Yangiliklar

Qarshi shahri hududi 2042-yilgacha deyarli ikki baravarga kengaytiriladi. Bu haqda Vazirlar Mahkamasi qarorida ma’lum qilindi.

Unga ko‘ra, shaharning bosh rejasi tasdiqlangan bo‘lib, Qarshi hududi Koson, Qarshi va Ko‘kdala tumanlari hisobidan olingan holda 7 ming 767 gektarga oshiriladi. Kengaytirish ishlari bosqichma-bosqich 2042-yilgacha davom etadi.

Hozirda shaharning umumiy maydoni 8 308,9 gektarni tashkil etadi. 2030-yilga kelib bu ko‘rsatkich 11 026,8 gektarga, 2042-yilga borib esa 16 073,6 gektarga yetishi kutilmoqda.

Aholi soni hozirgi 300 mingdan 470 ming kishiga yetishi mumkin. Uyni taqsimlash ko‘rsatkichi ham oshib, aholi jon boshiga to‘g‘ri keladigan uy-joy maydoni 14,1 kvadrat metrdan 23 kvadrat metrgacha ko‘payadi. Yangi qurilishlar natijasida...

Qozogʻiston boshqa davlatlardan, jumladan, Yevroosiyo iqtisodiy ittifoqi(YOII)dan tuxum olib kirishni taqiqlashni rejalashtirmoqda. Hujjat loyihasi respublika me’yoriy-huquqiy hujjatlar portalida e’lon qilindi.

Hujjat Qishloq xoʻjaligi vazirligi tomonidan tuzilgan. Muhokama 20-martga qadar davom etadi.

Taqiq qabul qilinsa, import cheklovlari olti oy davomida – joriy yilning aprelidan sentabrigacha amal qiladi.

Avvalroq Kursiv Uzbekistan 2024-yilning yanvar – dekabr oylarida Oʻzbekiston korxonalari, dehqon va fermerlari tomonidan 8,8 milliard dona tuxum yetishtirilgani haqida yozgan edi.

2025-yilning dastlabki ikki oyidayoq IT Park Uzbekistan oʻz safiga IT va servis xizmatlari eksportiga yoʻnaltirilgan 104 ta yangi rezidentni qabul qildi. Bu haqda kompaniyaning matbuot xizmati xabar bermoqda.

Yangi rezidentlar oʻz faoliyatining birinchi yilida 2,4 mingdan ortiq yangi ish oʻrinlarini yaratishni moʻljallamoqda. Bu esa mamlakatning yuqori texnologiyali sektorini rivojlantirish va malakali mutaxassislar sonining oʻsishiga hissa qoʻshadi.

Yangi rezidentlar IT-sanoatining quyidagi sohalarida faoliyat yuritadi:

Yangi rezidentlar faoliyatining birinchi yilida ularning umumiy eksport hajmi...

Lamborghini kompaniyasi taxminiy narxi $300 ming bo‘lgan o‘zining birinchi elektromobilini 2029-yilda chiqarishga tayyorgarlik ko‘rmoqda. Bu haqda AvtoMailru xabar berdi.

Volkswagen Group bosh direktori Oliver Blumning so‘zlariga ko‘ra, ushbu model 2000 ot kuchiga ega bo‘lib, Bugatti Tourbillon (1800 ot kuchi) va Rimac Nevera (1914 ot kuchi) kabi superkarlarni ortda qoldiradi.

Yangi elektromobil Volkswagen Group tarkibidagi Porsche muhandislari tomonidan ishlab chiqilayotgan ilg‘or elektr platformaga asoslanadi. U 980 voltli elektr tizimidan foydalanadi, bu esa avvalgi 800 va 400 voltli tizimlarga nisbatan sezilarli texnologik yuksalish hisoblanadi. Bu yangilik avtomobilning quvvat sarfini optimallashtirish va energiya rekuperatsiyasini yaxshilash imkonini beradi.

Lamborghini Lanzador nomi bilan tanilgan...

Kanada AQShning poʻlat va alyuminiy importiga qoʻshimcha tariflar joriy etgani sababli Jahon savdo tashkilotiga (JST) shikoyat qildi. Bu haqda 13-mart kuni JST ma’lum qildi.

