Yangiliklar

BAAning Emirates aviakompaniyasi o‘z to‘lov tizimlariga Crypto.com Pay platformasini integratsiya qilish bo‘yicha kelishuvga erishdi. Ushbu tizim 2026-yildan boshlab joriy etilishi kutilmoqda.

Kelishuv memorandumi Emirates Group raisi Shayx Ahmad bin Said Al Maqtum, kompaniya bosh moliyaviy xodimi Maykl Dorsam, tijorat ishlari bo‘yicha vitse-prezident Adnan Kazim hamda Crypto.com BAA prezidenti Muhammad Al Hakim ishtirokida imzolandi.

«Emirates mijozlarimizning o‘zgaruvchan istaklarini inobatga olgan holda kriptovalyutalarni to‘lov tizimiga qo‘shishga intilmoqda. Bu nafaqat texnologiyani qadrlovchi yosh avlod uchun qulaylik, balki Dubayning moliyaviy innovatsiyalar markaziga aylanish maqsadiga ham xizmat qiladi», – dedi Adnan Kazim ushbu hamkorlik haqida.

Ushbu hamkorlik doirasida Emirates...

Andijon va Surxondaryoda soliq inspektorlari ustidan ish ochildi. Bu haqda Davlat xavfsizlik xizmati xabar berdi.

Ma’lum bo‘lishicha, Andijon viloyati Soliq boshqarmasi tadbirkorlikni qo‘llab-quvvatlash – xizmat ko‘rsatish bo‘limi bosh inspektori mansab mavqeyidan foydalangan. U Oltinko‘l tumanida radio va teleapparaturalar savdosi bilan shug‘ullanuvchi MChJga katta miqdorda soliq hisoblanishi va tekshiruv o‘tkazilishini aytgan. Shundan so‘ng, Soliq boshqarmasidagi hamkasblari orqali ushbu tekshiruvni o‘tkazmaslikni va’da qilib, evaziga $3 ming talab qilgan va dastlab uning $500 ni olgan. U qolgan $2,5 mingini olayotgan vaqtda ashyoviy dalillar bilan qo‘lga olingan.

Ikkinchi holatda Surxondaryo viloyati Soliq boshqarmasi Soliq organlari faoliyatini nazorat qilish bo‘limi bosh inspektori Jarqo‘rg‘on...

10-iyuldan boshlab O‘zbekistonda ipoteka kreditlari bo‘yicha subsidiyalar olish uchun arizalar qabul qilish boshlandi. Bu haqda Iqtisodiyot va moliya vazirligi ma’lum qildi.

Arizani soat 9:00 dan boshlab my.gov.uz portali orqali yoki Davlat xizmatlari markazlariga borib topshirish mumkin. Subsidiyani olish uchun ijtimoiy mezonlarga ko‘ra, ball to‘plash talab etiladi. Ballar arizachining daromadi, yoshi, oilaviy yoki ijtimoiy ahvoli va ish joyiga qarab belgilanadi. 2024-yildan boshlab subsidiya miqdori 30 mln so‘m qilib belgilangan.

Ballar taqsimoti quyidagicha:

Subsidiyalar miqdori

Quyidagi holatlarda subsidiya rad etiladi:

Chevrolet brendi mashhur Chevrolet Cruze modelini qayta tiklashiga oid xabarlar tarqaldi. Bu haqda Daily Motor xabar bermoqda.

Bu mashina 2008-yilda ilk bor ishlab chiqarilgan va o‘sha vaqtdan boshlab turli bozorlarda sedan va universal ko‘rinishida yaxshi sotilgan edi. Ammo 2023-yil oxirida u ishlab chiqarishdan to‘xtatildi.

Modelning xomaki tasvirlari tarqaldi. Biroq bu suratlardagi avtomobil Chevrolet’ga emas, balki ko‘proq Hyundai sedanlariga o‘xshab qolgan.

Dizayner Audi S3 va RS3 modellarining profilidan foydalangan, lekin old va orqa qismlarini Chevrolet Equinox EV dizaynidan ilhom olib mustaqil chizgan.

Yangi Cruze’ning old qismida ingichka faralar va ular orasidan o‘tuvchi xrom chiziq bor. Radiator panjarasi esa chuqur...

