Yangiliklar

Raqobat qo‘mitasi aloqa sifati, hisob-kitoblarning notoʻgʻri yuritilishi va ortiqcha qarzdorliklar, qoʻshimcha xizmatlar hamda reklama maqsadidagi SMS xabarlar haqidagi e’tirozli murojaatlar yuzasidan mobil aloqa operatorlarini qat’iy ogohlantirdi. Bu haqda Qo‘mita matbuot xizmati ma’lum qildi.

Kelib tushgan murojaatlarda pullik kontent xizmatlarga ulab qoʻyilganligi, qoʻshimcha moliyaviy va savdo xizmatlari koʻrsatishda shartnoma shartlarini va tovar yetkazib berish muddatlarini buzilishi, xizmat narxlarining va tarif shartlarining oʻzgarganligi (oshishi) kabi muammolar ham qayd etilgan.

Ma’lumot uchun, «Iste’molchilarning huquqlarini himoya qilish toʻgʻrisida»gi qonuniga binoan, ijrochi ayrim turdagi xizmatlar koʻrsatish qoidalarida yoki shartnomada belgilangan muddatda, hajmda va sifatda ishni bajarishi shart. Sotuvchi yoki ijrochi koʻrsatilmagan xizmatlar uchun haq...

Sog‘liqqa yengil shikast yetkazish ma’muriy huquqbuzarlik tarkibiga kiritildi. Bu haqda Adliya vazirligi axborot xizmati xabar berdi.

Yangi o‘zgartirishlarga ko‘ra, sog‘liqqa yengil shikast yetkazish yoki mehnat qobiliyatini qisqa muddatga yo‘qotishga olib kelmagan jinoyatlar endi jinoiy jazo tarkibidan chiqarilib, ma’muriy huquqbuzarlik sifatida baholanadi. Shuningdek, qonun bo‘yicha huquqbuzar hamda jabrlanuvchi o‘rtasida yarashuv instituti doirasi kengaytiriladi.

Huquqbuzarlik bir yil davomida qayta sodir etilsa, kuchaytirilgan jazo choralari qo‘llaniladi. Ya’ni bazaviy hisoblash miqdori (BHM) ning 5 dan 25 baravargacha miqdorida jarima yoki 15 sutkagacha ma’muriy qamoq jazosi qo‘llaniladi. Mazkur qonun 7-oktabr kunidan boshlab kuchga kirdi.

Eslatib o‘tamiz, avvalroq Kursiv Uzbekistan elektr tokidan foydalangan holda baliq...

Oʻzbekistonda onlayn kreditlash jarayonida firibgarlik holatlari koʻpayib borayotgani uchun Markaziy bank kredit tashkilotlari uchun yangi vaqtinchalik tartibni joriy etmoqda. Bu haqda regulyator axborot xizmati xabar berdi.

Soʻnggi yillarda raqamli texnologiyalar orqali fuqarolarning nomiga onlayn kreditlar rasmiylashtirish holatlari ortib bormoqda. Birgina 2024-yilning birinchi yarmida 463 holatda 15 milliard soʻm miqdorida moddiy zarar yetkazildi.

Endilikda kredit olish uchun ariza yuborish jarayonida fuqarolar biometrik identifikatsiyadan oʻtishi shart. Bu talab kredit olish jarayonida shaxsga tegishliligini aniqlashga yordam beradi.

Shuningdek, kredit tashkilotlari ariza yuborilgandan soʻng, fuqarolarning kredit tarixi 2 bosqichda tekshiriladi. Agar salbiy kredit tarixi aniqlansa, kredit ajratish rad etilishi mumkin. Kredit olishdan soʻng...

2024-yilning uchinchi choragida Oʻzbekiston mehnat bozori ijobiy tendensiyalarni koʻrsatmoqda. Boʻsh ish oʻrinlari soni 13 foizga oshib, 31 mingdan ortiqni tashkil qildi. Bu haqda HeadHunter platformasi (hh.uz) Kursiv Uzbekistanʼga xabar berdi.

Ma’lum qilinishicha, boʻsh ish oʻrinlarining 90 foizdan ortigʻi Toshkent shahri hissasiga toʻgʻri keladi. Shuningdek, ish oʻrinlarining sezilarli oʻsishi Namangan (+53 foiz) va Andijon (+44 foiz) shaharlarida qayd etildi.

Boʻsh ish oʻrinlari soni boʻyicha yetakchi kasblar savdo va mijozlarga xizmat koʻrsatish (jami 14,09 foiz), marketing va reklama (10,40 foiz), sport klublari va fitnes sohasiga (7,37 foiz) toʻgʻri keladi.

