Yangiliklar

Janubiy koreyalik futbolchi Son Jun Xo Xitoy rasmiylari bilan kelishilgan o‘yinlar va poraxo‘rlikda ishtirok etgani haqidagi ayblovlarga iqror bo‘ldi. Bu haqda CNN axborot agentligi ma’lum qildi.

Unga ko‘ra, Xitoy futbol assotsiatsiyasi (CFA) korrupsiyaga qarshi kurash bo‘yicha ikki yillik tekshiruvdan so‘ng, 38 futbolchi, jumladan, Son va besh amaldorga umrbod diskvalifikatsiya e‘lon qildi.

«Men hech qachon kelishilgan o‘yinlarda qatnashmaganman, ularda bor yagona dalil bu mening majburlash ostida qilgan yolg‘on iqrorim. Agar ayblovlarni qabul qilmasam, xotinim ham hibsga olinadi va tergov qilinadi, deb tahdid qilishdi», deydi Son.

Janjal chiqqanidan beri Janubiy Koreya tomonida o‘z o‘rnini yo‘qotgan yarim...

Joriy yil 12-sentabr kuni Markaziy bank tomonidan taqdim etilgan press-relizga ko‘ra, asosiy stavka 13,5 foiz darajasida oʻzgarishsiz qoldi. Bu haqda regulyatorning matbuot xizmati xabar berdi.

Taqdim etgan maʼlumotlarga koʻra, soʻnggi uch oyda umumiy inflyatsiya oʻzgarishsiz qolgan va avgust oyida yillik koʻrsatkich boʻyicha 10,5 foizni tashkil etgan.

«Iqtisodiy faollikdagi ijobiy tendensiyalar savdo va pullik xizmatlar, eksport tushumlari va pul o‘tkazmalari hajmining o‘tgan yilning mos davriga nisbatan oshishida ham kuzatildi», — deyiladi press-relizda.

Bundan tashqari, joriy yilda meva-sabzavotlar narxi pasayishi inflyatsiyaga qariyb 1 foiz bandlik pasaytiruvchi taʼsir koʻrsatdi.

Maʼlumot oʻrnida, stavka oxirgi marta 2024-yilning iyul oyida...

Iqtisodiy tadqiqotlar va islohotlar markazi ma’lumotlariga ko‘ra, O‘zbekistonda ishbilarmonlik muhiti yaxshilandi. 2024-yilning avgust oyida yig‘ma ko‘rsatkich 6 punktga ko‘tarilib, 53 ballni tashkil etdi. Mingdan ortiq tadbirkorlar joriy iqtisodiy vaziyatga baho berib, ularning 41 foizi uni «yaxshi» deb hisoblaydi. Tahlil Kursiv Uzbekistan’da mavjud.

Ijobiy o‘zgarishlarga qaramay tadbirkorlar hali ham moliyalashtirish, yuqori soliq stavkalari va elektr energiyasi ta’minoti kabi muammolarga duch kelmoqda. Qishloq xo‘jaligi va qurilishda kutishlarning o‘sishi kuzatilmoqda, sanoatda esa optimizm pasaydi.

Qishloq xo‘jaligida biznes muhit 10 punktga oshib, 56 taga yetdi. Sanoatda o‘sish 7 punktni tashkil etib, 50 ga chiqdi. Qurilishdagi faollik 11 punktga ko‘payib, 56 bandni qayd etdi. Xizmat...

Toshkentda boʻlib oʻtayotgan VI Cbonds konferensiyasida Amerikaning Texas universiteti professori Botir Qobilov Oʻzbekistondagi kapital bozori holati haqida ma’ruza qildi.

Ekspertning fikricha, Oʻzbekiston kapital bozori rivojlanishning dastlabki bosqichida, bu ayni paytda oʻsish va oʻzgarishlar uchun katta istiqbollarni ochmoqda. Lekin ushbu sohaning muvaffaqiyatli rivojlanishi uchun, ayniqsa, davlat ustunlik qiladigan sohalarda keng koʻlamli oʻzgarishlar zarur.

Kapital bozorining rivojlanishiga toʻsqinlik qilayotgan asosiy omillardan biri shaffoflikning yoʻqligi hisoblanadi. Qobilov ta’kidlaganidek, yagona portal ma’lumotlarini tahlil qilib, Oʻzbekistondagi aksiyadorlik jamiyatlarining qariyb yarmi oʻz moliyaviy hisobotlarini e’lon qilmayotganini aytdi. Professor 600 dan ortiq aksiyadorlik jamiyatlaridan atigi 300 dan ortiq tashkilot yillik hisobotlarni e’lon qilgan, deb ta’kidladi. U Korporativ...

