Yangiliklar

Shavkat Mirziyoyev kambagʻallikni qisqartirish boʻyicha tashabbuslar samarasi hamma hududda ham bir xil emasligini ta’kidladi. Bu haqda prezident matbuot kotibi Sherzod Asadov ma’lum qildi.

Amudaryo, Beruniy, Qonlikoʻl, Nukus, Taxtakoʻpir, Xoʻjayli, Chimboy, Guliston, Mirzaobod, Oqoltin, Sardoba, Gurlan, Yangiariq, Yangibozor va Tuproqqal’a tumanlariga kambagʻallikni qisqartirish uchun uch yilda 1,7 trln soʻmlik arzon kredit va subsidiya ajratilgan, ammo kambag‘allik darajasida oʻzgarish qayd etilmagan.

Olti oyda Andijon, Buxoro, Jizzax, Qashqadaryo va Xorazmda kambagʻallik 2 foizdan ortiq miqdorga kamaydi. Navoiy, Surxondaryo, Fargʻona va Toshkent shahrida esa ko‘rsatkichlar oʻzgarmagan.

Paxtaobod, Baliqchi, Gurlan, Xonqa, Oltiariq, Dangʻara, Konimex, Boyovut, Jomboy, Shofirkon, Sh.Rashidov, Zomin, Shahrisabz, Oʻrta Сhirchiq, Boʻka...

Joriy yilning dastlabki sakkiz oyida bir qancha keskin xatoliklarga yo‘l qo‘ygan 8 nafar imom-xatib hamda 10 nafar imom noibi ishdan olindi. Bu haqda O‘zbekiston musulmonlari idorasi matbuot xizmati xabar berdi.

11-sentabr kuni Toshkent shahar imom-xatiblarining tanqidiy-tahliliy yig‘ilishi o‘tkazildi. Unda 2 nafar imom-xatibga hamda 2 nafar imom noibiga nisbatan xayfsan jazo chorasi qo‘llanilgani ma’lum bo‘ldi.

Ayrim imom-domlalar zimmasidagi birlamchi vazifasiga jiddiy yondashmayotgani va mo‘min-musulmonlar ehtiyojini ta’minlashda yetarli sa’y-harakat qilmayotgani tanqid ostiga olindi.

Bundan tashqari, yig‘ilish davomida ijro intizomidagi nuqsonlar qattiq tanqid ostiga olindi.

Avvalroq Kursiv Uzbekistan imom-xatib Isoqjon Begmatov o‘z vazifasidan ozod etilgani haqida xabar bergan edi.

Vyetnamda yuzaga kelgan Yagi to‘foni natijasida vafot etganlar soni 143 ta, bedarak yo‘qolganlar soni esa 58 taga yetdi. Bu haqda The Guardian nashri xabar berdi.

Ma’lum qilinishicha, to‘fon eksport mahsulotlari saqlanadigan omborlarga, shuningdek, ishlab chiqarish korxonalariga ham zarar yetkazgan.

Bundan tashqari, Vyetnam mahalliy nashrlari bergan xabarlarga ko‘ra, to‘fon natijasida suv toshqinlari yuzaga kelgan. Buning oqibatida esa bir nechta mahalliy qishloqlar vayronaga aylangan.

«Vyetnam shimolidagi suv toshqini oqibatida butun bir qishloq ko‘chki ostida qolib ketdi, 16 kishi halok bo‘ldi, o‘nlab odamlar bedarak yo‘qoldi», deya xabar beradi mahalliy OAV.

Avvalroq Kursiv Uzbekistan iqlim oʻzgarishi tufayli dunyo...

11-sentabr kuni Qirg‘iziston prezidenti Sadir Japarov o‘zbekistonlik boks murabbiyi Akmal Hasanov bilan uchrashdi va unga Tracker avtomobilini sovg‘a qildi, deb xabar berdi QR prezidenti Telegram-kanalida.

«O‘zbekiston sportga katta e’tibor qaratmoqda. Biz esa oxirgi uch yildagina sportchilarimizni faol qo‘llab-quvvatlay boshladik. Ilgari musobaqalarda ishtirok etish uchun mablag‘ni o‘z vaqtida bera olmagan holatlarimiz ham bo‘lgan. Hozirda davlat barcha zarur sharoitlarni, hatto vitaminlar bilan ta’minlashni ham boshladi», dedi qo‘shni davlat rahbari.

