Yangiliklar

Joriy yilning yanvar – may oylarida O‘zbekistonda ro‘y bergan 9839 ta YTH 2282 nafar fuqaroning umriga zomin bo‘lgan, qolgan 9209 nafar fuqaro turli xil darajada shikastlangan. Bu haqda Senatning Mudofaa va xavfsizlik masalalari qo‘mitasi yig‘ilishida ma’lum bo‘ldi.

«2024-yilda yo‘l-transport hodisalari soni 7,2 % ga pastlagan va shikastlanish bilan bog‘liq hodisalar 8,7 % ga  kamaygan. Ko‘rsatkichlarning ijobiy pasayishida esa o‘tgan yildagi  8 mingtaga yaqin obyektlarda amalga oshirilgan 13,5 trln so‘m qiymatdagi qurilish ishlari zamin bo‘ldi», deya ta’kidlandi yig‘ilishda.

Shuningdek, sodir bo‘lgan 359 nafar maktab o‘quvchisi ishtirokidagi YTH oqibatida 65 nafar o‘quvchi halok bo‘lgan, 294 nafari turli...

O‘zbekistonda bolaga qonunga xilof ravishda diniy tarbiya bergan ota-onalar va ularning o‘rnini bosuvchi shaxslar ma’muriy javobgarlikka tortiladi. Mazkur qonun loyihasi Oliy Majlis Qonunchilik palatasi tomonidan birinchi o‘qishda qabul qilindi, deya xabar beradi muassasa sayti.

Hujjat «O‘zbekiston Respublikasining ayrim qonun hujjatlariga bola huquqlarini yanada mustahkamlash bo‘yicha o‘zgartirish va qo‘shimchalar kiritish to‘g‘risida» deb nomlandi. Unda O‘zRning Ma’muriy javobgarlik to‘g‘risidagi kodeksiga 47-modda qo‘shilishi nazarda tutilgan.

Yangilik bolalarni diniy ta’limga noqonuniy jalb qilgan ota-onalar yoki vasiylar uchun 15 ta bazaviy hisoblash miqdori (BHM) jarimaga tortilishi mumkin. Takroriy qoidabuzarlik uchun jarima 25 BHMgacha oshiriladi. Bundan tashqari, 15 sutkagacha hibsga olish nazarda tutilgan.

Ota-onalarga litsenziyasiz...

Matbuot va ommaviy axborot vositalari xodimlari kuni munosabati bilan soha xodimlaridan bir guruhi mukofotlandi. Bu haqda prezident Farmoni imzolandi.

Farmonga koʻra, turli ordenlar va medallar bilan jami 41 nafar jurnalist taqdirlandi. Shulardan ikki nafari «Mehnat shuhrati» ordeni, «Doʻstlik» ordeni bilan esa 11 nafar jurnalist taqdirlandi.

Shuningdek, II darajali «Sogʻlom avlod uchun» ordeni bilan uch nafar, «Sogʻlom turmush» medali va «Kelajak bunyodkori» bilan bir nafardan jurnalist mukofotlandi. 23 nafar soha xodimlari esa “Shuhrat» medali bilan taqdirlandi.

Toʻliq roʻyxat bilan prezident Farmonida tanishish mumkin.

Avvalroq «Kursiv» badiiy tarjima sohasida Ogahiy nomidagi xalqaro mukofot ta’sis etilgani haqida xabar bergan edi.

O‘zbekistonda Qori Niyoziy nomidagi Tarbiya pedagogikasi instituti tashkil etiladi. Bu haqdagi qarorni respublika prezidenti Shavkat Mirziyoyev imzoladi.

Tashkilot Qori Niyoziy nomidagi O‘zbekiston pedagogika fanlari ilmiy-tadqiqot instituti negizida tashkil etiladi.

Ta’lim muassasasi oliy o‘quv yurtidan keyingi ta’lim va yangi ta’lim usullarini joriy etishga ixtisoslashtiriladi.

Universitet faoliyatini mamlakat Maktabgacha va maktab ta’limi vazirligi nazorat qiladi. Vazirlik 2025-yil may oyi boshiga qadar muassasa uchun ta’lim sohasidagi ilmiy yoʻnalishlarni ishlab chiqishi kerak.

Institutda pedagogika tarixi va ta’lim metodikasini o‘rganuvchi ilmiy kengashlar tuziladi.

