Yangiliklar

Milliy valyutadagi bank depozitlari va bank kreditlari bo‘yicha foiz stavkasi ko‘rsatkichlarida o‘sish qayd etildi. Bu haqda batafsil Markaziy bank ma’lumot berdi.

Unga ko‘ra jismoniy shaxslarning muddatli depozitlari joriy yilning iyun oyiga kelib 22 % ga ko‘tarildi. Xuddi shunday stavka yuridik shaxslar uchun 16,2% dan 17,9 % ga yuqorilagan.

Shuningdek, milliy valyutadagi bank kreditlari bo‘yicha foiz stavkasi ham yuqorilagan. Jumladan, aholiga ajratilgan kreditlar 24,6 % ga, tadbirkorlik subyektlariga esa 22,7 % stavkani qayd etgan.

Ma’lumot uchun, ayni damda xorij valyutasidagi bank depozitlari jismoniy shaxslar uchun 5,6% dan 5,4% ga tushgan bo‘lsa, yuridik shaxslar uchun 5,5% dan...

23-iyul kuni O‘zbekiston Respublika valyuta birjasida dollarning o‘rtacha tortilgan qiymati 8,76 so‘mga pasaydi va 12 584,28 so‘mni tashkil qildi.

Mamlakatdagi moliya institutlari dollarni 12 535 – 12 600 so‘mdan xarid qilishmoqda va 12 645 – 12 660 so‘mdan sotishmoqda.

Eslatib o‘tamiz, 22-iyul kuni AQSh valyutasining o‘rtacha narxi 17 so‘mga pasaygan edi.

2024/2025-yillarda O‘zbekistonga 10 mln obunachi auditoriyasiga ega 50 nafar xorijiy bloger va jurnalistlar taklif etiladi, deb xabar qildi Adliya vazirligi matbuot xizmati prezident Shavkat Mirziyoyevning qaroriga tayanib.

Tashabbusni amalga oshirish uchun Turizm qo‘mitasi mas’ul etib tayinlandi.

Bundan tashqari, qo‘mita joriy yilning oktabr oyi boshiga qadar mamlakat uchun yangi turistik brend yaratish bo‘yicha tanlov o‘tkazishi kerak. Hozirgi brend «O‘zbekturizm» kompaniyasi tomonidan 2014-yil iyun oyi boshida ishlab chiqilgan.

Qo‘mita Xalqaro turizm kuni munosabati bilan xalqaro media-kampusni ishga tushiradi.

Avvalroq «Kursiv» O‘zbekistonning turizm salohiyatini targ‘ib qilish uchun Netflix striming xizmati va xorijiy telekanallar jalb etilishini e’lon qilgan edi.

2024-yilning yanvar – iyun oylarida asosiy kapitalga yo‘naltirilgan investitsiyalar 229,3 trln so‘mni tashkil etdi, bu o‘tgan yilning shu davriga nisbatan 36,6 foizga ko‘pdir, deya xabar beradi Statistika agentligi.

Ushbu hajmning 177,3 trln so‘mi jalb qilingan mablag‘lar, 56 trln so‘mi korxonalar va aholi mablag‘laridir.

Iyul oyi boshida ishlab chiqarish sanoatiga 68 trln so‘m, elektr energiyasi va gaz ta’minotiga 30,6 trln so‘m, qishloq xo‘jaligiga 15,1 trln so‘m yo‘naltirildi.

Shu davrda mamlakatimizga jami 76,3 trln so‘mlik kafolatlanmagan xorijiy investitsiyalar va kreditlar jalb qilindi.

Avvalroq «Kursiv» joriy yilning birinchi yarmida O‘zbekistonga xorijiy investorlardan $15,5 mlrd jalb etilganini e’lon qilgan edi.

Toshkent shahar Yunusobod tumanida yangi qurilayotgan binoda yongʻin chiqdi. Bu haqda FVV xabar berdi.

Bugun, 23-iyul kuni soat 12:35 da Toshkent shahar Yunusobod tumani Sharof Rashidov koʻchasida joylashgan yangi qurilayotgan binoda yongʻin sodir boʻlayotgani toʻgʻrisida FVBga xabar tushgan.

