Yangiliklar

Endilikda Rossiyada spirtli ichimlik yoki giyohvandlik moddasi ta’sirida transport vositasini boshqargan migrantlar, jumladan, o‘zbekistonliklar ham mamlakatda yashash ruxsatnomasidan mahrum etilishi mumkin. Bu haqda TASS xabar berdi.

Tegishli qonun loyihasini Rossiya Davlat Dumasiga «Adolatli Rossiya — haqiqat uchun» partiyasi fraksiyasi rahbari Sergey Mironov va deputat Fedot Tumusov taqdim etgan. Tashabbusga ko‘ra, agar xorijiy fuqarolar mast holatda avtomobil boshqargan bo‘lsa, ularga vaqtincha yashash ruxsatnomasini berish rad etiladi yoki u bekor qilinadi.

Mironovning so‘zlariga ko‘ra, ushbu hujjatning qabul qilinishi yo‘l-transport hodisalari sonini kamaytirish va harakat xavfsizligini oshirishga xizmat qiladi.

2025-yil boshiga ko‘ra, chet elda 1,35 millionga yaqin o‘zbekistonliklar mehnat qilmoqda. Shundan...

21-oktabr uchun valyuta kurslari e’lon qilindi. Shu kun uchun AQSh valyutasi 12 060,15 so‘m (-48,09 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 14-oktabr uchun dollar 12 149,55 so‘m (+8,64 so‘m) etib belgilangan edi. 15-oktabr kuni dollar 35,56 so‘m oshib 12 185,11 so‘mga teng bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi.

Markaziy bank ma’lumotlariga ko‘ra, yevro 104,53 so‘mga tushib, 14 064,55 so‘mni, rubl esa...

Dushanba kuni xalqaro bozorda neft narxlari yana pasaydi. Mutaxassislar buning sababini bozorda neft taklifi ortib ketayotgani va AQSh bilan Xitoy o‘rtasidagi savdo keskinligi bilan izohlashmoqda. Bu haqda Reuters xabar berdi.

Bugun soat 09:38 holatiga ko‘ra, Brent markali neft narxi 18 sentga tushib, bir barrel uchun $61,11, WTI markali Amerika nefti esa 17 sentga arzonlab, $57,37 bo‘ldi. Bozor tahlilchilari aytishicha, hozir savdogarlar neft tanqisligidan emas, balki ortiqcha neft to‘planib qolishidan xavotirda.

Bu holatda kompaniyalar neftni saqlab turib, keyinroq qimmatroq narxda sotishga harakat qiladi. Xalqaro energetika agentligi 2026-yilga borib dunyo bozorida neft taklifi ortib, narxlar bosimi kuchayishini taxmin qilgan.

Narxlarning pasayishiga...

Toshkentda qozog‘istonlik bloger Arujan Aybekova tomonidan suratga olingan ijtimoiy tajriba tarmoqlarda katta bahs-munozaraga sabab bo‘ldi.

Videoda bloger poytaxtdagi jamoat joylarida begona erkaklar yoniga o‘tirib, ularning roziligisiz ularga tegadi va kameraga qarab jilmayadi. Mazkur lavha qisqa vaqt ichida Instagram tarmog‘ida ommalashib, o‘zbekistonlik foydalanuvchilar orasida keskin tanqidga uchradi.

Ko‘plab foydalanuvchilar bu holatni nojo‘ya xatti-harakat deb baholashgan. Ularning fikricha, bunday videolar, ayniqsa, jamoat transportida ayollarga nisbatan tez-tez uchrayotgan tazyiq va bezorilik holatlari fonida, jamiyatda salbiy munosabat uyg‘otadi.

Faollar bu videoni provokatsion deb atab, voqeaga huquqiy baho berishni so‘rashgan. O‘zbekiston qonunchiligiga ko‘ra, jamoat tartibini buzish ma’muriy javobgarlikka sabab bo‘lishi mumkin.

Bloger hozircha tanqidlarga...

«Toshkent» respublika fond birjasi (RFB)da joy olgan yuqori likvidli aksiyalarning aksariyati 10-oktabrdan 17-oktabrgacha bo‘lgan davrda turli dinamikani ko‘rsatib, UCI fond indeksi 1,9 foizga pasaydi.

