Yangiliklar

Bugun, 2-iyul kuni Shavkat Mirziyoyev Ozarbayjon Respublikasi prezidenti Ilhom Aliyevning taklifiga binoan davlat tashrifi bilan ushbu mamlakatga jo‘nab ketdi. Bu haqda prezident matbuot xizmati xabar qildi.

Davlat rahbari Boku shahrida o‘tkaziladigan Oliy davlatlararo kengashning ikkinchi majlisi va boshqa oliy darajadagi tadbirlarda ishtirok etadi.

Shuningdek, ikki davlat o‘rtasidagi do‘stlik, strategik sheriklik va ittifoqchilik munosabatlarini yanada mustahkamlash masalalari ko‘rib chiqiladi.

Shu bilan birga, Mirziyoyev Xonkendi shahrida o‘tkaziladigan Iqtisodiy hamkorlik tashkilotining navbatdagi sammitida ham qatnashadi.

Avvalroq Kursiv Uzbekistan Shavkat Mirziyoyev Minsk shahriga borgani haqida yozgandi.

Telegram Premium obunachilari endi ilova ichida to‘g‘ridan to‘g‘ri interaktiv vazifalar ro‘yxatini tuzish va ularning bajarilishini kuzatish imkoniga ega bo‘ladi. Ilova bir nechta yangilanishlarni e’lon qildi.

Ushbu ro‘yxatlar har qanday suhbatda yaratilishi mumkin bo‘lib, foydalanuvchi sozlamalari orqali boshqa ishtirokchilarga vazifalarni bajarganini belgilash yoki yangi vazifalar qo‘shish huquqini berish mumkin.

Shuningdek, Premium foydalanuvchilar endi kanallarda chop etilishi uchun post takliflarini yuborishlari mumkin. Bunda ular istalgan sanani va vaqtni ko‘rsatgan holda kanal egasiga ichki valyuta – «yulduzlar» yoki Toncoin kriptovalyutasi orqali to‘lov amalga oshiradi.

Post joylashtirilgach 24 soatdan so‘ng kanal egasiga pul mablag‘i beriladi. Agar post shu muddat ichida o‘chirib yuborilsa, mablag...

Yaber kompaniyasi arzon va funksional portativ proyektor – Yaber T1 Pro modelini rasman taqdim etdi. Bu haqda Gizmochina nashri ma’lum qildi.

Qurilma 1080p aniqlikda tasvir beradi, HDR10 formatini qo‘llab-quvvatlaydi. TurboSonic texnologiyasiga ega 8 Vt quvvatli karnay bilan jihozlangan. Bu proyektor oldindan o‘rnatilgan Netflix, YouTube va Prime Video ilovalari bilan birga keladi.

Proyektor 1,18:1 qisqa fokus nisbati orqali 2,4 metr masofadan 100 dyuymli tasvir hosil qiladi. Avtofokus, trapetsiya tuzatish, ekran tekislash va to‘siqlardan avtomatik chetlab o‘tish imkoniyatlari foydalanuvchiga tasvirni tez va aniq sozlashda yordam beradi.

Yaber T1 Pro Linux operatsion tizimi asosida ishlaydi. Bu esa ilovalarni bevosita proyektor orqali ishlatishni...

Google $314 million jarimaga tortildi. Kaliforniya sudi fuqarolarning ma’lumotlarini noqonuniy yig‘gani uchun kompaniyaga jarima soldi. Bu haqda Bloomberg nashri xabar berdi.

Nashrning ma’lumotiga ko‘ra, Google Android foydalanuvchilarining mobil ma’lumotlarini ularning roziligisiz to‘plagan. Ushbu qaror Kaliforniyaning San-Xose shahridagi hakamlar sudi tomonidan mijozlarning jamoaviy da’vosi asosida qabul qilingan.

Sud taqdim etgan ma’lumotlarga ko‘ra, Google Android qurilmalari foydalanuvchilaridan Wi-Fi tarmog‘iga ulanmagan vaqtda ham ma’lumotlarni yig‘ib kelgan. Ushbu ma’lumotlar kompaniya serverlariga yuborilgan. Ma’lumotlar yig‘ish jarayonida foydalanuvchilarning mobil internet trafiklari sarflangan. Ya’ni kompaniya mijozlarining pullari hisobidan ma’lumotlarni yig‘gan.

