Yangiliklar

Oʻzbekistondagi yagona uran qazib oluvchi «Navoiyuran» davlat korxonasi 2024-yilning birinchi yarmida ishlab chiqarishni 12,5 foizga oshirdi. Bu haqda kompaniya hisobotida ma’lum qilindi.

Davlat korxonasi bu vaqt ichida qancha tonna uran qazib olinganini oshkor etmadi, lekin tashkilot ishlab chiqarishning umumiy hajmini pul koʻrinishida e’lon qildi. Yanvar – iyun oylarida bu koʻrsatkich 4,9 trillion soʻmni tashkil etdi, bu 2023-yilning shu davriga nisbatan 12,3 foizga koʻpdir.

Kompaniyaning sof foydasi 55 foizga oshib, 1,9 trillion soʻmni tashkil etdi. Shu vaqt ichida $48,5 millionlik investitsiyalar oʻzlashtirildi.

Hozirgi kunda Oʻzbekiston oʻz uranidan foydalanmaydi, lekin faqatgina radioaktiv metallni eksport qilish orqali daromad qiladi. Oʻzbekiston Respublikasi Markaziy...

«Toshkent» respublika fond birjasidagi (RFB) joriy hafta savdolari UCI indeksining 0,26 foizga pasayishi bilan yakunlandi.

Qayd etilishicha, 21 ta yuqori likvidli aksiyadan 12 tasi tushgan, faqat bitta qimmatli qogʻoz oʻsha darajada qoldi, qolgan sakkiztasi esa oʻsishni koʻrsatdi.

Haftalik oʻsish yetakchilari qatoridan «Oʻzbektelekom»ning oddiy aksiyalari (+4%) joy oldi. Narx 4,7 mingga yaqinlashdi, lekin emitentning aksiyalari hali ham oʻtgan yili boʻlib oʻtgan IPO narxidan (6 ming) pastroq savdo qilmoqda.

Aksiyalari qimmatlashgan emitentlar qatoriga «Hamkorbank» ham kiritildi. Oddiy qimmatli qogʻozlarning yopilish narxi 12-iyul, juma kuni 26 soʻmni (+3,59%) tashkil etdi. Ushbu narxda moliya institutining bozor kapitallashuvi 3,35 trillion soʻmni ($265 million...

Dunyoning ba’zi mamlakatlarida mpox (maymun chechagi) virusi yana faollasha boshladi. Bu haqda Sogʻliqni saqlash vazirligi Jahon sogʻliqni saqlash tashkilotining xabariga tayanib xabar bermoqda.

Ma’lum qilinishicha, kasallik shu yil 8-maydan 2-iyul sanasiga qadar Janubiy Afrika Respublikasida yashovchi 20 nafar bemorda aniqlandi. Infeksiya oqibatida 3 kishi hayotdan koʻz yumdi.

Bu mintaqada 2022-yildan buyon qayd etilgan ilk holat. Oʻshanda besh kishiga maymun chechagi tashxisi qoʻyilgan, biroq oʻlim holatlari qayd etilmagan edi.

Umuman, 2024-yilning 1-mayidan 31-mayiga qadar 26 ta davlatda ushbu virusni yuqtirgan 646 nafar bemor roʻyxatga olindi. Eng koʻp kasallanish koʻrsatkichlari Afrika (43,5 foiz), Yevropa (21,8 foiz) hamda Janubiy va Shimoliy Amerika...

Oʻzbekiston va Qozogʻiston yangi navigatsiya yoʻlagini joriy etdi. Bu haqda Transport vazirligi axborot xizmati xabar berdi.

Ma’lum qilinishicha, 2024-yil 11-iyuldan T–916 zonali navigatsiya marshrutining yangi boʻlimlari rasmiy e’lon qilindi va havo kemalari parvozi uchun foydalanishga topshirildi. Shu kuni Germaniyaning «Lufthansa» aviakompaniyasi yangi yo‘nalishning birinchi foydalanuvchisi bo‘ldi.

Ushbu 40 kilometrga qisqargan yangi yoʻnalishning joriy etilishi aviakompaniyalarga har kungi reyslar davomida yiliga 30 tonnadan 50 tonnagacha aviayonilgʻini tejash imkonini beradi. Shu bilan birga, kislorod sarfi 50 – 70 tonnaga, atmosferaga zararli dioksid chiqindilari esa yiliga 220 – 250 tonnaga kamayadi.

