Yangiliklar

Xitoyda Zeekr kompaniyasi tomonidan yangilangan Zeekr 7X elektromobili rasman taqdim etildi. Model uch xil versiyada sotuvga chiqadi, narxlar $32,3 mingdan boshlanadi.

Bazaviy versiya orqa g‘ildirakdan tortish tizimiga ega, 370 kVt quvvat ishlab chiqaradi. U 100 km/soat tezlikka 5,4 soniyada chiqadi. Uning yurish masofasi 620 km (CLTC). O‘rta komplektatsiya $35,1 ming turadi, 802 km masofani bosib o‘tadi va 5,1 soniyada tezlanadi.

Eng kuchli Ultra versiya $37,9 mingdan boshlanadi. 795 ot kuchi, to‘liq yurish tizimi, pnevmatik osma (balandligi 230 mm) va 100 km/soat tezlikka 2,98 soniyada chiqadi.

900 voltli yangi tizim tufayli batareyani 10 dan 80 foizgacha atigi 10 daqiqada quvvatlash...

O‘zbekiston terma jamoasi va «Istanbul Bashakshehir» klubi hujumchisi Eldor Shomurodov Turkiya Superligasining 10-tur ramziy jamoasidan joy oldi.

Shomurodov «Alaniyaspor»ga qarshi uchrashuvda dublni rasmiylashtirdi. SofaScore portali futbolchini 8,7 ball bilan baholadi.

Shuningdek, tur jamoasiga «Galatasaroy» vingeri Leroy Sane (7.9), «Fenerbahche» a’zosi Taliska (9.2) va Eldorning jamoadoshi Da Kosta (8.3) ham kiritilgan. Sane «Gyoztepe»ga qarshi bahsda ancha faol harakat qilib, jamoasi g‘alabasiga munosib hissa qo‘shdi. Taliska esa «Gaziantep»ga qarshi uchrashuvda dubl qayd etdi.

To‘purarlar ro‘yxatida ham o‘zgarishlar bor. «Fenerbahche» hujumchisi Yusuf En-Nesiri «Gaziantep» darvozasiga ikki gol kiritib, chempionatdagi gollari sonini 6 taga yetkazdi. Marokashlik hujumchi bu orqali Eldor va Mauro Ikardiga...

Qurilish sohasidagi nazorat inspeksiyasi «Injener Servis» xususiy korxonasi litsenziya talablari va shartlarini buzganini ma’lum qildi. Bu haqda Qurilish va uy-joy kommunal xo‘jaligi vazirligi xabar berdi.

Tekshiruvlar davomida korxona Jizzax shahridagi Kimyogar mahallasida joylashgan olti qavatli turarjoy binosining loyiha hujjatlarini shaharsozlik qoidalariga zid tarzda tayyorlagani aniqlangan.

Qonunchilikka ko‘ra, bunday obyektlar III murakkablik toifasiga kiradi, ammo korxona faqat II toifali obyektlarga loyiha tayyorlash huquqiga ega bo‘lgan. Shunga qaramay, korxona o‘z vakolatidan oshib ish bajargan.

Bu holat litsenziya talablarini «qo‘pol ravishda buzish» deb baholanib, vazirlik tomonidan korxonaga nisbatan litsenziyani bekor qilish bo‘yicha sudga murojaat qilingan. Jizzax tumanlararo iqtisodiy sudi qaroriga ko‘ra, korxonaga...

Toshkent viloyatining Qibray tumanida joylashgan avtomobillarga gaz quyish shoxobchasi tabiiy gazdan noqonuniy foydalangani aniqlandi. Bu haqda Energetika vazirligi xabar berdi.

O‘tkazilgan tekshiruvda shoxobchada hisoblagichdagi toraytiruvchi qurilma tartibi o‘zgartirilgani ma’lum bo‘ldi. Bu orqali gaz sarfini yashirish yo‘li bilan tizimdan noqonuniy foydalanib kelingan. Dastlabki hisob-kitoblarga ko‘ra, davlat gaz ta’minoti korxonasiga deyarli olti milliard so‘mlik zarar yetkazilgan.

Hozirda huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

Avvalroq Chust tumanidagi «zapravka»da sodir bo‘lgan chaqnash oqibatida bir kishi halok bo‘lgani xabar qilingandi. Xabar berilishicha, hodisa 2025-yil 25-oktabr kuni soat 18:47 da sodir bo‘lgan. Voqea joyiga uchta yong‘in-qutqaruv bo‘linmasi yetib borgan...

