Yangiliklar

Nissan aksiyalari faol investor tomonidan 2,5 foiz ulush sotib olingani haqidagi xabarlar fonida 20 foizdan ko‘proqqa ko‘tarildi. Bu haqda Bloomberg nashri xabar berdi.

Bloomberg nashrining ta’kidlashicha, Yaponiyaning avtomobil ishlab chiqaruvchisi og‘ir davrlarni boshdan kechirmoqda, sotuvlar pasaygani sababli to‘qqiz ming ish o‘rnini qisqartirishni va ishlab chiqarish quvvatini 20 foizga kamaytirishni rejalashtirayotgan edi.

Joriy yilning 12-noyabr kuni Nissan aksiyalari Tokio savdo kunining oxiriga kelib, o‘sish 12,8 foizga sekinlashdi va aksiyalar narxi 415,8 iyenni ($2,7) tashkil qildi.

Ma’lumotlarga ko‘ra, Nissan aksiyalarining 2,5 foiz ulushini Suntera (Cayman) Ltd. kompaniyasi sotib olgan. Hozirgi narxning o‘sishi Nissan aksiyalari uchun sezilarli burilish bo‘ldi, o‘tgan...

2024-yil 11-noyabr kuni O‘zbekistondagi Termiz xalqaro savdo markazida savdo pavilyoni sotib olish bo‘yicha shartnoma Qirg‘iziston Iqtisodiyot vazirligi va «Termez International Trade Centre» boshqaruv kompaniyasi vakillari tomonidan imzolandi. Bu haqda Qirg‘iziston savdo vakolatxonasi xabar berdi.

«Termiz» xalqaro savdo markazi Markaziy Osiyoning muhim savdo yoʻlida joylashgan bo‘lib, u Oʻzbekiston va Afgʻoniston oʻrtasida tovar ayirboshlashga xizmat qiladi. Pavilyonni sotib olish Qirg‘izistonga savdo pozitsiyalarini mustahkamlashga va mahsulotlarini O‘zbekiston hamda Afg‘oniston bozorlariga eksport qilishga imkon beradi.

Qirg‘iziston Iqtisodiyot vazirligi va «Termez International Trade Centre» o‘rtasidagi bitimning narxi oshkor etilmagan.

Avvalroq Kursiv Uzbekistan Qirg‘izistonda yirik transmintaqaviy elektr energiyasi uzatish liniyasi qurilgani haqida yozgan edi.

9-noyabr kuni Farg‘onada bo‘lib o‘tgan yoshlar xakatoni ishtirokchilari aqlli va xavfsiz shaharni yaratish uchun sun’iy intellekt (SI) texnologiyalaridan qanday foydalanish mumkinligini taklif qildi. Bu haqda tanlov tashkilotchilari Kursiv Uzbekistanʼga ma’lum qildi.

Xakatonda Fargʻona viloyati va Oʻzbekistonning boshqa viloyatlaridan 18 ta jamoa Technovation Girls va Yandex Uzbekistan dasturi boʻyicha ishtirok etdi. Ular shahar muhitining qulayligi va xavfsizligini yaxshilash uchun sun’iy intellekt ilovalari prototiplarini ishlab chiqdi.

Gʻoliblar orasidan nogironligi boʻlgan shaxslar uchun loyihalar, aqlli avtoturargoh va chiqindi qutilari uchun ilovalar, haydovchilar uchun ijtimoiy xizmatlar agregatori, shuningdek, harakatni optimallashtirish uchun sun’iy intellekt algoritmi va haydovchini yoʻldagi xavf-xatarlardan ogohlantiruvchi ilovalar joy oldi.

Har bir...

Fargʻonada Korrupsiyaga qarshi kurashish bo‘limi boshlig‘i $1 ming olayotgan vaqtida qo‘lga olindi. Bu haqda Davlat xavfsizlik xizmati xabar berdi.

Davlat xavfsizlik xizmati xabariga ko‘ra, Farg‘ona viloyati hududiy elektr tarmoqlari korxonasining Korrupsiyaga qarshi kurashish bo‘limi boshlig‘i, tumanlardagi elektr tarmoqlari korxonasi bosh muhandisini ishdan boʻshatmaslik evaziga undan $1 ming olayotgan vaqtida qoʻlga olingan.