Prognozlarga koʻra, kuniga 30 dan ortiq aviakompaniyalar yangi optimallashtirilgan yoʻnalish boʻyicha...

Oʻzbekistondagi 10 dan ortiq banklarda avtokredit rasmiylashtirish mumkin, lekin barcha banklar ham ikkilamchi bozor (eski avtomobillar) uchun avtokreditlar taqdim qilmaydi. Bu safar «Kursiv» ikkilamchi bozor uchun avtokredit beradigan ba’zi banklarni bir joyga jamladi.

Asia Alliance Bank

Asia Alliance Bankʼda foiz stavkasi 27,99 – 33 foizni tashkil qiladi. Kredit muddati esa 5 yil etib belgilangan. Boshlangʻich toʻlovning eng kam miqdori 30 foizdir. Kreditning umumiy summasi 300 mln soʻmgacha etib belgilangan.

InfinBank

Infinbankʼda foiz stavkasi 27,99 foizni tashkil qiladi. Kredit muddati esa 5 yil etib belgilangan. Boshlangʻich toʻlovning eng kam miqdori 25 foizdir. Kreditning umumiy summasi 400 mln soʻmgacha etib...

«O‘zbekkosmos» tomonida olib borilgan kosmik monitoring natijasi e‘lon qilindi. Bu haqda agentlik rasmiy sahifalarida ma’lum qilindi.

Unga ko‘ra, 2024-yilning iyul oyiga qadar mamlakatimiz bo‘ylab umumiy 23 ming 273 gektarlik boshoqli don ekinlaridan boʻshagan yer maydonlarida 1 ming 960 ta yong‘inli holat aniqlandi. Ushbu yong‘inlar somon poyalari va ularning qoldiqlari yonishi bilan bogʻliq, deyilgan xabarda. Holat yuzasidan choralar ko‘rilishi uchun aniqlangan ma’lumotlar vakolatli organlarga taqdim etildi.

Ma’lumot uchun, gʻalladan boʻshagan yerlarda somon poyasini yoqqan shaxslarga nisbatan OʻzR MJTKning 88-moddasi 3-qismi bilan BHMning uch baravaridan besh baravarigacha, mansabdor shaxslarga esa besh baravardan oʻn baravarigacha miqdorda jarima solinadi. Yerga va oʻsimlik dunyosiga...

Prezident Shavkat Mirziyoyev raisligida Quvada bo‘lib o‘tayotgan yig‘ilishda «Vodil» va «Oq-qiya» chegara o‘tkazish punktlariga xalqaro maqom berish masalasi jarayonda ekani ma’lum qilindi. Bu haqda davlar rahbari matbuot kotibi xabar berdi.

Unga ko‘ra, Qirgʻiziston bilan chegaradan ID-karta orqali oʻtish masalasida kelishuvga erishildi. 2023-yilda 20 yildan beri yopiq boʻlgan Shohimardon va Yordon anklav qishloqlariga 400 mingga yaqin turistlar borgan.  Ammo «Vodil» va «Oq-qiya» chegara oʻtkazish punktlari xalqaro maqomda emasligi sababli turistlar Shohimardon va Yordonga ancha masofasi bosib, Oʻsh orqali aylanib kelishga majbur bo‘lmoqda. Qirg‘iziston bilan muzokaralar ijobiy hal etilsa, tadbirkorlar «Vodil» va «Oq-qiya» qishloqlariga 100 million dollar investitsiya kiritmoqchiligi ta’kidlandi.

Prezident...

O‘zbekistonda yetti yil ichida oliy ta’lim muassasalari soni 77 tadan 211 taga ko‘paydi, deya xabar berdi respublika Oliy Majlisi Senati raisi Tanzila Norboyeva.

Uning qoʻshimcha qilishicha, mamlakatda oliy ta’limni qamrab olish darajasi 9 foizdan 42 foizga oshgan.

Norboyeva respublikada 30 ga yaqin xorijiy oliy o‘quv yurtlari borligini, ularning yarmidan ko‘pi MDH davlatlaridan ekanligini ta’kidladi.

