Yangiliklar

TBC Uzbekistan 2025-yilning ikkinchi choragi va birinchi yarim yilligi uchun moliyaviy hisobotning xalqaro standartlari (MHXS) bo‘yicha moliyaviy natijalarini e’lon qildi.

Unga ko‘ra, kredit va depozit portfellarining sezilarli o‘sishi natijasida umumiy operatsion daromad o‘tgan yilga nisbatan 100 foizga oshib, 1,5 trln so‘mga yetdi. Sof foyda esa 30 foizga ko‘tarilib, 254 mlrd so‘mni tashkil etdi.

TBC Uzbekistan London fond birjasida ro‘yxatga olingan (listing) TBC Bank Group tarkibiga kiradi. Kompaniya joriy yilning dastlabki yarmida TBC Bank Group umumiy daromadining 21 foizini, sof foydaning esa sakkiz foizini ta’minladi.

Kredit va depozit portfeli ikki baravarga oshdi

2025-yil 30-iyun holatiga ko‘ra, kredit portfeli 11,4 trln so‘mga...

Samsung yangi flagman Samsung Galaxy S26 Edge ustida ishlamoqda. Yangi model hozirgi Galaxy S25 Edge’ga qaraganda yangiliklarga boy bo‘ladi.

Ice Universe ma’lumotiga ko‘ra, smartfon yangi Qualcomm protsessoriga ega bo‘ladi. Uning qalinligi 5,5 mm bo‘lib, batareya sig‘imi 4200 mA·soat bo‘ladi.

Taqqoslash uchun, Galaxy S25 Edge 5,8 mm qalinlikka va 3900 mA·soat batareyaga ega. Demak, Samsung bu safar korpusni yupqalashtirib, batareyani kattalashtirmoqda.

Eslatib o‘tamiz, Galaxy S26 Edge smartfoni haqida muhim tafsilotlarni e’lon qilinganini yozgan edik.

Ma’lumotlarga ko‘ra, Galaxy S26 Plus modeli chiqarilmaydi. Uning o‘rnini aynan Galaxy S26 Edge egallaydi. Samsung Galaxy S26 seriyasi 2026-yil boshida taqdim etilishi kutilmoqda.

Rossiyaning Yelabuga shahridagi Sollers zavodida Xitoyning JAC Refine RF8 modeliga asoslangan SP7 nomli yangi miniven ishlab chiqarilishi boshlandi. Mahsulot toʻliq ishlab chiqarish sikli asosida tayyorlanmoqda.

Mahalliylashtirish bosqichma-bosqich kengaytiriladi. Bu jarayonga avtomobilning elektron tizimlari, kuch agregatlari va boshqa komponentlar ham kiritiladi.

SP7 ikki xil versiyada taklif etiladi:

Avtomobil saloni shamollatish, oʻrindiqlarni isitish, massaj funksiyasi va ilgʻor elektronika bilan jihozlangan. Kapot ostida 237 ot kuchiga ega, 2,0 litrli turbomotor joylashgan. U 8 pogʻonali avtomatik uzatmalar qutisi bilan jihozlangan, yuritma esa oldingi gʻildiraklarga uzatiladi.

Narxlar va toʻliq komplektatsiyalar kuzda eʼlon qilinadi. Biroq...

AQSh prezidenti Donald Tramp 8-avgust kuni Oq uyda Ozarbayjon prezidenti Ilhom Aliyev va Armaniston bosh vaziri Nikol Pashinyanni qabul qiladi. Bu haqda uning o‘zi Truth Social tarmog‘ida ma’lum qildi.

Sammit doirasida ikki davlat o‘rtasida rasmiy tinchlik bitimi imzolanishi rejalashtirilgan. Trampning ta’kidlashicha, bu urush yillar davomida minglab insonlar hayotiga zomin bo‘lgan va ko‘plab xalqaro urinishlarga qaramay yakunlanmagan edi. Uning ma’lumotiga ko‘ra, AQSh ma’muriyati uzoq vaqt davomida har ikki tomon bilan muzokaralar olib borgan.

