Yangiliklar

Samsung o‘tgan oy Galaxy S25 seriyasini global bozorda taqdim etgan edi. Shu bilan birga, kompaniya yangi model – Galaxy S25 Edge haqida ham shama qilgan, biroq uning tafsilotlari rasman ochiqlanmagan edi. Endilikda bu smartfon turli sinov platformalarida paydo bo‘lib, o‘z imkoniyatlarini namoyish qila boshladi. Bu haqda Gizmochina nashri ma’lum qildi.

Yangi model SM-S937 raqamiga ega bo‘lib, AQSh versiyasi SM-S937U, Xitoy versiyasi esa SM-S9370 indekslari bilan ajratilgan. Yevropa bozorida esa bu model SM-S937B raqami ostida namoyon bo‘ldi va Geekbench sinovlarida test natijalarini ko‘rsatdi.

Galaxy S25 Edge Snapdragon 8 Elite for Galaxy chipida ishlaydi. Shuningdek, smartfon 12 GB tezkor xotiraga...

O‘zbekiston Respublikasi Harbiy sudida Komil Allamjonovga qarshi uyushtirilgan suiqasd bo‘yicha jinoyat ishi yuzasidan sud jarayoni yakunlandi. Natijada 10 nafar ayblanuvchiga hukm o‘qildi. Bu haqda Oliy sud matbuot kotibi Aziz Abidov ma’lum qildi.

Hukmga muvofiq Shuhrat Rasulovga 23 yil, Javlon Yunusovga 18 yil 6 oy, Shoxrux Ahmedovga 23 yil, Ismoil Jahongirovga 23 yil va Doniyor Toshxo‘jayevga 7 yil ozodlikdan mahrum qilish jazosi tayinlandi.

Qolgan 5 nafar shaxsga qilmishiga muvofiq, turli muddatlarda qamoq jazosi tayinlandi.

Avvalroq Kursiv Uzbekistan Komil Allamjonovga uyushtirilgan suiqasd boʻyicha 5 nafar shaxs hibsga olingani haqida xabar bergan edi.

Oʻzbekistonda Umra va Haj ziyoratiga boruvchilar uchun meningitga qarshi emlanish talabi hanuz amalda. Sanitariya-epidemiologiya qoʻmitasi ijtimoiy tarmoqlarda tarqalgan ushbu talab bekor qilingani haqidagi xabarlarni rad etdi.

Saudiya Arabistoni Sogʻliqni saqlash vazirligining talabi boʻyicha 2025-yildan boshlab Umra va Haj uchun keluvchi barcha ziyoratchilar meningitga qarshi emlanganlik sertifikatini taqdim etishi shart.

Sanepidqoʻmita Oʻzbekistonda ham ushbu talab rasman bekor qilinmaganini va yuqumli kasalliklarning oldini olish hamda epidemiologik barqarorlikni saqlash maqsadida ziyoratchilarga meningitga qarshi emlanishni tavsiya etishini ma’lum qildi.

Avvalroq Kursiv Uzbekistan Zangiotada litsenziyasiz Umra tashkil qilgan MChJ jarimaga tortilgani haqida xabar bergan edi.

2025-yil 1-apreldan boshlab «Yoshlar daftari» va 1-sentabrdan «Ayollar daftari» jamg‘armalari orqali ajratiladigan bir martalik moddiy yordamlar o‘rniga kam ta’minlangan oilalar uchun maxsus nafaqalar to‘lanadi. Shu bilan birga, 1-maydan boshlab «Ijtimoiy daftarlar» jamg‘armalari hisobidan davolanish va jarrohlik amaliyotlari xarajatlari Davlat tibbiy sug‘urtasi jamg‘armasi orqali moliyalashtiriladi. Bu haqda Adliya vazirligi ma’lum qildi.

Qoraqalpog‘iston Respublikasi va Xorazm viloyatida esa 1-apreldan boshlab kambag‘al oilalar reyestriga kiritilgan oilalarga artezian quduq qazish, suv nasoslarini o‘rnatish hamda ichimlik suv filtrlari xarid qilish xarajatlarini qoplash uchun subsidiya ajratish tartibi joriy qilinadi. Subsidiya xarajatlarning 90 foizini qoplaydi, lekin BHMning 30 baravaridan oshmaydi.

Bundan tashqari, 1-maydan ozodlikdan mahrum etilgan...