Vyetnamda Yagi to‘foni oqibatida 200 ga yaqin odamlar halok bo‘ldi, 128 nafar kishi esa bedarak yo‘qolgan. Bu haqda CNN axborot agentligi ma’lum qildi.

Unga ko‘ra, Vyetnamda to‘fon boshlanganidan buyon 800 dan ortiq kishilar jarohatlangan.

Seshanba kuni Vyetnam shimolidagi Lao Kay provinsiyasidagi Lang Nu qishlog‘ini suv toshqini oqibatida halok bo‘lganlar soni hafta boshida yana oshdi. Chorshanba kuni yuzlab qutqaruvchilar tomonidan omon qolganlarni qidiruv ishlari olib borildi.

Eslatib o‘tamiz, avvalroq Yagi to‘foni 143 kishini hayotiga zomin bo‘lgani haqida yozgan edik.

Vengriyaning OTP banki Oʻzbekistonda kapital bozorida maxsus rejim ishtirokchisiga aylandi. Bu haqda Istiqbolli loyihalar milliy agentligi (ILMA) direktorining birinchi oʻrinbosari Vyacheslav Pak Toshkentda boʻlib oʻtayotgan VI Cbonds konferensiyasidagi chiqishida ma’lum qildi.

Uning soʻzlariga koʻra, ILMA tegishli ma’lumotlarni yaqin kunlarda oʻz veb-saytida e’lon qiladi. Endi maxsus rejim ishtirokchilari roʻyxatida ikkita moliya instituti boʻladi. Birinchisi, joriy yilning fevral oyida kirish huquqiga ega boʻlgan Bank of Georgia hisoblanadi. Dastlabki bosqichda bank mahalliy bozorda muomalaga chiqarilgan davlat qimmatli qogʻozlari bilan ishlashni, ularni mijozlari uchun sotib olishni boshladi.

Avvalroq Kursiv Uzbekistan Bank of Georgia Oʻzbekistonning davlat qarziga sarmoya kirita boshlagani haqida xabar bergan edi.

Joriy yilning 12-sentabr kuni Oʻzbekiston prezidenti Turkiya tashqi ishlar vaziri Hakan Fidan, ichki ishlar vaziri Ali Yerlikaya hamda Milliy razvedka xizmati direktori Ibrohim Qalin bilan uchrashuv oʻtkazadi. Bu haqda prezident matbuot kotibi Sherzod Asadov ma’lum qildi.

Qayd etilishicha, Turkiya delegatsiyasi O‘zbekiston prezidenti Shavkat Mirziyoyev joriy yilning 6–7-iyun kunlari Turkiyaga rasmiy tashrifi yuzasidan erishilgan kelishuvlarga muvofiq Toshkentga keldi.

Delegatsiya tashrifi yuzasidan ikki tomonlama muzokaralar tashqi siyosiy masalalar, shuningdek, maxsus xizmat rahbarlarining qoʻshma uchrashuvlari oʻtkazish reja qilingan.

Tashrif davomida asosiy masala sifatida xavfsizlik, zamonaviy tahdidlarga qarshi kurashishda oʻzaro hamkorlikni kuchaytirish diqqat markazida boʻladi.

Avvalroq Kursiv Uzbekistan Shavkat Mirziyoyev Ostonada Pokiston Hukumati rahbari...

Qashqadaryoda Oliy sud raisi Ikrom Muslimov boshchiligidagi ishchi guruh tomonidan sayyor qabul o‘tkazilib, qabul davomida 140 nafar mahkum muddatdan ilgari shartli ravishda ozod etildi. Bu haqda Oliy sud matbuot xizmati xabar berdi.

Qayd etilishicha, qabul davomida qashqadaryolik fuqarolarning sud-huquq tizimi doirasida murojaatlari o‘rganilib, huquqiy maslahat va ko‘mak so‘rab kelgan 70 nafar fuqaro qabul qilindi. Murojaatlarning 35 tasi jinoyat sudloviga, 20 tasi fuqarolik sudloviga, 6 tasi iqtisodiy sudlovga hamda 9 tasi ma’muriy sudlovga tegishli bo‘lgan.