Bu ma’lumotlar qanday maqsadda ishlatilgan

Google ushbu ma’lumotlarni tijorat maqsadlarida foydalangan. Xususan, reklama xizmatlarini rivojlantirish...

2025-yilning birinchi yarmida Germaniyada 37,7 ming nafar xodimni qisqartirish rejalashtirilgan. Bu 2020-yil pandemiya davridan keyingi eng yirik qisqartirish hisoblanadi. Bu haqda «Ria Novosti» nashri xabar berdi.

So‘nggi uch yil ichida qisqartirilishi rejalashtirilgan xodimlar soni izchil ortib bormoqda. Masalan, 2022-yilda bu ko‘rsatkich atigi 9,6 ming nafarni tashkil etgan bo‘lsa, hozirgi raqam bu ko‘rsatkichdan to‘rt barobar yuqori.

Ayniqsa, sanoat tarmoqlari eng ko‘p qisqartirishlar e’lon qilgan. Avtomobil ishlab chiqaruvchilari, xususan, Porsche va Audi kabi kompaniyalar minglab ishchilarni ishdan bo‘shatmoqchi. Logistika, chakana savdo, bank va boshqa xizmat ko‘rsatish sohalarida ham o‘n minglab ishchilarni qisqartirish kutilmoqda.

Mazkur jarayonlar Germaniya iqtisodiyoti bosim ostida qolayotganini va...

RedMagic kompaniyasining kuchli xususiyatlarga ega o‘yin plansheti – Astra Gaming Tablet 16-iyuldan boshlab global bozorda sotuvga chiqadi. Narxi $499 dan boshlanadi. Bu haqda GSMArena xabar bermoqda.

Ushbu planshet avval Xitoyda Tablet 3 Pro nomi bilan taqdim etilgan edi. Endilikda u RedMagic Astra Gaming Tablet nomi bilan butun dunyo bozorlariga chiqmoqda.

Planshet 9,06 dyuymli LTPO OLED ekranga ega bo‘lib, 165 Hz yangilanish tezligi, HDR qo‘llab-quvvatlovi va 1600 nit yorqinlikni taklif etadi. Tovush uchun stereo dinamiklar va tebranish effektlari mavjud.

Ichki qismlarida esa Snapdragon 8 Elite chipi, suyuq metall bilan sovitish texnologiyasiga ega. Kompaniyaga ko‘ra, bu tizim 8 darajagacha issiqlikni pasaytiradi.

Astra...

Turkiya Qishloq va o‘rmon xo‘jaligi vazirligi mamlakat bo‘ylab barcha chorva bozorlarini vaqtincha yopishni e’lon qildi. Ushbu qaror chorva mollaridan tarqaladigan kasallik o‘choqlarining ko‘payib borayotgani sabab qabul qilingan.

Vazirlikning ma’lum qilishicha, kasallikning tarqalishi Qurbon hayiti davrida chorva mollarining ko‘chirilishi bilan bir vaqtda yuz bergan. Ayrim hududlarda allaqachon karantin joriy etilib, hayvonlar harakati cheklangan va emlash ishlari boshlangan. Biroq qisqa vaqt ichida barcha hayvonlarni emlashning imkoni yo‘q.

Mutaxassislarning fikricha, xavf zonalarida chorva harakatini cheklash emlashdan ko‘ra samaraliroq chora. Shu sabab mamlakat bo‘ylab hayvon savdosiga oid barcha bozorlar, yarmarkalar, birjalar va yig‘ish markazlarining faoliyati to‘xtatildi.

Taqiq maxsus buyruq berilgunga qadar amal...

Jeneva va Lugano universitetlari olimlari GPT-4o kabi katta til modellari yordamida qidiruv tizimlaridagi yashirin gender tarafkashliklarni aniqlovchi yangi metodikani ishlab chiqdi. Bu haqda ArXiv ma’lum qildi.

CWEx deb nomlangan bu yondashuv natijalardagi hujjatlarning soni va ularning qidiruv ro‘yxatidagi o‘rnini baholaydi.

Ilgari og‘ishlarni aniqlashda faqat kalit so‘zlarga tayanilgan bo‘lsa, endi til modellari matnning umumiy mazmuni va ohangini tahlil qiladi. GPT-4o bu borada inson fikrlariga eng yaqin natijalarni ko‘rsatdi. Metodika ishga qabul qilish, ta’lim tavsiyalari kabi sohalarda adolatni oshirish uchun muhim vosita bo‘lishi mumkin.