Sun’iy intellekt sohasida mashhur Hugging Face kompaniyasi kichik hajmli Reachy Mini robotlari uchun buyurtmalarni qabul qilishni boshladi. Bu haqda kompaniya rasmiy sahifasida e’lon qilindi.

Robot ikki modelda taqdim etilgan: Reachy Mini Wireless ($449) – simsiz versiya va Reachy Mini Lite ($299) – tashqi kompyuterga ulanadigan model.

Ikkala robot ham Python tilida dasturlanadi va Hugging Face Hub bilan integratsiyalangan. Ular sun’iy intellekt ishlab chiquvchilari uchun mo‘ljallangan bo‘lib, AI ilovalarni yaratish va sinovdan o‘tkazishga yordam beradi.

Lite versiyasi kelasi oyda yetkazib beriladi, simsiz modeli esa yil oxirida sotuvga chiqadi.

Eslatib o‘tamiz, avvalroq sun’iy intellekt texnologiyalari global pandemiya ehtimolini besh barobar oshirishi...

Perplexity kompaniyasi o‘zining birinchi sun’iy intellektli brauzeri – Comet’ni ishga tushirdi. Bu haqda Techcrunch nashri ma’lum qildi.

Brauzer hozircha Perplexity Max ($200/oy) tarifidagi foydalanuvchilarga va kutish ro‘yxatidagi ayrimlarga taqdim etilgan.

Comet’ning asosiy xususiyati – Perplexity AI qidiruv tizimi va Comet Assistant yordamchisi bo‘lib, u elektron pochta, taqvim va veb-ishlarni avtomatlashtirishga xizmat qiladi. Biroq u to‘liq ishlashi uchun foydalanuvchi hisoblariga keng ruxsat talab qiladi, bu esa maxfiylikka oid savollarni keltirib chiqarmoqda.

Comet kuchli raqobatchilar – Google Chrome, Safari va OpenAI’ning kelayotgan brauzeri fonida ishga tushirilmoqda. Shunga qaramay, Perplexity oyiga 780 mln so‘rov bilan o‘sishda davom etmoqda.

Eslatib o‘tamiz, avvalroq sun’iy...

Xitoy Long March 4C raketasi yordamida yangi Shiyan 28B01 sun’iy yo‘ldoshini orbitaga muvaffaqiyatli uchirdi. Bu haqda Space Daily ma’lum qildi.

Unga ko‘ra, kosmik parvoz Sichuan provinsiyasidagi Sichan kosmodromida mahalliy vaqt bilan 17:35 da amalga oshirildi.

Sun’iy yo‘ldosh Xitoy Fanlar akademiyasiga qarashli Shanxay mikroyo‘ldoshlar akademiyasi tomonidan ishlab chiqilgan. Uning vazifasi – kosmik muhitni o‘rganish va yangi texnologiyalarni sinovdan o‘tkazishdir.

Ushbu parvoz Xitoyning 2025-yildagi 37-orbital missiyasi bo‘lib, Long March raketalarining 583-uchirishidir. Shu vaqtga qadar Shanxay akademiyasi jami 174 ta sun’iy yo‘ldoshni orbitaga chiqargan.

Eslatib o‘tamiz, avvalroq Xitoy sun’iy yo‘ldoshlarga orbitada yonilg‘i quyishni sinovdan o‘tkazishga tayyorlanayotgani haqida yozgan edik.

Yangi iPhone 17 Air smartfoni bu yil kuzda chiqishi kutilmoqda va u to‘rtta rangda taqdim etiladi: qora, oq, och sariq va och ko‘k. Bu haqda ishonchli texnoinsayderlar Majin Bu va Fixed Focus Digital ma’lum qildi.

Yangi model Apple tarixidagi eng ingichka iPhone bo‘ladi. Biroq uning imkoniyatlari biroz qisqaroq: faqat bitta asosiy kamera, bitta dinamik va kichikroq akkumulyator bilan jihozlanadi.

Mazkur ranglar dizaynda yengillikka urg‘u beradi. Asosiy iPhone 17 esa taxminlarga ko‘ra, ancha yorqin ranglarda bo‘ladi.