Ish haqining oʻsishi respublika boʻyicha oʻrtacha ish haqi deyarli 6,4 mln soʻmni tashkil...

Soliq organlari tomonidan 2024-yilning III choragida soliq tushumlari hisobiga Davlat budjeti 49,1 trln so‘mga ko‘paydi. Bu haqda Soliq qo‘mitasi ma’lum qildi.

Unga ko‘ra, ushbu ko‘rsatkich 2023-yilning shu davriga nisbatan 21,6 %ga ziyod.

Soliq turlari kesimida foyda solig‘i 11,9 trln so‘m, QQS 10,6 trln so‘m, JShODS 8,5 trln so‘m, aksiz solig‘i 4,7 trln so‘m va yer qa’ridan foydalanganlik uchun soliq 4,5 trln so‘m miqdorni hosil qilgan.

Shuningdek, soliqsiz tushumlar (davlat boji, jarimalar, yig‘imlar) 4,4 trln so‘m, yer solig‘i 2 trln so‘m, mol-mulk solig‘i 1,6 trln so‘m, aylanma solig‘i  755,7 mlrd so‘m hamda suv resurslaridan foydalanganlik uchun soliq 196,9 mlrd so‘m...

Joriy yil sentabr oyida IT Park rezidentlari safiga 99 ta yangi IT-kompaniya qo‘shildi. Bu haqda IT Park axborot xizmati xabar berdi.

Ushbu rezidentlarning 29 tasi Buyuk Britaniya, Singapur, Hindiston, Malayziya va Germaniya kabi mamlakatlarning sarmoyasi ishtirokida tashkil etilgan.

Yangi rezidentlarning 66 tasi, ya’ni 2/3 qismi eksportga yo‘naltirilgan bo‘lib, ular birinchi yilida 700 dan ortiq ish o‘rni yaratishni rejalashtirmoqda.

Hozirgi vaqtda IT Parkda eksport bilan shug‘ullanuvchi rezidentlar soni 936 taga, xorijiy kompaniyalar esa 574 taga yetgan.

Yangi eksportchilarning asosiy bozorlariga AQSh, Germaniya, Fransiya, Xitoy va Janubiy Koreya kabi davlatlar kiradi.

Singapurning «Bipo sevvices silk road» va Malayziyaning «Summitnext» kompaniyalari ham...

Qirg‘izistonda chilimga soliq joriy etilishi mumkin, bu tashabbus bilan deputat Kubanichbek Samakov chiqdi, deb xabar berdi Economist.kg.

Deputatning so‘zlariga ko‘ra, jamoat ovqatlanish shoxobchalarida taqiqlanganiga qaramay, Qirg‘izistondagi deyarli barcha kafelarda chilim sotiladi.

«Bu qonunbuzarliklarni Sogʻliqni saqlash vazirligining vakolatli organlari koʻrib chiqadi, lekin jarima oʻrniga pora olib, ishni bosdi-bosdi qilishadi. Bu holatga mukammal yechim bo‘la olmaydi. Shuning uchun, chilimga oylik yoki yillik soliq to‘lovini joriy qilish lozimmikin?» – deydi Samakov.

Qirg‘iziston muassasalarida chilim chekish uchun jarima miqdori 23 ming somni (taxminan 3,4 mln so‘m) tashkil etadi.

Avvalroq Kursiv Uzbekistan Qirg‘iziston sigaretalar importini taqiqlamoqchi ekani haqida...

O‘zbekistonning rasmiy zaxira aktivlar va chet el valyutasidagi boshqa aktivlarga oid ma’lumotlar yangilandi. Bu haqda Markaziy bank saytida ma’lum qilindi.

Mamlakatning rasmiy zaxira aktivlar 1-oktabr holatiga ko‘ra $41,13 milliardni tashkil qilgan bo‘lsa, ushbu ko‘rsatkich 1-sentabr holatiga ko‘ra, $39,15 milliardni qayd etgan. O‘tgan oyga nisbatan mamlakatning rasmiy zaxira aktivlari $1,99 milliardga ortgan.

Sentabr oyi hisobot natijalariga ko‘ra, O‘zbekistonning oltin zaxiralarining qiymati $30,39 milliard bo‘lgan bo‘lsa, 1-oktabr holatiga ko‘ra ushbu ko‘rsatkich $31,86 milliardni tashkil qilgan.