Janubiy Koreyada Samsung Galaxy S25+ o‘z-o‘zidan yonib ketgani aytilmoqda. Bu haqda R1.community.samsung saytida ma’lum qilindi.

Qurilma egasi voqea paytida telefon qo‘lida qizib, g‘alati shovqin chiqqach, uni polga tashlaganini aytgan. Shundan so‘ng smartfon yonib ketgan.

Foydalanuvchi Samsung kompaniyasining rasmiy forumida yonib ketgan telefonning suratlarini ham joylagan. Unga ko‘ra, telefon odatdagi ishlatish paytida qizib ketgan.

Samsung servis markazida mutaxassislar yong‘in sababi aniq emasligini bildirgan. Shunga qaramay, kompaniya foydalanuvchiga qurilma qiymatini to‘liq qaytarib bergan.

Hozircha Samsung kompaniyasi bu holat yuzasidan rasmiy izoh bermagan.

Eslatib o‘tamiz, Kursiv Uzbekistan nashri 2025-yil kuzida xarid qilishga arziydigan 5 ta smartfon haqida yozgan edi.

2025-yilning yanvar – sentabr oylarida O‘zbekiston xorijga qiymati qariyb $1,5 milliardga teng 1,6 million tonna meva-sabzavot eksport qildi. Bu haqda Milliy statistika qo‘mitasi ma’lum qildi.

Qo‘mitaga ko‘ra, bu ko‘rsatkich o‘tgan yilning shu davriga nisbatan 111,5 ming tonna yoki 7,5 foizga ko‘p bo‘lib, jami eksportdagi ulushi 5,5 foizni tashkil etdi.

Eksport tarkibida meva va rezavorlar 456,1 ming tonna, sabzavotlar 504,4 ming tonna, tarvuz va qovun 229,2 ming tonna, yeryong‘oq va yong‘oqlar 17,7 ming tonna, mosh 36,4 ming tonna, qolgan 362,5 ming tonna esa boshqa mahsulotlardan iborat bo‘lgan.

Avvalroq Oʻzbekistonning tashqi savdo hajmi 2025-yilning yanvar – sentabr oylarida $59,8 milliardni tashkil...

Xorazm viloyatining Yangiariq tumanida 1,6 milliard so‘mlik noqonuniy elektron tamaki mahsulotlari savdosi fosh etildi. Bu haqda Bosh prokuratura huzuridagi departament xabar berdi.

Unga ko‘ra, do‘kon sotuvchisi xaridorga xorijda ishlab chiqarilgan uch dona elektron tamaki mahsulotini 800 ming so‘mga sotayotgan vaqtda qo‘lga olindi. Departament o‘tkazgan tadbir davomida Urganch shahridagi Islomobod mahallasida joylashgan uydan hujjatsiz 32 turdagi, jami 8,4 ming dona elektron tamaki, nikotinli yostiqchalar va nikotinli suyuqliklar topildi.

Holat yuzasidan Jinoyat kodeksining 186-1-moddasi – tamaki mahsulotlarini qonunga xilof ravishda muomalaga kiritish bo‘yicha jinoyat ishi qo‘zg‘atildi va tergov harakatlari olib borilmoqda.

Avvalroq Norin tumanida uch mingdan ortiq aksiz markasiz tamaki...

BMW Group kompaniyasi yangi BMW M3 Touring Edition modelini rasman taqdim etdi. Avtomobilning Xitoydagi premyerasi 1-noyabr kuni BMW M Carnival tadbirida bo‘lib o‘tadi.

Yangi M3 Touring o‘rta o‘lchamli universal kuzovda ishlab chiqilgan. U avvalgi M3 modelidan kattaroq yukxona hajmi va kuchliroq texnik ko‘rsatkichlari bilan farq qiladi. Mashinaga 3,0 litrli, qatorli, ikki turbinali 6 silindrli dvigatel o‘rnatilgan bo‘lib, u 0 dan 100 km/soatgacha 3,6 soniyada tezlashadi.

Avtomobil sport uslubidagi yangi ko‘p funksiyali M rul, qora rangli havo deflektorlari va 12,3 hamda 14,9 dyuymli displeylar bilan jihozlangan. Boshqaruv tizimi sifatida iDrive 8.5 versiyasi o‘rnatilgan.

