Yangiliklar

Qozog‘istonda yoshlar futbolini rivojlantirish bilan shug‘ullanuvchi Freedom QJ League yoshlar ligasi mashhur global brend – Red Bull bilan hamkorlik shartnomasi tuzilganini e’lon qildi.

«Bizning ligamiz global va dunyoga mashhur yangi hamkorlarni jalb qilishni maqsad qilgan. Ilgari biz Mastercard kabi sherik topdik. Bu kompaniya UEFA Chempionlar Ligasiga homiylik qiladi. Endi u yoshlar futboliga e’tibor qaratmoqda. Biz Red Bull bilan hamkorligimizni e’lon qilishdan faxrlanamiz. Bunday yirik brendlar Qozog‘istonda yoshlar futboli rivojiga e’tibor qaratayotganidan xursandman», dedi Freedom QJ ligasi prezidenti Rohus Shox.

Freedom QJ League 2023-yilda tashkil etilgan. Hozir u 32 ta jamoadan iborat. Ular ikki yosh toifasida...

«Uzbekistan Airways»ning HY9627 Farg‘ona – Moskva va HY9616 Moskva – Urganch reyslari noqulay ob-havo sharoiti tufayli kechiktiriladi, deb xabar qildi aviakompaniya matbuot xizmati.

Aviakompaniya ma’lumotlariga koʻra, HY9627 reysining Fargʻonadan uchishi 18:45 ga koʻchirilgan, Rossiya Federatsiyasi poytaxtiga qoʻnish mahalliy vaqt bilan soat 21:30 da kutilmoqda.

HY9616 reysining Moskvadan uchishi 22:45 da, qo‘nish mahalliy vaqt bilan 4:20 da rejalashtirilgan.

Avvalroq «Kursiv» «Uzbekistan Airways» reysi bagaj bo‘limidagi noto‘g‘ri signal tufayli to‘xtatilgani haqida yozgan edi.

Moʻgʻuliston prezidenti Uxnaagiyn Xurelsux Shavkat Mirziyoyevning taklifiga binoan 23–26-iyun kunlari davlat tashrifi bilan Oʻzbekistonda bo‘ladi. Bu haqda prezident matbuot xizmati xabar berdi.

Oliy martabali mehmon tashrifining dasturiga muvofiq, Toshkent shahrida oliy darajadagi muzokaralar oʻtkazilishi koʻzda tutilgan.

Xususan, kun tartibidan konstruktiv siyosiy muloqot va parlamentlararo aloqalarni rivojlantirish, ikki tomonlama tovar ayirboshlash hajmini oshirish, togʻ-kon sanoati, qishloq xoʻjaligi, chorvachilik, yengil sanoat, sogʻliqni saqlash, transport, logistika va boshqa yoʻnalishlarda kooperatsiya loyihalarini amalga oshirish rejalari oʻrin olgan.

Shuningdek, madaniy-gumanitar va turizm aloqalarini faollashtirishga qaratilgan qoʻshma chora-tadbirlar muhokama qilinadi. Xalqaro masalalar yuzasidan fikr almashiladi.

Oliy martabali mehmon Xiva shahriga ham tashrif buyurib, xalqimizning boy...

Xitoyning «Baibuting Group» kompaniyasi Oʻzbekistonning Toshkent viloyati Ohangaron tumanida quvvati 2 GVt boʻlgan yashil elektr stansiyasini qurishni rejalashtirmoqda, deb xabar qildi viloyat hokimligi matbuot xizmati.

Dastlabki bosqichda loyiha qiymati $200 mlnga baholangan bo‘lsa, keyinchalik u $1,8 mlrdgacha oshadi.

«Baibuting Group» rahbari Mao Yong Xongning aytishicha, loyihaga o‘ndan ortiq kompaniyalarni jalb etish rejalashtirilgan. Qurilish uchun 2,6 ming gektar maydon ajratilgan.

Eslatib o‘tamiz, avvalroq yozda Jizzax viloyatida Rossiya loyihasi bo‘yicha kam quvvatli AES qurishni boshlashi xabar qilingan edi.