Shuningdek, oltinning fizik hajmi 1-oktabr holatiga ko‘ra, 12 mln troy unsiyani tashkil qilib, o‘tgan oyga nisbatan oltinning fizik hajmida o‘zgarish kuzatilmagan.

«O‘zbekiston Respublikasi yalpi xalqaro...

Afrikaning neft va gazga boy mamlakati Nigeriya ham xomashyo neftni AQSh dollari oʻrniga mahalliy valyutada sotishni boshlashini e’lon qildi. Bu haqda Bernama ma’lum qildi.

Moliya vazirligining Axborot va jamoatchilik bilan aloqalar bo‘limi direktori Muhammad Manga o‘z bayonotida Federal Ijroiya Kengashi xom neft sotishni nairada amalga oshirilishini e’lon qildi.

Ma’lumot uchun, oxirgi marta 2022-yilning fevralida Rossiya – Ukraina mojarosi boshlanganidan keyin bir qancha davlatlar neft va gazni mahalliy valyutalarda sotishni boshlagan edi.

Eslatib o‘tamiz, avvalroq BRICS’da mustaqil to‘lov tizimini yaratish haqida o‘ylayotganini yozgan edik.

Qirgʻiziston hukumati «Rosatom» bilan hamkorlikda atom energetikasini rivojlantirish imkoniyatlarini oʻrganib, AES qurilishi uchun maqbul joy izlamoqda.

4-oktabr kuni boʻlib oʻtgan «Eldik» deputatlar guruhi yigʻilishida mamlakat energetika vaziri Taalaybek Ibrayev atom elektr stansiyasiga ehtiyoj borligini va u barqaror energiya ta’minotini ta’minlashning eng ishonchli texnologiyalaridan biri hisoblanishini ta’kidladi.

«AES qurilishi besh-olti yil davom etadi. Biz uni sovitish uskunalari uchun suv manbalari yaqinida joylashtirish va elektr tarmogʻiga ulash uchun joy tanlash bosqichidamiz», – dedi Ibrayev.

Avvalroq Kursiv Uzbekistan Qozogʻistonda AES qurilishi boʻyicha referendumning natijalari e’lon qilingani haqida xabar bergan edi.

O‘zbekistondagi fransuz tili o‘qituvchilari malakasini oshirish uchun chet elga borish imkoniyatiga ega bo‘lishadi. Bu haqda Maktabgacha va maktab ta’limi vazirligi matbuot xizmati xabar berdi.  

Ta’lim Fransiyada tashkil etilishi rejalashtirilgan. Ushbu kelishuvga Xalqaro frankofoniya tashkilotining 19-sammitida erishilgan.

Vazirlikning ma’lumotlariga ko‘ra, fransuz tili O‘zbekistondagi 600 ta maktabda chet tili sifatida o‘qitiladi. Bundan tashqari, fransuz tili ikkinchi chet tili sifatida qo‘shimcha 100 ta ta‘lim muassasasida o‘rgatiladi.

Eslatib o‘tamiz, avvalroq Kursiv Uzbekistan Fransuz madaniyat markazi qurilishi haqida xabar bergan edi.

Amerikalik pop va kantri qo‘shiqchisi Teylor Sviftning boyligi $1,6 milliardga yetdi. Bu unga dunyoning eng boy musiqachi ayol reytingida sobiq yetakchi Riannani almashtirish imkonini berdi. Bu haqda Fox Business portal xabar qildi.  

Svift professional faoliyati reklamaga suyanmagan holda albomlar sotuvi va konsertlar orqali daromad olgan kam sonli musiqachilardan biri hisoblanadi. Xonanda uchun 2023-yil mart oyida boshlangan Eras («Epoxalar») turi moliyaviy jihatdan juda muvaffaqiyatli bo‘lgan.

Bundan tashqari, o‘tgan yili uning turiga bag‘ishlangan film kinoteatrlarda namoyish etildi. «Teylor Svift: Epoxalar turi» boshlanishida $92,8 million daromad keltirdi. 2024-yil aprel oyida 34 yoshli qo‘shiqchi o‘zining 11-chi albomi The Tortured Poets Department («Azoblangan...

Oʻzbekiston terma jamoasi Estoniyaning Tallin shahrida boʻlib oʻtgan xalqaro konkur chempionatini uchta medal bilan yakunladi, ulardan biri oltin. Bu haqda Milliy olimpiya qoʻmitasi (MOQ) xabar qildi.  