JST saytida e’lon qilingan ma’lumotga koʻra, Kanada AQSh bilan tariflar boʻyicha kelishmovchilikni muhokama qilish uchun rasmiy maslahatlashuv oʻtkazishni talab etgan. Ottavaning fikricha, Vashington tomonidan joriy etilgan yangi bojlar 1994-yilda qabul qilingan tariflar va savdo boʻyicha bosh kelishuv (GATT) majburiyatlariga zid hisoblanadi.

11-mart kuni AQSh prezidenti Donald Tramp Kanada poʻlat va alyuminiyiga bojlarni 25 foiz dan 50 foizga oshirdi. U buni Kanadadan AQShga yetkazilayotgan elektr energiyasi narxining oshishiga javob deb atadi.

Toshkent shahridagi «Sirg‘ali» tashqi iqtisodiy faoliyat bojxona postida xorijdan olib kelingan 11 turdagi avtoehtiyot qismlari aslida butun boshli o‘zi ag‘daruvchi yuk avtotransport vositasi (samosval) ekani aniqlandi.

Yuk egasi transport vositasini qismlarga ajratib, avtoehtiyot qismlar sifatida rasmiylashtirish orqali bojxona to‘lovlaridan qochishga uringan. Ushbu harakat orqali u 800 mln so‘m miqdoridagi bojxona to‘lovlarini to‘lamaslikka harakat qilgani fosh etildi.

Hozirda mazkur holat yuzasidan tegishli huquqiy chora-tadbirlar ko‘rilmoqda.

Avvalroq Kursiv Uzbekistan mamlakat bojxona ko‘rsatkichi bo‘yicha 140-o‘rindan 74-o‘ringa ko‘tarilgani haqida xabar bergan edi.

Temir yo‘l transporti yo‘lovchilarining yuk, bagaj, valyuta va valyuta boyliklarini bojxona nazorati va hisobga qo‘yish haqidagi nizomga o‘zgartirish kiritildi.

Yangi tartibga ko‘ra, temir yo‘l transportida har bir yo‘lovchining qo‘l yuki, bagaji, valyutasi va valyuta boyliklarini bojxona nazoratidan o‘tkazish hamda deklaratsiyani rasmiylashtirish 1,5 daqiqa ichida amalga oshirilishi lozim.

Biroq bojxona organlari quyidagi holatlarda tekshiruv muddatini besh daqiqagacha uzaytirishi mumkin:

– risklarni boshqarish tizimi talablari bo‘yicha;

– yo‘lovchining noqonuniy harakatlari haqida ma’lumot kelib tushganda;

– olib kirilayotgan yoki olib chiqilayotgan naqd pul va valyuta boyliklari nazorati zarur bo‘lganda;

– huquqbuzarlik belgilarini aniqlashda.

Ushbu qaror Qonun hujjatlari ma’lumotlari milliy bazasida e’lon qilinib...

Apple kompaniyasining 2023-yilda taqdim etilgan smartfonining narxi rekord darajada pastladi. Bu haqda Hi-Tech Mail.ru nashri xabar berdi.

2025-yil boshidan qurilma Rossiya bozorlarida $850 ga sotilgan boʻlsa, fevral oyi oxirida uning narxi $680 ga tushdi. Yilning dastlabki uch oyida uning bozorlardagi narxi 25 foizga arzonlagani aytilmoqda.

Model Xitoy bozorida ham taxminan $670 dan sotilmoqda. Iphone 15 narxlaridagi pasayish Markaziy Osiyo bozoriga ham ta’sir koʻrsatishi mumkin.

Eslatib oʻtamiz, Kursiv Uzbekistan Apple menyular va piktogrammalarni tubdan qayta loyihalashtirishni rejalashtirayotgani haqida yozgan edi.

Fransiyaning Parij shahrida 7 – 15-aprel kunlari fisher shaxmati bo‘yicha nufuzli Freestyle Chess Grand Slam Tour turniri bo‘lib o‘tadi. Unda dunyoning 12 nafar eng kuchli shaxmatchisi ishtirok etishi rejalashtirilgan. Ilgari 11 nafar ishtirokchi aniqlangan bo‘lib, so‘nggi yo‘llanma uchun shaxmatchilar saralash turnirida kuch sinashdi.

