Yangiliklar

Olmaliq kon-metallurgiya kombinati (OKMK)da yaqinda zargarlik sanoati uchun ahamiyatli bo‘lgan yangi loyiha ishga tushirildi. Bu haqda OKMK axborot xizmati xabar berdi.

Unga ko‘ra, zargarlik korxonalari kombinatdan 5, 10, 20 va 50 gramm vazndagi, sofligi 999,9 bo‘lgan oltin quymalarni ham xarid qilishar edi. Ushbu yangi loyiha orqali esa oltin va kumush granula shaklida ham ishlab chiqariladi. Bu shakldagi oltin tibbiyot, radioelektronika, mikroelektronikada, kimyo sanoatida va o‘lchov asboblarini ishlab chiqarishda keng foydalaniladi.

OKMKning 75 yilligi oldidan loyiha asosida ishlab chiqarilayotgan mahsulotlarimiz zargarlarga bir qator qulayliklar yaratadi, – deydi Mis eritish zavodi Oltin va kumushni affinajlash sexi boshlig‘i...

2024-yilning yanvar – iyun oylarida Oʻzbekistonga 3,5 mln nafar turist tashrif buyurdi. Bu haqda Statistika agentligi axborot xizmati xabar berdi.

Bu koʻrsatkich oʻtgan yilning mos davri bilan solishtirilganda 415,6 ming nafarga yoki 13,3 foizga oshgan.

Mazkur davrda sayyohlarning eng koʻp oqimi Qirgʻizistonga toʻgʻri keldi – 1,05 mln nafar. Keyingi oʻrinda 1,04 mln nafar turist bilan Tojikiston joy oldi.

Uchinchi oʻrindan 668,4 ming nafar sayyoh bilan Qozogʻiston joylashgan boʻlsa, Rossiyadan kelgan sayyohlar soni 364,5 ming nafarni tashkil etdi.

Turkmanistondan 67,2 ming nafar, Turkiyadan 51,9 ming nafar, Xitoydan 28,7 ming nafar turist Oʻzbekistonga tashrif buyurdi. Shuningdek, Hindiston (28,2 ming nafar), Janubiy...

Xalqaro gimnastika federatsiyasi «Parij – 2024» yozgi Olimpiya oʻyinlarida faoliyat olib boradigan oʻzbekistonlik hakam nomini e’lon qildi. Bu haqda Olimpiya qoʻmitasi xabar berdi.

Milliy Olimpiya qoʻmitasi ma’lumotiga koʻra, hamyurtimiz Oksana Kiosya boʻlajak Olimpiadada sportchilarning chiqishini baholaydi.

Sport gimnastikasi boʻyicha qit’a va jahon chempionatlarida faoliyat olib borib kelayotgan Oksana Kiosya uchun bu birinchi Olimpiada boʻladi.

Avvalroq «Kursiv» oʻzbekistonlik boks hakami Olimpiyada oʻyinlarida ish olib borishi haqida xabar bergan edi.

Millatlar ishlari bo‘yicha federal agentlik (MIFA) migrantlar uchun ma’ruza shaklida moslashish kursini ishlab chiqdi, deb yozadi «Kommersant».

70 daqiqalik ma’ruza davomida chet elliklarga Rossiyadagi xulq-atvor normalari, mehnat qonunchiligi va qonunlarni buzganlik uchun mumkin bo‘lgan jazolar haqida so‘zlab beriladi.

Ma’ruza tarixiy blokni o‘z ichiga oladi. Unda Sovet Ittifoqidan olingan mablag‘lar Markaziy Osiyoning muvaffaqiyatli rivojlanishiga yordam bergani va mintaqada yangi alohida davlatlarning paydo bo‘lishiga asos solganini eslatib o‘tadi.

Xorijiy fuqarolar ekstremistik va terroristik harakatlar va mitinglarda qatnashmasliklari haqida ogohlantiriladi.

Yangi kurs joriy yilning sentabr oyidan Rossiya hududlarida joriy etilishi kutilmoqda. Biroq qonun hujjatlarida uni majburiy o‘tish nazarda tutilmagan.

Hududlararo «PSP-fond» resurs...