Standart versiya orqa g‘ildirakdan tortuvchi bo‘lib...

O‘zbekiston prezidenti Shavkat Mirziyoyevning taklifiga binoan 28-oktabr kuni Serbiya prezidenti Aleksandr Vuchich rafiqasi hamrohligida rasmiy tashrif bilan O‘zbekistonga keldi. Bu haqda UzA xabar berdi.

Oliy martabali mehmonni Toshkent xalqaro aeroportida O‘zbekiston bosh vaziri Abdulla Aripov va boshqa rasmiy shaxslar kutib oldi.

Tashrif dasturiga muvofiq, Toshkent shahrida muzokaralar o‘tkazilishi rejalashtirilgan. Unda O‘zbekiston va Serbiya o‘rtasidagi siyosiy, savdo-iqtisodiy, investitsiyaviy va madaniy-gumanitar sohalardagi hamkorlikni yanada rivojlantirish istiqbollari muhokama qilinadi.

Shuningdek, prezident Aleksandr Vuchich shu hafta Samarqand shahrida bo‘lib o‘tadigan YUNESKO Bosh konferensiyasining 43-sessiyasida ham ishtirok etadi.

Avvalroq Kursiv Uzbekistan Saida Mirziyoyeva AQSh prezidentining Markaziy Osiyo bo‘yicha maxsus vakili va davlat kotibi o‘rinbosari...

UzAuto Motors yangi Chevrolet Damas Move va Damas Max avtomobillari ishlab chiqarilishini ma’lum qildi. Autostrada nashrining yozishicha, bu versiyalar Wuling Hongguang V platformasiga asoslanishi mumkin.

Zavoddagi ishlab chiqarish jarayoni Xorazm viloyatida yo‘lga qo‘yiladi. Eng muhimi, yangi model ishlab chiqarilishi bilan birga avvalgi Damas versiyasi ham ishlab chiqarishda qoladi. Bu esa xaridorlarga klassik model va zamonaviy variant o‘rtasida tanlov imkonini beradi.

Damas Move va Damas Max modellaridan nimalarni kutish mumkin

Yangi avlod Damas kichik biznes va shaxsiy foydalanish ehtiyojlarini inobatga olgan holda ishlab chiqilgan. Model o‘lchamlari kattalashgan, ichki qismi kengaytirilgan va qulaylik darajasi oshirilgan.

Chevrolet Damas’ning...

28-oktabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan mikroqarzlar bo‘yicha o‘rtacha foiz stavkasi 32,9 foizni tashkil qilmoqda. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 23,4 foizni, yuridik shaxslar ulushi esa 23,5 foizni ko‘rsatmoqda.

Bunda eng yuqori foiz stavkasi quyidagi banklarda qayd etilgan:

Eng past mikroqarz foiz stavkalari quyidagi banklarda:

Turkiya futbol federatsiyasi (TFF) prezidenti Ibrohim Xadjiosmanog‘lu Istanbulda o‘tkazilgan matbuot anjumanida mamlakat futbolida yuzaga kelgan bukmekerlik mojarosi yuzasidan bayonot berdi. Bu haqda Daily Sabah xabar berdi.

Uning so‘zlariga ko‘ra, professional ligalarda faoliyat yuritayotgan 571 hakamdan 371 nafari bukmekerlik kompaniyalarida o‘z hisobiga ega, 152 nafari esa faol tarzda o‘ynagan. Ayrim holatlarda tranzaksiyalar soni o‘n minglab operatsiyalarga yetgan. Mazkur holat TFF tomonidan moliyaviy regulyatorlar bilan hamkorlikda olib borilgan keng qamrovli ichki tergov natijasida aniqlangan.

«Futbolimizni korrupsiyaning har qanday soyasidan tozalaymiz. Hech kimga imtiyoz bo‘lmaydi», – dedi TFF prezidenti.

U, shuningdek, Superliga darajasidagi yetti nafar hakam ham intizomiy...

Toshkentda 17 milliard so‘mlik QQS bilan bog‘liq firibgarlik fosh etildi. Bu haqda Davlat xavfsizlik xizmati xabar berdi.

