

O‘zbekistonning qolgan viloyatlarida tibbiy sug‘urtani 2026-yil oxirigacha joriy etish rejalashtirilgan.

Avvalroq Kursiv Uzbekistan Toshkentda davlat tibbiy sug‘urtasi tizimini 1-iyuldan ishga tushirish rejalashtirilgani haqida yozgan edi.

O‘zbekistondagi maktablarning bo‘sh hududlarini bog‘chalarga berish rejalashtirilmoqda. Bu tashabbus kuni kecha prezident Shavkat Mirziyoyev huzurida bo‘lib o‘tgan yig‘ilishda bildirildi.

Hukumat bunday maydonlarda davlat-xususiy sheriklik (DXSH) doirasida maktabgacha ta’lim muassasalarini qurishga ruxsat bermoqchi.

Bundan tashqari, tadbirda O‘zR Maktabgacha va maktab ta’limi vazirligi saytida bolalar bog‘chalari uchun bepul o‘quv-uslubiy materiallarni joylashtirishga qaror qilindi.

O‘zbekiston bog‘chalari axborot tizimida bolalarning jismoniy, ijtimoiy va psixologik holatini kuzatish uchun «Bolaning rivojlanish xaritasi» kabi vosita paydo bo‘ladi.

Kursiv Uzbekistan 2029-yilga qadar respublikada maktabgacha ta’lim qamrovini 80 foizga yetkazmoqchi ekanini ma’lum qilgan edi.

O‘zbekistonda bolalarning qariyb 75 foizi maktabgacha ta’lim bilan qamrab olingan. Mamlakat prezidenti Shavkat Mirziyoyev matbuot xizmati xabariga ko‘ra, bu ko‘rsatkichni yanada oshirish ko‘zda tutilmoqda.

Kuni kecha davlat rahbari respublika bog‘chalari tizimini yaxshilash bo‘yicha takliflar ko‘rib chiqilgan yig‘ilishni o‘tkazdi.

Tadbirda yetti yil avval mamlakatda maktabgacha ta’lim qamrovi 27 foizni tashkil etgani ma’lum qilindi. Hozirgi vaqtga kelib, u 74,6 foizgacha o‘sdi.

Keyingi besh yillikda bu ko‘rsatkich 80 foizga yetishi kutilmoqda.

Avvalroq Kursiv Uzbekistan O‘zbekistonda besh yil ichida (2023-yilgacha) davlat-xususiy sheriklik tizimi doirasida umumiy qiymati 3,7 trln so‘mlik bog‘chalar qurish bo‘yicha shartnomalar tuzilgani haqida yozgan edi.

Bugun, 5-avgust kuni respublika bo‘ylab quruq va issiq havo kuzatiladi. Qashqadaryo va Surxondaryo viloyatlarida havo harorati 37-darajagacha isiydi. O‘rtacha havo harorati 28-33 daraja issiq bo‘ladi. Bu haqda Gidrometeorologiya xizmati agentligi xabar beradi.

Poytaxtda havo bulutli va o‘zgaruvchan bo‘ladi. Kunduzi havo 33-darajagacha ko‘tarilishi mumkin, kechqurun esa 13-18 daraja salqin havo kuzatiladi.

Tog‘li hududlarda havo o‘zgaruvchan va bulutli bo‘lishi ehtimoli bor. Kunduzi havo 27-darajagacha issiq, kechasi esa 11-15 daraja salqin bo‘ladi.

Chevrolet avtomobillari uchun amal qilgan chegirma va bo‘lib to‘lash aksiyasi 15-sentabrda tugaydi. Bu haqda UzAuto Motors xabar berdi. Bu Onix rusumli avtomobillarga ham tegishli.

Ma’lumot uchun, 2024-yilgi modellar uchun chegirmalar iyul oyidan boshlab amal qilmoqda.

Chevrolet Tracker Turbo 1.2 LS AT (1-chi pozitsiya) uchun eng past chegirma narxi 206 422 880 so‘m bo‘lsa, eng baland chegirma narxi Chevrolet Tracker Redline uchun 262 mln 274 ming qilib belgilangan.

Ma’lumot uchun, 29-avgust kuni Chevrolet Tracker uchun bo‘lib to‘lash shartlari sifatida 50 foiz oldindan to‘lov hamda uch yil davomida hech qanday ortiqcha to‘lovlarsiz qilib belgilandi.