Ushbu davr mobaynida «Uzbekinvest» aksiyalari eng katta o‘sishga erishib, 11,97 foizga qimmatlashdi. Shuningdek, «O‘zsanoatqurilishbank» (+6,90%) va «O‘zRTXB» (+6,78%) aksiyalarida ham o‘sish qayd etildi.

O‘z navbatida, «Qashqadaryo texnologik transport» aksiyalari 42,10 foizga arzonlashib, haftaning eng katta pasayishini qayd etdi. Bundan tashqari, «Garant bank» (-28,47%) va «O‘zbektelekom» (-7,53%) aksiyalari ham pasayish bilan ajralib turdi.

Ushbu davrda bitimlar soni bo‘yicha «Qashqadaryo texnologik transport» (1098 ta), «Kapital sug‘urta» (481 ta) va «Chilonzor buyum savdo kompleksi» (450 ta bitim) peshqadam...

Janubiy Koreya sudi 8 yoshli qizaloqni pichoqlab o‘ldirgan o‘qituvchini umrbod qamoq jazosiga hukm qildi. Bu fojia butun mamlakatni larzaga soldi.

Sud ma’lumotiga ko‘ra, 48 yoshli Myon Je Van fevral oyida maktab o‘quvchisi Kim Xe Nilni sinf xonasiga aldab chaqirgan va unga pichoq bilan hujum qilgan.

Prokuratura o‘qituvchiga o‘lim jazosi berilishini talab qilgan. Biroq sud hukmida jinoyatni qayta sodir etish xavfi yuqori bo‘lsa-da, uni o‘lim jazosiga hukm qilish uchun yetarli asos yo‘qligi aytilgan.

«Butun umr xatolarim haqida o‘ylab yashayman», — deydi Myon sudda qilgan ishidan pushaymon ekanini bildirib.

Qizaloq maktab avtobusidan tushmaganidan so‘ng yo‘qolgan deb...

O‘zbekiston hududida hafta davomida havo asosan biroz bulutli va quruq bo‘ladi. Bu haqda «O‘zgidromet» xabar bermoqda. Aksar viloyatlarda yog‘ingarchilik kutilmaydi, shamol esa sharqdan 7–12 m/s tezlikda esadi.

22 – 25-oktabr kunlari O‘zbekiston hududida havo, asosan, biroz bulutli va quruq bo‘ladi. Aksar viloyatlarda yog‘ingarchilik kutilmaydi, shamol sharqdan 7–12 metr tezlikda esadi. Qoraqalpog‘iston Respublikasi va Xorazm viloyatida havo biroz bulutli bo‘lib, yog‘in kuzatilmaydi. Kechasi 3–8 daraja iliq, kunduzi esa 18–23 daraja atrofida bo‘ladi.

Buxoro va Navoiy viloyatlarida ham havo ochiq va sokin bo‘ladi. Kechasi 8–13 daraja, kunduzi 22-oktabrda 25–30 daraja, 23–25-oktabr kunlari esa 23–28 daraja iliq bo‘lishi kutilmoqda. Toshkent, Sirdaryo, Jizzax...

Chery kompaniyasining Jetour brendi 19-oktabr kuni yangi Jetour Zongheng G700 gibrid modelini rasman taqdim etdi. Bu haqda CarNewsChina xabar bermoqda.

Model to‘rtta komplektatsiyada sotuvga chiqdi, narxi 329,9 ming yuandan 414,9 ming yuangacha (taxminan $46,3 ming – $58,2 ming) etib belgilangan.

Yangi Zongheng G700 1 400 km masofani bosib o‘tish imkoniyatiga ega bo‘lib, tashqi kislorod generatori va harbiy darajadagi turboprop tizimi bilan jihozlangan.

Uning o‘lchamlari 5198×2050×1956 mm, g‘ildirak bazasi esa 2870 mmni tashkil etadi. Og‘irligi 3 tonna, tirkama tortish quvvati esa 2,5 tonnani tashkil etadi. Avtomobil 5 va 6 o‘rindiqli variantlarda, 7 xil rangda – to‘q sariq, ko‘k, jigarrang, kumush...

Knudtsen Chevrolet dileri oktabr oyida yangi avtomobil xarid qilgan mijozlarga AQSh bayrog‘i va $500lik vaucher sovg‘a qilmoqda. Bu haqda Carcoops xabar bermoqda.

