Yangiliklar

2024-yilda O‘zbekistonga transchegaraviy pul o‘tkazmalari hajmi $14,8 mlrdni tashkil etib, o‘tgan yilga nisbatan 30 foizga yoki $3,4 mlrdga oshdi. Bu haqida Markaziy bank ma’lum qildi.

Mablag‘larning asosiy qismi – 77 foizi – Rossiyadan kelib tushgan ($11,5 mlrd). Shuningdek, Qozog‘iston ($795 mln), AQSh ($577 mln), Janubiy Koreya ($534 mln), Turkiya ($405 mln) va Buyuk Britaniya ($135 mln) kabi davlatlar ham muhim ulushga ega bo‘ldi.

Pul o‘tkazmalari hajmining o‘sishi mehnat migratsiyasidagi ijobiy o‘zgarishlar, jumladan, ishchi kuchiga bo‘lgan talab va qabul qiluvchi davlatlarda iqtisodiy faollikning oshishi bilan izohlanmoqda.

O‘zbekiston fuqarolari tomonidan xalqaro pul o‘tkazma tizimlari orqali $8,2 mlrd, P2P (to‘g‘ridan-to‘g‘ri bank kartalariga...

«Toshkent» respublika fond birjasidan (RFB) joy olgan yuqori likvidli aksiyalarning aksariyati ortda qolgan haftani pasayish bilan yakunladi. Kursiv Uzbekistan hafta davomida RFBdagi qimmatli qogʻozlarning oʻzgarish dinamikasi oʻrganib chiqdi.

10-yanvardan 17-yanvarga qadar UCI fond indeksi 2,42 foizga pasaydi. Ushbu davrda faqatgina «Aloqabank»ning oddiy aksiyalari (+2,56 foiz) va imtiyozli aksiyalari (+0,36 foiz), «OKMK» (+0,01 foiz), «Chilonzor buyum savdo kompleksi» (+1 foiz) hamda «O‘zbektelekom» (+8,27 foiz) aksiyalari o‘sdi.

Oʻz navbatida, haftani salbiy yakunlaganlar kompaniyalar qatoridan «Oʻzsanoatqurilishbank» (-19,03 foiz), «Turonbank» (-14,61 foiz) va «Oʻzbekneftgaz» (-8,81 foiz) kompaniyalarining aksiyalari joy oldi.

Hafta davomida eng koʻp bitimlar amalga oshirilgan kompaniyalar roʻyxatidan esa «Chilonzor buyum savdo kompleksi» (667 ta), «OʻzRTXB» (529 ta...

Ijtimoiy tarmoqlar va Telegram messenjeri orqali «Uzum market» ishga qabul qilayotganligi haqida tarqatilayotgan xabarlar haqiqatga mos kelmaydi. Bu xabarlar orqali firibgarlar kuniga 300 ming so‘mdan 1,5 mln so‘mgacha daromad topish mumkinligini va masofadan turib ishlashni taklif qilishmoqda. Bu haqda Kiberxavfsizlik markazi ma’lum qildi.

Bu kabi xabarlar yolg‘on va firibgarlik maqsadida tarqatilmoqda. Ularning asosiy maqsadi – sizning moliyaviy mablag‘laringizni o‘zlashtirishdir. Kompaniyaning rasmiy vakansiyalari bilan hh.uz saytida tanishish mumkin.

Aldash usullari:

Agar shunday holatga duch kelgan bo‘lsangiz yoki pullaringiz talon-toroj qilingan bo‘lsa, darhol 102 yoki 1102 qisqa raqamlariga murojaat qiling.

Avvalroq Kursiv Uzbekistan shubhali ish takliflari: firibgarlar Temu...

2024-yil oxirida Xitoydagi buklanadigan smartfonlar bozorida Samsung hatto kuchli oltilikka ham kira olmadi. Bu haqida Gizmochina nashri ma’lum qildi.

Xitoyda buklanadigan telefonlar bozori o‘sishda davom etmoqda. IDC ma’lumotlariga ko‘ra, Huawei 2024-yilda ushbu segmentda yetakchilikni saqlab qoldi. Mate X6 va Mate XT Ultimate kabi telefonlari bilan Huawei bozorda qariyb 50% ulushni egalladi. Honor 20,6% ulush bilan ikkinchi o‘rinni, Vivo esa 11,1% ulush bilan uchinchi o‘rinni egalladi.