Tergovga qadar oʻtkazilgan tekshiruv natijasida ushbu noqonuniy harakatga jamiyatning xodimlar boʻlimi boshligʻi ham aloqador ekani aniqlandi.

Ikkala shaxsga nisbatan jinoyat ishi qo‘zg‘atilib, ularga qamoqqa olish chorasi qo‘llanildi.

Avvalroq Kursiv Uzbekistan Andijonda yerni rasmiylashtirib berish evaziga $230 ming talab qilgan shaxs hibsga olingani haqida yozgan edi.

Oktabr oyida Oʻzbekistonda 7,5 mingta yakka tartibdagi tadbirkor roʻyxatdan oʻtgan. Bu haqda Soliq qoʻmitasi axborot xizmati xabar berdi.

Joriy yilning yanvar – oktabr oylari yakunlariga koʻra, tashkil etilgan yakka tartibdagi tadbirkorlar soni 5,7 foizga oshib, 138,2 mingtani tashkil etdi.

Ro‘yxatdan o‘tganlar orasida savdo, maishiy xizmat koʻrsatish va hunarmandchilik sohalaridagi tadbirkorlar faol bo‘ldi. 2024-yilning oʻn oyida yangi tashkil etilgan yakka tartibdagi tadbirkorlarning 52 foizi ushbu faoliyat turlariga toʻgʻri keldi.

Oktabr oyida yakka tartibdagi tadbirkorlarning umumiy sonida ayol tadbirkorlarning ulushi 43,7 foizdan 42,9 foizga kamaydi. Umumiy hisobda esa 1,5 ming kishiga kamaydi.

2024-yil 1-noyabr holatiga koʻra, Oʻzbekistonda 299 ming yakka tartibdagi...

Soʻnggi 10 yil ichida ekstremal ob-havo sharoiti tufayli jahon iqtisodiyoti $2 trln zarar koʻrdi. Bu haqda The Guardian nashri Xalqaro savdo palatasi hisobotiga tayanib xabar berdi.

Hisobot mualliflari kuchli yomg‘irli sel hodisalaridan tortib, uzoq davom etadigan qurg‘oqchilikkacha bo‘lgan taxminan to‘rt mingta iqlim falokatining oqibatlarini tahlil qildilar. Faqatgina so‘nggi ikki yilda bunday hodisalar $451 milliard miqdorida yo‘qotishlarga olib kelgan. O‘n yil ichida bu miqdor to‘rt barobardan ziyod oshgan.

Hisobotda eng katta iqtisodiy zararni AQSH koʻrgani ta’kidlangan. Keyingi oʻrinlarda Xitoy va Hindiston turadi.

Avvalroq Kursiv Uzbekistan 2070-yilga borib Markaziy Osiyo yalpi ichki mahsulotining 3,8 foizini iqlim o‘zgarishi sababli yo‘qotishi mumkinligi haqida...

O‘zbekiston – Qozog‘iston harbiy xizmatchilari o‘rtasida hamkorlikdagi maxsus-taktik o‘quv mashg‘ulotlariga start berildi. Bu haqda Mudofaa vazirligi matbuot xizmati xabar berdi.

O‘quv mashg‘uloti markaziy harbiy okrugda joylashgan «Forish» tog‘ poligonida o‘tkazilmoqda.

Tantanali ochilish marosimidan so‘ng Qozog‘iston harbiy delegatsiyasi rahbarlari bilan  brifingda o‘quv mashg‘ulot dasturi bo‘yicha rejalar muhokama qilindi.

Mashg‘ulotning davomiylik muddati o‘n kun bo‘lib, ushbu muddat ichida amaliy mashqlar bo‘yicha o‘zaro tajriba almashishga kelishib olindi.

Xususan, «Xanjar – 2024» maxsus-taktik o‘quvi davomida ikki davlat harbiy xizmatchilari turli jangovar qurollardan otish, shartli aholi yashash hududida jang olib borish va harakatlarni tahlil qilish jarayonlarini amalga oshiradi.

Eslatib o‘tamiz, avvalroq «Forish» tog‘ poligonida...

Tamaki mahsulotlari ishlab chiqaruvchi Uzbekistan British American Tobaccoʻning (UzBAT) joriy yilning ortda qolgan uch choragida sof foydasi oʻtgan yilning shu davriga nisbatan 45 foizga oshdi. Bu haqda kompaniya hisobotida ma’lum qilindi.

