Yangiliklar

O‘zbekiston valyuta birjasi savdo ishtirokchilari uchun qulaylik yaratish va kapital bozorini rivojlantirishga qaratilgan o‘zgarishlarni amalga oshirdi. Bu haqda O‘zRVB ma’lum qildi.

Unga ko‘ra, 2024 – 2028-yillar uchun rivojlanish strategiyasiga binoan, birja davlat qimmatli qog‘ozlari va valyuta bozori operatsiyalari uchun komissiyalarni optimallashtirdi.

«Tariflarni optimallashtirish natijasida valyutaviy svop operatsiyalari bo‘yicha vositachilik mukofoti sezilarli darajada –  bitim summasining 0,01 foizdan 0,0008 foizgacha pasaydi», – deyiladi birja xabarida.

Davlat qimmatli qog‘ozlari (DQQ) bozorida dilerlar uchun uch xil tarif rejasi joriy qilinib, ularning savdo hajmi va strategiyasiga moslashish imkoniyati taqdim etildi. Shuningdek, Markaziy bank obligatsiyalari bilan operatsiyalar uchun vositachilik komissiyalari...

14-noyabr, payshanba kuni Toshkent shahri atmosferasida PM2,5 zararli moddalari konsentratsiyasi me’yordan 15,8 barobar oshdi. Bu haqda IQAir monitoring platformasi xabar berdi.

Unga ko‘ra, Toshkent havosi eng yuqori ifloslangan shaharlar reytingida oltinchi o‘rinni egalladi.

Poytaxt Vyetnamning Xanoyi (beshinchi oʻrin) va Indoneziyaning Jakartasi (yettinchi oʻrin) oʻrtasidan joy oldi.

Ma’lumot uchun, PM2.5 chang, avtomobil shinalari, asfalt va og‘ir metall birikmalarining mayda zarralaridan iborat. Ular nafas olayotganda inson tanasiga havo bilan birga kirib, yurak-qon tomir tizimi va nafas olish organlari kasalliklarini keltirib chiqaradi.

Avvalroq Kursiv Uzbekistan nashri o‘tgan chorshanba, 13-noyabr kuni Toshkent havosi eng iflos shaharlar ro‘yxatida 19-o‘rinni egallagani haqida...

AQShning Janubiy va Markaziy Osiyo bo‘yicha yordamchisi Donald Lu va O‘zbekiston tashqi ishlar vaziri o‘rinbosari Muzaffar Madrahimov mamlakatlarning to‘rtinchi yillik strategik sheriklik muloqotini o‘tkazdi. Bu haqda AQSh elchixonasi matbuot xizmati ma’lum qildi.

Unga ko‘ra, tadbir davomida tomonlar iqtisodiy rivojlanish, inson huquqlarini himoya qilish va xavfsizlik sohalarida o‘zaro hamkorlikni kuchaytirishga e’tibor qaratdi. Vakillar xalqaro masalalarda birgalikda harakat qilish, bojxona, kiberxavfsizlik, mehnat huquqlari va ayollarni iqtisodiy qo‘llab-quvvatlash kabi sohalarda ham hamkorlik qilishni ta’kidladi.

Suningdek, AQSh Davlat departamenti Samarqand shahridagi Registon maydoni arxitektura konservatsiyasi ishlari uchun $500 ming mablagʻ ajratilishini e’lon qildi. Moliyalashtirish «AQSh elchilarining madaniy merosni asrash» jamgʻarmasi (AFCP) orqali beriladi.

TikTok platformasiga egalik qiladigan Xitoyning ByteDance kompaniyasi sun’iy intellektga (SI) asoslangan SeedEdit vositasini chiqarishini ma’lum qildi.

Uning demo versiyasi Hugging Face platformasida mavjud.

SeedEdit tasvirlar bilan ishlash uchun moʻljallangan. Texnologiya nafaqat soʻrov boʻyicha ularni yaratishi, balki ularni tahrirlashi ham mumkin. Bu ByteDance vositasini analog xizmatlardan ajratib turadi.