Afsuski, O‘zbekistonning ikki iqtidorli grossmeysteri – Nodirbek Abdusattorov va Javohir Sindarov saralashning ilk bosqichida mag‘lubiyatga uchrab, turnir finaliga chiqa olmadi. Abdusattorov 1/8 finalda hindistonlik Pranesh Muniretinamga yutqazdi, Sindarov esa amerikalik Lener Domingesga imkoniyatni boy berdi.

Saralash bosqichida Pranesh Muniretinam keyingi bosqichda hamyurti Vidit Gujratiga mag‘lub bo‘ldi, Lener Dominges esa eronlik Amin Tabatabayiga imkoniyatni boy berdi.

Mukofot...

Uchtepada noqonuniy dori savdosi bilan shug‘ullanib kelgan fuqarolar qo‘lga olindi. Bu haqda Prokuratura departamenti xabar berdi.

Unga ko‘ra, fuqarolar xorijda ishlab chiqarilgan, sifati tasdiqlanmagan 50 quti «Cinnal F 900» dori vositasini boshqa shaxsga 90 mln so‘mga sotayotgan paytda qo‘lga olingan.

Shuningdek, ularning sherigi boshqaruvidagi avtomashinadan 26 turdagi, umumiy qiymati 168 mln so‘mlik dori vositalari topilib, ashyoviy dalil sifatida olingan.

Shuningdek, Zangiotada ham ikki nafar shaxs sifati tasdiqlanmagan 5 turdagi 242 quti dori vositalarini 215 mln so‘mga oldi-sotdi qilayotgan vaqtida ushlangan. Ularga nisbatan ish qo‘zg‘atilib, tergov harakatlari olib borilmoqda.

Avvalroq Kursiv Uzbekistan Fargʻonada 130 mln soʻmdan ziyod sifatisiz dorilarni muomalaga...

Xitoylik investorlar Fargʻona viloyatining Quvasoy sanoat zonasida «Tulpor» savdo belgisi ostida traktorlar ishlab chiqarishni yoʻlga qoʻyishni rejalashtirmoqda. Viloyat hokimligining ma’lum qilishicha, zavodga $100 mln yoʻnaltiriladi.

Loyihaning birinchi bosqichida sarmoyadorlar tomonidan $30 mln miqdoridagi sarmoya kiritiladi. Korxonada Oʻzbekiston ichki bozori va xorijiy xaridorlar uchun uchta rusumdagi traktorlar ishlab chiqariladi. Zavodda 250 ish oʻrni yaratiladi.

Ikkinchi bosqichda zavodda butlovchi qismlar ishlab chiqarish va servis markazi tashkil etiladi. Loyihaga yoʻnaltirilgan jami sarmoya $100 mlnni tashkil etadi.

Ishlab chiqarish obyektining tomlari umumiy quvvati ikki MVt boʻlgan quyosh panellari bilan jihozlanadi.

Avvalroq Kursiv Uzbekistan nashri Orano va «Navoiyuran» Janubiy Jongeldi uran qazib olish loyihasi...

Samsung Xitoyga 2023-yilda $44 mlrdlik chip eksport qilgan. Bu koʻrsatkich 2022-yilga nisbatan 53,9 foizga oʻsganini koʻrsatadi. Bu haqda Sammobile Samsung tomonidan e’lon qilingan hisobotga tayanib ma’lum qildi.

Kompaniya tomonidan taqdim etilgan hisobotga koʻra, Xitoyga chip eksporti 2023-yilda 64,93 trillion von yoki $44,6 mlrdni tashkil qilgan. AQSh esa kompaniyaning $42,1 mlrdlik chiplarini sotib olgan.

Samsung, asosan, Xitoyga NAND flesh, LPDDR, tasvir sensorlari va displey drayverlarini sotadi.

Avvalroq Kursiv Uzbekistan nashri Samsung va LG ishlab chiqarishni Meksikadan AQShga koʻchirishni rejalashtirayotgani haqida yozgan edi.

12-mart kuni Toshkent shahar Ekologiya, atrof-muhitni muhofaza qilish va iqlim o‘zgarishi boshqarmasi tomonidan belgilanmagan joylarga chiqindi tashlashga qarshi reyd tadbirlari olib borildi. Bu haqda Ekologiya vazirligi xabar qildi.

Bir kun davomida poytaxtda chiqindi tashlash bilan bog‘liq 16 ta huquqbuzarlik kuzatilgan bo‘lib, ularga jami 11 million 375 ming so‘m jarima qo‘llanilgan.

