Yangiliklar

6-oktabr kuni Qozog‘istonda atom elektr stansiyasi (AES) qurilishi bo‘yicha referendum bo‘lib o‘tmoqda. Uchastkalar respublika bo‘ylab va Qozog‘iston diplomatik vakolatxonalarida soat 20:00 gacha ochiq.

O‘zbekistonda saylov uchastkasi Qozog‘iston Respublikasining Toshkentdagi elchixonasida faoliyat yuritadi. Birinchi bo‘lib qo‘shni davlat fuqarolari mamlakatimizda ertalabki soat 7 da ovoz berishdi.

Byulletenda ikkita javob varianti bilan bitta savol bo‘ladi: «ha, roziman» va «yo‘q, rozimasman». Referendum 50 foizdan ortiq kishi qatnashgan taqdirda o‘tkazilgan deb e’tirof etiladi.

AES qurilishi bo‘yicha referendumni tashkil etish uchun Qozog‘iston hukumati 15,5 milliard tenge yoki $31,9 mln ajratdi.

Eslatib o‘tamiz, Qozog‘istonda elektr stansiyasini qurish bilan Xitoyning CNNC, Janubiy Koreyaning KHNP va Rossiyaning «Rosatom...

Bugun, 6-oktabr kuni Samarqand, Jizzax, Sirdaryo, Toshkent viloyatlarida va Farg‘ona vodiysida yog‘ingarchilik bo‘ladi. O‘rtacha havo harorati 20-25° bo‘ladi. Bu haqda Gidrometeorologiya xizmati agentligi xabar beradi.

Poytaxtda ham havo bulutli bo‘lib yog‘ingarchilik kuzatiladi. Kunduzi havo 24-darajagacha isiydi, kechga kelib esa 10-14 daraja iliq bo‘ladi,

Tog‘li hududlarda ham yomg‘ir yog‘adi, ba’zi joylarda jala quyishi mumkin. Tepaliklarda qorga aylanib tuman tushishi mumkin. Kunduzi havo 10-15 daraja iliq bo‘ladi.

Avvalroq Kursiv Uzbekistan Oʻzbekistonda qanday ob-havo kuzatilishi haqida yozgan edi.

Malayziya islom sugʻurtasi – takaful tamoyillarini Oʻzbekistonda joriy qilishni rejalashtirmoqda. Bu haqda «Dunyo» axborot agentligi xabar berdi.

Oʻzbekistonning Malayziyadagi elchixonasida boʻlib oʻtgan uchrashuvda hamkorlik istiqbollari muhokama qilindi. Unda mahalliy Startegic Horizon Management System va Abkari Risk Management kompaniyalari rahbariyati ishtirok etdi.

Malayziyalik mutaxassislar Oʻzbekistonda dastlabki bosqichda davlat sugʻurta kompaniyalari tarkibida alohida takaful xizmatlarini tashkil etish orqali ushbu tajribani bosqichma-bosqich xususiy sugʻurta kompaniyalarida tatbiq etishni taklif qilmoqda.

Takafulning oddiy sugʻurtadan farqi – unda maxsus sugʻurta jamgʻarmasi tuziladi. Jamgʻarma a’zolari oldindan e’lon qilingan tartib-qoidaga koʻra, sugʻurta uchun toʻlangan badallar jamgʻarmaga kiritiladi.

Avvalroq «Kursiv» Oʻzbekistondagi eng yirik, samarali va tez rivojlanayotgan sugʻurta...

AQSh prezidentligiga respublikachilar partiyasidan nomzod Donald Tramp Shimoliy Karolinada saylovchilar bilan uchrashuvda Isroil Eron yadroviy inshootlariga zarba berishi mumkinligi haqida fikr bildirdi. Bu haqda TASS nashri xabar bermoqda.

Tramp AQShning amaldagi prezidenti Jo Baydenning Isroil Erondagi yadro inshootlariga hujum qilmasligi kerakligi haqidagi soʻzlariga izoh berdi.

«Menimcha, u (Bayden — tahr.) adashadi. Bu siz boradigan nishon emasmi? Yadro quroli eng katta xavfdir», — deya taʼkidladi Tramp.