Avvalroq Kursiv Uzbekistan ByteDance asoschisi Chjan Iimin Xitoyning eng boy odamiga aylangani haqida yozgan edi. Uning boyligi $49,3 milliardga baholangan.

2023-yil yakunlari boʻyicha Oʻzbekiston dunyodagi eng yirik oltin ishlab chiqaruvchi davlatlar orasida oʻninchi oʻrinni egalladi. Bu haqda World Gold Council ma’lumotlariga asoslanib, «TASS» agentligi xabar bermoqda.

Oʻtgan yilda Oʻzbekistonda umumiy hisobda 119,6 tonna oltin ishlab chiqarildi, bu mamlakatga dunyo boʻyicha yirik oltin ishlab chiqaruvchi davlatlar orasida munosib oʻrin taqdim etdi.

Dunyoda eng koʻp oltin ishlab chiqargan mamlakat Xitoy boʻlib, u 378,2 tonna oltin ishlab chiqargan. Ikkinchi oʻrindan Rossiya (321,8 tonna) joy olgan boʻlsa, uchinchi oʻrinni Avstraliya (293,8 tonna) egalladi. Ulardan keyingi oʻrinlarda Kanada, AQSh, Gana, Indoneziya, Peru va Meksika kabi mamlakatlar keladi.

Oʻtgan yilda Shveysariya oltin va uning hosilalari...

AQShning yangi saylangan prezidenti Donald Tramp amaldagi davlat rahbari Jo Bayden bilan uchrashish uchun Oq uyga keldi. Bu haqda New York Post axborot agnentligi ma’lum qildi.

Unga ko‘ra, uchrashuv chog‘ida Bayden va Tramp hokimiyatni tinch yo‘l bilan topshirish zarurligi haqida kelishib oldi.

«Ta’kidlanganidek, bu muammosiz o‘tishishi tarafdorimiz. Biz sizning talablaringizni qondirish uchun hamma narsaga tayyormiz», – dedi Bayden.

Ular Vashingtonda yaqinlashib kelayotgan hokimiyat almashinuvi bilan bog‘liq masalalarni muhokama qildi.

Eslatib o‘tamiz, 2016-yilgi saylovda ham Tramp g‘alaba qozongan edi. U XIX asrdan beri to‘rt yillik tanaffusdan so‘ng Oq uyga qaytgan birinchi AQSh siyosatchisi bo‘ldi. Respublikachi Tramp 2025-yil...

Oktabr oyida O‘zbekiston avtomobil bozorida savdo hajmi sezilarli darajada pasayib, ayniqsa, yengil avtomobillar segmentida yillik kamayish kuzatildi. Iqtisodiy tadqiqotlar va islohotlar markazining ma’lumotlariga ko‘ra, oy davomida mamlakatda jami 102,3 ming dona avtomobil sotilgan bo‘lib, bu sentabr oyiga nisbatan 7 foizga kam. Yillik solishtirishda esa savdolar 44 foizdan ko‘proqqa qisqargan.

Yengil avtomobillar segmenti pasaydi

Oktabr oyida yengil avtomobillar sotuvi sentabr oyiga nisbatan 6 foizga kamayib, 95,4 ming donani tashkil qildi. O‘tgan yilning shu davriga nisbatan esa yengil avtomobillar savdosi 43,3 foizga qisqargan. Mutaxassislarning fikriga ko‘ra, bu pasayish avtomobil bozoridagi umumiy holatning og‘irlashganini ko‘rsatadi.

Birlamchi avtomobil bozoridagi holat

Oktabr oyida...

Bugun, 14-noyabr kuni futbol boʻyicha Oʻzbekiston milliy terma jamoasi 2026-yilgi jahon chempionatining 3-saralash bosqichi 5-tur doirasida Qatar terma jamoasiga qarshi to‘p suradi.

Uchrashuv Dohadagi Jassim bin Hamad stadionida boʻlib oʻtadi va Toshkent vaqti bilan soat 21:15 da boshlanadi.