Tracker avtomobilini oldinda 60/70 foiz to‘lov qilgan holda 18/24 oylik...

Oʻzbekistonliklar Yaponiyaga oziq-ovqat mahsulotlarini qayta ishlash sohasida ishga taklif qilinmoqda. Bu haqda Tashqi mehnat migratsiyasi axborot xizmati xabar berdi.

Unga koʻra, oylik ish haqi $1350–1600 tashkil qiladi. Ish vaqti esa haftasiga 40–48 soat (qoʻshimcha ish soatlari uchun ustama haq toʻlanadi) etib belgilangan.

Nomzodlarga yapon tilini kamida N5 darajada bilish, 18–30 yoshdagi erkaklar, maktab, litsey yoki kasb-hunar kollejini tamomlagan. Shuningdek, sudlanmagan va sogʻlom, kamida 3 yil ishlashga tayyor boʻlish talab qoʻyilgan.

Aviachipta, aeroportdan kutib olib, yashash joyigacha transfer ish beruvchi hisobidan qoplab beriladi.

Tanlov ish beruvchi vakillari bilan suhbat asosida oʻtkaziladi. Roʻyxatdan oʻtish uchun havola.

Avvalroq Kursiv Uzbekistan oʻzbekistonliklar...

Kattaqo‘rg‘on tumani hududidan o‘tuvchi 4R-48 avtomobil yo‘lida joriy yilning 3-sentabr kuni YTH sodir bo‘ldi. Bu haqda viloyat IIB JXX YHXB matbuot xizmati xabar berdi.  

Ma’lum qilinishicha, tumanning Mundiyon MFY hududidan o‘tuvchi avtomobil yo‘lining 98-kilometrida haydovchi Lasetti rusumli avtomashinasida yo‘lning qiya burilish joyida katta tezlik bilan oziq-ovqat do‘koniga kelib urilgan.

Yo‘l-transport hodisasi oqibatida do‘kon ichida bo‘lgan bir kishi jarohat olgan hamda tuman tibbiyot birlashmasiga murojaat qilgan.

Mazkur holat yuzasidan Kattaqoʻrgʻon tumani IIB JXX YHXB dastlabki surishtiruv ishlarini olib bormoqda.  

Avvalroq Kursiv Uzbekistan Toshkent viloyatida Damas avtomashinasi yonib ketgani haqida xabar bergan edi.    

Toshkent metropoliteniga qarashli «Xalqlar do‘stligi» bekatining ikkinchi vestibyuli texnik ta’mirlardan so‘ng yana ochildi. Bu haqda «Toshkent metropoliteni» DUK matbuot xizmati ma’lum qildi.

Unga ko‘ra, bekatning ikkinchi vestibyuliga yangi eskalator o‘rnatilib, texnik ishlar to‘liq o‘z yakuniga yetkazildi. Vestibyul shu yili 4-sentabr sanasidan boshlab yo‘lovchilar uchun xizmat ko‘rsatmoqda.

Ma’lumot uchun, yer osti bekatlaridagi eski eskalatorlarni bosqichma-bosqich yangilash jarayoni Novza bekatining ikkinchi vestibyulidagi eskalatorda davom ettiriladi. Shu boisdan Novza bekatidagi ikkinchi vestibyulning faqatgina eskalator qismi 2024-yilning 5-sentabr kunidan boshlab to jarayoni yakuniga qadar yopiladi.

Eslatib o‘tamiz, avvalroq O‘zbekistonga 12 ta metro poyezdi sotib olish rejalashtirilayotgani haqida xabar bergan edik.

Joriy yilning 4-sentabr kuni Toshkentda Xitoyning yuk tashuvchi North-Western Cargo International Airlines (NWCIA) aviakompaniyasi Sian – Toshkent – Sian yo‘nalishida birinchi charter reysi kutib olindi. Bu haqda Uzbekistan Airports matbuot xizmati xabar berdi.

Qayd etilishicha, Toshkent xalqaro aeroportiga mahalliy vaqt bilan soat 10:07 da NWCIA aviakompaniyasining Boeing 757-200 samolyoti qo‘ndi. An’anaga ko‘ra, havo kemasi suv arkasi bilan kutib olindi.

