Yangiliklar

Kaliforniya federal sudi Apple Masimo kompaniyasiga $634 mln kompensatsiya to‘lashini belgiladi. Bu haqda Reuters xabar bermoqda.

Ma’lumotlarga ko‘ra, Apple Watch’dagi mashg‘ulot rejimi va yurak urishi bo‘yicha ogohlantirish funksiyalari Masimo patentini buzgan. Apple esa qarorga e’tiroz bildirib, apellyatsiya berishini ma’lum qildi.

«Innovatsiyalarimizni himoya qilishdagi muhim g‘alaba», – deya qayd etgan Masimo vakillari.

Patent mojarosi Apple va Masimo o‘rtasida 2023-yildan buyon davom etib keladi. Masimo Apple’ni o‘z xodimlarini yollaganlikda va texnologiyasini Apple Watch uchun o‘zlashtirganlikda ayblagan. Mojaro sabab AQSh Savdo tribunali Apple Watch Series 9 va Ultra 2 importini taqiqladi.

Shundan so‘ng Apple soatdagi qon...

Apple kelasi yilda o‘zining birinchi bukiladigan smartfonini taqdim etishi kutilmoqda. WSSF ma’lumotiga ko‘ra, iPhone Fold deb atalishi mumkin bo‘lgan model 5400 – 5800 mA/soat sig‘imli akkumulyator bilan sinovdan o‘tkazilmoqda.

Agar kompaniya yuqori variantni tanlasa, bu iPhone tarixidagi eng katta batareya bo‘ladi.

Fold o‘lcham jihatidan ham Apple smartfonlari orasida eng kattasi bo‘lishi aytilmoqda. Qurilmaning aniq vazni haqida ma’lumot yo‘q, ammo Apple odatda og‘irlikni kamaytirishga unchalik e’tibor bermaydi.

Manbaning aytishicha, yaqinda tarqalgan iPhone 18 Pro Max qalinlashishiga oid xabarlar noto‘g‘ri bo‘lishi mumkin. Gap aslida bukiladigan modelning qalinligi haqida ketmoqda. Agar Air 2 chiqarilsa, u ham hozirgi avloddan qalinroq bo‘lishi aytilgan.

Eslatib...

AQSh Davlat departamenti «Kartel de los Soles» guruhini xorijiy terroristik tashkilotlar ro‘yxatiga kiritishini ma’lum qildi. Bu haqda CNN nashri xabar bermoqda.

Ta’kidlanishicha, guruhga Venesuela prezidenti Nikolas Maduro va bir qator yuqori martabali amaldorlar rahbarlik qiladi. AQSh Davlat departamenti bayonotiga ko‘ra, «Kartel de los Soles», «Tren de Aragua» va «Sinaloa» kartellari butun qit’a bo‘ylab terroristik harakatlar hamda AQSh va Yevropaga noqonuniy narkotrafik uchun javobgar.

So‘nggi haftalarda AQSh Karib dengizi mintaqasida harbiy ishtirokini kengaytirgan. Kartelning terroristik tashkilot sifatida tan olinishi AQSh kuchlariga Venesueladagi Maduro aktivlariga zarba berish imkonini yaratadi.

Avvalroq Kursiv Uzbekistan Venesuelada harbiy safarbarlik e’lon qilingani haqida xabar bergan...

SpaceX kompaniyasi Oyga tarixiy parvoz bo‘yicha yangi muddatlarni belgiladi. Unga ko‘ra, Starship kosmik kemasining birinchi bepilot qo‘nishi 2027-yil iyun oyiga mo‘ljallanmoqda.

Kompaniya undan keyin odamlar ishtirokidagi missiyani 2028-yil sentabrida amalga oshirishni reja qilgan.

Ammo bu rejalar bitta muhim shartga bog‘liq: orbital yo‘lda kosmik yoqilg‘i quyish texnologiyasining muvaffaqiyati. SpaceX 2026-yil iyun oyida ikki Starship orasida orbital yoqilg‘i uzatishni sinovdan o‘tkazmoqchi.