Qirg‘izistonlik bokschi Munarbek Seyitbek uulu Parijda bo‘lib o‘tgan Olimpiadada kumush medalni qo‘lga kiritib, qirg‘izistonlik boks tarixidagi ilk Olimpiada sovrindori bo‘ldi. Uning murabbiyi Olimpiadaga bora olmagani...

Uzbekistan Airports tomonidan «Urganch xalqaro aeroportini DXSh modelida modernizatsiya qilish va boshqarish» loyihasi yuzasidan tender muddati uzaytirildi. Bu haqda kompaniya matbuot xizmati xabar berdi.

Qayd etilganidek, loyiha bo‘yicha tenderning birinchi bosqichi joriy yilning 1-avgust kuni «Qurish, boshqarish, topshirish» bo‘yicha e’lon qilingan edi.

Ma’lum qilinishicha, ishtirok etuvchilarning so‘roviga muvofiq birinchi bosqich uchun arizalarni topshirish muddati uzaytirildi.

Yangi muddatlar, aniqlik kiritish uchun so‘rovlar topshirishning oxirgi muddati joriy yil birinchi oktabr soat 18:00 gacha, malaka so‘rovi bo‘yicha esa oxirgi muddat birinchi noyabrigacha Toshkent vaqti bilan soat 18:00 ga qadar qilib belgilandi.          

Avvalroq Kursiv Uzbekistan UzAirports Nukus aeroportiga nisbatan ish qoʻzgʻatilganini...

11-sentabr kuni O‘zbekiston Respublika valyuta birjasida dollarning rasmiy narxi 28,36 so‘mga o‘sdi va 12 715,07 so‘mni tashkil qildi.

Banklar AQSh valyutasini 12 625 – 12 675 so‘mdan xarid qilishmoqda va 12 690 – 12 750 so‘mdan sotishmoqda.

Eslatib o‘tamiz, mamlakatda 10-sentabr kuni dollarning qiymati qariyb 5 so‘mga o‘sgan edi.

Agrobank faoliyatida 2023/2024-yillarda o‘tkazilgan tender savdolarida qonunchilikka rioya etilmaganlik holati bo‘yicha Raqobat qo‘mitasining hududiy boshqarmasi tomonidan ish qo‘zg‘atildi. Bu haqda qo‘mita matbuot xizmati xabar berdi.

Tekshiruvlar davomida Agrobank tomonidan o‘tkazilgan tanlov savdolarida qiymati 2,62 mlrd so‘m bo‘lgan 10 ta davlat xaridlarini amalga oshirishda qonunchilikka rioya etilmagani aniqlandi.

Agrobank tomonidan sodir etilgan qoidabuzarlik «Raqobat to‘g‘risida»gi Qonunning 29-moddasiga zid ekanligi belgilangan.  

Avvalroq Kursiv Uzbekistan «Ipak yo‘li» banki tomonidan sodir etilgan qoidabuzarlik bo‘yicha raqobat qo‘mitasi moliyaviy jarima qo‘llagani haqida xabar bergan edi.

O‘zbekiston qishloq joylarida energiya tejamkor uy-joylar qurish loyihasi yaqin 20 yil ichida issiqxona gazlari emissiyasini 17,5 mln tonnaga qisqartirish imkonini beradi, deb xabar berdi UNDP Uzbekistan (BMTning O‘zbekistondagi taraqqiyot dasturi).

Bu haqda BMT, Global ekologik jamg‘arma (GEF) va O‘zR Qurilish vazirligining qo‘shma loyihasi yakunlariga bag‘ishlangan uchrashuvda so‘z yuritildi. Tadbir Toshkent shahrida bo‘lib o‘tdi.

Subsidiyalangan yashil ipoteka dasturi tufayli 1,3 mingta uy xo‘jaliklari qayta tiklanadigan energiya uskunalarini o‘rnatdi. Mutaxassislarning hisob-kitoblariga ko‘ra, bu kamida 33,2 mln Mj energiyani tejashga yordam beradi, shuningdek, energiya tejamkor texnologiyalar va qurilish materiallariga bo‘lgan barqaror talabni shakllantiradi.