2024-yilning yanvar – sentabr oylarida korxonasining foydasi rekord darajadagi 1,1 trillion soʻmga yetdi. 11-noyabr kuni UzBAT kuzatuv kengashi har bir aksiya uchun 33 ming soʻm miqdorida dividendlar toʻlashni tavsiya qildi.

Toʻqqiz oy davomida kompaniya daromadi 26 foizga oshib, 2,6 trillion soʻmni tashkil etdi. UzBATʼning ma’muriy xarajatlari 94,6 mlrd soʻmni tashkil etib, 2023-yilning yanvar – sentabr oylariga nisbatan 20 foizga oshgan.

Bir aksiyaga to‘g‘ri keladigan bazaviy daromad...

Xitoyda yengil atletika bo‘yicha o‘tkazilayotgan xalqaro musobaqada o‘zbekistonlik to‘rt nafar sportchi oltin medalni, yana bir nafari bronza medalini qo‘lga kiritdi. Bu haqda Milliy olimpiya qo‘mitasi matbuot xizmati xabar berdi.

Xitoyning Urumchi shahrida yengil atletika bo‘yicha o‘tkazilayotgan Markaziy Osiyo davlatlari o‘rtasida yopiq inshootlardagi xalqaro musobaqa boshlandi.

Yosh toifalari bo‘yicha tashkil etilayotgan turnirning birinchi kunida o‘zbekistonlik sportchilar ham muvaffaqiyatli ishtirok etdi.

Dostonbek Abdumutalov U16 (yadro uloqtirish), Anastasiya Silchenkova U16 (1500 metrga yugurish), Angelina Grechkina U18 (uzunlikka sakrash) bo‘yicha oltin medalni qo‘lga kiritdi.

Yadro uloqtirish bo‘yicha 18 yoshlilar o‘rtasida Oybek Zarifjonov bronza medalini qo‘lga kiritdi.

Ma’lumot uchun, bugun Anastasiya...

Volkswagen kompaniyasi 2025-yilgi Volkswagen ID. 4 Crozz modelini rasman 15-noyabrda ochiladigan Guanchjou avtosalonida taqdim etishini e’lon qildi. Bu haqda ithome.com xabar berdi.

Ishlab chiqaruvchi avtomobilning yaxshilangan xususiyatlarga ega ekanini ma’lum qildi, ammo avtomobil haqidagi batafsil ma’lumotlar hozircha mavjud emas.

Ma’lumotlarga qaraganda, ushbu avtomobil narxi taxminan $26,5 mingdan boshlanishi kutilmoqda.

Eslatib o‘tamiz, avvalroq Kursiv Uzbekistan yangi dizaynga ega Kia Sportage taqdim etilgani va narxlari haqida ma’lumot bergan edi.

Makroiqtisodiy va hududiy tadqiqotlar instituti (MHTI) 2024-yilning noyabr oyida Toshkent shahridagi yirik supermarketlarda oziq-ovqat mahsulotlari narxlarini monitoring qildi.

Tahlil jarayonlari 3-oktabr va 7-noyabr kunlari oʻtkazilgan monitoring ma’lumotlariga asoslandi va 21 ta mahsulotning 8 tasi boʻyicha minimal narxlar pasayishini qayd etdi.

Narxlar pasaygan mahsulotlar:

Sariq piyoz – 8,2 foiz;

Bugʻdoy un – 7,6 foiz;

Karam – 6,3 foiz;

Grechka – 5,1 foiz;

Limon – 5,1 foiz;

Shakar – 1,2 foiz;

Olma – 0,8 foiz;

Guruch – 0,6 foiz.

Shuningdek, 10 nomdagi mahsulot boʻyicha minimal narxlar oshgan. Ayniqsa, pomidor va bodring narxida eng katta oʻsish qayd etildi. Bu mavsumiy omil bilan...

Bugun, 12-oktabr kuni besh grammlik oltin quymalarining narxi 5,57 mln so‘mni tashkil qilmoqda. Bu haqda Markaziy bank axborot xizmati xabar berdi.

Narx joriy hafta dushanba kunidan boshlab pasayishni boshlagan. O‘tgan hafta juma kuni oltin quymalarining narxi 5,7 mln so‘mni tashkil qilib, hozirgacha 127 ming so‘mga yoki 0,22 foizga pasaygan.