Tinchlik bitimi bilan bir qatorda AQSh har ikki davlat bilan ikki tomonlama iqtisodiy hamkorlik bo‘yicha kelishuv ham imzolaydi. Tramp bu jarayon Janubiy Kavkaz mintaqasining salohiyatini to‘liq...

iQOO kompaniyasi yangi IQOO Z10 Turbo+ smartfonini taqdim etdi. Bu haqda ITHome nashri xabar bermoqda. Qurilma kuchli MediaTek Dimensity 9400+ protsessori va 3,26 mln AnTuTu balli bilan ajralib turadi.

Smartfon LPDDR5X Ultra tezkor xotira va UFS 4.1 flesh xotiraga ega. Sovitish uchun 7000 mm² maydonli bug‘ kamerasi ishlatiladi.

OLED ekrani 6,78 dyuym, 1,5K aniqlik va 144 Hz yangilanish tezligiga ega. Yorqinligi 2000 nitgacha, pik yorqinligi esa 5500 nit.

Batareya sig‘imi 8000 mA·soat bo‘lib, iQOO seriyasidagi eng kattasi. 90 Vt tezkor quvvatlashni qo‘llab-quvvatlaydi. Vazni 212 g, qalinligi 8,16 mm. Asosiy kamera 50 MP bo‘lib, OIS stabilizatsiyasi mavjud.

Narxlar quyidagicha:

UEFA Konferensiyalar ligasi saralash bosqichi doirasida «Istanbul Bashakshehir» safarda Norvegiyaning «Viking» jamoasiga qarshi maydonga tushdi va 1:3 hisobida irodali g‘alabaga erishdi.

Uchrashuvning 2-daqiqasida Sander Svennsen mezbonlar hisobini ochdi. O‘zbekiston terma jamoasi sardori Eldor Shomurodov 58-daqiqada zaxiradan maydonga tushdi.

Oradan ikki daqiqa o‘tmay, Deniz Turyuch hisobni tenglashtirdi. 79-daqiqada Kristofer Operi «Bashakshehir»ni oldinga olib chiqdi, 90+4-daqiqada esa Deyvi Zelke so‘nggi nuqtani qo‘ydi – 1:3.

Turk klubi ikkinchi bo‘limda to‘liq tashabbusni qo‘lga olib, safarda muhim g‘alabani qo‘lga kiritdi. Javob uchrashuvi 13-avgust kuni Istanbulda bo‘lib o‘tadi.

Eslatib o‘tamiz, Kursiv Uzbekistan «Istanbul Bashakshehir» klubi Konferensiyalar ligasi saralashining navbatdagi bosqichiga yo‘l olgani haqida yozgan edi.

Samarqand shahri va Samarqand tumani inspektorlari 54 ta bodikamera bilan ta’minlandi. Bu haqda Energetika vazirligi xabar berdi.

Endi ularning iste’molchilar bilan muloqoti, o‘rganish ishlari va joylardagi faoliyat jarayonlarini yozib olinadi. Bu orqali elektr ta’minoti tizimida shaffoflikni ta’minlash hamda korrupsion holatlarning oldini olish maqsad qilingan.

Bundan tashqari, «Hududiy elektr tarmoqlari» AJ «Energosavdo» Samarqand filialida «E-dalolatnoma» rasmiylashtirish tizimi ishga tushirildi. Tuman va shahar elektr ta’minoti korxonalariga 158 dona planshet ajratildi. Endi inspektorlar dalolatnomalarni planshet orqali tuzib, tizimga kiritadi. Bu esa hujjatlarning hisobini yuritish va ijrosini ta’minlash imkonini beradi.

Bundan avval senator Toshkentdagi elektr uzilishlari bo‘yicha energetika vaziriga so‘rov yuborgani haqida...