Bundan tashqari, 34 nafar fuqarolarning og‘zaki murojaatlari yuzasidan huquqiy tushuntirishlar berilib, 31 ta shikoyat va arizalar qonuniy ko‘rib chiqilishi uchun qabul qilindi.

Avvalroq Kursiv Uzbekistan...

2024-yilning 5-sentabr kuni «Muhteshem doner» kafesining bir necha turdagi taomlarini iste’mol qilgan 23 nafar shaxs ovqatdan zaharlanish belgilari bilan shifoxonaga yotqizilgan. Bu haqda Sanitariya-epidemiologiya qo‘mitasi xabar berdi.

Unga ko‘ra, muolajalar natijasida (12-sentabr 09:00 holatiga ko‘ra) ularning 13 nafariga ketishga ruxsat berilgan. Qolgan 10 nafar bemor davolashni davom ettirmoqda.

Bugungi kunga kelib, Sanepidqoʻmning Toshkent shahar boshqarmasi boshchiligida «Muhteshem doner» kafesi vaqtincha yopilgan. Laboratoriya tekshiruvlari uchun iste’mol qilingan oziq-ovqat mahsulotlari qoldiqlaridan namunalar olingan.

Qo‘mitaning ta’kidlashicha, zaharlanishga kafeda tayyorlangan sous sabab boʻlgan boʻlishi mumkin.

Eslatib o‘tamiz, avvalroq Qo‘yliq bozorining oziq-ovqat bo‘limi antisanitariya tufayli vaqtincha yopilgan edi.

Qozog‘istonlik deputat Magerram Magerramov mamlakatda sodir etilgan jinoyatlar uchun javobgarlik yoshini 14 yosh emas, balki 12 yosh qilib belgilash taklifini berdi. Bu haqda Kaztag nashri xabar qildi.  

Deputatning so‘zlariga ko‘ra, Qozog‘iston maktablari xavfsiz emas, mamlakat aholisi bir necha bor voyaga yetmaganlar tomonidan sodir etilgan zo‘rlash, qotillik va boshqa shu turdagi og‘ir jinoyatlar haqida xabarlardan larzaga tushgan.

«Bizning fikrimizcha, zo‘ravonlikning ildizini yo‘q qilish zarur. Ammo hozirgi kunda yoshi sabab jinoyatchilar jazodan qochib qolmoqda», deydi Magerramov.

Deputatning ta’kidlashicha, maktab bolani jamiyatga integratsiya qilishda birinchi qadam, shu sababdan o‘qituvchilar bolalarning buzuq xatti-harakatlarining oldini olishga hamda bartaraf...

Andijon viloyati Qoʻrgʻontepa tumani Qorasuv shahrida joylashgan «Qorasuv» chegara bojxona posti 15 yillik tanaffusdan soʻng yana oʻz faoliyatini qayta tikladi. Bu haqda bojxona qoʻmitasi xabar berdi.

Qayd etilishicha, «Qorasuv» chegara bojxona posti 3 gektardan ziyod maydonga ega boʻlib, bu yerda ulkan qurilish-bunyodkorlik ishlari amalga oshirildi. Endilikda bojxona postidan 12 ming nafardan ziyod fuqarolar oʻtib-qaytishi mumkin.

Postning ochilishi qoʻshni davlat fuqarolari uchun ham bir qator qulayliklarni yuzaga keltiradi. Jumladan, Qirgʻizistonning Oʻsh viloyatidan Jalolobod viloyatiga oʻtish uchun shu vaqtga qadar 120 km masofa bosib oʻtilgan boʻlsa, endi ushbu masofa 101 km ga qisqarib, Oʻzbekiston hududi boʻylab tranzit tarzida atigi 19 km...

Boyqo‘ng‘ir kosmodromidan ekipaji ikki nafar rossiyalik va bir amerikalikdan iborat «Soyuz-2.1a» raketasi Xalqaro kosmik stansiyaga (XKS) tomon kosmik parvozni amalga oshirdi. Bu haqda RIA Novosti xabar berdi.

Kema ekipajida rossiyalik kosmonavtlar Aleksey Ovchinin va Ivan Vagner, shuningdek, amerikalik astronavt Donald Pettit bor.

Raketa uchirilganidan to‘qqiz daqiqa o‘tmay, «Soyuz MS-26»ni past Yer orbitasiga olib chiqadi va u XKSga mustaqil parvozini boshlaydi.