Jahon bozorida ham shu kabi holat, LBMA ma’lumotlariga ko‘ra, oltin narxlari 11-noyabr kuni kunduzi $2670,55 bo‘lsa, kechki vaqtga kelib $2624,75 ni tashkil qilgan.

Eslatib o‘tamiz, joriy yil 31-oktabr holatiga ko‘ra, oltin quymalarining narxi deyarli 5,9 mln ming so‘mni tashkil qilib, yil boshidan beri 40 foizga ortgan edi.

X ijtimoiy tarmogʻi (sobiq Twitter) Ilon Maskning kompaniyasi ishlab chiqargan Grok chat-botining bepul versiyasini sinash bosqichiga oʻtdi, deb xabar qildi TechCrunch.

Ilgari Grok faqat oylik narxi $16 bo‘lgan Premium+ obuna egalari uchun mavjud edi. Endilikda ijtimoiy tarmoq chat-botdan barcha foydalanuvchilar foydalanishini rejalashtirmoqda.

TechCrunch portali Yangi Zelandiyada chat-botning bepul versiyasi sinab ko‘rilayotganini tasdiqladi. Portal ma’lumotlariga ko‘ra, bepul foydalanuvchilarga chat-botdan foydalanishda ma’lum cheklovlar qo‘yilgan. Xususan, Grok-2 modeli uchun ikki soatda 10 ta so‘rov, mini-Grok-2 modeli uchun esa ikki soatda 20 ta so‘rov kiritish mumkin. Shuningdek, rasm tahlili uchun uchta so‘rov kiritish imkoniyati mavjud.

Grok’dan foydalanish uchun X ijtimoiy tarmog‘idagi sahifangiz kamida...

12-noyabr kuni bitkoin narxi $89 mingdan oshdi. 24 soat ichida kriptovalyuta deyarli 10 foizga qimmatlashdi. Bu haqda CoinDesk xabar berdi.

Bitkoynning eng yuqori qiymati $89 060 mingni tashkil etdi. Keyinchalik uning narxi barqarorlashdi. Toshkent vaqti bilan soat 06:49 da kriptovalyutaning qiymati $88 800 mingga teng boʻldi.

Avvalroq Kursiv Uzbekistan bitkoinning o‘sishini Amerika Qo‘shma Shtatlaridagi prezidentlik saylovlari oqibatlari bilan bog‘liq deb yozgan edi.

Bugun, 12-noyabr kuni Buxoro, Navoiy, Qashqadaryo va Surxondaryo viloyatlarida kechga kelib yomg‘ir yog‘ishi ehtimoli bor. Boshqa hududlarda yog‘ingarchilik kuzatilmaydi. O‘rtacha havo 12-17 daraja iliq bo‘ladi. Bu haqda Gidrometeorologiya xizmati agentligi xabar berdi.

Poytaxtda havo bulutli bo‘ladi, biroq quruq ob-havo bo‘ladi. Kunduzi harorat 13-15 daraja, kechasi esa 3-5 daraja iliq bo‘ladi.

Tog‘li hududlarda ham yomg‘ir yog‘maydi. Kunduzi havo 10 darajagacha ko‘tariladi, kechasiga 2 daraja sovuq bo‘ladi.

2024-yil oktabr oyida ikkilamchi avtomobil bozorida Lacetti, Damas, Labo narxlari pasayishda davom etdi. Bu Makroiqtisodiy va hududiy tadqiqotlar instituti (MHTI) mutaxassislari tomonidan tahlil qilindi.

Tahlil natijalariga ko‘ra, Spark’ning o‘rtacha narxi biroz ko‘tarilgan bo‘lsa, Cobalt va Nexia narxlarida deyarli o‘zgarish kuzatilmadi.

Mahalliy ommabop avtomobillar

Joriy yilning oktabr oyida ikkilamchi bozorda ko‘p foydalangan Lacetti, Damas, Labo avtomobillarining o‘rtacha narxlari sentabr oyiga nisbatan mos ravishda 1,5 foizga, 6,3 foizga va 2 foizga pasaygan.

Shuningdek, o‘rtacha foydalanilganining narxlari mos ravishda 0,3 foizga, 0,6 foizga va 3,5 foizga arzonlashdi.

Ko‘p foydalanilgan Spark avtomobilining o‘rtacha narxi 2,2 foizga, o‘rtacha foydalanganining narxi...

