Yangiliklar

Oqmo‘la viloyatining Qo‘rg‘aljin tumanidagi sobiq masjid binosida gaz portlashi sodir bo‘ldi. Bu haqda Tengri news ma’lum qildi.

Favqulodda vaziyatlar xizmatining ma’lumotiga ko‘ra, gaz-havo aralashmasining portlashi natijasida bino qulab tushgan. Baxtsiz voqea joyida 1978-yilda tug‘ilgan erkak, 1983-yilda tug‘ilgan ayol va 2012-yilda tug‘ilgan bola halok bo‘lgan.

Hodisa joyida qutqaruv ishlari davom etmoqda. Viloyat hokimiyati voqea sabablarini aniqlash va zarur yordam ko‘rsatish choralarini ko‘rmoqda.

Eslatib o‘tamiz, avvalroq Qozog‘istonda vertolyot qulashi oqibatida bir kishi halok bo‘lgan edi.

21 yoshli raqqosa, tadbirkor va huquqshunos Viktoriya Kjaer Theilvig Daniya uchun ilk bor «Koinot go‘zali» tojini olib berdi. Bu haqda CNN axborot agentligi ma’lum qildi.

Unga ko‘ra, Viktoriya «Koinot go‘zali» tanlovida birinchi daniyalik g‘olib bo‘lib, Mexiko shahrida o‘tkazilgan finalda 120 dan ortiq ishtirokchilarni ortda qoldirdi. Viktoriya tojni amaldagi g‘olib, nikaragualik Sheynnis Palasiosdan qabul qilib oldi.

Bu yilgi tanlov yosh chegarasining olib tashlanishi bilan tarixiy ahamiyatga ega bo‘ldi. Ilk bor 28 yoshdan oshgan ayollar va onalar ishtirok etish imkoniga ega bo‘ldi. Musobaqa davomida yarim finalchilar suzish liboslari va kechki liboslar tanlovlarida o‘z mahoratini namoyish etishdi. Yakuniy bosqichda Viktoriya chidamlilik va...

O‘zbekiston va Qatar raqamli texnologiyalar va innovatsiyalar sohasidagi aloqalarni mustahkamlaydi. Bu haqda Kursiv Uzbekistan nashriga vakillik matbuot xizmati ma’lum qildi.

Unga ko‘ra Qatar bilan hamkorlik bu borada strategik ahamiyatga ega. Ikki davlat o‘rtasidagi aloqalar IT, ta’lim, sarmoya va savdo-iqtisodiy sohalarni qamrab olgan. Ayniqsa, axborot texnologiyalari yo‘nalishida qo‘shma loyihalarni amalga oshirish, innovatsion yechimlarni ishlab chiqish va IT-mutaxassislar tayyorlash bo‘yicha imkoniyatlar faol ko‘rib chiqilmoqda.

2024-yil 16 – 20-noyabr kunlari Qatarda bo‘lib o‘tadigan Mobile 360 ​​Eurasia xalqaro konferensiyasida O‘zbekiston delegatsiyasi ishtirok etmoqda. Unda mamlakatning raqamli transformatsiya strategiyalari, innovatsiyalarni rag‘batlantirish va IT sohasini rivojlantirish borasidagi yondashuvlari namoyish etiladi.

Ushbu tadbir davomida Qatarning bir...

Boku shahrida bo‘lib o‘tgan COP29 konferensiyasida Iqtisodiyot va moliya vazirligi delegatsiyasi GGGI bosh direktor o‘rinbosari Helena McLeod bilan uchrashuv o‘tkazdi. Bu haqda vazirlik matbuot xizmati ma’lum qildi.

Unga ko‘ra, tomonlar o‘zaro hamkorlik loyihalari, jumladan, Parij bitimini amalga oshirish va Koreya Respublikasi bilan iqlim bo‘yicha birgalikdagi harakatlar doirasidagi loyihalarni muhokama qildi.

Yashil investitsiyalarni safarbar qilish, barqaror qishloq xo‘jaligi va ekologik baholashni rivojlantirish masalalari ko‘tarilib, uchrashuv yakunida $6,5 mln miqdorida grant ajratish bo‘yicha kelishuv imzolandi. Bu kelishuv O‘zbekistonda yashil iqtisodiyotga o‘tishni qo‘llab-quvvatlashni maqsad qiladi.

Eslatib o‘tamiz, avvalroq Oʻzbekiston va Germaniya 3 mln yevrolik yangi shartnoma imzolagan edi.