Senatning 53-yalpi majlisida Oʻzbekiston Respublikasi bosh prokurori lavozimiga Nigʻmatilla Yoʻldoshev ikkinchi muddatga tayinlandi. Bu haqda Senat axborot xizmati xabar berdi.

Nigʻmatilla Yoʻldoshev ushbu lavozimda 2019-yildan buyon ishlab kelmoqda.

Yangi tahrirdagi Konstitutsiyasiga muvofiq OʻzR bosh prokurori lavozimiga nomzod prezident tomonidan taqdim etiladi va Senat yalpi majlisida senatorlar tomonidan koʻrib chiqiladi.

Eslatib o‘tamiz, Yoʻldoshev 2015–2019-yillarda Oliy Majlis Senatini boshqargan. Islom Karimov vafotidan soʻng u Oʻzbekiston prezidenti vazifasini bajaruvchi boʻlishi kerak edi, lekin bu vazifadan Shavkat Mirziyoyev foydasiga voz kechgan.

Ma’lumot uchun, Nigʻmatilla Yoʻldoshev 1962-yilda Toshkent shahrida tugʻilgan, Toshkent davlat yuridik universitetini tamomlagan.

Avvalroq «Kursiv» Toshkent shahar...

21-iyun kuni O‘zbekiston Respublika valyuta birjasida dollarning o‘rtacha tortilgan qiymati 14,63 so‘mga pasaydi va 12 625,18 so‘mni tashkil qildi.

Bugun respublikadagi tijorat banklari AQSh valyutasini 12 580 – 12 630 so‘mdan xarid qilishmoqda va 12 660 – 12 700 so‘mdan sotishmoqda.

Eslatib o‘tamiz, 20-iyun kuni dollarning o‘rtacha tortilgan narxi 4,10 so‘mga pasaygan edi.

Joriy yilning yanvar-may oylarida Oʻzbekiston korxonalari tomonidan 107,4 ming dona avtomobil dvigatellari ishlab chiqarildi, bu oʻtgan yilning shu davriga nisbatan 26 foizga koʻpdir. Bu haqda Statistika agentligi axborot xizmati xabar berdi.

Joriy yilning besh oyida respublika avtomobil sanoatida yillik oʻsish 21,5 foizni tashkil etgan holda 146,6 ming donadan ortiq yengil avtomobil ishlab chiqarildi. Yuk mashinalarini ishlab chiqarish esa 894 dan 1,2 mingtaga oshgan.

Eslatib oʻtamiz, Oʻzbekistonda oʻtgan yilga nisbatan 26 ming dona koʻp yengil avtomobil ishlab chiqarildi.

Avvalroq «Kursiv» Xitoy kompaniyasi Fargʻona viloyatida $1,5 milliardga avtomobil majmuasi qurishi haqida xabar bergan edi.

Oʻzbekistonda tayinlangan pensiya toʻrt holatda toʻxtatilishi mumkin. Bu haqda Pensiya jamgʻarmasi axborot xizmati xabar berdi.

Unga ko‘ra, pensioner vafot etganda, tayinlangan pensiyaga huquqlar yoʻqolganda, xorijiy davlatda boʻlgan davrida pensiya (ijtimoiy nafaqa) olganligi holati aniqlanganda pensiya toʻxtatiladi.

Shuningdek, fuqaro doimiy yashash uchun Oʻzbekistondan tashqariga chiqib ketilganda ham bekor qilinadi.

Eslatib oʻtamiz, joriy yilning 1-may holatiga koʻra, Pensiya jamgʻarmasida hisobda turib, pensiya oluvchi fuqarolar soni qariyb 4 mln nafarni tashkil etdi.

Avvalroq «Kursiv» vafot etgan fuqaroning jamg‘arilgan pensiya mablag‘lari to‘lanishi yoki to‘lanmasligi haqida yozgan edi.

2024-yilning yanvar-may oylarida O‘zbekiston xorijga 722,1 ming tonna sabzavot va meva yetkazib berdi. Bu oʻtgan yilning shu davriga nisbatan 10,4 foizga koʻpdir, deb xabar qildi Respublika Statistika agentligi.

Umumiy eksportning 32% dan ortig‘i Rossiyaga to‘g‘ri keldi. Oʻzbekiston meva-sabzavotlarini eng koʻp xaridorlari beshligiga Pokiston, Qozogʻiston, Xitoy va Afgʻoniston ham kirdi.