Xiaomi X Fold 3 seriyali yordamida 7,4% ulushni qo‘lga kiritdi. Oppo esa, 2024-yilda yangi buklanadigan qurilmalar ishlab chiqarmasdan, bozordan 5,3% ulushni olishga muvaffaq bo‘ldi. Ammo Samsung bu reytingda umuman o‘rin ololmadi.

2024-yilda Xitoyda buklanadigan...

Raqobat qoʻmitasi reklama qonunchiligi buzilishi yuzasidan Coscom (Ucell) kompaniyasiga nisbatan moliyaviy jarima qoʻlladi. Bu haqda qoʻmita axborot xizmati xabar berdi.

Maʼlum qilinishicha, olib borilgan monitoringlarda Coscom tomonidan ommaviy axborot vositalarida joylashtirilgan reklamalarda boʻrttiruvchi maʼno ifodalanganlik holatlari aniqlandi.

Kompaniyaga nisbatan «Reklama toʻgʻrisida»gi qonun talablari buzilishi alomatlari bilan ish qoʻzgʻatilib, natijasi yuzasidan moliyaviy jarima qoʻllash haqida qaror qabul qilindi.

Shuningdek, qonunbuzilish holatini bartaraf etish va kelgusida yoʻl qoʻymaslik yuzasidan koʻrsatma berildi.

Avvalroq Kursiv Uzbekistan onkologik kasalliklarni davolashga oid reklama joylagan MCHJ jarimaga tortilgani haqida xabar bergan edi.

2024-yilda Yaman husiylari Qizil dengizda Isroilga aloqador kemalarga hujum qilib, jahon iqtisodiyotiga $200 milliard zarar yetkazdi. Bu haqda The Economist xabar berdi.

Dengiz orqali yuk tashish narxi besh baravar oshdi, Suvaysh kanalidan esa Misr $7 milliard daromad yoʻqotdi. AQSh $5 milliardni oʻz kemalarini himoya qilishga sarfladi.

Shunindek, husiylar Afrikani aylanib oʻtishga majbur qilgan holda, yoʻllar 6 ming kilometrga uzayib, yetib borish vaqt 10-14 kunga ortdi. Yangi sharoitda sugʻurta tariflari 20 baravar oshdi.

Xitoy va Rossiya husiylar tomonidan hujumlarga uchramasdan foyda ko‘rdi, chunki husiylar ularning kemalarini nishonga olishmasligini ma’lum qilgan. Hozirda Suvaysh kanali orqali o‘tilayotgan neftning katta...

Kia 2024- va 2025-yillardagi deyarli 74,5 mingta Sorento avtomobilini kuzovni boshqarish (BDC) dasturiy ta’minotidagi xato tufayli ommaviy chaqirib olishni e’lon qildi. Ushbu nosozlik faralar va orqa chiroqlarning ishlamay qolishiga olib kelishi mumkin. Bu haqida 32 cars nashri ma’lum qildi.

Nosozlik nafaqat standart modellarga, balki gibrid va plagin gibrid modellariga ham ta’sir ko‘rsatadi. Xususan, 63,8 ming avtomobil an’anaviy ichki yonuv dvigateli bilan jihozlangan, qolganlari esa gibrid elektr stansiyalari bilan ta’minlangan.

Kia ushbu muammoni hal qilish uchun vakolatli dilerlik markazlarida BDC blokining dasturiy ta’minotini yangilashni taklif qilmoqda. Avtomobil egalari ta’mirlashni mutlaqo bepul amalga oshirishi mumkin.

Mazkur chaqirib olish harakati avtomobil xavfsizligini...

2024-yilning yanvar – dekabr oylarida jami 35,9 ming nafar Oʻzbekiston fuqarosi oʻqish maqsadida chet elga joʻnab ketgan. Bu haqda Statistika qoʻmitasi ma’lumot berdi.

Ta’kidlanishicha, eng koʻp oʻzbekistonliklar Tojikistonni tanlagan boʻlib, ushbu davlatga 12,8 ming nafar fuqaro oʻqish uchun yoʻl olgan. Keyingi oʻrinda Rossiya Federatsiyasi turibdi – bu davlatga 8,6 ming nafar fuqaro safar qilgan. Qirgʻiz Respublikasi deyarli 4 ming nafar oʻzbekistonlikni oʻziga jalb qilgan boʻlsa, Turkiya 2,7 ming nafar, Koreya Respublikasi esa 2,1 ming nafar talabani qabul qilgan.