Loyihaning boshqa natijalari orasida 1,7 ming nafar mutaxassisni...

Rossiya va Oʻzbekiston respublikasida koʻmir qazib olish boʻyicha qoʻshma loyiha ishlab chiqmoqda, RFning Inter RAO kompaniyasi esa bu loyiha bo‘yicha investor boʻlishi mumkin. Bu haqda Rossiya Federatsiyasi energetika vaziri Sergey Sivilev ma’lum qildi.

Loyihada ko‘mirni qayta ishlash va uning asosida elektr energiyasi ishlab chiqarish ko‘zda tutilgan.

«Biz birgalikda bularning barchasini tezda hal qilishga kelishib oldik», dedi Rossiya Energetika vazirligi rahbari.

Inter RAO – elektr energiyasini ishlab chiqarish va etkazib berish bo‘yicha Rossiyaning yirik operatori. Kompaniya energetika obyektlarini loyihalash va qurish bilan ham shug‘ullanadi.

Avvalroq Kursiv Uzbekistan nashri Rossiya prezidenti Vladimir Putin so‘zlariga ko‘ra, O‘zbekistonga Rossiya gazi...

Joriy yilning 12–13-sentabr kunlari Xiva shahrida Markaziy Osiyo davlatlarining II parlamentlararo forumi bo‘lib o‘tadi. Bu haqda Oliy Majlis Qonunchilik palatasi matbuot xizmati xabar berdi.

Forumning mavzusi – «Mintaqani ijtimoiy-iqtisodiy rivojlantirishda Markaziy Osiyo parlamentlari va hokimiyat vakillik organlarining roli».

Qayd etilishicha, tadbirda Qozog‘iston, Qirg‘iziston, Tojikiston, Turkmaniston va O‘zbekiston parlamentlari palatalari rahbarlari, yoshlar parlamentlari, do‘stlik guruhlari vakillari va boshqa delegatsiya a’zolari ishtirok etishi rejalashtirilgan.

Avvalroq Kursiv Uzbekistan parlament yuqori palatasining raisi Tanzila Norboyeva va AQShning O‘zRdagi elchisi Jonatan Xenik bilan uchrashuvda strategik hamkorlikni muhokama qilgani haqida xabar bergan edi.

Joriy yilning yanvar – iyul oylarida O‘zbekistonga qariyb 10,6 ming dona elektromobil import qilingan. Bu haqda Statistika agentligi xabar berdi.

Qayd etilishicha, import qilingan elektromobillarning umumiy qiymati $156 mlnga teng.

O‘zbekistonga eng ko‘p elektromobil eksport qilgan mamlakatlar orasida Xitoy salkam 10,5 ming dona bilan birinchi o‘rinda bormoqda.

Bundan tashqari, O‘zbekistonga Gonkong 14 ta, Germaniya 11 ta hamda BAA 10 ta elektromobil eksport qilgan.

Avvalroq Kursiv Uzbekistan 2024-yilning yanvar – iyul oylarida O‘zbekiston umumiy qiymati $200,9 mlnga teng 2,2 mln mobil telefon import qilgani haqida xabar bergan edi.   

Chorshanba kuni Brent neftining narxi 2021-yil dekabr oyidan beri eng past darajaga tushib ketganidan keyin bir barrel uchun $69,6 ga ko‘tarildi. O‘sish AQShning Luiziana shtatidagi neftni qayta ishlash zavodlariga tahdid solayotgan Meksika ko‘rfazida «Fransin» tropik bo‘roni tufayli yetkazib berishdagi uzilishlar tahdidi bilan bog‘liq.

Qo‘shimcha ravishda ko‘rsatkichlarga Amerika neft instituti tahlili ta’sir qiladi, u kutilayotgan o‘sishga qaramay AQShda neft zaxiralari 2,79 mln barrelga qisqarganini ma’lum qildi.

Fond bozorida katta texnologiya kompaniyalari aksiyalarining o‘sishi kuzatilmoqda. Masalan, Microsoft qog‘ozlari 2,09 foizga, Nvidia 1,53 foizga, Amazon 2,37 foizga qimmatlashdi.

Kuni kecha Milliy kino saroyida «Pandemiya» filmining premyerasi bo‘lib o‘tdi. Bu haqda kinematografiya agentligi matbuot xizmati xabar beradi.