Ayni damda Oʻzbekiston terma jamoasi 4-turdan keyin guruhda Eron bilan 10 ochkodan jamgʻarib, peshqadamlik qilmoqda. Guruhdagi keyingi oʻrinlardan BAA (4 ochko), Qatar (4 ochko), Qirgʻiz respublikasi (3 ochko) va KXDR (2 ochko) joy olgan.

Avvalroq «Kursiv» Oʻzbekiston futbol terma jamoasi jahon reytingida yuqorilagani haqida xabar bergan edi.

2024-yil 1-dekabrdan boshlab, «O‘zbekiston temir yo‘llari»ga tegishli vagonlarda ichki yo‘nalishlarda yuk tashish uchun tariflar 30 foizga oshiriladi. Bu haqda AJ axborot xizmati xabar berdi.

Qayd etilishicha, narxlarning ko‘tarilishi yuk tashish xizmatlari xarajatlarining oshgani bilan bog‘liq.

Bunday o‘zgarish vagon turiga (universal, ixtisoslashtirilgan yoki sisternali) qarab belgilanadi va xarajatlarni qisman qoplash hamda vagonlar parkini yangilashga qaratilgan.

Eslatib o‘tamiz, prezidentning 2023-yil 10-oktabrdagi farmoniga muvofiq, joriy yilning 1-yanvaridan boshlab yuk vagonlari va konteynerlarni taqdim etish xizmatlari tariflari davlat nazorati o‘rniga bozor tamoyillari asosida tartibga solinadi.

Avvalroq Kursiv Uzbekistan TTY endi «O‘zbekiston temir yo‘llari» bilan integratsiyalangani haqida yozgan edi.

AQSH prezidenti Donald Tramp Vazirlar Mahkamasida bir qator lavozimlarga nomzodlarni e’lon qildi. Bu haqda Reuters agentligi xabar berdi.

Eng qiziqarlisi nomzod sifatida Fox News kanalining boshlovchisi Pit Xegset koʻrsatildi, Tramp uni mudofaa vaziri sifatida koʻrmoqda. Televideniyedagi faoliyatidan tashqari Xegset AQSH Milliy gvardiyasida xizmat qilgan. U Iroq, Afgʻoniston, Guantanamo va Kubada boʻlgan.

Tramp, shuningdek, Respublikachilar partiyasidagi hamkasblari Marko Rubio va Mett Getsni davlat kotibi va bosh prokuror lavozimiga tayinlashni taklif qildi.

Milliy razvedkaning rahbari Fox News sobiq jurnalisti Tulsi Gabbard bo‘lishi mumkin, respublikachi Jon Li Retkliffni esa Markaziy razvedka boshqarmasi rahbari qilish taklif etildi.

Avvalroq Kursiv Uzbekistan tadbirkor Ilon Mask

Bugun, 14-noyabr kuni respublika bo‘ylab tuman tushadi, biroq yomg‘ir yog‘maydi. Kunduzi havo 5-10 daraja iliq, kechasi esa 5 daraja iliq bo‘ladi. Bu haqda Gidrometeorologiya xizmati agentligi xabar berdi.

Toshkent shahrida ertalab va kechasi tuman tushadi, biroq yog‘ingarchilik kuzatilmaydi. Kunduzi havo 6-8 daraja iliq, kechasi 1 daraja sovuq bo‘ladi.

Tog‘li hududlarda vaqti-vaqti bilan yomg‘ir, qor yog‘adi. Kunduzi 3 daraja iliq, kechga kelib 3-8 daraja sovuq bo‘ladi.

Turkiya prezidenti Rajab Toyyib Erdo‘g‘on Turkiyaning Isroil bilan diplomatik aloqalarini to‘xtatganini e’lon qildi. Bu haqda «RIA Novosti» axborot agentligi ma’lum qildi.

Unga ko‘ra, Erdo‘g‘an Anqaraning Isroil bilan hamkorlikni rivojlantirish uchun hech qanday qadam tashlamayotganini ham qo‘shimcha qildi. Turkiya, G‘azoda Isroilning harbiy operatsiyalarini qoralab, Falastin tinch aholisiga qarshi harakatlarda ayblamoqda va o‘t ochishni to‘xtatishga chaqirmoqda.