Avvalroq «Kursiv» o‘zbekistonlik o‘qituvchilar Janubiy Koreyaga raqamli ta’lim bo‘yicha malaka oshirish uchun yuborilgani haqida yozgan edi.

26-iyun, chorshanba kuni Toshkentning Sergeli tumanida gaz qisman o‘chirildi, deb xabar berdi «Hududgaz Poytaxt». Tumanda soat 17:00 gacha ta’mirlash ishlari olib borilmoqda.

Gaz ta’minoti Sohibqiron mahallasidagi 936 xonadonda, «Yangi Sergeli»da esa 1,1 ming xonadonda to‘xtatilgan.

Hamda Egzulik va Daryo bo‘yi mahallalarida 1,6 ming xonadon va 1,1 ming xususiy uyda gaz yo‘q.

Avvalroq «Kursiv» 2024-yilning yanvar – may oylarida O‘zbekistonda gaz qazib olish 5,2 foizga kamaygani haqida yozgan edi.

OpenAI texnologiya giganti Xitoyda sun’iy intellekt (SI) vositalarini cheklash uchun qoʻshimcha choralarni koʻrmoqchi. Bu haqda «Bloomberg» nashri xabar berdi.

Jurnalistlarning soʻzlariga koʻra, kompaniya xitoylik ishlab chiquvchilarga murojaat yuborgan, unda Xitoyda OpenA vositalarini blokirovka qilish rejalari haqida soʻz boradi. Bunga javoban mahalliy bozor ishtirokchilari, jumladan, Alibaba va Tencent dasturchilarni mahalliy mahsulotlarga oʻtishga chaqirishdi.

Nashrning qayd etishicha, OpenAI harakatlarining sabablari oshkor etilmagan. Biroq ular Vashingtonning Xitoyga ilgʻor sun’iy intellekt texnologiyalariga kirishini cheklaydigan umumiy tendensiyasiga mos keladi.

Rasmiy ravishda OpenAIʼning sun’iy intellekt vositalari oldin Xitoyda mavjud emas edi, lekin mahalliy ishlab chiquvchilar avvalroq texnologiyaga kirish uchun vaqtinchalik yechimlardan foydalangan. Endi ishlab chiqaruvchi...

Joriy yilning may oyida O‘zbekistondagi tijorat banklarida muammoli kreditlar (NPL) miqdori 2,4 trln so‘mga kamayib, 20,9 trln so‘mgacha pastladi. Bu haqda Markaziy bank xabar berdi.

Qayd etish joizki, muammoli kreditlarning jami kreditlardagi ulushi 4,3 % gacha pastlagan bo‘lsa (aprel oyida – 4,8%), bu ko‘rsatkich davlat banklarida 4,8 %, xususiy banklarda 3,1 % ni tashkil etdi.

Shuningdek, may oyi davomida «Ipoteka bank» (-874 mlrd so‘m), «Milliy bank» (-539 mlrd) va «SQB» (-371 mlrd) NPL miqdorini qolgan banklarga nisbatan ko‘proq tushira oldi.

Ayni paytda eng ko‘p NPLga ega banklar 3,6 trln so‘m bilan «Milliy bank», BRB 2,8 trln so‘m, SQB...

Bugun, 26-iyun kuni Oʻzbekistonda havo quruq va issiq boʻladi. Respublikaning janubiy hududlarida havo 42 daraja isishi kuzatiladi. Qoraqalpog‘iston Respublikasi va Xorazm viloyatida shamol tufayli chang-to‘zonlar ko‘tarilishi mumkin. Boshqa viloyatlarda kunduzi havo harorati 34-39 daraja issiq boʻladi, deb xabar beradi «Oʻzgidromet».

Poytaxtda havo biroz bulutli bo‘lishi mumkin. Yomg‘ir yog‘maydi. Kunduzi havo harorati 37-39 daraja issiq va kechasi 22-24 daraja issiq bo‘ladi.

Respublikaning togʻli hududlarida havo biroz bulutli boʻladi, biroq yog‘ingarchilik kuzatilmaydi. Kunduzi havo 27-32 daraja issiq va kechasi 15-20 daraja iliq boʻladi. 