Ushbu musobaqalarda o‘zbek chavandozlari bir dona oltin, kumush va bir dona bronza medalini qoʻlga kiritdi. Chempionatning soʻnggi kunida 150 sm balandlikdagi toʻsiqlar bilan oʻtkazilgan poygada Abdurahmon Abdullayev ikkinchi oʻrinni egalladi.

Shuningdek, Abdullayev 140 sm balandlikdagi toʻsiqlar bilan boʻlgan yoʻnalishda oltin medalga sazovor boʻldi. Ushbu yoʻnalishda Bekzod Qurbonov esa bronza medalini qoʻlga kiritdi.

Avvalroq Kursiv Uzbekistan Birlashgan Arab Amirliklaridagi konkur musobaqalarda oʻzbekistonlik chavandozlarning sovrinlari haqida xabar bergan edi.

Oʻzbekiston Mustaqil Davlatlar Hamdoʻstligi (MDH) ishtirokchi davlatlari bilan munosabatlarni rivojlantirish niyatida. Bu haqda tashqi ishlar vaziri Baxtiyor Saidov o‘z Telegram kanalida ma’lum qildi.

Kecha Moskvada o‘tkazilgan MDH Tashqi ishlar vazirlari kengashi yigʻilishida O‘zbekiston TIV rahbari Baxtiyor Saidov ham ishtirok etdi.

«Barcha sohalarda, ayniqsa, iqtisodiy hamkorlikni oshirishda o‘zaro manfaatli hamkorlikni yanada kengaytirish uchun keng imkoniyatlarni ko‘rib turibmiz», – dedi Saidov oʻzining Telegram kanalida.

Uchrashuvda davlatlar vakillari oʻzaro savdo uchun sharoitlar yaratish masalalarini va «butun dunyo boʻylab kuchayib borayotgan mojarolarni» hal qilish yoʻllarini muhokama qildilar.

Eslatib o‘tamiz, avvalroq Kursiv Uzbekistan prezident Shavkat Mirziyoyev amaliy tashrif bilan Moskvaga yetib...

Janubiy Koreyaning texnologik kompaniyasi Samsung Electronics’ning 2024-yilning uchinchi choragidagi operatsion foydasi $7,67 milliardga yetdi. Bu haqda  LSEG moliyaviy bozorlar ma’lumotlarini yetkazib beruvchi tahlilchilar so‘roviga asoslanib, Reuters agentligi xabar berdi.

Prognozlarga ko‘ra, kelgusida Samsung Electronics’ning har chorakdagi foydasi to‘rt baravardan oshadi. Ushbu tendensiya chiplarga bo‘lgan talabning oshishi bilan bog‘lanmoqda. Shuningdek, tahlilchilar kompaniyaning sun’iy intellekt sohasiga sekin kirib kelayotganidan xavotirda.

«Bozor susayganda, Samsung DRAM chiplarini yetkazib beruvchi birinchi o‘rinni yo‘qotishi mumkin», – dedi Macquarie equity research tahlilchisi Daniel Kim.

Ma’lumot uchun, DRAM chiplar smartfonlar va kompyuterlarda keng qo‘llaniladi.

Samsung Electronics – Janubiy Koreyaning yarimo‘tkazgichlar va elektronika ishlab chiqaruvchi...

Checheniston rahbari Ramzan Qodirov Rossiyada migratsiya siyosati qattiqlashganidan noroziligini bildirdi. Bu haqda u o‘zining Telegram sahifasida ma’lum qildi.

Uning qayd etishicha, ko‘rilgan chora-tadbirlar bor umidlarni puchga chiqaradi va qo‘shni davlatlar bilan munosabatlarni yomonlashtiradi.

Qodirovga ko‘ra, muammoni ommaviy haydash bilan hal qilib bo‘lmaydi. Muammoning ildizi migrantlarda emas, balki bu muammolar bilan shug‘ullanishi kerak bo‘lganlar tomonidan nazoratning sustligi va tezkor yechim yo‘qligidadir.

Qodirov muhojirlarga nisbatan tajovuzkor yondashuvdan voz kechishga chaqirdi va o‘ylamasdan choralar ko‘rmasdan, jarayonni yanada samarali nazorat qilish uchun migratsiya siyosatida tartib o‘rnatishni taklif qildi. Uning so‘zlariga ko‘ra, migrantlarning ko‘pchiligi qonunga bo‘ysunuvchi shaxslar bo‘lib, ular bilan huquqbuzarlarni farqlash zarur.

O‘zbekiston Respublikasi prezidenti amaliy tashrif bilan Moskva shahriga keldi. Bu haqda davlat rahbarining matbuot xizmati ma’lum qildi.