Myunxenda o‘tgan o‘rtoqlik uchrashuvida «Bavariya» «Tottenhem»ni 4:0 hisobida mag‘lub etdi. Uchrashuvdagi birinchi gol 12-daqiqada sobiq «shporlar» hujumchisi Garri Keyn tomonidan kiritildi. U 16-daqiqada penaltidan hisobni oshirish imkoniyatini boy berdi – zarbasi darvoza ustidan ketdi.

Ikkinchi bo‘lim boshida Kingsli Koman hisobni 2:0 qildi. 17 yoshli Lennart Karl jarima maydonchasi tashqarisidan aniq zarba berib, uchinchi golni urdi. Yakuniy natijani esa Yona Kusi-Asare chiroyli zarba bilan o‘rnatdi.

«Bavariya» tarkibiga yozda «Liverpul»dan kelgan Luis Dias ilk bor asosiy tarkibda maydonga tushdi.

«Tottenhem» 13-avgust kuni Yevropa superkubogida «PSJ»ga qarshi o‘ynaydi. Premer-ligadagi ilk uchrashuv esa 16-avgust kuni «Byornli»ga qarshi bo‘lib o‘tadi. «Bavariya» esa Germaniya Superkubogi oldidan...

Fit Service avtoxizmatlar tarmog‘ining mintaqaviy texnologi Konstantin Yershov yozda avtomobil ishga tushmasligining asosiy sabablarini va ularni mustaqil bartaraf etish usullarini tushuntirdi.

1. Akkumulyator muammosi

Dastlab akkumulyatorni tekshiring. Multimetr yordamida kuchlanishni o‘lchang: me’yor – 12,6 V. Agar ko‘rsatkich 12,0–12,2 V bo‘lsa, batareya zaryadi kamaygan. 12 V dan past bo‘lsa, bu kritik holat. Shuningdek, klemmalarni ham tekshiring: ular toza va mahkam bo‘lishi kerak. Kuchlanish past bo‘lsa, akkumulyatorni zaryadlash yoki almashtirish kerak bo‘ladi.

2. Nosoz starter

Agar akkumulyator normal holatda bo‘lsa, lekin kalitni burashda shiqillagan tovush eshitilayotgan bo‘lsa, demak, muammo starterda. Qarsillashlar rele ishlayotganini ko‘rsatmoqda, lekin starter tiqilib qolgan...

Kambodja bosh vaziri Hun Manet AQSh prezidenti Donald Trampni Nobel mukofotiga nomzod sifatida ko‘rsatdi. Bu haqda CNN axborot agentligi ma’lum qildi.

U Trampning Kambodja va Tailand o‘rtasidagi chegara mojarosini to‘xtatishdagi «favqulodda diplomatik mahoratini» e’tirof etdi.

Manetning aytishicha, 26-iyul kuni Tramp ikki davlat rahbarlari bilan telefon orqali muloqot qilib, so‘nggi yillarda eng og‘ir to‘qnashuvlardan biriga chek qo‘yishga yordam bergan. Bu muzokaralar 28-iyulda Malayziyada sulh bitimiga olib kelgan. Mojaro davomida 43 kishi halok bo‘lib, 300 mingdan ziyod odamlar uyini tark etishga majbur bo‘lgan.

Kambodja vitse-prezidenti o‘tgan hafta bu reja haqida aytgan va Trampga AQShning Kambodja importiga soliqni 49 foizdan 19 foizga...

«Milliy tiklanish» partiyasi rahbari Alisher Qodirov O‘zbekistonning dunyoviy davlat sifatidagi tamoyillarini izohlab, bu tizim har bir fuqaroning tanlovini hurmat qilishga asoslanishini ta’kidladi.

Uning so‘zlariga ko‘ra, dunyoviy davlatda ko‘pchilik saylagan parlament va prezident tomonidan qabul qilingan qonunlarga amal qilgan holda, odamlar xohlagancha yashashi mumkin.

Qodirov fikricha, mamlakatda barcha millat va dunyoqarash vakillarining qonun doirasida emin-erkin farovonlikka intilishi uchun sharoit yaratilgan va hech kim kamsitilmasligi kafolatlangan.

