Yangiliklar

2024-yil oxiriga kelib smart soatlarning global bozori yetti foizga qisqardi. Bu haqda Counterpoint Research (CR) tahlilchilari ma’lum qildi.

Ta’kidlanishicha, bu pasayish qurilmalarni yetkazib beruvchi bozor yetakchilaridan biri Apple kompaniyasining soatlari sotuvining qisqarishi bilan bogʻliq boʻlishi mumkin. Bozorga eng ko‘p qurilmalarni Apple, Huawei va Samsung yetkazib berdi, ularning ulushi mos ravishda 22 foiz, 13 foiz va 9 foizni tashkil etdi. Ulardan keyingi o‘rinlarda Xiaomi va iMoo joylashdi.

Yetkazib berish hajmi bo‘yicha eng katta yo‘qotish Apple kompaniyasida kuzatildi – Amerika gigantining yetkazib berish hajmi 19 foizga kamaydi. Eng sezilarli o‘sishga esa smart soatlar yetkazib berishni 135 foizga oshirgan Xiaomi erishdi.

Oʻtgan...

AQSh mamlakatda noqonuniy yashayotgan migrantlarga hududni o‘z ixtiyori bilan tark etish imkoniyatini beruvchi yangi mobil ilovani taqdim etdi. Bu haqda RBC nashri xabar berdi.

CBP Home deb nomlangan ushbu ilovada foydalanuvchilar «chiqib ketish niyati» haqida xabar berish funksiyasidan foydalanishi mumkin.

«CBP Home ilovasi chet elliklarga AQShdan ixtiyoriy ravishda chiqib ketish va kelajakda qayta kelish imkoniyatini beradi. Agar ular bu imkoniyatdan foydalanmasa, biz ularni topamiz, deportatsiya qilamiz va ular boshqa hech qachon qayta kira olmaydi», – dedi Ichki xavfsizlik vaziri Kristi Noem Reuters nashriga bergan intervyusida.

Donald Tramp saylovoldi kampaniyasi paytidayoq noqonuniy migrantlarni ommaviy deportatsiya...

AQSh prezidenti Donald Tramp biznesmen Ilon Maskni qo‘llab-quvvatlash uchun Tesla avtomobilini sotib oldi. Mask esa X ijtimoiy tarmog‘ida ikki yil ichida elektromobil ishlab chiqarishni ikki baravar oshirish niyatida ekanini ma’lum qildi.

Maskning ta’kidlashicha, bu bilan kompaniya Donald Tramp va uning iqtisodiy siyosatini qo‘llab-quvvatlashini bildiradi. Biroq maqsadni amalga oshirish tafsilotlari hali oshkor etilmagan.

Hozirda Tesla’ning AQShdagi ishlab chiqarish quvvati yiliga taxminan 1,1 million avtomobilni tashkil etadi. Shu bilan birga, 2024-yilda kompaniyaning global savdosi taxminan 1,8 million donani tashkil etdi.

Tesla aksiyalari 15 foizga pasaydi. Ilon Maskning federal hukumatning budjeti va faoliyatiga doir qarorlarini tanqid qilishlari davom etmoqda. Shu bilan...

4-mart kuni Qirg‘iziston Vazirlar Mahkamasi Ma’muriy huquqbuzarliklar kodeksiga «haqiqatga mos kelmaydigan ma’lumotlarni tarqatish» bo‘yicha yangi modda qo‘shishni taklif qildi. Bu haqda Jogorku Kenesh rasmiy sahifasida ma’lum qildi.

Unga ko‘ra, ijtimoiy tarmoqlar, messenjerlar yoki ommaviy axborot vositalarida yolg‘on ma’lumot e’lon qilingan taqdirda jarima miqdori quyidagicha etib belgilanadi:

– Jismoniy shaxslar uchun – 20 ming som;

– Yuridik shaxslarga – 65 ming som.

Ushbu qonunning maqsadi axborot xavfsizligini ta’minlash va fuqarolarning aniq hamda ishonchli ma’lumot olish huquqini himoya qilishdan iborat.

Avvalroq Kursiv Uzbekistan Qirg‘iziston sinov tariqasida raqamli somni muomalaga chiqarishi haqida yozgandi.