2026-yilgi Lexus ES yangilangan ko‘rinishda namoyish etildi. Bu haqda Carscoops axborot nashri ma’lum qildi.

Unga ko‘ra, model yangi matritsali LED faralar va kapotga qarab torayib boruvchi o‘ziga xos panjaraga ega bo‘lib, bu dizayn avvalgi Lexus RX modelini eslatadi. Orqa qismda esa chiroqlar o‘rtasida joylashgan LED tasma avtomobilga zamonaviy ko‘rinish beradi.

Salondagi eng ko‘zga tashlanadigan yangilik Lexus RX kabi 14 dyuymli ekranga ega mediatizimdir. Avvalroq avtomobil 12,3 dyuymli diagonali ekranga ega mediatizim bilan jihozlangan edi. Sedan, shuningdek, qayta ishlangan vites selektori, takomillashtirilgan ovozli boshqaruv tizimi va ichki bezak va qoplamaning yangi variantlarini oldi.

Texnik nuqtai nazardan, deyarli hech narsa o‘zgarmagan...

Adliya vazirligi Rossiyaning «Nevskiy konditor» MChJga tegishli «Картошка» shokoladining noqonuniy nusxasi ishlab chiqarilayotgani haqida murojaat oldi. Bu haqda Intellektual mulk agentligi ma’lum qildi.

O‘tkazilgan tekshiruv natijasida «F.Y» MChJ tomonidan ushbu shokoladning kontrafakt mahsulotlari savdoga taklif etilgani aniqlangan.

Huquqbuzar kompaniyaga qonun buzilishlarini bartaraf etish talabi kiritildi va bu holat bartaraf etildi. Qonunchilikka ko‘ra, tovar belgisidan qonunga zid foydalanish kontrafakt hisoblanadi va huquqiy javobgarlikka sabab bo‘ladi.

Eslatib o‘tamiz, avvalroq «Bio Smekta» biofaol qo‘shimchasini tasdiqlagan labaratoriya seritifikati bekor qilingan edi.

Ilon Mask amerikalik senatorlarning uning Rossiya bilan aloqalari bo‘yicha tekshiruv talab qilgani va SpaceX’ni hukumat shartnomalaridan mahrum qilish masalasini ko‘tarishlarini keskin tanqid qildi. Bu haqda Tass axborot agentligi ma’lum qildi.

Unga ko‘ra, milliarder senatorlar Jan Shaxin va Jek Ridni «qo‘g‘irchoqlar» deb atab, ayblovlarni ilgari surganlarni «topib, yo‘q qilishini» aytdi.

Maskning ushbu bayonoti X (sobiq Twitter) platformasida joylangan. U senatorlarning talablarini asossiz deya ta’kidlab, «Bu hujjatni kim yozgan va senatorlarni imzolashga kim majburlagan?» degan savolni ko‘targan.

Bunga javoban, The Wall Street Journal gazetasi Maskning Rossiya prezidenti Vladimir Putin bilan muntazam aloqada bo‘lishi mumkinligini xabar qilgan, ammo Kreml bu iddaolarni rad...

Shavkat Mirziyoyev O‘zbekiston Respublikasi Oliy Majlisi Senati a’zolarini tayinlash to‘g‘risidagi farmonni imzoladi. Bu haqda davlat rahbari matbuot xizmati ma’lum qildi.

Ular orasida Ziyo Azamat Hamid o‘g‘li (FA Tarix instituti direktori), Yo‘lchiyeva Munojatxon Abduvaliyevna (O‘zbek milliy musiqa san’ati instituti professori), Rafiqov Qudratilla Mirsagatovich (Kasaba uyushmalari Federatsiyasi raisi), Sa’dullayev Alisher Zafar o‘g‘li (Yoshlar ishlari agentligi direktori), Safoyev Sodiq Solixovich (Senat Raisining birinchi o‘rinbosari), Ko‘chimov Abdusaid Ko‘chimovich (Milliy axborot agentligi bosh direktori), Raxmankulov Mir-Akbar Xodji-Akbarovich (Prezident huzuridagi Qonunchilik va huquqiy siyosat instituti direktori), Turdiyev Sodiqjon («Nuroniy» jamg‘armasi boshqaruvi raisi) hamda Xudaybergenov Tursinxan Aydarovich (Prezidenti maslahatchisi) kabi ko‘zga ko‘ringan yetakchilar bor.