Yuk aviatsiyasi harakatlari Sian – Toshkent – Sian yo‘nalishida 25 tonnagacha yuk ko‘tarish quvvatiga ega bo‘lgan Boeing 757-200 samolyotlari bilan amalga oshirilishi reja qilingan. Boshlang‘ich bosqichda aviareyslar haftada bir marta, ma’lum muddatdan so‘ng esa haftada uch marta amalga oshirish rejalashtirilmoqda.

2024-yilning yanvar–iyul oylari yakunlariga ko‘ra, 3,4 mln o‘zbekistonlik turistik maqsadlarda xorijga chiqqan. Bu ko‘rsatkich o‘tgan yilning mos davri bilan solishtirilganda 35,7 foizga oshgan, bu haqda O‘zR Statistika agentligi xabar beradi.

Mamlakatimiz fuqarolarining asosiy qismi ushbu davrda Qirg‘izistonga – 1,5 mln kishi, Tojikiston va Qozog‘istonga – mos ravishda 674,4 ming va 526,4 ming kishi ketgan.

Joriy yilning avgust oyi boshida Rossiyaga 160 ming o‘zbekistonlik, Saudiya Arabistoniga 106,5 ming, BAAga 70,6 ming O‘zbekiston fuqarosi safarga chiqqan.

Avvalroq Kursiv Uzbekistan O‘zbekiston va Qirg‘iziston jamoat transportida yo‘l haqini to‘lash tizimlarini birlashtirishni rejalashtirayotgani haqida yozgan edi.

Parij mezbonlik qilayotgan yozgi Paralimpiya o‘yinlarida ishtirok etgan vakilimiz Server Ibragimov kumush medalni qo‘lga kiritib, delegatsiya hisobiga 15-medalni yozdirib qo‘ydi. Bu haqda Paralimpiya qo‘mitasi xabar berdi.

Unga ko‘ra, para o‘q otish bo‘yicha aralash dasturda 50 metr masofaga kichik kalibrli to‘pponchadan otish bo‘yicha ishtirok etgan hamyurtimiz Server Ibragimov 215.3 ochko jamg‘argan holda 2-o’rinni egalladi va kumush medalni qo‘lga kiritdi.

Ma’lumot uchun, Server Ibragimov bundan avval «Rio – 2016» yozgi Paralimpiya o‘yinlarida bronza medalni qo‘lga kiritgan edi.

Eslatib o‘tamiz, avvalroq Doniyor Saliyev Paralimpiya o‘yinlarida kumush medalni qo‘lga kiritgan edi.

«Toshkent» respublika fond birjasidan (RFB) joy olgan yuqori likvidli aksiyalarning aksariyat qismi ortda qolgan haftani aksiyalar narxining oshishi bilan yakunlandi. Kursiv Uzbekistan hafta davomida RFBdagi qimmatli qogʻozlarning dinamikasini oʻrganib chiqdi.

Unga koʻra, 23-avgustdan 30-avgustga qadar UCI fond indeksi deyarli o‘zgarishsiz (657,38) qoldi. Qimmatli qogʻozlar ichida eng katta oʻsish «Turon bank» tomonidan qayd etilib, bankning qimmatli qogʻozlari 28,69 foizga oshdi.

Shuningdek, aksiyalari koʻproq oʻsishga erishgan kompaniyalar qatoridan «Qizilqumsement» 22,64 foiz bilan joy oldi.

Oʻz navbatida, aksiyalari eng koʻp arzonlashgan qimmatli qogʻozlar qatoridan «Ipoteka bank»ning imtiyozli aksiyalari 19,17 foiz bilan joylashdi. Shuningdek, «Ipoteka bank»ning oddiy aksiyalari (-2,78 foiz), «Trastbank» (-0,58 foiz...

4-sentabr kuni O‘zbekiston Respublika valyuta birjasida dollarning rasmiy narxi 10,22 so‘mga ko‘tarildi va 12 650,26 so‘mni tashkil qildi.

Respublika banklari dollarni 12 580 – 12 630 so‘mdan xarid qilishmoqda va 12 655 – 12 700 so‘mdan sotishmoqda.

Eslatib o‘tamiz, 30-avgust kuni AQSh valyutasi O‘zbekistonda 15,03 so‘mga qimmatlashgan edi.

Quyosh va shamol elektr stansiyalari tomonidan ishlab chiqarilgan energiya hajmi 2024-yil boshidan buyon 3 mlrd kVt/soatga yetdi, deb xabar berdi «O‘zbekgidroenergo».