Shunga koʻra, 6 ta yongʻin-qutqaruv ekipaji yongʻin joyiga yetib borib, soat 12:56 da yongʻin bartaraf etilgan. Yongʻin natijasida binoning tom qismidagi qurilish mahsulotlari yonib zararlangan.

Avvalroq «Kursiv» Sergeli tumanida sanoat korxonasida yongʻin sodir boʻlgani haqida xabar bergan edi.

Turizm kompaniyalari tomonidan olib kiriladigan avtobus va mikroavtobuslar bojxona toʻlovlaridan ozod qilinadi. Bunday imtiyoz 2025-yilning 1-avgustigacha amal qiladi. Prezident bu haqdagi qarorni imzoladi.

Hujjat boshqa sohalarda ham imtiyozlar beradi.

«2025-yil 1-avgustgacha Qoraqalpogʻiston Respublikasida roʻyxatga olinib, litsenziyaga ega boʻlgan turoperatorlarga, istisno tariqasida, ekstremal turlarni tashkil qilish uchun dvigatel hajmi 2,4 litrdan kam boʻlmagan yuqori oʻtish qobiliyatiga ega transport vositalari import qilinayotganda bojxona boji va utilizatsiya yigʻimini amaldagi stavkaning 25 foizi miqdorida 3-yil muddatga boʻlib-boʻlib toʻlashga ruxsat etiladi», deyiladi Adliya vazirligi xabarida.

Avvalroq «Kursiv» davolanish maqsadida Oʻzbekistonga kelayotgan chet el fuqarolarining soni koʻpaygani haqida e’lon

Oʻzbekistonda turizmni rivojlantirishga qaratilgan yangi milliy turizm brendi yaratilishi bo‘yicha prezident farmoni qabul qilindi. Bu haqda Huquqiy axborot rasmiy sahifasida ma’lum qilindi.

Unga ko‘ra, Turizm qo‘mitasi joriy yilning 1-oktabrga qadar yangi milliy turizm brendini yaratish uchun tanlov tashkil qiladi. Shuningdek, 2024-yil Xalqaro turizm kuni doirasida birinchi global sayyohlik mediakampusi yaratiladi. 2024/2025-yillarda O‘zbekistonga 10 mlndan ortiq auditoriyaga ega 50 nafargacha chet ellik jurnalist, bloger, vloger va inflyuenserlar jalb qilinadi.

Shu bilan birga, 2025-yil 1-yanvardan 100 nafar xorijlikni qamrab olgan (kamida 3 kunlik) biznes tadbirlari o‘tkazgan tadbirkorlar 2028-yil 1-yanvargacha tadbirdan olgan daromadlaridan foyda solig‘ini 50 foizga kam to‘laydilar.

Eslatib o‘tamiz...

Numbeo portalining 2024-yilning birinchi yarmi yakunlari bo‘yicha ma’lumotlariga ko‘ra, O‘zbekiston jinoyatlar reytingida 146 mamlakat ichida 120-o‘rinni egalladi.

Respublikada jinoyatchilik indeksi 29 ballni, xavfsizlik indeksi 71 ballni tashkil etdi. Bunday ko‘rsatkichlar O‘zbekiston Markaziy Osiyodagi eng xavfsiz davlat ekanligini anglatadi.

Afg‘oniston mintaqada eng yomon ko‘rsatkichga ega – to‘rtinchi o‘rin. Bu davlatda jinoyatchilik indeksi 75 balldan oshdi.

Qirg‘iziston 43-o‘rinda, Qozog‘iston 75-o‘rinda, Tojikiston va Turkmaniston esa bu ro‘yxatga kiritilmagan.

Venesuela dunyodagi eng xavfli davlat deb tan olindi, undan keyin Papua-Yangi Gvineya va Gaiti.

Xavfsizlikning eng yuqori ko‘rsatkichlari rekordlari Qatar, BAA va Andorra kabi mamlakatlarda.

Avvalroq «Kursiv» O‘zbekistonda mansabdor shaxslar o‘rtasida jinoyatchilik 34,4 foizga...

Oʻzbekistonda pul topish uchun soxta trenerlik qilayotganlar uchun javobgarlik belgilanmoqda. Bu haqda OʻzA xabar berdi.