Eslatib o‘tamiz, 1999-yildan 2023-yilgacha O‘zbekistonda oliy o‘quv yurtlari uchun ajratilgan kvotalar soni 4,9 barobarga oshdi.

Avvalroq «Kursiv» O‘zbekiston rezidentlari xorijga o‘qishga ketish ehtimoli kamaygani haqida yozgan edi.

12-iyul kuni O‘zbekiston Respublika valyuta birjasida dollarning o‘rtacha tortilgan qiymati 19,75 so‘mga pasaydi va 12 635,27 so‘mni tashkil qildi.

Mamlakat moliya institutlari dollarni 12 595 – 12 655 so‘mdan xarid qilishmoqda va 12 670 – 12 715 so‘mdan sotishmoqda.

Eslatib o‘tamiz, 11-iyul kuni respublikada AQSh valyutasining o‘rtacha qiymati 22,14 so‘mga ko‘tarilgan edi.

11-iyul kuni Birlashgan Millatlar Tashkiloti (BMT) Bosh Assambleyasi a’zolari Ukraina yadroviy inshootlari boʻyicha AQSh va uning ittifoqchilari tomonidan tayyorlangan rezolyutsiyani qabul qildi.

Qayd etilishicha, rezolyutsiyaga 99 ta davlat ovoz bergan, jumladan, Rossiyaning ittifoqchilari sifatida qarab kelingan Xitoy, shuningdek, qator arab davlatlari tomonidan ham qoʻllab-quvvatlangan.

Oʻz navbatida, rezolyutsiyaga 9 ta davlat Rossiya, Belarus, Kuba, Suriya, KXDR va boshqa davlatlar qarshi chiqqan. 60 ta davlat, jumladan, Markaziy Osiyo davlatlari — Oʻzbekiston, Qirgʻiziston, Tojikiston, Qozogʻiston va yana 56 mamlakat esa betarafligini bildirgan.

«Birlashgan Millatlar Tashkiloti Bosh Assambleyasi Rossiya Federatsiyasidan Ukrainaga qarshi tajovuzkorligiga zudlik bilan toʻxtatishni va barcha qurolli...

Oʻzbekiston Bosh prokuraturasi yashirin iqtisodiyotga qarshi kurashish boʻyicha takliflarni qabul qilish uchun Telegram botini ishga tushirdi, deb xabar qildi tashkilot matbuot xizmati.

@YashirinIqtisodiyotTakliflarBot boti orqali soliq qonunchiligidagi muammolar va buzilishlar, tekshiruvlar, to‘lovlar, imtiyozlar haqida xabarlar yuborishingiz mumkin.

Fuqarolar iqtisodiyotning turli tarmoqlari, jumladan, qurilish, farmatsevtika, ulgurji savdo va qishloq xo‘jaligidagi muammolar haqida ham botga xabar berishlari mumkin.

Avvalroq «Kursiv» mamlakatdagi yashirin iqtisodiyot hajmini hisoblab chiqdi.

Oʻzbekistonda havodagi harakatni boshqarish Markaziy kompleksi barpo etiladi, deya xabar berdi «Oʻzaeronavigatsiya» rahbari Doniyor Jumayev.

Jumaev uni yaratish bo‘yicha loyihalash ishlari yakunlanganini qo‘shimcha qildi. Tez orada Andijon va Namangan aeroportlarida havo harakatini boshqarish minoralari qurilishi boshlanadi.

Eslatib o‘tamiz, O‘zbekistonda fuqarolik aviakompaniyalari soni uch-to‘rt yil ichida olti baravar ko‘paygan.

2024-yil may oyi o‘rtalari holatiga ko‘ra, 15 kompaniyadan oltitasi yo‘lovchi tashish, uchtasi yuk tashish, oltitasi aviatsiya masalalari bilan shug‘ullanadi.

Avvalroq «Kursiv» O‘zbekistonda Qo‘qon aeroporti ishga tushgani haqida yozgan edi.

Quvada bo‘lib o‘tayotgan prezident Shavkat Mirziyoyev raisligida Fargʻona viloyatini ijtimoiy-iqtisodiy rivojlantirish boʻyicha yigʻilishida ijtimoiy masalalar muhokama qilindi. Bu haqda davlat rahbari matbuot kotibi xabar berdi.