Shuningdek, Qozogʻistonni 1,6 ming nafar fuqaro, Buyuk Britaniyani 792 nafar fuqaro tanlagan. Xitoyga 767 nafar, AQSHga 576 nafar, Birlashgan Arab Amirliklariga...

AQShning yangi saylangan prezidenti Donald Tramp oʻz yordamchilariga Rossiya prezidenti Vladimir Putin bilan uning inauguratsiyasidan keyingi kunlarda telefon orqali muloqot uyushtirishni topshirdi. Bu haqda CNN xabar berdi.

Ma’lum qilinishicha, suhbatning maqsadlaridan biri Ukrainadagi mojaroga chek qoʻyish uchun yaqin oylarda shaxsiy uchrashuvni muhokama qilish boʻladi.

Trampning jamoasi bir necha haftadan beri Rossiya yetakchisi bilan muzokaralarga tayyorgarlik koʻrmoqda, ammo suhbatning aniq sanasi hozircha nomaʼlum. Trampning fikricha, Putin bilan toʻgʻridan toʻgʻri hamkorlik mojaroni hal qilish uchun zarur.

CNNʼning ta’kidlashicha, bu deyarli uch yil davomida Putin bilan toʻgʻridan toʻgʻri aloqa qilishdan qochgan Jo Baydenning yondashuvidan keskin farq qiladi.

Financial Times ma’lumotlariga koʻra, Tramp...

O‘zbekiston Jahon savdo tashkiloti (JST)ga a’zo bo‘lish bo‘yicha yana bir mamlakat bilan muzokaralarni yakunladi. Bu haqda prezidentning maxsus vakili Azizbek Urunov o‘z LinkedIn sahifasida ma’lum qildi.

«Yana bir mamlakat O‘zbekistonning JSTga a’zo bo‘lishi bo‘yicha ikki tomonlama muzokaralarni yakunladi. Muzokaralar hissiyotlarga boy bo‘ldi, ammo biz muvaffaqiyatli yakunladik. Jarayonning asl go‘zalligi ham shundadir balki», – deb yozdi Urunov LinkedIn tarmog‘ida.

U, shuningdek, hozirgi kunga qadar muzokaralar 23 mamlakat bilan olib borilganini qo‘shimcha qildi.

O‘zbekiston hukumatining bayonotlariga ko‘ra, respublikaning JSTga a’zo bo‘lish jarayoni oxirgi bosqichga yetdi.

Eslatib o‘tamiz, avvalroq Buyuk Britaniya Oʻzbekistonning JSTga a’zo boʻlishini qoʻllab-quvvatlagani haqida...

2024-yilda Xitoyda yengil avtomobillar savdosi 22,6 million donaga yetdi, bu 2023-yilga nisbatan 3,1 foizga koʻpdir. Asosiy oʻsishni Xitoy brendlari ta’minladi, ular 17,97 million avtomobil sotib, sotuvlar 23,1 foizga oshdi.

Sedanlar va xetchbeklar orasida BYD Qin Plus 480 ming dona sotuv bilan yetakchiga aylandi. Oylik oʻrtacha sotuv 40 ming donani tashkil etdi. Sotuvning 63 foizini PHEV gibrid versiyasi (304 ming dona), qolgan qismini esa elektr modeli (175 ming dona) egalladi. BYD Qin Plus yilning eng mashhur sedani boʻlish bilan birga, mamlakatda Tesla Model Y dan keyin ikkinchi eng koʻp sotilgan avtomobil boʻldi.

Kompakt elektromobil BYD Seagull 453 ming dona...

Fuqaro aviatsiyasi agentligi ommaviy axborot vositalarida O‘zbekistonda yangi GAB Airlines aviakompaniyasi tashkil etilgani va Airbus-320 hamda Airbus-330 samolyotlarida parvozlarni amalga oshirishi haqida tarqalgan xabarlarga munosabat bildirdi.

Unga ko‘ra, ushbu xabarlar haqiqatga to‘g‘ri kelmaydi.