O‘zbekistonda seriyali obligatsiyalar chiqarish mexanizmi yo‘lga qo‘yiladi. Bu haqda Istiqbolli loyihalar milliy agentligi (ILMA) direktori Dmitriy Li tegishli qarorni imzoladi.

Bu mexanizm kompaniyalarga bir dastur doirasida bir necha marotaba obligatsiyalar chiqarish, kompaniyalar bozor sharoitidan kelib chiqib, qarzdorlik qimmatli qog‘ozlari uchun stavkalar va to‘lov muddatini belgilashi mumkin bo‘ladi.

Agentlikning yozishicha, seriyali obligatsiyalar tizimi kompaniyalarga qimmatli qog‘ozlar chiqarilishini ro‘yxatdan o‘tkazish xarajatlarini sezilarli darajada kamaytiradi va majburiyatlarni qayta moliyalashtirishni soddalashtiradi.

Bunday mexanizm Rossiya, Qozog‘iston, Malayziya kabi rivojlangan moliya bozoriga ega davlatlarda muvaffaqiyatli qo‘llanilmoqda.

Avvalroq Kursiv Uzbekistan respublika banklari yevroobligatsiyalar bozorida faol bo‘lishi kutilayotgani haqida yozgandi.

Raqobat qo‘mitasi savdo, gaz ta’minoti va bank xizmatlari bo‘yicha fuqarolardan kelib tushayotgan murojaatlar asosida mablag‘larni qaytarish ishlarini amalga oshirdi. Bu haqda qo‘mita matbuot xizmati xabar berdi.

Jumladan, Urganch tumanida yashovchi fuqaroning gaz ta’minoti korxonasi tomonidan noto‘g‘ri hisoblangan 1 mln so‘mdan ortiq noreal qarzdorligi bartaraf etildi.

Shuningdek, Farg‘ona viloyatidagi «Hamroh savdo do‘konlar tarmog‘i»ning Qo‘qon filialidan mahsulot xarid qilgan fuqaro barcha qarzdorligini to‘lasa-da, kartasidan 1,5 mln so‘mga yaqin mablag‘ asossiz ushlab qolingan. Murojaat natijasida uning pullari qaytarilgan.

Buxoro viloyatidagi fuqaroga esa yashaydigan uyi uchun «Issiqlik Manbai» DUK tomonidan hisoblangan 1,1 mln so‘m asossiz qarzdorlik bekor qilindi. Jizzaxning Sharof Rashidov tumanida yashovchi...

2024-yilda O‘zbekiston va Fransiya o‘rtasida tovar ayirboshlash hajmi $1,1 milliardga yetdi. Bu haqda Investitsiyalar, sanoat va savdo vazirligi axborot xizmati xabar berdi.

Parij shahrida ikki mamlakatning tegishli vazirliklari, idoralari rahbarlari hamda yuzga yaqin yetakchi kompaniyalari, moliya va biznes tashkilotlari rahbarlari ishtirokida Fransiya – Oʻzbekiston biznes forumi boʻlib oʻtdi.

Forumda investitsiyalar, sanoat va savdo vaziri Laziz Kudratov ikki tomonlama hamkorlikning ustuvor yo‘nalishlari haqida soʻzladi. 2024-yilda ikki davlat oʻrtasidagi tovar ayirboshlash hajmi $1,1 milliardga yetdi, bu oldingi yilga nisbatan 14 foizga koʻpdir. Shu bilan birga, Oʻzbekistondan Fransiyaga eksport hajmi qariyb ikki baravar ortib, $800 millionni, import esa $330 millionni tashkil qilgani qayd etilgan.

AQSh prezidenti Donald Tramp Kanadadan kelayotgan poʻlat va alyuminiyga bojlarni ikki baravar oshirdi. Endi uning miqdori 50 foizni tashkil qiladi. Bu Ontario provinsiyasi hukumati AQShning shimoliy shtatlariga elektr energiyasi yetkazib berish narxlarini oshirganiga javob boʻldi.

Tramp ma’muriyati Ottavaning tarif siyosatini «sharmandali» va «haqoratli» deb atadi. Respublikachi Kanada avtomobillari uchun tariflarni ham oshirish bilan tahdid qilgan.

Kanadaning boʻlajak Bosh vaziri Mark Karni ham AQSh tariflari haqida gapirdi.