Ma’lumot uchun, belgilanmagan joylarga qattiq maishiy chiqindilarni va qurilish chiqindilarini tashlagan, shuningdek, suyuq maishiy chiqindilarni to‘kkan fuqarolarga bazaviy hisoblash miqdorining 1 baravaridan 3 baravarigacha (375 ming so‘mdan 1 mln 125 ming so‘mgacha), mansabdor shaxslarga esa 10 baravaridan 20 baravarigacha (3 mln 750 ming so‘mdan 7 mln 500 ming so‘mgacha...

O‘zbekiston Davlat aktivlarini boshqarish agentligi xususiylashtirish dasturi doirasida avtomobil sanoatiga oid uchta yirik korxonadagi davlat ulushlarini ochiq savdoga chiqarayotganini e’lon qildi.

Investorlar uchun «Uzsungwoo» MChJ ustav kapitalidagi 50 foiz, «Avto Climate Control» MChJ ustav kapitalidagi 100 foiz hamda «Uz truck and Bus Motors» MChJ ustav kapitalidagi 34,2 foiz davlat ulushlari taklif qilinmoqda.

Ushbu savdo jarayonlari barcha manfaatdor tomonlar uchun ochiq bo‘lib, ikki bosqichda amalga oshiriladi. Dastlab xaridorlar o‘z qiziqishlarini bildirishi kerak, keyin esa majburiyatga ega bo‘lgan taklif bosqichida qatnashish imkoniyatiga ega bo‘ladi.

«Uzsungwoo» MChJ 2011-yilda tashkil etilgan bo‘lib, avtomobil sanoati uchun shtamplash va payvandlash texnologiyalari asosida metall qismlar ishlab chiqaruvchi...

Kolorado shtatidagi Denver xalqaro aeroportida American Airlines yoʻlovchi samolyoti yonib ketdi. Bu haqda Fox News telekanaliga tayanib RBC ma’lum qildi.

Boeing 737-800 samolyoti Kolorado Springsdan havoga koʻtarilganidan 20 daqiqa oʻtgach, dvigatel tebranishi tufayli Denverga favqulodda qaytishga majbur boʻlgan. Yonish samolyot qoʻngandan soʻng uning dvigatelida muammolar tufayli yuzaga kelgan.

Samolyot bortida 172 yoʻlovchi va olti ekipaj a’zosi boʻlib, ularning barchasi samolyotni eson-omon tark etgan. Videolavhada samolyotdan qora tutun chiqayotgani va yoʻlovchilar evakuatsiya qilinayotgani koʻrsatilgan. Manbaga koʻra, hodisada qurbonlar yoʻq.

Avvalroq Kursiv Uzbekistan Silk Avia samolyoti 13-mart, payshanba kuni ertalab Termizga qoʻna olmagani haqida yozgan edi.

13-mart kuni Armaniston va Ozarbayjon vakillari muzokaralarni yakunlab, tinchlik kelishuvi matnini kelishib oldi. Bu haqda ikki davlat tashqi ishlar vazirliklari rasman ma’lum qildi.

Ozarbayjon tashqi ishlar vaziri Jayhun Bayramovning so‘zlariga ko‘ra, Armaniston tinchlik bitimi loyihasidagi oxirgi ikkita bahsli bandni qabul qilgan.

«Keyingi bosqichda Boku Armaniston konstitutsiyasiga o‘zgartirish kiritilishini kutmoqda, chunki unda hali ham Ozarbayjonga nisbatan hududiy da’volar mavjud», – dedi Bayramov.

Armaniston hukumati esa hujjatni imzolash muddati va joyi bo‘yicha Ozarbayjon bilan maslahatlashishga tayyor ekanligini bildirdi. 2023-yildan beri ikkala davlat tinchlik bitimi ustida muzokaralar olib bormoqda. O‘sha yili Boku harbiy operatsiya o‘tkazib, Tog‘li Qorabog...

Temu’ning Oʻzbekistonda bloklanishi ma’lum boʻlgandan keyin yuklab olinish indeksida oʻrni keskin pasaymoqda. Marketpleys Google Playʼda 35-oʻringa, App Storeʼda esa 50-oʻrindan ham pastroqqa tushib ketdi.