Pul ko‘rinishida eksport ko‘rsatkichi 420 million dollarni tashkil etgan bo‘lsa, O‘zbekiston eng ko‘p piyoz (44 million dollar), karam (41,2 million dollar) va mosh (26,8 million dollar) sotgan.

Avvalroq «Kursiv» yanvardan 19-maygacha O‘zbekiston Rossiyaga sabzavot va mevalar eksportini 26 foizga oshirgani haqida yozgan edi.

Farmatsevtika tarmog‘ini rivojlantirish agentligi sobiq rahbari Sardor Kariyevning onasi Munira Kariyeva Doc-1 Max ishi bo‘yicha jabrlanuvchilarga tovon puli to‘lashni boshladi, deb xabar berdi «Daryo» nashri.

Kariyevning advokatlari so‘zlariga ko‘ra, Munira Kariyeva sudning depozit hisobvarag‘iga 500 million so‘m kiritgan.

Bungacha Munira Kariyeva suddan kompensatsiya to‘lash evaziga o‘g‘lining qamoq jazosini uy qamog‘iga almashtirishni so‘ragan edi.

Eslatib o‘tamiz, Sardor Kariyev 18 yilga ozodlikdan mahrum etilgan edi. Doc-1 Max ishida 86 nafar bola jabrlanuvchi sifatida tan olingan.

Avvalroq «Kursiv» O‘zbekistonda bolalar uchun mo‘ljallangan yana bir dori – Rinotin Kids litsenziyasi bekor qilingani haqida yozgan edi.

Toshkentda 25 yoshli erkak Binance platformasida kriptoaktivlarni noqonuniy muomala qilganlikda ayblanib, besh sutkaga qamaldi. Bu haqda UzNews xabar bermoqda.

Ma’lum qilinishiga, uning ushbu sohada faoliyat yuritish uchun litsenziyasi boʻlmagan, lekin Binance kripto birjasidan foydalanishga qaror qilgan. 2024-yil may oyining oʻrtalariga qadar u aktivlarni sotib olish va ularni boshqa shaxslarga yoʻnaltirish boʻyicha yigirmadan ortiq operatsiyalarni amalga oshirgan. Gap taxminan $7,8 ming miqdorida ketmoqda.

Sudlanuvchi Oʻzbekiston Respublikasi Ma’muriy javobgarlik toʻgʻrisidagi kodeksining 155-4-moddasi («Kriptoaktivlar muomalasi sohasidagi qonun hujjatlarini buzish»)ni buzganlikda aybdor deb topilgan.

Avvalroq «Kursiv» Notcoin token sotganlikda ayblangan Oʻzbekiston fuqarosiga iPhone sovgʻa qilmoqchi ekanligi haqida xabar bergan edi.

O‘zbekistonning MVision kompaniyasi, shuningdek, Xitoy, Hindiston, BAA va Qozog‘istonning yana 10 ta kompaniya va tashkilotlari Yaponiya sanksiyalar ro‘yxatiga kiritildi. Hujjat Yaponiya Vazirlar Mahkamasi saytida e’lon qilindi.

Tokio bu chora kompaniyalarning Rossiyaga qarshi sanksiyalarni chetlab o‘tishi bilan bog‘liqligini aytdi.

«Hukumat uchinchi davlatlarning tashkilot va kompaniyalariga nisbatan aktivlarni muzlatish va eksportni taqiqlash choralarini qoʻllashni ma’qulladi. Sanksiyalar Xitoy, Hindiston, Qozog‘iston, BAA va O‘zbekiston bilan aloqada bo‘lgan 11 ta kompaniyani qamrab oladi», deya ta’kidladi Yaponiya Vazirlar Mahkamasi bosh kotibi Yosimasu Xayashi.

O‘tgan yilning noyabrida Mvision AQSh Moliya vazirligining sanksiyalar ro‘yxatiga kiritilgan edi.

Kompaniya elektron va telekommunikatsiya uskunalarining ulgurji savdosi bilan...