Oʻzbekistonda mikromoliya banklarini tashkil etishga ruxsat beriladi. Bu haqda 11-fevral kuni tegishli qonun qabul qilindi.

Qonun mikromoliya tashkilotlari va tijorat banklari oʻrtasida ularni bogʻlovchi «zanjir»ni shakllantirish, shuningdek, mikromoliya tashkilotlari uchun qoʻshimcha moliyaviy resurslar, shu jumladan, depozitlar jalb etish imkoniyati yaratiladi.

Bank xizmatlarini ruxsat etilgan shartlar asosida koʻrsatishga vakolatli boʻlgan mikromoliya banki instituti joriy etiladi.

Shuningdek, qonun bilan mikromoliya tashkilotlarini mikromoliya banklariga va mikromoliya banklarini tijorat banklariga hamda aksincha transformatsiya qilish uchun huquqiy asos yaratilmoqda.

«Banklar va bank faoliyati toʻgʻrisida»gi Qonunga kiritilgan qoʻshimchaga koʻra, quyidagi kredit tashkilotlari oʻz faoliyatini oʻzgartirishi mumkin:

Jurnalist Ketrin Bennet Buxorodagi shiddat bilan rivojlanayotgan turizmning aholi va shahar madaniy merosiga keltiradigan xavflari haqida sanab o‘tdi. Maqola BBC saytida e’lon qilindi.

Unga ko‘ra, Buxoroga safar chog‘ida arxitektorlar va biznes vakillari bilan muloqotda jurnalist turizmning rivojlanishi haqida turli qarama-qarshi fikrlarga duch keldi. Ba’zi suhbatdoshlar iqtisodiy manfaat, infratuzilma yaxshilanishi va ish o‘rinlari yaratilishi haqida gapirgan bo‘lsa, boshqalar jiddiy xavflarga e’tibor qaratdi.

Ismini oshkor etishni istamagan buxorolik arxitektor vaqt o‘tishi bilan shahar «cho‘ldagi Venetsiyaga» aylanishidan xavotirda. Uning fikriga ko‘ra, sayyohlar oqimi ortishi mahalliy aholiga jiddiy muammo tug‘diradi.

O‘zbekiston merosini himoya qilish assotsiatsiyasining a’zosi Svetlana Gorshenina mamlakatda ko‘p yillardan buyon mahalliy...

UzAuto Motors 2022–2023-yillarda Markaziy Osiyo va MDH mamlakatlarida yengil avtomobillar ishlab chiqarish boʻyicha yetakchilik qilgan. Bu haqda kompaniya sobiq rahbari Bu Andersson «Kommersant»ga bergan intervyusida ma’lum qilindi.

Andersson boshqa yutuqlar qatorida tushumning 160 foizga oʻsishi va kompaniyaning birjaga chiqishini ta’kidladi. Oʻzbekiston Chevrolet brendi uchun dunyodagi ikkinchi yirik bozorga aylanib, Braziliya, Meksika va Xitoyni ortda qoldirgani aytildi.

Shuningdek, UzAuto Motors sobiq rahbari Rossiya avtomobil ishlab chiqaruvchi kompaniyalariga avtomobillar uchun ehtiyot qismlarni yetkazib berish boʻyicha Oʻzbekiston tajribasini oʻrganishni maslahat berdi. Andersson Oʻzbekiston avtomobil sanoati koʻplab butlovchi qismlar yetkazib beruvchilar bilan hamkorlik qilayotganini ta’kidladi.

«Ba’zi ta’minotchi kompaniyalarda xorijiy ishtirok...

Rossiyada ishlash O‘zbekiston fuqarolari uchun o‘z jozibadorligini tobora yo‘qotib bormoqda, deb ta’kidladi «Milliy tiklanish» partiyasi raisi Alisher Qodirov o‘z Telegram sahifasida joylagan postida.

Qodirovning so‘zlariga ko‘ra, Rossiya bozori O‘zbekiston fuqarolari uchun qulay emas, foydasiz va o‘ta xavfli bo‘lib bormoqda. Uning fikricha, bu Rossiyada diskriminatsion qonunlar qabul qilinishi sababli ro‘y bermoqda.

Shuningdek, Qodirov vatandoshlarini ingliz, nemis va yapon tillarini o‘rganishga chaqirdi.

Eslatib o‘tamiz, avvalroq Qodirov gaz iste’molini kamaytirib, iste’molni elektrlashtirish kerakligi haqida so‘zlagan edi.