Eslatib o‘tamiz, avvalroq iPhone 17 qanday ranglarda taqdim etilishi haqida yozgan edik.

10-iyul kuni O‘zbekiston bo‘ylab havo harorati kechasi 13-27°, kunduzi 21-39° atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev Toshkent va Yangi Toshkent uchun ishlab chiqilgan «yechimlar atlasi» taqdimoti bilan tanishdi. Bu haqda davlat rahbari matbuot xizmati ma’lum qildi.

Bu hujjat 2045-yilgacha mo‘ljallangan bosh rejaning mantiqiy davomi bo‘lib, shaharning tashqi qiyofasi, obodonlashtirish va infratuzilma standartlarini belgilaydi.

Atlas besh kitobdan iborat bo‘lib, unda jamoat joylarini loyihalash, yo‘lbo‘yi hududlarni obodonlashtirish, binolar fasadini yagona me’moriy uslubga keltirish bo‘yicha tavsiyalar keltirilgan.

Yangi yondashuvga ko‘ra, yo‘llar binodan binogacha tartibda quriladi, bu esa shahar muhitining yaxlitligini ta’minlaydi. Atlas barqaror rivojlanish va milliy kolorit uyg‘unligini ko‘zda tutadi.

Taqdimotda shahar qiyofasini yaxshilash, yashash sifatini oshirish, arxitektura va madaniyat uyg‘unligini ta’minlash bo‘yicha vazifalar belgilandi.

Eslatib...

Braziliyada Chevrolet Onix va Onix Plus modellarining yangilangan versiyasi namoyish etildi. Bu haqda Kolesa nashri xabar bermoqda.

Xetchback (5 eshikli va salon bilan umumiy yukxonaga ega avtomobil turi) va sedan biroz tashqi o‘zgartirishlarni olgan. Old bamper va radiator panjarasi yangilandi. Faralarda L-shaklidagi LED kunduzgi chiroqlar qo‘shilgan. Qimmat versiyalarda to‘liq LED optika, oddiylarida esa halogen chiroqlar mavjud.

Sedan orqa chiroqlari «yarim shaffof» holda taqdim etildi, xetchback esa yangi chiroq dizaynini olgan.

Chevrolet Onix RS sport versiyasi ham saqlanib qolgan bo‘lib, unda qora detal, yirik spoyler va 16 dyuymli disklar mavjud.

Yangi multimedia tizimi endi 11 dyuymli sensorli ekran bilan ta’minlangan...

Jizzax viloyatining Sharof Rashidov tumani hokimligi mutasaddisi tadbirkordan $30 ming pora talab qilib, $10 mingni hokimga bergan paytda DXX tomonidan qo‘lga olindi.

Unga ko‘ra, hokimlik vakili tadbirkorga ko‘p qavatli uy qurilishi uchun ruxsat hujjatlarini taqdim etgan.

Qolgan $20 mingni olganida esa, hokim bilan birga yana qo‘lga olindi. Hokim deputatlik daxlsizligidan mahrum qilinib, unga Jinoyat kodeksining 210-moddasi, mutaxassisga esa 168 va 211-moddalar bilan ish qo‘zg‘atildi.

Sirdaryoda esa Guliston shahri prokurori o‘rinbosari tadbirkordan jinoyat ishini ijobiy hal qilish evaziga $10 ming pora olgan vaqtida DXX tomonidan ushlangan.

Unga nisbatan JKning 168 va 28, 211-moddalari bilan ish ochilib, har ikkala holatda ham...

Farg‘ona viloyatida qalbakilashtirilgan dori vositalarini ishlab chiqargan shaxslar aniqlandi. Bu haqda Bosh prokuratura departamenti ma’lum qildi.

Bosh prokuratura huzuridagi Departament va DXX xodimlari hamkorligida o‘tkazilgan tadbir davomida xususiy korxonasining Farg‘ona shahri va Toshloq tumanidagi dorixonalarida boshqa korxonaga tegishli yorliqlar bilan qadoqlangan 2081 dona «Natriy xlorid», «Metronidazol» va «Levofloksatsin» dorilari topildi.