Isroil qurolli kuchlari barcha garovga olinganlar ozod qilinmaguncha va HAMAS guruhini yoʻq qilmaguncha Gʻazo sektorini tark etmaydi. Bu haqda Isroil bosh vaziri Binyamin Netanyaxu ma’lum qildi.

«Biz barcha garovga olinganlar qaytmaguncha va XAMASning harbiy va maʼmuriy salohiyatini yoʻq qilmagunimizcha hududni tark etmaymiz», dedi Netanyaxu.

Bu haqda Netanyaxu halok boʻlgan garovga olinganlarning qarindoshlari bilan uchrashuvda aytib oʻtdi.

Isroil hukumati rahbarining qoʻshimcha qilishicha, mamlakat rasmiylari garovga olingan 120 kishining hammasini – tirik qolganlarni ham, halok boʻlganlarning jasadlarini ham qaytarish niyatida.

Avvalroq «Kursiv» Xalqaro jinoiy sud 24-may kuni Isroil hukumatiga Rafahda oʻtkazilayotgan harbiy operatsiyani zudlik bilan toʻxtatishni buyurgani haqida xabar bergan...

Rejalashtirilgan ta’mirlash ishlari Toshkent shahrining Yangihayot tumanidagi «Yangi Choshtepa» mahalla fuqarolar yigʻinidagi 3,9 ming xonadonga gaz ta’minoti toʻxtatilishiga olib keladi, deb xabar berdi «Hududgaz poytaxt».

21-iyun, juma kuni soat 13:00 dan 17:00 gacha gaz bo‘lmaydi.

Kvartiralardan tashqari 430 ta xususiy uy va sakkizta ulgurji iste’molchi resurs ta’minotidan uziladi.

Avvalroq «Kursiv» Qozog‘iston Rossiyadan O‘zbekistonga gaz yetkazib berish hajmini oshirishga tayyorligi haqida yozgan edi.

Texnik nosozliklardan so‘ng UzAuto Motors kompaniyasi avtomobil savdosi savdo.uzavtosanoat.uz sayti ishi tiklanganini ma’lum qildi. Biroq sayt hali ham ba’zida texnik uzilishlar bilan ishlaydi.

21-iyun soat 10:50 holatiga ko‘ra, Chevrolet Cobalt avtomobili uchun 1 557 ta shartnoma tuzildi. Eslatib o‘tamiz, kompaniya jami 25 mingta avtomobilni sotuvga qo‘ygan.

Jami sotuvda ikkita model bor – Gx – Optima At – Plus narxi salkam 146,5 million so‘m. Ikkinchi Gx – Style At – Plus modelining narxi 147,9 million so‘mni tashkil etadi.

Avvalroq «Kursiv» O‘zbekistonda Cobalt boshqa avtomobil modellariga qaraganda ko‘proq ishlab chiqarilishini yozgan edi. 2024-yilning besh oyida 57,7 ming dona konveyerdan...

21-iyun, juma kuni O‘zbekistonning janubiy va cho‘l hududlarida +41° gacha isishi kutilmoqda, deb xabar berdi «O‘zgidromet».

Mamlakatning ayrim hududlarida shamol tezligi 15-20 m/s gacha kuchayishi kutilmoqda (Bofort shkalasi boʻyicha 12 balldan 7-8 ball), chang-to‘zonlar yuzaga kelishi mumkin.

Sinoptiklar Qoraqalpog‘iston, shuningdek, Toshkent, Samarqand, Jizzax, Sirdaryo viloyatlari va Farg‘ona vodiysida qisqa muddatli yomg‘ir yog‘ib, momaqaldiroq bo‘lishini xabar berishmoqda.

Umuman olganda, respublikada oʻrtacha kunlik havo harorati +34…+39°, Toshkent shahrida +35…+37° boʻladi.

Avvalroq «Kursiv» O‘zbekistonning tog‘li hududlarida 20 – 24-iyun kunlari sel kelishi kutilayotgani haqida yozgan edi.

Oʻzbekistonda muhandislik yoʻnalishlari boʻyicha respublika tanlovi oʻtkaziladi va gʻoliblarga elektromobil beriladi. Bu haqda prezident Shavkat Mirziyoyev bilan uchrashuvda ma’lum qilindi.