Eslatib o‘tamiz, avvalroq robotlarni kamera orqali o‘z-o‘zini boshqarishga o‘rgatuvchi tizim yaratilgan edi.

Rossiyaning S7 Airlines aviakompaniyasi 4-iyuldan boshlab Novosibirsk va Farg‘ona o‘rtasida muntazam aviaqatnovlarni qayta yo‘lga qo‘ymoqda. Bu haqda kompaniya rasmiy saytida ma’lum qildi.

Birinchi bosqichda reyslar haftada bir marta juma kunlari amalga oshiriladi. 2-sentabrdan boshlab esa parvozlar haftada ikki martaga seshanba va juma kunlariga belgilangan.

Parvoz vaqtlari:

2-sentabrdan boshlab seshanba kungi parvozlar uchun jadval o‘zgaradi:

Uchishlar Boeing 737-800 samolyotlarida amalga oshiriladi va parvoz taxminan...

Xitoy elektromobil ishlab chiqaruvchilari iyun oyidagi yetkazib berish natijalarini e’lon qildi. Bu haqda CarNewschina xabar bermoqda.

Hozircha 12 ta kompaniya ma’lumot bergan bo‘lib, ulardan eng yuqori natijani Harmony Intelligent Mobility Alliance (HIMA) ko‘rsatdi. U 52 747 ta avtomobil yetkazib bergan.

HIMA 39 oy ichida jami 800 mingdan ortiq avtomobil yetkazib bergan. Uning Aito brendi iyun oyidagi natijada yetakchi bo‘lib, 44 685 ta mashina bilan umumiy yetkazib berishning 84,7 foizini tashkil etdi. Yana 4 154 ta Stelato S9 avtomobili sotilgan bo‘lib, ular 300 ming yuandan (taxminan $41 870) yuqori narxdagi elektromobillar orasida birinchi o‘rinda turdi.

Ikkinchi o‘rinda Leapmotor joy...

Turkiya deportatsiya markazlarida bo‘lib turgan 50 nafar o‘zbekistonlik ayol vatanga qaytarildi. Bu haqda Migratsiya agentligi xabar berdi.

O‘zbekiston Migratsiya agentligi hamda Turkiya Mehnat va ijtimoiy himoya vazirligi vakillari o‘rtasida Turkiyada noqonuniy maqomda bo‘lgan fuqarolarni legallashtirish bo‘yicha muzokaralar o‘tkazildi.

Muzokaralar natijasida Turkiyada noqonuniy bo‘lib turgan o‘zbekistonliklarni ma’muriy jazolarsiz ro‘yxatdan o‘tkazish, yashash va ishlash ruxsatnomalarini berish taklifi Turkiya rasmiylari tomonidan ma’qullandi.

Shuningdek, qariyalar va bolalarni parvarishlash hamda qishloq xo‘jaligi sohalarida noqonuniy faoliyat yuritayotgan fuqarolarga huquqiy maqom berish bo‘yicha kelishuvga erishildi. Deportatsiya markazlaridagi 50 nafar ayolga O‘zbekistonga qaytish uchun Migratsiya jamg‘armasi hisobidan aviachiptalar xarid qilindi.

Bundan tashqari...

Xitoyning «Shitszyan-21» va «Shitszyan-25» sun’iy yo‘ldoshlari Yerdan yuqori orbitada ikkinchi bor yaqinlashuv operatsiyalarini bajarmoqda. Bu haqda Space News nashri ma’lum qildi.

Bu harakatlar orbitada yonilg‘i quyish bo‘yicha rejalashtirilgan tajribaning muhim bosqichi hisoblanadi. Tajriba muvaffaqiyatli o‘tsa, bu kosmik texnologiyalardagi katta yutuq bo‘lib, Yerdagi infratuzilmaga bog‘liqlikni kamaytiradi.

Operatsiya tafsilotlari hozircha oshkor etilmagan, ammo asosiy sinov sanasidan keyin qo‘shimcha ma’lumotlar e’lon qilinishi kutilmoqda.

Eslatib o‘tamiz, avvalroq Xitoy Marsga robot dron yuborishi haqida yozgan edik.