Unga ko‘ra, Toshkent shahrida transport va logistika xizmatlari ko‘rsatuvchi MChJda hisobchi bo‘lib ishlayotgan shaxs bo‘yoq ishlab chiqaruvchi MChJning 17 milliard so‘mlik qo‘shilgan qiymat solig‘i (QQS) summasini qaytarish evaziga $35 ming talab qilgan.

U ilgari soliq idoralarida ishlagan bo‘lib, sobiq hamkasblari orqali korxonaning QQS guvohnomasini qayta faollashtirib berishni va manfiy farq summasini qaytarib olishni va’da qilgan.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari o‘tkazgan tezkor tadbirda u korxona rahbaridan $20,5 ming olayotgan paytda qo‘lga olingan.

Holat yuzasidan hisobchi va...

Rossiyaning yirik neft kompaniyasi «Lukoyl» AQSh Moliya vazirligining sanksiyalari fonida o‘zining xorijdagi aktivlarini sotish jarayonini boshladi. Kompaniya allaqachon potensial xaridorlardan takliflarni qabul qilmoqda.

Rasmiy bayonotda ta’kidlanishicha, aktivlar sotilishi AQSh Moliya vazirligi huzuridagi Tashqi aktivlarni nazorat qilish boshqarmasi (OFAC) tomonidan berilgan litsenziya doirasida amalga oshirilmoqda. Zarurat tug‘ilganda kompaniya litsenziyani uzaytirish uchun qayta murojaat qilishni rejalashtirgan.

OFAC «Lukoyl» va «Rosneft» kompaniyalariga xorijdagi obyektlarda tovar va xizmatlar xarid qilishni 22-noyabrgacha davom ettirishga ruxsat bergan. Sanksiyalar ushbu kompaniyalar tarkibidagi 50 foizdan ortiq ulushga ega shuba korxonalarga ham tatbiq etilgan.

Avvalroq Kursiv Uzbekistan Xitoy sanksiyalar tufayli Rossiya neftini sotib olishni to‘xtatgani haqida xabar...

Turkiyaning g‘arbiy qismida, Balikesir viloyatining Sindirgi shahrida 6,1 magnitudali zilzila sodir bo‘ldi. Bu haqda NDTV ma’lum qildi.

Zilzila 28-oktabr kuni soat 22:48 da 6 kilometr chuqurlikda yuz bergan, Istanbul, Bursa, Manisa va Izmir viloyatlarida ham sezilgan. Mahalliy OAV xabariga ko‘ra, ayrim binolar shikastlangan, biroq halok bo‘lganlar haqida hozircha ma’lumot yo‘q.

Avgust oyida ham xuddi shu hududda shunday kuchli zilzila sodir bo‘lib, bir kishi halok bo‘lgan va o‘nlab odamlar jarohat olgan edi. So‘nggi oylar davomida Balikesir atrofida bir necha kichik silkinishlar qayd etilgan.

Ma’lumot uchun, Turkiya yirik tektonik uzilishlar ustida joylashgan mamlakat bo‘lgani sababli bu hududda zilzilalar tez-tez ro‘y beradi...

Xitoyning IM Motors kompaniyasi tomonidan yangi avlod IM LS9 EREV gibrid modelining oldindan savdosi 4-noyabrdan boshlandi. Bu haqda CarNewsChina xabar bermoqda.

Ta’kidlanishicha, rasmiy taqdimot esa yil oxirigacha o‘tkazilishi kutilmoqda. IM LS9 olti o‘rindiqli, kvadrat shakldagi dizayn bilan ishlab chiqilgan. Old faralari L shaklida bo‘lib, ularni yagona yorug‘lik chizig‘i bog‘lab turadi. Avtomobil yashirin eshik tutqichlari, 20 – 22 dyuymli disklari va ixtiyoriy Brembo tormoz kaliperlari bilan jihozlangan.

Model Lizard Digital Chassis 3.0 tizimiga ega bo‘lib, 24° burchakda to‘liq g‘ildiraklar burilishini ta’minlaydi. Shuningdek, avtomobil 150 mm ikki kamerali havo osmasi tizimiga ega.

O‘lchamlari ham qulay. Uzunligi 5279 mm, eni 2000 mm...

Londonning «Arsenal» klubiga qarshi kechgan uchrashuvda safdan chiqqan O‘zbekiston milliy terma jamoasi va «Manchester Siti» himoyachisi Abduqodir Husanov bir oydan keyin jarohatdan qutulib, mashg‘ulotlarga qaytdi.