Tekshiruv davomida MChJ rahbariga tegishli ruxsatnomalarsiz yashirin tarzda dori ishlab chiqargani fosh etildi. U Toshloq tumanidagi sexda yuqoridagi dori vositalarini ishlab chiqargan.

Mazkur holat yuzasidan Jinoyat kodeksining 186-3-moddasi asosida jinoyat ishi qo‘zg‘atilib, tergov ishlari olib borilmoqda.

Eslatib o‘tamiz, avvalroq Namanganda qalbaki valyuta savdosi fosh etilgan edi.

Telegram messenjerida xabarlarni avtomatik tarjima qilish funksiyasi yana qayta ishga tushmoqda. Bu haqda Telegram Info ma’lum qildi.

Ayni paytda bu imkoniyat barcha foydalanuvchilar uchun to‘liq mavjud emas.

Ba’zilar barcha xabarlarni bemalol tarjima qila olayotgan bo‘lsa, boshqalarda bu faqat ayrim chatlarda ishlamoqda. Ayrim foydalanuvchilarda esa ushbu funksiya hali ham umuman faollashmagan.

Shuningdek, butun suhbatni bir vaqtning o‘zida tarjima qilish funksiyasi ham hozircha to‘liq ishlamayapti. Telegram ushbu imkoniyatni to‘liq qayta tiklash ustida ishlamoqda.

Eslatib o‘tamiz, avvalroq Rossiyada Telegram bloklangan edi.

«Paxtakor» jamoasi 28 yoshli hujumchi Bobur Abduxoliqov bilan joriy yil oxirigacha mo‘ljallangan shartnoma imzoladi. Bu haqda klub rasmiy sahifasida ma’lum qilindi.

Abduxoliqov bungacha «Nasaf», «Rux» (Ukraina), «Energetik-BGU» (Belarus), «Ordabasi» (Qozog‘iston) va «Sumqayit» (Ozarbayjon) klublarida to‘p surgan.

U O‘zbekiston va Qozog‘iston chempionligini bir martadan qo‘lga kiritgan.

Klub rahbariyati Boburdan yuqori natijalar kutmoqda va uning jamoa sovrinlariga erishishida muhim o‘rin tutishiga umid bildirmoqda.

Eslatib o‘tamiz, avvalroq Rustam Ashurmatov Eronning «Istiqlol» klubiga o‘tgan edi.

Shavkat Mirziyoyev eng muammoli yo‘l uchastkalarini aniqlash maqsadida maxsus elektron portalni ishga tushirish topshirig‘ini berdi. Bu haqda prezident matbuot xizmati xabar qildi.

Endilikda tuman hokimlari va ichki ishlar bo‘limi rahbarlari ushbu portalda qayerga yo‘l belgisi, chiziq, piyoda yo‘lagi yoki svetofor o‘rnatilishi kerakligi haqida ma’lumotni smetasi bilan birga ochiq joylashtiradi.

Aholi ham ro‘yxatni to‘ldirishi va loyihalarga ovoz berishi mumkin bo‘ladi. Amalga oshirilgan ishlarning video va fotosuratlari portalga joylashtiriladi va ularni aholining o‘zi baholaydi.

Shuningdek, «Xavfsiz yo‘l va xavfsiz piyoda» respublika jamg‘armasi mablag‘ini shakllantirishda barcha viloyat va tumanlarning moliyaviy imkoniyatlari bir xil emasligi inobatga olinib, mablag‘larni loyiha asosida hududlarga adolatli...

Chevrolet Malibu benzin bilan harakatlanadigan o‘rta klassdagi avtomobil bo‘lib, yo‘lda harakatlanish uchun bir qancha qulayliklarni taqdim etadi. Ammo, yaqin yillarda o‘zbek avtobozorida elektromobillarning o‘rni ortib bormoqda. Ushbu maqolada Chevrolet Malibu avtomobili narxidagi elektromobillar haqida so‘z yuritiladi.

Chevrolet Malibu o‘zi qanday mashina

Chevrolet Malibu — bu qulay va zamonaviy sedan. U Amerikaning Chevrolet kompaniyasi tomonidan ishlab chiqariladi. Malibu oilaviy foydalanish uchun juda mos. Mashina tashqi ko‘rinishi jozibali va ko‘zga chiroyli ko‘rinadi. Ichki qismi keng, o‘rindiqlari yumshoq va qulay. Avtomobil multimedia tizimi va xavfsizlik texnologiyalari bilan jihozlangan.