2024-yilning yanvar-iyun oylarida O‘zbekistonda 42,7 mingdan ortiq oilaviy korxonalar faoliyat ko‘rsatdi, deya xabar beradi Statistika agentligi. Yil davomida respublikada ularning soni 6,5 foizga kamaydi.

Joriy yilning iyul oyi boshida oilaviy korxonalarning asosiy qismi Samarqand viloyatida – 7,3 mingta, shuningdek, Xorazm va Farg‘ona viloyatlarida mos ravishda 4,6 ming va 4,5 mingtasi joylashgan.

Eng kam oilaviy korxonalar Jizzax viloyatida – 1,4 mingta, Namangan va Sirdaryo viloyatlarida – mos ravishda 996 va 304 tashkil topgan.

Eslatib o‘tamiz, 2023-yil oxirida hukumat oilaviy korxonalarga besh nafargacha xodimni yollashga ruxsat bergan edi. Ilgari ularga uch kishigacha yollash ruxsati berilgan edi.

Avvalroq «Kursiv» yakka tartibdagi...

Soliq qo‘mitasining elektron xizmatlarida nosozliklar qayd etilgan. Buning sababi banklarning axborot tizimlaridagi nosozlik, deya xabar qildi qo‘mita matbuot xizmati.

«Tashqi resurslarda yuzaga kelgan nosozliklar bartaraf etilishi bilan elektron soliq xizmatlaridan to‘liq foydalanish mumkin bo‘ladi», deya aniqlik kiritdi Soliq qo‘mitasi.

Eslatib o‘tamiz, 2024-yilning yanvar-aprel oylarida xakerlar Uznetning 30 ta saytini buzishga muvaffaq bo‘lgan edi. Oʻzbekiston Kiberxavfsizlik Markazi oʻzbek portallariga hujum qilgan yetti davlatdan 11 xakerlik guruhini aniqladi.

Avvalroq «Kursiv» Beeline Uzbekistan mobil operatori ishidagi uzilishlar haqida yozgan edi.

Raqobatni rivojlantirish va iste’molchilar huquqlarini himoya qilish qoʻmitasi «Anglesy Food» MCHJ («Korzinka» nomli supermarketlar tarmogʻi)ga nisbatan ish qoʻzgʻatdi.

Ma’lum qilinishicha, «Korzinka» supermarketlar tarmogʻi tomonidan turli xil usullarda tarqatilayotgan reklama axborotida «Kundalik xaridlarga eng arzon narx», «Eng arzon narx – Korzinkada», «…Eng unumlisiga keling!» degan reklamasida foydalanuvchilarni chalgʻitadigan yoki chalgʻitishi mumkin boʻlgan soʻz jumlalaridan foydalanilgani kuzatilmoqda.

Mazkur reklama axborotida qayd etilgan ma’lumotlarni oʻrganish natijasida aksiya doirasida kundalik ehtiyojlar uchun kerak boʻladigan ma’lum bir miqdordagi mahsulotlardan iborat boʻlgan katalog joriy qilingani ma’lum boʻldi.

Shuningdek, ushbu katalogga kiritilgan mahsulotlarning narxlari turli supermarketlar tarmogʻi hamda dehqon bozorlardagi xuddi shunday mahsulotlarning narxlari boʻyicha oʻtkazilgan...

14-iyul kuni Amerika kubogi (Copa America) va Yevropa chempionati finallari bo‘lib o‘tdi. Amerika kubogida Argentina va Kolumbiya terma jamoalari bahs olib borishdi. Yevropa chemionatida esa Ispaniya Angliya bilan to‘qnash keldi.

«Hard Rok Stedium”da bo‘lgan uchrashuvda 36-daqiqada Argentina sardori Lionel Messi raqib jarima maydonchasida Kolumbiya futbolchisi bilan to‘qnashgani sababli jarohat oldi va maydonni ko‘z yoshlar bilan tark etdi.

O‘yinning asosiy vaqtida hisob ochilmadi. Qoshimcha bo‘limlarning 112-daqiqasida Lautaro Martines jamoasini oldinga olib chiqdi. Argentina ketma-ket ikkinchi marta Amerika chempioni bo‘ldi va turnir tarixida 16 karra kubogni yuqoriga ko‘tardi.