Himoyachi 29-oktabr kuni Angliya Ligasi kubogi doirasida «Suonsi Siti»ga qarshi maydonga qaytishi mumkin. Bu Pep Gvardiola Husanovning holatini ko‘rib olishi uchun yaxshi imkoniyat.

Abduqodir uchun bu juda muhim mavsum. Nafaqat klubi darajasida, balki Jahon chempionatiga tayyorgarlik ko‘rayotgan milliy terma jamoa uchun ham Husanov asosiy figuralardan biri sanaladi.

21 yoshli futbolchi jarohati sabab sentabr va oktabr oylaridagi milliy terma jamoa yig‘inlarini o‘tkazib yubordi. «Manchester Siti»ga ham uning yo‘qligi sezildi. «Aston Villa»ga qarshi bahsda «Shaharlklar» g‘alabali...

Ijtimoiy tarmoqlarda bloger Sanjar Karimov (Real Sanjik) bolalar uyi uchun tekin uy berish niyati bilan chiqish qilgani muhokamalarga sabab bo‘ldi. Ijtimoiy himoya milliy agentligining Toshkent shahar boshqarmasi holat bo‘yicha rasmiy munosabat bildirdi.

Ma’lum bo‘lishicha, bloger 24-oktabr kuni 22-sonli «Mehribonlik» uyiga tashrif buyurib, Shayxontohur tumanidagi uyini bolalar uyi ehtiyojlari uchun tekin berish haqida ariza topshirgan. Ammo muassasa rahbari unga bu kabi uylar to‘liq davlat ta’minotida ekanini tushuntirgan.

«Ota-ona qaramog‘idan mahrum bo‘lgan bolalar davlat tomonidan belgilangan tartibda uy-joy, ovqatlanish, kiyim-kechak, ta’lim va tibbiy xizmat bilan ta’minlanadi. Shuningdek, turarjoyni topshirishga oid notarial tasdiqlangan hujjatlar taqdim etilmagan...

Litva hukumati Belarus tomonidan havo hududining doimiy ravishda «buzilishi» sababli ikki davlat o‘rtasidagi chegarani yopdi. Bu haqda CNN agentligi ma’lum qildi.

Litva bosh vaziri Inga Ruginienening so‘zlariga ko‘ra, so‘nggi kunlarda Belarus tomondan o‘nlab geliy sharlar mamlakat osmoniga kirib kelgan.

Ruginiene bu holatni Yevropa Ittifoqi va NATOga nisbatan gibrid tahdid deb atab, qat’iy javob berishga chaqirdi. U, shuningdek, sharlarni urib tushirish uchun qurolli kuchlarga topshiriq berilganini aytdi.

Belarus esa bu qarorga norozilik bildirib, Litvaga nota yo‘lladi va fuqarolarning erkin harakatlanish huquqi buzilganini ta’kidladi.

So‘nggi oylar davomida Belarusdan kontrabanda sigaretalar tashuvchi kichik havo sharlarining ham Litva hududiga kirgani qayd etilgan. Yevropa...

O‘zbekistonda oltin quymalar narxi keskin pasayishni davom etmoqda. Bu haqda Markaziy bank axborot xizmati xabar berdi.

28-oktabr holatiga ko‘ra, narxlar barcha toifadagi quymalar bo‘yicha tushdi. Xususan, 5 grammli quyma 8,173 mln so‘mdan 7,967 mln so‘mga, 10 grammli quyma 16,346 mln so‘mdan 15,934 mln so‘mga, 20 grammli quyma 32,693 mln so‘mdan 31,867 mln so‘mga pastladi.

Shuningdek, 50 grammli quyma 79,668 mln so‘m, 100 grammli esa 159,336 mln so‘mni tashkil etdi.

Jahon bozorida ham oltin narxi pasayishni davom etmoqda. Xususan, 28-oktabr kuni Toshkent vaqti bilan soat 10:20 holatiga ko‘ra, jahon bozorida oltinning spot narxi bir troya unsiyasi uchun $3972,57 ni tashkil etdi.

Eslatib...

Honor Magic 8 Ultra smartfoni haqida dastlabki texnik ma’lumotlar oshkor qilindi. Bu haqda Gizmochina xabar berdi.