Vaucher Black Sheep do‘konida ishlaydi. U yerda bu pulga qurol olish mumkin. Aksiya «God, Guns and America» deb ataladi.

Mijozlar bayroq va vaucher bilan suratga tushmoqda. Bir nechta xaridorlar bir xil o‘q-dorivor bilan fotosuratlarini ijtimoiy tarmoqlarga joylashdi.

Diler o‘z avtomobil bilan qurolni to‘g‘ridan to‘g‘ri berayotgani yo‘q. Black Sheep do‘konida Springfield Hellcat kabi qurol $550 atrofida turadi. Xaridorlarga qo‘shimcha $50 to‘lashga to‘g‘ri keladi.

Aksiya natijasida sotuvlar oshgan. Ba’zi odamlar buni provokatsion deb qabul qilmoqda.

Eslatib o‘tamiz, Kursiv...

Rossiyaning Orenburg viloyatidagi yirik gazni qayta ishlash zavodi Ukraina dronlari hujumi ortidan Qozog‘istondan gaz qabul qilishni to‘xtatdi.

Mahalliy hokimiyat ma’lumotiga ko‘ra, hujum oqibatida zavod sexlaridan birida yong‘in chiqqan, biroq olov keyinchalik o‘chirilgan. «Gazprom»ga qarashli korxona Orenburg gazkimyo majmuasining bir qismi bo‘lib, u yiliga 45 milliard kub metr gazni qayta ishlash quvvatiga ega. Zavod Qozog‘istonning Karachaganak konidan ham xomashyo oladi.

Bu Orenburg gaz zavodiga uyushtirilgan birinchi hujum bo‘lib, Ukraina bu zarbani tasdiqladi. Kiyev rasmiylari so‘nggi oylarda Rossiyaning neft va gaz infratuzilmasiga hujumlarni kuchaytirgan — bu orqali Rossiya yonilg‘i ta’minotini izdan chiqarish va urushni moliyalashtirish imkoniyatlarini cheklash maqsad qilingan.

Shuningdek, Rossiyaning...

Surxondaryo viloyatida qurilish loyihasini tasdiqlash jarayonida firibgarlik holati aniqlandi. Bu haqda Davlat xavfsizlik xizmati xabar berdi.

Unga ko‘ra, qurilish ishlarini loyihalashtirishga ixtisoslashtirilgan mas’uliyati cheklangan jamiyat (MChJ)ning arxitektori Muzrabot tumanida yashovchi fuqaroga tegishli, qurilishi tugallanmagan bino loyihasi tegishli joylardan tasdiqlatishga va’da bergan. U buning evaziga 17 million so‘m talab qilgan.

Davlat xavfsizlik xizmati va ichki ishlar organlari tomonidan o‘tkazilgan tezkor tadbirda arxitektor pulni olayotgan vaqtda ashyoviy dalillar bilan qo‘lga olingan.

Shuningdek, tekshiruv davomida u olingan pulning bir qismini — 1 million so‘mni Muzrabot tumani Qurilish va uy-joy kommunal xo‘jaligi bo‘limi boshlig‘iga berishni rejalashtirgani aniqlangan. Mazkur mansabdor ham pulni olayotgan paytda...

Boliviyada o‘tgan prezidentlik saylovining ikkinchi bosqichida Rodrigo Paz g‘alaba qozonib, mamlakatda qariyb 20 yil davom etgan Xorxe Kiroga davriga yakun yasadi.

Dastlabki natijalarga ko‘ra, Paz 54,5 foiz, raqibi konservativ nomzod Xorxe Kiroga esa 45,5 foiz ovoz oldi. Shu tariqa 58 yoshli senator mamlakatning keyingi prezidenti bo‘ladi. U 8-noyabr kuni lavozimiga kirishadi.

Paz Xristian-demokratik partiyasi nomidan saylovda qatnashdi. U ijtimoiy dasturlarni saqlab qolish, ammo xususiy sektor o‘sishini rag‘batlantirish tarafdori. Ayni paytda partiyasi parlamentda ko‘pchilik o‘ringa ega emas, bu esa yangi hukumatni siyosiy ittifoqlar tuzishga majbur qiladi.

Pazning g‘alabasi 2006-yildan buyon mamlakatni boshqarib kelgan Xorxe Kiroga uchun jiddiy zarba bo‘ldi. So‘nggi...

