Yangiliklar

22-iyul kuni O‘zbekiston Respublika valyuta birjasida dollarning o‘rtacha tortilgan qiymati 17,00 so‘mga pasaydi va 12 593,04 so‘mni tashkil qildi.

Respublikadagi tijorat banklar AQSh valyutasini 12 550 – 12 610 so‘mdan xarid qilishmoqda va 12 650 – 12 670 so‘mdan sotishmoqda.

Eslatib o‘tamiz, 19-iyul kini dollarning o‘rtacha tortilgan qiymati 8,96 so‘mga ko‘tarilgan edi.

«Oʻzsanoatqurilishbank» Oʻzbekiston bank tizimi tarixida birinchi marotaba Reg S va 144A formatlarida London fond birjasining asosiy bozorida AQSH dollari va oʻzbek soʻmida navbatdagi xalqaro obligatsiyalarini joylashtirdi. Bu haqda bank axborot xizmati xabar berdi.

«Xalqaro obligatsiyalarining Reg S va 144A formatida joylashtirilishi nafaqat Yevropa, balki AQSH, Yaqin Sharq, Janubi-Sharqiy Osiyo va boshqa hududlardan ham yangi investorlarni jalb qilish boʻyicha yangi marrani zabt etishga imkon yaratdi», deyiladi xabarda.

Ma’lum qilinishicha, bankning xalqaro obligatsiyalarni joylashtiruv jarayondagi savdolarida 21 ta davlatdan 70 dan ortiq investorlar tomonidan jami $900 mlndan ziyod takliflar kelib tushgan. Shundan umumiy $400 mln va 2,25 trln soʻm miqdorida mablagʻlar...

Oʻzbekistonda 2024-yilning birinchi yarim yilligida transport vositalaridan foydalanish xavfsizligi qoidalarini buzgan 1601 nafar shaxs sudlandi. Bu haqda Oliy sud matbuot xizmati xabar berdi.

Ma’lum qilinishicha, ularning 551 nafariga ozodlikdan mahrum qilish jazosi, 1 050 nafariga ozodlikdan mahrum qilish bilan bogʻliq boʻlmagan jazolar tayinlangan.

2023-yilda nazarda tutilgan jinoyatni sodir etganlikda aybdor deb topilib, 3 325 nafar shaxs sudlangan. Shundan 635 nafariga ozodlikdan mahrum qilish jazosi, 2 690 nafariga ozodlikdan mahrum qilish bilan bogʻliq boʻlmagan jazolar tayinlangan.

Avvalroq «Kursiv» Oʻzbekistonda yoʻl harakati qoidalarini buzgan samokat haydovchilari jarimaga tortilishi haqida xabar bergan edi.

Oʻzbekistonda, umuman, Markaziy Osiyo mamlakatlaridagi tarvuz bozorida murakkab vaziyat yuzaga keldi. Bu haqda EastFruit xalqaro nashri ma’lum qildi.

Tahlilga ko‘ra, poliz ekini dehqonlari tarvuzga talab tushib ketganini bildirgan. Bu esa ularni o‘rimsiz dalalarda qoldirishga majbur qilmoqda. Ba’zi dehqonlar esa tarvuzni faqat chorva mollariga yemish sifatida yig‘ib olishayotganini aytgan.

EastFruit ulgurji narxlari kuzatuvi shuni ko‘rsatdiki, O‘zbekiston bozorida yangi tarvuzning eng kam ulgurji narxlari rekord darajada pastlab, har bir kg uchun 8 sentni tashkil qilmoqda. Biroq bu narx polizdan sotuv rastalarigacha yetib kelgan mahsulotlar narxi xolos.

Narxlarning bu zayl qulashi, uning ustiga O‘zbekistonda tarvuzga talab tushib ketganining asosiy sabablaridan biri asosiy...