AQSh razvedkasi ma’lumotiga ko‘ra, Eron harbiylari o‘tgan oy Fors ko‘rfazidagi kemalarga dengiz minalarini yuklagan. Bu haqda Reuters axborot agentligi ma’lum qildi.

Unga ko‘ra, mazkur harakat Hormuz bo‘g‘ozini yopish rejasining bir qismi bo‘lishi mumkinligi haqidagi xavotirlarni kuchaytirdi.

Hormuz bo‘g‘ozi orqali dunyo neft va gazining beshdan bir qismi tashiladi. Uning to‘silishi global iqtisodiyotga jiddiy zarar yetkazishi mumkin. Biroq hozircha minalar bo‘g‘ozga joylashtirilmagan.

Vashington Tehron bu harakat orqali faqat bosim o‘tkazishga urinayotgan bo‘lishi mumkinligini taxmin qilmoqda. Eron parlamenti bo‘g‘ozni yopishni qo‘llab-quvvatlagan, ammo yakuniy qaror hali qabul qilinmagan. AQSh mintaqadagi harbiy kuchlarini hushyorlikda ushlab turmoqda.

Eslatib o‘tamiz, avvalroq Tramp Isroil G‘azoda 60 kunlik...

Oqchako‘l bo‘yida 73,4 milliard so‘mlik turizm zonasi tashkil etiladi. Bu haqda Jo‘qorg‘i Kenges matbuot xizmati xabar berdi.

Ellikqala tumanidagi Oqchako‘l bo‘yida umumiy 73,4 mlrd so‘m mablag‘ asosida turizm rekreatsion zonasini tashkil etish loyihasi amalga oshirilmoqda.

Loyiha doirasida ko‘l bo‘yida to‘liq infratuzilma bilan ta’minlash orqali 3 ta mehmonxona, 18 ta mehmon uyi, 20 ta o‘tov, 2 ta restoran kabi turizm va xizmat ko‘rsatish obyektlari joylashtiriladi. Loyiha ishga tushgach 75 ta ish o‘rni yaratilishi belgilangan.

Bundan oldin Nukusda $78 mln miqdoridagi investitsiya mablag‘lari hisobiga besh yulduzli mehmonxona va kongress-xoll qurilayotgani haqida yozgandik.

Mazkur mablag‘ga zamonaviy besh yulduzli mehmonxona...

Toshkentda savdo bilan shug‘ullanuvchi, ilgari sudlangan ayol fuqaroga katta miqdorda kredit olib berishni va’da qilib, oldindan $150 ming olayotgan paytda qo‘lga olindi. Bu haqda Davlat xavfsizlik xizmati xabar berdi.

Ayol Toshkent viloyatining Qibray tumanida yashovchi fuqaroning ishonchiga kirib, mansabdor tanishlari orqali aksiyadorlik tijorat banklarining biridan $3 million miqdorida maqsadsiz kredit olib berishni va’da qilgan. Buning evaziga kreditning 33 foizi, ya’ni $990 mingni olishni talab qilgan.

DXX tomonidan o‘tkazilgan tezkor tadbirda ushbu shaxs oldindan $150 mingni olayotgan vaqtida ashyoviy dalillar bilan qo‘lga olindi.

Tadbir davomida fuqaro bilan go‘yoki o‘zini bank xodimi deb tanishtirib, kredit mablag‘ini ajratib berishni va’da qilgan bu...

Dunyoga mashhur K-pop guruhi BTS 2026-yil bahorida yangi albom taqdim etadi va to‘rt yillik tanaffusdan so‘ng jahon gastrolini boshlaydi. Bu haqda guruh a’zolari Weverse platformasida bo‘lib o‘tgan jonli efirda e’lon qildi, deya yozmoqda CNN.

Unga ko‘ra, guruh iyuldan boshlab yangi musiqalar ustida birgalikda ishlashni rejalashtirmoqda. Yangi albom 2022-yildagi «Proof» antologiyasidan keyingi ilk loyiha bo‘ladi. Shu bilan birga, BTS a’zolari harbiy xizmatni yakunlagach ilk bor to‘liq tarkibda sahnaga qaytmoqda.

Guruh AQShda albom ustidagi ishni boshlashi va oldingi kabi global muxlislarni birlashtirishi kutilmoqda.

Eslatib o‘tamiz, avvalroq BTS a’zolari harbiy xizmatni yakunlagani haqida yozgan edik.