Flagman smartfonlar faqat kuchli texnik ko‘rsatkichlar bilan emas, balki foydalanuvchi tajribasi bilan ham ajraladi. Vivo X300 Pro nisbatan arzonroq narxda yuqori quvvat va katta batareya bilan e’tiborni tortsa, Samsung Galaxy S25 Ultra esa mukammal dizayn, uzoq muddatli yangilanishlar va aqlli funksiyalar bilan yetakchilikni saqlamoqda. Gizmochina texnologiyalar nashri tomonidan Samsung S25 Ultra va Vivo X300 Pro smartfonlari taqqoslandi.

Dizayn va ekran

Tashqi ko‘rinish va mustahkamlik: Vivo X300 Pro alyuminiy korpus, shisha orqa panel va IP68/IP69 himoya darajasi bilan jihozlangan. Bu nafaqat chang, balki kuchli suv bosimiga ham bardosh berishni anglatadi. Shu bilan birga, egri shaklli dizayn va silliq oynavand...

Dushanba kuni erta tongda Gonkong xalqaro aeroportida yuk samolyoti uchish-qo‘nish yo‘lagidan chiqib ketib, dengizga qulab tushdi. Hodisa oqibatida aeroportning ikki xodimi halok bo‘ldi.

Rasmiylarga ko‘ra, Turkiyaning ACT Airlines kompaniyasiga tegishli Boeing samolyoti mahalliy vaqt bilan soat 3:50 atrofida qo‘nish jarayonida yo‘nalishdan og‘ib ketgan va yo‘lakka urilib ikki qismga bo‘lingan.

Aeroportning xavfsizlik xizmati patrul mashinasi aynan shu paytda yo‘lakda bo‘lgan. Samolyot avtomobilga urilib, uni dengizga tushirib yuborgan. Ikkala xodim voqea joyida halok bo‘lgani aytilmoqda.

Samolyot bortida bo‘lgan to‘rt nafar ekipaj a’zosi mahalliy shifoxonalarga olib ketilgan. Gonkong Fuqaro aviatsiyasi boshqarmasi texnik direktori Uesli Yanning so‘zlariga ko‘ra, samolyot qo‘nish paytida hech qanday...

Ayrim qonun hujjatlariga kiritilgan qo‘shimcha va o‘zgartirishlarga ko‘ra, muvofiqlikni baholash qoidalarini buzgan tashkilotlarning mas’uliyati oshiriladi.

Endi bu jarayonda fuqaroning hayoti yoki sog‘lig‘iga zarar yetkazilsa, muvofiqlikni baholash organi mahsulotni ishlab chiqaruvchi, sotuvchi yoki xizmat ko‘rsatuvchi bilan birgalikda zarar uchun javobgar bo‘ladi.

Shuningdek, agar ishlab chiqaruvchi yoki sotuvchi standart talablariga javob bermaydigan mahsulotning kamida 70 foizini qonuniy tartibda qaytarib olsa, moliyaviy sanksiyadan ozod qilinadi.

Texnik reglamentlarga javob bermaydigan mahsulotlarni qaytarib olgan ishlab chiqaruvchilar, ularning vakillari, sotuvchilar yoki import qiluvchilar ham xuddi shunday imtiyozga ega bo‘ladi.

Bundan tashqari, muvofiqlikni baholash qoidalarini buzgan organlar va ularning mas’ul shaxslari qonun va tuzilgan shartnomalarga...

SAIC-GM-Wuling (SGMW) yangi Wuling Starlight 560 avtomobilini taqdim etishga tayyorlanmoqda. CarNewsChina nashrining yozishicha, modelning rasmiy namoyishi 2025-yil oxirigacha bo‘lib o‘tadi.

Wuling Starlight 560 kompaniya uchun muhim yangilik hisoblanadi. Chunki u uch xil turdagi dvigatel bilan ishlab chiqariladi: benzinli (ICE), gibrid (PHEV) va to‘liq elektr (BEV).

Tashqi ko‘rinish jihatidan Starlight 560 avvalgi Starlight 730 modelini eslatadi. Benzin va gibrid variantlar Honeycomb naqshli qora radiator panjarasi va ikki qatlamli LED faralar bilan jihozlangan. Elektr versiyada esa old panel yopiq shaklda bo‘lib, faralar qora panel bilan tutashtirilgan, pastki qismida esa to‘rtburchak havo kirish teshigi joylashgan.