Bu texnologiya uzoq masofali parvozlar uchun hal qiluvchi ahamiyatga ega – Oyga yo‘lga chiqadigan modifikatsiya kema to‘liq yoqilg‘i bilan jo‘nab, qaytishga ham zaxira ega bo‘lishi kerak.

Texasdagi Starbase yonida yaqinda SpaceX logosi tushirilgan yirik sinov qurilmasi paydo bo‘lgani ham...

Toyota yangi Land Cruiser’ni ishlab chiqmoqda. Bu zamonaviy pikap bo‘lib, orqa o‘rindiqlardagi yo‘lovchilar uchun qulaylik oshirilgan va shahar sharoitida foydalanishga mo‘ljallangan, deya xabar bermoqda BestCarWeb.

Land Cruiser oilasida dastlab uchta asosiy model: universal – Land Cruiser 300, og‘ir terenik – Land Cruiser 70 va yengil terenik – Land Cruiser 250 mavjud bo‘lgan. Barchasi ramkali konstruksiyaga ega edi. Yangi Pickup esa to‘rtinchi asosiy model bo‘lib, ramkaga ega bo‘lmagan tashuvchi korpusga ega. Bu kengroq korpus va katta yukxona yaratishga imkon beradi.

Prototip EPU 2023-yilda Japan Mobility Show’da namoyish etilgan. Avtomobil besh o‘rinli, ikkita o‘rindiq qatori bilan, o‘lchamlari...

Samarqandda Damas va Onix to‘qnashishi oqibatida bir kishi vafot etdi. Bu haqda viloyat YXHB xabar bermoqda.

2025-yil 15-noyabr kuni soat 14:05 larda Samarqand shahar Al-Xorazmiy nomidagi mahallada YTH sodir bo‘ldi. Hodisa Nodirabegim va Cho‘lpon ko‘chalari kesishmasida qayd etildi.

Damas haydovchisi chap tomonga ikkinchi darajali yo‘lga burilish vaqtida qarama-qarshi tomondan kelayotgan Onix avtomobilini o‘tkazib yubormagan. Haydovchi yo‘lga chiqib ketgach, ikki mashina to‘qnashgan.

To‘qnashuv oqibatida Damas avtomobilidagi ikki yo‘lovchi shifoxonaga yotqizilgan. Shunga qaramay, ulardan biri ko‘rsatilgan tibbiy yordamga qaramasdan vafot etgan.

Holat bo‘yicha Samarqand shahar IIO FMB tomonidan jinoyat ishi qo‘zg‘atildi. Dastlabki tergov davom etmoqda.

Eslatib o‘tamiz, Kursiv Uzbekistan nashri O‘zbekistonda...

Huawei kompaniyasi Aito M8 avtomobili 200 kun ichida 120 ming dona sotilganini ma’lum qildi. Model to‘liq elektr va gibrid ko‘rinishda taklif etilmoqda.

Aito M8 5 yoki 6 o‘rinli konfiguratsiyada chiqariladi. Salonida nappa charm, zamsha va yog‘och panellar qo‘llangan. Avtomobil «nol gravitatsiya» kreslolari bilan jihozlanadi, haydovchi o‘rindig‘i esa oyoq tayanchi bilan to‘ldirilgan.

Gibrid versiya 1.5 litrli turbomotor va umumiy quvvati 533 ot kuchiga teng elektr motorlariga ega. Batareya sig‘imi 37 yoki 53,4 kVt/soat bo‘lib, faqat elektrda 201 yoki 310 km (CLTC), umumiy yurish masofasi esa 1405 yoki 1526 km.ni tashkil qiladi.

To‘liq elektr versiya Huawei ishlab chiqqan 308 yoki...

Toshkent shahrida havo ifloslanish darajasi yana yuqori ko‘rsatkichni qayd etdi. Bu haqda Gidrometeorologiya xizmati agentligi xabar berdi.

Toshkent shahrida soat 09:00 dagi avtomatik monitoring stansiyalari ma’lumotiga ko‘ra, PM2.5 zarrachalar miqdori ruxsat etilgan me’yordan sezilarli darajada oshgan.