NASA Boeing Starliner’ning birinchi ekipajli parvozida ishtirok etgan Butch Wilmore va Suni Williamsni kutilganidan ikki hafta avval uyga olib kelishni rejalashtirmoqda. Bu haqda CNN axborot nashri ma’lum qildi.

Unga ko‘ra, astronavtlar Starliner kosmik kemasining dastlabki sinov parvozi davomida yuzaga kelgan geliy sizib chiqishi va propulsion tizimida muammolar tufayli kosmik stansiyada uzoqroq vaqt qolishga majbur bo‘ldilar. NASA Starliner’ni ekipaj bilan qaytarishni xavfli deb topgan va shu sababli ularni qaytarish rejasini o‘zgartirdi.

Shuningdek, SpaceX Crew-9 missiyasi va Crew Dragon Endurance kapsulasi yordamida Williams va Wilmore’ni xavfsiz tarzda Yerga qaytaradi. Crew-10 missiyasi esa yangi astronavtlar jamoasini kosmik stansiyaga olib boradi.

Eslatib...

O‘zbekistonda olimlarning 48% ini ayollar tashkil etadi. Bu haqda prezident yordamchisi Saida Mirziyoyeva O‘zbekiston olima ayollari forumidagi chiqishida ma’lum qildi.

«Raqamlarning o‘zi aytib turibdi: O‘zbekistonda olimlarning 48 foizi ayollar! Ularning izlanishlari, kashfiyotlari va fidoyiligi ilhom baxsh etadi va ilm-fan ularga, ular esa ilm-fanga kerakligini ko‘rsatadi», – deya ta’kidladi Mirziyoyeva.

Saida Mirziyoyeva, shuningdek, ilm-fanda ayollarni qo‘llab-quvvatlash mamlakat uchun ustuvor vazifa ekanini ta’kidladi.

«Biz xalqaro hamjamiyat bilan ilm-fan tinchlik va farovonlikka xizmat qiladigan kelajakni bunyod etish yo‘lida birgalikda harakat qilamiz!», – dedi u.

Eslatib o‘tamiz, avvalroq Mirziyoyeva JSTga a’zolik jarayoni boʻyicha ma’lumot bergan edi.

12-fevralda O‘zbekistonda havo biroz bulutli bo‘lib, ayrim hududlarda qor yog‘ishi va tuman tushishi mumkin. Shamol g‘arbdan turli tezliklarda esadi. Harorat kechasi 0-12° sovuq, kunduzi esa 0-10° iliq bo‘ladi, deya xabar qilmoqda «O‘zgidromet».

Unga ko‘ra, Toshkentda havo biroz bulutli bo‘lib, yomg‘ir yoki qor yog‘ishi mumkin. Shamol 3-8 m/s tezlikda esadi. Kechasi 0-2° sovuq, kunduzi 3-5° iliq bo‘ladi.

Qoraqalpog‘iston Respublikasi va Xorazm viloyatida havo bulutli bo‘lib, qor yog‘ishi ehtimoli bor. Shamol 7-12 m/s tezlikda esadi. Harorat kechasi 3-8° sovuq, kunduzi esa 3° sovuq-2° iliq bo‘ladi.

Buxoro va Navoiy viloyatlarida havo bulutli bo‘lib, tuman tushishi mumkin. Shamol 7-12 m/s tezlikda esadi. Harorat...

«Manchester Siti» UEFA Chempionlar ligasining ilk pley-off o‘yinida 2:3 hisobida «Real»ga imkoniyatni boy berdi. Mezbonlar safida o‘zbekistonlik himoyachi Abduqodir Husanov zaxirada qoldirildi, deb xabar berdi Kursiv Uzbekistan muxbiri.

Chempionlar ligasi doirasidagi shiddatli bahsda «Manchester Siti» va «Real Madrid» o‘rtasidagi to‘qnashuv haqiqiy dramatik sahnalarga boy bo‘ldi. O‘yinning 19-daqiqasida Erling Xoland mezbonlar safida hisobni ochdi, hakam VAR bilan maslahatlashganidan so‘ng golni tasdiqladi. Madridliklar bu zarbaga 60-daqiqada Kilian Mbappe orqali javob qaytarishdi – hisob tenglashdi.