Avtomobilning o‘lchamlari 4745×1850×1755 mm bo‘lib, g‘ildirak bazasi...

Yaqinda OnePlus 15 smartfonining global versiyasi Geekbench ma’lumotlar bazasida ro‘yxatdan o‘tdi. Bu haqda Gizmochina nashri ma’lum qildi.

Qurilma CPH2745 modeli sifatida qayd etilgan, Xitoy bozoridagi varianti esa PLK110 nomi ostida tanilgan.

Test natijalariga ko‘ra, OnePlus 15 Snapdragon 8 Elite Gen 5 protsessorida ishlaydi va 3615 ball (bir yadro), 10 261 ball (ko‘p yadro) ko‘rsatkichlarini qayd etgan. Bu chip hozircha Qualcomm oilasidagi eng kuchli tizimlardan biri hisoblanadi.

Smartfon 12 GB tezkor xotira bilan jihozlangan va Android 16 tizimi asosidagi OxygenOS 16 interfeysida ishlaydi. Xitoy versiyasi esa an’anaviy tarzda ColorOS 16 bilan chiqadi.

Qurilmada 6,78 dyuymli BOE X3 OLED displey o‘rnatilgan...

Amerikaning CNN Travel nashri dunyodagi eng yaxshi 50 ta non turi ro‘yxatiga o‘zbek nonini ham kiritdi.

Nashr nonning nafaqat betakror ta’mi, balki badiiy ko‘rinishi va an’anaviy tandirda tayyorlanish usulini alohida e’tirof etdi.

Maqolada ta’kidlanishicha, O‘zbekistonda non oddiy taom emas, balki milliy san’atning bir ko‘rinishi sifatida qadrlanadi. Tandirda yopilgan nonlar o‘ziga xos naqsh, o‘yma va shtamplar bilan bezatiladi, bu esa ularni haqiqiy badiiy asarga aylantiradi.

Hududiy xususiyatlarga ham to‘xtalib o‘tilgan:
– Toshkent nonlari yumshoqligi va yoqimli hidi bilan ajralib turadi;
– Samarqand nonlari esa qora sedana sepilgan, zich va o‘ziga xos ta’mga ega;
– Har bir viloyatning noni o‘sha hududning madaniy ruhini ifodalaydi.

O‘zbekiston terma jamoasining sobiq bosh murabbiyi Srechko Katanesning uch nafar yordamchisi FIFAga murojaat qilib, O‘zbekiston futbol assotsiatsiyasi (O‘FA)dan 350 ming yevro to‘lovni undirishni so‘ragan.

Mutaxassislar FIFAning Nizolarni hal etish palatasiga ariza topshirgan. Ularning ma’lum qilishicha, O‘FA ular bilan tuzilgan shartnomaviy majburiyatlarni bajarmagan.

Ularning shartnomasi 2026-yil yozigacha mo‘ljallangan bo‘lgan. Biroq Fabio Kannavaro bosh murabbiy etib tayinlangach Katanesning butun shtabi bilan tuzilgan bitimlar bekor qilingan.

O‘FA esa bu qarorni xalqaro futbol amaliyotiga mos tarzda qabul qilinganini ta’kidlamoqda. Ularning bayonotiga ko‘ra, «bosh murabbiy bilan shartnoma bekor qilinganda, yordamchilarning shartnomalari ham avtomatik ravishda o‘z kuchini yo‘qotadi» degan band mavjud.

Assotsiatsiya, shuningdek, Katanesning sobiq...

Jetta kompaniyasi tomonidan Jetta VS5 2026 avtomobili taqdim etildi. Bu haqda Autohome texnologiya nashri xabar bermoqda.

Tashqi va ichki ko‘rinish avvalgidek qolgan bo‘lsa-da, jihozlanishda ayrim o‘zgarishlar kiritilgan. Zaxira g‘ildirak asosiy komplektatsiyadan olib tashlangan, u alohida opsiya sifatida taklif etiladi. Bazaviy versiyada esa shinalarni ta’mirlash to‘plami mavjud.

Model 88 mingdan 122 ming yuangacha (taxminan $12 ming – $17 ming) bo‘lgan narxlarda to‘qqiz xil komplektatsiyada sotuvga chiqdi.