17-noyabr natijalariga ko‘ra:

Xabarga ko‘ra, havo sifatining bunday keskin yomonlashishiga haroratning o‘zgarishi sabab bo‘lgan. Bu kabi sharoit inversiya jarayonini keltirib chiqarib, mayda zarrachalarning havoda to‘planishiga olib keladi. Shu sababli agentlik aholiga ochiq havoda harakatni kamaytirish, iloji bo‘lsa uyda qolish va tashqariga chiqqanda niqob taqish tavsiya...

OnePlus kompaniyasi ushbu oy oxirida Xitoy bozorida yangi OnePlus Ace 6T smartfonini taqdim etishini rasman tasdiqladi. Bu haqda Gizmochina xabar bermoqda.

Qurilma hali chiqmagan Snapdragon 8 Gen 5 chipi bilan jihozlanadi. Brend ma’lumotiga ko‘ra, model yuqori unumdorlik va uzoq batareya ishlashini taklif etadi. U 165 fps darajadagi o‘yinlarni bemalol ko‘tara oladi.

OnePlus Xitoy prezidenti Li Chje’ning aytishicha, Ace 6T – dunyoda Snapdragon 8 Gen 5 bilan chiqadigan birinchi smartfon bo‘ladi. Chip OnePlus bilan hamkorlikda yaratilgan. Unda 165 Hz o‘yin jarayonini barqaror ushlab turuvchi yangi o‘yin yadro tizimi mavjud.

Yangi chip 3 nm TSMC jarayonida ishlab chiqarilgan Oryon CPU yadrolariga...

AQSh prezidenti Donald Tramp Kongressda tayyorlanayotgan yangi sanksiya qonun loyihasini ma’qullashga tayyorligini bildirdi. Bu haqda «RIA Novosti» nashri ma’lum qildi.

Ushbu hujjat Rossiya bilan savdo aloqalarini davom ettirayotgan davlatlarga nisbatan keskin iqtisodiy choralar qo‘llashni nazarda tutadi.

Tramp jurnalistlar savollariga javob berar ekan, bu tashabbusdan xabardorligini aytib, men uchun maqbul, deya ta’kidladi. Uning so‘zlariga ko‘ra, qonun loyihasi istalgan davlat Rossiya bilan biznes qilsa, unga juda qat’iy sanksiyalar joriy etilishiga imkon beradi. Tramp, shuningdek, bu ro‘yxatga Eronni ham qo‘shish mumkinligini eslatib o‘tdi.

Ushbu tashabbus Senatdagi respublikachilar tomonidan oldinga surilmoqda. Senatdagi ko‘pchilik yetakchisi Jon Tyun oktabr oyida senator Lindsi Grem tomonidan ilgari...

Jahon chempionati saralash bosqichining hal qiluvchi bahsida Norvegiya Italiya terma jamoasini yirik hisobda mag‘lubiyatga uchratib, JCh yo‘llanmasini naqd qildi. Bu haqda FIFA xabar berdi.

O‘yinning 11-daqiqasida Espozito Italiyani oldinga olib chiqdi. Ikkinchi taymda skandinaviyaliklar Hollandning dubli, Nusa va Larsenning gollari bilan javob berdi. Yakuniy hisob 1:4. Italiya guruhda 2-o‘rinni egallab, o‘tish o‘yinlarida ishtirok etadi.

Norvegiya saralashdagi barcha 8 ta o‘yinda ham g‘alaba qozonib, 100 foizlik natija qayd etdi. «Vikinglar» raqiblar darvozasiga 37 ta gol kiritib, o‘z darvozasidan bor yo‘g‘i 5 ta gol o‘tkazib yubordi.

Avvalroq Kursiv Uzbekistan Kabo-Verde ilk marta Jahon chempionatiga yo‘llanma olgani haqida xabar bergan edi.

Tesla asoschisi Ilon Mask odamsimon Optimus robotlari kelajakda qashshoqlikni butkul yo‘q qilishga qodir bo‘lishi haqida fikr bildirdi. Bu haqda X ijtimoiy tarmog‘ida yozib qoldirdi.