«Prezident Trampning soʻnggi tariflari kanadalik ishchilar, oilalar va korxonalarga hujumdir. Ma’muriyat jabrlangan ishchilarni qoʻllab-quvvatlaydi. Hukumatimiz amerikaliklar bizga hurmat koʻrsatmaguncha va erkin va adolatli savdo boʻyicha ishonchli majburiyatlarni olmaguncha tariflarimizni...

O‘zbekiston fuqarosi Seulning Banpo tumanidagi hashamatli kvartirani $5,09 mln(7,4 mlrd von)ga sotib oldi va bu hududdagi rekord natijani qayd etdi. Bu haqda The Korea Herald gazetasi xabar berdi.

O‘zbekistonlik xaridor 2024-yilning noyabr oyida Seocho-gu tumanining Banpo-dong hududidagi Banpo Xi turarjoy majmuasining 26-qavatidan 244 kvadrat metrli kvartirani sotib olgan.

Janubiy Koreya Milliy ko‘chmas mulk reyestri ma’lumotlariga ko‘ra, xaridor shu yilning 28-fevralida xonadonning mulkdorligi hujjatlarini rasmiylashtirgan. Uyni sotib olishni hech qanday kredit yoki moliyaviy qarz majburiyatisiz, naqd pul asosida amalga oshirilgan.

Gazetaning xabar berishicha, xaridorning an’anaviy koreys tabobatiga ixtisoslashgan klinikasi Toshkent shahridagi manzilda ro‘yxatdan o‘tgani aniqlangan.

Avvalroq Kursiv Uzbekistan Surxondaryo va...

Sergeli tumanida yakka tartibdagi tadbirkor va boshqa shaxslar «A.S.» MChJga ijaraga bergan binosini tijorat maqsadida umumiy foydalanishdagi elektr tarmog‘iga yashirincha ulangani aniqlandi. Natijada 289 million so‘mlik elektr energiyasidan noqonuniy foydalanilgan. Bu haqda Bosh prokuratura matbuot xizmati xabar berdi.

Shunday holat Qumqoʻrgʻon tumanida ham sodir boʻlib, fermer xoʻjaligi rahbari xoʻjalik yer maydonini sugʻorishda umumiy foydalanishdagi elektr tarmogʻiga suv nasoslarini toʻgʻridan toʻgʻri hisoblagichdan tashqari ulagan. Xoʻjalik jami 186,1 mln soʻmlik elektr energiyasidan noqonuniy foydalanganligi fosh boʻldi.

Yuqoridagi holatlar yuzasidan Jinoyat kodeksining 169-moddasi (oʻgʻirlik) bilan jinoyat ishlari qoʻzgʻatilgan. Vaziyat boʻyicha tergov harakatlari oʻtkazilmoqda.

Eslatib oʻtamiz, Kursiv Uzbekistan soxta eksport orqali budjetdan...

Google Pixel 10 Pro XL’ning yuqori sifatli renderlarini e’lon qildi. Dastlabki ma’lumotlarga koʻra, ushbu qurilma joriy yilning avgust oyida debyut qiladi. Bu haqda Android Headlines nashri xabar berdi.

Ma’lum qilinishicha, Google Pixel 10 Pro XL oʻlchamlari 162,7 x 76,6 x 8,5 mm, ekran diagonali 6,8 dyuymni tashkil etadi. U hozirgi Pixel 9 Pro XL bilan deyarli bir xil hajmda boʻladi. Kelajakda model iPhone 17 Pro Max, Samsung Galaxy S26 Ultra, Xiaomi 16 Ultra va boshqa ishlab chiqaruvchilarning top modellari bilan raqobatlashadi. Smartfonning texnik xususiyatlari haqida boshqa hech narsa oshkor etilmagan.

Eslatib oʻtamiz, Kursiv Uzbekistan Samsung Galaxy S25 Edge smartfoning...

Maktab va maktabgacha ta’lim vaziri Hilola Umarova «Tashabbusli budjet» loyihasi doirasida tizimi xodimlarini o‘z vazifasidan tashqari ishlarga jalb qilish, turli yig‘ilish va majburiy mablag‘ yig‘imlariga majburlash holatlari kuzatilsa, bu haqda xabar berishga chaqirdi. U o‘zining Telegram kanalida shunday yozdi.