Jetta VS5 Volkswagen MQB platformasida yaratilgan bo‘lib, u Skoda Karoq va boshqa Volkswagen AG avtomobillariga o‘xshash. Salonida 8 yoki 10 dyuymli multimedia ekrani (CarPlay qo‘llab-quvvatlovi bilan), mexanik boshqaruv tugmalari, iqlim nazorati va haydovchiga yordam...

Realme kompaniyasi Xitoyda yangi Realme GT 8 seriyasini taqdim etadi. Bu haqda Gizmochina nashri xabar bermoqda.

Ma’lum qilinishicha, GT 8 modeli ham Pro versiyadagi kabi Ricoh GR darajasidagi tasvirlash tizimi bilan jihozlanadi. Qurilmada 50 MP periskop telefoto kamera o‘rnatiladi va u almashtiriladigan kamera modulini qo‘llab-quvvatlashi kutilmoqda.

Old panelda 2K 144 Hz OLED displey joylashgan. Uning yuragida Snapdragon 8 Elite chipseti ishlaydi. Qurilma Android 16 asosidagi Realme UI 7 tizimi bilan ta’minlanadi.

Manbalarga ko‘ra, Realme GT 8 6,78 dyuymli ekran, 7 000 mAh batareya va 100 Vt tezkor zaryadlash texnologiyasiga ega bo‘ladi. Orqa kameralar tizimi 50 MP asosiy va...

Yangihayot tumanida bolaning hayotini saqlab qolgan Toshkent kimyo-texnologiya instituti talabasi Muhriddin Ilashov Oliy ta’lim, fan va innovatsiyalar vaziri Qo‘ng‘irotboy Sharipov tomonidan taqdirlandi. Bu haqda vazirlik matbuot xizmati xabar berdi.

Ma’lumot uchun, 16-oktabr kuni Muhriddin Ilashov 4-qavat balkonida osilib qolgan bolani qutqarib, uning hayotini saqlab qolgan edi.

Shu munosabat bilan vazir talabaga tashakkurnoma va esdalik sovg‘asi topshirdi.

Avvalroq Kursiv Uzbekistan Chimyon tog‘ida adashib qolgan yetti kishi qutqarilgani haqida yozgandi.

Migratsiya agentligi Rossiyaga yuk tashuvchi o‘zbekistonlik haydovchilarga muhim eslatma bilan chiqdi.

2025-yil holatiga ko‘ra, Rossiyada xalqaro avtomobil yuk tashishlarning 25 foizga yaqini o‘zbekistonlik haydovchilar tomonidan amalga oshirilmoqda. Biroq ayrimlar migratsiya qoidalariga amal qilmagani sababli Rossiya Ichki ishlar organlarining «kirishi man etilgan shaxslar» ro‘yxatiga tushib qolmoqda.

Shu sababli agentlik har bir haydovchi quyidagi qoidalarga qat’iy rioya qilishi kerakligini ta’kidlamoqda. Unga ko‘ra:

O‘zbekistondagi vokzal, stansiya hamda razyezdlarning nomlari davlat tili qoida va me’yorlariga muvofiqlashtiriladi. Bu haqda hukumat qarori qabul qilindi.

Transport vazirligi hamda «O‘zbekiston temir yo‘llari» AJ 3 oy muddatda barcha peshlavhalar va axborot ko‘rsatkichlaridagi yozuvlarni lotin yozuviga asoslangan o‘zbek tili me’yorlariga mos shaklda qayta yozishi lozim.

Masalan, Qoraqalpog‘istonda hozirgacha Kungrad, Turtkul, Xodjeyli nomlari bilan yuritilgan vokzallar endi Qo‘ng‘irot, To‘rtko‘l, Xo‘jayli tarzida yoziladi.

Nomlarning o‘zgartirilishi bilan bog‘liq ravishda barcha ruxsat hujjatlari va ma’lumotlar bazalariga tegishli tuzatishlar kiritiladi.

Umuman olganda, ro‘yxatga Qoraqalpog‘iston Respublikasi, viloyatlar va Toshkent shahridagi jami 320 ta obyekt – vokzal, stansiya va razyezdlar kiritilgan.

Avvalroq «Kursiv» nashri o‘zbek tilida...