Yangiliklar

Joriy yilda Rossiyadan gaz quvurining o‘rtacha narxi 1 ming kub metr uchun $297 ni tashkil etadi, deb yozadi «Vedomosti» Narx indekslari markazi (NIM) ma’lumotlariga tayanib.

Fevral va iyun oylaridagi prognozlarda markaz tahlilchilari yoqilg‘ining eksport narxini mos ravishda $270 va $277 deb prognoz qilgan.

Ko‘rsatkich yaxshilanganiga qaramay Rossiya gazi narxlari prognozi o‘tgan yildagidan past. O‘shanda u $305 edi.

NIM prognozlariga ko‘ra, kelgusi yilda Rossiyadan gaz $266 ga, 2026-yilda $247 ga sotiladi.

Joriy yilning avgust oyi oxirida «Gazprom» konserni raisi Aleksey Miller kompaniya sakkiz oy ichida Markaziy Osiyo mamlakatlariga gaz yetkazib berishni ko‘paytirganini aytdi.

Millerning ta’kidlashicha, «Markaziy Osiyo – Markaz...

18-sentabr kuni O‘zbekiston Respublika valyuta birjasida dollarning rasmiy narxi 7,39 so‘mga o‘sdi va 12 739,95 so‘mni tashkil qildi.

Moliya institutlari AQSh valyutasini 12 670 – 12 710 so‘mdan xarid qilishmoqda va 12 740 – 12 795 so‘mdan sotishmoqda.

Eslatib o‘tamiz, mamlakatning valyuta birjasida 17-sentabr kuni dollarning qiymati 3,08 so‘mga ko‘tarilgan edi.

Germaniya hukumati O‘zbekiston fuqarolari uchun ishchi vizalarini berishni soddalashtirish niyatida, deb xabar qildi O‘zR Kambag‘allikni qisqartirish va bandlik vazirligi matbuot xizmati.

Germaniya ichki ishlar vaziri Nensi Fezer Bandlik vazirligi rahbari Behzod Musayev bilan uchrashuvda shunday bayonot berdi.

Bungacha Behzod Musayev joriy yilda O‘zbekistondan 800 nafargacha hamshira Germaniya kasalxonalariga ishga yuborilishini aytgan edi.

Bundan tashqari, Aaxen universiteti klinikasi Respublika tibbiyot texnikumi negizida hamshiralar akademiyasini tashkil etishga yordam beradi.

Avvalroq Kursiv Uzbekistan O‘zbekiston Germaniya bilan birgalikda Afg‘oniston aholisini kasb-hunarga o‘rgatishga tayyor ekani haqida yozgan edi.

Yandex Uzbekistan ICT Week konferensiyasida oktabr oyidan boshlab Toshkentda Yandex kuryerlari uchun maxsus dizayndagi elektrovelosipedlarni taqdim etadi. Bu haqda Kursiv Uzbekistan’ga kompaniya axborot xizmati xabar berdi.

Velosipedlar xavfsizlik nuqtai nazaridan tezlikni majburiy nazorat qiluvchi loT tizimi bilan jihozlangan bo‘ladi. Shuningdek, oktabr oyidan boshlab Yandex Go xizmatining Eats kuryerlari ushbu velosipedlardan foydalanishi mumkin bo‘ladi.

Ma’lumot uchun, elektrovelosipedlarda o‘rnatilgan loT tizimi odamlar gavjum joylarda majburiy tezlikni pasaytiradi. Shuningdek, termosumkani mustahkamlash uchun maxsus yukxona mavjud bo‘ladi. Eng muhimi smartfonlarni quvvatlash uchun USB-portlarga ham ega bo‘ladi.

«Shu tariqa biz xavfsizlik xususiyatlari bilan ajralib turadigan qulay va ishonchli transport vositasini yaratdik», deydi Yandex...