Turkiya o‘z noroziligini bildirgan holda, Isroil bilan savdo-sotiqni to‘xtatib, turli eksport cheklovlarini kiritdi. Isroil Bosh vaziri Netanyaxu Turkiyada qattiq tanqid ostida qolmoqda, xususan, Erdo‘g‘on uni «qassob» va «zamonaviy fyurer» deb atadi.

Isroil va HAMAS o‘rtasidagi kuchaygan ziddiyat oqibatida ko‘plab qurbonlar berilmoqda. Isroilga qarshi HAMAS hujumlaridan so‘ng...

Bugun, 13-noyabr kuni Toshkent vaqti bilan soat 21:20 holatiga ko‘ra, Bitkoin narxi 1 BTC $93,812 qiymatni tashkil etmoqda. Bu haqda Uznex kriptobirjasida e’lon qilindi.

Ma’lumot uchun, Donald Tramp AQSH saylovlarida gʻalaba qozongach kriptovalyuta narxi 30 foizdan koʻproqqa oshdi.

Eslatib o‘tamiz, avvalroq ham Bitcoin narxi $77 ming bilan rekord qo‘ygan edi.

Ijtimoiy tarmoqlarda UzAuto Motors Chevrolet Onix va Tracker avtomobillarini foizsiz muddatli to‘lovga sotib olish imkoniyati taqdim etilishi haqida xabarlar tarqaldi. Xabarga kompaniya o‘zining rasmiy Telegram sahifasida munosabat bildirdi.

Unga ko‘ra, UzAuto Motors bu ma’lumotlar haqiqatga mos kelmasligini rasman ma’lum qiladi. Chevrolet Onix va Tracker modellarini foizsiz muddatli to‘lovga sotish taklifi kompaniya tomonidan rejalashtirilmagan.

Eslatib o‘tamiz, avvalroq yangi ko‘rinishdagi Cobalt avtomobilining narxi ma’lum bo‘lgani haqida yozgan edik.

Boku shahrida o‘tayotgan COP29 iqlim konferensiyasi doirasida Shavkat Mirziyoyev Jahon savdo tashkiloti bosh direktori Ngozi Okonjo-Iveala bilan uchrashdi. Bu haqda davlat rahbari matbuot kotibi ma’lum qildi.

Unga ko‘ra, uchrashuvda O‘zbekistonning JSTga a’zo bo‘lish jarayonini jadallashtirish masalalari muhokama qilindi.

Milliy qonunchilikni JST qoidalariga moslashtirish, jumladan, eksport subsidiyalarini bekor qilishga qaratilgan ishlar faol olib borilayotgani ta’kidlandi.

Shuningdek, xalqaro savdo bo‘yicha o‘zbekistonlik mutaxassislarning malakasini oshirish masalalariga e’tibor qaratildi. Muzokaralar yakunida O‘zbekistonning JSTga a’zo bo‘lishi yo‘lida qo‘llab-quvvatlash masalalari yuzasidan fikr almashildi.

Eslatib o‘tamiz, avvalroq Oʻzbekistonning JSTga a’zo boʻlishi iqtisodiy oʻsishni 17 foizga oshirishi mumkinligi haqida yozgan edik.

Shavkat Mirziyoyev Boku shahrida ozarbayjonlik adabiyotshunos va shoir Akif Bag‘irovni qabul qildi. Bu haqda davlat rahbari matbuot xizmati ma’lum qildi.

Unga ko‘ra, Akif Azalp taxallusi bilan tanilgan shoir o‘z ijodi orqali Ozarbayjon va O‘zbekiston o‘rtasidagi adabiy aloqalarni mustahkamlab kelmoqda. U o‘zbek adiblarining ko‘plab asarlarini ozarbayjon tiliga, jumladan, Sirojiddin Sayyidning «Vaqt haykali» kitobini tarjima qilgan.

Uchrashuvda shoir prezidentga «Shavkat Mirziyoyev fenomeni» kitobini taqdim etdi. Kitobda O‘zbekistondagi islohotlar va davlat rahbarining mamlakat rivojiga qo‘shgan hissasi yoritilgan. Mirziyoyev Akif Bag‘irovga ikki xalq o‘rtasidagi madaniy aloqalarni rivojlantirishdagi xizmatlari uchun minnatdorlik bildirdi.