O‘zbekistonning fuqaro aviatsiyasi sohasida har qanday faoliyatni amalga oshirish uchun har bir yuridik shaxs «O‘zaviatsiya» agentligidan havo kemasi ekspluatanti sertifikatini olish majburiyatiga ega. Sertifikat olingach, aviakompaniya maqomini olish mumkin va parvozlar amalga oshiriladi.

Hozircha «GAB Airlines» nomini olgan tashkilot «O‘zaviatsiya» agentligiga ekspluatanti sertifikatini olish uchun ariza bermagan va samolyotlarni sotib olish yoki ijaraga olish hujjatlarini taqdim etmagan.

Eslatib o‘tamiz, avvalroq Uzbekistan Airways samolyotida texnik nosozlik...

Toshkentdan Qozonga uchgan samolyot «Gilam» rejasi joriy etilgani sababli aeroportga qoʻna olmadi. Bu haqda «Novosti Tashkentskogo neba» Telegram kanali xabar berdi.

Red Wings aviakompaniyasi tomonidan amalga oshirgan reys «Gilam» rejasining joriy etilishi tufayli aeroportdan 80 kilometr uzoqlikdagi kutish zonasida aylanishga majbur boʻldi. Shundan keyin Samara shahrining zaxira xalqaro aeroportiga joʻnab ketgan.

Qozon aeroportida dron tufayli samolyotlarni qabul qilish va chiqarishga vaqtinchalik cheklovlar joriy etilgan.

Avvalroq «Kursiv» Uzbekistan Airways samolyotida texnik nosozlik kuzatilgani haqida xabar bergan edi.

AQShning yangi saylangan prezidenti Donald Tramp oʻzining kriptovalyutasini yaratganini e’lon qildi. Bu haqda u Truth Social ijtimoiy tarmogʻidagi sahifasida ma’lum qildi.

U ishga tushirilganida $4,29 darajasida sotilgan kriptovalyuta qisqa vaqt ichida tez ommalashdi. Bugun, 20-yanvar soat 9:25 holatiga koʻra, bitta tokenning narxi $47,5 boʻldi. Kriptovalyuta oʻzining rekord koʻrsatkichini 19-yanvar kuni koʻrsatib, $75,08 ni tashkil qilgan edi.

Ma’lumot uchun, $TRUMP – Donald Trampning internet hazillari va shiorlaridan ilhom olgan kriptovalyuta – memkoin sifatida taqdim etilmoqda.

The Crypto Times xabariga koʻra, kriptovalyuta ishga tushirilganida 200 million tanga muomalaga kiritilgan. Ishlab chiquvchilar esa uch yil ichida tokenlar sonini 1 milliardga yetkazishni...

Tabiatni muhofaza qilish xalqaro ittifoqi Toshkent shahrida joylashgan Sharqiy Yevropa va Markaziy Osiyo mintaqaviy byurosida dastur yordamchisi lavozimiga tanlov e’lon qilindi. Bu haqda Ekologiya vazirligi ma’lum qildi.

Unga ko‘ra, IUCN 1948-yilda tashkil etilgan va hozirda 1,4 mingdan ortiq a’zo tashkilotlar va 17 ming ekspertni o‘z ichiga oladi. Tashkilot tabiiy dunyoni himoya qilish bo‘yicha global yondashuvni ilgari suradi.

Tanlovda ishtirok etish uchun nomzodlar menejment, moliya yoki boshqa tegishli sohalarda oliy ma’lumot, loyiha boshqaruvi bo‘yicha kamida 3 yillik tajriba va Markaziy Osiyoda xalqaro tashkilotlarda ishlash tajribasiga ega bo‘lishi kerak. Shuningdek, ingliz va o‘zbek tillarini bilish, kompyuter savodxonligi va a’lo tashkiliy ko‘nikmalar...

20-yanvar kuni Toshkent shahrining ayrim tumanlarida elektr ta’minoti vaqtincha o‘chiriladi. Bu haqda «Toshkent shahar elektr tarmoqlari» matbuot xizmati ma’lum qildi.

Unga ko‘ra, Yashnobod tumanidagi «Jarqo‘rg‘on», «Muxtor Ashrafiy», «Yangi davr» va «Bunyodkor» MFYlarining ayrim hududlari soat 09:00 dan 13:00 gacha, Chilonzor tumanidagi «Do‘mbirobod», «Bog‘zor», «Botirma» va «Tirsakobod» MFYlarining ayrim hududlari esa soat 09:00 dan 17:00 gacha elektrsiz qoladi.