2024-yilning yanvar – iyun oylarida O‘zbekistonda 333,3 ming tonna suyultirilgan gaz ishlab chiqarildi, bu belgilangan rejaga nisbatan 9,7 foizga ko‘pdir, deya xabar berdi «O‘zbekneftgaz» AJ axborot xizmati rahbari Mo‘min Ibodov.

Bu davrda 525,9 ming tonna avtomobil benzini, 307,6 ming tonna dizel, 98,3 ming tonna aviakerosin ishlab chiqarildi.

Shuningdek, 43 ta quduqni burg‘ulash ishlari yakunlandi, 40 ta quduqda kapital ta’mirlash ishlari amalga oshirildi.

Tabiiy gazni barqaror tashishni ta’minlash uchun 56,4 kilometr uzunlikdagi gaz quvuri qurildi, deya qoʻshimcha qildi Ibodov.

Avvalroq «Kursiv» «O‘zbekneftgaz» foydasi keskin tushib ketgani sabablari haqida yozgan edi.

Oʻzbekiston fuqarolari Latviyaga ishga tashkil qilinmoqda. Bu haqda Tashqi mehnat migratsiyasi agentligi xabar berdi.

Unga koʻra, fuqarolarga avtomobil mexanigi lavozimida 1000 yevro maosh taklif qilinayotgan boʻlsa, CE toifasidagi yuk avtomobili haydovchisi lavozimida 1100 – 2500 yevro maosh taklif qilinmoqda.

Nomzodlar uchun talablar:

Avtomexanik:

avtomobillarga texnik xizmat koʻrsatish boʻyicha qoʻllanmalardan foydalanish;

avtomobil qismlari va kuzovi bilan ishlash;

diagnostika uskunalaridan foydalanish;

kamida 2 yillik tajriba;

rus yoki ingliz tillarini bilish;

25 – 40 yosh.

Roʻyxatdan oʻtish uchun havola.

CE toifasidagi yuk avtomobili haydovchisi:

Yevropaning barcha mamlakatlariga yuklarni tashish;

yuk tashish bilan bogʻliq hujjatlarni tushunish;

chip kartaning mavjudligi;

kamida 1 yillik...

20-iyul kuni Toshkentda  startaplarni qo‘llab-quvvatlash markazi – «Startap Garage» ochilish marosimi bo‘lib o‘tdi. Bu haqda Raqamli texnologiyalar vazirligi xabar bermoqda.

Bunday markaz yoshlarga kerakli resurslar, ko‘nikmalar va boshqa kerakli ma’lumotlar taqdim etadi.

«Startup Garage» – innovatsion va tadbirkorlikni rivojlantirishga qaratilgan tashabbus bo‘lib, u O‘zbekistonda startap loyihalarni qo‘llab-quvvatlash, sarmoya jalb qilish va yangi ish o‘rinlarini yaratishga yo‘naltirilgan.

Startap markazi hamkorlari qatorida Aloqabank, Aloqaventures, Ipoteka-bank va boshqa moliyaviy institutlar bor.

Startup Garage’ga kirish uchun, startupgarage.uz saytida ro‘yxatdan o‘tish yoki +998770475753 raqamiga qo‘ng‘iroq qilish kerak bo‘ladi.

Avvalroq «Kursiv» BRBning «biznes portali» startaplar uchun 52 mingta murojaatni qabul qilganini e’lon

Shveytsariyaning «Nestle» transmilliy korporatsiyasi firibgarlikda ayblanmoqda. Tergovda ta’kidlanishicha, kompaniya 15-yil davomida suvni noqonuniy ravishda filtrlagan va keyin mineral suv nomi ostida sotgan, deb aniqladi Mediapart.

Ommaviy axborot vositalari keltirgan sud tergoviga kora, «Nestle» kompaniyasining harakatlaridan ko‘rilgan zarar kamida uch mlrd yevroni tashkil qiladi.