Xitoydan tovarlar yetkazib beruvchi Temu marketpleysi 20-martdan boshlab bloklanishi e’lon qilinganidan keyin Temu ilovasi eng koʻp yuklab olingan ilovalar roʻyxatidagi yetakchilikni boy berdi.

Similar Web ma’lumotlariga koʻra, 2025-yilning 9-mart holatiga Temu ilovasi oʻzbekistonliklar orasida Google Playʼda 35-oʻringa tushib ketgan. App Storeʼda ham shunday holat: ilova Top – 50 roʻyxatidan ham pastda.

Eslatib o‘tamiz, 2024-yilda O‘zbekiston bozoriga kirib kelgan va rasmiy ro‘yxatdan o‘tgan elektron savdo platformalari tomonidan Davlat budjetiga 160 milliard so‘m soliq to‘landi.

Eslatib...

Donald Tramp oilasi Binance kriptovalyuta birjasining AQShdagi bo‘linmasida moliyaviy ulush sotib olish bo‘yicha muzokaralar olib bordi. Bu haqda Wall Street Journal (WSJ) nashri xabar berdi.

Unga ko‘ra, Trampning yaqin doiralari Binance’ning Amerika bo‘linmasini sotib olish imkoniyatini ko‘rib chiqmoqda. Bir yil oldin kriptobirjaning o‘zi Trump tarafdorlariga shartnoma taklif qilgan.

Agar kompaniyaning bir qismi Amerika prezidentining oilasi nazoratiga o‘tsa, bu ikki yil oldingi janjaldan keyin Binance uchun mamlakat bozoriga qaytish imkonini beradi.

Shuningdek, Binance’ning milliarder asoschisi Changpeng Chjao Tramp ma’muriyatidan uni avf etishni talab qilmoqda. Chjao 2023-yil noyabr oyida Binance bosh direktori lavozimidan ketgan va AQShning pul yuvishga qarshi qonunlarini buzganlik...

Kecha Yevropa ligasining 1/8 final uchrashuvlari bo‘lib o‘tdi.

Yevropa Ligasining chorak final yo‘llanmalari uchun bo‘lib o‘tgan javob o‘yinlarida bir qator keskin va kutilmagan natijalar qayd etildi. «Manchester Yunayted» «Real Sosedad»ni ishonchli tarzda mag‘lub etgan bo‘lsa, «Atletik» o‘z maydonida «Roma»ga qarshi irodali g‘alabaga erishdi. «Latsio» esa o‘z uyida «Viktoriya»ni to‘xtatib, keyingi bosqichga yo‘l oldi.

«Atletik» – «Roma» 3:1 (umumiy hisob 4:3)

«Roma» jarohatlar sababli tarkibida minimal o‘zgarish qilgan bo‘lsa-da, mezbonlar o‘yinda ustunlikni qo‘lga oldi. «Atletik» safida Niko Uilyams va Yuri Bercice gol urib, jamoasiga g‘alaba olib keldi. Rimliklar safida Leandro Paredes penaltidan gol urgan bo‘lsa-da, bu natija ularga yetarli bo‘lmadi...

Markaziy Osiyoda vizasiz rejim joriy etilishi mumkin. Bu haqda Qirgʻiziston rahbari Sadir Japarov oʻzining Facebook’dagi sahifasida ma’lum qildi.

«Mintaqadagi barcha davlatlar chegara masalalarini nihoyat oʻzaro hal qildi. Shu paytdan boshlab Markaziy Osiyoda abadiy tinchlik oʻrnatildi. Endi Markaziy Osiyo davlatlari vizasiz rejimni joriy etish jarayonini boshlashi kerak», – deb yozdi Japarov.

Qirgʻiziston rahbari chet elliklar uchun yagona viza joriy etishni ham taklif qilgan. U Yevropa Ittifoqida amal qiladigan Shengen vizani namuna sifatida keltirgan.

Kursiv Uzbekistan nashri Qirgʻiziston va Tojikiston oʻrtasidagi chegara boʻyicha kelishuv imzolangani haqida yozgan edi.

14-mart kuni O‘zbekiston bo‘ylab havo biroz bulutli, yog‘ingarchilik kutilmaydi. Mamlakatning barcha hududida shamol sharqdan esib, o‘rtacha tezlikda harakatlanadi, deya yozmoqda «O‘zgidromet».