Eslatib o‘tamiz, avvalroq Shavkat Mirziyoyev Qozogʻistonning «Oltin Qiron» ordeni bilan taqdirlangan...

Argentinalik futbolchi Lionel Messi «Inter Mayami» klubida shartnomasi yakuniga qadar o‘ynashga qaror qildi. Shartnoma 2025-yilning oxirigacha tuzilgan edi, deb xabar berdi Euro-football.com portali.

Messi 2023-yilning iyun oyida Fransiyaning «Pari Sen-Jermen» klubidan ketganidan so‘ng Amerika jamoasiga qo‘shilgan edi.

Futbolchi «Inter Mayami» safida 39 ta o‘yin o‘tkazib, 34 ta gol urdi va 19 ta golli uzatmani amalga oshirdi.

Avvalroq Kursiv Uzbekistan «Inter Mayami» «Atlanta Yunayted»ga yutqazib, AQSh chempionatidan chiqib ketgani haqida yozgan edi.

Toshkent ko‘chalarida pullik avtoturargohlarni tashkil etish huquqi bo‘yicha auksionlar o‘tkaziladi. Bu haqda E-auksion platformasida ma’lum qilindi.

Butun shahar bo‘ylab ijaraga olinadigan avtoturargoh zonalarining umumiy maydoni 262,8 ming kvadrat metrni tashkil etadi. Savdolar markaziy ko‘chalarni hamda Uchtepa, Chilonzor, Sergeli, Yangihayot, Olmazor, Shayxontohur, Bektemir, Mirobod va Yashnobod tumanlarini qamrab oladi.

Ijara muddati uch yilni tashkil etib, birinchi ikki yilda ijarachi avtoturargoh infratuzilmasiga, shu jumladan, parkomatlar o‘rnatish va aloqa tizimlarini ta’minlashga kamida $5 mln investitsiya kiritishi kerak.

Shuningdek, avtoturargohdan tushadigan daromadning 1/12 qismi Toshkentning yo‘l-transport infratuzilmasini rivojlantirish fondiga yo‘naltirilishi lozim. Ijarachi avtoturargoh joylaridan foydalanishni nazorat qilish uchun mas’ul bo‘ladi.

Jeff Bezos noyabr oyida Amazon’ning $2,7 milliardlik aksiyalarini sotdi. Bu haqda «Interfaks» manbalarga tayanib, xabar bermoqda.

Savdolar 2025-yil oxirigacha 25 million dona aksiyani sotish oldindan belgilangan rejalar doirasida amalga oshirilmoqda. Ayni paytda tadbirkor kompaniyaning 22 millionga yaqin aksiyalarini sotib boʻldi.

Joriy yil boshida beri Bezos Amazonʼning $8 milliardlik aksiyalarini sotgan boʻlsa-da, u hali ham kompaniyaning taxminan $220 milliardlik aksiyalariga egalik qiladi. 2024-yilda Amazon kapitallashuvi 37,5 foizga oshib, $2,17 trillionni tashkil qildi.

Eslatib oʻtamiz, Jeff Bezosning umumiy boyligi qariyb $230 mlrd.ni tashkil qilib, dunyoning eng boy insonlari qatorida ikkinchi oʻrinni egallab turibdi.

Avvalroq Kursiv Uzbekistan Nissan aksiyalari soʻnggi 15 yildagi...

«O‘ztemiryo‘lkonteyner» AJdagi 35 foiz davlat ulushini «Cotton Logistics» MCHJ 200 mlrd so‘mga sotib oldi. Bu haqda Davlat aktivlarini boshqarish agentligi matbuot xizmati xabar berdi.

Kompaniya korxonaning biznes jarayonlarini raqamlashtirish, tariflarni pasaytirish va uning barqaror rivojlanishi uchun zamonaviy boshqaruv tizimlarini joriy etishni rejalashtirmoqda.