18-sentabr, chorshanba kuni bitkoin kursi 12:47 da $60,4 mingga yetdi, kun davomida uning narxi 2,99 foizga oshdi, deb xabar berdi Coindesk. Milliy Uznex kriptobirja ma’lumotlariga ko‘ra, Toshkent vaqti bilan soat 15:16 da bitkoin narxi $59,4 mingga pasaydi.

Coindesk ma’lumotlari bo‘yicha, kriptovalyutalarning bozor kapitallashuvi $1,19 trillionga baholanmoqda. Bitkoinning 24 soat ichida maksimal qiymati 61,3 ming dollarni, minimal qiymati esa 58,6 ming dollarni tashkil etdi (Coindesk).

Avvalroq Kursiv Uzbekistan bitcoin kursi $50,2 mingga tushib ketgani haqida yozgan edi.

Andijonda «Vodiy sanoat faxri» MCHJ tomonidan 2,4 tonnadan iborat 42.5 mlrd so‘mlik paxta chigit mahsulotlarini birja savdosiga qo‘ymay tuzilgan shartnomaga muvofiq «Sof tex» MCHJga sotganligi aniqlandi. Bu haqda qo‘mita axborort xizmati xabar berdi.

Ma’lum qilinishicha, 2023 – 2024-yillardagi birja katirovka narxlari bilan mahsulot sotilgan narxlari solishtirilganda 3 ta holatda o‘rtadagi tafovut  152 mln so‘mni tashkil etgan.

Bundan tashqari, yana 14 ta holatda birja kotirovka narxlari bilan mahsulot narxlari solishtirilganda 361 tonna turli navli mahsulotlarda jami 1,4 mlrd so‘mga teng miqdorda farq yuzaga kelgan.

Mazkur holat yuzasidan, maxsus komissiya tomonidan «Raqobat to‘g‘risida»gi qonunga binoan jamiyatga nisbatan tegishli tartibda ish qo‘zg‘atilib...

Apple foydalanuvchilarning fikriga ko‘ra, iOS 18 qurilmalarning quvvatini tez tugatish bilan birga, ularning tez qizishiga sabab bo‘lmoqda. Bu haqda New York Post nashri xabar berdi.

iOS 18 dasturiy ta’minotini o‘rnatishga shoshilayotgan foydalanuvchilarda «batareya» quvvatining tez pasayishi va boshqa bir qancha muammoli holatlarga duch kelmoqda.

Ba’zi mutaxassislar tomonidan bu kabi holatlar yangilanishdan so‘ng doimiy uchrab turadigan odatiy hol deya izohlanmoqda. iOS 17 bilan ham shunday muammolar yuzaga kelgan edi. Ushbu holatda muammolarni kamaytirish uchun qurilmani o‘chirib yoqish hamda ekran yorug‘ligini pasaytirish tavsiya etiladi.

Bundan tashqari, X ijtimoiy tarmog‘ida ham apple foydalanuvchilaridan biri «yangilanishda afsusdaman» deya izoh qoldirgan.

«Men 80% batareyada...

Surxondaryo viloyatining Boysun tumanidagi «Mustaqillikning 25 yilligi» (M-25) gaz konida 17-sentabr kuni tushdan keyin yana vodorod sulfid sizib chiqishi yuz berdi. Bosh prokuratura Ekologiya, atrof-muhitni muhofaza qilish va o‘rmon xo‘jaligi sohasidagi qonunchilik ijrosi ustidan nazorat boshqarmasi boshlig‘i O‘ktam O‘tayev ikki nafar shaxs halok bo‘lganini tasdiqladi.

«Haqiqatan, kecha siz aytgan o‘sha noxush holat bo‘yicha, 2 nafar o‘lgani bo‘yicha, voqea joyiga viloyat prokurorining o‘zi chiqqan. Hozirda tergovoldi tekshiruv harakatlari olib borilmoqda», — dedi u.

Uning qo‘shimcha qilishicha, hozirda vaziyat natijasida vafot etganlardan tashqari jarohatlangan fuqarolar ham mavjud.