Maskning ta’kidlashicha, robotlar keng joriy etilgach jamiyatda har bir inson uchun yuqori daromad va barqaror farovonlik yaratish mumkin bo‘ladi.

Shuningdek, Optimus robotlari global iqtisodiyotga inqilobiy o‘zgarishlar olib kirishini aytdi. Unga ko‘ra, texnologiyaning rivoji ishlab chiqarishdan uy xo‘jaliklarigacha bo‘lgan ko‘plab jarayonlarni avtomatlashtirib, inson mehnatiga bo‘lgan ehtiyojni keskin kamaytiradi.

Optimus loyihasi Tesla tomonidan ishlab chiqilayotgan eng yirik tashabbuslardan biri sanaladi. Birinchi prototip 2022-yil kuzida taqdim etilgan bo‘lsa, 2023-yilda yangilangan Optimus Gen 2 namoyish qilingandi. Mask robotning navbatdagi...

2025-yilning oktabr oyida Xitoyda eng ko‘p sotilgan avtobrend 256 ming dona sotuv bilan BYD bo‘ldi. Volkswagen va Toyota an’anaviy ravishda ikkinchi va uchinchi o‘rinlarni egalladi, deya xabar bermoqda «Китайские автомобили» nashri.

To‘rtinchi o‘rinni tez o‘sayotgan Geely Galaxy subbrendi egalladi. Top – 5’ga Wuling ham kirdi. Top – 10 ga shuningdek Geely, HIMA, Leapmotor, Nissan va Honda kirgan.

Model bo‘yicha eng ko‘p sotilgan avtomobil elektr Wuling Hongguang Mini EV bo‘ldi (61,5 ming dona), ikkinchi o‘rinda Geely Xingyuan (44,2 ming), uchinchi o‘rinda BYD Qin Plus turibdi. Oktabr oyining sensatsiyasi Xiaomi YU7 krossoveri bo‘lib, 33,6 ming dona sotildi va Tesla Model Y’ni...

Hyundai Santa Fe SE 2018 avtomobili egalari ishlab chiqaruvchiga qarshi jamoaviy da’vo kiritdi. Bu haqda Carcoops nashri xabar bermoqda.

Ular mashinaga o‘rnatilgan 3,3 litrli Lambda II GDI V6 dvigateli nuqsonli ekanini aytmoqda. Bu motor ilgari bir nechta Kia modellari bilan bog‘liq muammolar sabab AQSh yo‘l harakati xavfsizligi boshqarmasi tomonidan ham o‘rganilgan.

Da’voni boshlagan Jeyson va Ellison Berns 2019-yilda 17 350 mil yurilgan Santa Feni sotib olgan. Mashina 2024-yil aprelida 79 966 milga yetganda to‘satdan to‘xtagan va quvvatini yo‘qotgan. Tekshiruv natijasida dvigatel blokida teshik paydo bo‘lgani, uning ichida shatun uzilgani aniqlangan.

2024-yilda Hyundai 2014 – 2019-yilgi Santa Fe modellari uchun...

2026-yildan boshlab yakka tartibdagi tadbirkorlarga firma nomidan foydalanish imkoniyati yaratiladi. Bu o‘zgarish tadbirkorlik faoliyatini boshlash va yuritishni sezilarli darajada yengillashtirishni maqsad qilgan yangi prezident farmonida belgilandi.

Farmonga ko‘ra, 2026-yil 1-yanvardan «Biznesni 15 daqiqada boshlash» tamoyili joriy etiladi. Endi tadbirkor davlat ro‘yxatidan o‘tayotganda bir vaqtning o‘zida quyidagi xizmatlardan foydalanishi mumkin bo‘ladi:

Shuningdek, tadbirkor tanlagan xizmatlar uchun yagona QR-kod orqali to‘lov amalga oshirish imkoniyati yaratiladi.

2026-yildan...