Xususiylashtirish natijalari davlat komissiyasi tomonidan ma’qullandi. «Xalqchil IPO»si dasturi doirasida mahalliy fond bozorida 4 foiz aksiyalarni ommaviy joylashtirish ham rejalashtirilgan.

«Cotton Logistics» MCHJ – O‘zbekistonning eng yirik transport-logistika kompaniyalaridan biri bo‘lib, yiliga 1 million tonnaga yaqin yuk tashiydi.

Avvalroq Kursiv Uzbekistan davlat «Foton»dagi ulushini 151 mlrd so‘mga sotgani haqida yozgan edi.

13-noyabr kuni O‘zbekiston Respublikasi valyuta birjasida dollarning rasmiy kursi 14,65 so‘mga o‘sib, 12 808,03 so‘mni tashkil etdi.

Banklarda AQSh valyutasi 12 730 – 12 780 so‘mdan xarid qilinmoqda va 12 810 – 12 850 so‘mdan sotilmoqda.

Eslatib o‘tamiz, mamlakatda 12-noyabr kuni dollar kursi 10,43 so‘mga pasaygan edi.

Bir yil avval taqdim qilingan BMW Vision Neue Klasse futuristik konsepsiyasi prototipining ilk jonli fotosuratlari paydo boʻldi. Ushbu avtomobil kelajakda koʻplab boshqa modellarda qoʻllaniladigan yangi dizayn liniyasini namoyish etadi.

Rasmlarda kelajakdagi BMW i3 prototipi – elektr sedan koʻrsatilgan. Ushbu model an’anaviy benzinli BMW 3 Series va kuchli toʻrt dvigatelli BMW M3 bilan birga sotiladi.

Avtomobil kamuflyaj terisi ostida yashiringan boʻlsa-da, uning old tomonini koʻrishingiz mumkin, bu hozirgi BMW modellari dizaynidan sezilarli darajada farq qiladi.

BMW i3 800 voltli arxitekturaga ega platformada quriladi, bu esa oʻta tez zaryadlash imkonini beradi. Allaqachon asosiy versiyada elektr stansiyasining quvvati 300 ot kuchidan oshadi...

13-noyabr kuni Toshkentning Yunusobod tumanida ekskavator gaz quvuriga shikast yetkazdi, natijada tabiiy gaz ta’minoti vaqtincha to‘xtatildi. Bu haqda Energetika vazirligining Telegram kanali xabar berdi.

Natijada 2-daha hududida gaz ta’minoti 47 ta ko‘p qavatli xonadon, 10 ta ulgurji iste’molchi, 3-dahadagi 26 ta ko‘p qavatli uy, 12 ta ulgurji iste’molchi va Malikov ko‘chasidagi 40 ta xonadondan vaqtincha uzildi.

Hozirda «Hududgaz Poytaxt» filiali mutaxassislari ta’mirlash ishlarini olib bormoqda. Gaz ta’minoti ta’mirlash ishlari yakunlangach tiklanadi.

Avvalroq Kursiv Uzbekistan 1-noyabr kuni Toshkent tumanida gaz ta’minoti vaqtincha o‘chirilishi haqida yozgan edi.

Bokuda bo‘lib o‘tayotgan COP-29 konferensiyasida O‘zbekiston Energetika vazirligi va BAAning «Masdar» kompaniyasi Navoiy viloyatining Uchquduq tumanida quvvati 1000 MVt bo‘lgan shamol elektr stansiyasini qurish bo‘yicha shartnoma imzoladi. Bu haqda vazirlik matbuot xizmati xabar berdi.

Qurilish jarayonida 600 – 800 ta yangi ish o‘rni yaratiladi. Stansiya yiliga 3,5 mlrd kVt⋅soat elektr energiyasi ishlab chiqarishi kutilmoqda, bu esa 1 mlrd kub metr tabiiy gazni tejash va atmosferaga chiqariladigan chiqindilarni yiliga 1,4 mln tonnaga qisqartirish imkonini beradi.

Avvalroq Kursiv Uzbekistan Navoiyda ilk shamol elektr stansiyalari sinov rejimida ishga tushirilgani haqida yozgan edi.