Tanlovlar muhandislik mutaxassisliklari yoʻnalishlari boʻyicha «eng yaxshi gʻoya», «eng yaxshi loyiha» va «eng yaxshi ixtiro» yoʻnalishlarida oʻtkaziladi. Unda oʻqituvchilar, talabalar va amaliyotchi muhandislar ishtirok etishi mumkin boʻladi.

Musobaqa davomida eng yaxshi oʻn nafar ishtirokchi tanlab olinadi. Ular Yaponiya, Janubiy Koreya, Xitoy, Singapur, Germaniya, Italiya, Rossiya va Turkiyada amaliyot oʻtashlari mumkin boʻladi.

Avvalroq «Kursiv» Mirziyoyev texnik oliy oʻquv yurtlarida kadrlar tayyorlashga oʻzgartirishlar kiritgani haqida xabar bergan edi.

Bugun, 21-iyun kuni soat 10:00 da savdo.uzavtosanoat.uz platformasida Cobalt bo‘yicha shartnomalar tuzilishi boshlanishi kerak edi. Biroq sayt texnik muammolarga duch kelmoqda.

«UzAuto Motors» kompaniyasi o‘z mijozlariga quyidagi murojaat bilan murojaat qildi: «UzAutoSavdo platformasi faoliyatida texnik nosozlik sababli uzilishlar kuzatilmoqda. Hozirgi vaqtda mutaxassislar tomonidan ularni bartaraf etish uchun amaliy ishlar olib borilmoqda. Ma’lumot to‘ldirilib boriladi. Keltirilgan noqulaylik uchun uzr so‘raymiz. Tushunganligingiz uchun minnatdorchilik bildiramiz».

Quyida savdo.uzavtosanoat.uz saytining hozirgi holati (21-iyun, Toshkent vaqti bilan soat 10:10) skrinshotini ko‘rishingiz mumkin. Unda bitta ham mashina modeli ko‘rinmaydi.

OpenAI asoschilaridan biri sun’iy intellekt (SI) vositalarini ishlab chiqish boʻyicha mutaxassis Ilya Sutskever oʻz startapini ishga tushirganini ma’lum qildi. Uning «Safe Superintelligence» kompaniyasi «xavfsiz super intellekt»ni ishlab chiqmoqda.

«Men yangi kompaniya ochdim», deb yozdi Sutskever X ijtimoiy tarmogʻidagi sahifasida va Safe Superintelligence havolasini taqdim etdi.

Kompaniyaning ishga tushirish haqidagi bayonotida ma’lum qilinishicha, «super intellekt»ning yaratilishi zamonamizning eng katta texnologik muammosiga yechim beradi.

«Bizning Palo-Alto va Tel-Avivda vakolatxonalarimiz bor. U yerda biz chuqur ildizlarga egamiz va yuqori malakali texnik mutaxassislarni jalb qila olamiz», deyiladi bayonotda.

Ma’lumot uchun, Sustkever kanadalik mashinalarni oʻrganish va sun’iy intellekt...

2024-yilning besh oyida O‘zbekistonda 146,6 mingta yengil avtomobil ishlab chiqarilgan. Bu o‘tgan yilga nisbatan 26 mingtaga ko‘p (+21,6%). Bu haqda Statistika agentligi xabar berdi.

Barcha modellar ichida Cobalt eng ko‘p ishlab chiqarilgan. Besh oy ichida 57,5 ​​ming avtomobil konveyerdan chiqdi. Bu 2023-yilning shu davriga nisbatan 46,6 foizga ko‘pdir. Birgina may oyida ushbu markadagi 15,8 ming dona avtomobil ishlab chiqarilgan.

UzAuto Motors Gentra ishlab chiqarishda davom etmoqda. Ushbu mashinalarni ishlab chiqarish to‘xtatilishi avvalroq xabar qilingan edi. Biroq aniq qachon bo‘lishi noma’lum. Besh oy ichida ushbu rusumdagi deyarli 12 ming avtomobil konveyerdan chiqdi.

Bugun, 21-iyun kuni UzAuto Motors 25 ming dona...

Bugungi kunda Oʻzbekistonda mavjud banklardan 16 tasi fuqarolarga avtokreditlar taqdim qiladi. «Kursiv» kredit olish shartlarini o‘rgandi.