Premyeraga 4 mingdan ortiq tomoshabinlar tashrif buyurdi. Film Kinematografiya agentligi va Sog‘liqni saqlash vazirligi buyurtmasi bilan «Yagona Cinema» studiyasi tomonidan yaratilgan. U 2020-yilda mamlakat pandemiya davrida duch kelgan qiyinchiliklarni yoritadi va COVID-19 virusiga qarshi kurashda shifokorlarning jasorati haqida hikoya qilinadi.

Filmni rejissor Abu Tolib Adamqulov tayyorlagan. Bosh rollarda taniqli aktyorlar Matyoqub Matchonov va Tamara Mirmaqsudova ishtirok etishgan.

Avvalroq Kursiv Uzbekistan Rossiya va O‘zbekiston birgalikda filmlar ishlab chiqarishini yozgan edi.

Oʻzbekistonda davlat tibbiy sugʻurtasi doirasida bepul tibbiy xizmatlar koʻrsatiladi va dorilar beriladi. Bu haqda prezidentning tegishli qarori qabul qilindi.

Unga koʻra, ushbu xarajatlar Davlat budjetiga toʻlanayotgan soliqlar hisobidan amalga oshirilishi koʻzda tutilgan. Bu uchun aholidan mazkur sugʻurta uchun qoʻshimcha toʻlov undirilmaydi.

Shuningdek, 2024-yil yakunigacha O‘zbekistonda «Elektron poliklinika» va «Elektron shifoxona» axborot tizimlari amaliyotga joriy etiladi.

Eslatib oʻtamiz, 2024-yilning birinchi yarmida Oʻzbekistonda sugʻurta bozori hajmi 4,2 trln soʻmga yetdi.

Avvalroq Kursiv Uzbekistan endilikda sugʻurta polislarini onlayn rasmiylashtirish mumkinligi haqida xabar bergan edi.

Rossiya Davlat Dumasiga migrantlar farzandlari uchun bepul ta’lim berilishini cheklovchi qonun qabul qilinishi mumkin. Bu haqda Moskow region today nashri ma’lum qildi.

Qonun loyihasi mualliflaridan biri bo’lgan Davlat Dumasi deputati Yaroslav Nilov oxirgi paytlarda Rossiya maktablarida migrantlar farzandlari soni keskin ko’payganini, ba’zida ularning soni ruslarnikidan ustun bo‘lib qolayotgani, oqibatda esa ta’lim jarayoni murakkablashayotgani haqida ta’kidladi.

«Rossiyadagi ota-onalar hamjamiyatida sinflardagi migrantlar farzandlari sonining ko‘payishi va buning bog‘cha va maktablardagi ta’lim sifatiga ta’siri masalasi faol ko‘tarilmoqda. Aksariyat hollarda migrantlarning bolalari rus tilida no‘noq yoki umuman bilmaydi», – deydi Nilov.

Qonun chiqaruvchining qo‘shimcha qilishicha, rus bolalari boshqa...

O‘zbekistonda 10,8 mingta holatda tadbirkorlik faoliyatiga noqoqnuniy aralshuv hamda byurokratik to‘siqlar aniqlanib bartaraf etildi. Bu haqda joriy yilning dastlabki 7 oyi ichida amalga oshirilgan ishlar bo‘yicha bugun, 11-sentabr kuni AOKAda o‘tkazilgan brifingda Bosh prokuratura axborot xizmati boshlig‘i Hayot Shamsutdinov ma’lumot berdi.

Bosh prokurorning O‘zbekiston aholisiga yo‘llagan murojaatida qayd etilgan masalalar ijrosi yuzasidan bir qancha ishlar amalga oshirildi. Misol uchun, prokurorlar sektorlaridan «Temir daftar» ga kiritilgan besh mingdan ziyod oilalarga yordamlar berilmoqda.

Xususan oilalarning 181 tasining uy-joyi ta’mirlangan hamda 57 tasiga yangi uy-joylar qurib berildi. Shuningdek ikki ming nafar oilaning ishsiz a’zolari ish bilan ta’minlandi.

Bundan tashqari, 8 ming...