Hamster Kombat oʻyinida toʻplangan tangalarni kriptoaktivlar deb tan olingan taqdirda Oʻzbekistonda sotib olish va sotishga ruxsat beriladi. Bu haqdagi bayonot Istiqbolli loyihalar milliy agentligi (ILMA) portalida e’lon qilindi.

O‘yin tangalari faqat aktivlar kripto birjasi yoki do‘konda kotirovka ro‘yxatiga kiritilganda mahalliy provayderlar orqali sotilishi mumkin.

Biroq bu holda, tangalar foydali funksionalligi yo‘qligi sababli tez qadrsizlanadi, deya ogohlantirdi agentlik.

Hozircha to‘plangan tangalar kripto aktivlari emas, chunki ularda blokcheyn yo‘q. ILMA o‘yinda olingan aktivlarni tartibga solish vakolatiga ega emas.

ILMA qo‘shimcha qildiki, o‘yin play-to-earn toifasiga kirmaydi. Ushbu segment NFT, kriptovalyuta aktivlari va boshqa narsalarni olish imkonini beruvchi o‘yinlarni o‘z ichiga oladi.

Avvalroq...

«UzAuto Motors» kompaniyasi direktori Bo Andersson soʻnggi yillarda boshqa xorijiy brendlarning Oʻzbekistonga kirib kelishi hisobiga UzAuto Motors’ning bozordagi ulushi kamayayotganini aytdi. Bu haqda u «Renessans TV» telekanaliga bergan intervyusida ma’lum qildi.

Shuningdek, u kompaniyaga boʻlayotgan tanqidlar haqidagi savolga javob berar ekan Oʻzbekiston avtomobil sanoatida birgina «UzAuto Motors» kompaniyasi mavjud emasligini ta’kidladi.

«Biz 2022-yilda 337 mingta, 2023-yilda esa 395 mingta avtomobil ishlab chiqardik. Qolaversa, bozordagi eng talabgir avtomobillarni ishlab chiqaryapmiz. Bugungi kunda Oʻzbekiston bozorida bizning ulushimiz katta, lekin boshqa avtomobil ishlab chiqaruvchilari va boshqa xorijiy kompaniyalarning kirishi hisobiga bu ulushimiz kamaymoqda», deydi u.

Nima sababdan...

Tijorat aviatsiyasi gigantlari reytingida sakkizinchi marta Qatar dunyoning eng yaxshi aviakompaniyasi deb topildi. Buyuk Britaniyada joylashgan «Skytrax» kompaniyasi 350 ga yaqin aviakompaniyalarning 21 milliondan ortiq mijozlari oʻrtasidagi soʻrovlar natijasida 2024-yilgi Top-10 aviakompaniyalar reytingini e’lon qildi.

G‘olibdan keyingi o‘rinni Singapore Airlines egallagan bo‘sa, Dubayning Emirates aviakompaniyasi uchinchi o‘ringa munosib ko‘rilgan. Yaponiyaning ANA All Nippon Airways aviakompaniyasi to‘rtinchi, Gonkongning Cathay Pacific aviakompaniyasi beshinchi, Japan Airlines oltinchi, Turkish Airlines yettinchi, sakkizinchi o‘rinda EVA Air (Tayvan), to‘qqizinchi o‘rinda Air France va Swiss International Airlines o‘ninchi o‘rinni band etgan.

Shuningdek, Ethiopian Airlines ketma-ket oltinchi yil Afrikaning eng yaxshisi deb topildi. Turkish Airlines Yevropaning eng...

WikiLeaks asoschisi Julian Assanj AQSh rasmiylari bilan kelishuvga erishgach, qamoqdan ozod etildi. Uning ozod etilishi haqidagi bayonot X ijtimoiy tarmogʻidagi portal sahifasida e’lon qilingan.

«Julianning ozodligi, bu – bizning ozodligimiz», deyiladi WikiLeaks xabarida.

Assanj besh yildan ortiq Britaniyada qamogʻida oʻtirdi. Ma’lum qilinishicha, u garov evaziga ozod qilingan, soʻngra Shimoliy Mariana orollariga yoʻl oladi va u yerda sud jarayoni oʻtkaziladi.

Avstraliya rasmiylariga koʻra, Assanj oʻz aybiga iqror boʻlgach, besh yillik qamoq jazosiga hukm qilinadi. Britaniyada qamogʻida oʻtirgan vaqti belgilangan muddatgacha hisobga olinadi. Bu Assanjga ozodlikka chiqish imkonini beradi.