Ma’lum qilinishicha, «Tez boyib ketish» va «oson pul topish yoʻllarini oʻrgataman» kabi e’lonlar bilan turli vebinar va seminar-treninglar oʻtayotgan shaxslar faoliyati tartibga solinadi.

Bu borada «Milliy tiklanish» partiyasi fraksiyasi tashabbusi bilan ma’rifiy faoliyatni tartibga solish boʻyicha qonun loyihasi ishlab chiqildi va birinchi oʻqishda koʻrib chiqildi.

Yangi Qonun loyihasida ushbu faoliyatni tartibga solish moʻljallangan Ma’muriy javobgarlik toʻgʻrisidagi kodeksga kiritiladigan qoʻshimchalar bilan maxsus bilim va tajribaga ega boʻlmagan yoki faoliyat huquqiga ega boʻlmagan shaxslarga javobgarlik belgilanmoqda.

Avvalroq «Kursiv» Oʻzbekistonda soxta «psixologlar» faoliyatini tartibga solish rejalashtirilayotgani haqida...

Oʻzbekistonning «Milmaxtrade» kompaniyasi iyul-avgust oylarida Qatar bozoriga meva-sabzavotlarning birinchi partiyasini yetkazib beradi. Bu haqda «Dunyo» axborot agentligi xabar berdi.

Qayd etilishicha, 30 tonna hoʻl va quritilgan mahsulotlarni yetkazib berish boʻyicha kelishuvga erishilgan. Bundan tashqari, Oʻzbekistonda yetishtirilgan parranda goʻshti Qatarga eksport qilinadi.

Kelishuvga Buxoro viloyati eksportyorlarining Qatarga tashrifi chogʻida erishildi. Kompaniyalar vakillari mahalliy savdo tarmoqlari va import qiluvchi korxonalar rahbariyati bilan uchrashdi.

Avvalroq «Kursiv» Qatar va Oʻzbekistonning turizmni rivojlantirish borasidagi sa’y-harakatlari haqida xabar bergan edi.

Ijtimoiy tarmoqlarda tarqalgan videolarda fermer tarvuzlarni arzon narxlarda ham sota olmagani sababli poliz ekinini tashlab yubordi.

Eslatib o‘tamiz, kuni kecha «Kursiv» tomonidan tarvuz narxi pasaygani haqida so‘rovnoma o‘tkazilgan edi. Ishtirokchilarning 45 foizi tarvuzni qulay narxdaligini aytgan edi, 35 foizi esa arzon deb atagan, 10 foizi qimmat dedi va 10 foiz ishtirokchilar tarvuz sotib olmasligini aytib o‘tgan.

Avvalroq «Kursiv» O‘zbekistonda tarvuz bozori qulash arafasida haqida e’lon qilgan edi. O‘zbekiston bozorida yangi tarvuzning eng kam ulgurji narxlari rekord darajada pastlab, har bir kg uchun 8 sentni tashkil qilmoqda.

2024-yilning birinchi yarmida spirtli ichimliklar, xususan pivo, aroq va uzum vinosi ishlab chiqarish hajmida sezilarli o‘zgarishlar kuzatildi. Bu haqda Statistika agentligi ma’lum qildi.

Unga ko‘ra, joriy yilning yarmiga kelib, aroq ishlab chiqarish hajmi 1,5 % ga ortdi. Taqqoslash uchun: 2023-yilning mos davridagi ko‘rsatkich 15,9% ga tushdi.

Aroqdan farqli ravishda pivo va uzum vinosi ishlab chiqarish hajmi 2024-yilning yarmiga kelib pastlagan. Jumladan, pivo ishlab chiqarish hajmi 0,4% ga tushgan. Taqqoslash uchun: 2023-yil yanvar – iyun oylarida 6,7 % ga ortdi.

Shuningdek, uzum vinosi ishlab chiqarish hajmida ham tushish kuzatilgan. Raqamlarga murojaat qilsak, joriy yilda ishlab chiqarish hajmining pasayishi...