Yevropa chempionati ham o‘z nihoyasiga yetdi. Finalda Ispaniya va Angliya terma jamoalari uchrashishdi.

Jahon bozorlarida yog‘och narxi $440 pastga tushdi. Bu so‘nggi bir yarim yildagi minimal ko‘rsatkichdir, deb xabar beradi «Trading economics» portali.

Tahlilchilar fikricha, ushbu mahsulot narxining pasayishi qurilish materiallariga bo‘lgan talabning kamayishini aks ettiradi. Shunday qilib, Kanadada binolarni qurish uchun berilgan ruxsatnomalar soni 12 foizdan ko‘proqqa kamaydi, AQSHda esa uy sotish taxminan 2 foizga pasaydi.

«Ushbu statistik ma’lumotlar yirik iqtisodiyotlar bo‘ylab ko‘chmas mulk bozorlarida o‘sib borayotgan muammolarni ta’kidlaydi», deyiladi xabarda.

Fond bozorlarida Tesla (+2,77 foiz) va Intel (+2,89 foizga) aksiyalari o‘sishi kuzatilmoqda. Meta (-2,87 foiz) va JPMorgan (-1,27 foizga) qimmatli qog‘ozlari pasaymoqda.

Avvalroq «Kursiv» 12-iyul kuni jahon bozorlaridagi vaziyat haqida...

Fuqarolarning pensiya masalasidagi savollariga javob olish uchun yana bir imkoniyat paydo bo‘ldi. Bu haqda Pensiya jamg‘armasi xabar berdi.

Avvalroq, fuqarolar pensiyaga oid savollari bilan 1271 ishonch raqami orqali murojaat qilishlari mumkin edi. Tizim foydalanuvchilari uchun yanada qulaylik yaratish maqsadida endi Facebook orqali ham ushbu mavzuga doir savollariga javob olishlari mumkin bo‘ladi.

Pensiya mavzusidagi murojaatlar Pensiya jamg‘armasining Facebook sahifasida ushbu havola orqali murojaatlar qabul qilinadi.

Avvalroq «Kursiv» uydan chiqmagan holda nafaqa miqdorini qanday bilish mumkinligi haqida yozgan edi.

Kuvayt neft korporatsiyasi (KPC) Fors koʻrfazidagi Failaka oroli sharqida yirik Al Nohata neft koni topilgani haqida xabar berdi.

Qayd etilishicha, uning zaxiralari mamlakatdagi butun ishlab chiqarishning uch yillik qiymatiga teng, dedi korporatsiya bosh direktori Shayx Navaf Saud Al-Saboh.

Al-Sabohning ta’kidlashicha, dastlabki hisob-kitoblarga koʻra, konda taxminan 2,1 milliard barrel neft va 5,1 trillion kub fut gaz boʻlishi mumkin, bu taxminan 3,2 milliard barrel neft ekvivalentiga teng.

Kuvayt dunyodagi eng yirik neft zaxiralariga ega davlatlardan biri hisoblanadi. Neft eksport qiluvchi mamlakatlar tashkiloti (OPEK+) ma’lumotlariga koʻra, 2022-yil yakunida ushbu koʻrsatkich boʻyicha u dunyoda oltinchi oʻrinni egalladi va mamlakatning umumiy neft zaxiralari...

15-iyul, dushanba kuni O‘zbekistonda o‘rtacha kunlik havo harorati +30…+35° bo‘ladi, deb xabar berdi «O‘zgidromet».

Xorazm, Navoiy, Toshkent viloyatlari, shuningdek, Farg‘ona vodiysida qisqa muddatli yomg‘ir yog‘ishi kutilmoqda.

Toshkent shahrida bugun sinoptiklar +32…+34°, shamol tezligi 10-13 m/s gacha yetishi mumkin (12 balli Bofort shkalasi bo‘yicha besh-olti ball) bo‘lishini ta’kidlamoqda.

Togʻli hududlarda havo +22…+27° gacha qiziydi. Sel va suv toshqinlari xavfi mavjud.

Avvalroq «Kursiv» issiqdan qanday himoyalanish mumkinligi haqida yozgan edi.