Bu safar parvoz sxemasi juda qisqa ikki orbitali parvoz sifatida tanlandi, stansiyaning rus segmentining Rassvet moduliga ulanishi Moskva vaqti bilan soat 22.33 da kutilmoqda. Missiyaning davomiyligi 202 kun bo‘lishi rejalashtirilgan.

Parvoz davomida rossiyalik kosmonavtlar 40 dan ortiq ilmiy...

Rossiya Federatsiyasi parlamentining quyi palatasi – Davlat dumasi mehnat muhojirlariga Rossiyaga ishlash uchun oilalarini olib kelishni taqiqlovchi qonun loyihasini tayyorlaydi, dedi organ raisi Vyacheslav Volodin.

«Odam o‘zi ishlagani kelganidan keyin oila a’zolarini o‘zi bilan olib yurishi mumkin emas,» deya Volodindan iqtibos keltirdi «Interfaks» agentligi.

Davlat dumasi raisining so‘zlariga ko‘ra, tayyorlanayotgan qonun loyihasi deputatlarning katta qismi tomonidan «aniq qo‘llab-quvvatlanadi».

Shuningdek, Rossiya qonunchilari fuqarolik olish uchun zarur bo‘lgan nikoh muddatini ikki yilgacha uzaytirmoqchi.

Avvalroq Kursiv Uzbekistan Rossiyada noqonuniy mehnat muhojirlari maxsus reyestr yordamida hisobga olinishi haqida yozgan edi.

Joriy yilning 11-sentabr kuni taxminan soat 17:20 lar atrofida Tojikiston muftiysi Saidmukarrama Abdulqodirzodaga hujum bo‘ldi. Bu haqda mamlakat Ichki ishlar vazirligi matbuot xizmati xabar berdi.

Dushanbe markaziy masjidi yonida namozdan so‘ng muftiyga nisbatan o‘tkir tig‘li jism bilan tan jarohati yetkazildi.

Muftiy Saidmukarrama Abdulqodirzodaga yetkazilgan tan jarohati og‘ir emasligi inobatga olinib, shifokorlar ko‘rigidan o‘tgandan so‘ng uyiga javob berib yuborilgan. Hujum qilgan shaxs darhol qo‘lga olingani aytilmoqda.

Hozirda holat yuzasidan Tojikiston IIV tomonidan jinoyat ishi qo‘zg‘atilib, tergov harakatlari olib borilmoqda.

Ma’lumot uchun, falsafa fanlari doktori Saidmukarrama Abdulqodirzoda 2010-yildan buyon Tojikiston muftiysi lavozimida faoliyat olib bormoqda.

Avvalroq Kursiv Uzbekistan joriy yilning dastlabki...

O‘zbekistonda mehmonxona xonalari fondi 2028-yil oxirigacha 3 565 taga ko‘payadi, deb ma’lum qildi Commonwealth Partnership (CMWP) Uzbekistan konsalting kompaniyasi. Uning press-relizi «Kursiv Uzbekistan» tasarrufida.

CMWP ma’lumotlariga ko‘ra, ochilishi rejalashtirilgan umumiy nomerlarning yarmidan ko‘pi (57 foiz) Toshkentda jamlanadi. Gap 2 035 ta xona haqida ketmoqda.

Hozirgi kunda O‘zbekistondagi mehmonxonalarning aksariyatining narxi yuqori. Rivojlanayotgan bozorlar uchun bu odatiy holat, deya ta’kidladi tahlilchilar.

2024-yilning dastlabki olti oyida O‘zbekistonga 3,5 mln xorijlik tashrif buyurgan.

Avvalroq Kursiv Uzbekistan 1-oktabrdan respublikadagi sayyohlik agentliklari va mehmonxonalar budjetga to‘langan qo‘shilgan qiymat solig‘ining bir qismini qaytarib olishi mumkinligi haqida yozgan edi.

12-sentabr, payshanba kuni erta tongda Shimoliy Koreya (KXDR) Yaponiya dengizi yo‘nalishida noma’lum ballistik raketani uchirdi, deb xabar berdi Yonhap agentligi harbiylarga tayanib.

Janubiy Koreya harbiy rahbariyati uchirish holatlarini tahlil qilayotganini ma’lum qildi.

Yaponiya ommaviy axborot vositalari raketa mamlakatning eksklyuziv iqtisodiy zonasidan tashqarida qulagani haqida xabar berdi. Keyinroq Yaponiya Mudofaa vazirligi bu ma’lumotni tasdiqladi.