Toshkent viloyatida 1 milliard soʻmlik sintetik giyohvandlik vositasini tarqatish (sotish) maqsadida saqlab kelayotgan shaxs qoʻlga olindi. Bu haqda IIBB matbuot xizmati xabar berdi.

Joriy yilning 15-iyul kuni IIB va DXX hamkorlikda oʻtkazilgan tezkor tadbirda 2002-yilda tugʻilgan shaxs oʻzining Tracker avtomashinasida og‘irligi 1 kg 433 gr boʻlgan «mefedron» sintetik giyohvandlik vositasini sotish maqsadida saqlab kelayotganligi aniqlanib, daliliy ashyo bilan ushlandi.

Aniqlanishicha, 22 yoshli shaxs mazkur sintetik vositani boʻlaklarga boʻlib, kontaktsiz manzil («zakladka») orqali sotishni rejalashtirgan.

Hozirgi kunda holat yuzasidan Jinoyat kodeksi 273 moddasi (giyohvandlik vositalari, ularning analoglari yoki psixotrop moddalarni oʻtkazish maqsadini koʻzlab qonunga xilof ravishda tayyorlash, olish, saqlash va...

2024-yilning yanvar – may oylarida Qirg‘iziston O‘zbekistonga $12,7 mlnlik ko‘mir eksport qildi. Yillik o‘sish 38 foizni tashkil etdi, deb xabar qildi Qirgʻiziston Statistika qoʻmitasi.

Biroq eksport faqat pul ko‘rinishida oshdi. Tonnalarda bir oz pasayish ko‘rinadi. Qirg‘iziston ko‘mirining O‘zRga yetkazib berilishi 2024-yilning dastlabki besh oyida 302 ming tonnani tashkil etdi. Bu 2023-yilning shu davriga nisbatan 0,3 foizga kam hisoblanadi.

O‘zbekiston yanvar – may oylarida xorijdan $73,6 mlnlik ko‘mir va koks sotib oldi, ularning importi 6,4 foizga oshdi.

Eslatib o‘tamiz, avvalroq «Kursiv» 2024-yil oxirigacha O‘zbekistonda besh million tonnadan ortiq ko‘mir qazib olish rejalashtirilgani haqida yozgan edi.

15 – 22-iyul kunlari Gettingen shahrida nemis tili boʻyicha Butunjahon olimpiadasi gʻoliblari aniqlandi.

Tegishli til darajalari boʻyicha oʻtkazilgan bellashuvlarda birinchi oʻrinni oʻzbekistonlik Rayyona Ibrohimova, bangladeshlik Mahek Xon va shimoliy makedoniyalik Ana Kotevska qoʻlga ketirdi.

Kumush va bronza Meksika, Italiya, Slovakiya, Polsha va Buyuk Britaniyadan kelgan oʻquvchilariga nasib etdi.

Olimpiadaning final bosqichida 14-yoshdan 17-yoshgacha boʻlgan 100 nafardan ortiq kishi ishtirok etdi. Raqobatchilar orasida 62 davlat vakillari ishtirok etdi.

Gyote instituti matbuot xizmati xabariga koʻra, 16 yoshli Rayyona Germaniyadagi universitetlardan birida nemisshunoslik yoʻnalishida tahsil olish va kelajakda tarjimonlik bilan shugʻullanishni rejalashtirgan.

Avvalroq «Kursiv» O‘zbekistonda ilk bor informatika bo‘yicha xalqaro olimpiada o‘tkazilishi...

Soyaning xalqaro bozorlarda narxi turli mamlakatlarga sotish hajmining oshishi tufayli bir bushel uchun $11 dan oshdi. Ushbu bitim haqidagi xabar Amerika Qoʻshma Shtatlari (AQSh) Qishloq xoʻjaligi departamenti tomonidan tarqatildi. Bu haqda «Trading economics» portali tahlilchilari xabar berdi.

Soya narxining oshishi ushbu mahsulot narxining toʻrt yillik eng past darajasiga yetganidan keyin sodir boʻldi. AQSh departamentining soʻnggi hisobotlari jahon soya zaxiralarining oʻsishini koʻrsatdi. Shu bilan birga, uning shoshilinch sotilishi haqidagi ma’lumotlar bozorda oʻz aksini topdi.