O‘lchovli oltin quymalar va sotuv tangalarining yangi narxlari e’lon qilindi. Bu haqda Markaziy bank ma’lumot berdi.

Xabarga ko‘ra, 15-iyul kuni o‘lchovli quyma oltinning 5 grammi 5,043 mln so‘mni, 10 grammi 10,086 mln so‘mni, 20 grammi 20,173 mln so‘mni va 50 grammi 50,432 mln so‘mni tashkil etmoqda.

Esdalik tangalar esa 15 grammi 15,277 mln so‘m, 20 grammi 20,369 mln so‘m qiymatga ega bo‘lib turgan bo‘lsa, 31,1 gramm oltin tanga 31,674 mln so‘m, xuddi shuncha gramm kumush tanga 777 ming so‘m narx bilan baholanmoqda.

12-iyuldagi narxlar bilan solishtirilganda, o‘tgan qisqa muddat ichida bir gramm oltinning narxi 800 so‘mga qimmatlashgan. Esdalik tangalari misolida...

Toshkent shahrining Mirzo Ulug‘bek tumanida 15-iyul soat 00:00 dan boshlab ayrim ko‘chalarda qurilish-ta’mirlash ishlari olib borilishi munosabati bilan avtotransport vositalari harakati cheklandi.

Temur Malik va Bog‘ishamol ko‘chalari chorrahasidan Temur Malik va Sultoniya ko‘chalari chorrahasigacha transport harakati cheklandi. Temur Malik va Buyuk Ipak yo‘li ko‘chalari chorrahasidan Buyuk Ipak yo‘li va Shukur Burxonov ko‘chalari chorrahasigacha bo‘lgan hudud ham to‘sib qo‘yilgan.

Avvalroq «Kursiv» Toshkentdagi yo‘llardan biri bir oy davomida to‘sib qo‘yilgani haqida yozgan edi.

Telegram messenjeri asoschisi Pavel Durov Oʻzbekiston va Qirgʻizistondan soʻng Qozogʻistonga tashrif buyurdi. Bu haqda Durov oʻzining Telegram kanalida ma’lum qildi.

«Yaqinda Markaziy Osiyoning iqtisodiy markazi Qozogʻistondan qaytib keldim. Qozogʻistonning goʻzalligini faqat uning ambitsiyalari bilan solishtirish mumkin», deb yozgan Durov.

U Ostona, Olmaota, Burabay shaharlari va Charin kanyonida boʻlganini qoʻshimcha qildi.

Durovning soʻzlariga koʻra, Qozogʻistonda Telegramʼdan har oy 12,5 million kishi foydalanadi.

«Biz Qozogʻiston xalqi uchun asosiy aloqa platformasi ekanligimizdan faxrlanamiz va ularning tez iqtisodiy va raqamli transformatsiyasini tezlashtiruvchi vosita boʻlib qolishda davom etamiz», deydi u.

Avvalroq «Kursiv» Pavel...

Amerika Qo‘shma Shtatlari (AQSh) prezidenti Jo Bayden navbatdagi davlat rahbari bo‘lish uchun kurashda raqibi Donald Trampning hayotiga suiqasd qilinganidan so‘ng vatandoshlarini vazminlikka chaqirdi, deb xabar bermoqda Reuters.

«Biz zo‘ravonlikka yo‘l qo‘ya olmaymiz. Mamlakatimizda siyosiy ritorika juda qizib ketdi. Uni yumshatish vaqti keldi», deya Baydenning so‘zlarini keltirgan agentlik. Uning qo‘shimcha qilishicha, sodir bo‘lgan voqea uchun hamma javobgar.

Amaldagi prezident AQShda siyosiy qarama-qarshiliklar «o‘q bilan emas, balki saylov qutisida» hal qilinishini qo‘shimcha qildi.

Eslatib o‘tamiz, 13-iyul, shanba kuni Batlerda (Pensilvaniya) saylovoldi kampaniyasi vaqtida Trampning hayotiga suiqasd uyushtirilgan.