Joriy yilning sakkiz oyida quyosh va shamol elektr stansiyalari 2023-yilga nisbatan qariyb 2,5 barobar ko‘p elektr energiyasi ishlab chiqardi. O‘shanda ularning umumiy generatsiyasi 1,2 mlrd kVt/soatni tashkil etgan.

O‘zbekistonning yettita hududida umumiy quvvati 2,6 GVt bo‘lgan to‘qqizta quyosh va bitta shamol elektr stansiyasi ishlab turibdi. Ko‘plab kichik quyosh elektr stansiyalari va quyosh panellari O‘zR sanoat korxonalari va uylariga o‘rnatilgan.

2030-yilga borib O‘zbekistonda muqobil energetika quvvatini 27 GVtga yetkazish rejalashtirilgan.

Avvalroq Kursiv Uzbekistan 2024-yil oxirida Farg‘ona viloyatida...

Joriy yilning 1-noyabriga qadar tadbirkorlik subyektlariga elektr energiyasi hamda tabiiy gaz uchun to‘lovni amalga oshirishda qulaylik yaratish bo‘yicha Vazirlar Mahkamasi choralar ko‘rishi belgilandi. Bu haqda prezidentning 30-avgust kuni imzolangan farmonida ma’lum qilindi.

Farmonda ta’kidlanishicha, elektr energiyasi hamda tabiiy gaz iste’moli miqdorini oshirish hamda belgilangan miqdordan oshiqcha iste’mol qilinganda qo‘shimcha to‘lovni o‘n barobargacha kamaytirish choralarining ko‘rilishi belgilangan.

Bundan tashqari, farmonda Iqtisodiyot va moliya vazirligi hamda Soliq qo‘mitasi birgalikda 2025-yilning 1-yanvaridan boshlab bo‘sh turgan yer uchastkalarini mulk huquqi asosida realizatsiya qilish bo‘yicha qonun loyihasini Vazirlar Mahkamasiga kiritishi belgilangan.  

Avvalroq Kursiv Uzbekistan Inson xavfsizligini ta’minlashga doir elektron tizim joriy qilinishi haqida...

AQShning Oʻzbekistondagi elchixonasi bakalavr bosqichining 1-3 kurslarida oʻqiyotgan talabalar uchun Foreign National Student Internship Program bepul amaliyot dasturini taqdim etmoqda. Bu haqda Elchixona rasmiy sahifasida e’lon qildi.

Unga ko‘ra, dastur 6 oy davom etadi. Ishtirokchilar haftasiga 20 soat, besh ish kuni yarim kundan amaliyot oʻtashlari rejalashtirilgan.

Amaliyotchilarga pochta va hisobotlarni saralash va tarqatish, ma’lumotlar bazasiga texnik xizmat koʻrsatish, konsullik boʻlimi faoliyatini tashkil etishda yordam berish, asosiy yozma va ogʻzaki tarjimalarni taqdim etish va shunga o‘xshash vazifalarni bajaradilar. Shuningdek, konsullik boʻlimi tadbirlari uchun uchrashuvlarni rejalashtirish va konferensiya zallarini band qilish, mehmonlarga kirish soʻrovlarini tayyorlashda ham yordam berishlari mumkin.

Dasturda amerikalik boʻlmagan va hozirda...

6–8-sentabr kunlari Pepsi Music Fest konserti munosabati bilan Alisher Navoiy nomidagi O‘zbekiston Milliy kutubxonasi va Hyatt mehmonxonasiga tutash ko‘chalar yopiladi. Bu haqda Toshkent hokimligi matbuot xizmati xabar beradi.

Shu kunlarda Istiqlol, Buyuk Turon va Zarafshon ko‘chalarida harakat to‘xtatiladi. Poytaxt hokimligi haydovchilarni aylanma yo‘nalishlardan foydalanishga chaqirdi.

Konsertda Amerikaning The Pussycat Dolls guruhi vokalisti Nikol Sherzinger, fransiyalik dj Willy William, rossiyalik Xcho va rossiyalik Macan hip-hop qo‘shiqchisi, shuningdek, dunyoning 10 mamlakatidan san’atkorlar ishtirok etadi.

Avvalroq Kursiv Uzbekistan O‘zbekiston prezidenti Shavkat Mirziyoyev Toshkentdan Samarqand va Andijonga pullik yo‘llar qurish to‘g‘risidagi qarorni imzolagani haqida yozgan edi.