Seshanba kuni ertalab fond bozorlarida Tesla (+5,15 foiz), Meta (+2,23 foiz), Microsoft (+1,46 foiz) aksiyalarining oʻsishi kuzatildi.

Avvalroq «Kursiv» 22-iyul kuni jahon bozorlaridagi vaziyat haqida...

Rossiyaning Dog‘iston Respublikasi va O‘zbekistonning Buxoro viloyati hokimiyatlari Rossiya Federatsiyasi mintaqasida mamlakatimiz savdo uyini ochish masalasini muhokama qildi. Bu haqda «Dog‘iston yoshlari» nashri xabar berdi.

«Savdo uyining ochilishi Dog‘iston aholisi uchun yuqori sifatli paxta va jun mahsulotlari bilan ta’minlanishiga hissa qo‘shishi mumkin», deyiladi xabarda.

O‘zbekiston savdo uyi Derbentda joylashgan bo‘lishi mumkin. Bu shahar Buxoro bilan qardosh.

Avvalroq «Kursiv» Chechenistonda O‘zbekiston savdo uyi ochilgani haqida e’lon qilgan edi.

Soʻnggi toʻrt oy ichida Telegram messenjerining oylik auditoriyasi 50 million foydalanuvchiga koʻpaydi. Bu haqda messenjer asoschisi Pavel Durov ma’lum qildi.

«Telegram’da oylik faol foydalanuvchilari soni 950 millionni tashkil etdi, bahorda 900 million edi. Biz 1 milliardlik maqsad sari intilyapmiz», deydi Durov.

Vc.ru portali jurnalistlarining qayd etishicha, mart oyida Telegram foydalanuvchilari soni 900 million boʻlgan.

Avvalroq «Kursiv» Telegram firibgarlarga qarshi kurashni kuchaytirishi haqida xabar bergan edi.

Bugun, 23-iyul kuni O‘zbekistonning janubiy viloyatlarida kuchli shamol tufayli chang-to‘zonlar ko‘tarilishi mumkin. Yog‘ingarchilik kuzatilmaydi. Havo harorati 41 darajagacha issiq bo‘ladi, deb xabar beradi «Gidrometeorologiya» xizmati agentligi.

Toshkent shahrida havo bulutli va o‘zgaruvchan bo‘ladi. Kunduzi havo harorati 37-39 daraja issiq va kechasi 23-25 daraja issiq bo‘ladi.

Farg‘ona vodiysi va Toshkent viloyatining tog‘li hududlarida yomg‘ir yog‘ishi va momaqaldiroq bo‘lishi ehtimoli bor. Kunduzi havo haorati 24-29 daraja issiq va kechasi 15-20 daraja iliq bo‘ladi.

Bosh prokuratura huzuridagi Departament xodimlari Toshkent viloyati Qibray tumani «Guliston» MFY hududida yashovchi fuqaro oʻz uyida mayning qurilmalaridan noqonuniy foydalanganini aniqladi. Bu haqda Energetika vazirligi matbuot xizmati xabar berdi.

Vazirlik ma’lumotlariga koʻra, fuqaro sakkizta toʻplamdagi mayning qurilmalarini qonunga xilof ravishda umumiy foydalanishdagi elektr tarmogʻiga ulab, davlatga 1,2 mlrd soʻm zarar yetkazgan.

Yana bir holat Yuqori Chirchiq tumani «Sultonravot» MFY hududida yashovchi fuqaro qonunga xilof ravishda mayning faoliyati bilan shugʻullanib, davlat va jamiyat manfaatlariga 50,7 mln soʻm zarar yetkazgani aniqlandi.

Avvalroq «Kursiv» Yangihayot tumanida noqonuniy mayning ferma 751,6 mln soʻmlik zarar keltirgani haqida xabar bergan edi.

Raqobat qoʻmitasi notoʻgʻri reklama tarqatgani uchun «AVO Bank» AJni moliyaviy jarimaga tortdi. Bu haqda qo‘mita o‘z sahifasida xabar berdi.