Trampning soʻzlariga koʻra, avval yadroviy obyektlarga zarba berish kerak, shundan keyingina qolgan hamma narsa haqida qaygʻurish kerak.

Avvalroq Kursiv Uzbekistan Eron keng koʻlamli urushga intilayotgani haqida xabar bergan edi.

Kuchli ta’sir qiluvchi moddalarni internetda tarqatish, reklama qilish, namoyish etish uchun javobgarlik belgilandi. Bu haqda prezident Shavkat Mirziyoyev 5-oktabr kuni tegishli qonunni imzoladi.

Qonunga koʻra, bunday huquqbuzarlik uchun jinoiy va ma’muriy jazo belgilanadi.

Giyohvandlik vositalarini oʻtkazish maqsadini koʻzlamay saqlaganlik uchun ham javobgarlik kuchaytirildi. Ushbu moddada nazarda tutilgan eng yuqori jazo chorasi – uch yil qamoq jazosi hisoblanadi.

Avvalroq Kursiv Uzbekistan Toshkent xalqaro aeroportida kuchli ta’sir qiluvchi modda olib oʻtilishiga chek qoʻyilgani haqida xabar bergan edi.

Davlat aktivlarini boshqarish agentligi (DABA) Toshkent shahridagi Ibn Sino bozori noturar binosini kimoshdi savdosiga qoʻydi. Bu haqda E-auksion platformasida xabar berildi.

Xaridor obyekt negizida ishlab chiqilgan loyiha konsepsiyasi asosida «ekobozor», savdo, xizmat koʻrsatish va koʻngilochar markazlarni qurishi kerak. Binoning umumiy maydoni 0,45 gektarga teng boʻlib, shundan 620,0 kvadrat metr joy qurilish osti maydoni hisoblanadi.

Avvalroq Kursiv Uzbekistan Davaktiv «Yoshlik» sport majmuasini xususiylashtirish jarayonini boshlagani haqida xabar bergan edi.

Rossiya prezidenti Vladimir Putin tugʻilgan kunida MDH davlatlari rahbarlari bilan bir nechta ishchi uchrashuvlar oʻtkazishni rejalashtirmoqda. Bu haqda Rossiya prezidenti matbuot kotibi Dmitriy Peskovning soʻzlariga tayanib, «Kommersant» nashri xabar bermoqda.

«Alohida tantanali hech narsa boʻlmaydi. U ertalab yopiq ommaviy boʻlmagan ishchi uchrashuvlarini oʻtkazadi. Kechqurun MDH davlat rahbarlari bilan uchrashadi. Sizga batafsil ma’lumot beramiz», – degan Peskov jurnalistlar bilan suhbat chogʻida.

Eslatib oʻtamiz, 7-oktabr, dushanba kuni Vladimir Putin 72 yoshga toʻladi.

Avvalroq Kursiv Uzbekistan Oʻzbekiston prezidenti Shavkat Mirziyoyev Rossiya prezidenti Vladimir Putin bilan telefon orqali muloqot qilgani haqida xabar bergan edi

Rossiyaning Wildberries marketpleys hammuassisi Vladislav Bakalchuk sobiq rafiqasi Tatyana Kimga nisbatan 350 milliard rubllik (deyarli 47 trln soʻm) da’vo bilan sudga murojaat qildi. Bu haqda Forbes portali xabar berdi.

Bakalchukning da’vosi sobiq xotinidan tashqari, «RVB» MChJ va «Vayldberriz» MChJga qaratilgan. U marketpleysdagi shuba korxonalarining aktivlarini topshirish boʻyicha bitimni haqiqiy emas deb topishni talab qilmoqda. Gap omborlar, logistika obyektlari, uskunalar, dasturiy ta’minot va savdo belgilari haqida bormoqda.

«Men bu bitimlarning barchasini noqonuniy deb hisoblayman, ular juda koʻp qonun buzilishlari bilan amalga oshirilgan», – degan da’vogar Forbesʼga.

Avvalroq Kursiv Uzbekistan Bakalchuk va uning sobiq rafiqasi Kim oʻrtasida yuzaga kelgan...