Ushbu tayinlovlar mamlakatning ilm-fan, san’at...

O‘zbekiston Kimberli jarayoni sertifikatlashtirish sxemasiga qo‘shilib, xalqaro olmos bozorida faoliyat yuritish imkoniyatlarini kengaytirdi. 2024-yil 12-15-noyabr kunlari Dubayda (Birlashgan Arab Amirliklari) Kimberli jarayonining 21-yillik yalpi majlisi bo‘lib o‘tdi. Unda O‘zbekistonning murojaati ijobiy baholandi va mamlakat to‘laqonli a’zo sifatida qabul qilindi, deb xabar bermoqda Investitsiyalar, sanoat va savdo vazirligi.

Bu qaror joriy yil oktabr oyida Kimberli jarayoni ekspert missiyasining O‘zbekistonga tashrifi davomida respublikaning minimal talablarni bajargani uchun ijobiy baho olganidan so‘ng qabul qilindi.

Kimberli jarayoni noqonuniy qazib olingan yoki «qonli» deb ataluvchi olmoslarning jahon bozoriga kirib kelishiga qarshi kurashuvchi xalqaro hukumatlararo tashabbusdir. Ushbu tizimga a’zo bo‘lmagan mamlakatlar ishlov berilmagan olmos sotib...

Jismoniy tarbiya fani o‘qituvchilariga malaka toifasi berishning yangi tartibi ishlab chiqiladi. Bu haqda PQ-392-son prezident qarori qabul qilindi.

2024-yil 15-noyabr kuni jismoniy tarbiya fanini o‘qitilishi hamda fan doirasidagi o‘qituvchilarning kasbiy faoliyatini rivojlantirishga qaratilgan prezident qarori tasdiqlandi.

Hujjatga muvofiq kelgusi yildan boshlab maktab o‘quvchilarining yosh toifasi bo‘yicha olimpiya va ommaviy sport turlariga ustuvorlik berish orqali sport turlari ro‘yxati shakllantiriladi.

Shuningdek, kelgusi yildan 1-iyuliga qadar jismoniy tarbiya fani o‘qituvchilarining bilim darajasi va kasbiy mahoratini aniqlash bo‘yicha milliy baholash tizimi ishlab chiqiladi va amaliyotga joriy etiladi.

Bundan tashqari, 2025/2026-o‘quv yilidan boshlab har bir maktabda bosqichma-bosqich maktab sport klublari faoliyati yo‘lga qo‘yiladi va...

Prezident qaroriga muvofiq uy sharoitida tirik pilla yetishtirayotganlar daromad solig‘idan ozod qilinadi. Bu haqda Huquqiy axborot Telegram kanalida ma’lum qilindi.

Qayd etilishicha, 2024-yil 15-noyabrdagi qarori bilan Soliq kodeksiga kiritilgan yangi qo‘shimchalar uy sharoitida tirik pilla yetishtirayotgan kasanachilarga foyda keltiradi.

2023-yil 1-yanvaridan 2026-yil 1-yanvariga qadar, uy sharoitida tirik pilla yetishtirish faoliyatidan olingan daromadlar jismoniy shaxslardan olinadigan daromad solig‘idan ozod qilinadi.

Shuningdek, uy sharoitida pilla yetishtiruvchilarning mehnatiga haq to‘lashga yo‘naltirilgan mablag‘lar ham ijtimoiy soliqdan ozod qilinadi.

Qonunga ko‘ra, tutzorlar bilan band bo‘lgan yer uchastkalari uchun yer solig‘i 0,1 koeffitsiyent qo‘llangan holda hisoblanadi.

Eslatib o‘tamiz, avvalroq Kursiv Uzbekistan may...

O‘zbekistonlik Adelya Kurmaeva va Yoqubjon Sokhibov Osiyo Futbol Konfederatsiyasi (AFC) komissarlari ro‘yxatiga kiritildi. Bu haqda futbol eksperti Alisher Nikimbayev ma’lum qildi.

Qayd etilishicha, ularni komissarlar ro‘yxatiga kiritish qarori AFC seminari davomida qabul qilingan.

O‘zbekiston futboli tarixida ilk bor faol komissarlar soni to‘rt kishiga yetdi.

Eslatib o‘tamiz, avvalroq Kursiv Uzbekistan futbol bo‘yicha O‘zbekiston milliy terma jamoasi Qatar jamoasiga mag‘lub bo‘lganini xabar bergan edi.