Unga ko‘ra, bank veb-saytidagi «AVO bonuslari» sahifasi orqali taqdim etilgan reklama axborotlarida «250 000 soʻm Har bir yangi mijozga», «+250 000 soʻm Sizga va Avoning har bir yangi mijoziga», «Hisobingizga 250 000 soʻm olish» va «Kartaga 250 000 soʻm olish» kabi e’tiborni tortuvchi reklamalar joylangan. Aslida esa ushbu 250 ming soʻmni olish murakkab jarayonlarni talab qilishi, shunda ham mijozga 250 ming soʻm naqd pul emas, bank mobil ilovasi orqali bonus ballari koʻrinishida berilishi aniqlangan.

Shuningdek, «AVO Bank» AJning rasmiy veb-saytida...

Madaniyat vaziri Ozodbek Nazarbekov reklama qilgan doʻkon jarimaga tortildi. Bu haqda Raqobat qoʻmitasi matbuot xizmati xabar berdi.

Ma’lum qilinishicha, qoʻmitaning Maxsus komissiyasi tomonidan tegishli tartibda ish qoʻzgʻatilib, natijasi boʻyicha «Boutique» MCHJ «Reklama toʻgʻrisidagi» Qonunning 16-moddasini, ya’ni reklamada tovar davlat organlari yoki ularning mansabdor shaxslari tomonidan ma’qullanganini koʻrsatish boʻyicha taqiq talablarini buzgan deb topdi.

Natijada ushbu korxonaga nisbatan belgilangan tartibda moliyaviy jarima qoʻllash haqida qaror qabul qilindi.

Maxsus komissiya tomonidan ishni koʻrib chiqish jarayonida Madaniyat vazirining reklamada ishtirokini reklama beruvchi, reklama tayyorlovchi yoki reklama tarqatuvchi sifatida ishtirok etganligining alomatlari aniqlanmadi.

Ozodbek Nazarbekov tomonidan reklamani oʻz shaxsiy ijtimoiy tarmoqlari va boshqa...

2024/2025-oʻquv yili uchun akademik litseylarga kirish test sinovlari 25–26-iyul kunlari boʻlib oʻtadi. Bu haqda Bilim va malakalarni baholash agentligi xabar berdi.

Unga koʻra, 25-iyul kuni ikkinchi smenada faqat Toshkent shahrida va 26-iyul kuni esa ikki smenada barcha hududlarda boʻlib oʻtadi.

Bunda birinchi smena soat 09:00 da, ikkinchi smena 15:00 da boshlanadi. Test sinovlari ta’lim yoʻnalishiga mos 2 ta fan va intellektual qobiliyat darajasi (IQ)ni aniqlash boʻyicha oʻtkaziladi.

Bunda talabgorlarga har bir fandan 20 tadan jami 60 ta test topshirigʻi va ularni bajarish uchun javoblar varaqasini toʻldirish bilan birga 2 soat vaqt ajratiladi.

Talabgorlar qachon, qayerda test sinovida ishtirok etishini...

Davlat aktivlarini boshqarish agentligi «Milliy banklararo protsessing markazi» AJ ustav kapitalidagi 100 foiz davlat ulushi savdosi boshlanganini e’lon qildi. Bu haqda Davlat aktivlarini boshqarish agentligi ma’lum qildi.

«Milliy banklararo protsessing markazi» AJ ning «Humo» toʻlov tizimi ichki va tashqi to‘lov amaliyotlari uchun moʻljallangan. Ustav kapitali 155,4 mlrd soʻmni tashkil qiladigan «Humo» to‘lov tizmi to‘liq xususiylashtirilmoqda. «Humo» kartalari 27 milliondan ortiq chiqarilgan bo‘lib, respublika bo‘ylab 210 mingdan ziyod terminal va 6,4 mingdan ziyod bankomatlar ishga tushirilgan.

Ulushlar savdosi jarayoni uch bosqichda tashkil etiladi. Jumladan, Sotib olish boʻyicha qiziqish bildirish, ya’ni Express of interest, Majburiyatga ega boʻlmagan taklif, ya’ni NBO hamda Majburiyatga ega boʻlgan taklif, ya’ni BO taqdim etish bosqichlaridir. Eng so‘nggi bosqichda talabgorlar taklif etadigan qat’iy narx taklifining minimum 1 % qismi kafolatli toʻlov sifatida amalga...