Biroq 80-daqiqada Xoland penaltidan yana «shaharliklar»ni oldinga olib chiqdi. Uzoq davom etgan qarama-qarshilik fonida «Real Madrid» 86-daqiqada «Siti»ning sobiq futbolchisi Brahim Diazning goli bilan yana tenglikni tikladi. O‘yinning...

Airbus aviatsiya startapi Chaise Longue bilan hamkorlikda ikki qavatli samolyot o‘rindiqlarini yaratish ustida ishlamoqda. Bu haqda CNN axborot agentligi ma’lum qildi.

Bu yangi dizayn yo‘lovchilarga yuqori yoki pastki qatorda o‘rindiqlarni tanlash imkonini beradi, pastki darajadagi o‘rindiqlarda kengroq oyoq joyi mavjud bo‘ladi.

Chaise Longue dizayneri Alejandro Núñez Vicente, bu konseptning yo‘lovchilar va aviakompaniyalar uchun samolyot kabinasida joyni optimallashtirishga yordam berishini ta’kidlamoqda. Hozirda loyiha rivojlanish jarayonida bo‘lib, Airbusning qo‘llab-quvvatlashi bilan bu g‘oya amalga oshishi mumkin.

Eslatib o‘tamiz, avvalroq 2025-yil uchun dunyoning eng yaxshi aviakompaniyalari e’lon qilingani haqida yozgan edik.

Shavkat Mirziyoyev Rossiya Federatsiyasi prezidenti administratsiyasi rahbarining o‘rinbosari Maksim Oreshkin boshchiligidagi delegatsiyani qabul qildi. Bu haqda davlat rahbari matbuot xizmati ma’lum qildi.

Unga ko‘ra, uchrashuv boshidanoq Oreshkin Rossiya prezidenti Vladimir Putinning salomi va ezgu tilaklarini yetkazdi.

O‘tgan yil may oyidagi davlat tashrifi va boshqa oliy darajadagi uchrashuvlar davomida erishilgan kelishuvlarni amalga oshirish masalalari muhokama qilindi. Savdo-iqtisodiy hamkorlikni rivojlantirish, sanoat kooperatsiyasi, elektron tijorat, suv xo‘jaligi, oliy ta’lim, sun’iy intellekt va madaniy almashinuv kabi sohalarda amaliy hamkorlikni kengaytirishga alohida e’tibor qaratildi.

Eslatib o‘tamiz, avvalroq prezident energiya ehtiyojlarini ta’minlash uchun atom energetikasidan foydalanish bo‘yicha topshiriq bergan edi.

Hukumat qarori bilan «Ma’rifiy faoliyatni amalga oshirish tartibi to‘g‘risidagi nizom» tasdiqlandi. Bu haqda Adliya vazirligi ma’lum qildi.

Unga ko‘ra, ma’rifiy faoliyat insonning shaxsiy, intellektual va ma’naviy rivojlanishi, ijodiy salohiyatini namoyon etish, shuningdek, ijtimoiy va iqtisodiy faoliyatini oshirishga qaratilgan faoliyat turidir. Bu faoliyat davlat ta’lim standartlari bilan qamrab olinmaydi.

Nizomda ma’rifiy faoliyatni amalga oshirishning tashkiliy-huquqiy shakl va talablari (ma’ruza, seminar, taqdimot, kurs, marafon va boshqalar) belgilandi. Shuningdek, 14 yoshdan kichik bolalarning ma’rifiy faoliyat tadbirlarida qatnashishi faqat ota-onaning yozma roziligi bilan amalga oshirilishi kerak.

Ma’rifiy faoliyatni yakka tartibda yoki yuridik shaxs sifatida olib borish mumkin. Bunda ma’rifiy faoliyat tinglovchilari uni...

O‘zbekiston 2024-yil yakunlari bo‘yicha Korrupsiyani baholash indeksi (CPI)da 180 mamlakat orasida 121-o‘rinni egalladi, deb xabar bermoqda Transparency International. Xuddi shunday natija 2023-yilda ham qayd etilgan edi.

Unga ko‘ra, o‘tgan yil davomida mamlakatimiz 100 ballik tizimda 32 ball to‘pladi. Bu 2023-yildagidan bir ball kam. Shuningdek, Togo va Shri-Lanka ham shu miqdorda ball to‘plagan.

Markaziy Osiyo mamlakatlari orasida eng yuqori natijaga ega bo‘lgan davlat Qozog‘iston bo‘lib, u 88-o‘rinni egalladi. Mintaqada eng past ko‘rsatkich esa Turkmanistonda – 165-o‘rin.