Rossiyadagi Tojikiston elchixonasi Tojikiston fuqarolariga Rossiyaga chiqishni zarur ehtiyojlar bo‘lmasa to‘xtatib turishlarini tavsiya qildi.

Rossiya Federatsiyasida xorijiy mamlakatlar fuqarolarining kirib kelishi bo‘yicha kuchaytirilgan nazorat rejimi davom etmoqda.

Ma’lumot uchun, joriy yilning 27-aprel kuni Rossiya tashqi ishlar vazirligi vakili Mariya Zaxarova chegaradan o‘tuvchi shaxslarni fuqaroligidan qat’i nazar, tekshirish tadbirlarini e’lon qilgan edi.

Rossiyada joriy etilgan nazorat tadbirlari, Crocus City Hall’da sodir etilgan terrorchilik harakati bilan bog‘liq.

Donald Tramp va Kamala Harris ishtirokidagi saylovoldi debatlarining birinchi bosqichi Amerika Qo‘shma Shtatlarida (AQSH) bo‘lib o‘tdi. Davlat rahbari lavozimiga nomzodlar tashqi siyosat, immigratsiya va sog‘liqni saqlash muammolarini muhokama qildi, deb xabar berdi Reuters agentligi.

Bahslar opponentlarning kutilmaganda bir-birlari bilan qo‘l berib ko‘rishishlaridan boshlandi. 2016-yildan beri munozaralarda bunday bo‘lmagan.

Muzokaralar davomida Harris AQShning bir qator shtatlarida mavjud bo‘lgan abort cheklovlarini tanqid qildi. Uning so‘zlariga ko‘ra, Tramp ularni qo‘llab-quvvatlaydi. Uning raqibi bu fikrni rad etdi, ammo u lavozimga saylangan taqdirda ushbu muammoni hal qiladimi yoki yo‘qmi, deb javob berishdan bosh tortdi.

Harris, shuningdek, Trampning xorijiy tovarlarga soliqlarni oshirish bo‘yicha taklifini tanqid...

Markaziy bankda oltin quymalari hamda qimmatbaho metallardan yasalgan esdalik tangalari narxi oshdi. Bu haqda regulyator matbuot xizmati ma’lum qildi.

Joriy yilning 11-avgust holatiga ko‘ra, 5 grammlik oltin quymalarining narxlari 5,3 mln so‘m bo‘lsa, ushbu ko‘rsatkich bir oy avval ayni og‘irlikdagi quyma uchun 5,08 mln so‘mni tashkil qilgan. Bir oy ichida barcha og‘irlikdagi oltin quymalarining narxlarida 4,5 foizga o‘sish kuzatilgan.

Ma’lumot uchun yil boshiga nisbatan oltin quymalarining narxlari 25,7 foizga, hafta boshiga nisbatan esa, 0,3 foizga o‘sdi.

Oltin quymalarining narxi o‘sishi jahon bozorida oltin narxlarining o‘zgarib turishi bilan bog‘liq. LBMA taqdim etgan ma’lumotlarga ko‘ra, jahon bozorida oltin narxlari 10-sentabr kechki...

Ilon Maskning SpaceX kompaniyasi Polaris Dawn xususiy tadqiqot missiyasini koinotga olib chiqdi, deb xabar berdi Reuters.

Ekipaj tarkibiga to‘rt kishi kirgan: milliarder Jared Ayzekman, iste’fodagi uchuvchi va SpaceX kompaniyasining ikki xodimi.

Kosmik missiya besh kun davom etadi. Uning maqsadi yangi skafandrlarni sinab ko‘rish va ilk tijoriy kosmik sayohatlarni yo‘lga qo‘yishdir.

Ekipaj Yerning Van Allen radiatsiya kamarlariga parvozni amalga oshirdi. SpaceX voqeani 2022-yilda SpaceX bosh direktori Elon Mask sotib olgan X (Twitter) ijtimoiy media platformasida jonli efirda namoyish etdi.

Eslatib o‘tamiz, Polaris Dawn missiyasini ishga tushirish sanasi uch marta qoldirilgan edi.

Avvalroq Kursiv Uzbekistan The Guardian...

Joriy yilning 10-sentabr kuni «Umra – 2024» yangi mavsumi boshlandi. Bu haqda Din ishlar boʻyicha qoʻmita axborot xizmati xabar berdi.