AQSh rasmiylari WikiLeaks asoschisini mamlakat Mudofaa vazirligining maxfiy ma’lumotlarini tarqatishda ayblagan...

25-iyun kuni O‘zbekiston Respublika valyuta birjasida dollarning o‘rtacha tortilgan qiymati 13,51 so‘mga pasaydi va 12 586,41 so‘mni tashkil qildi.

Respublika tijorat banklari AQSh valyutasini 12 530 – 12 595 so‘mdan xarid qilishmoqda va 12 605 – 12 660 so‘mdan sotishmoqda.

Eslatib o‘tamiz, 24-iyun kuni dollarning o‘rtacha narxi 25,26 so‘mga pasaygan edi.

Apple kompaniyasi App Store’dagi ba’zi cheklovlari sabab katta jarimaga tortilishi mumkin. Bu haqda Yevrokomissiya o‘zining rasmiy veb-saytida xabar berdi.

24-iyun kuni Yevropa komissiyasi bu haqidagi dastlabki ma’lumotlarni e’lon qildi. Unga ko‘ra Apple joriy yilning mart oyida qabul qilingan «Raqamli bozorlar to‘g‘risida»gi qonunni  buzishda ayblanmoqda. Bunga App Store’da dastur ishlab chiquvchilarga foydalanuvchilar uchun to‘lov usullaridan erkin foydalanish imkoniyatini berishga ruxsat bermayotgani sabab sifatida ko‘rsatilgan. Ushbu qonunbuzarlik uchun birinchi martasida global aylanmaning 10 foizgacha, ikkinchi marta takrorlansa 20 foizgacha miqdordagi jarima qo‘llanilishi mumkin.

Qonun kuchga kirganidan buyon Alphabet, Amazon, Apple, Meta, Microsoft, ByteDance kabi texno-gigantlarning faoliyatini tartibga solib kelmoqda. Chunki yirik...

O‘zbekistonda valyuta ayirboshlash bilan shug‘ullangan fuqarolar qo‘lga olindi. Ushlangan shaxslarning yonidan jami 18,2 ming AQSh dollari, 50,4 ming Rossiya rubli va 37 million so‘mga yaqin pul miqdori chiqqan. Bu haqda Bosh prokuratura departamentining rasmiy Telegram sahifasida quyidagicha bayonot berildi.

O‘tkazilgan tezkor tadbirda valyuta ayirboshlash bilan shug‘ullanib kelgan S.R fuqaro M.T.ga 5,1 ming AQSh dollarini 64,7 mln so‘mga sotgan vaqtida ushlangan. Fuqaroning yonidan jami 8,2 ming AQSh dollari, 39,2 ming Rossiya rubli, 50 yevro va 33,2 mln so‘m ashyoviy dalil sifatida olingan.

Shuningdek, Sho‘rchi tumanida o‘tkazilgan tezkor tadbirda  ham shu kabi jinoyatchilikka chek qo’yildi. Voqea joyida valyuta ayirboshlash bilan shug‘ullanib...

Oʻzbekistonda 2024-yil 1-iyun holatiga koʻra, chet el investitsiyasi ishtirokida 14,3 mingta korxonalar faoliyat koʻrsatmoqda. Shulardan 4,4 mingtasi qoʻshma va 9,9 mingtasi xorijiy korxona hisoblanadi. Bu haqda Statistika agentligi axborot xizmati xabar berdi.

Korxonalar sohalar kesimida quyidagicha:

savdo sohasida – 5,05 mingta;

sanoat sohasida – 3,15 mingta;

qurilish sohasida – 1 mingta;

axborot va aloqa sohasida – 0,97 mingta;

yashash va ovqatlanish boʻyicha xizmatlar sohasida – 0,55 mingta;

tashish va saqlash sohasida – 0,5 mingta;

qishloq, oʻrmon va baliqchilik xoʻjaligi sohasida – 0,4 mingta;

sogʻliqni saqlash va ijtimoiy xizmat koʻrsatish sohasida – 0,2 mingta;

boshqa sohalarda – 2,5 mingta.

Avvalroq...