«Brilliant qo‘l» filmida Anna Sergeyevna roli ijrochisi aktrisa Svetlana Svetlichnaya 84 yoshida vafot etdi. Bu haqda RBK nashri xabar berdi.

Svetlichnaya 1940-yilda Armanistonda tug‘ilgan. 1959-yilda «Alla» filmi bilan kinosanoatdagi debyutini amalga oshirgan.

Aktrisa o‘z faoliyati davomida «Bahorning o‘n yetti lahzasi» va «Uchrashuv joyini o‘zgartirish mumkin emas» kabi filmlarda rol ijro etgan. U oxirgi marotaba «Belovod’ye. Yo‘qolgan mamlakat siri» filmida ishtirok etgan.

Svetlichnaya 30 yildan ortiq vaqt davomida xalq artisti Vladimir Ivashov bilan turmush qurgan, u «Askarning balladasi», «Zamondosh qahramoni» va boshqa filmlardagi rollari bilan mashhur. Ivashov 1995-yilda 55 yoshida vafot etgan.

Ma’lumotlarga ko‘ra, 1990-yillarning oxirida aktrisa...

Ispace hamda SpaceX kompaniyalarining Mission 2 parvozi kelgusi yil yanvar oyiga ko‘chirilgani haqida ma’lum qilindi. Bu haqda kompaniya matbuot xizmati xabar berdi.

Ma’lumotlarga ko‘ra, Oyga qo‘nuvchi kosmik apparat reja bo‘yicha tayyorlanmoqda va u uchirishga yakuniy tayyorgarlik uchun belgilangan jadval asosida Floridaga yetkaziladi.

«Biz kosmik agentliklar, davlat idoralari va butun dunyo bo‘ylab kompaniyalar bilan $99 million qiymatidagi memorandumlar va vaqtinchalik foydali yuk xizmatlarini ko‘rsatish bitimlarini (iPSA) imzoladik», – dedi ispace kompaniyasi direktori Djumpei Nodzaki.

Kompaniyaning moliyaviy natijalari, Mission 3 uchun foydali yuklarning sotilishi bo‘yicha o‘tgan moliyaviy yilga nisbatan sezilarli o‘sishni ko‘rsatmoqda.

Joriy yilning 15-noyabr kuni prezident Shavkat Mirziyoyev huzuridagi yig‘ilish yakunlari bo‘yicha noyabr oyida sovuq tufayli davlat rahbari mutasaddilarga uzluksiz elektr ta’minotini ta’minlash bo‘yicha topshiriq bergan.

Energetika vazirligi rahbari Jo‘rabek Mirzamahmudov O‘zbekiston 24 telekanaliga bergan intervyusida noyabr oyida ob-havo sovigani sabab aholi uchun ham, iqtisodiyot tarmoqlari uchun ham energiya resurslarini uzluksiz yetkazib berishni ta’minlash uchun zaxiralar, jumladan, gaz omboridan gaz jalb qilinganini ma’lum qildi.

Shuningdek, barcha energetika quvvatlarini ishga tushirib, qo‘shni davlatlar energetika tizimlari bilan elektr energiyasi tovar aylanmasini ta’minlash vazifasi qo‘yildi.

Bundan tashqari, mas’ul O‘zbekiston 24 telekanaliga bergan intervyusida harorat -10, -20 darajagacha pasayganda oylar va tumanlar kesimida harakatlar...

Humo tizimining xususiylashtirilishi davom etadi, ammo endi Qozog‘istonning Kaspi kompaniyasi ushbu jarayonda ishtirok etmaydi. Bu haqda kompaniya matbuot xizmati xabar berdi.

Qayd etilishicha, Kaspi kompaniyasi O‘zbekistonda raqamli transformatsiyani rivojlantirishga o‘z hissasini qo‘shishni davom ettirishini bildirgan.

Eslatib o‘tamiz, iyul oyida Humo to‘lov tizimi xususiylashtirilish jarayoni boshlandi. Shundan so‘ng avgust oyida Kaspi kompaniyasi ushbu jarayonda ishtirok etishni rejalashtirganini ma’lum qilgan edi.

Sentabr oyida davlat aktivlarini boshqarish agentligi, sotuvchilar hamda 8 kompaniyadan arizalar qabul qilganini, ulardan 6 tasi keyingi bosqichga o‘tganini e’lon qildi.