«Agar biron vatandosh pivo ichmoqchi bo‘lsa, ichadi, bu uning tanlovi, ichmaydigan vatandosh ichmaydi va buning sababini har ikki toifa hech kimga izoh berishga majbur emas», – dedi u.

U...

8-avgust kuni soat 08:58 da O‘zbekiston hududida zilzila qayd etildi. Seysmoprognostik monitoring Respublika markazi ma’lumotiga ko‘ra, yer silkinishining magnitudasi 4,2 bo‘lib, chuqurligi 15 km.ni tashkil etdi.

Episentr Andijon viloyatining Marhamat tumanida bo‘lib, bu yerda zilzila 4 ball kuchida sezildi. Andijon viloyatining boshqa hududlarida 3 ballgacha, Farg‘ona viloyatida 2-3 ball, Namangan viloyatida esa 2 ball kuchida sezilgan.

Toshkentdan episentr 268 km janubiy-sharqda joylashgan.

Avvalroq Kursiv Uzbekistan Kamchatkada 8,7 magnitudali zilzila yuz bergani haqida xabar bergan edi.

O‘zbekiston milliy tashuvchilari ilk bor Xitoyning ichki hududlaridan katta hajmli va og‘ir vaznli yuklarni avtomobil transportida bevosita tashishni yo‘lga qo‘ydi. Bu haqda Transport vazirligi ma’lum qildi.

Har birining og‘irligi 270 tonnadan ortiq bo‘lgan maxsus yuk modullari Surxondaryoda qurilayotgan issiqlik elektr stansiyasi uchun mo‘ljallangan.

Bunday nostandart yuklar – sanoat uskunalari, metall konstruksiyalar va energetika qurilmalari – qismlarga ajratib bo‘lmaydigan yirik texnikalardan iborat bo‘lib, ular maxsus transport vositalarida va tegishli ruxsatnomalar asosida yetkazilmoqda.

Eslatib o‘tamiz, avvalroq vazirlik O‘zbekiston va Indoneziya o‘rtasidagi haftalik aviaqatnovlar soni 56 taga yetkazilishi haqida xabar bergan edi.

Banklar 8-avgust kungi xorijiy valyutalarni sotib olish va sotish kurslarini yangiladi. Kursiv Uzbekistan eng qulay narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi.

Isroil bosh vaziri Benyamin Netanyahu Fox News’ga bergan intervyusida mamlakat butun G‘azoni harbiy nazorat ostiga olish niyatida ekanini aytdi. Bu haqda Reuters agentligi ma’lum qildi.

Uning so‘zlariga ko‘ra, Isroil hududni boshqarishni emas, xavfsizlik perimetri o‘rnatib, keyin uni arab kuchlariga topshirishni rejalamoqda.

Isroil xavfsizlik kengashi G‘azo shahrini egallash taklifini ma’qulladi, biroq harbiy bosh qo‘mondon Eyol Zamir operatsiyani kengaytirishga qarshi chiqdi. Hamas bu bayonotni muzokaralarga to‘sqinlik sifatida baholadi, Iordaniya esa xavfsizlikni faqat Falastin muassasalari ta’minlashi kerakligini bildirdi.

So‘rovlar aksariyat isroilliklar urushni asirlar ozod qilinadigan kelishuv bilan yakunlash tarafdori ekanini ko‘rsatmoqda. BMT G‘azoda amaliyotlarni kengaytirish rejalarini «jiddiy xavotirli» deb atadi. Hozir Isroil...

OpenAI 2025-yil 7-avgust kuni ChatGPT’ning yangi versiyasi – GPT-5ni ishga tushirdi. Yangi model tezroq ishlaydi, aniqroq javob beradi va insonga o‘xshashroq muloqot qiladi. U sog‘liq bo‘yicha savollar, matn yozish hamda dasturlash vazifalarida yanada kuchli bo‘ldi.