Kreditlar bir yildan besh yilgacha muddatga 22 foizdan 33 foizgacha stavkada beriladi. Ba’zi banklar boshlangʻich toʻlovsiz ham avtokredit taqdim qilsa, ba’zi 50 foizgacha toʻlov talab qiladi.

Manba: bank saytlari

Shuningdek, ro‘yxatdagi banklardan «Asia Alliance Bank», «Ziraat Bank Uzbekistan», «Ipak yo‘li banki», «Mikrokerditbank», «Orient Finance Bank», «Saderat Bank», «Tenge Bank», «Hamkorbank» va «Ipotekabank» ikkilamchi bozor uchun ham avtokreditlar beradi.

Elektromobillar uchun «Tenge bank» va «Ipoteka bank»dan kreditlar olish mumkin.

Avvalroq «Kursiv» qaysi banklardan rasmiy ish haqi toʻgʻrisidagi hujjatlarsiz avtokredit olish mumkinligi haqida xabar bergan edi.

2024/2025-o‘quv yili uchun 1-sinfga qabul jarayonlari bugun, 20-iyundan start oldi. Bu haqda Maktabgacha va maktab ta’limi vazirligi xabar berdi.

Joriy yilda qabul ikki bosqichda amalga oshiriladi. Birinchi bosqichda 20-iyundan 31-iyulgacha (mikromintaqa doirasida). Ikkinchi bosqichda 1 dan 15-avgustgacha (mikrozondan tashqarida).

Arizani qanday qilib to‘g‘ri topshirish bo‘yicha ko‘rsatmalarni quyidagi videoda ko‘rish mumkin.

1-sinfga qabul arizalari my.gov.uz orqali faqat Toshkent shahridagi maktablar uchun elektron shaklda topshiriladi.

«Ta’lim to‘g‘risida»gi Qonunga muvofiq, bu yil 1-sinfga 2017-yilning 31-dekabriga qadar tug‘ilgan bolalar qabul qilinadi.

Avvalroq «Kursiv» maktab bitiruvchilari shahodatnomalarini endi onlayn tarzda yuklab olishlari mumkinligi haqida yozgan edi.

Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov chiqindi tashuvchi mashinalarni elektromotorli motorollerlarga almashtirishni taklif qildi.

Maxsus skuter kuniga 1-2 marta chiqindini olib chiqishga qodir. Chiqindi tashuvchi avtomashinalardan yana bir afzalligi shundaki, yangi turdagi maxsus texnika saralangan chiqindilarni qo‘shimcha saralashsiz stansiyalariga yetkazib bera oladi.

Bundan tashqari, motorollerlarning narxi bor-yo‘g‘i 32 million so‘m bo‘lib, chiqindi mashinasidan 27 barobar arzon.

Tajriba tariqasida 1860 ta mahallada uch turdagi 150 dona skuter xarid qilinib, joriy etiladi.

Avvalroq «Kursiv» O‘zbekistonda birinchi chiqindilarni yoqish zavodi qurilishi haqida yozgan edi.

Endi davlat mulkini ijaraga berish sohasidagi qonunbuzarlar oldingidan ko‘ra og‘irroq jazoga mahkum etiladilar. 19-iyun sanasida prezident Shavkat Mirziyoyev tomonidan imzolangan Qonun bilan Ma’muriy javobgarlik to‘g‘risidagi kodeksga qo‘shimchalar kiritildi. Bu haqda Adliya vazirligining Huquqiy axborot kanali Telegram’dagi sahifasida xabar berdi.

Unga ko‘ra, davlat mulkini shartnomasiz ijaraga berish, ushbu hujjatdagi mulk parametrlarini noto‘g‘ri ko‘rsatish va boshqa shunga doir qonunchilik buzilgan hollarda jazo nazarda tutilgan. Mansabdor shaxslarga BHMning 5 baravaridan 10 baravarigacha (1,7 mlndan 3,4 mln so‘mgacha) miqdorda jarima solishga sabab bo‘lishi mumkin.

Xuddi shunday huquqbuzarlik ma’muriy jazo chorasi qo‘llanilganidan keyin bir yil davomida takror sodir etilgan bo‘lsa mansabdor shaxslarga BHMning...