Unga ko‘ra, Shavkat Mirziyoyev mutasaddilarga kambagʻallikni qisqartirish boʻyicha tizimni oʻzgartirish lozimligini aytdi.

Yig‘ilishda mahalla yettiligi faoliyati, to‘plangan tajribalar tayanib ishlash lozimligi ta’kidlandi. Jumladan, ularning faoliyatiga bank-moliya instrumentlari bilan ishlash tizimi yo‘lga qo‘yildi. Buning natijasida yangicha yondashuvlarga ehtiyoj paydo bo‘lmoqda.

Ta’kidlanganidek, agar ehtiyojmand aholi doimiy daromadga ega bo‘lmasa, tez orada yana ijtimoiy ko‘makka qaram bo‘lib qolishi, qayta murojaat qilishi tabiiy. Shuning uchun, kambagʻallikni qisqartirish va ijtimoiy himoya yagona Ijtimoiy himoya agentligi tizimida birlashtirilishi ma‘lum qilindi.

Hukumat qaroriga binoan Muxtor Avezov nomidagi Janubiy Qozog‘iston universitetining Chirchiq shahridagi filiali tashkil etiladi. Bu haqda hukumat qarori qabul qilindi.

Unda bakalavriat ta’lim yo‘nalishlari va magistratura mutaxassisliklari, shuningdek, ilmiy-pedagogik kadrlar ham tayyorlanadi.

Filial bitiruvchilariga O‘zRda oliy ma’lumotliligini tasdiqlovchi, universitet belgilagan namunadagi diplom beriladi.

Filial malakali professor-o‘qituvchilar yordamida iqtisodiyot tarmoqlari, ta’lim, ilm-fan sohalari uchun zamonaviy bilim va ko‘nikmalarga ega mutaxassislarni tayyorlash bo‘yicha faoliyat olib boradi.

Filial 2024/2025 o‘quv yili boshlanishidan oldin M.Auezov nomidagi Janubiy Qozog‘iston universiteti professor-o‘qituvchilarining 40 foizini ta’minlaydi.

Shu bilan birga, innovatsion tadqiqotlar hamda ularni amaliyotga ko‘chirish, jahonning yetakchi oliy ta’lim muassasalari bilan hamkorlik orqali u yerda...

«Andijon biokimyo zavodi» AJ ustav kapitalidagi 96 foiz davlat aksiyalar paketi 101,3 mlrd soʻmga «Jasmine Gold Group» MCHJga sotildi. Bu haqda Davlat aktivlarini boshqarish agentligi (DABA) xabar berdi.

Ushbu jarayonga «Abrau Сapital» kompaniyasi xususiylashtirish boʻyicha konsultant sifatida jalb etilgan.

«Andijon biokimyo zavodi» spirt va turli turdagi mahsulotlar ishlab chiqarishga ixtisoslashtirilgan.

2024-yilning birinchi choragida kompaniyaning sof foydasi 3 milliard so‘mga yetdi. Bu davrda zavodning umumiy daromadi 46,6 milliard soʻmdan 29,3 milliard soʻmga kamaydi.

Avvalroq «Kursiv» DABA «Oʻzagrosugʻurta» sugʻurta kompaniyasini xususiylashtirish boʻyicha tanlov e’lon qilgani haqida xabar bergan edi.

Iyun oyida O‘zbekistonda avtomobil savdosi may oyiga nisbatan 13,6 foizga kamaydi. Oy davomida jami 87 ming dona avtomobil sotilgan. Bu haqda Iqtisodiy tadqiqotlar va islohotlar markazi (ITIM) tahlilida aytiladi.

Yillik hisobda avtomobillar savdosi 1,4 baravardan ortiq kamaydi. ITIM ta’kidlashicha, pasayish qisman yoz davriga xos bo’lgan mavsumiy omillar bilan izohlanadi. Odatda bu vaqtda biznes faolligi pasayadi.

Iyun oyida respublikada yangi yengil avtomobillar sotuvi may oyiga nisbatan 9 foizga kamaydi (26 mingdan ortiq avtomobil). Yillik hisobda birlamchi bozor 5,3 foizga pasaygan.

Yangi elektromobillar savdosi 28 foizga kamaydi, ikkilamchi bozorda esa 2,4 foizga o‘sish kuzatildi.