Ar-Riyoddagi sammitda Shavkat Mirziyoyev Saudiya Arabistoni valiahd shahzodasi va Bosh vaziri Muhammad bin Salmon Ol Saud bilan uchrashdi. Bu haqda davlat rahbari matbuot xizmati ma’lum qildi.

Unga ko‘ra, davlat rahbarlari yangi qoʻshma loyihalarni, jumladan, yashil energiya, transportni modernizatsiya qilish va qishloq xoʻjaligi sohasini ishga tushirish rejalarini muhokama qildilar. Shuningdek, 2025-yilda Samarqand shahrida bo‘lib o‘tadigan «Markaziy Osiyo – Fors ko‘rfazi arab davlatlari kengashi» ikkinchi sammitiga tayyorgarlik ko‘rilayotgani haqida ham so‘z yuritildi.

O‘zbekiston prezidenti mamlakat fuqarolarining Haj va Umra ziyoratlari uchun yaratilgan sharoitlar uchun minnatdorlik bildirdi. Mintaqaviy masalalar, jumladan, Yaqin Sharqdagi vaziyatni tinch yo‘l bilan tartibga solish ham muhokama qilindi.

Eslatib...

Shavkat Mirziyoyev urushdan jabr ko‘rgan falastinlik bolalar va ayollarni O‘zbekistondagi klinikalarda bepul davolashga tayyorligini bildirdi. Bu haqda davlat rahbari arab-islom davlatlarining navbatdan tashqari sammitida so‘zlagan nutqida aytib o‘tdi.

Unga ko‘ra, Saudiya Arabistonida bo‘lib o‘tgan Falastin muammosiga bag‘ishlangan muhim sammitda global siyosatning eng dolzarb masalasi – Isroil – Falastin nizosi ko‘rib chiqildi. Bu sammitni tashkil etgani uchun Saudiya Arabistoni Podshohi Salmon bin Abdulaziz va valiahd, bosh vazir Muhammad bin Salman Ol Saudga minnatdorlik bildirildi.

Sammit ishtirokchilari dunyo hamjamiyatining ko‘p yillik harakatlariga qaramay mintaqadagi urush yanada kengayib, endilikda Livan hududini ham qamrab olayotganini qayd etdilar. Ushbu holat xalqaro xavfsizlikka tahdid...

O‘zbekiston rezidentlariga quyosh panellari tomonidan ishlab chiqarilgan ortiqcha elektr energiyasini sotishdan 8,9 mlrd so‘m tushgan. Bu haqda Energetika vazirligi ma’lum qildi.

Unga ko‘ra, quyosh batareyasiga ega xonadonlar uchun yagona elektr energetika tizimiga o‘tkazilgan har bir kVt/soat energiya uchun 1 ming so‘m miqdorida subsidiya belgilanadi. Yanvardan sentabrgacha 6 ming xonadon subsidiya oldi.

O‘zbekiston hududlari orasida eng ko‘p subsidiyalarni Xorazm viloyati aholisi olgan. Ularga 2,1 mlrd so‘m o‘tkazib berildi. Ikkinchi va uchinchi o‘rinlarni Qoraqalpog‘iston va Toshkent shahri egallab, aholiga mos ravishda 1,5 va 1,2 mlrd so‘mlik subsidiyalar ajratilgan.

Ma’lumot uchun, fuqarolar to‘lovlarni «Soliq» mobil ilovasi orqali oldi.

Eslatib o‘tamiz, avvalroq quyosh...

O‘zbekistonda transgenderlik targ‘ibotini taqiqlovchi qonun tayyorlanmoqda, dedi «Milliy tiklanish» partiyasi raisi Alisher Qodirov. Bu haqda u o‘z Telegram sahifasida ma’lum qildi.

Unga ko‘ra, Qodirov AQShning saylangan prezidenti Donald Trampning qizi Ivanka Tramp o‘zining X postida e’lon qilgan bayonotiga shunday izoh berdi.

«Xastalikni o‘chog‘ida o‘zgarish. Bu juda yaxshi. O‘zbekistonda bu masalada har qanday targ‘ibotni taqiqlovchi qonun qabul qilish ustida ishlayapmiz», – deb yozadi Qodirov.