Bu bosqichda nomzodlar moliyaviy va boshqa ma’lumotlarni diqqat bilan tekshirgan yoki ularga oid chuqur o‘rganish ishlari olib borgan.

O‘zbekistonda «Bolalarni zo‘ravonlikning barcha shakllaridan himoya qilish to‘g‘risida»gi yangi qonun (O‘RQ–996-son, 14.11.2024 y.) qabul qilindi.

Hujjatda bolalarga nisbatan zo‘ravonlikning bir qancha turlari qayd etilgan.

Masalan, jismoniy, jinsiy, ruhiy zo‘ravonlik, g‘amxo‘rlik ko‘rsatmaslik, ekspluatatsiya qilish, ta’qib etish (bulling) — ya’ni shaxsga nisbatan davomli ravishda psixologik, og‘zaki yoki jismoniy zo‘ravonlik qilinishi, uni tahqirlash, masxara qilish yoki qo‘rqitish.  

Davlat bolalarni himoya qilish uchun huquqiy, ma’muriy, ijtimoiy va iqtisodiy chora-tadbirlarni ko‘radi. Jumladan, zo‘ravonlikdan jabrlanganlarga himoya orderi berish tartibi joriy etiladi.

Himoya orderi:

Himoya orderi ichki ishlar organlari tomonidan berilib, zo‘ravonlikdan jabrlanuvchiga yoki uning qonuniy vakiliga vakolatli davlat organi ishtirokida topshiriladi...

Afsonaviy Mayk Tayson bloger Jeyk Polga qarshi jangda ochkolar hisobida mag‘lubiyatga uchradi. Jang Netflix tomonidan jonli efirda taqdim etildi.

Boks faxriysi Mayk Tayson va bloger Jeyk Pol o‘rtasida jang to‘liq 8 raund davom etdi. Hakamlar jangni Polning foydasiga 80-72, 79-73, 79-73 deya baholadi.

Umumiy hisob-kitoblarga ko‘ra ushbu g‘alaba Polning karyerasidagi 11-g‘alabasi bo‘ldi. «Temir» Mayk esa o‘zining yettinchi mag‘lubiyatini qabul qildi.

Eslatib o‘tamiz, avvalroq Kursiv Uzbekistan Tayson va Pol o‘rtasidagi jang bo‘yicha mutaxassis fikrini o‘rgangan edi.

Hozircha rasman taqdim etilmagan Samsung Galaxy S25 Geekbench’da sinovdan o‘tkazildi, natijada operativ xotira hajmi oshgani ma’lum bo’ldi. Bu haqda Sammobile xabar berdi.  

Galaxy S24’da 8 GB bo‘lgan operativ xotira hajmi, endilikda Galaxy S25’da 12 GB’ni tashkil etadi.

Qayd etilishicha, xotira hajmining 50 foizga oshishi interfeysning silliq ishlashiga, resurs talab qiladigan ilovalar va sun’iy intellekt funksiyalarining ishiga ijobiy ta’sir qiladi.

Bundan tashqari, Galaxy S25 SM-S931N katalog raqami bilan Janubiy Koreya bozori uchun benchmark sinovidan o‘tkazildi.

Dastlabki ma’lumotlar va Geekbench sinovi natijalariga ko‘ra, Galaxy S25 Plus ham xuddi shunday 12 GB operativ xotiraga ega bo‘ladi. Galaxy S25 Ultra esa...

O‘zbekiston prezidenti yordamchisi Saida Mirziyoyeva 15-noyabr kuni talabalar bilan uchrashdi.

Prezident yordamchisi hamda talabalar o‘rtasida ochiq va samimiy muloqot bo‘lib o‘tdi. 

«Yoshlarni tinglash nihoyatda muhim, chunki umumiy kelajagimizni aynan ular barpo etadilar», – dedi Mirziyoyeva.

Uchrashuv davomida dolzarb masalalar muhokama qilindi, g‘oyalar o‘rtoqlashildi va fikr almashildi.

Eslatib o‘tamiz, avvalroq Kursiv Uzbekistan Saida Mirziyoyeva Qatar va Marokash malikalari bilan birga nufuzli moda tadbirida ishtirok etgani haqida xabar bergan edi.

15-noyabr holatiga ko‘ra, AQSh davlat qarzi tarixda birinchi marta 36 trillion dollardan oshdi. Bu haqda Debt Clock xizmatining ma’lumotlariga tayanib, Report Az axborot agentligi ma’lum qildi.