2024-yilning birinchi yarmidagi maʼlumotlarga koʻra, Oʻzbekistonda umumiy...

O‘lchovli oltin quymalar va sotuv tangalarining yangi narxlari ma’lum qilindi. Bu haqda Markaziy bank ma’lumot berdi.

Unga ko‘ra, o‘lchovli quyma oltinning 5 grammi 5,039 mln so‘mni, 10 grammi  10,079 mln so‘mni, 20 grammi 20,157 mln so‘mni va 50 grammi 50,393 mln so‘mni tashkil etmoqda.

Esdalik tangalar esa 15 grammi 15,265 mln so‘m, 20 grammi 20,353 mln so‘m qiymatga ega bo‘lib turgan bo‘lsa, 31,1 gramm oltin tanga 31,649 mln so‘m, xuddi shuncha gramm kumush tanga 784 ming so‘m narx bilan baholanmoqda.

O‘tgan qisqa vaqt ichida bir gramm oltin narxi 8 iyuldagi narxlarga nisbatan 15,2 ming so‘mga qimmatlashgan. Esdalik tangalari misolida ham...

«Parij – 2024» yozgi Olimpiya oʻyinlarining boks bahslarida oʻzbekistonlik referi faoliyat olib boradi. Bu haqda Milliy olimpiya qoʻmitasi axborot xizmati xabar berdi.

Oʻzbekiston boks federatsiyasining ma’lum qilishicha, boʻlajak bellashuvlarda Xalqaro toifadagi hakam Alisher Polvonov ishlaydi.

Bungacha Polvonov Osiyo va jahon chempionatlari, bir qator nufuzli turnirlar, xususan, «Parij – 2024» siklidagi qit’a va jahon litsenzion turnirlarida faoliyat koʻrsatgan.

Ma’lumot uchun, «Parij – 2024» yozgi Olimpiya oʻyinlari 26-iyuldan 11-avgustgacha boʻlib oʻtadi.

Avvalroq «Kursiv» Parij Olimpiadasida Oʻzbekiston bayroqdorlari kimlar boʻlishi haqida xabar bergan edi.

Hukumat qarori bilan avtotransport vositalarini qayta jihozlash uchun ruxsatnomalar berish muddati 15 kundan 10 kunga qisqartirilmoqda. Bu haqda hukumatning davlat xizmatlarini koʻrsatish tizimini soddalashtirish va byurokratik toʻsiqlarni qisqartirish toʻgʻrisidagi qarorida koʻrsatib oʻtildi.

Qayd etilishicha, avtomobilni qayta jihozlangan deb tan olinadigan oʻzgarishlar roʻyxati 58 tadan 241 tagacha kengaymoqda.

Avtomashinani qayta jihozlashga ruxsat berish haqidagi arizani koʻrib chiqish uchun BHMning 30 foizi miqdorida yigʻim undiriladi.

Shuningdek, avtotransport vositasini boshqarish huquqiga ishonchnoma elektron shaklda rasmiylashtirilganda egasining qarzdorligi Majburiy ijro byurosining maʼlumotlar bazasi orqali avtomatik tarzda tekshiriladi.

Avvalroq «Kursiv» BYD Oʻzbekistonda byudjetli avtomobillar ishlab chiqarishni rejalashtirayotgani haqida xabar bergan edi.

Yangi subyektlar faoliyati davomida kutilayotgan firibgarliklarning oldini olishga qaratilgan bir qator choralar joriy etilmoqda. Bu haqdagi qaror Markaziy bank tomonidan qabul qilindi.

Endi toʻlov tizimi operatorlari va toʻlov tashkilotlari aksiyadorlik jamiyatlari shaklida ish olib borishi belgilandi. Toʻlov tizimi operatori ustav kapitalining kamida 50 mlrd soʻmni tashkil qilishi lozim bo‘ldi. Shuningdek, toʻlov tashkiloti uchun 10 mlrd soʻm hamda 2025-yil 1-iyuldan boshlab 20 mlrd soʻmni tashkil qilishi kerakligi belgilab qo‘yildi.