«Quva tumanidagi maktablarning birida o‘qituvchilarning oylik maoshidan «Tashabbusli budjet» loyihasi uchun ovoz yig‘ish maqsadida 700 ming so‘mdan ushlab qolish topshirig‘ini bergan maktab direktori bilan mehnat shartnomasi bekor qilindi», – dedi vazir.

Agar pedagoglar bunday holatlarga duch kelsa, vazirlikka murojaat qilishga chaqirildi.

Avvalroq Kursiv Uzbekistan 11-mart kuni «Tashabbusli budjet»da ovoz berish boshlangani haqida yozgandi.

Elit Osiyo Chempionlar ligasi 1/8 final bosqichidan oʻrin olgan «Al-Hilol» – «Paxtakor» bahsi 11-mart kuni Riyod shahrida boʻlib oʻtdi. «Kingdom Arena» stadionida o‘tgan uchrashuvda mezbonlar 4:0 hisobida gʻalabaga erishdi.

Uchrashuvdagi hisob 31-daqiqada Hamad Al Yami tomonidan ochildi. 42-daqiqada esa riyodliklar qarshi hujumdan ikkinchi golni urishdi.

Ikkinchi boʻlimning dastlabki daqiqalarida Salim al Dovsari penaltidan «Paxtakor» darvozasiga yana bir gol kiritdi. Oʻyinning soʻnggi daqiqalarida esa Nosir al Dovsari mezbonlarning toʻrtinchi goliga mualliflik qildi.

Ikki oʻyin natijasiga koʻra, 1:4 hisobida imkoniyatni boy bergan «Paxtakor» turnirdagi ishtirokini yakunladi. «Al-Hilol» esa chorak finalga yoʻl oldi.

Avvalroq Kursiv Uzbekistan «Paxtakor» Toshkentda «Al-Hilol» ustidan gʻalaba qozongani haqida...

Shavkat Mirziyoyev rasmiy tashrif bilan Fransiya poytaxti Parij shahriga yetib bordi. Bu haqda prezident matbuot xizmati xabar bermoqda.

Davlat rahbarini Fransiya milliy ta’lim, oliy ta’lim va ilmiy tadqiqotlar vaziri Elizabet Born, Parij harbiy okrugi qoʻmondoni general Loik Mizon va boshqa rasmiy shaxslar kutib olgan.

Eslatib oʻtamiz, Kursiv Uzbekistan Shavkat Mirziyoyev BAA rahbarini tavallud kuni bilan qutlagani haqida yozgan edi.

12-mart kuni O‘zbekiston hududida mahalliy vaqt bilan soat 06:16 da 2-3 ballik zilzila sodir bo‘ldi. Bu haqda FVV Seysmoprognostik monitoring respublika markazi xabar qildi.

Zilzila episentri poytaxtdan 19 km shimoliy-g‘arbda, Toshkent tumanida joylashgan.

Shuningdek, bu zilzilani Olmazor, Shayxontohur, Uchtepa, Chilonzor, Mirzo Ulug‘bek va Yakkasaroy tumanlarida yashovchi aholi ham sezgan.

Avvalroq Kursiv Uzbekistan 23-yanvar kuni Buxoroda zilzila sodir bo‘lgani haqida yozgandi.

12-mart kuni O‘zbekiston bo‘ylab havo biroz bulutli bo‘lib, yog‘ingarchilik kutilmaydi. Bu haqda «O‘zgidromet» agentligi ma’lum qildi.

Unga ko‘ra, Toshkent shahrida havo ochiq bo‘lib, kunduzi 18-20 daraja iliq bo‘ladi.

Qoraqalpog‘iston va Xorazmda kechasi 0-5 daraja, kunduzi 10-15 daraja iliq bo‘lishi kutilmoqda.

Buxoro va Navoiy viloyatlarida kechasi 2-7, kunduzi 15-20 daraja iliq bo‘ladi.

Toshkent, Sirdaryo, Samarqand va Jizzax viloyatlarida kechasi 4-9, kunduzi esa 15-20 daraja iliq bo‘lishi kutilmoqda.

Qashqadaryoda harorat kechasi 5-10, kunduzi 18-23 daraja iliq atrofida bo‘ladi.

Surxondaryoda ba’zi joylarda yomg‘ir yog‘ishi mumkin, harorat 7-12 daraja iliq, kunduzi esa 18-23 daraja iliq bo‘ladi.