Besh yil davomida O‘zbekistonning IT-xizmatlari eksporti $170 milliondan $1 milliardgacha oshdi. Bu haqda O‘zbekiston prezidenti Shavkat Mirziyoyevga raqamli texnologiyalarni rivojlantirish bo‘yicha taqdimot chog‘ida ma’lum qilindi.

O‘zbekiston startaplari $70 million hajmida venchur investitsiyalarni jalb qilishga erishdi. Shuningdek, IT sohasida ishlayotgan 40 ming nafar yosh o‘zbekistonlik yuqori maosh olmoqda. IT Park rezidentlarining soni esa 2,8 mingdan oshdi, ulardan 752 nafari xorijlik.

«Mamlakat xalqaro Sun’iy intellektga tayyorgarlik indeksi bo‘yicha 17 pog‘onaga ko‘tarilib, Markaziy Osiyoda birinchi o‘rinni egalladi. O‘zbekiston telekommunikatsiya sohasining o‘sish sur’atlari bo‘yicha MDH davlatlari orasida yetakchilik qildi», – deyiladi davlat rahbari matbuot xizmatida.

Shavkat Mirziyoyevga...

Realme kompaniyasi o‘zining flagman smartfonlariga Android 16 operatsion tizimini birinchi bo‘lib taqdim etishini e’lon qildi. Bu haqda GSMArena xabar bermoqda. Kompaniyaning rasmiy bayonotiga ko‘ra, yangilanish avvalo Realme GT 7 seriyasi qurilmalari uchun chiqadi.

Eng birinchi bo‘lib Realme GT 7 Pro modeliga Android 16 asosidagi Realme UI 7 yangilanishi yuboriladi. Ushbu model Snapdragon 8 Elite chipida ishlaydi. Shuningdek, Dimensity 9400e va Dimensity 8400 protsessorlariga ega GT 7 va GT 7T modellari ham tez orada yangi tizimga o‘tadi.

GT 7 seriyasi yangilanishni to‘liq olgach, navbat Realme GT 6 seriyasiga keladi. GT 6 va GT 6T modellari birinchi bo‘lib yangilanishni qabul...

Bugun, 2-iyul kuni soat 02:47 da Toshkent shahrining Uchtepa tumanida joylashgan qandolat mahsulotlari ishlab chiqaruvchi korxonaning omborxonasida yong‘in chiqdi. Bu haqda Favqulodda vaziyatlar vazirligi (FVV) xabar bermoqda.

Yong‘in-qutqaruv ekipajlari voqea joyiga 9 daqiqa ichida, ya’ni soat 02:56 da yetib borgan. Yong‘in soat 03:49 da qurshab olinib, hozirda uni to‘liq o‘chirish ishlari davom etmoqda.

Hodisa joyiga shahar va tuman FVB rahbarlari ham yetib borishgan. Vaziyat to‘liq nazoratga olingani bildirilgan.

Eslatib o‘tamiz, Kursiv Uzbekistan nashri Sergelidagi «Meros» to‘yxonasida yong‘in chiqqani haqida yozgan edi.

AQSh prezidenti Donald Tramp Isroil G‘azoda 60 kunlik o‘t ochishni to‘xtatish shartlariga rozi bo‘lganini ma’lum qildi. Bu haqda CNN axborot agentligi ma’lum qildi.

Unga ko‘ra, bu sulh taklifi Qatar va Misrdagi vositachilar orqali Hamasga yetkaziladi. Biroq Hamas hali rasmiy javob bermagan.

Tramp ma’muriyati ko‘magida ishlab chiqilgan taklifga ko‘ra, sulh davomida Isroil garovdagilarni ozod qilishi, buning evaziga esa Falastin mahbuslari qo‘yib yuborilishi ko‘zda tutilgan. Taklif Netanyaxu va Tramp ma’muriyati vakillari o‘rtasidagi muzokaralar fonida ilgari surilgan.

Hozircha Hamas 60 kunlik vaqtinchalik sulhga rozi bo‘ladimi, bu – mavhum. Guruh doimiy sulh va G‘azoda hokimiyatni saqlab qolish talabida qolmoqda. Biroq manbalarga ko‘ra, Hamas...

Xiaomi Auto kompaniyasi o‘zining yangi elektr SUV modeli – Xiaomi YU7 modeliga yuqori talab sabab ishlab chiqarishni kengaytirmoqda. Bu haqda CarNewsChina xabar bermoqda.