Mudofaa vazirligining ta’kidlashicha, Shimoliy Koreya tomonidan raketa uchirilishi «Yaponiya, mintaqa va jahon hamjamiyati tinchligi va xavfsizligiga tahdid soladi». Yaponiya norozilik bildirdi va KXDR harakatlarini qoraladi.

Avvalroq Kursiv Uzbekistan Shimoliy Koreya yangi raketalarni sinovdan o‘tkazayotgani haqida yozgan edi.

So‘nggi bir yil ichida O‘zbekistondagi savdo maydonlari bozori 46 foizga oshdi, deyiladi «Commonwealth Partnership (CMWP) Uzbekistan» konsalting kompaniyasi tadqiqotida. Tahliliy ishlar natijalari aks etgan press-reliz Kursiv Uzbekistan’da mavjud.

CMWP ma’lumotlariga ko‘ra, birinchi yarim yillikda Toshkentdagi sifatli savdo markazlarining birinchi qavatlarida o‘rtacha so‘ralgan stavka bir kvadrat metr uchun $41 ni tashkil etdi. Ko‘rsatkich 2,5 foizga oshdi.

O‘tgan ikki yil davomida xalqaro chakana savdo kompaniyalarining O‘zbekiston bozoriga faol kirib kelishi bilan ham ajralib turdi. Shu vaqt mobaynida mamlakatimizda jahon bozorining 20 dan ortiq yirik ishtirokchilari o‘z savdo shoxobchalarini ochdi.

«Yangi sifatli savdo markazlarining ochilishi munosabati bilan 2025-yilda savdo maydonchalarining umumiy hajmining ijobiy...

Janubiy Koreyaning smartfon, televizor va chiplar ishlab chiqaruvchi Samsung kompaniyasi xorijdagi bo‘linmalarining 30 foizgacha xodimlarini ishdan bo‘shatmoqchi, deb xabar berdi Reuters agentligiga manbalar.

Kompaniya rahbariyati butun dunyo bo‘ylab sho‘ba bo‘linmalarida sotuv va marketing bo‘limlaridagi xodimlarni 15 foizini va ma’muriy xodimlarni 30 foizini qisqartirishga ko‘rsatma berdi. Reja yil oxirigacha Shimoliy va Janubiy Amerika, Yevropa, Osiyo va Afrikada amalga oshiriladi.

Xorijiy bo‘linmalardagi qisqartirishlar texnologik gigantning samaradorligini oshirishga qaratilgan. Reja kompaniyaning ishlab chiqarish salohiyatiga ta’sir qilmasligi kerak.

2023-yil oxirida Samsung’da qariyb 268 ming xodim ishlagan. Ularning qariyb yarmi xorijda mehnat qilgan.

Avvalroq Kursiv Uzbekistan Samsung prezidenti Li Chje Yong yangi smart soatlar...

Bugun, 12-sentabr kuni respublikada issiq havo kuzatiladi. O‘zbekistonda o‘rtacha havo harorati 31-darajadan tepa bo‘ladi. Bu haqda Gidrometeorologiya xizmati agentligi xabar beradi.

Poytaxtda havo bulutli va o‘zgaruvchan bo‘lishi kutilmoqda, biroq yog‘ingarchilik kuzatilmaydi. Kunduzi havo 31-daraja issiq, kechga kelib 16-daraja iliq bo‘ladi.

Tog‘li hududlarda ham yomg‘ir yog‘maydi. Kunduzi havo 23-darajagacha ko‘tariladi, kechasi esa 5-10 daraja salqin bo‘ladi.

Boku shahrida Xalqaro turkiy akademiya va Turk tilshunoslik jamiyati tomonidan umumiy turkiy alifbo komissiyasining uchinchi yig‘ilishi o‘z ishini muvaffaqiyatli yakunladi. Bu haqda Ozarbayjonning Azertak axborot portali xabar berdi.

Unga ko‘ra, yig‘ilishda olimlar tomonidan 1991-yilda taklif etilgan lotin alifbosiga asoslangan umumiy turkiy alifbo loyihasi har tomonlama ko‘rib chiqildi. Komissiya a’zolari tomonidan keng koʻlamli muhokamalar oʻtkazilib, mazkur loyihada e’tibor qaratilishi lozim boʻlgan jihatlar belgilab olindi.

Muhokamalar natijasida 34 harfdan iborat umumiy turkiy alifbo boʻyicha umumiy kelishuvga erishildi. Alifbodagi har bir harf turkiy tillarda mavjud bo‘lgan turli fonemalarni aks ettirishiga alohida e’tibor qaratildi.