Ma’lumot uchun, ta’mir ishlari belgilangan vaqtdan avvalroq tugashi mumkin.

Eslatib o‘tamiz, avvalroq BAA bilan chiqindidan elektr energiyasi olish bo‘yicha $200 mlnlik shartnoma imzolangan edi.

TikTok platformasi Donald Trampning aralashuvi bilan AQShda xizmatlarini qayta tiklashni boshladi. Bu haqda Reuters axborot agentligi ma’lum qildi.

Unga ko‘ra, Tramp 20-yanvar kuni o‘z lavozimiga kirishidan oldin TikTokni saqlashga qaror qilganini va AQShda qo‘shma korxona tashkil etishni rejalashtirayotganini ma’lum qildi. TikTok kompaniyasi ham ushbu qarorni tasdiqlab, xizmatni tiklash jarayonida ekanini e’lon qildi.

Bundan avval TikTok AQSh foydalanuvchilariga ilovadan foydalanishda muammolar yuzaga kelgan, chunki TikTokni taqiqlash haqidagi qonun 20-yanvar kuni kuchga kirishi kutilgan edi. Tramp esa TikTokning faoliyatini davom ettirish uchun vaqtinchalik imtiyozlar taqdim etishni va’da qildi.

Ma’lumot uchun, TikTokning qayta ishlashi, AQSh va Xitoy o‘rtasidagi munosabatlar fonida bo‘lib o‘tmoqda...

Bugun, 20 yanvar kuni Toshkent va Namangan viloyatlarining tog‘li hududlarida qor ko‘chish xavfi mavjud, deya xabar bermoqda «O‘zgidromet».

Unga ko‘ra, O‘zbekistonning turli viloyatlarida havo biroz bulutli bo‘lib, ayrim joylarda tuman tushishi mumkin.

Toshkent shahri va viloyatida kechasi havo 0-2° iliq bo‘lib, kun davomida 10-12° iliq bo‘ladi. Shamol g‘arbdan 5-10 m/s tezlikda esadi.

Qoraqalpog‘iston, Xorazm, Buxoro va Navoiy viloyatlarida ham havo biroz bulutli bo‘lib, ba’zi joylarda tuman va kuchli shamol kuzatiladi. Harorat kechasi 2° sovuqdan 5° iliq gacha, kunduzi esa 5-10° iliq bo‘ladi.

Surxondaryo, Qashqadaryo va Samarqand viloyatlarida havo biroz bulutli bo‘lib, yog‘ingarchilik kutilmaydi, lekin tuman tushishi mumkin.

Andijon, Namangan...

Shveysariyaning Iqtisodiy masalalar boʻyicha davlat kotibiyati (SECO) tadbirkor Alisher Usmonovning 6,5 million yevrodan ortiq qiymatidagi aktivlarining bir qismini blokdan chiqardi.

Ma’lum qilinishicha, Davlat kotibiyati vakolatlar doirasida Credit Suisse hisobvaraqlaridan Usmonovning Buyuk Britaniyadagi koʻchmas mulkini saqlash uchun taxminan 4,2 million yevro, shuningdek, vertolyotlarga xizmat koʻrsatish uchun deyarli 2,4 million yevro miqdorida toʻlovni tasdiqladi.

Usmonovning kompaniyasi tegishli soʻrovlarni 2022-yilda taqdim etgan. Ular Fransiyadagi Le Castle aerodromida joylashgan ikkita vertolyot va Britaniya mulki – Surreydagi Sutton Place mulkiga texnik xizmat koʻrsatish uchun toʻlovlarni toʻlash bilan bogʻliq.

Avvalroq Kursiv Uzbekistan Usmonov FIE prezidenti lavozimidagi faoliyatini ixtiyoriy ravishda toʻxtatgani haqida xabar bergan edi.

Qozogʻiston hukumatining qaroriga koʻra, ichki bozordagi narxlarni barqarorlashtirish maqsadida kartoshka eksporti olti oyga cheklab qoʻyildi. Bu haqda Tengrinews xabar berdi.