Eng kam korrupsiya Daniyada qayd etilgan, bu mamlakat 2018-yildan beri birinchi o‘rinni egallab kelmoqda. Ikkinchi va uchinchi o‘rinlarda esa Finlyandiya va Singapur joylashgan.

O‘zbekiston Tashqi ishlar vaziri Baxtiyor Saydov, Jakartaga tashrifi doirasida Indoneziya Tashqi ishlar vaziri Sugion bilan uchrashdi. Bu haqda O‘zA ma’lum qildi.

Unga ko‘ra, uchrashuvda ikki davlat o‘rtasidagi hamkorlikni yanada rivojlantirish, iqtisodiy diplomatiya va xalqlarni yaqinlashtirish masalalari muhokama qilindi.

Shuningdek, diplomatik pasport egalari uchun viza talablaridan ozod qilish haqidagi kelishuv imzolandi. Bu ikki mamlakat o‘rtasidagi aloqalarni mustahkamlashga yangi imkoniyatlar yaratadi.

Ma’lumot uchun, O‘zbekiston va Indoneziya diplomatik aloqalarni 1992-yilda o‘rnatgan.

Eslatib o‘tamiz, avvalroq Oʻzbekiston va Somali oʻrtasida diplomatik aloqalar yoʻlga qoʻyilgan edi.

O‘zbekiston amputantlar terma jamoasi Bangladeshda o‘tayotgan Osiyo chempionati finaliga chiqdi. Bu haqda Championat.asia sport nashri ma’lum qildi.

Unga ko‘ra, 7-fevralda boshlangan musobaqada vakillarimiz Indoneziya (8:1), Nepal (13:0), Bangladesh (3:0) va Iroq (3:0) jamoalarini yirik hisoblar bilan yengib, finalga yo‘l oldi.

Ma’lumot uchun, final o‘yini 12-fevral kuni bo‘lib o‘tadi. Unda terma jamoamiz Indoneziyaga qarshi maydonga tushadi.

Eslatib o‘tamiz, avvalroq O‘zbekiston futbol terma jamoasi Antalya Youth Cup musobaqasida Slovakiyaga mag‘lub bo‘lgan edi.

Toshkentning «Humo» xokkey klubi Qozogʻistonning «Gornyak» xokkey klubiga qarshi bahs olib boradi.

Uchrashuv 18 – 20-fevral kunlari soat 19:30 da poytaxtdagi «Humo Arena»da Pro Hokei Ligasy pley-off bosqichi doirasida boʻlib oʻtadi. 11-fevral holatiga koʻra, «Humo» Pro Hokei Ligasyʼda uchinchi oʻrinni egallab turgan bo‘lsa, «Gornyak» oltinchi o‘rindan joy olgan.

Eslatib oʻtamiz, joriy yilning fevral oyi boshida «Humo» va Qozogʻistonning «Nomad» jamoalari kuch sinashgan edi.

Avvalroq «Kursiv» Oʻzbekiston «Humo»dan sakkiz nafar rossiyalikni mahalliyshtirishni rejalashtirayotgani haqida yozgan edi.

Sog‘liqni saqlash vazirligi Matbuot xizmati ma’lum qilishicha, AQSHning Kaliforniya universiteti olimlari saraton o‘smalarini sekinlashtirishning yangi usulini ishlab chiqdi.

Ushbu usulda inson tanasidan ajratib o‘lingan yog‘ hujayralariga laboratoriya sharoitida ishlov berilib, ular saraton o‘smalari joylashgan a’zolarga yuboriladi. Natijada genetik jihatdan o‘zgartirilgan hujayralar tanadagi 5 turdagi saraton o‘smalari bilan kurashishni boshlaydi.

Tadqiqotchilar yangi usulni jonivorlarda sinovdan o‘tkazishdi va natijada yog‘ hujayralarining oshqozon osti, prostata va ko‘krak bezi saratoni kabi xavfli o‘smalarni muvaffaqiyatli yo‘q qilgani tasdiqlandi.

«Bu hujayralarni muolaja jarayonida qoʻllash qulay. Qolaversa, ularni nojoʻya ta’sirlarsiz ajratib olish, oʻzgartirish va qayta tiklash oson», – deydi tadqiqot guruhi rahbari...