«Umumiy turkiy alifboning yaratilishi nafaqat...

2024-yil 11-sentabr kuni Shahrisabz mahalliy aeroporti fuqaro aviatsiyasining parvozlari uchun qayta ochildi. Bu haqda Uzairports matbuot xizmati ma’lum qildi.

Unga ko‘ra, “Silk Avia» aviakompaniyasining Toshkentdan jo‘nagan ilk parvozi mahalliy vaqt bilan soat 13:10 da borib qo‘ndi. Parvoz vaqti 1 soat 30 daqiqani tashkil topdi. An’anaga muvofiq, L410 rusumli samolyot suv arkasi va karnay-surnay bilan tantanali kutib olindi.

Aeroport uzunligi 1554 metr va eni 35 metr boʻlgan uchish-qoʻnish yoʻlagidan, ikkita samolyot va toʻrtta vertolyot turish joyiga ega. Aeroport majmuasi soatiga 100 yo‘lovchiga xizmat ko‘rsatish imkoniyatiga ega.

Ma’lumot uchun, Shahrisabz aeroporti 2003-yilning noyabr oyida yopilgan edi.

Eslatib o‘tamiz, avvalroq TezJet...

2024-2025-yillarda aholiga oʻzini oʻzi band qilishi, kichik va oʻrta tadbirkorlik bilan shugʻullanishi uchun mikrokreditlar ajratishga 10 trln soʻm beriladi. Bu haqda prezident matbuot kotibi Sherzod Asadov ma’lum qildi.

Bundan tashqari, ijtimoiy himoyaga muhtoj oilalarga 30 mln soʻmgacha uskuna, koʻchma doʻkon (fud-trak), motoroller, skuter kabi vositalar 5 yilda boʻlib toʻlash sharti bilan taqdim etiladi.

Shunday oila farzandlariga kompyuter xarid qilishlari uchun 5 yilga 2 yillik imtiyozli davr bilan foizsiz kredit beriladi.

Prezident «Zarbdor tajribasi»ga tayanib sanoat, qishloq xoʻjaligi va xizmatlar sohasida kamida 5 tadan «drayver» loyihani infratuzilma bilan ta’minlash uchun 2024-yil yakuniga qadar 500 mlrd soʻm, kelasi yili esa yana...

Shavkat Mirziyoyev har bir kambagʻal oilada, ayniqsa, xotin-qizlardan kamida 1 nafari oliy ma’lumotli boʻlishi uchun sharoit yaratilishi bo‘yicha topshiriq berdi. Bu haqda prezident matbuot kotibi Sherzod Asadov ma’lum qildi.

Unga ko‘ra, kamida 80 foiz oʻzlashtirish koʻrsatkichiga ega oliygoh, kollej va texnikum talabalariga keyingi oʻquv yili uchun foizsiz ta’lim krediti taqdim etiladi.

Shu bilan birga, oliygoh, kollej yoki texnikumga kirishda grant uchun yetarli ballning 80 foizini toʻplagan kambagʻal oila farzandlariga qoʻshimcha grantlar ajratiladi.

Shuningdek, moliyaviy mustaqil boʻlgan oliygohlarning har biri yiliga kamida 1 mlrd soʻmlik grant e’lon qiladi. Ushbu grantlar oʻzlashtirishi yuqori bo‘lgan kambagʻal oila farzandlarining kontraktini 20 foizdan...

Prezident kambag‘allikni qisqartirishni mahallalardagi sharoitni yaxshilashdan boshlash lozimligini ta’kidladi. Bu haqda prezident matbuot kotibi Sherzod Asadov ma’lum qildi.

Undan 1,2 trln soʻm miqdori eng ogʻir 300 ta mahallada suv nasoslari va quyosh panellari oʻrnatishga taqdim etiladi. 2 trln soʻm evaziga eng ogʻir 500 ta mahallada elektr, yoʻl, internet va boshqa infratuzilma muammolari hal etiladi.

Ushbu ishlarni amalga oshirish uchun mutasaddilardan iborat 250 nafar rahbarga eng ogʻir 1 mingta mahalla biriktiriladi.

Shu bilan birga, viloyatdagi 2 ming va tumandagi 12 ming nafar rahbarning har biriga 5 tadan sharoiti eng ogʻir oila bog‘lab beriladi.