Maʼlum qilinishicha, birinchi guruh Toshkentdan Saudiya Arabistoniga uchib ketdi. Dastlabki reysdan Qoraqalpogʻiston Respublikasi, Qashqadaryo, Fargʻona, Buxoro viloyatlari va Toshkent shahridan 240 nafar ziyoratchi joy oldi.

Qoʻmitaning ta’kidlashicha, ziyoratchilar Madina shahrida 3 kun, Makka shahrida esa 8 kun bo‘ladi.

Eslatib oʻtamiz, 2024-yilda Oʻzbekistondan 15 mingdan ortiq fuqaro Haj ziyoratini amalga oshirdi.

Avvalroq Kursiv Uzbekistan Umrani litsenziyasiz tashkil qilgan kompaniyalar 68 million soʻm jarimaga tortilgani haqida xabar bergan edi.

Qozog‘istonning Ostona shahrida Turkiy davlatlar tashkilotining Yoshlar va sport masalalari bo‘yicha vazirlarining 8-yig‘ilishi bo‘lib o‘tdi. Bu haqda UzA ma’lum qildi.

Yig‘ilishda Turkiy dunyo kreativ yoshlari markazining ochilish marosimini 2025-yilda O‘zbekistonda o‘tkazish va markaz faoliyati bo‘yicha amaliy hamkorlik masalalari kelishib olindi.

Shuningdek, 2025-yili Turkiy davlatlar tashkilotiga a’zo mamlakatlarda o‘tkaziladigan yoshlar loyihalari va tadbirlar rejaga kiritildi.

Ma’lumot uchun, 2023-yil 3-noyabr kuni Qozog‘istonning Ostona shahrida o‘tkazilgan Turkiy davlatlar tashkiloti davlat rahbarlari kengashida Shavkat Mirziyoyev O‘zbekistonda Turkiy dunyo kreativ yoshlar markazini ochish taklifini bildirgan edi.

Eslatib o‘tamiz, avvalroq til o‘rgangan yoshlarning ayrimlari rag‘batlantirilishi haqida yozgan edik.

Firibgarlar tomonidan ijtimoiy tarmoqlarda soxta veb-sayt va sahifalar faol targʻib qilinmoqda. Bu haqda Markaziy bank axborot xizmati xabar berdi.

Maʼlum qilinishicha, regulyator tomonidan oʻtkazilgan monitoring natijasida firibgarlar soxta veb-sayt va ijtimoiy tarmoqlardagi sahifalar orqali moddiy yordam berish, investitsiya kiritish, sovrin yutish mazmunidagi xabarlar bilan fuqarolarning ishonchiga kirishga urinishi aniqlandi.

Fuqarolardan ijtimoiy tarmoq va messenjerlar orqali keladigan turli havolalarni bosmaslik, shubhali veb-saytlarga shaxsga doir va bank karta maʼlumotlarini kiritmaslik soʻraldi.

Avvalroq Kursiv Uzbekistan Toshkentda mingdan ortiq fuqarolarning pullarini oʻzlashtirgan firibgar qoʻlga olingani haqida xabar bergan edi.

Yoqilgʻi-energiya resurslaridan foydalanish ustidan davlat nazoratini samarali tashkil etish va muvofiqlashtirish shtabi tomonidan Namanganda 157,9 ming kVt. soat elektr energiyasi o‘g‘irlangani aniqlandi. Bu haqda Bosh prokuratura ma’lum qildi.

Unga ko‘ra, Namangan shahrining «Zarbdor» mahallasida yashovchi yakka tartibdagi tadbirkor oʻz savdo doʻkonidagi elektr qurilmalarini hisoblash uskunasidan tashqari oʻzboshimchalik bilan tarmoqqa ulagan. Oqibatda, 426,3 mln soʻmlik 157,9 ming kVt. soat elektr energiyasidan tijorat maqsadida foydalangan.

Holat yuzasidan tadbirkorga nisbatan jinoyat ishi qoʻzgʻatildi va protsessual tartibda qo‘lga olindi.

Eslatib o‘tamiz, avvalroq Buxorodagi fermer qariyb 4 mlrd so‘mlik elektr energiyasini o‘g‘irlagani haqida xabar bergan edik.