2024-yilda mast holda transport vositasini boshqarganlik uchun 31,3 ming kishi ma’muriy javobgarlikka tortildi. Bu haqda Oliy sudi matbuot kotibi Aziz Abidov ma’lum qildi.

Ta’kidlanishicha, yil davomida sudlar mast holda transport vositasini boshqarish yoki haydovchining tibbiy koʻrikdan oʻtishdan boʻyin tovlashi bilan bogʻliq 32,7 mingdan ortiq ishlarni koʻrib chiqdi. Ikkala ma’muriy modda ham jarima va haydovchilik guvohnomasidan vaqtincha mahrum qilish jazosini nazarda tutadi.

Eslatib oʻtamiz, agar qoidabuzar avtomobilni boshqarish huquqiga ega boʻlmasa, unga nisbatan ma’muriy qamoq jazosi tayinlanishi mumkin.

Avvalroq «Kursiv» Oʻzbekistonda mast holda takroran avtomobil boshqarganlik uchun jinoiy jazo joriy etish rejalashtirilayotgani haqida yozgan edi.

«Manchester Siti» va «Real Madrid» UEFA Chempionlar Ligasi pley-off bosqichida yana bir bor yuzma-yuz keladi. O‘yin 12-fevralga o‘tar kechasi Toshkent vaqti bilan tunda soat 01:00 da start oladi.

So‘nggi yillarda bu ikki jamoa Yevropa maydonlarida muhim qarama-qarshiliklardan biriga aylangan.

Abduqodir Husanovning ishtiroki

«Manchester Siti» yaqinda o‘zbekistonlik himoyachi Abduqodir Husanovni Fransiyaning «Lans» klubidan 40 million yevro evaziga sotib olgan edi. 20 yoshli futbolchi bilan 4,5 yillik shartnoma imzolandi.

Husanovning jamoaga qo‘shilishi «shaharliklar» himoya chizig‘ini mustahkamlashga qaratilgan. Biroq uning ushbu o‘yinda maydonga tushishi haqida taxminlar mavjud emas.

Man City – Real Madrid: yangi davr derbisi

Investitsiyalar va tashqi savdo vazirligi Tashqi savdo departamenti boshligʻi Inomjon Abdurahmonov Facebookʼdagi sahifasida Oʻzbekistonda 1-maydan elektromobillar uchun utilizatsiya yigʻimi oshirilishiga izoh berdi.

Uning soʻzlariga koʻra, utilizatsiya yigʻimi ekologik xavfsizlik, fuqarolar sogʻligʻini himoya qilish va mahalliy ishlab chiqaruvchilarni qoʻllab-quvvatlashga qaratilgan chora hisoblanadi.

Ta’kidlanishicha, 2021-yilda 809 ta elektromobil import qilingan boʻlsa, 2024-yilda bu koʻrsatkich 24 mingtaga yetdi. 2035-yilgacha mamlakatda 10 ming tonnadan ortiq akkumulyator chiqindilari paydo boʻlishi kutilmoqda. Ularni utilizatsiya qilish va qayta ishlash uchun esa yirik investitsiyalar hamda kamida 10 – 15-yil vaqt talab etiladi.

«Koʻplab davlatlarda (Belgiya, Norvegiya, Germaniya, Qozogʻiston, Rossiya, Belarus va boshqalar) avtotransport vositalari...

Mitsubishi Outlander 2025-yilgi yangilangan modeli AQShda sotuvga chiqarildi. Ushbu yangilangan krossover avvalgi modelga qaraganda dizayn, boshqaruv va texnologiyalarga oid bir qator yangilanishlarni o‘z ichiga oladi. Avtomobilning asosiy versiyasi $29,645 narx bilan sotilmoqda.

Avtomobilning yaxshilangan ovoz izolyatsiyasi va osma tizimi, uzoq masofalarga safar qilishda yuqori darajadagi komfortni ta’minlashga yordam beradi.

Yamaha audio ekspertlari tomonidan ishlab chiqilgan axborot-ko’ngilochar tizimi avtomobilning ichki muhitini yanada boyitadi. Modelda 12,3 dyuymli markaziy displey, Apple CarPlay va Android Auto uchun simsiz qo‘llab-quvvatlash mavjud. Bundan tashqari, avtomobilda to‘liq LED optikasi va avtomatik karartiladigan orqa ko‘zgu o‘rnatilgan.

Mitsubishining Shimoliy Amerika bo’yicha prezidenti va bosh direktori Mark Chaffin yangilangan...