«O‘lim holati bo‘lgan. Ikki nafar shaxs o‘lgani to‘g‘risidagi holat bor...

Alkogol mahsulotlari uchun yangi minimal narxlar tasdiqlandi. Soliq qo‘mitasi qarori Adliya vazirligi tomonidan davlat ro‘yxatidan o‘tkazildi.

Unga ko‘ra, 1 litr vino ishlab chiqaruvchi korxonalar uchun 14 400, ulgurji savdo uchun 15 100 va minimal narxda 16 400 so‘m etib belgilandi.

1 litr aroq va boshqa alkogol mahsulotlarining ishlab chiqarilgan korxonada 37 000, ulgurji savdoda 39 000 hamda eng kam sotish uchun 43 000 so‘m qiymatda sotilishi tasdiqlandi.

Konyak (1 litr) uchun ham narxlar mos ravishda 57 400, 60 500 va 66 000 so‘m etib belgilab qo‘yildi.

2023-yildagi narxlar bilan solishtirganda vino, aroq va konyak uchun narxlarda farq...

Toshkent viloyatining Olmaliq hamda Bekobod tumanlarida elektr energiyasidan noqonuniy foydalanish bilan bog‘liq holatlar qayd etildi. Bu haqda Iqtisodiy jinoyatlarga qarshi kurash departamenti matbuot xizmati xabar berdi.

Olmaliqda maktab hududida ochilgan eshik-rom ishlab chiqaruvchi korxona «G.G.» MCHJ tomonidan umumiy foydalanishdagi elektr tarmog‘iga to‘g‘ridan-to‘g‘ri ulanib 355,7 mln so‘mlik energiyadan noqonuniy foydalangan.

Bekobod tumanidagi «D.D» YaTT avtomobil yuvish shoxobchasidagi ikkinchi holatda esa, 135,9 mln so‘mlik energiyadan noqonuniy foydalanilgan.

Bundan tashqari, Farg‘ona viloyatida fuqaro tomonidan novvoyxonada gaz tarmog‘iga o‘zboshimchalik bilan ulanish natijasida 109,3 mln so‘mlik tabiiy gazdan noqonuniy foydalanganlik holati aniqlangan.

Shuningdek, fuqaro tomonidan yetkazilgan zararni to‘lamaslik maqsadida novvoyxonani boshqa bir fuqaroga joriy...

Korrupsiyaga qarshi kurashish agentligi tomonidan 148 nafar boshqaruv xodimi tadbirkorlik subyektlarida ta’sischilik asosida faoliyat yuritib kelayotgani aniqlandi. Bu haqda agentlik matbuot xizmati xabar berdi.

Jumladan, «Mikrokreditbank» 94 nafar, «Biznesni rivojlantirish banki» 41 nafar hamda «Turonbank» 13 nafar boshqaruv xodimlari tomonidan jami 155 ta tadbirkorlik subyektlarida ta’sischilik asosida faoliyat yuritib kelayotgani ma’lum bo‘lgan.

Ushbu qonun buzilish holati yuzasidan agentlik mazkur banklarga taqdimnoma kiritgan.

Qonunchilikka binoan, «davlat fuqarolik xizmatchisi tadbirkorlik faoliyati bilan shug‘ullanishi taqiqlangan», deyiladi xabarda.

Avvalroq Kursiv Uzbekistan hukumat tashkilotlarida tadbirkorlik faoliyati bilan shug‘ullanganlik holati bo‘yicha 398 nafar boshqaruv xodimlari aniqlangani haqida xabar bergan edi.

Qashqadaryo viloyatidagi baland togʻli hududlarda qor yogʻdi. Bu haqda Hisor qoʻriqxonasi ma’muriyati matbuot xizmati xabar qildi.

Unga ko‘ra, qor dengiz sathidan 2,7 km balandlikdagi tog‘larda yog‘di.

Qor qoplamining qalinligi taxminan 10 sm.ni tashkil etgan, daryo va soylardagi suv muz bilan qoplangan.