Kommersant’ning ish materiallariga tayanib xabar berishicha, kompaniya pestitsidlar, ichak tayoqchasi va inson hayoti uchun xavfli bakteriyalar bilan ifloslangan Fransiyadagi suv omborlaridan foydalangan. Perrier, Contrex, Vittel va Hepar brendlari ostidagi shisha suvlar qoidabuzarliklar bilan ishlab chiqarilishi mumkin bo‘lgan.

Nestle vakillari bu bayonotlarga qo‘shilmagan.

Tekshiruv Yevropa komissiyasi tomonidan olib borilmoqda. U 24-iyul kuni natijalar bilan hisobot taqdim...

«Tibbiyot chiqindilaridan muqobil issiqlik energiyasi ishlab chiqarish» investitsiya loyihasini amalga oshirish chora-tadbirlari to‘g‘risida prezident qarori qabul qilindi.

Unga ko‘ra, «Sayar LLC» kompaniyasi (AQSh) tomonidan «Tibbiyot chiqindilaridan muqobil issiqlik energiyasi ishlab chiqarish» investitsiya loyihasi doirasida «Sayar green» MCHJ shaklidagi xorijiy korxona ta’sis etildi.

Loyihaning ilk bosqichda, 2024-2025-yillar davomida $7 mln investitsiyalarni jalb etiladi. Toshkent shahri, Samarqand va Buxoro viloyatlaridan yig‘ilgan 6 ming tonna tibbiyot chiqindilari termik qayta ishlanadi. 20 GVt soat/yil quvvatga ega uskunalar ishga tushiriladi.

Keyingi bosqichda, 2026 – 2030-yillarda $108 mln investitsiya jalb etiladi. Qolgan hududlardan ham yig‘ilgan 90 ming tonna tibbiyot chiqindilarini termik qayta ishlanadi...

AQSh prezidenti Jo Baydenning saylovoldi tashviqoti qo‘mitasi federal saylov komissiyasiga vitse-prezident Kamala Harrisni Demokratik partiyadan davlat rahbari lavozimiga asosiy nomzod sifatida ko‘rsatuvchi hujjatlarni yubordi. Hujjat komissiya saytida e’lon qilindi.

Uning nomzodini allaqachon sobiq prezident Bill Klinton, sobiq davlat kotibi Hillari Klinton va Jo Bayden qo‘llab-quvvatlagan.

CNN ma’lumotlariga ko‘ra, Harris demokratlar vakillariga qo‘ng‘iroq qilib, yordam so‘ramoqda.

Oq uyning rahbari Jo Bayden o‘z tarafdorlarini Donald Trampga qarshi kurashda birlashishga chaqirib, prezidentlik poygasini tark etdi.

Avvalroq «Kursiv» Bayden muddatining oxirigacha davlat rahbari lavozimini egallashi haqida...

Oʻzbekiston avtomobil ishlab chiqarish sanoatida 2024-yilning yanvar – iyun oylarida 190 786 dona yengil avtomobillar ishlab chiqarildi. Bu haqda Statistika agentligi hisobotida ma’lum qilindi.

Jami 177 982 dona yengil avtomobil va 12 804 dona maxsus yengil avtomobil ishlab chiqarilgan.

Yarim yil ichida mamlakatda 72 948 dona Cobalt (2023-yil mos davridagidan 47,5 foiz koʻp) ishlab chiqarildi va avtomobil bir necha yildan beri son jihatdan eng yuqori pogʻonani egallab kelmoqda.

Mazkur davrda 38 953 dona Damas (oʻtgan yil mos davridagidan 11,5 foiz koʻp), 21 497 dona Tracker (42,6 foizga ortdi), 17 432 dona Onix (55,3 foizga ortdi), 12 635 dona...

Oltita kompaniya Toshkentdagi «International» mehmonxonasini sotib olishga qiziqish bildirdi. Bu haqda Davlat aktivlarini boshqarish agentligi (DABA) xabar qildi.