Bugun, 25-iyun kuni oliy va professional ta’lim muassasalariga abituriyentlarni roʻyxatga olishning soʻnggi kuni boʻlib, soat 23:59 da roʻyxatdan oʻtish toʻliq yakunlanadi.

Qabulning soʻnggi kunlarida roʻyxatdan oʻtuvchi abituriyentlar soni keskin ortishi sababli abituriyentlardan imkon qadar ertaroq roʻyxatdan oʻtish tavsiya qilinadi.

Ma’lumot uchun, abituriyentlar my.uzbmb.uz saytidan roʻyxatdan oʻtishlari mumkin.

Statistika agentligi taqdim qilgan ma’lumotlarga koʻra, 2024-yilning yanvar–may oylarida ta’lim sohasidagi xizmatlar hajmi 9,3 mlrd soʻmni yoki koʻrsatilgan bozor xizmatlari umumiy hajmining 4,4 foizini tashkil etdi.

Avvalroq «Kursiv» oliy oʻquv yurtlariga hujjatlar qabuli boshlangani haqida xabar bergan edi.

Oʻzbekiston Bosh prokuraturasi tomonidan 12 ta arxeologik yodgorlikni saqlash boʻyicha qonunbuzarliklarga chek qoʻyildi, deb xabar bermoqda davlat organi Telegram-kanalida.

Gap mamlakatning Qashqadaryo, Jizzax, Toshkent, Sirdaryo va Navoiy viloyatlaridagi obyektlar haqida bormoqda. Yodgorliklar hududida ular uy-joy va imoratlarni qurishga, vannalar va hatto hojatxonalarni tashkil etishga harakat qilishdi.

Ushbu harakatlar natijasida yetkazilgan jami zarar 8,3 mlrd so‘mni tashkil etadi. Holat yuzasidan jinoyat ishi qo‘zg‘atilib, tergov harakatlari olib borilmoqda.

Avvalroq «Kursiv» o‘zbek va xitoylik olimlar Surxondaryoda qadimiy shahar xarobalarini topgani haqida e’lon qilgan edi.

Oʻzbekiston va Xitoy oʻrtasida muntazam aviaqatnovlar soni haftasiga 100 taga yetkaziladi. Bu haqda Transport vazirligi axborot xizmati xabar berdi.

Joriy yil 17–21-iyun kunlari Xitoyning Sian shahrida oʻtkazilgan «C5+1 Xitoy-Markaziy Osiyo fuqaro aviatsiyasi konferensiya»si boʻlib oʻtdi. Konferensiya doirasida Oʻzbekiston va Xitoy aviatsiya hukumatlari oʻrtasida havo qatnovi toʻgʻrisidagi ikki tomonlama bir qancha bitimlar imzolandi.

Unga ko‘ra, ikki davlat oʻrtasidagi muntazam aviaqatnovlar soni yangi kelishuv boʻyicha 50 taga oshiriladi. Ya’ni ikki mamlakat oʻrtasidagi haftalik muntazam yoʻlovchi aviaqatnovlari sonini jami 100 taga yetkazish huquqi berildi.

Oʻzbekiston va Xitoy oʻrtasida muntazam parvozlarni amalga oshirish huquqiga ega boʻlgan aviakompaniyalar soni 2 baravarga oshirildi. Shuningdek, OʻzR...

O‘zbekistonda tadbirkorlarning malinaga qiziqishi yana kuchaymoqda. Bundan tashqari, tadbirkorlar ushbu rezavor mevalarni qo‘shni Tojikistondan sotib olishadi, deya xabar beradi «EastFruit» portali tahlilchilari.

 «Ikki yil avvalgidek, 2024-yilda ham o‘zbekistonlik tadbirkorlar tomonidan Tojikistonda muzlatish uchun yangi malina ulgurji xarid qilinmoqda» deyiladi materialda.

Internet nashrlarining hisob-kitoblariga ko‘ra, Tojikistondan O‘zbekistonga har kuni 20 tonna malina olib kelinadi. Bir kilogramm uchun o‘rtacha narx $1,3 tashkil qiladi.

O‘zbekistondan muzlatilgan malina Rossiya bozoriga bir kg taxminan $2 ga sotilmoqda.

2022 va 2023-yillarda mahalliy malina bozori jahon bozorlarida ushbu mevaning narxi tushib ketishi tufayli deyarli yo‘q bo‘lib ketgan edi.