«Farzandlarimizga nomaqbul jinsiy materiallar va transgenderlikni o‘rgatadigan barcha maktablarning federal ta’minotini to‘xtataman», – dedi Tramp.

Eslatib o‘tamiz, avvalroq Alisher Qodirov ayollarni armiyaga chaqirishni taklif...

2024-yilning 1-noyabrdan 8-noyabrigacha bo‘lgan davrda «Toshkent» Respublika fond birjasida ayrim aksiyalar sezilarli o‘zgarishlarga duch keldi. Ushbu davrda UCI indeksi 627,45 dan 629,67 ga ko‘tarildi, birjada amalga oshirilgan bitimlarning umumiy hajmi esa 8 milliard so‘mdan oshib, soni qariyb 5 mingta bitimni tashkil etdi.

Eng yuqori o‘sish ko‘rsatgan aksiyalar

Mazkur davrda eng katta o‘sish UzAuto Motors aksiyalarida qayd etildi. Ular 63 000 so‘mdan 69 000 so‘mgacha ko‘tarilib, 9,52% o‘sishni tashkil etdi. Shuningdek, «Ipak Yo‘li» aksiyalari ham ijobiy natijalarni ko‘rsatdi: ular 140 so‘mdan 147 so‘mgacha o‘sib, 5% ga oshdi.

Eng katta pasayish

Aksiyalarning pasayishi bo‘yicha esa «Aloqabank» birinchi...

O‘zbekistonning eng yirik telekommunikatsiya operatori UzTelecom Xitoy kompaniyasi Huawei bilan zamonaviy texnologiyalar asosida loyihalar boshlash maqsadida hamkorlik memorandumini imzolashga kelishdi, deb xabar berdi Kursiv Uzbekistan’ga Huawei’ning matbuot xizmati.

Avvalroq UzTelecom rahbariyati Huawei bosh qarorgohida bo‘lib, Xitoy kompaniyasining qo‘llayotgan texnologiyalari bilan tanishdi. Xususan, 5G va 5.5G tarmoqlarini yaratish usullari, shuningdek, sun’iy intellekt (AI) texnologiyalaridan foydalanish va Big Data bilan ishlash usullari o‘rganildi. «Aqlli shaharlar» qurish uchun mo‘ljallangan vositalar O‘zbekiston tashkilotida qiziqish uyg‘otdi.

Memorandum sun’iy intellekt va Big Data texnologiyalarini joriy etish loyihalarini amalga oshirishga qaratilgan.

Ma’lumot uchun, UzTelecom va Huawei 35 yil davomida davlat ahamiyatiga ega aloqa loyihalari doirasida hamkorlik...

Kia Sportage yangi modelining birinchi jonli suratlari paydo bo‘ldi, deb xabar bermoqda ithome.com.  

Kia Sportage dizayni

Kia Sportage’ning tashqi ko‘rinishi yangi brend uslubida o‘zgargan va endilikda krossoverda Sorento‘ga biroz o‘xshashlik yuzaga kelgan. U keng radiator panjarasiga va ingichka LED chiroqlarga ega. Shuningdek, avtomobilda bamperlar va orqa chiroqlar yangilandi.

Ushbu avtomobil beshinchi avlodning o‘rta muddatli restayling versiyasi hisoblanadi. Suratlarda to‘liq qora rangga bo‘yalgan avtomobil ko‘rsatilgan. Sakkiz pog‘onali avtomatik uzatish qutisi, shu bilan birga 1,6 litrli dvigatel hali ham 180 ot kuchiga ega.

Kia Sportage salon va jihozlar

Salonda rul almashdi, bezak yaxshilandi va...

2024-yil 1-oktabr holatiga ko‘ra, O‘zbekistonda savdo sohasida faoliyat yurituvchi kompaniyalar soni 2020-yildan buyon 76 foizga oshgan. Bu haqda Statistika agentligi xabar berdi.

2020-yilda respublikada 132 mingta savdo kompaniyasi faoliyat yuritgan. 2021-yilda ularning soni 165 mingtaga, 2022-yilda 189 mingtaga, 2023-yilda esa 217 mingtaga yetdi. 2024-yil 1-oktabr holatiga ko‘ra, ularning soni 233,3 mingga yetgan.

Avvalroq «Kursiv» O‘zbekiston tashqi savdo aylanmasining 7,7 foizga oshgani haqida yozgan edi.