Mehmonxonadagi davlat ulushining 100 foizini sotib olish uchun arizalar Arab davlatlari, Sharqiy Osiyo va Yevropa davlatlaridan olti nafar investor tomonidan taqdim etilgan. Agentlik ularning barchasiga majburiy bo‘lmagan takliflarni (NBO) tayyorlash uchun hujjatlarni yuboradi. Takliflar 19-avgustga qadar qabul qilinadi.

2024-yilning birinchi yarim yilligi yakunlari bo‘yicha mehmonxonaning sof zararlari 1,47 mlrd so‘mni tashkil qildi. O‘tgan yili moliyaviy yo‘qotishlar 21,9 mlrd so‘mga yetdi.

Avvalroq «Kursiv» 2024-yil iyul oyida «Avtooyna» korxonasining davlat ulushi sotuvga qo‘yilgani haqida e’lon qilgan edi.

Prezident «2024/2025-oʻquv yili uchun davlat oliy ta’lim muassasalariga oʻqishga qabul qilishning davlat buyurtmasi parametrlari toʻgʻrisida»gi farmoyishni qabul qildi. Bu haqda Huquqiy axborot rasmiy sahifasida ma’lum qilindi.

Unga koʻra, kelayotgan oʻquv yilida davlat OTMiga bakalavriyatning kunduzgi ta’lim shakli uchun 34 838 nafar, magistratura uchun 9 365 nafar etib belgilandi.

Oliy ta’lim, fan va innovatsiyalar vazirligi bir hafta muddatda Davlat komissiyasiga respublikamizdagi xorijiy OTM filiali va nodavlat OTM uchun ajratilgan 1200 ta, xotin-qizlar uchun esa 2000 ta davlat granti taqsimoti yuzasidan taklif kiritdi. Taklifda shuningdek, oʻzbek tili va adabiyoti, tarix, madaniyat, san’at va hunarmandchilik yoʻnalishlarida o‘qimoqchi bo‘lgan xorijdagi yoshlarimiz uchun...

G‘azo sektorida yaqin orada o‘t ochishni to‘xtatish haqidagi optimizm kuchayib borayotgani sababli jahon bozorlarida neft narxi so‘nggi haftalarda eng past darajaga yaqinlashmoqda. Bu haqda «Trading Economics» portali xabar beradi.

Dushanba kuni ertalab WTI neft fyucherslari bir barrel uchun taxminan $79 ga baholanmoqda. Brent narxi $83.

Neft narxining pasayishiga AQSh Davlat kotibi Entoni Blinkenning Isroil va Falastinning HAMAS guruhi o‘rtasida yaqin orada sulhga erishish mumkinligi haqidagi bayonoti sabab bo‘ldi.

Qimmatli qog‘ozlar bozorlarida Intel (-7,00 foiz), Nvidia (-2,94 foiz) va Tesla (-2,84 foiz) aksiyalari arzonlashdi.

Avvalroq «Kursiv» 19-iyul kuni xalqaro bozorlardagi vaziyat haqida e’lon qilgan edi.

22-iyul, dushanba kuni O‘zbekistonning ayrim hududlarida chang-to‘zoni yuzaga kelishi va shamol tezligi 13-18 m/s gacha (Bofort shkalasi bo‘yicha 12 balldan 6-8 ball) kuchayishi kutilmoqda, deb xabar berdi «O‘zgidromet».

Respublikada oʻrtacha kunlik havo harorati +34…+39°, Toshkent shahrida – +36…+38° boʻladi.

Togʻli hududlarda havo +25…+30° gacha qiziydi, qisqa muddatli yomgʻir yogʻib, momaqaldiroq boʻlishi mumkin.

Avvalroq O‘zbekiston sinoptiklari mamlakatning tog‘li hududlarida sel kelishi xavfi haqida ogohlantirgan edi.

Oʻzbekiston 2024-yilning yanvar – iyun oylari davomida dunyoning 186 ta davlati bilan savdo aloqalarini amalga oshirdi. Bu haqda Davlat statistika agentligi xabar qildi.