12-mart, chorshanba kuni muborak Ramazon oyining o‘n ikkinchi kuni bo‘lib, Toshkent shahrida saharlikning tugashi soat 5:22 ni tashkil qiladi. Iftorlik esa 18:29 da boshlanadi.

O‘zbekistondagi qolgan shaharlardagi vaqtlar quyidagi jadvalda keltirilgan.

Eslatib o‘tamiz, avvalroq kimlar ro‘za tutmasligi mumkinligi haqida maqola tayyorlab bergan edik.

O‘zbekiston ekologiya sohasidagi xalqaro hamkorlikni kuchaytirish maqsadida Orxus konvensiyasiga rasman qo‘shildi. Bu haqda Ekologiya vazirligi ma’lum qildi.

Unga ko‘ra, 2025-yil 11-mart kuni prezident tomonidan imzolangan qonun atrof-muhitga oid axborotga ochiq kirish, jamoatchilikning qaror qabul qilish jarayonida ishtiroki va odil sudlovga erishishini ta’minlaydi.

Konvensiya davlat organlaridan ekologik holat haqida ishonchli ma’lumot berish, atrof-muhitga ta’sir qiluvchi qarorlarni muhokama qilishda fuqarolar ishtirokini kengaytirish va sohani rivojlantirishga qaratilgan chora-tadbirlarni belgilaydi.

Mazkur kelishuv O‘zbekistonning ekologik xavfsizlikni ta’minlash borasidagi xalqaro majburiyatlarini mustahkamlab, global hamkorlikda faol ishtirok etishiga xizmat qiladi.

Eslatib o‘tamiz, avvalroq Jahon banki va O‘zbekiston Markaziy Osiyoda yer degradatsiyasiga qarshi kurashishi haqida yozgan...

Uzbekistan Airways 13-mart kuni Toshkent – Parij – Toshkent yo‘nalishida qo‘shimcha HY8251/8252 reysini amalga oshiradi. Bu haqda aviakompaniya rasmiy sahifasida ma’lum qilindi.

Toshkentdan parvoz 09:25 da (Toshkent vaqti), Parijga yetib borish 13:30 da (Parij vaqti). Parijdan qaytish 15:00 da (Parij vaqti) bo‘lib, Toshkentga 02:00 da (ertasi kuni, Toshkent vaqti) yetib keladi.

Aviabiletlar sotuvda. Xarid qilish uchun booking.uzairways.com sayti, mobil ilova, Uzbekistan Airways Sales filiallari yoki rasmiy agentlarga murojaat qilishingiz mumkin.

Eslatib o‘tamiz, avvalroq Shahrisabz aeroporti 25-martgacha vaqtincha yopilgani haqida yozgan edik.

O‘tgan yili dunyodagi faqat yetti davlat Jahon sog‘liqni saqlash tashkiloti (JSST) belgilagan havo sifati standartlariga javob berdi. Bu haqda IQAir ma’lum qildi.

Unga ko‘ra, eng yomon ko‘rsatkichlar Chad, Bangladesh, Pokiston, Kongo va Hindistonda kuzatilgan.

AQSh o‘zining global havo monitoring dasturini to‘xtatgani sababli kelajakda ifloslanish darajasini kuzatish yanada murakkablashishi mumkin. Mutaxassislarning ta’kidlashicha, iqlim o‘zgarishi tufayli o‘rmon yong‘inlari kuchayib, havo ifloslanishini yanada oshirmoqda.

JSST tavsiyalariga mos kelgan davlatlar orasida Avstraliya, Yangi Zelandiya, Estoniya va Karib dengizi davlatlari bor. Ammo umumiy hisobda faqat 17% shaharlar havodagi zararli «PM2.5» darajasini belgilangan me’yorda ushlab tura olgan.

Eslatib o‘tamiz, avvalroq toshkentliklar havo ifloslanishidan ogohlantirilgan...

2024-yilda O‘zbekiston va Rossiya o‘rtasidagi o‘zaro tovar ayirboshlash hajmi 11,7 mlrd dollarga yetdi. Bu haqda Rossiya hukumati ma’lum qildi.

Unga ko‘ra, Rossiya va O‘zbekiston hamkorligi Rossiya Federatsiyasi hukumatining birinchi o‘rinbosari Denis Manturov hamda O‘zbekiston bosh vaziri o‘rinbosari Jamshid Xo‘jayev uchrashuvida muhokama qilindi.