Unga ko‘ra, «Vnukovo» aeroportida davlatimiz rahbarini Rossiya Federatsiyasi prezidentining yordamchisi Maksim Oreshkin va boshqa rasmiy shaxslar kutib oldi.

Ertaga, 8-oktabr kuni MDH sammitining asosiy tadbirlari bo‘lib o‘tadi. Kun tartibidan Hamdo‘stlik doirasidagi ko‘p tomonlama hamkorlikni yanada rivojlantirishning dolzarb masalalari o‘rin olgan.

Eslatib o‘tamiz, avvalroq Shavkat Mirziyoyev o‘qituvchilarga ming dollar maosh va’da qilgan edi.

8-oktabrdan boshlab yuqori tezlikda harakatlanuvchi Afrosiyob elektropoyezdlari yo‘lovchi jadvaliga quyidagicha o‘zgartirishlar kiritildi. Bu haqda «Temiryo‘lekspress» AJ matbuot xizmati ma’lum qildi.

764-sonli «Toshkent — Qarshi» yo‘nalishi

Toshkent 6:28 — Qarshi 10:07

766-sonli «Toshkent — Samarqand» yo‘nalishi

Toshkent 6:51 — Samarqand 9:21

768-sonli «Toshkent — Buxoro» yo‘nalishi

Toshkent 7:27 — Buxoro 11:38

770-sonli «Toshkent — Buxoro» yo‘nalishi

Toshkent 7:54— Buxoro 12:11

778-sonli «Toshkent — Buxoro» yo‘nalishi

Toshkent 6:03— Buxoro 10:14

774-sonli «Toshkent — Shahrisabz» yo‘nalishi

Toshkent 6:28— Shahrisabz 11:12

772-sonli «Toshkent — Buxoro» yo‘nalishi

Toshkent 19:39 — Buxoro 00:01

763-sonli «Qarshi — Toshkent» yo‘nalishi

Qarshi 17:29 — Toshkent 21:10

765-sonli...

7-oktabr kuni Investitsiyalar, sanoat va savdo vaziri Laziz Kudratov AQSh Savdo vaziri yordamchisi o‘rinbosari D.De Falko bilan hamkorlik masalalarini muhokama qildi. Bu haqda vazirlik matbuot xizmati ma’lum qildi.

Unga ko‘ra, ikki mamlakat vakili davlatlar o‘rtasidagi savdo-iqtisodiy hamkorlikni mustahkamlash masalalarini muhokama qildi. Norasmiy virtual savdo muloqotini tashkil etish va oʻzaro biznes missiyalarini oʻtkazish shular jumlasidandir.

Shuningdek, Oʻzbekistonning xalqaro vodorod dasturida ishtirok etish imkoniyatlari geologiya va metallurgiya, kimyo, to‘qimachilik sanoati sohalarida hamkorlikni kengaytirish bo‘yicha qo‘shma chora-tadbirlar muhokama qilindi.

Shu bilan birga, O‘zbekiston mahsulotlarining AQSH bozorlariga chiqishini kengaytirish imkonini beruvchi Imtiyozlar tizimi (GSP)ni tiklash, O‘zbekistonning SABIT dasturida ishtirok etishiga texnik...

Eron ikki kundan beri Turkmaniston bilan chegarasidan odamlar va transport vositalarini o‘tkazmayapti. Bu haqda Turkmen news manbasi ma’lum qildi.

Unga ko‘ra, turkmanistonlik tadbirkorlar, ziyoratchilar va qo‘shni davlatga davolanish uchun ketayotgan odamlar chegaradan qaytarilmoqda. Gaudan-Bajigiran va Seraxs nazorat punktlarida Eron yuk mashinalari ham Turkmanistonga kiritilmadi. Shu fonda Ashxobod va boshqa hududlarda o‘simlik yog‘i tanqisligi yuzaga kela boshladi.

Neytral zonada o‘nlab odamlar qo‘shni davlatga sayohat qilish uchun ruxsat kutmoqda, boshqalari kutishdan charchagan holda ortiga qaytdi. Turkmaniston chegarachilari odamlarni o‘tkazishga ruxsat bermoqda, biroq ular uzoqqa borolmayapti.

Chegarani yopish sabablari hali ma’lum emas. Versiyalardan biriga ko‘ra, bunga Eron va Isroil o‘rtasidagi munosabatlardagi...