Avvalroq Kursiv Uzbekistan «Qamchiq» dovonida harakat vaqtincha cheklanishi haqida yozgan edik.

18-sentabr kungi ob-havo haqida ushbu havolada o‘qishingiz mumkin.

2024-yil 18-sentabr kuni burgʻilash va portlatish ishlari amalga oshirilishi munosabati bilan «Qamchiq» dovonida transport harakati cheklandi. Bu haqda YHXX rasmiy sahifasida ma’lum qilindi.

Qayd etilishicha, tabiiy ofat oqibatlarini bartaraf etish maqsadida A-373 avtomobil yo‘lining 254,6 va 258 kilometrlari orasida portlatish ishlari amalga oshiriladi.

Shuningdek, dovonning ochilishi to‘g‘risida qo‘shimcha ma’lumotlar taqdim etiladi.

Eslatib o‘tamiz, avvalroq Kursiv Uzbekistan 18-sentabrdan 5-oktabrga qadar Toshkent shahri Bobur ko‘chasining bir qismida avtotransport vositalari harakati to‘xtatilgani haqida xabar bergan edi.

17-sentabr kuni Vena shahrida O‘zR Vazirlar Mahkamasi huzuridagi Atom energiyasi agentligi direktori Azim Axmedxadjayev va XAEA bosh direktori Rafael Grossi uchrashdilar. Bu haqda agentlik ma’lum qildi.

Unga ko‘ra, uchrashuvda «Oʻzatom» agentligini qayta tashkil etish va kam quvvatli atom elektr stansiyasini (KQAES) qurish loyihasi muhokama qilindi.

Ta’kidlanganidek, loyiha bo‘yicha dastlabki ishlar «Rosatom» davlat korporatsiyasi bilan hamkorlikda va XAEA tavsiyalariga asosan boshlandi. Loyihaning xalqaro xavfsizlik standartlariga muvofiqligini ta’minlash masalalari ham inobatga olindi.

Shuningdek, XAEA bilan birgalikda yadro texnologiyalari, jumladan, kichik modulli reaktorlarga bag‘ishlangan qo‘shma tadbirlar o‘tkazish rejalari ko‘rib chiqildi.

Ikki tomonlama hamkorlikni mustahkamlash maqsadida XAEA bosh direktori O‘zbekistonga tashrif buyuradi.

Boshlang‘ich narxi 29,7 mlrd so‘m bo‘lgan davlat xaridlarida qonun buzilishiga yo‘l qo‘ygan Urganch davlat universitetiga nisbatan Raqobat qo‘mitasi tomonidan qonuniy chora ko‘rildi. Bu haqda qo‘mita matbuot xizmati xabar berdi.

Urganch davlat universiteti tomonidan davlat sheriklik asosida 7 qavatli, 600 o‘rindan iborat turarjoy binosining qurilishi bo‘yicha belgilangan summadagi tender savdosi yuzasidan tekshiruv o‘tkazildi. Natijada obyektning sohaviy mansubligi va xavf-xatar toifasi II-toifa qilib belgilangani ma’lum bo‘ldi.

Ma’lumot uchun, Vazirlar Mahkamasining 496-qarorida 9 qavatgacha bo‘lgan Oliy ta’lim muassasalari binolari III-toifada sifatida «Shaffof qurilish» axborot tizimiga joylashtirilishi qayd etilgan.

Ammo universitet tomonidan tizimga obyekt II-toifa qilib joylanishi natijasida boshqa viloyatlar ishtiroki cheklangan.

Holat...

Joriy yilning 18-sentabr kuni taxminan soat 7:28’lar atrofida Toshkent shahar Olmazor tumanida joylashgan mebel ishlab chiqaruvchi korxonalarning birida yong‘in sodir bo‘ldi. Bu haqda Toshkent shahar FVB matbuot xizmati xabar berdi.