Dvigateli odatda turbo bo‘ladi. 1.5 yoki 2.0 litrli variantlari bor. Yoqilg‘i...

Oʻzbekistonlik futbolchi Rustam Ashurmatov Eronning «Istiqlol» klubiga oʻtdi. Bu haqda klub matbuot xizmati ma’lum qildi.

Bugun, 9-iyul kuni himoyachi tibbiy koʻrikdan muvaffaqiyatli oʻtib, jamoaning yangi a’zosi sifatida tanishtirildi.

Tehronning «Istiqlol» klubi Ashurmatovni Qozonning «Rubin» jamoasidan 450 ming yevro evaziga sotib olgan. Transfermarkt portaliga koʻra, futbolchining bozor qiymati 600 ming yevroga teng.

Rustam Ashurmatov 2023-yilda Rossiya Premyer-ligasi vakili «Rubin» klubiga qoʻshilgan edi. Oʻtgan mavsumda u 21 uchrashuvda maydonga tushib, 3 marta ogohlantirish olgan.

Eslatib oʻtamiz, «Istiqlol» safida yana bir oʻzbekistonlik futbolchi Jaloliddin Masharipov ham toʻp surmoqda.

Avvalroq Kursiv Uzbekistan Akmal Mozgovoyning BAAning «Baniyas» klubiga oʻtgani haqida xabar bergan edi.

Bir oyda 10 martadan ko‘p qoida buzgan haydovchi olti oyga guvohnomasidan ayriladi. Bu haqda prezident rahbarligida o‘tayotgan videoselektor yig‘ilishida ma’lum qilindi.

Endilikda yo‘llarda tartibni o‘rnatish uchun «Surunkali qoidabuzarlar» dasturi joriy etiladi. Qarama-qarshi yo‘ldan yurish, qizil chiroqda o‘tish bir oyda ikki marta takrorlansa yoki tezlik besh marta oshirilsa, bir yil davomida jarimalardan chegirma berilmaydi.

Shuningdek, me’yoridan ikki-uch barobar tez haydaganlar uchun haydovchilik huquqidan mahrum qilish bo‘yicha qonunchilikka o‘zgartirish kiritish rejalashtirilmoqda.

Bundan tashqari, haydovchi qoida buzilgan kundan bir oy ichida qaror chiqmasa, jarima to‘lamaydi. IIV viloyat hokimlari bilan birga tezlik cheklovlarini qayta ko‘rib chiqish mumkin bo‘lgan yo‘l uchastkalari ro‘yxatini shakllantiradi.

Avtobus va mikroavtobuslar uchun yo‘lovchi boshiga subsidiya beriladi. Bu haqda prezident rahbarligida o‘tayotgan videoselektor yig‘ilishida ma’lum qilindi.

Bundan tashqari, avtobuslar uchun utilizatsiya yig‘imidan berilgan imtiyoz muddati yana uch yilga uzaytiriladi va mikroavtobuslarga ham tatbiq etiladi.

Turistik avtobus va mikroavtobuslarga beriladigan bojxona boji imtiyozi ham uch yil davomida jamoat transporti uchun qo‘llaniladi.

Mazkur imkoniyatlardan foydalanadigan tadbirkorlar ikki shartga rioya qilishi shart: qatnovlar belgilangan harakat jadvaliga qat’iy amal qilinishi va tushumlar elektron to‘lov tizimi orqali shaffof yuritilishi talab etiladi.

Avvalroq Kursiv Uzbekistan Toshkent halqa yo‘ligacha kelayotgan 20 ta avtobus yo‘nalishi 15 – 20 kilometrga uzaytirilishi haqida xabar bergandi.

Shu yilning iyun oyida O‘zbekistonda ikkilamchi avtomobil bozorida sezilarli o‘zgarishlar kuzatildi. Jumladan, Cobalt, Nexia, Damas va boshqa modellar narxi qimmatlagan bo‘lsa, elektromobillar bozorida narx pasaygan. Bu haqda Makroiqtisodiy va hududiy tadqiqotlar instituti tahlillarida ma’lum qilindi.