O‘tgan yili «Kursiv...

Jahon bozori hafta oxirigacha Amerika Qoʻshma Shtatlarining (AQSh) iqtisodiy rivojlanishi haqidagi hisobotlarning e’lon qilinishini kutmoqda. Shu sababli oltin narxi tushib ketdi. Qimmatbaho metallning unsiyasi taxminan $2320 baholanmoqda, deya xabar beradi «Trading economics» portali.

Investorlar AQSh Federal zaxira tizimi tomonidan foiz stavkalarini oʻzgartirish vaqtini aniqlashtirish uchun hisobotlarni kutishmoqda. Iste’mol xarajatlari va daromadlari toʻgʻrisidagi ma’lumotlar, PCE biznes indeksi va 2024-yilning birinchi choragi uchun yalpi ichki mahsulot oʻsishining taxminlarini koʻrib chiqishi kerak.

Kumush narxi ham sanoat ishlab chiqarish istiqbollari yomonlashgani sababli unsiya uchun $29,6 tushdi. Xitoyda bozor ishtirokchilari quyosh energetikasini qoʻllab-quvvatlash boʻyicha hukumat dasturini amalga oshirish fonida ortiqcha ishlab chiqarish quvvati tufayli...

Yong‘in 25-iyun tunida, soat 02:12 da Surxondaryo viloyati Denov tumani Bobur mahallasidagi bozorda sodir bo‘lgan. Holat yuzasidan viloyat Favqulodda vaziyatlar boshqarmasi matbuot xizmati shunday xabar berdi.

Xabarda aytilishicha, yong‘in «Bek» MCHJga qarashli savdo majmuasi hududidagi 4 ta asosiy va 8 ta kichik savdo do‘konlarida kelib chiqqan. Uning oqibatda 90 kvadrat metr maydoniga teng 12 ta savdo do‘konidagi buyum va kiyim-kechaklarga zarar yetdi.

02:20 da Denov, Sho‘rchi, Oltinsoy, Sariosiyo va Qumqo‘rg‘on tumanlari FVBlarining 9 ta yong‘in-qutqaruv ekipajlari voqea joyiga yetib borgan va 03:50 da yong‘inni batamom o‘chirgan.

Hozirda hodisaning kelib chiqish sabablari va moddiy zarar miqdori aniqlanmoqda.

Eslatib o‘tamiz, sal avvalroq, Janubiy Koreyadagi zavodda sodir bo‘lgan yong‘in haqida ham xabar...

Badiiy gimnastika boʻyicha Oʻzbekiston terma jamoasi Italiyada oʻtkazilgan jahon kubogida ikkita bronza medalini qoʻlga kiritdi. Bu haqda Milliy olimpiya qoʻmitasi axborot xizmati xabar berdi.

Mazkur medallarga Taxmina Ikromova halqa va toʻpdagi mashqlarda egalik qildi. Shuningdek, u koʻpkurash va tasma bilan mashq yoʻnalishlarida ham kuchli sakkiztalikdan joy oldi.

Musobaqa Italiyaning Milan shahrida 21–23-iyun kunlari boʻlib oʻtdi.

Avvalroq «Kursiv» Ikromova oʻtgan yilgi jahon chempionatida ham bir nechta medallarni qoʻlga kiritgani haqida xabar bergan edi.

Bugun, 25-iyun kuni Oʻzbekistonda yogʻingarchilik kuzatilmaydi. Havo quruq va issiq boʻladi. Respublikaning janubiy hududlarida havo 41 daraja isishi kuzatiladi. Boshqa viloyatlarda kunduzi havo harorati 34-39 daraja issiq boʻladi, deb xabar beradi «Oʻzgidromet».

Toshkent shahrida havo biroz bulutli boʻladi va oʻzgarib turishi mumkin. Yomgʻir yogʻmaydi. Kunduzi havo harorati 35-37 daraja issiq, kechasi esa 21-23 daraja iliq boʻladi.

Respublikaning togʻli hududlarida havo biroz bulutli boʻladi, ayrim joylarda qisqa muddatli yomgʻir yogʻishi, momaqaldiroq boʻlishi mumkin. Kunduzi havo 20-25 daraja iliq va kechasi 11-16 daraja iliq boʻladi.