Voqea joyiga 7:34 da yetib brogan qutqaruv ekipajlari soat 08:56 da yong‘in batamom o‘chirdi.

Jarohat olganlar hamda vafot etganlar yo‘q. Hozirgi vaqtda yong‘in sabablari hamda yetkazilgan moddiy zararni aniqlash bo‘yicha ishlar amalga oshirilmoqda.

Eslatib o‘tamiz, avvalroq Kursiv Uzbekistan Zangiota tumanida sodir bo‘lgan yong‘in haqida ma’lumot bergan edi.

Livanda portlashlar oqibatida 9 kishi halok bo‘ldi, 3 mingga yaqin kishi yaralandi, deya aniqlik kiritdi Reuters.

Bir qator portlashlar bir kun oldin sodir bo‘lgan. «Hizbulloh» guruhi a’zolariga tegishli qurilmalar portlatildi.

Ommaviy axborot vositalari manbalariga ko‘ra, Isroilning «Mossad» razvedka agentligi peyjerlarga portlovchi modda o‘rnatgan. Besh mingtagacha qurilma buzilgan bo‘lishi mumkin.

Livan xavfsizlik xizmatidagi agentlik manbasining aytishicha, «Hizbulloh» uchun peyjerlar Tayvanning Gold Apollo kompaniyasi tomonidan ishlab chiqarilgan. Biroq firma buni qilmaganliklarini aytishga shoshildi.

«Hizbulloh» Isroilga javob zarbasi berishga va’da berdi.

Kursiv Uzbekistan Eronning Livandagi elchisi Mojtaba Amani peyjer portlashi oqibatida jabrlangani haqida yozgan edi.

Bugun, 18-sentabr kuni respublika bo‘ylab quruq va issiq havo kuzatiladi. Havo harorati 32-darajagacha ko‘tariladi. Bu haqda Gidrometeorologiya xizmati agentligi xabar beradi.

Toshkent shahrida havo biroz bulutli bo‘ladi, lekin yog‘ingarchilik kuzatilmaydi. Kunduzi havo harorati 29-31 daraja issiq bo‘ladi, kechga kelib 13-16 daraja iliq bo‘ladi.

Tog‘li hududlarda ham yomg‘ir yog‘maydi. Kunduzi havo harorati 18-23 atrofida iliq bo‘ladi, kechqurun esa 10-13 daraja salqin bo‘ladi.

Bir vaqtning o‘zida bir nechta Yevropa davlatlari kamida 21 kishining hayotiga zomin bo‘lgan keng ko‘lamli suv toshqinidan aziyat chekishda davom etmoqda, deb xabar berdi Reuters agentligi.

Tabiiy ofat Ruminiyada yetti, Polshada olti, Avstriyada besh va Chexiyada uch kishining o‘limiga olib keldi. Chexiya va Polshada o‘n minglab uylar elektr va suv ta’minotisiz qolmoqda.

Hozir Polshaning uchinchi yirik shahri – Vrotslavda suv toshqini avj pallasiga tayyorgarlik ko‘rilmoqda. Bu tarixiy aholi punkti bo‘lib, mamlakatning eng qadimgi shaharlaridan biri hisoblanadi.

Morningstar DBRS reyting agentligi Markaziy Yevropadagi suv toshqinidan ko‘rilgan zararni bir necha yuz million yevrodan bir milliard yevrogacha baholagan.

Kursiv Uzbekistan Vyetnamda «Yagi...

O‘zbekiston va Rossiyaning Moskva viloyati (MV) rasmiylari turizmni rivojlantirish bo‘yicha yig‘ilish o‘tkazdi, deb xabar qildi Rossiya Federatsiyasi Madaniyat va turizm vazirligi.

Tomonlar o‘zbekistonlik sayyohlik kompaniyalari vakillarining Moskva viloyatiga tanishuv safarlarini tashkil etishga kelishib oldilar. Bundan tashqari, respublika hududida Moskva yaqinidagi operatorlar ishtirokida ko‘rgazma loyihalari o‘tkazilishi rejalashtirilgan.