Qozogʻistonda kartoshka narxining keskin oshishi eksport hajmining ortishi bilan bogʻliq. Bu yil qoʻshni davlatlardan talab yuqoriligi sabab eksport hajmi 1,5 barobarga oshgan. Soʻnggi haftalarda ichki bozorda narxlar 170 tengedan 270 tengegacha (4 mingdan 6,5 ming soʻmgacha) koʻtarilgan.

16-yanvardan boshlab uchinchi mamlakatlarga eksport uchun fitosanitariya sertifikatlari berilishi toʻxtatildi. Ichki bozor uchun mavjud zaxiralar esa 850 ming tonnadan oshib, ehtiyojni toʻliq qoplashga yetarli ekani bildirildi.

Eslatib oʻtamiz, 2024-yilning yanvar – noyabr oylarida Oʻzbekistonga xorijdan 627 ming tonna kartoshka...

Uzbekistan Airways 19-yanvar kuni Toshkent – Moskva yo‘nalishidagi HY601/602 reysi jadvaliga o‘zgartirishlar kiritdi. Bu haqda kompaniya matbuot xizmati xabar berdi.

Aviakompaniya bunga samolyotning kech yetib kelganini sabab qilib koʻrsatdi. Reyslar quyidagi oʻzgartirilgan jadvalga muvofiq amalga oshiriladi:

HY601 reysi:

HY602 reysi:

Kursiv Uzbekistan Buxorodan Moskvaga uchgan samolyot dvigatelida nosozlik yuzaga kelgani haqida xabar bergan edi.

O‘zbekistonlik MMA ustasi Bogdan Guskov UFC 311 turnirida amerikalik 29 yoshli Billi Elekanga qarshi jang o‘tkazib, bo‘g‘ish usuli bilan g‘alaba qozondi.

Toshkent viloyatida tug‘ilgan 32 yoshli Guskov professional faoliyatidagi 20-jangida o‘zining 17-g‘alabasini nishonladi.

Avvalroq Kursiv Uzbekistan UFC prezidenti Dana Uayt Meta direktorlaridan biriga aylangani haqida yozgan edi.

Turkiyada oʻzbekistonliklarni fohishalik uchun sotib yuborgan ayol qoʻlga olindi. Bu haqda Istanbul shahridagi Bosh konsulxona xabar berdi.

Ta’kidlanishicha, Oʻzbekiston va Turkiya Ichki ishlar vazirligi hamkorligida odam savdosi jinoyatini sodir etganlikda ayblanib, IIV tomonidan qidiruvda boʻlgan fuqaro Oʻzbekistonga deportatsiya qilingan.

Ayblanuvchi chet elda qonunga xilof ravishda Oʻzbekiston fuqarolarining hujjatlarini olib qoʻygan va shahvoniy maqsadlarda sotib yuborgan.

Mazkur shaxsning noqonuniy xatti-harakatlaridan jabrlangan fuqarolar Oʻzbekistonning Istanbuldagi Bosh konsulxonasiga, Oʻzbekiston Respublikasi Ichki ishlar vazirligiga yoki ichki ishlar organlarining mahalliy boʻlinmalariga murojaat qilishlari soʻraladi.

Avvalroq Kursiv Uzbekistan avtofiribgarlikda gumon qilingan o‘zbekistonlik erkak Turkiyada qo‘lga olingani haqida xabar bergan edi.

Xorazmning Urganch shahridan Qoraqalpogʻistonning Qoʻngʻirot tumaniga yangi poyezd qatnovi yoʻlga qoʻyilmoqda. Bu haqda Qoraqalpogʻiston Respublikasi Joʻqorgʻi Kengesi axborot xizmati xabar berdi.

«Qoraqalpogʻiston boʻyicha amalga oshirilgan mega loyihalardan biri boʻlgan Amudaryo ustidan oʻtuvchi yangi koʻprikda joriy yilning 20-yanvar sanasidan boshlab yoʻlovchilarga qulaylik yaratish maqsadida Urganch – Qoʻngʻirot – Urganch yoʻnalishi boʻyicha yangi poyezd qatnovi yoʻlga qoʻyilmoqda», – deyiladi xabarda.

Poyezd qatnovi har kuni Urganchdan soat 6:00 da, Qoʻngʻirotdan soat 13:24 da harakatlanadi.

Avvalroq Kursiv Uzbekistan Ostona – Samarqand yoʻnalishida poyezd qatnovi yoʻlga qoʻyilishi rejalashtirilayotgani haqida xabar bergan edi.