Mahalliy ommabop avtomobillar narxi ko‘tarilmoqda

Iyunda Onix, Lacetti, Cobalt, Nexia, Spark va Damas kabi ommabop modellar narxida o‘sish kuzatildi. Masalan, kam foydalanilgan Lacetti avtomobili $200 ga oshib, $14 800 ni tashkil qildi. Cobalt va Nexia ham o‘rtacha $100–$300 oralig‘ida qimmatlashdi.

Mahalliy avtomobillar narxi

Mahalliy lyuks modellarda o‘zgaruvchan tendensiya

Lyuks toifadagi avtomobillar orasida narxlar barqaror emas. Masalan, o‘rtacha foydalanilgan Malibu...

Poytaxtdagi tirbandliklarni kamaytirish maqsadida «Intellektual transport» axborot tizimi ishga tushiriladi. Bu haqda prezident rahbarligida o‘tayotgan videoselektor yig‘ilishida ma’lum qilindi.

Ushbu tizim orqali Toshkent shahridagi 700 dan ortiq chorraha va ularning barcha svetofor, foto va videokuzatuv moslamalari yagona markazga ulanadi.

Natijada transport oqimiga qarab svetoforlarni masofadan boshqarish imkoniyati yaratiladi va bu tirbandliklarni 25–30 foizga kamaytirishga yordam beradi.

Avvalroq Kursiv Uzbekistan Toshkent halqa yo‘ligacha kelayotgan 20 ta avtobus yo‘nalishi 15–20 kilometrga uzaytirilishi haqida xabar bergandi.

Bugungi kunda poytaxtga kuniga 1 millionga yaqin odam keladi, shundan 275 ming nafari Toshkent viloyatidan. Shu sababli Toshkent jamoat transporti yagona aglomeratsion tizimga o‘tib, viloyatning barcha...

Oʻzbekiston hukumati Gulnora Karimovaga nisbatan jinoyat ishlari qonunchilikka toʻliq muvofiq holda koʻrib chiqilganini bildirdi. Bu haqda Inson huquqlari boʻyicha Oʻzbekiston milliy markazi tomonidan eʼlon qilingan rasmiy bayonotda aytildi.

Bayonot BMT Inson huquqlari kengashining oʻzboshimchalik bilan hibsga olishlar boʻyicha ishchi guruhi tomonidan bildirilgan mulohazalarga javoban eʼlon qilindi. Unda Karimovaga qoʻzgʻatilgan barcha jinoyat ishlari jinoyat va jinoyat-protsessual qonunchilik hamda xalqaro majburiyatlarga qatʼiy rioya etilgan holda olib borilgani taʼkidlangan.

Sudlov jarayonida himoya huquqi taʼminlangan, advokat bilan maxfiy muloqot va ish materiallari bilan tanishish imkoniyati berilgan. Hibs, tergov va sud muhokamalari belgilangan tartibda oʻtgan boʻlib, «oshxonada sud qilingan» kabi daʼvolar asossiz deb topilgan.

Rasmiy...

Toshkent halqa yo‘ligacha kelayotgan 20 ta avtobus yo‘nalishi 15 – 20 kilometrga uzaytiriladi, qo‘shimcha ravishda yangi 6 ta marshrut ochiladi. Bu haqda prezident rahbarligida o‘tayotgan videoselektor yig‘ilishida ma’lum qilindi.

Prezident endilikda o‘rta va uzoq masofaga qatnovchi jamoat transportini rivojlantirish bo‘yicha yangi tizim joriy etilishini ma’lum qildi. Buning uchun Toshkent shahri va viloyatlararo qatnovlarga alohida yondashuv belgilanadi.

Bugungi kunda poytaxtga kuniga 1 millionga yaqin odam keladi, shundan 275 ming nafari Toshkent viloyatidan. Shu sababli Toshkent jamoat transporti yagona aglomeratsion tizimga o‘tib, viloyatning barcha tutash hududlarini qamrab oladi. Bu Toshkent viloyati aholisi uchun katta qulaylik yaratadi.

«Aholi...