O‘zbekiston tomoni ikki davlat o‘rtasidagi o‘zaro tovar ayirboshlash hajmi 11,7 mlrd dollarga yetganini ta’kidladi. Rossiya hukumatining dastlabki baholariga ko‘ra, o‘zaro savdo hajmi 2023-yil ko‘rsatkichlariga nisbatan 5,2% ga oshgan. Denis Manturov Rossiya va O‘zbekiston o‘rtasidagi mintaqalararo investitsiyaviy hamkorlikning yuqori salohiyatini qayd etdi.

O‘tgan yili O‘zbekistonga Rossiyaning 39 ta hududi rahbarlari tashrif buyurdi. Shuningdek, respublikada Rossiya universitetlarining 14 ta...

Balujiston ozodlik armiyasi jangarilari Pokiston janubi-gʻarbida yoʻlovchi poyezdini oʻqqa tutdi. Bu haqda Reuters xabar bermoqda.

Poyezdda 400 ga yaqin yoʻlovchi boʻlgan. Tasdiqlanmagan maʼlumotlarga koʻra, jangarilar ularni garovga olgan va Pokiston xavfsizlik kuchlari chekinmasa, oʻldirish bilan tahdid qilgan.

Shuningdek, poyezd togʻlar bilan oʻralgan tunnel oldida toʻgʻridan toʻgʻri toʻxtatilgan. Voqea joyida portlash sodir boʻlgani haqida maʼlumot bor.

Pokiston ichki ishlar vaziri Mohsin Naqvi hujumni qoralagan. Jangarilar poyezd yoʻlovchilarini garovga olgani haqidagi xabarlarni hozircha rasman tasdiqlaganicha yoʻq.

Eslatib oʻtamiz, Kursiv Uzbekistan Malidagi terrorchilar hujumi 77 kishining hayotiga zomin boʻlgani haqida yozgan edi.

Samarqand viloyatida uchta tarixiy masjid noqonuniy ravishda buzib tashlangan, yana bir meʼmoriy yodgorlik ruxsatsiz restavratsiya qilingan. Bu haqda Bosh prokuratura matbuot xizmati xabar berdi.

Kattaqo‘rg‘on tumanidagi «Qo‘shoq ota» masjidi buzilishi natijasida 19,6 milliard so‘m zarar yetkazildi. Shuningdek, Urgut viloyatidagi «Ahmad Yassaviy» va «Hoji O‘rinboy» masjidlari buzib tashlanib, 17 milliard so‘mlik zarar keltirildi.

Bundan tashqari, Samarqand viloyatidagi Kulba yodgorligi noqonuniy restavratsiya oqibatida 10,2 milliard so‘m zarar ko‘rgan.

Aniqlangan holatlar yuzasidan jinoyat ishi qoʻzgʻatilib, tergov harakatlari olib borilmoqda.

Eslatib oʻtamiz, Kursiv Uzbekistan nashri «Navoiyazot»da yuz bergan yongʻin oqibatida bir kishi halok boʻlgani haqida yozgan edi.

Navoiy shahridagi «Navoiy-saxovat manzili» MChJga tegishli umumiy ovqatlanish maskanida iste’molchilar huquqlari buzilgani aniqlandi. Bu haqda Raqobat qo‘mitasi xabar berdi.

Fuqaro qo‘mitasining Navoiy viloyati hududiy boshqarmasiga ushbu holat bo‘yicha murojaat qilgan. Boshqarma tomonidan o‘tkazilgan tekshiruv davomida taomnomalarning davlat tilida taqdim etilmagani, mahsulotlar narxnomalari, ish rejimi hamda QR-kodli ma’lumotlar joylashtirilmagani ma’lum bo‘ldi.

Maxsus komissiya tomonidan «Navoiy-saxovat manzili» MChJga qonun talablariga rioya etish bo‘yicha bajarilishi majburiy bo‘lgan ko‘rsatma berildi. Shuningdek, jamiyat mas’uliga nisbatan ma’muriy bayonnoma rasmiylashtirilib, tegishli sud organiga yuborildi.

Avvalroq Kursiv Uzbekistan Raqobat qo‘mitasi «Agrobank» va «Ipoteka-bank»ka nisbatan ish ochgani haqida yozgandi.