Migratsiya agentligi Germaniyaning SBH West GmbH tashkiloti bilan hamkorlikda avtobus va og‘ir yuk avtomobillari haydovchilari uchun keng ko‘lamli ish va malaka oshirish dasturini e’lon qildi. Bu haqda agentlik rasmiy sahifasida ma’lum qildi.

Dastur doirasida 300 nafar nomzod Germaniya bo‘ylab faoliyat yuritadigan transport kompaniyalarida ishga jalb etiladi.

Loyiha 21 – 44 yoshdagi, BC, CE yoki D toifali haydovchilik guvohnomasiga ega, nemis tilini «A2» yoki «B1» darajasida biladigan, sudlanmagan va sog‘lig‘i yaxshi bo‘lgan haydovchilar uchun mo‘ljallangan. Ish haqi oyiga 2200 yevroni tashkil etadi, haydovchilar haftasiga besh kun sakkiz soatlik ish jadvali asosida faoliyat yuritadi.

Dasturning asosiy afzalliklari orasida Germaniyaga ketishdan oldin...

Sibir daryosining ortiqcha suv oqimini O‘zbekiston va Qozog‘istonga yo‘naltirish masalasi yana muhokamalar markazida qayta ko‘tarildi. Bu haqda Rossiya Fanlar akademiyasi Suv muammolari instituti direktori Viktor Danilov-Danilyan ma’lum qildi.

Uning aytishicha, bu tashabbus «Quruqlik suv resurslari» bo‘yicha ilmiy kengashning oktabr oyidagi yig‘ilishida ko‘rib chiqilgan. Loyiha doirasida Rossiya suv xo‘jaligining strategik rivojlanishi, suv tanqisligi va mavjud suv resurslarini qayta taqsimlash imkoniyatlari o‘rganilmoqda.

Mutaxassislar eng istiqbolli yo‘nalish sifatida Sibir daryosining bir qismini Orolbo‘yiga – O‘zbekiston va Qozog‘iston chegarasidagi qurigan Orol dengiziga yo‘naltirishni qayd etmoqda. Shuningdek, Pechora va Severnaya Dvina daryolarining bir qismini Volga havzasi orqali Priazovye hududiga o‘tkazish taklifi ham muhokamada turibdi.

Renault va Nissan o‘zlarining 26 yillik hamkorligini qayta tiklash bo‘yicha muzokaralarni boshladi. Bu haqda Financial Times nashri ma’lum qildi.

Unga ko‘ra, qaror ikki kompaniyada rahbarlar almashgani va Nissan moliyaviy ahvolining yomonlashgani sababli strategik afzalliklarni qayta baholash zarurati bilan bog‘liq.

Yangi rahbar Fransua Prevo alyansni biznesni kengaytirish va raqobatbardoshligini oshirish vositasi sifatida ko‘rib chiqmoqda. Renault alyans doirasida ham, tashqarida ham hamkorlikni kengaytirish, jumladan, Geely bilan qo‘shma loyihalarni amalga oshirishni rejalashtirmoqda.

Shuningdek, kompaniya Hindistondagi qo‘shma korxonani to‘liq nazoratga olish va Fransiyada Twingo elektr avtomobilini ishlab chiqarishni davom ettirishni ko‘zlamoqda. Mitsubishi esa ittifoqning uchinchi ishtirokchisi sifatida qolmoqda.

Eslatib o‘tamiz, avvalroq Yangi...

Tijorat banklari 17-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

Haval kompaniyasi tomonidan 18-noyabr kuni yangi Haval H6L avtomobili taqdim etiladi. Bu haqda Autohome xabar bermoqda.

Model benzinda harakatlanadi va 2,0 litrli turbomotor bilan jihozlanadi. Unga 9 pog‘onali DCT robot uzatmalar qutisi ulanadi.

Yangi H6L ko‘rinishi bo‘yicha Xiaolong MAX krossoveriga juda o‘xshaydi. Mashinaning uzunligi 4800 mm, kengligi 1895 mm, balandligi 1730 mm. G‘ildirak bazasi 2810 mm bo‘lib, bu modelni tarixdagi eng uzun Haval H6ga aylantiradi. H6L hozirgi avlod H6dan 97 mm uzun, g‘ildirak bazasi esa 72 mm kattaroq.