Toshkent shahrida bahoriy iliqlik saqlanib turibdi: kechasi 7-9°, kunduzi 18-20° iliq bo‘ladi.

Xorazm va Qoraqalpog‘istonda ham shunga yaqin harorat kuzatiladi, ammo kechalari biroz salqinroq – 2-7° iliq.

Buxoro va Navoiy viloyatlarida esa shamol biroz kuchayishi mumkin, lekin harorat 17-22° iliq bo‘lib, bahorgi qulaylikni ta’minlaydi.

Samarqand, Jizzax va Sirdaryo viloyatlarida ham shunday iqlim hukm suradi.

Janubiy viloyatlar – Qashqadaryo va Surxondaryoda esa havo ancha iliq: kunduzgi harorat 18-23° atrofida bo‘ladi.

Farg‘ona vodiysida – Andijon, Namangan va Farg‘ona viloyatlarida...

Rossiya Davlat Dumasi raisi Vyacheslav Volodin Toshkentga tashrifi chog‘ida IT Park texnoklasterni yuqori baholadi, deb xabar bermoqda Rossiya parlamenti matbuot xizmati.

Unga ko‘ra, O‘zbekiston Raqamli texnologiyalar vaziri Sherzod Shermatov Volodin bilan uchrashuvda Rossiya kompaniyalari bilan hamkorlikni kengaytirish maqsadida rus tili o‘qitilishi kuchaytirilganini ta’kidladi. Bu jarayonga rossiyalik pedagoglar jalb qilingan.

Davlat Dumasi raisiga O‘zbekiston bilan hamkorlik qilayotgan Rossiya kompaniyalari haqida ma’lumot berildi.

Tashrif davomida Volodin Oliy Majlis rahbariyati bilan ham uchrashishi rejalashtirilgan.

Joriy yilda IT Park rezidentlari sonini 3 mingga yetkazish vazifasi qo‘yilgan bo‘lib, shundan 250 ta kompaniya xizmatlarini eksportga yo‘naltirishi kerak.

Eslatib o‘tamiz, avvalroq IT Park Ventures uchta startapga...

Germaniyaning Amazone ish beruvchi tashkiloti va Migratsiya agentligi payvandchi, muhandis-mexanik hamda chilangar yo‘nalishlarida ish o‘rinlarini taklif etmoqda. Bu haqda agentlik rasmiy sahifasida ma’lum qilindi.

Unga ko‘ra, jami 70 ta bo‘sh ish o‘rni mavjud bo‘lib, ish haqi 1,8 ming yevroni tashkil etadi. Uy ijarasi va ovqatlanish xarajatlari nomzodning o‘z hisobidan bo‘ladi.

Ishga qabul qilinadigan nomzodlar 40 yoshgacha bo‘lishi, nemis tilini kamida A2 darajada bilishi va xalqaro sertifikatga ega bo‘lishi lozim. Shuningdek, metall texnologiyasi, qishloq xo‘jalik texnikasi yoki mashinasozlik sohasida kasb-hunar yoki bakalavr diplomi talab qilinadi. Soha bo‘yicha kamida 1 yillik tajribaga ega bo‘lish, sudlanmaganlik va jismonan sog‘lom bo‘lish ham asosiy...

Namangan va Nukus shaharlarida ekologik toza va zamonaviy jamoat transporti tizimini rivojlantirish maqsadida Yevropa tiklanish va taraqqiyot banki (YeTTB) bilan hamkorlikda yirik loyiha amalga oshiriladi. Bu haqda Transport vazirligi ma’lum qildi.

Loyiha doirasida xalqaro talablar asosida transport tizimini modernizatsiya qilish, zamonaviy avtobuslar xarid qilish va elektrobuslar uchun maxsus park tashkil etish rejalashtirilgan. Buyuk Britaniyaning «Atkins» kompaniyasi loyiha texnik-iqtisodiy asoslarini ishlab chiqadi.

YeTTBning Osiyo mintaqasidagi vakili Nadejda Klyuchnikova boshchiligidagi ishchi guruh Namangan shahar hokimi Anvarjon Otaxodjayev bilan uchrashib, loyiha bosqichlarini muhokama qildi.

Eslatib o‘tamiz, avvalroq Toshkent shahrida tramvay qayta tiklanishi haqida xabar bergan edik.