Oʻzbekiston Respublikasi istiqbolli loyihalar milliy agentligi korporativ axborot yagona portalida (Openinfo) dividendlar kalendari ishga tushirildi. Bu haqda «Toshkent» Respublika fond birjasi xabar berdi.

Ma’lum qilinishicha, foydalanuvchilar ushbu funksiyadan foydalanib, qaysi emitentlar oʻz qimmatli qogʻozlari boʻyicha dividendlar taqsimlayotganini bilishlari mumkin boʻladi.

Shuningdek, jadvalda emitentning nomi, dividend toʻlashning boshlanish va tugash sanalari, miqdori, nominal qiymatga nisbatan foizi va dividend toʻlash qarori qabul qilingan sana koʻrsatiladi.

Jadvalni qimmatli qogʻozlar turlari boʻyicha filtrlash mumkin. Foydalanuvchilar oddiy va imtiyozli aksiyalar hamda obligatsiyalar boʻyicha toʻlangan oxirgi dividend summalarini tanlashlari mumkin.

Ma’lumot uchun, jadval portalning asosiy sahifasida, muhim faktlar boʻlimi ostida joylashgan.

Avvalroq Kursiv Uzbekistan «Oʻzbektelekom...

Janubiy Koreyaning liberal muxolifat partiyalari prezident Yun Sok Yolni impichmentdan qochish uchun harbiy holat joriy etish niyatida aybladi, deb xabar berdi South China Morning Post (SCMP).

Prezident ma’muriyati bu ayblovlarni yolg‘on va siyosiy vaziyatni beqarorlashtirishga qaratilgan deb rad etdi. Prezident matbuot kotibi muxolifatning jamoatchilik fikrini manipulyatsiya qilishga urinishlarini qoraladi.

Bosh vazir Xan Dok Su ham harbiy holat joriy etish mumkinligini rad etib, bunday chora ehtimoli kamligini va aholi tomonidan qo‘llab-quvvatlanmasligini ta’kidladi.

Avvalroq Kursiv Uzbekistan O‘zbekistonning yangi elchisi Seulga kelgani haqida yozgan edi.

O‘zbekistonda «xavfni tahlil qilish» elektron tizimi hamda «inson hayoti va sog‘lig‘iga yuqori xavf soluvchi omillar reyestri» joriy etiladi. Bu haqda prezident farmonida belgilab qo‘yildi.

Joriy yilning 1-noyabridan boshlab «inson hayoti va sog‘lig‘iga yuqori xavf soluvchi omillar reyestri» joriy etiladi.

Bundan tashqari, nazoratni amalga oshiriuvchi organlar tomonidan tadbirkorlik subyektlari faoliyatini reyestrda belgilangan asoslarga ko‘ra, to‘xtatib turish 2025-yil 1-yanvaridan boshlab mumkin bo‘ladi.

Kelgusi yilning 1-yanvaridan boshlab «xavfni tahlil qilish» elektron tizimi ham joriy etiladi. Nazorat qiluvchi organlar tomonidan tadbirkorlik subyektlari faoliyatida huquqbuzarliklar sodir etilishini aniqlash bo‘yicha ushbu tizim joriy etiladi.

Avvalroq Kursiv Uzbekistan kichik va o‘rta biznes uchun mikrokreditlar...

Instagram ilovasi Stories, ya’ni Hikoyalarga komment yozish funksiyasini qo‘shdi. Bu haqda Social Media Today nashri ma’lum qildi.

Unga ko‘ra, oldin 24 soatlik Stories’larga faqatgina bevosita xabar yozish orqali javob berish mumkin edi. Bu yangi xususiyat foydalanuvchilarga o‘z kuzatuvchilarining Stories’larida fikr qoldirish yoki ochiq sharhlar orqali muloqot qilish imkonini beradi. Bunda kommentlar shaxsiy xabarlar ro‘yxatiga qo‘shilmaydi, balki Stories ostidan joy oladi.

Ushbu funksiya har bir Stories uchun alohida yoqilishi yoki o‘chirilishi mumkin. Agar yoqilgan bo‘lsa, kommentlar foydalanuvchiga obuna bo‘lgan barchaga ko‘rinadi. Shuningdek, faqat o‘zaro fikr almashish shaklida ham bo‘lishi mumkin. Stories kabi kommentlar ham 24 soatdan keyin arxivga tushadi.

Shuningdek...