GPT-5 barcha ChatGPT foydalanuvchilari uchun ochiq bo‘ladi, biroq cheksiz foydalanish imkoniyati faqat oyiga $200 lik «Pro» obunasida mavjud. Bepul foydalanuvchilar esa faqat cheklangan miqdorda yangi modeldan foydalana oladi.

Yangi tizim murakkab savollarga bosqichma-bosqich mantiqiy tahlil bilan javob berishi va dasturlash bo‘yicha tajribasiz foydalanuvchilarga ham kerakli dasturlar yaratishda yordam berishi mumkin. OpenAI uni «PhD darajasidagi mutaxassis» bilan suhbatlashgandek his qildiruvchi texnologiya sifatida ta’riflamoqda.

Eslatib o‘tamiz...

7-avgust kuni Toshkentdagi «Bunyodkor» stadionida jahon estradasi yulduzi Jennifer Lopezning konsert dasturi bo‘lib o‘tdi. Kursiv Uzbekistan muxbiri tadbirdan fotoreportaj tayyorladi.

Avvalroq Kursiv Uzbekistan Lopez iliq kutib olgani uchun Munisa Rizaevaga minnatdorchilik bildirgani haqida yozgandi.

Tramp AQShga import qilinadigan chiplarga 100% boj solmoqchi

AQSh prezidenti Donald Tramp AQShda ishlab chiqarilmayotgan yarim o‘tkazgich (chip) mahsulotlariga 100 foizgacha boj solinishini ma’lum qildi. Yangi bojlar faqat AQShda ishlab chiqarishni boshlagan yoki rejalashtirgan kompaniyalarga tatbiq etilmaydi.

Apple iPhone oynasi va Face ID modullarini AQShda ishlab chiqarmoqchi

Apple kompaniyasi AQShdagi ishlab chiqarishni kengaytirish uchun yana $100 mlrd sarmoya kiritishini e’lon qildi. Bu qaror Donald Tramp chip importiga 100 foizlik boj joriy etilishini aytgach bildirildi. Apple sarmoya evaziga AQShda 24 ta zavodda 19 mlrd chip ishlab chiqarishni rejalashtirmoqda. Kompaniya, shuningdek, Corning va Coherent kabi mahalliy hamkorlar bilan iPhone’ning oynasi va Face ID modullarini...

8-avgust kuni O‘zbekiston bo‘ylab havo harorati kechasi 14-26°, kunduzi esa 25-40° atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Sankt-Peterburg shahri delegatsiyasining Toshkentga rasmiy tashrifi doirasida tantanali banket tashkil etilishi rejalashtirilmoqda. Rossiya davlat xaridlari portalida e’lon qilingan ma’lumotlarga ko‘ra, bu tadbir uchun 238 mln so‘mgacha mablag‘ ajratiladi.

Rasmiy qabul Peterburg gubernatori Aleksandr Beglov boshchiligidagi delegatsiya tashrifi doirasida, diplomatik protokolga muvofiq o‘tkaziladi. Banketda 80 nafargacha mehmon ishtirok etishi rejalashtirilgan bo‘lib, u kamida 2 soat davom etadi. Tadbirni tashkil etuvchi tomon xizmat ko‘rsatuvchi xodimlar, ofitsiantlar va administratorlar bilan ta’minlaydi.

Menyudan cho‘chqa go‘shti istisno qilingan, ammo spirtli ichimliklar – shampan (150 ml), oq yoki qizil vino (350 ml), konyak va aroq (100 ml dan) taklif etiladi. Shuningdek, turli baliqli va go‘shtli...

Jennifer Lopez Instagram’dagi stories’ida o‘zbekistonlik qo‘shiqchi Munisa Rizaevaga Toshkentdagi iliq kutib olish uchun minnatdorchilik bildirdi. Postga Lopesning yangi qo‘shig‘i – Birthday ham ilova qilingan.