27-oktabrdan Uzbekistan Airways Goa shahriga muntazam reyslarni yoʻlga qoʻyadi. Bu haqda kompaniya matbuot xizmati xabar berdi.

Parvozlar haftasiga ikki marta – chorshanba va yakshanba kunlari amalga oshiriladi. Ekonom-klassdagi chiptalar narxi 3,6 million soʻmdan, biznes uchun esa 6,7 ​​million soʻmdan boshlanadi. Toshkentdan Goaga parvoz davomiyligi taxminan toʻrt soatni tashkil qiladi.

Ma’lumot uchun, Goa – Hindistonning gʻarbiy qismida joylashib, Arabiston dengizi qirgʻoqlari bilan tutashgan shtat hisoblanadi.

Avvalroq Kursiv UzAirways nafaqa yoshidagilar uchun 15 foiz chegirma e’lon qilgani haqida xabar bergan edi.

5-oktabr, shanba kuni Oʻzbekistonning ayrim hududlarida havo biroz bulutli boʻlib, yomgʻir yogʻishi kutilmoqda, deb xabar bermoqda «Oʻzgidromet».

Buxoro, Navoiy, Samarqand, Jizzax, Sirdaryo, Qashqadaryo, Toshkent viloyatlari va Toshkentda yogʻingarchilik kutilmoqda. Bundan tashqari, respublikaning togʻoldi va togʻli hududlarida yomgʻir yogʻadi, eng baland joylarda esa qor yogʻishi mumkin.

Shuningdek, ba’zi hududlarda shamol tezligi 13–18 m/s gacha kuchayishi mumkinligini xabar qilishdi. Mamlakat boʻylab oʻrtacha havo harorati +20…+25° boʻladi. Toshkentda +22…+24°, togʻli hududlarda +10…+15° boʻlishi kutilmoqda.

Avvalroq Kursiv Uzbekistan Qashqadaryoda qor yoqqani haqida xabar bergan edi.

Telegram messenjeridagi soʻnggi uzilishlar Yaqin Sharqdagi voqealar bilan bogʻliq ekani ma’lum qilindi. Bu haqda messenjerning rasmiy kanalida xabar berildi.

«Isroil, Livan va Erondagi vaziyat tufayli serverlarga yuklanishning ortishi ulanish va media fayllarga kirishda vaqtinchalik muammolarga olib keldi», – deyiladi xabarda.

Bayonotda ta’kidlanishicha, texnik guruh yuzaga kelgan muammolarni tezda bartaraf etib, xizmatning barqaror ishlashini tiklashni ta’minlagan.

Eslatib o‘tamiz, 3-oktabr kuni oʻzbekistonlik foydalanuvchilar ham Telegramda bir necha soatga yaqin uzilishlarga duch keldi.

Avvalroq Kursiv Uzbekistan Telegram Premium obunachilari soni 10 million kishiga yetgani haqida xabar bergan edi.

Oʻzbekiston temir yoʻllarni modernizatsiya qilish uchun Stadler poyezdlarini sinovdan oʻtkazishni rejalashtirmoqda. Ushbu loyiha doirasida mahalliy yoʻnalishlarda ikkita poyezdni sinovdan oʻtkazish belgilangan.

Transport vaziri Ilhom Mahkamov bu qadam mamlakat transport infratuzilmasini modernizatsiya qilish boʻyicha keng koʻlamli dasturning bir qismi ekanini ta’kidladi. Sinovlar muvaffaqiyatli o‘tsa, O‘zbekiston harakatlanuvchi tarkibning katta partiyasini sotib olish imkoniyatini ko‘rib chiqishi mumkin.

Sinovlar bir necha oy davomida boʻlib oʻtadi, shundan soʻng rasmiylar kelajakda mumkin boʻlgan xaridlar haqida qaror qabul qiladi.

Avvalroq Kursiv Uzbekiston Margʻilon va Xitoy oʻrtasida yangi blokli poyezd qatnovi boshlangani haqida yozgan edi.

Tashkil etilgan debatda «Adolat» sotsial-demokratik partiyasi spikeri Dilmurod Ismailov partiya Saylovoldi dasturiga kiritilgan muhim takliflarni bildirdi. Bu haqda Saylov – 2024 sahifasi ma’lum qildi.