Shavkat Mirziyoyev AQShning sobiq prezidenti Donald Trampga suiqasd uyushtirilganini qoraladi. Bu haqda davlat rahbari matbuot kotibi Sherzod Asadov ma’lum qildi.

«Prezident Shavkat Mirziyoyev Amerika Qoʻshma Shtatlarining sobiq prezidenti Donald Tramp Pensilvaniya shtatida saylovoldi uchrashuvda nutq soʻzlayotgan chogʻida uning hayotiga suiqasd uyushtirilgani haqidagi xabarni chuqur xavotir bilan qabul qildi. Davlatimiz rahbari ushbu zoʻravonlik harakatini keskin qoralaydi va Donald Trampga tez fursatda sogʻayib ketishini tilaydi», deyiladi xabarda.

Avvalroq «Kursiv» Donald Trampga suiqasd uyushtirish tafsilotlari haqida yozgan edi.

13-iyul, shanba kuni AQSh prezidentligiga nomzod Donald Tramp Pensilvaniya shtatining Butler shahrida saylovoldi tashviqoti paytida o‘q uzildi. «Kursiv» ushbu voqea haqida ma’lumotlarni to‘pladi.

CNN surishtiruviga ko‘ra, Tramp otishmachidan 120 – 150 m masofada bo‘lgan. Maxfiy xizmat ma’lumotlariga ko‘ra, Trampga o‘q uzgan shaxs miting tashqarisidagi baland joyda bo‘lgan. Huquq-tartibot organlaridagi manbalarning CNN telekanaliga aytishicha, bu shaxs miting yaqinidagi binoning tomida bo‘lgan.

«The Wall Street Journal» nashrining yozishicha, o‘q uzgan shaxsni Maxfiy xizmat xodimlari o‘ldirgan.

RBC nashrining Associated Press agentligiga tayanib xabar berishicha, otishma sodir bo‘lgan joyda AR tipidagi miltiq topilgan.

Trampning matbuot kotibi Stiven Chungning aytishicha, sobiq...

Oʻzbekiston «Adolat» sotsial-demokratik partiyasi raisi Robaxon Mahmudova tezlikni oshirganlik uchun haydovchilik guvohnomasidan umrbod mahrum etish taklifi bilan chiqdi. Bu haqda partiya matbuot xizmati xabar berdi.

Partiya yetakchisi boshqa davlatlarni misol qilib keltirar ekan, Finlyandiyada tezlikni oshirganlik uchun jarima $200 mingni ekanligini ta’kidladi.

Shu bilan birga, Mahmudovaning fikricha, jarima miqdorini oshirish yoʻl-transport hodisasi qurbonlari sonini kamaytirish uchun yetarli chora emas.

«Demak, yurtimizda ham tezlikni oshirganlikda muayyan muddatga avtomobil boshqarish huquqini cheklash yoki haydovchilik guvohnomasidan umrbod mahrum etish, shuningdek, tezlikni oshirish, spirtli ichimlik isteʼmol qilib inson oʻlimiga sabab boʻlgan haydovchilarga jinoiy jazo choralarini kuchaytirish, shu bilan bir...

Tojikiston Tashqi ishlar vazirligi Xitoy tomonidan respublika hududida harbiy baza tashkil etilgani haqidagi xabarlarini rad etdi. Bu haqdagi bayonot mamlakat TIV saytida e’lon qilindi.

Murojaatda bu masala hech qachon muhokama qilinmagani, lekin Dushanbe va Pekin tajriba almashish, shuningdek, terrorizm, ekstremizm, separatizm kuchlariga qarshi kurashda hamkorlik qilayotgani ta’kidlandi.

«Dushanbe va Pekin ikki tomonlama ham, xalqaro va mintaqaviy tashkilotlar doirasida ham tahdid va tahdidlarga qarshi kurashish masalalarida faol hamkorlik qilmoqda», deyiladi bayonotda.

Avvalroq «Kursiv» Oʻzbekiston harbiylari Ozarbayjon, Qozogʻiston, Qirgʻiziston va Tojikiston askarlari bilan birgalikda «Birlestik – 2024» mashgʻulotlarida qatnashayotgani haqida xabar bergan edi.