Kompaniya Pekindagi Yizhuang hududida joylashgan F2 zavodiga ishchilarni yollashni boshladi. Bu YU7’ning uzoq yetkazib berilish muddatlarini qisqartirishga qaratilgan.

YU7 sotuvga chiqarilganidan atigi 18 soat o‘tib, 240 mingdan ortiq buyurtma rasmiylashtirildi. Hozirda avtomobilni yetkazib berish muddati modelga qarab 38 haftadan 60 haftagacha, ya’ni 9,5 oy – 15 oy orasida bo‘lmoqda. Eng qisqa muddat Max versiyasi uchun — 9,5 oy. Buyurtma rasmiylashgach, u bekor qilinmaydi. Lekin konfiguratsiyani 7 kun ichida o‘zgartirish mumkin.

Xiaomi asoschisi Lei Jun bu...

Avstraliyaning Qantas aviakompaniyasiga qarashli mijozlar ma’lumotlari bazasiga xakerlar tomonidan yirik kiberhujum uyushtirildi. Bu haqda Reuters axborot agentligi ma’lum qildi.

Hujum kompaniyaning qo‘ng‘iroq markazi orqali amalga oshirilib, uchinchi tomon xizmat platformasidan olti mln kishining ism-sharifi, tug‘ilgan sanasi, telefon raqami va parvozchi raqamlari o‘g‘irlangan.

Qantas hujumni aniqlagach, zudlik bilan xavfni jilovlash choralarini ko‘rganini bildirgan. Garchi aynan kim tomonidan amalga oshirilgani noma’lum bo‘lsa-da, AQSh rasmiylari bu kabi hujumlarda Scattered Spider guruhi faol bo‘layotganini aytmoqda.

Hujum Qantas obro‘sini tiklash harakatlari davom etayotgan bir paytda yuz berdi. Kompaniya mijozlar ma’lumotlari xavfsizligini ta’minlash borasida qat’iy choralar ko‘rishini va tergov ishlari davom etayotganini ma’lum qildi.

Eslatib...

Massachusets texnologiya instituti olimlari «Neyron Yakobian Maydonlar» deb nomlangan yangi tizimni ishlab chiqdilar. Bu haqda Robot Report nashri ma’lum qildi.

Ushbu tizim robotlarga murakkab datchiklarsiz, faqat kamera orqali o‘z tanasini boshqarishni o‘rganishga imkon beradi. Tizim yordamida robotlar atrof-muhitni kuzatib, harakat va boshqaruv signallari o‘rtasidagi bog‘liqlikni mustaqil o‘rganadi.

Tizim yumshoq va noodatiy shakldagi robotlar uchun ayniqsa foydalidir. U sinovlar davomida pnevmatik qo‘l, 3D-printerda yaratilgan yelka va boshqa qurilmalarda muvaffaqiyatli ishladi. Tizimga faqat bir nechta tasodifiy harakatlar va kamera orqali videokuzatuv yetarli bo‘ldi.

Kelajakda mazkur kashfiyot yordamida foydalanuvchilar oddiy telefon orqali robot harakatlarini yozib, o‘z boshqaruv modelini yaratishlari mumkin bo‘ladi.

Eslatib...

Namangan viloyati Mingbuloq tumanida iste’molga yaroqsiz 737 mln so‘mlik alkogol va tamaki mahsulotlari savdosi fosh etildi. Bu haqda Bosh prokuratura departamenti ma’lum qildi.

Departamentning tuman bo‘limi va Bojxona xodimlari hamkorligida o‘tkazilgan tezkor tadbirda MChJ rahbari va fuqaro «Iftixor» MFY hududidagi binoda omborxona sifatida foydalangan holda, noqonuniy savdo bilan shug‘ullanayotganlikda qo‘lga tushdi. Ular boshqa fuqaroga 2 turdagi 197 dona alkogol mahsulotini 9,5 mln so‘mga sotgan vaqtida ushlangan.

Tekshiruv davomida omborxonadan sotishga tayyorlab qo‘yilgan umumiy bahosi 737 mln so‘mlik 22 768 dona iste’molga yaroqsiz alkogol mahsulotlari va 1 050 quti hujjatsiz tamaki mahsulotlari ashyoviy dalil sifatida olib qo‘yildi.

Mazkur holat yuzasidan...