Natijada tashqi savdo aylanmasi $31,8 milliardga yetdi, shu bilan birga, import $18,8 milliardni tashkil etdi, bu o‘tgan yilga nisbatan 10,6 foizga ko‘pdir. Eksport hajmi $13 milliardni tashkil etadi (o‘sish 5,5 foiz).

Shu bilan birga, Xitoy (18,5 foiz), Rossiya (18,1 foiz), Turkiya (4,5 foiz) va Janubiy Koreya (3,4 foiz) bilan tovar ayirboshlash hajmi oshdi.

Avvalroq «Kursiv» O‘zbekiston yil boshidan buyon $910 millionlik oziq-ovqat mahsulotlari eksport qilganini e’lon qilgan edi.

Yaqinda saylovoldi poygasidan chiqishini e’lon qilgan Amerika Qoʻshma Shtatlarining (AQSh) amaldagi prezidenti Jo Bayden oʻz lavozimini muddatidan oldin tark etish niyatida emas. Bu haqda Oq uy matbuot kotibi Endryu Beyts ma’lum qildi.

«U (Bayden — Tahr.) oʻz prezidentlik davrini yakunlashni va Amerika xalqi uchun yangi tarixiy natijalarga erishishni intiqlik bilan kutmoqda», dedi Beyts.

Matbuot kotibining qoʻshimcha qilishicha, Bayden amerikaliklarning erkinliklarini himoya qilish uchun kurashni davom ettiradi.

Bu e’lon respublikachilar saylovoldi kampaniyasini tugatayotganini e’lon qilganidan keyin Baydenni iste’foga chiqishga ochiq chaqira boshlagan paytga toʻgʻri keldi.

Avvalroq «Kursiv» Baydenning ikkinchi muddatga nomzod boʻlmasligi ma’lum boʻldi...

Prezident Jo Bayden o‘tgan oygi omadsiz munozaralar foni ostida AQSh prezidentligi uchun qayta saylanishga o‘z nomzodini qo‘ymasligini e’lon qildi. Bu haqda u o‘zining X ijtimoiy tarmog‘ida ma’lum qildi.

Unga ko‘ra, Bayden muddatining qolgan qismini o‘taydi, ammo saylovda da’vogar nomzod sifatida ishtirok etmaydi.

«Qayta saylanish niyatim bo‘lsa-da, nomzodimni qo‘yishdan voz kechishim va faqat prezidentlik vazifalarimni bajarishga e’tibor qaratishim partiyam va mamlakat manfaatlari uchun mos keladi, deb hisoblayman», deydi Bayden.

U qo‘shimcha qildiki: “Ushbu qarorim haqida shu hafta oxirida Millat bilan batafsil gaplashaman».

Rossiya Federatsiyasi Tergov qo‘mitasi O‘zbekiston fuqarosini Samarada deputat Mihail Matveyevni o‘ldirishga urinishda aybladi.

U bilan birga Tojikiston fuqarosi va voyaga yetmagan mahalliy fuqaro ushbu jinoyatni sodir etishda ayblanmoqda.

Gap 18-iyul kuni yuz bergan voqea haqida ketmoqda. Tergov ma’lumotlariga ko‘ra, Matveev jamoat tartibini saqlashga chaqirganidan keyin uch yigit deputat va uning haydovchisini kaltaklagan.

Rossiya huquq-tartibot idoralari xodimlari bezorilik bo‘yicha ish qo‘zg‘atdi, biroq Tergov qo‘mitasi rahbari Aleksandr Bastrikinning ko‘rsatmasi bilan u qotillikka urinish sifatida qayta tasniflandi.

Avvalroq «Kursiv» O‘zbekistonda tanaga yengil jarohat yetkazish uchun jazo yumshatilgani haqida e’lon qilgan edi.

2024-yilning birinchi yarmi yakunlariga ko‘ra, O‘zbekistonda 390 mingdan ortiq tadbirkorlik subyektlari faoliyat yuritmoqda. Ulardan 148 mingtasi savdo sohasiga to‘g‘ri keladi. Bu haqda Statistika agentligi xabar beradi.