Oʻzbekistonda oʻqishni koʻchirish boʻyicha oʻtish ballari tasdiqlandi. Bu haqda Oliy ta’lim, fan va innovatsiyalar vazirligi axborot xizmati xabar berdi.

Ma’lum qilinishicha, vazirlikning tegishli buyrugʻi bilan 2024/2025-oʻquv yili uchun xorijiy va nodavlat oliy ta’lim muassasalaridan talabalar oʻqishini respublika davlat oliy ta’lim muassasalariga koʻchirish boʻyicha oʻtkaziladigan maxsus sinovlar boʻyicha oʻtish ballari tasdiqlandi.

Ushbu oʻtish ballari joriy yilda ham tizimida oliy ta’lim muassasalari boʻlgan vazirlik va idoralarning takliflari asosida shakllantirildi.

Ta’lim sohalari kesimida o‘tish ballari quyidagi suratda keltirilgan.

Avvalroq «Kursiv» Oʻzbekistonda OTMga kirish test sinovlari 14-iyuldan boshlanishi haqida xabar berdi.

Hafta davomida Oʻzbekiston Respublikasi valyuta birjasida (OʻzRVB) dollarning oʻrtacha kursi 0,25 foizga oshdi. 2024-yilning oʻtgan davrda (12-iyulgacha) soʻm Amerika valyutasiga nisbatdan 2,3 foizga qadrsizlandi.

5-iyul, juma kuni birjadagi USD/Soʻm kursi 12 603,72 soʻmni tashkil qildi. 8-iyul, dushanba kuni dollar kursi 12 618,26 soʻmga koʻtarildi. Keyin narx 11-iyul, payshanbagacha (12 655,02) doimiy ravishda oʻsib bordi. Biroq juma kuni dollar kursi biroz pasayib, 12 635,27 soʻmni tashkil qildi. Shunga qaramay oʻtgan hafta oxiriga nisbatan koʻrsatkich 0,25 foizga oshdi.

Dollarning oʻsish dinamikasi

Avvalroq «Kursiv» ekspertlar bilan 2024-yil iyun oyida dollarning tushishi sabablari, shuningdek, kelgusi oy uchun prognozlar...

Toshkent shahrining Mirobod tumanidagi Taras Shevchenko koʻchasi gastronomik koʻchaga aylantiriladi. Bu haqda tuman hokimligi matbuot xizmati xabar berdi.

13-iyul kuni, tuman hokimi Anvar Sayfutdinov Taras Shevchenko koʻchasida faoliyat yurituvchi tadbirkorlik subyektlari bilan ochiq muloqot oʻtkazdi.

Uchrashuvda ushbu turistik koʻchaning ishga tushirilishi tadbirkorlarning daromad manbaini oshishiga xizmat qilishi ta’kidlandi.

Bunyodkorlik ishlari davomida Taras Shevchenko koʻchasida yoritish ustunlarini oʻrnatish, oʻrindiqlar, daraxt koʻchatlari oʻtqazish, sugʻorish tizimlarini oʻrnatish, audio musiqa tizimini tashkil etish, dekorativ arka va ustunlar oʻrnatish kabi ishlarni amalga oshirish rejalashtirilgan.

Avvalroq «Kursiv» Yashnobod tumanida birinchi gastronomik Koʻcha tashkil qilinishi haqida xabar bergan edi.

Toshkentdagi «Allianse Motors» avtosaloni mas’ullariga nisbatan jinoyat ish qoʻzgʻatildi. Bu haqda Bosh prokuratura matbuot kotibi Hayot Shamsutdinov xabar berdi.

Ma’lum qilinishicha, Avtosalon mansabdor shaxslari 19 nafar fuqaroga avtomashina olib kelib berish haqida yolgʻon va’dalar berib, 6,17 mlrd toʻlov pulini oʻzlarining ehtiyojlari uchun sarflab yuborishgani aniqlangan.

Hozirgi kunda avtosalon mas’ullariga nisbatan Jinoyat kodeksining 168 (Firibgarlik) va boshqa moddalari bilan jinoyat ishi qoʻzgʻatildi.

Avvalroq «Kursiv» Oʻzbekistonda avtomobil bozori pasayib borayotgani haqida xabar bergan edi.