Unga ko‘ra, mansabdor shaxslarning fuqarolar va yuridik shaxslarga yetkazilgan zararni Davlat budjetidan qoplab berilib, javobgardan budjetga zarur mablag‘larni undirishni qonunchilikda belgilash bo‘yicha tashabbus olg‘a surildi.

«Har qanday korrupsiyaviy holat va budjet mablag‘lariga xavf soluvchi vaziyatlarni partiyamiz qat’iy qoralaydi. Bu bo‘yicha bizda aniq takliflar bor», – deydi partiya vakili

Shuningdek, sudyalar huquqlari kafolatlanadi.

Partiya «Sudyalar maqomi toʻgʻrisida»gi qonunni qabul qilish, shu bilan birga yoʻl qoidalarini buzganlik uchun haydovchilik huquqidan mahrum qilish gʻoyasini ilgari...

Ekologiya partiyasi spikeri Kamolova Dildora bo‘lib o‘tgan saylovoldi debatda ekologiyaga oid bir qator tashabbuslarni olg‘a surdi. Bu haqda Saylov – 2024 sahifasi xabar berdi.

Bino va koʻp qavatli uylarni qurishda birinchi jamoatchilikka xabar beriladi.

Ekologik huquqbuzarlikka javobgarlik joriy qilinadi.

Daraxtni noqonuniy kesgan tadbirkor yerga egalik huquqidan mahrum bo‘ladi.

Sanoat korxonalariga chiqindi chiqargani uchun kompensatsiya toʻlash majburiyati joriy qilinadi.

Kesilgan daraxt oʻrniga yangi daraxt ekish degan jazo yoʻq Oʻzbekistonda. Dasturda koʻzlangan maqsad amalda 39 holatda jarima qoʻllashdir.

Eslatib o‘tamiz, avvalroq XDP tirbandlik masalasi Seul va Tokio tajribasi bilan hal qilinishi haqida taklif bergan edi.

Tashkil etilgan saylovoldi debatda XDP spikeri Malika Qodirxonova ijtimoiy sohaga oid muhim takliflar bildirdi. Bu haqda Saylov – 2024 sahifasi ma’lum qildi.

Unga ko‘ra, rahbarlik lavozimlariga haqiqiy professionallar oʻtirishi ta’minlanadi.

Homilador, yosh bolasi bor ayollar uchun qulay ish joyi, moslashuvchan ish rejimini qonun bilan kafolatlanadi.

Partiya davlat organlaridagi rahbarlik lavozimlarining 50 foizida ayollar boʻlishi haqida taklif berdi.

Shuningdek, shaharlardagi tirbandlik masalasini zich aholiga ega Seul va Tokio shaharlari tajribasidan kelib chiqib hal qilinadi.

Oʻzbekistonning iqlim sharoitini hisobga olib, anomal issiq va sovuq kunlarda xodimlar ish vaqti 2 soatga qisqartiriladi.

Eslatib o‘tamiz, avvalroq «Milliy tiklanish» demokratik partiyasi notoʻgʻri davolaganlik...

Saylovoldi debatda «Milliy tiklanish» demokratik partiyasi spikeri Jahongir Shirinov ayrim muhim masalalarga doir takliflarni olg‘a surdi. Bu haqda Saylov – 2024 sahifasi ma’lum qildi.

Unga ko‘ra, bogʻchalardan boshlab korrupsiyaga nisbatan nafrat paydo qilinadi va davlat xizmatchilarining muntazam korrupsiyaga moyillik testi oʻtkaziladi.

Davlat va hududiy dasturlarni ishlab chiqilishi va tasdiqlanishida, albatta, jamoatchilik muhokamasidan oʻtkazish majburiyati joriy etiladi.

Mahalla raisligiga bir shaxsning 1 mahallada surunkasiga ikki bor boʻlishiga yoʻl qoʻymaslik boʻyicha norma kiritiladi.

Notoʻgʻri davolaganlik uchun tibbiyot xodimlariga qat’iy javobgarlik belgilanadi.

Eslatib o‘tamiz, avvalroq Alisher Qodirov ayollarni armiyaga chaqirishni taklif qilgan edi.

OʻzLiDeP spikeri Bobur Bekmurodov saylovoldi debatda tadbirkorlikka oid bir qator takliflar berdi. Bu haqda Saylov – 2024 kanali ma’lum qildi.

Unga ko‘ra, tadbirkorlik bilan bogʻliq jinoyat turlari kamaytiriladi, soha erkinlashtiriladi. Qonuniy ishlayotgan va soliqlarni oʻz vaqtida toʻlayotgan tadbirkorlar tekshirilmasligiga erishiladi.

«Tadbirkorlikka noqonuniy aralashgan mansabdorlarning javobgarligi kuchaytiriladi. Mansabdor shaxslar tomonidan fermerlarga hosilni sotish, majburiy narx belgilash kabi aralashuvlar qat‘iy taqiqlanadi», – kabi takliflarni berdi spiker.

Eslatib o‘tamiz, avvalroq partiya YaIMni odam boshiga $4 mingga yetkazishi haqida taklif bergan edi.

1 – 31-oktabr kunlari «Vikki yodgorliklarni sevadi» xalqaro fototanlovida 40 dan ortiq mamlakatlar orasida O‘zbekiston ham ishtirok etadi. Bu haqda UzA ma’lum qildi.

Unga ko‘ra, ishtirokchilar mamlakatning tarixiy binolari va diqqatga sazovor joylarining fotosuratlarini yuborishlari lozim. Tanlovdan ko‘zlangan asosiy maqsad milliy madaniy meros va me’moriy yodgorliklarga e’tiborni qaratish, shuningdek, turizmni rivojlantirishni qo‘llab-quvvatlashdan iborat.

Tanlov 2010-yildan buyon o‘tkazib kelinayotgan va 40 dan ortiq mamlakatlarni qamrab olgan global loyihaning bir qismidir. Joriy yilda o‘zbekzabon Vikimediachilar respublika bosqichini Wikimedia fondi va O‘zbekiston Madaniy meros agentligi ko‘magida tashkil etishmoqda.

Avvalroq Kursiv Uzbekistan nashri USAID O‘zbekistondagi biznesni qo‘llab-quvvatlash uchun grantlar dasturini ishga tushirgani...

A.I.Gersen nomidagi Rossiya davlat pedagogika universiteti Toshkent shahar filiali poytaxtdagi ikkita maktab bilan hamkorlik qiladi.

Unga ko‘ra, universitet Yakkasaroy tumanidagi 89-sonli umumta’lim maktabi va Shayxontohur tumanidagi 180-sonli matematika fanini chuqurlashtirib o‘qitishga ixtisoslashtirilgan maktab bilan hamkorlik shartnomasi tuzdi.

Tomonlar birgalikda ta’lim dasturlarini ishlab chiqadi, qo‘shma ilmiy tadbirlar o‘tkazadi va tajriba almashadi.

Kursiv Uzbekistan avvalroq O‘zbekistonda bolalar bog‘chalarida inklyuziv guruhlar tashkil etilishi haqida yozgan edi.

Joriy yilning avgust oyida O‘zbekistonda birinchi litsenziyalangan kriptodepozitariy Lockton Finance eng yirik kriptobirjalardan biri bilan hamkorlik shartnomasini imzoladi. Bu bitimga asosan, Oʻzbekiston fuqarolari va yuridik shaxslari uchun turli xil kriptoaktivlarga ega boʻlish imkoniyati yaratiladi.

«Lockton Finance investitsion moduli noyabr oyining boshida kriptodepozitariy platformasida ish boshlaydi», – dedi Kursiv Uzbekistan nashriga kompaniya direktori Denis Shipilov «Fintech & Banking – 2024» forumi doirasida.

Lockton Finance o‘z platformasida spot investitsiyalarni va aktivlarni kastodial qilish xizmatlarini taklif qiladi. Yangi xizmat orqali O‘zbekiston rezidentlari 200 dan ortiq kriptoaktivlarga, jumladan, BTC, ETH, SOL, XRP, AVAX va boshqa ko‘plab tokenlarga qonuniy va qulay investitsiya...

Markaziy bank va uning qaramogʻidagi tashkilotlar oʻrtasida axborot almashinuvi va tahlili jarayonlarini soddalashtirish maqsadida ma’lumotlarni boshqarish platformasi yaratilmoqda. Bu haqda Kursiv Uzbekistan’ga Fintech & Banking – 2024 forumida regulyatorning ma’lumotlar arxitektori Rashid Sobitjonov ma’lum qildi.

Uning soʻzlariga koʻra, platforma ma’lumotlarni tavsiflash va tuzish, hisobotlar yaratish, banklardan va boshqa tashkilotlardan zarur ma’lumotlarni avtomatik ravishda olish imkonini beradi. Hozirda loyihaning birinchi bosqichi yakunlandi, uning doirasida yagona ma’lumotlar modeli va ma’lumotlarni boshqarish rejasi ishlab chiqildi. Bu tizim Markaziy bank ichida axborotni boshqarish roli va tuzilishini oʻz ichiga oladi.

«Yangi platforma ma’lumotlarni boshqarishda shaffoflikni ta’minlaydi va Markaziy bank bilan tijorat banklari...

Kreativ iqtisodiyotni qo‘llab-quvvatlash, uni rivojlantirish va ushbu sohadagi munosabatlarni tartibga solishga doir qonun qabul qilindi. Bu haqda Adliya vazirligi matbuot xizmati xabar berdi.

Qonunga ko‘ra, kreativ industriya sohalariga adabiy ijod, amaliy san’at va hunarmandchilik, arxitektura, loyihalashtirish, urbanistika hamda raqamli texnologiyalar sohasidagi ijodiy faoliyat kiradi.

«Kreativ industriya sohalarida fuqarolarning ijodiy va intellektual salohiyatini namoyon etishi uchun zarur shart-sharoitlarni yaratish, davlat siyosatining asosiy yo‘nalishlaridan biri hisoblanadi», – deyiladi xabarda.  

Shuningdek, Vazirlar Mahkamasi kreativ iqtisodiyot sohasida yagona davlat siyosatini amalga oshirishni ta’minlash bo‘yicha vakolatli organ sifatida belgilandi.

Eslatib o‘tamiz, avvalroq Kursiv Uzbekistan Toshkentda to‘rtinchi jahon kreativ iqtisodiyot konferensiyasi...

4-oktabr kuni Oʻzbekiston Respublika valyuta birjasida dollarning rasmiy narxi 34 soʻmga koʻtarildi va 12 775,02 soʻmni tashkil qildi.

Mamlakatdagi tijorat banklar AQSh dollarini 12680 – 12730 soʻm oraligʻida sotib olayotgan boʻlsa, 12760 – 12835 soʻmdan oraligʻida sotmoqda.

Eslatib oʻtamiz, 3-oktabr kuni dollar kursi 16,92 soʻmga arzonlashgan edi.

Joriy yilning 15-oktabridan boshlab YouTube’da Shorts (qisqa) videolarining maksimal davomiyligi bir daqiqadan uch daqiqagacha oshiriladi. Bu haqda platformaning rasmiy saytida ma’lum qilindi.

Ta’kidlanishicha, YouTube’dagi ushbu o‘zgarishlar ilgari yuklangan videolarga taalluqli emas. Bundan tashqari, foydalanuvchilar qisqa videolar ko‘rishni vaqtincha cheklash uchun «Show less Shorts» funksiyasidan foydalanishlari ham mumkin.

Ma’lumot uchun, YouTube 2021-yilda TikTok’ga javoban Shorts xizmatini ishga tushirgan edi.

Techreport portalining ma’lumotlariga qaraganda, Shorts videolar uzun videolarga nisbatan ko‘proq foydalanuvchilarni jalb qilmoqda. Hisob-kitob natijalariga ko‘ra, qisqa videolarda layklar soni uzun videolarga nisbatan ikki barobarga ko‘proq.  

Avvalroq Kursiv Uzbekistan YouTube sun’iy intellekt orqali Inspiration sahifasi yordamida roliklar uchun g‘oyalar...