Tadbirkorlik faoliyati uchun eng ommabop yo‘nalishlar uchligiga sanoat (62 ming kompaniya), shuningdek, qishloq, o‘rmon va baliqchilik xo‘jaliklari (32 ming) kiradi.

Avvalroq «Kursiv» O‘zbekistonda oilaviy korxonalar soni 7 foizga qisqarganini e’lon qilgan edi.

Yaponiyaning yirik qurilish kompaniyasi «Shimizu Corporation» O‘zbekiston fuqarolarini ishga taklif qilmoqda.  Bu haqda Tashqi mehnat migratsiyasi axborot xizmati xabar berdi.

Qayd etilishicha, oylik maoshi soliqlar bilan birga $1390-1490 tashkil etadi. Qo‘shimcha ish soatlari uchun alohida ustama haq to‘lanadi.

Ishga qabul faqat erkaklar uchun. Ish beruvchi nomzodlarni og‘zaki suhbatlar asosida tanlab oladi.

Ishlash niyatida bo‘lganlar uchun talablar:

Ish beruvchi O‘zbekistondan Yaponiyagacha bo‘lgan aviachipta yo‘lkira haqini o‘zi to‘laydi.

Ushbu talablarga mos keluvchi...

20-iyul, shanba kuni Toshkentning Yakkasaroy tumanida elektr energiyasi qisman o‘chirildi. Bunga yuqori voltli yer osti kabelidagi avariya sabab bo‘lgan. Bu haqda Toshkent shahar elektr tarmoqlari xabar berdi.

Kompaniyaning aniqlik kiritishicha, mutaxassislar favqulodda vaziyatlarni bartaraf etish jarayonini boshlagan.

Kichik Beshyog‘och, Nukus, Mirobod, Katta Mirobod va Kichik Mirobod ko‘chalaridagi xonadonlar aholisi elektr ta’minotisiz qoldi.

Avvalroq «Kursiv» Toshkentning Sergeli tumanida yong‘in sodir bo‘lganini e’lon qilgan edi.

20-iyul kuni Toshkent shahrining Sergeli tumani, Xonobod ko‘chasida joylashgan sanoat korxonasida yong‘in sodir bo‘ldi. Bu haqda poytaxt FVB xabar beradi.

Boshqarma maʼlumotlariga koʻra, yongʻin haqida xabar soat 12:27 da kelib tushgan. Yong‘in soat 13:01 da o‘chirilgan. Hodisa oqibatida hech kim jabrlanmagan.

Boshqarmaning aniqlik kiritishicha, mutaxassislar yong‘in sabablarini o‘rganmoqda va yetkazilgan zararni baholamoqda.

Avvalroq «Kursiv» Toshkentdagi Chorsu bozoridagi yong‘in haqida e’lon qilgan edi.

Buxoro viloyatidagi fermer xoʻjaligi egasi 3,9 mlrd soʻmlik elektr energiyasini oʻgʻirladi, deb xabar qildi OʻzR Bosh prokuraturasi huzuridagi Iqtisodiy jinoyatlarga qarshi kurashish departamenti.

Tekshiruv davomida fermer xo‘jaligidagi elektr tarmog‘iga suv nasosi noqonuniy ravishda ulanganligi ma’lum bo‘ldi.

Huquq-tartibot idoralari xodimlari tomonidan qo‘shimcha tergov harakatlari olib borilmoqda, mazkur holat yuzasidan O‘zR Jinoyat kodeksining 169-moddasi (o‘g‘irlik) bilan jinoyat ishi qo‘zg‘atilgan.

Avvalroq «Kursiv» yanvar-iyun oylarida O‘zbekistonda noqonuniy kriptofermalar energetika tizimiga 82 mlrd so‘m zarar yetkazganini e’lon qilgan edi.