Rossiya mintaqasi vazirligi ma’lumotlariga ko‘ra, 2024-yilning birinchi yarmida O‘zbekistonga 500 mingdan ortiq sayyoh tashrif buyurgan. Yil oxiriga kelib ularning soni birinchi millionga yetishi kutilmoqda.

Avvalroq Kursiv Uzbekistan Toshkent va Moskva viloyatlari ta’lim sohasida hamkorlik qilishini yozgan edi.

17-sentabrdan 18 yoshgacha bo‘lgan Instagram ijtimoiy tarmog‘ining yangi foydalanuvchilari maxsus «o‘smirlar» akkauntlarini ochishlari mumkin, deb xabar berdi The Verge nashri.

Bu turdagi akkaunt katta yoshdagi foydalanuvchilarga nisbatan ancha qat’iy cheklovlarni nazarda tutadi. Xavfsizlik sozlamalarini yoshlarning ota-onalari o‘zgartirishlari mumkin, bir qator parametrlar foydalanuvchilarning o‘zlari uchun ham mavjud bo‘ladi, lekin faqat 16 yoshga to‘lganidan keyin.

«O‘smirlar» akkauntlari cheklovlar qatoriga quyidagilar kiradi: kechqurun soat 22:00 dan ertalab 07:00 gacha bildirishnomalarning o‘chirilishi hamda fotosuratlarga begonalarning ochiq kirish imkoniyati yo‘qligi. Bundan tashqari, yosh foydalanuvchilar ko‘rishlari mumkin bo‘lgan kontent ham cheklanadi.

Birinchi navbatda, Amerika Qo‘shma Shtatlari, Buyuk Britaniya, Kanada va Avstraliyada «o‘smirlar» akkauntlari paydo bo‘ldi...

Futzal bo‘yicha 2024-yilgi jahon chempionati doirasidagi O‘zbekiston — Paragvay o‘yini raqiblarimiz foydasiga hal bo‘ldi. Bu haqda UFA ma’lum qildi.

Unga ko‘ra, o‘yinning 35-daqiqasida Husniddin Nishonov urgan gol O‘zbekistonga ilk ochkoni olib keldi. Afsuski, oyin yakuniga qadar Paragvay terma jamoasining qo‘li ustunlik keldi va 4:1 hisobda o‘yin g‘olibiga aylandi.

Paragvay futzalchilari kiritgan gollar xronikasi quyidagicha:

16-daqiqada Xorxe Espinoza;

17-daqiqada Arnaldo Baez;

24-daqiqada Fransisko Martines;

26-daqiqada Xavyer Salaslar darvozamizni ishg‘ol etdi.

Eslatib o‘tamiz, avvalroq Oʻzbekiston Niderlandiya bilan durang natija qayd etgan edi.

Futzal bo‘yicha jahon chempionati doirasidagi bellashuvning birinchi bo‘limida Paragvay futzalchilari O‘zbekiston darvozasiga 2 marta gol urdi. Bu haqda UFA ma’lum qildi.

Unga ko‘ra, gollarga Xorxe Espinoza va Arnaldo Baez mualliflik qildi.

Eslatib o‘tamiz, avvalroq Oʻzbekiston Niderlandiya bilan durang natija qayd etgan edi.

18-sentabrdan 5-oktabrga qadar Toshkent shahridagi Bobur ko‘chasining bir qismi avtotransport vositalari harakati uchun yopiladi. Bu haqda «Hududiy elektr tarmoqlari” AJ ma’lum qildi.

Unga ko‘ra, cheklov kabel tarmoqlari yotqizilishi munosabati bilan Shota Rustaveli ko‘chasi bilan chorrahadan Nukus ko‘chasigacha bo‘lgan hududga ta’sir qiladi.

Eslatib o‘tamiz, avvalroq Toshkentdan Chimyonga yangi tunnel ochilgani haqida yozgan edik.