Shu bilan birga, litsenziya da’vogari tomonidan berilgan arizaga antifrod tizimi tavsifi qo‘shimcha ilova qilinishi belgilandi. Bu esa hali faoliyat yuritmagan yangi subyektlarning ehtimoliy risklarini bartaraf qilishda yordam beradi. Mazkur nizom...

Raqobatni rivojlantirish va iste’molchilar huquqlarini himoya qilish qoʻmitasi Oʻzbekistonning Andijon viloyatida joylashgan «Shangfeng – Bridge of Friendship» sement zavodiga qarshi antidemping ishini qoʻzgʻatdi, deb xabar qildi tashkilot matbuot xizmati.

Avvalroq Farg‘ona vodiysidagi sement zavodlari mazkur korxona faoliyati yuzasidan shikoyatlar bilan qo‘mitaga murojaat qilgan edi. Murojaatchilar xitoylik investorlar bilan hamkorlikda tashkil etilgan kompaniya mahsulot tannarxidan past narxlarda sotilayotganini ta’kidladi. Shu sababli bozorning boshqa ishtirokchilari bankrotlik xavfiga duch kelishadi.

Qo‘mita rahbari Halilillo Turaxujayev vaziyatni shaxsan o‘rganib, Farg‘ona, Andijon va Namangan viloyatlaridan kelgan 13 ta sement zavodi vakillari bilan uchrashdi. Qo‘mita «Shangfeng – Bridge of Friendship» demping borligini tekshirish uchun so‘rov yuborgan...

Toshkent shahrining Uchtepa tumani hokimi Farxod Abdullayev «O‘zbekiston texnologik metallar kombinati» aksiyadorlik jamiyatiga rahbar etib tayinlandi. Shu munosabat bilan u ilgari egallab turgan lavozimidan ozod etildi.

Tuman hokimining moliya va kambag‘allikni qisqartirish bo‘yicha sobiq o‘rinbosari Jamshid Alimjonov tuman rahbari vazifasini bajaruvchi etib tayinlandi.

Avvalroq «Kursiv» Ulug‘bek Habiljonov Toshkentning Chilonzor tumani prokurori etib tayinlangani haqida yozgan edi.

Dunyoning eng yirik xomashyo iste’molchisi boʻlgan Amerika Qoʻshma Shtatlarida (AQSh) inflyatsiya ma’lumotlari e’lon qilinishi fonida jahon bozorlarida neft narxi bir necha sessiyalar davomida ketma-ket oʻsib bormoqda, deb xabar berdi «Trading economics» portali.

Shu tariqa Brent neftining bir barreli narxi juma kuni ertalab 85,6 dollarga, WTI – 82,9 dollarga ko‘tarildi.

AQShda inflyatsiya investorlar kutganidan past bo‘ldi. Shu sababli, bu bozor ishtirokchilariga Federal rezerv tomonidan kelajakdagi stavkaning pasayishini kutish uchun asos beradi.

Qimmatli qog‘ozlar bozoriga kelsak, Tesla (-8,52 foiz), Nvidia (-5,40 foiz) va Intel (-3,84 foiz) aksiyalarida pasayish kuzatilmoqda.

Avvalroq «Kursiv» 11-iyul kuni jahon bozorlaridagi vaziyat haqida yozgan edi.

Farg‘ona viloyatining Marg‘ilon shahrida 110 gektar yangi turarjoy massivi paydo bo‘ladi, dedi prezident Shavkat Mirziyoyev viloyatga tashrifi chog‘ida.

«Marg‘ilonliklarning yashash sharoitlaridan, uy-joylarga ehtiyojidan xabarim bor. Shu talab va istaklarni, ko‘pchilik oilalarning orzularini inobatga olib, zamonaviy imoratlar qurishni o‘ylayapmiz», dedi Shavkat Mirziyoyev.

Besh ming xonadon bo‘lgan, 25 ming kishi yashashi mumkin bo‘lgan yangi hududda uylar qurilishi kutilmoqda.

Bundan tashqari, hududda ilmiy-tadqiqot markazi, maqom san’ati teatri, yuridik institut, toʻrtta mehmonxona va bir qancha savdo majmualari quriladi.

Avvalroq «Kursiv» Farg‘ona viloyatida $7 milliardlik yuzdan ortiq loyihalarni amalga oshirish rejalashtirilganini yozgan edi.