Salonida 14,6 dyuymli mediaekran, proyeksion displey, Coffee OS 3 tizimi, ventilyatsiya va isitish funksiyali old o‘rindiqlar mavjud. Shuningdek, massaj funksiyasi va...

Apple bosh direktori Tim Kuk 2026-yilda kompaniya boshqaruvidan ketishi mumkin. Bu haqda Financial Times ma’lum qildi.

Nashrning ta’kidlashicha, uning o‘rniga asosiy nomzod sifatida apparat ishlab chiqish bo‘yicha katta vitse-prezident Jon Ternus ko‘rilmoqda. Yakuniy qaror hali qabul qilinmagan. Yangi Apple boshlig‘i nomi ehtimoliy yanvar oyidagi moliyaviy hisobotdan so‘ng e’lon qilinadi.

Yil boshida rahbar almashinuvi kelajakdagi CEO’ga korporativ kalendar bo‘yicha ikki muhim bosqich – iyun oyidagi dasturchilar konferensiyasi va sentyabr oyidagi yangi iPhone taqdimotiga tayyorgarlik ko‘rish imkonini beradi.

Apple ichida ham boshqaruv tarkibi yangilanmoqda: moliya direktori Luka Maestri yil boshida, operatsion direktor Jeff Uilyams esa yozda lavozimidan ketdi.

Ma’lumot uchun, Tim...

BMW X5’ning yangi G65 prototipi suratlari oshkor bo‘ldi. Bu haqda Carscoops ma’lum qildi.

Avvalgi test modellardan farqi – seriyali old va orqa faralar, ular krossoverning ko‘rinishini aniqroq ko‘rsatadi. Old faralar iX3’ga o‘xshash, orqa faralar esa yangi yorug‘lik naqshini olgan.

BMW rahbari Oliver Tsipse ma’lum qilganidek, yangi X5 kelasi yilda taqdim etiladi. Model besh turdagi dvigatel variantlarini oladi: benzinli, dizel, ulanadigan gidrid, to‘liq elektr va vodorodli (2028-yildan bozorga chiqadi). 2027-yilga qadar BMW X5 M va Alpina B7 versiyalari ham rejalashtirilgan. Krossover yangilangan CLAR platformasida ishlab chiqariladi.

Ichki dizayn ham yangilanadi: Panoramik iDrive displey butun panel bo‘ylab cho‘zilib, uch hududga bo‘lingan...

Samarqand viloyati Kattaqo‘rg‘on tumanida noqonuniy oltin savdosi bilan shug‘ullanayotgan shaxslar qo‘lga olindi. Bu haqda DXX matbuot xizmati ma’lum qildi.

Navoiy va Samarqand viloyatlarida yashovchi 1982, 1984 va 1996-yillarda tug‘ilgan uch nafar fuqaro 472 grammli, 994 asillikdagi oltin quymalarni 737 mln so‘mga sotishga kelishib, xaridordan 500 mln so‘m olayotganida ushlandi. Oltinning umumiy qiymati 740,4 mln so‘m deb baholangan.

Ushbu shaxslarga Jinoyat kodeksining 177-moddasi 4-qismi «a» bandi bilan jinoyat ishi qo‘zg‘atildi. Ma’lum bo‘lishicha, gumondorlardan ikki nafari avval ham sudlangan bo‘lib, ulardan biri hozirda axloq tuzatish ishlari jazoni o‘tash jarayonida bo‘lgan.

Eslatib o‘tamiz, avvalroq hududlarda qo‘lbola tayyorlangan alkogol mahsulotlari savdosiga chek...

17-noyabr kuni O‘zbekistonning barcha hududlarida havo o‘zgaruvchan bo‘ladi, yog‘ingarchilik kutilmaydi, shamol asosan sharqdan esadi va kechasi harorat 2–10° iliq, kunduzi 12–24° iliq atrofida bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida: