Yangiliklar

Namanganda o‘tkazilayotgan «Kambag‘allikdan farovonlik sari» III xalqaro forumida mutaxassislar O‘zbekiston kelgusi yili aholini ro‘yxatga olish tadbiridan so‘ng ijtimoiy siyosatni qayta ko‘rib chiqishga tayyorlanishi zarurligini alohida ta’kidladi. Bu haqda Kursiv Uzbekistan muxbiri xabar bermoqda.

Forum muhokamalarida demografik jarayonlarga ham alohida e’tibor qaratildi. Xususan, yoshlar sonining ortishi va keksa fuqarolar ulushining ko‘payishi O‘zbekistonning rivojlanish ustuvorliklarini qayta belgilashga olib kelishi mumkinligi ta’kidlandi.

Birlashgan Millatlar Tashkilotining aholi fondining (UNFPA) Sharqiy Yevropa va Markaziy Osiyo bo‘yicha mintaqaviy direktori Florens Bauer Markaziy Osiyo o‘ziga xos demografik chorrahada joylashganini ta’kidladi.

«Aholining uchdan bir qismi 15 yoshgacha bo‘lganlar bo‘lib, kutilayotgan umr ko‘rish davomiyligi...

Prezident farmoniga muvofiq, 16 nafar shaxsning O‘zbekiston fuqaroligini olish haqidagi iltimosi qanoatlantirildi va ularning fuqaroligi rasman kuchga kirdi.

Toshkent shahar hokimligida o‘tkazilgan tantanali marosimda yangi fuqarolarni tabriklash tadbiri bo‘lib o‘tdi. Ularga ID kartalarini Toshkent shahar hokimi Shavkat Umurzoqov hamda shahar IIBB boshlig‘i, polkovnik Ravshan Sultonxo‘jayev topshirdi.

Avvalroq Kursiv Uzbekistan jins o‘zgarishi asosida ism va familiyani o‘zgartirish mumkinligi haqida xabar bergan edi.

Toshkent davlat texnika universiteti Olmaliq filiali negizida Olmaliq davlat texnika instituti barpo etildi. Bu haqda prezident qarori qabul qilindi.

Yangi institutda hozirgi filial talabalari o‘qishni davom ettiradi. 2025/2026-o‘quv yilidan boshlab bitiruvchi kurs talabalari institut diplomi bilan taqdirlanadi. Shuningdek, yuqori kurs talabalari haq to‘lanadigan amaliyotga jalb etilishi belgilangan.

Ta’lim maskanida geologiya, metallurgiya va texnikaga ixtisoslashtirilgan GeoMetTex nomli ilg‘or muhandislik maktabi ochiladi. Unda faqat akademik ko‘rsatkichlari yuqori bo‘lgan talabalar tanlov asosida qabul qilinib, maxsus amaliyotga yo‘naltirilgan dasturlar asosida o‘qitiladi.

Maktab sanoat korxonalari bilan hamkorlikda ishlaydi va zamonaviy laboratoriyalar bilan jihozlanadi.

Avvalroq Kursiv Uzbekistan Toshkentda Moskva davlat texnika universiteti filiali ochilishi haqida...

«Poytaxt bank» kuzatuv kengashi qaroriga asosan Pulatov Dilshod Akmalovich bank boshqaruviga rahbarlik qiladi. Bu haqda Korparativ axborot yagona portalida e’lon qilindi.

Shuningdek, kuzatuv kengashi tarkibida ham o‘zgarish qayd etildi. Aftab Shaukat Ali vakolatlari muddatidan oldin tugatilgan bo‘lib, uning o‘rniga Mirzaqulov Tolibjon Altinovich kengash a’zoligiga saylandi.

Ma’lumot uchun, 3-sentabr kuni Abror Turg‘unov «Poytaxt bank» boshqaruvi raisi vazifasini bajaruvchi etib tayinlangandi.

Avvalroq Kursiv Uzbekistan Milliy banklararo protsessing markaziga (Humo) Baxadirov Ulug‘bek Xojito‘rayevich rahbar etib tayinlangani haqida yozgandi.

Londonda O‘zbekiston Migratsiya agentligi direktori Behzod Musayev, O‘zbekistonning Buyuk Britaniyadagi elchisi Ravshan Usmonov va Britaniya Mehnat ta’minotchilari uyushmasi (ALP) bosh direktori David Camp bilan uchrashuv bo‘lib o‘tdi.

ALP — Britaniyaning oziq-ovqat, sanoat, logistika va mavsumiy ishlar sohalarida ishchilarni ta’minlaydigan va ularning manfaatlarini himoya qiluvchi tashkilot bo‘lib, 300 dan ortiq yirik kompaniyalarni birlashtiradi.

Muzokaralarda ALP rahbari David Camp O‘zbekiston Migratsiya agentligi bilan hamkorlikni yangi bosqichga olib chiqishga tayyorligini bildirdi.

Uchrashuv yakunida Britaniyaning mavsumiy ishchilar dasturi bo‘yicha o‘zbekistonliklar uchun kvotalar kengaytirilishi, yangi operatorlar bilan shartnomalar imzolanishi hamda yurtdoshlarimizni xavfsiz va tartibli ravishda ishga jalb qilish bo‘yicha kelishuvga erishildi.

Avvalroq Kursiv Uzbekistan...

Toshkent shahrining Olmazor tumanida 24 yoshli ayol ikki farzandi va o‘zini ko‘p qavatli uydan tashladi. Bu haqda Bosh prokuratura matbuot kotibi Hayot Shamsutdinov Kursiv Uzbekistan’ga ma’lum qildi.

Hodisa 17-sentabr kuni soat 14:18 da sodir bo‘lgan. Ayol dastlab 1 va 3 yoshli o‘g‘illarini 4-qavat yo‘lagidan pastga tashlab yuborgan, so‘ngra 8-qavatdan o‘zini tashlagan. Natijada ayol shifoxonada vafot etdi, bolalarning hayoti esa saqlab qolindi.

Bosh prokuraturaning dastlabki ma’lumotiga ko‘ra, voqeaga er-xotin o‘rtasidagi rashk sababli kelib chiqqan kelishmovchilik turtki bo‘lgan.

Mazkur holat yuzasidan JKning 25,97-moddasi (qasddan odam o‘ldirishga suiqasd qilish) bilan jinoyat ishi qo‘zg‘atilib, tergov ishlari olib borilmoqda.

Avvalroq Kursiv Uzbekistan Toshkentda kuchli dori...

Toshkent shahrida Nikolay Ernestovich Bauman nomidagi Moskva davlat texnika universiteti filiali tashkil etiladi. Bu haqda prezident qarori qabul qilindi.

Yangi filialning asosiy maqsadi muhandislik sohasida chuqur ilmiy-texnik bilimlarga ega, innovasion yondashuvlarni qo‘llay oladigan yuqori malakali mutaxassislarni tayyorlash va ilmiy-tadqiqotlar olib borishdan iborat.

Filialda ta’lim jarayoni 2026/2027-o‘quv yilidan boshlanadi. Talabalar davlat granti hamda to‘lov-kontrakt asosida qabul qilinadi.

Shuningdek, 2025/2026-o‘quv yilidan Moskva davlat texnika universiteti va Toshkent davlat texnika universiteti hamkorligida magistratura yo‘nalishlari bo‘yicha qo‘shma ta’lim dasturlari yo‘lga qo‘yilishi rejalashtirilgan.

Filial bitiruvchilari universitetning belgilangan namunadagi diplomini qo‘lga kiritadi va bu hujjat O‘zbekistonda oliy ma’lumot sifatida tan olinadi.

Avvalroq «Kursiv» nashri O‘zbekiston...

Futbol bo‘yicha Ispaniya milliy terma jamoasi 2026-yilgi Jahon chempionatida ishtirok etmasligi mumkin. Bu haqda 20Minutos nashri xabar bermoqda.

Manbaga ko‘ra, rahbariyat bunga sabab qilib turnirda Isroilning ishtirokini ko‘rsatmoqda.

Ispaniya Sotsialistik ishchilar partiyasi vakili Pachi Lopesning aytishicha, agar Isroil musobaqada qatnashsa, boykot masalasi ko‘rib chiqilishi mumkin.

«Hozircha qaysi jamaolar Jahon chempionatida ishtirok etishi bo‘yicha yakuniy ro‘yxat shakllanmagan», – dedi hukumat vakili Pilar Alegria.

Uning so‘zlariga ko‘ra, sport tadbirlari real hayotdan ajralgan holda o‘tkazilishi mumkin emas.

«Inson huquqlari ommaviy buzilayotgan bir paytda jim turish mumkin emas. Shu sababli xalqaro sport federatsiyalari Isroilni...

Germaniyaning ConsultingUz kompaniyasi va Migratsiya agentligi gastronomiya yo‘nalishida mavsumiy ish hamda Ausbildung dasturini taklif etmoqda. Bu haqda agentlik rasmiy sahifasida ma’lum qildi.

Dasturda 18 – 27 yosh oralig‘idagi erkak va ayollar qatnashishi mumkin. Loyiha doirasida dastlab 6 – 8 oy davomida mavsumiy ish, keyinchalik esa ikki yillik ta’lim jarayoni nazarda tutilgan.

Ta’lim mehmonxona va kurortlarning turli restoranlari, oshxona hamda ombor bo‘limlarida amaliyot shaklida olib boriladi. Birinchi olti oy sinov muddati sifatida belgilanadi.

Nomzodlarga maosh va stipendiyalar taqdim etiladi. Birinchi kursda oylik daromad 750 yevro (hozirgi kurs bo‘yicha $840), ikkinchi kursda 850 yevro ($952), uchinchi kursda esa 1000 yevro...

Ijtimoiy tarmoqlarda tarqalgan o‘zbekistonlik fuqaroning Qozondagi xorijiy fuqarolarni vaqtincha saqlash muassasasida 45 kun davomida saqlanayotgani haqidagi videolavhaga izoh berildi.

O‘zbekistonning Qozon shahridagi bosh konsulxonasining ma’lum qilishicha, o‘rganishlar natijasida videoda tilga olingan shaxsga aniqlik kiritildi. Unga nisbatan 2025-yil 2-avgust kuni Saratov viloyati Ozinsk tumanida Rossiya Ma’muriy javobgarlik to‘g‘risidagi kodeksining 18.8-moddasi 1.1-qismi (mamlakatda qolish tartibini buzish) bo‘yicha choralar qo‘llanilgan va Rossiya hududidan chiqarib yuborish qarori qabul qilingan.

Fuqaro shu yilning 11-iyul kuni ham xuddi shu modda bo‘yicha javobgarlikka tortilgan. Shuningdek, uning xorijga chiqish pasportida Rossiya chegarasidan o‘tganlik haqidagi muhrlarda qalbakilashtirish alomatlari topilib, hujjat ekspertizaga yuborilgan.

2-sentabr kuni Saratov viloyati Ichki migratsiya...

Meta Platforms ichki displeyga ega birinchi aqlli ko‘zoynaklarini taqdim etdi. Bu haqda Reuters agentligi ma’lum qildi.

Yangi Ray-Ban Display modeli SI imkoniyatlarini foydalanuvchiga qulay shaklda taqdim etadi va qo‘l harakatlarini bilakband orqali boshqarish mumkin. Narxi $799 va 30-sentabrdan sotuvda bo‘ladi.

Mark Zuckerberg ko‘zoynaklarni insonlar uchun SI orqali superintellektga erishishning mukammal yo‘li deb ta’rifladi. Qurilma bildirishnomalar, matn va qo‘ng‘iroqlarga javob berish kabi vazifalarni bajaradi.

Shuningdek, sportchilar uchun Oakley Vanguard ko‘zoynaklari $499 narxda taqdim etildi. Qurilma fitness platformalari bilan integratsiyalashgan bo‘lib, real vaqt statistikasi va mashg‘ulotdan keyin hisobot beradi.

Meta eski Ray-Ban liniyasini ham yangiladi: batareya quvvati ikki barobar oshirilgan va...

Yevrokomissiya (YK) G‘azo sektorida davom etayotgan harbiy amaliyotlar fonida Isroilga ajratiladigan moliyaviy yordamni vaqtincha to‘xtatdi. Bu haqda TASS xabar berdi.

Qaror 2025 – 2027-yillar uchun mo‘ljallangan yordam hamda amaldagi ayrim hamkorlik loyihalariga taalluqlidir.

YK rahbari Ursula fon der Lyayenning so‘zlariga ko‘ra, G‘azoda yuz berayotgan dahshatli voqealar darhol to‘xtatilishi zarur. U, shuningdek, o‘t ochishni to‘xtatish, gumanitar yordamga to‘liq yo‘l ochib berish va Hamas tomonidan asir olingan barcha garovdagilarni ozod qilish kerakligini ta’kidladi.

«Yevropa Ittifoqi gumanitar yordamning eng yirik donorlaridan biri bo‘lib qolmoqda va ikki davlat tamoyiliga sodiqdir. Shu prinsiplar asosida biz Isroil bilan moliyaviy qo‘llab-quvvatlashni to‘xtatish...

Toshkent xalqaro aeroportida uchib kelish terminali va unga tutash hudud rekonstruksiya qilinmoqda. Bu haqda Uzbekistan Airports ma’lum qildi.

Loyihaga bino fasadini kengaytirish, qo‘shimcha yo‘llar qurish va litsenziyalangan taksi operatorlari orqali turli narx toifalarida xizmat ko‘rsatish kiradi. Birinchi qatordagi yo‘l turistik avtobuslar va aeroportning rasmiy taksilari uchun mo‘ljallangan, ikkinchi qatorda esa kutib oluvchilar va taksi agregatorlari avtomobillari harakatlanadi. Yo‘llarda to‘xtash vaqti 10 daqiqa bilan cheklangan, videokuzatuv kameralar nazorat qiladi.

Rekonstruksiya ishlari ikki bosqichda amalga oshiriladi:

Birinchi bosqichda 330 avtomobilga mo‘ljallangan avtoturargoh va tez quvvatlantirish shoxobchalari foydalanishga topshiriladi;

Ikkinchi bosqichda kirish yo‘llari kengaytiriladi va terminallar birlashtiriladi.

Eslatib o‘tamiz, avvalroq...

O‘zbekistonda o‘tkir respirator infeksiyalar (O‘RI) bo‘yicha epidemiologik vaziyat barqaror bo‘lib, kasallanish ko‘rsatkichi ko‘p yillik darajadan 36,5 foizga past ekani qayd etildi. Bu haqda Sanepidqo‘mita xabar berdi.

Unga ko‘ra, Rossiya va qo‘shni davlatlarda mavsumiy ko‘tarilish kuzatilayotgani sababli aviaqatnovlar, mehnat migratsiyasi va xizmat safarlari orqali infeksiya kirib kelish xavfi mavjud. Shu bois mamlakatda vaziyat muntazam nazorat ostiga olingan.

Gripp va O‘RI viruslarining aylanishini aniqlash uchun 15 ta virusologiya laboratoriyasida tadqiqotlar olib borilmoqda. Bu laboratoriyalarda gripp va grippga o‘xshash kasalliklarni tashxislash ishlari amalga oshirilmoqda.

Tahlillarga ko‘ra, O‘zbekistonda eng yuqori kasallanish ko‘rsatkichi 0-1 yoshli bolalarda kuzatilmoqda.

Avvalroq Kursiv Uzbekistan o‘limga olib keluvchi muzqaymoq...

Bosh prokuratura huzuridagi Departamentning tuman bo‘limi, DXX va IIB xodimlari hamkorligida o‘tkazilgan tezkor tadbirda noqonuniy dori savdosi bilan shug‘ullanib kelgan fuqaro qo‘lga olindi.

Ma’lum qilinishicha, poytaxtning Yakkasaroy tumanida olib olib borilgan tekshiruv davomida fuqaro boshqa bir fuqaroga tarkibida «sibutramin» moddasini saqlagan ikki turdagi dori vositasini 800 ming so‘mga sotayotgan vaqtda ushlangan.

Shuningdek, uning boshqaruvidagi Lacetti avtomashinasi salonidan savdo uchun olib kelingan xorijda ishlab chiqarilgan jami 1071 dona turli nomdagi dori vositalari dalil sifatida olindi.

Mazkur holat yuzasidan Jinoyat kodeksining 251-1-moddasi bilan jinoyat ishi qo‘zg‘atildi va tergov harakatlari olib borilmoqda.

Avvalroq Kursiv Uzbekistan Namanganda yashirin dori omborlari fosh etilgani haqida...

BYD kompaniyasining Denza premium brendi tomonidan yangi avlod Denza N9 avtomobili rasman taqdim etildi. Bu haqda CarNewsChina xabar bermoqda.

17-sentabr kuni bo‘lib o‘tgan taqdimotda avtomobil uch xil konfiguratsiyada namoyish qilindi. Narxlar 389,800 yuandan ($54,2 ming) boshlanib, 449,800 yuangacha ($62,5 ming) boradi.

Yangi model ikki rangli kuzov dizaynini saqlab qolgan holda, endi yashil-kumush rangdagi yangi variantni ham taklif etmoqda. Avtomobilning o‘lchamlari 5258x2030x1830 mm bo‘lib, g‘ildiraklar bazasi 3125 mmga teng. Denza N9 202 kilometrgacha sof elektr yurish imkoniyatiga ega va umumiy CLTC yurish masofasi 1302 kilometrni tashkil etadi.

Avtomobil uchta elektr motor bilan jihozlangan bo‘lib, ular 680 kVt (912 ot...

Yevrokomissiya (YI) 19-sentabr kuni Rossiyaga qarshi navbatdagi 19-sanksiyalar paketini taqdim etadi. Unda banklar, energetika sohasi va «soya floti»ga nisbatan choralar nazarda tutilmoqda. Bu haqda «RBK» nashri Handelsblatt’ga tayanib xabar berdi.

Shuningdek, AQSh bosimi ostida YI Rossiya neftining yirik xaridorlari bo‘lgan Xitoy va Hindistonga ham bosimni kuchaytirishi kutilmoqda. Bu davlatlardagi ayrim banklar va neftni qayta ishlash zavodlari qora ro‘yxatga kiritiladi. Biroq Vashington talab qilgan bojxona bojlari kiritilmaydi.

Yangi paket Rossiya fuqarolari uchun vizaga cheklovlarni ham qamrab oladi. Bryussel yagona qoidalar ishlab chiqib, turist vizalarini berishda qat’iyroq mezonlar joriy etmoqchi. Shuningdek, diplomatlarga Shengen hududida erkin harakatlanishni taqiqlash masalasi ham ko‘rib chiqilmoqda.

AQSh prezidenti Donald Tramp Buyuk Britaniyaga ikkinchi davlat tashrifini amalga oshirdi va qirol Charlz III hamda qirolicha Kamilla tomonidan rasmiy mehmon sifatida kutib olindi. Bu haqda CNN agentligi xabar berdi.

Unga ko‘ra, Tramp 2019-yildagi birinchi tashrifi davomida ushbu sharafga erishgan yagona amerikalik rahbar sifatida tarixga kirdi.

Tramp va birinchi xonim Melaniya Windsor qal’asida bo‘lib, tashrif dasturi qal’a hovlisida qirollik oilasi bilan aravada parad, Royal Collectiondagi AQSh bilan bog‘liq eksponatlar tomoshasi va St Jorj kapellasida ziyoratlarni o‘z ichiga oladi. Payshanba kuni Britaniya bosh vazirining chekka qarorgohida siyosiy uchrashuvlar bo‘lib o‘tadi.

Tramp tashrif chog‘ida Windsor qal’asida nutq so‘zlab, Amerika va...

Tijorat banklari 18-sentabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga pasaygani haqida yozgan edi. 

Yangi qarorga ko‘ra, «Kelajak» markazlari tizimi qayta yo‘lga qo‘yilib, ularning faoliyati tartibga solinadi. Bu haqda Adliya vazirligi ma’lum qildi.

Endi markazlar shartnoma asosida malakali mutaxassislar va nodavlat o‘quv markazlarini jalb etgan holda turli to‘garaklar tashkil qiladi.

2026-yil 1-yanvardan ota-onalar to‘laydigan minimal badal miqdorlari qayta ko‘rib chiqiladi. Shu bilan birga, to‘lov miqdorini respublikada belgilangan eng kam me’yorlardan yuqori qilib belgilashga ham yo‘l qo‘yiladi.

Markazlar kontingent soniga qarab ikki toifaga ajratiladi: 600 nafargacha bo‘lganlari – II guruh, 601 nafar va undan ortiq bo‘lganlari – I guruh hisoblanadi.

Qoraqalpog‘iston, viloyatlar va Toshkent shahridagi markazlar faoliyati zamonaviy va yagona dastur asosida yo‘nalishlar bo‘yicha...

iQOO 15 smartfoni rangini o‘zgartiruvchi dizayni bilan taqdim etilishi kutilmoqda. Bu haqda Gizmochina xabar bermoqda.

Internetda tarqalgan qisqa videoda smartfon orqa paneli kulrangdan pushtiga o‘zgarishi bilan ko‘rinib, juda noyob effekt yaratgani e’tiborni tortdi. Yorug‘lik burchagi o‘zgarganda telefon deyarli ikki xil qurilma singari ko‘rinadi.

Yangi seriya bu oy oxirida, 23 – 25-sentabr kunlari bo‘lib o‘tadigan Qualcomm sammiti bilan bir vaqtda taqdim etilishi kutilmoqda. Aynan shu tadbirda yangi Snapdragon 8 Elite Gen 5 protsessori ham namoyish etiladi va iQOO uni birinchi bo‘lib o‘z smartfonlarida qo‘llashi mumkin.

iQOO 15 texnik jihatdan ham kuchli imkoniyatlarga ega bo‘lishi kutilmoqda. Smartfon 6,85 dyuymli QHD OLED...

Hukumat qarori bilan yovvoyi holda o‘suvchi o‘simliklarni yetishtirish bo‘yicha pitomnik va plantatsiyalarning davlat hisobini yuritish tartibi yangilandi. Bu haqda Adliya vazirligi ma’lum qildi.

Endilikda ekish materiallari haqiqatan ekilganini tasdiqlash hamda ularni davlat hisobiga olish Yagona interaktiv davlat xizmatlari portali (my.gov.uz) va Davlat xizmatlari markazlari orqali amalga oshiriladi.

Qarorga muvofiq, bunday pitomnik va plantatsiyalar o‘simlik yetishtiruvchilarning yer uchastkalarida tashkil etiladi. Tadbirkorlar ekish materiallarini tasdiqlatish uchun zarur hujjatlar bilan davlat xizmatlari markazlariga murojaat qiladi.

So‘rovnomaga maxsus foydalanish ruxsatnomasi, olib kirish-chiqarish hujjatlari hamda reyestrga kiritilganligi haqidagi xabarnoma ilova qilinishi lozim. Shuningdek, ekish materialini yetkazib berish bo‘yicha shartnoma ham talab qilinadi.

Vakolatli organ...

Saudiya Arabistoni va yadroviy qudratga ega Pokiston o‘zaro mudofaa paktini imzoladi. Bu kelishuv mintaqadagi keskin vaziyatlar fonida ikki davlat o‘rtasidagi o‘nlab yillik xavfsizlik hamkorligini yangi bosqichga olib chiqdi, deya yozmoqda CNN.

Rasmiylarning aytishicha, bu shartnoma muayyan bir voqea yoki mamlakatga javoban emas, balki yillar davomida shakllangan strategik hamkorlikni mustahkamlash uchun tuzilgan. Hujjatga ko‘ra, bir davlatga qarshi har qanday hujum ikkinchisiga qarshi tajovuz sifatida baholanadi.

Isroilning yaqinda Qatarga qilgan hujumi, shuningdek, G‘azo urushi Fors ko‘rfazi mamlakatlarida xavfsizlik masalalarini yanada keskinlashtirdi. Saudiya esa mintaqaviy barqarorlikni ta’minlash maqsadida Pokiston bilan aloqalarni chuqurlashtirishga intilmoqda.

Shartnoma imzolash marosimida Pokiston bosh vaziri Shahboz Sharif va...

Qozog‘istonda mahalliy ishlab chiqarish tufayli Chery kompaniyasiga tegishli barcha modellarning narxi pasaydi. Bu haqda «Kitayskie avtomobili» xabar bermoqda.

«Biz to‘liq hajmda mahalliylashtirish majburiyatlarini bajarmoqdamiz. Qozog‘istonda ishlab chiqarish – bu mijozlarimiz uchun narxlarning pasayishi bilan birga, yangi ish o‘rinlari, payvandlash va bo‘yash texnologiyalarini joriy etish, shuningdek, mahalliy mutaxassislarning kasbiy darajasini oshirishdir. Davlat sanoatlashtirishni qo‘llab-quvvatlamoqda, biz esa soha vakillari sifatida Chery avtomobillarini qozog‘istonliklarga yanada yaqin va arzonroq qilmoqdamiz», – dedi Chery Kazakhstan direktori Nurlan Shamgonov.

Dastlabki partiya avtomobillar allaqachon konveyerdan chiqib, mamlakat bo‘ylab dilerlik markazlariga yuborildi.

Narxlar:

Eslatib o‘tamiz, Kursiv Uzbekistan nashri Chery birjalar orqali...