Unga ko‘ra, yanvar oyida qarz miqdori $34 trln.dan oshgan edi.

Ekspertlar va siyosatchilar qarzning o‘sishida Jo Bayden ma’muriyatining iqtisodiy siyosatini tanqid qilmoqda. Xalqaro valyuta jamg‘armasi esa 2032-yilga borib davlat qarzi YaIMning 140 foiziga yetishi mumkinligini ta’kidlab, bunday holat global iqtisodiyot uchun xavf tug‘dirishini qayd etgan.

AQSh Kongressi Budjet byurosi 2034-yilga borib qarz hajmi $50 trlndan oshishini prognoz qilmoqda. Mutaxassislar ushbu masalani zudlik bilan hal qilish lozimligini ta’kidlashmoqda.

Eslatib o‘tamiz, O‘zbekistonning davlat qarzi...

Surxondaryo viloyati hokimi Ulug‘bek Qosimov investitsiya va eksport masalalari bo‘yicha taqdimotlarni o‘rgandi. Bu haqda Surxondaryo viloyat hokimligi matbuot xizmati ma’lum qildi.

Unga ko‘ra, taqdimot davomida 2025-yilda Termizda $281,9 mln.lik 50 ta loyiha amalga oshirilishi va 1850 ish o‘rni yaratilishi rejalashtirilgani bildirildi.

Viloyatdagi bojxona postlari faoliyatini yaxshilash va eksportni oshirishga qaratilgan «Eksport uchun uch qadam» tizimi haqida ham ma’lumot berildi. Hokim investitsiyalarni samarali yo‘naltirish, eksport ko‘rsatkichlarini oshirish va tashkilotlararo hamkorlikni kuchaytirish bo‘yicha topshiriqlar berdi.

Shuningdek, zamonaviy mehmonxona, qurilish materiallari ishlab chiqarish, mebel tayyorlash va qishloq xo‘jaligi mahsulotlarini eksport qilish bo‘yicha yangi loyihalar tanishtirildi. Bu sa’y-harakatlar viloyat iqtisodiy rivojlanishiga katta hissa...

Eron hukumati ayollarning jamoat joylarida boshini o‘rashini talab qiluvchi qat’iy hijob qonunlariga rioya qilishdan bosh tortgan ayollar uchun mamlakatda maxsus klinikalar ochilishini e’lon qildi. Bu haqda Iran International ma’lum qildi.

Unga ko‘ra, klinikada hijob o‘rashni bosh tortgan ayollarga psixologik yordam ko‘rsatiladi.

Birinchi «Hijob kiyishni istamagan ayollarga yordam berish va davolash klinikasi» tashkil etilgani haqida Tehrondagi ezgulikni targʻib qilish va oldini olish boʻyicha bosh qarorgohi ayollar va oila boʻlimi boshligʻi Mehri Tolebi Darestoniy e’lon qildi. Uning so‘zlariga ko‘ra, ushbu muassasada kiyinish qoidalarini buzgan ayollarga ilmiy va psixologik muolajalar beriladi.

Klinikalar haqidagi e’lon hijob to‘g‘risidagi qonunni buzgani uchun kampus qo‘riqchilari tomonidan...

15-noyabr kuni Shavkat Mirziyoyev energiya ta’minoti va samaradorlikni oshirishga bag‘ishlangan yig‘ilish o‘tkazdi. Bu haqda davlat rahbari matbuot xizmati ma’lum qildi.

Unga ko‘ra, yig‘ilishda sohadagi muammolar va kelgusidagi vazifalar muhokama qilindi.

Shuningdek, aholi va iqtisodiyot talablarini qondirish uchun gaz yetkazib berish hajmi oshirilgani, tarmoqlarning modernizatsiyasi va energiya samaradorligi natijasida yo‘qotishlar kamaygani ta’kidlandi. Bu qishda iste’molchilarga 21 mlrd kub metr gaz yetkazish rejalashtirilgani ma’lum qilindi.

Gaz tarmoqlarini yangilashda raqamlashtirish va xususiy sheriklikning ahamiyati qayd etilib, ushbu jarayonlarni tezlashtirishga doir topshiriqlar berildi. Xalqaro moliya bozoridan mablag‘ jalb qilish va transformatsiyani amalga oshirish uchun xorijiy kompaniyalarni jalb etish masalasi muhimligi aytib o‘tildi.

Yig‘ilishda...