Yangi smartfon Snapdragon 8 Elite Gen 5 protsessori bilan jihozlanadi. Qurilma 6,7 dyuymli LTPO OLED displeyga ega bo‘lib, 1,5K o‘lchamda tasvir beradi. Ekran yon tomondan egilgan, ultratovushli barmoq izi skaneri va 3D yuzni aniqlash tizimi o‘rnatiladi.

Asosiy kamera tizimi 50 megapikselli OmniVision OV50R sensori asosida ishlaydi. Ushbu sensor yuqori dinamik diapazonga ega va 2026-yilning birinchi choragida ommaviy ishlab chiqarishga kirishi kutilmoqda. Shuningdek, smartfon 200 megapikselli periskop teleobyektivga ega bo‘ladi, u 4,3 – 7 martagacha optik zumni ta’minlaydi.

Honor Magic 8 Ultra MagicOS...

O‘zbekiston Tashqi ishlar vaziri Baxtiyor Saidov Serbiyaning O‘zbekistondagi yangi tayinlangan Favqulodda va muxtor elchisi Momchilo Babichdan ishonch yorliqlarini qabul qildi. Bu haqda vazir o‘z Telegram kanalida ma’lum qildi.

«Ikki davlat o‘rtasida siyosiy, iqtisodiy, madaniy va boshqa sohalardagi do‘stlik va hamkorlik rishtalarini yanada mustahkamlashga o‘zaro tayyorligimizni bildirdik», – deya qayd etgan Baxtiyor Saidov.

Vazir yangi elchiga mamlakatlar o‘rtasidagi munosabatlarni chuqurlashtirish yo‘lidagi mas’uliyatli faoliyatida muvaffaqiyatlar tiladi.

Avvalroq O‘zbekistonning Iroqda yangi tayinlangan Favqulodda va muxtor elchisi Ayubxon Yunusov mamlakat prezidenti Abdullatif Rashidga ishonch yorliqlarini topshirgani xabar qilingandi. Tantanali marosimdan so‘ng Iroq prezidenti O‘zbekiston rahbari Shavkat Mirziyoyev bilan avvalgi uchrashuvlarini iliq so‘zlar bilan esladi va ikki...

OnePlus kompaniyasi tomonidan yangi OnePlus Tablet 2 plansheti rasman taqdim etildi. Bu haqda ITHome nashri xabar bermoqda.

Qurilma OnePlus 15 va OnePlus Ace 6 smartfonlari bilan birgalikda namoyish qilindi.

Yangi planshet uch xil versiyada sotuvga chiqadi:

OnePlus Tablet 2 12,1 dyuymli 3K displey (3000×2120 piksel) bilan jihozlangan. Ekran yorqinligi 900 nitgacha, yangilanish chastotasi esa 144 Hz.

Planshet MediaTek Dimensity 9400+ protsessori asosida ishlaydi. Qurilma sovitish tizimi maydoni 46 600 mm² bo‘lib, korpus qalinligi atigi 5,99 mm, og‘irligi esa 579 grammni tashkil etadi.

Model qutidan Android...

Xalqaro valyuta jamg‘armasi (XVJ)ning oktabr oyidagi hisobotida qayd etilishicha, 2026-yilda global iqtisodiyot ehtiyotkor o‘sish va noaniqlik davriga kiradi. Hisobotda jahon iqtisodiy rivojlanishi fragmentatsiya va proteksionizmning kuchayishi sabab sekinlashayotgani ta’kidlangan.

XVJ mutaxassislariga ko‘ra, asosiy xavf omillari sifatida texnologik kompaniyalar aksiyalarining haddan tashqari baholanishi va davlat institutlari mustaqilligining susayishi ko‘rsatib o‘tilgan.

Tashkilot reytingi mamlakatlarning nominal yalpi ichki mahsuloti (YIM) asosida shakllantirilgan bo‘lib, har bir iqtisodiyotning jahon YIMdagi ulushini aks ettiradi.

Osiyo — yangi global iqtisodiy markaz

XVJ prognozlariga ko‘ra, 2026-yilda Osiyo dunyodagi eng yirik iqtisodiy mintaqaga aylanadi. Bunga Xitoy, Yaponiya va Hindistonning ulushi sabab bo‘ladi. Mintaqa jami YIM hajmi bo‘yicha...