Keyinchalik Munisa Rizaeva ushbu minnatdorchilik postini o‘zining Instagram sahifasida repost qildi.

Avvalroq amerikalik qo‘shiqchi Jennifer Lopez Toshkentdagi konserti oldidan sovg‘a qilingan lagan – o‘z portreti tushirilgan idish haqida taassurotlari bilan bo‘lishgan edi. Shuningdek, unga kichik sovg‘a to‘plami ham topshirilgan.

Eslatib o‘tamiz, avvalroq Jennifer Lopez konserti uchun bepul avtobuslar qatnovi yo‘lga qo‘yilgan edi.

Hukumat qarori bilan «Jismoniy tarbiya-sport tashkilotlarining trener-o‘qituvchilari va yo‘riqchi-uslubchilariga malaka toifalarini berish tartibi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Endilikda davlat xizmati «ERP sport» tizimi orqali Sport vazirligi tomonidan ko‘rsatiladi. Xizmat uchun BHMning 1 baravari (ayni vaqtda 412 ming so‘m) miqdorida to‘lov undiriladi.

Trener-o‘qituvchilar va yo‘riqchi-uslubchilarga ikkinchi, birinchi va oliy malaka toifalari beriladi. Tizimda ma’lumotlar to‘liq shakllangach, 1 ish kunida QR-kodli elektron guvohnoma rasmiylashtiriladi.

Shuningdek, bu haqda trener va uslubchilarga SMS-xabar yuboriladi. Malaka toifasi 4 yil muddatga beriladi.

Eslatib o‘tamiz, avvalroq barcha viloyatlarda Avloniy malaka oshirish instituti filiallari ishga tushishi haqida yozgan edik.

Shavkat Mirziyoyev Navoiy viloyatida amalga oshirilgan islohotlar samaradorligi va yangi rejalarni muhokama qilish yuzasidan yig‘ilish o‘tkazdi. Bu haqda davlat rahbari matbuot xizmati ma’lum qildi.

So‘nggi sakkiz yilda viloyatda $8 mlrdlik 7 mingdan ortiq loyiha amalga oshirilib, 73 mingta ish o‘rni yaratilgan. Tadbirkorlar soni uch barobarga ko‘paygan. Faqat shu yilning 6 oyida $643 mln investitsiya, $635 mlnlik eksport amalga oshirildi.

Yig‘ilishda foydalanilmayotgan imkoniyatlarga alohida e’tibor qaratildi. Hududda mamlakatdagi qazilma boyliklarning 20 foizi, yaylovlarning 43 foizi joylashgan. 3 mln gektar yaylovdan unumli foydalanish, chorvachilik va qishloq xo‘jaligini rivojlantirish bo‘yicha yangi tashabbuslar ilgari surildi.

Tadbirkorlar takliflariga asoslangan $1,6 mlrdlik qo‘shimcha loyihalar taqdim...

Amerikalik qo‘shiqchi Jennifer Lopezga konsert arafasida uning surati tushirilgan lagan (idish) sovg‘a qilindi. Qo‘shiqchi Instagram sahifasiga sovg‘ani ochayotgan videosini joyladi.

«O, naqadar ajoyib, rahmat», – deya minnatdorchilik bildirdi qo‘shiqchi.

Konsert bugun, 7-avgust kuni poytaxtimizdagi «Bunyodkor» («Milliy») stadionida bo‘lib o‘tadi. Kursiv Uzbekistan muxbirining xabar berishicha, Jennifer Lopes konserti uchun ro‘yxatdan o‘tish jarayoni boshlangan.

Konsert soat 20:00 da boshlanadi, tomoshabinlar esa stadionga soat 18:00 dan boshlab kiritiladi. Shu munosabat bilan shahar hokimligi toshkentliklar va poytaxt mehmonlarini tartib-intizomga rioya qilishga chaqirdi.

Eslatib o‘tamiz, avvalroq Jennifer Lopez konserti uchun bepul avtobuslar qatnovi yo‘lga qo‘yilgan edi.