Qashqadaryo viloyatining Qarshi tumani Dasht mahallasi hududidagi G‘uzor – Qarshi avtomobil yo‘lida joylashgan gaz quyish shoxobchasida gaz-havo aralashmasi portladi. Bu haqda FVV xabar berdi.

Unga ko‘ra, bugun 7-oktabr kuni soat 15:45 da Qashqadaryo viloyati, Qarshi tumani «Dasht» MFY hududidan o‘tuvchi, «G‘uzor – Qarshi» avtomobil yo‘lida joylashgan avtomobillarga suyultirilgan gaz quyish shoxobchasida «Kamaz-512» rusumli avtomobilidan gaz saqlash yomkostiga gaz quyish vaqtida gaz-havo aralashmasining chaqnashi sodir bo‘lgan. Uning natijasida hududda yong‘in yuzaga kelgan.

Yong‘in joyiga 4 ta yong‘in-qutqaruv ekipaji soat 15:56 da hodisa joyiga yetib borgan va yong‘inni soat 16:00 da o‘rab olib, 16:45 da o‘chirishga erishgan.

Sodir bo‘lgan yong‘in natijasida...

Tibbiyot va fiziologiya bo‘yicha Nobel mukofoti genlar faoliyatini boshqaruvchi mikroRNK molekulalarini kashf etgan Viktor Ambros va Gari Ruvkunga berildi.

MikroRNKlar – bu ribonuklein kislota molekulalarining maxsus sinfi bo‘lib, ular boshqa molekulalar bilan birga ko‘plab genlarning faolligini aniqlaydi. Ko‘pincha ma’lum bir gen tananing ma’lum hujayralarida faol bo‘lishi mikroRNKlarga bog‘liq.

2023-yilda ushbu yo‘nalishda Nobel mukofoti Pensilvaniya universitetidan Dryu Vaysman va Katalin Kariko Covid-19’ga qarshi mRNA vaksinalarini yaratgani uchun berilgan edi.

Qayd etilishicha, ushbu yo‘nalish mukofot haftaligini ochib berdi. 8-oktabrda fizika, 9-oktabrda kimyo, 10-oktabrda adabiyot bo‘yicha laureatlarning nomi e’lon qilinadi. 11-oktabr kuni tinchlik mukofoti, 14-oktabrda esa Alfred Nobel xotirasiga iqtisod bo‘yicha mukofot topshiriladi.

Eslatib o‘tamiz avvalroq Kursiv...

Futbol boʻyicha Oʻzbekiston terma jamoasi bosh murabbiyi Srechko Katanes Jahon chempionati 3-saralash bahslaridan oʻrin olgan Eron va BAAga qarshi oʻyinlarini oʻtkazib yuboradi. Bu haqda Oʻzbekiston futbol assotsiatsiyasi axborot xizmati xabar berdi.

«Bosh murabbiyimiz Srechko Katanes salomatligi yomonlashgani sababli shifokorlar tavsiyasiga koʻra ushbu yigʻinda qatnasha olmaydi», – deyiladi xabarda.

Oldindagi ikkita muhim uchrashuvga terma jamoani yordamchi murabbiylar Alesh Chex hamda Vlado Radmanovich tayyorlaydi.

Eslatib oʻtamiz, Oʻzbekiston terma jamoasi JCh 3-saralash bosqichi 2-turidan keyin 6 ochko bilan guruhda Eron bilan peshqadamlik qilmoqda.

Avvalroq «Kursiv» Oʻzbekiston Qirgʻizistonni 3:2 hisobida magʻlubiyatga uchratgani haqida xabar bergan edi.

Joriy yilning dastlabki 9 oyi davomida O‘zbekistonda «103» ga salkam 10 million marotaba chaqiruvlar kelib tushgan. Bu haqda Sog‘liqni saqlash vazirligi matbuot xizmati xabar berdi.

«Shu yil yanvar – sentabr oylari davomida “Tez yordam»ga kelib tushgan chaqiriqlar soni 9 mln 958 ming 507 tani tashkil etgan”, – deydi Respublika tez tibbiy yordam markazi direktori Abduvoitjon Gʻafurov.

Ma’lum qilinishicha, eng ko‘p murojaatlar Farg‘ona viloyatidan 1 mln 40 mingdan ziyod. Andijon va Toshkentdan esa bir milliondan ortiq murojaatlar bo‘lgan.

Ushbu murojaatlarning aksariyat qismi shoshilinch ko‘rsatmaga binoan 7,1 mln bo‘lsa, surunkali kasalliklar sabab 2,5 mln marotaba chaqiruvlar yuzaga...